|
Tábla. Gníomhaireachtaí Creidmheasa Onnmhairiúcháin (GCO) an Aontais Eorpaigh a bhí gníomhach in 2022
|
|
Tír
|
Ainm agus stádas GCO
|
|
an Ostair
|
Oesterreichische Kontrollbank AG (OeKB), feidhmíonn sé mar GCO thar ceann Phoblacht na hOstaire agus do chuntas Phoblacht na hOstaire laistigh den Acht um Ráthaíochtaí Onnmhairiúcháin.
|
|
an Bheilg
|
Credendo, arb é GCO na Beilge, is institiúid airgeadais phoiblí uathrialaitheach é a bhfuil pearsantacht dhlítheanach aici atá ráthaithe ag Stát na Beilge.
|
|
an Chróit
|
Banc Athfhoirgníochta agus Forbartha na Cróite (HBOR), feidhmíonn sé mar GCO náisiúnta agus cuireann sé árachas creidmheasa onnmhairiúcháin ar fáil do chuntas Phoblacht na Cróite agus thar ceann Phoblacht na Cróite.
|
|
Poblacht na Seice
|
Corparáid Ráthaíochta agus Árachais Onnmhairiúcháin (EGAP), cuideachta speisialaithe árachais creidmheasa faoi úinéireacht stáit, agus Banc Onnmhairiúcháin na Seice (BCE), banc speisialaithe ar cuideachta comhstoic de chuid stát na Seice é, gníomhaíonn siad mar GCOnna agus cuireann siad cláir éagsúla ar fáil (táirgí baincéireachta agus árachais).
|
|
an Danmhairg
|
In 2022 ba é Eksport Kredit Fonden (EKF) GCO na Danmhairge, agus ba chuideachta phoiblí neamhspleách é a bhí faoi úinéireacht agus faoi ráthaíocht Stát na Danmhairge. (Ón 1 Eanáir 2023, rinneadh EKF a chumasc le cistí stáit eile de chuid na Danmhairge chun Ciste Onnmhairiúcháin agus Infheistíochta na Danmhairge (EIFO) a chruthú.)
|
|
an Eastóin
|
Aktsiaselts Krediidikindlustus, is cuideachta árachais é a ghníomhaíonn mar GCO thar ceann Phoblacht na hEastóine agus do chuntas Phoblacht na hEastóine mar ghníomhaire di ar bhonn an Achta um Ráthaíochtaí Onnmhairiúcháin Stáit.
|
|
an Fhionlainn
|
Finnvera Plc, is é an GCO náisiúnta é agus is cuideachta speisialaithe maoinithe faoi úinéireacht Stát na Fionlainne é.
|
|
an Fhrainc
|
Bpifrance Assurance Export (Bpifrance SA), is brainse de bhanc infheistíochta poiblí é agus bainistíonn sé ráthaíochtaí Stáit in ainm Stát na Fraince, thar a ceann agus faoina rialú.
Natixis, cuideachta phríobháideach, déanann sé scéimeanna maidir le comhionannú úis a bhainistiú thar ceann Stát na Fraince, faoi chuimsiú dlí agus comhaontú idir Stát na Fraince agus Natixis.
|
|
an Ghearmáin
|
Is ar an Rialtas Cónaidhme atá an fhreagracht bhuiséadach as scéim ráthaíochta creidmheasa onnmhairiúcháin na Gearmáine. Is é Euler Hermes Aktiengesellschaft (cuideachta árachais) a bhainistíonn é thar ceann Phoblacht Chónaidhme na Gearmáine, faoi shainordú an Rialtais Chónaidhme.
|
|
an Ungáir
|
Hungarian Export‑Import Bank Plc. (Eximbank), is banc speisialaithe faoi úinéireacht stáit é. Hungarian Export Credit Insurance Plc. (MEHIB), is sainchuideachta árachais creidmheasa faoi úinéireacht stáit é. Feidhmíonn an banc agus an t‑árachóir laistigh de chreat comhtháite agus gníomhaíonn siad mar GCO trí chláir chomhlántacha.
|
|
an Iodáil
|
SACE, cuideachta comhstoic faoi úinéireacht stáit (faoi úinéireacht 100 % ag Cassa Depositi e Prestiti), agus SIMEST, cuideachta comhstoic arna rialú ag Cassa Depositi e Prestiti trí SACE, feidhmíonn an dá chuideachta sin mar GCOnna. Faoi chláir creidmheasa onnmhairiúcháin a fhaigheann tacaíocht oifigiúil, soláthraíonn SACE ráthaíochtaí agus árachais den chuid is mó agus soláthraíonn SIMEST creidmheasanna ceannaitheoirí agus soláthróirí den chuid is mó. Cuireann siad réimse táirgí creidmheasa nach táirgí creidmheasa onnmhairiúcháin iad ar fáil freisin.
|
|
Lucsamburg
|
Is í an Office du Ducroire (ODL) GCO Lucsamburg, institiúid phoiblí a oibríonn le ráthaíocht an Stáit.
|
|
an Ísiltír
|
Atradius Dutch State Business, is GCO rialtas na hÍsiltíre é. Déanann sé comhaontuithe agus ráthaíochtaí maidir le hárachas creidmheasanna onnmhairiúcháin atá tugtha i gcrích/eisithe ag an Aire Airgeadais, agus é ag déanamh ionadaíocht ar Stát na hÍsiltíre.
|
|
an Pholainn
|
Is cuideachta comhstoic é KUKE a bhfuil scair cheannasach Státchiste an Stáit aici. Tugadh sainordú do KUKE le Gníomh an 7 Iúil 1994 chun an scéim um chumhdach foirfe na gcreidmheasanna onnmhairiúcháin a riar.
|
|
an Phortaingéil
|
Is cuideachta phríobháideach árachais é COSEC (Companhia de Seguro de Créditosis) atá ag gníomhú thar ceann Stát na Portaingéile, i gcomhar le hArd‑Stiúrthóireacht an Státchiste agus an Airgeadais, mar GCO.
Is banc náisiúnta le haghaidh spreagadh atá faoi úinéireacht an stáit é BPF (Banco Português de Fomento), banc atá ag gníomhú thar ceann an Stáit agus dá chuntas le haghaidh cláir creidmheasa onnmhairiúcháin shonracha ó bhí 2022 ann.
|
|
an Rómáin
|
Banca de Export‑Import a Romaniei – Eximbank SA (EximBank), an GCO náisiúnta, is cuideachta comhstoic é agus is é Stát na Rómáine an príomh‑scairshealbhóir atá aige.
|
|
an tSlóivéin
|
SID Bank Inc., is é sin an institiúid atá údaraithe ag an stát le seirbhísí GCO a chur i gcrích. Feidhmíonn sé thar ceann Phoblacht na Slóivéine agus dá cuntas mar ghníomhaire di.
|
|
Poblacht na Slóvaice
|
Eximbanka SR, is é GCO oifigiúil Phoblacht na Slóvaice é, eintiteas dlíthiúil a bunaíodh faoi Ghníomh speisialta.
|
|
an Spáinn
|
Compañía Española de Seguros de Crédito a la Exportación (CESCE), is cuideachta caipitil mheasctha é ar leis an Stát scairsheilbh thromlaigh di. Oibríonn sí faoi shainordú le hÁrachas Creidmheasa Onnmhairiúcháin a bhainistiú thar ceann Stát na Spáinne. Instituto de Crédito Oficial (ICO), tá baint aige le socrú airgeadais na n‑idirbheart thar ceann an Chiste um Idirnáisiúnú Gnólachtaí maidir le maoiniú díreach agus scéimeanna um chomhionannú úis, atá faoi chúram na hAireachta Tionscail, Trádála agus Turasóireachta.
|
|
an tSualainn
|
Tá sainorduithe comhchosúla ag Bord Ráthaíochta Creidmheasanna Onnmhairiúcháin na Sualainne (EKN) agus ag Corparáid Creidmheasa Onnmhairiúcháin na Sualainne (SEK) ach tá siad éagsúil ó thaobh struchtúir eagrúcháin de agus ó thaobh na seirbhísí a thairgtear. Árachaíonn EKN an riosca creidmheasa agus cuireann SEK athmhaoiniú ar fáil. Is gníomhaireacht rialtais é EKN. Is corparáid atá faoi úinéireacht iomlán an stáit é SEK.
|