Oifig na bhFoilseachán — An Treoir Stíle Idirinstitiúideach — Cuid a dó — 5.3. Cúl an leathanaigh theidil — 5.3.1. Sonraí ar chúl an leathanaigh theidil

5.3. Cúl an leathanaigh theidil

5.3.1. Sonraí ar chúl an leathanaigh theidil

Bíonn na sonraí seo a leanas san ord a leanas ar chúl an leathanaigh theidil:

—

I bhfoilseachán arna chlóbhualadh, na focail “Printed by [clódóir] in [tír]” (i mBéarla agus i gcló iodálach) agus nuair is ábhartha éicilipéad/éicilipéid agus/nó nóta maidir leis an táirge páipéir arna chlóbhualadh (féach Pointe 5.3.2),

—

más infheidhme, na focail “Arna chríochnú [Mí] [Bliain]”,

—

más infheidhme, na focail “Eagrán athbhreithnithe”, “Eagrán ceartaithe” nó “An nú heagrán”,

—

más infheidhme, aon séanadh a d’fhéadfadh a bheith ann i leith fhreagracht na hinstitiúide (féach Pointe 5.4.3),

—

áit a bhfuil an foilsitheoir lonnaithe (i gcomhréir leis an gconradh, is ionann sin agus ceanncheathrú Oifig na bhFoilseachán), ainm an fhoilsitheora iarbhír agus bliain fhoilsithe an tsaothair (de bhun Chinneadh 2009/496/CE, Euratom an 26 Meitheamh 2009, is í Oifig Foilseachán an Aontais Eorpaigh an foilsitheoir),

—

an cóipcheart (agus aon chuntar nó údarú maidir le hatáirgeadh a d’fhéadfadh a bheith ann) (féach freisin Pointe 5.4.1 agus Pointe 5.4.2),

—

an cóipcheart maidir leis na léaráidí mura bhfuil sé sin luaite go díreach rompu nuair is ábhartha (féach Pointe 5.4.4),

—

na haitheantóirí (ISBN, DOI, etc.) (féach freisin Pointe 4.4).

NB:

Is i ndiaidh ainm an fhoilsitheora iarbhír a chuirtear bliain a fhoilsithe ar mhaithe le hidirdhealú soiléir a dhéanamh idir í agus bliain an chóipchirt (féach Pointe 5.4.1(c)).

Cúl an leathanaigh theidil

1. Eolas faoin táirge páipéir arna chlóbhualadh

2. Eolas faoin iarscríbhinn/eagrán

3. Séanadh breise na n-údarsheirbhísí

4. Lonnú an fhoilsitheora, bliain a fhoilsithe, an t-eagarthóir

5. Cóipcheart

6. Aitheantóirí