4.5. Identifikatur assenjat mill-Qorti tal-Ġustizzja tal-Unjoni Ewropea
Identifikatur Ewropew tal-ġurisprudenza (ECLI)
L-identifikatur Ewropew tal-ġurisprudenza (European case-law identifier — ECLI) ġie żviluppat biex jiffaċilita ċ-ċitazzjoni korretta u inekwivoka tad-deċiżjonijiet mill-Qrati Ewropej u nazzjonali. Kien introdott progressivament mill-Qorti tal-Ġustizzja tal-Unjoni Ewropea fl-2014.
Il-Qorti tal-Ġustizzja tal-Unjoni Ewropea assenjat ECLI għad-deċiżjonijiet kollha ppreżentati mill-Qrati tal-Unjoni Ewropea sa mill-1954 (sentenzi, ordnijiet, opinjoni tal-Qorti, deċiżjonijiet (proċedura ta’ eżami mill-ġdid)), għall-konklużjonijiet u l-opinjonijiet tal-Avukati Ġenerali u għall-informazzjoni dwar dawn id-deċiżjonijiet (sommarji u eżami mill-ġdid, informazzjoni dwar deċiżjonijiet mhux ippubblikati).
L-ECLI huwa kompost minn ħames elementi mandatorji, f’karattri alfanumeriċi Latini biss, separati biż-żewġ punti, kif muri hawn taħt:
ECLI:EU:C:2006:710
Il-Konklużjonijiet tal-Kunsill li jitolbu għall-introduzzjoni tal-identifikatur Ewropew tal-ġurisprudenza (ECLI) u sett uniformi minimu ta’ metadata għall-ġurisprudenza (ĠU C 127, 29.4.2011, p. 1).
Il-Qorti tal-Ġustizzja tal-Unjoni Ewropea, metodu ta’ ċitazzjoni tal-ġurisprudenza:
https://curia.europa.eu/jcms/jcms/P_126035/mt
Portal Ewropew tal-Ġustizzja Elettronika:
https://e-justice.europa.eu/content_european_case_law_identifier_ecli-175-mt.do
Regoli għaċ-ċitazzjoni tal-ġurisprudenza:
ara t-taqsima 5.9.3.