|
1.7.2022 |
GA |
Iris Oifigiúil an Aontais Eorpaigh |
L 176/26 |
CINNEADH CUR CHUN FEIDHME (AE) 2022/1094 ÓN gCOIMISIÚN
an 29 Meitheamh 2022
lena n-údaraítear táirgí ina bhfuil, arb é atá iontu nó a tháirgtear as arbhar Indiach géinmhodhnaithe DP4114 × MON 810 × MIR604 × NK603 agus arbhar Indiach géinmhodhnaithe a dhéanann dhá cheann nó trí de na teagmhais aonair DP4114, MON 810, MIR604 agus NK603 a chumasc, de bhun Rialachán (CE) Uimh. 1829/2003 ó Pharlaimint na hEorpa agus ón gComhairle
(a bhfuil fógra tugtha ina leith faoi dhoiciméad C(2022)4333)
(Is é an téacs san Ollainnis amháin atá barántúil)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1829/2003 ó Pharlaimint na hEorpa agus ón gComhairle an 22 Meán Fómhair 2003 maidir le bia géinmhodhnaithe agus beatha ghéinmhodhnaithe (1), agus go háirithe Airteagal 7(3) agus Airteagal 19(3) de,
De bharr an mhéid seo a leanas:
|
(1) |
An 2 Bealtaine 2018, rinne Pioneer Overseas Corporation, atá lonnaithe sa Bheilg, iarratas a chur isteach, thar ceann Pioneer Hi-Bred International, Inc., atá lonnaithe sna Stáit Aontaithe, chuig údarás inniúil náisiúnta na hÍsiltíre (“an t-iarratas”) maidir le bianna, comhábhair bhia agus beatha ina bhfuil, arb é atá iontu nó a tháirgtear as arbhar Indiach géinmhodhnaithe DP4114 × MON 810 × MIR604 × NK603 a chur ar an margadh, i gcomhréir le hAirteagail 5 agus 17 de Rialachán (CE) Uimh. 1829/2003. Cumhdaíodh san iarratas freisin táirgí ina bhfuil nó arb é atá iontu arbhar Indiach géinmhodhnaithe DP4114 × MON 810 × MIR604 × NK603 a chur ar an margadh le haghaidh úsáidí seachas bia agus beatha, cé is moite de shaothrú. Ina theannta sin, cumhdaíodh san iarratas táirgí a chur ar an margadh, ar táirgí iad ina bhfuil, arb é atá iontu, nó a tháirgtear as 10 bhfo-chumasc de na teagmhais claochlaithe aonair arb é atá iontu arbhar Indiach géinmhodhnaithe DP4114 × MON 810 × MIR604 × NK603. Tá an fo-chumasc MON 810 × NK603, údaraithe cheana féin le Cinneadh Cur Chun Feidhme (AE) 2018/2045 ón gCoimisiún (2). |
|
(2) |
Leis an gCinneadh seo cumhdaítear arbhar Indiach géinmhodhnaithe DP4114 × MON 810 × MIR604 × NK603 agus na 9 bhfo-chomhcheangal atá fágtha san iarratas: MIR604 × NK603 × DP4114, MON 810 × NK603 × DP4114, MON 810 × MIR604 × DP4114, MON 810 × MIR604 × NK603, NK603 × DP4114, MIR604 × DP4114, MIR604 × NK603, MON 810 × DP4114 agus MON 810 × MIR604. |
|
(3) |
I gcomhréir le hAirteagal 5(5) agus Airteagal 17(5) de Rialachán (CE) Uimh. 1829/2003, áiríodh san iarratas faisnéis agus conclúidí maidir leis an measúnú riosca arna dhéanamh i gcomhréir leis na prionsabail a leagtar amach in Iarscríbhinn II a ghabhann le Treoir 2001/18/CE ó Pharlaimint na hEorpa agus ón gComhairle (3). Áiríodh ann freisin an fhaisnéis a cheanglaítear de bhun Iarscríbhinní III agus IV a ghabhann leis an Treoir sin mar aon le plean faireacháin maidir le héifeachtaí ar an gcomhshaol i gcomhréir le hIarscríbhinn VII a ghabhann leis an Treoir sin. |
|
(4) |
Le litir dár dáta an 24 Eanáir 2022, d’iarr Pioneer Hi-Bred International, Inc. go ndéanfadh an Coimisiún cearta agus oibleagáidí Pioneer Hi-Bred International, Inc. a bhaineann leis na hiarratais uile atá ar feitheamh maidir le táirgí géinmhodhnaithe, a aistriú chuig Corteva Agriscience LLC. Dheimhnigh Corteva Agriscience LLC go gcomhaontaíonn sé leis an athrú shealbhóir an údaraithe a mhol Pioneer Hi-Bred International, Inc agus chuir sé in iúl don Choimisiún gurb é Corteva Agriscience Belgium B.V ionadaí an tsealbhóra san Aontas. |
|
(5) |
An 7 Márta 2022, d’eisigh an tÚdarás Eorpach um Shábháilteacht Bia (“an tÚdarás”) tuairim eolaíoch fhabhrach (4) i gcomhréir le hAirteagail 6 agus 18 de Rialachán (CE) Uimh. 1829/2003. Tháinig an tÚdarás ar an gconclúid maidir le harbhar Indiach géinmhodhnaithe DP4114 × MON 810 × MIR604 × NK603, mar a thuairiscítear san iarratas, go bhfuil sé chomh sábháilte céanna lena comparáidí nach bhfuil modhnaithe go géiniteach agus leis na cineálacha tagartha arbhair Indiaigh nach bhfuil modhnaithe go géiniteach a ndearnadh tástáil orthu a mhéid a bhaineann leis na héifeachtaí a d’fhéadfadh a bheith ar shláinte an duine, ar shláinte ainmhithe agus ar an gcomhshaol. Tháinig an tÚdarás ar an gconclúid freisin nach ábhar imní cothaithe atá in arbhar Indiach géinmhodhnaithe DP4114 × MON 810 × MIR604 × NK603 a chaitheamh. Níor sainaithníodh aon ábhar imní nua maidir le sábháilteacht an fho-chumaisc a ndearnadh measúnú air roimhe seo agus, dá bhrí sin, tá na conclúidí a bhí ann roimhe seo maidir le arbhar Indiach géinmhodhnaithe MON 810 × NK603 fós bailí. Tháinig an tÚdarás ar an gconclúid go bhfuiltear ag súil go mbeidh na 9 bhfo-chumasc eile chomh sábháilte agus coibhéiseach ó thaobh cothaitheacha de leis na teagmhais claochlaithe aonair DP4114, MON 810, MIR604 agus NK603, leis an bhfo-chumasc a ndearnadh measúnú air roimhe seo agus le cruach an arbhair Indiaigh de cheithre theagmhas DP4114 × MON 810 × MIR604 × NK603. |
|
(6) |
Ina thuairim uaidh, rinne an tÚdarás breithniú ar gach ceist agus ábhar imní a tharraing na Ballstáit anuas i gcomhthéacs an chomhairliúcháin leis na húdaráis inniúla náisiúnta dá bhforáiltear in Airteagal 6(4) agus Airteagal 18(4) de Rialachán (CE) Uimh. 1829/2003. |
|
(7) |
Tháinig an tÚdarás ar an gconclúid freisin i dtaca leis an bplean faireacháin maidir leis na héifeachtaí ar an gcomhshaol, arna chur isteach ag an iarratasóir, ina bhfuil plean ginearálta faireachais, go bhfuil an plean sin i gcomhréir leis na húsáidí atá beartaithe le haghaidh na dtáirgí. |
|
(8) |
Agus na conclúidí sin á gcur san áireamh, maidir le táirgí ina bhfuil, arb é atá iontu nó a thairgtear as arbhar Indiach géinmhodhnaithe DP4114 × MON 810 × MIR604 × NK603 agus na fo-chumaisc dá dtagraítear thuas, ba cheart údarás a thabhairt chun iad a chur ar an margadh le haghaidh na n-úsáidí a liostaítear san iarratas. |
|
(9) |
Ba cheart aitheantóir uathúil a shannadh do gach orgánach géinmhodhnaithe a chumhdaítear leis an gCinneadh seo, i gcomhréir le Rialachán (CE) Uimh. 65/2004 ón gCoimisiún (5). |
|
(10) |
Maidir leis na táirgí a chumhdaítear leis an gCinneadh seo, dhealródh sé nach gá aon cheanglas lipéadaithe sonrach, seachas iad siúd dá bhforáiltear in Airteagal 13(1) agus Airteagal 25(2) de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003 ó Pharlaimint na hEorpa agus ón gComhairle (6). D’fhonn a áirithiú, áfach, go bhfanfaidh úsáid na dtáirgí sin laistigh de theorainneacha an údaraithe a dheonaítear leis an gCinneadh seo, ba cheart léiriú soiléir a bheith ar lipéadú na dtáirgí sin, cé is moite de tháirgí bia, léiriú a shoiléiríonn nach bhfuil siad ceaptha lena saothrú. |
|
(11) |
Ba cheart do shealbhóir an údaraithe tuarascálacha bliantúla a chur isteach maidir le cur chun feidhme agus torthaí na ngníomhaíochtaí a leagtar amach sa phlean faireacháin le haghaidh éifeachtaí comhshaoil. Ba cheart na torthaí sin a chur i láthair i gcomhréir leis na ceanglais a leagtar síos i gCinneadh 2009/770/CE ón gCoimisiún (7). |
|
(12) |
Ní thugann tuairim an Údaráis údar le coinníollacha sonracha nó srianta sonracha a fhorchur maidir le cur ar an margadh, maidir le húsáid agus láimhseáil, lena n-áirítear ceanglais faireacháin iarmhargaidh i ndáil le bia agus beatha a chaitheamh ina bhfuil, arb é atá iontu nó a tháirgtear as arbhar Indiach géinmhodhnaithe DP4114 × MON 810 × MIR604 × NK603 agus a fho-chumaisc dá dtagraítear thuas, nó maidir le héiceachórais/comhshaoil nó limistéir gheografacha ar leith a chosaint, dá bhforáiltear in Airteagal 6(5)(e) agus Airteagal 18(5)(e) de Rialachán (CE) Uimh. 1829/2003. |
|
(13) |
Gach faisnéis ábhartha maidir le húdarú na dtáirgí a chumhdaítear leis an gCinneadh seo ba cheart í a chur isteach i gclár an Chomhphobail de bhia géinmhodhnaithe agus de bheatha ghéinmhodhnaithe, dá dtagraítear in Airteagal 28(1) de Rialachán (CE) Uimh. 1829/2003. |
|
(14) |
Cuirfear an Cinneadh seo in iúl trí Theach Imréitigh na Bithshábháilteachta do Pháirtithe Phrótacal Cartagena maidir leis an mBithshábháilteacht don Choinbhinsiún maidir leis an Éagsúlacht Bhitheolaíoch, de bhun Airteagal 9(1) agus Airteagal 15(2)(c) de Rialachán (CE) Uimh. 1946/2003 ó Pharlaimint na hEorpa agus ón gComhairle (8). |
|
(15) |
Níor thug an Buanchoiste um Plandaí, Ainmhithe, Bia agus Beatha tuairim uaidh laistigh den teorainn ama a leag Cathaoirleach an Choiste síos. Measadh an gníomh cur chun feidhme seo a bheith riachtanach agus chuir an Cathaoirleach faoi bhráid an choiste achomhairc é le go ndéanfar tuilleadh plé ina leith. Níor thug an coiste achomhairc tuairim uaidh, |
TAR ÉIS AN CINNEADH SEO A GHLACADH:
Airteagal 1
Orgánaigh ghéinmhodhnaithe agus aitheantóirí uathúla
I gcomhréir le Rialachán (CE) Uimh. 65/2004, sanntar na haitheantóirí uathúla seo a leanas d’arbhar Indiach géinmhodhnaithe (Zea mays L.), mar atá sonraithe i bpointe (b) den Iarscríbhinn a ghabhann leis an gCinneadh seo:
|
(a) |
an t-aitheantóir uathúil DP-ØØ4114-3 × MON-ØØ81Ø-6 × SYN-IR6Ø4-5 × MON-ØØ6Ø3-6 le haghaidh arbhar Indiach géinmhodhnaithe DP4114 × MON 810 × MIR604 × NK603; |
|
(b) |
an t-aitheantóir uathúil SYN-IR6Ø4-5 × MON-ØØ6Ø3-6 × DP-ØØ4114-3 le haghaidh arbhar Indiach géinmhodhnaithe MIR604 × NK603 × DP4114; |
|
(c) |
an t-aitheantóir uathúil - MON-ØØ81Ø-6× MON-ØØ6Ø3-6 × DP-ØØ4114-3 le haghaidh arbhar Indiach géinmhodhnaithe MON 810 × NK603 × DP4114; |
|
(d) |
an t-aitheantóir uathúil MON-ØØ81Ø-6 × SYN-IR6Ø4-5 × DP-ØØ4114-3 le haghaidh arbhar Indiach géinmhodhnaithe MON 810 × MIR604 × DP4114; |
|
(e) |
an t-aitheantóir uathúil MON-ØØ81Ø-6 × SYN-IR6Ø4-5 × MON-ØØ6Ø3-6 le haghaidh arbhar Indiach géinmhodhnaithe MON 810 × MIR604 × NK603; |
|
(f) |
an t-aitheantóir uathúil MON-ØØ6Ø3-6 × DP-ØØ4114-3 le haghaidh arbhar Indiach géinmhodhnaithe NK603 × DP4114; |
|
(g) |
an t-aitheantóir uathúil SYN-IR6Ø4-5 × DP-ØØ4114-3 le haghaidh arbhar Indiach géinmhodhnaithe MIR604 × DP4114; |
|
(h) |
an t-aitheantóir uathúil SYN-IR6Ø4-5 × MON-ØØ6Ø3-6 le haghaidh arbhar Indiach géinmhodhnaithe MIR604 × NK603; |
|
(i) |
an t-aitheantóir uathúil MON-ØØ81Ø-6 × DP-ØØ4114-3 le haghaidh arbhar Indiach géinmhodhnaithe MON 810 × DP4114; |
|
(j) |
an t-aitheantóir uathúil MON-ØØ81Ø-6 × SYN-IR6Ø4-5 le haghaidh arbhar Indiach géinmhodhnaithe MON 810 × MIR604. |
Airteagal 2
Údarú
Údaraítear na táirgí seo a leanas chun críocha Airteagal 4(2) agus Airteagal 16(2) de Rialachán (CE) Uimh. 1829/2003, i gcomhréir leis na coinníollacha a leagtar amach sa Chinneadh seo:
|
(a) |
bianna agus comhábhair bhia ina bhfuil, arb é atá iontu nó a tháirgtear as arbhar Indiach géinmhodhnaithe dá dtagraítear in Airteagal 1; |
|
(b) |
beatha ina bhfuil, arb é atá inti nó a tháirgtear as arbhar Indiach géinmhodhnaithe dá dtagraítear in Airteagal 1; |
|
(c) |
táirgí ina bhfuil nó arb é atá iontu arbhar Indiach géinmhodhnaithe dá dtagraítear in Airteagal 1 le haghaidh úsáidí seachas iad siúd dá bhforáiltear i bpointí (a) agus (b), cé is moite de shaothrú. |
Airteagal 3
Lipéadú
1. Chun críocha na gceanglas maidir le lipéadú a leagtar síos in Airteagal 13(1) agus in Airteagal 25(2) de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003, is é “an t-arbhar Indiach” a bheidh mar “ainm an orgánaigh”.
2. Beidh na focail “níltear le saothrú” ar an lipéad agus sna doiciméid a ghabhann leis na táirgí ina bhfuil nó arb é atá iontu arbhar Indiach géinmhodhnaithe dá dtagraítear in Airteagal 1, cé is moite de tháirgí dá dtagraítear in Airteagal 2, pointe (a).
Airteagal 4
Modh braite
Beidh feidhm ag an modh a leagtar amach i bpointe (d) den Iarscríbhinn maidir le harbhar Indiach géinmhodhnaithe dá dtagraítear in Airteagal 1 a bhrath.
Airteagal 5
Faireachán ar éifeachtaí ar an gcomhshaol
1. Áiritheoidh sealbhóir an údaraithe go ndéanfar an plean faireacháin maidir le héifeachtaí ar an gcomhshaol, mar a leagtar amach i bpointe (h) den Iarscríbhinn, a chur ar bun agus a chur chun feidhme.
2. Cuirfidh sealbhóir an údaraithe tuarascálacha bliantúla faoi bhráid an Choimisiúin maidir le cur chun feidhme agus torthaí na ngníomhaíochtaí a leagtar amach sa phlean faireacháin i gcomhréir leis an bhformáid a leagtar amach i gCinneadh 2009/770/CE.
Airteagal 6
An clár Comhphobail
An fhaisnéis a leagtar amach san Iarscríbhinn cuirfear isteach í sa chlár Comhphobail de bhia géinmhodhnaithe agus de bheatha ghéinmhodhnaithe, dá dtagraítear in Airteagal 28(1) de Rialachán (CE) Uimh. 1829/2003.
Airteagal 7
Sealbhóir an údaraithe
Is é Corteva Agriscience LLC, arna ionadú san Aontas ag Corteva Agriscience Belgium B.V, a bheidh i sealbhóir an údaraithe.
Airteagal 8
Bailíocht
Beidh feidhm ag an gCinneadh seo ar feadh tréimhse 10 mbliana ón dáta a thabharfar fógra ina leith.
Airteagal 9
Seolaí
Dírítear an Cinneadh seo chuig Corteva Agriscience LLC, 9330 Zionsville Road Indianapolis, Indiana, 46268-1054, Stáit Aontaithe Mheiriceá, arna n-ionadú san Aontas ag Corteva Agriscience Belgium B.V., Bedrijvenlaan 9, 2800 Mechelen, an Bheilg.
Arna dhéanamh sa Bhruiséil, 29 Meitheamh 2022.
Thar ceann an Choimisiúin
Stella KYRIAKIDES
Comhalta den Choimisiún
(1) IO L 268, 18.10.2003, lch. 1.
(2) Cinneadh Cur Chun Feidhme (AE) 2018/2045 ón gCoimisiún an 19 Nollaig 2018 lena ndéantar athnuachan ar an údarú maidir le táirgí ina bhfuil, arb é atá iontu, nó a tháirgtear as arbhar Indiach géinmhodhnaithe NK603 × MON 810 (MON-ØØ6Ø3-6 × MON-ØØ81Ø-6) a chur ar an margadh, de bhun Rialachán (CE) Uimh. 1829/2003 ó Pharlaimint na hEorpa agus ón gComhairle (IO L 327, 21.12.2018, lch. 65).
(3) Treoir 2001/18/CE ó Pharlaimint na hEorpa agus ón gComhairle an 12 Márta 2001 maidir le scaoileadh réamhbheartaithe orgánach géinmhodhnaithe amach sa chomhshaol agus lena n-aisghairtear Treoir 90/220/CEE ón gComhairle (IO L 106, 17.4.2001, lch. 1).
(4) Painéal OGM EFSA (Painéal EFSA um Orgánaigh Ghéinmhodhnaithe), 2022. Tuairim Eolaíoch maidir leis an measúnú ar arbhar Indiach géinmhodhnaithe DP4114 × MON 810 × MIR604 × NK603 agus a fho-chumaisc, le haghaidh úsáidí bia agus beatha, faoi Rialachán (CE) Uimh. 1829/2003 (iarratas EFSA-GMO-NL-2018-150). EFSA Journal [Iris EFSA] 2022; 20(3):7134. https://doi.org/10.2903/j.efsa.2022.7134.
(5) Rialachán (CE) Uimh. 65/2004 ón gCoimisiún an 14 Eanáir 2004 lena mbunaítear córas chun aitheantóirí uathúla d’orgánaigh ghéinmhodhnaithe a fhorbairt agus a shannadh (IO L 10, 16.1.2004, lch. 5).
(6) Rialachán (CE) Uimh. 1830/2003 ó Pharlaimint na hEorpa agus ón gComhairle an 22 Meán Fómhair 2003 maidir le hinrianaitheacht agus lipéadú orgánach géinmhodhnaithe agus inrianaitheacht táirgí bia agus beatha a tháirgtear ó orgánaigh ghéinmhodhnaithe agus lena leasaítear Treoir 2001/18/CE (IO L 268, 18.10.2003, lch. 24).
(7) Cinneadh 2009/770/CE ón gCoimisiún an 13 Deireadh Fómhair 2009 lena mbunaítear formáidí caighdeánacha tuairiscithe chun na torthaí faireacháin ar scaoileadh réamhbheartaithe orgánach géinmhodhnaithe amach sa chomhshaol, i bhfoirm táirgí nó i dtáirgí, a thíolacadh d’fhonn iad a chur ar an margadh, de bhun Threoir 2001/18/CE ó Pharlaimint na hEorpa agus ón gComhairle (IO L 275, 21.10.2009, lch. 9).
(8) Rialachán (CE) Uimh. 1946/2003 ó Pharlaimint na hEorpa agus ón gComhairle an 15 Iúil 2003 maidir le gluaiseachtaí trasteorann d’orgánaigh ghéinmhodhnaithe (IO L 287, 5.11.2003, lch. 1).
IARSCRÍBHINN
(a) An t-iarratasóir agus sealbhóir an údaraithe:
|
Ainm |
: |
Corteva Agriscience LLC |
|
Seoladh |
: |
9330 Zionsville Road Indianapolis, Indiana 46268-1054, Stáit Aontaithe Mheiriceá; |
arna n-ionadú san Aontas ag Corteva Agriscience Belgium B.V., Bedrijvenlaan 9, 2800 Mechelen, An Bheilg.
(b) Ainmníocht agus sonraíocht na dtáirgí:
|
(1) |
bianna agus comhábhair bhia ina bhfuil, arb é atá iontu nó a tháirgtear as arbhar Indiach géinmhodhnaithe (Zea mays L.) dá dtagraítear i bpointe (e); |
|
(2) |
beatha ina bhfuil, arb é atá inti nó a tháirgtear as arbhar Indiach géinmhodhnaithe (Zea mays L.) dá dtagraítear i bpointe (e); |
|
(3) |
táirgí ina bhfuil nó arb é atá iontu arbhar Indiach géinmhodhnaithe (Zea mays L.) dá dtagraítear i bpointe (e) le haghaidh úsáidí seachas iad siúd dá bhforáiltear i bpointí (1) agus (2), cé is moite de shaothrú. |
An t-arbhar Indiach géinmhodhnaithe DP-ØØ4114-3, léiríonn sé an ghéin pat, lena dtugtar frithsheasmhacht in aghaidh luibhicídí de bhunús amóiniam glúfosanáite agus na géinte cry1F, cry34Ab1 agus cry35Ab1 lena dtugtar frithsheasmhacht in aghaidh péistí féileacánacha áirithe agus péistí coiléipteireanacha áirithe.
An t-arbhar Indiach géinmhodhnaithe MON-ØØ81Ø-6, léiríonn sé an ghéin cry1Ab, lena dtugtar frithsheasmhacht in aghaidh péistí féileacánacha áirithe.
An t-arbhar Indiach géinmhodhnaithe SYN-IR6Ø4-5 léiríonn sé an ghéin mcry3A lena dtugtar frithsheasmhacht in aghaidh péistí coiléipteireanacha áirithe. Ina theannta sin, an ghéin pmi, códú do phróitéin PMI, baineadh úsáid aisti mar marcóir roghnaithe sa phróiseas modhnú géiniteach.
An t-arbhar Indiach géinmhodhnaithe MON-ØØ6Ø3-6 léiríonn sé an ghéin CP4 epsps agus na géinte CP4 epsps L214P, lena dtugtar frithsheasmhacht in aghaidh luibhicídí atá bunaithe ar an ngliofosáit.
(c) Lipéadú:
|
(1) |
Chun críocha na gceanglas maidir le lipéadú a leagtar síos in Airteagal 13(1) agus in Airteagal 25(2) de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003, is é “an t-árbhar Indiach” a bheidh mar “ainm an orgánaigh”; |
|
(2) |
Beidh na focail “níltear le saothrú” ar lipéad na dtáirgí agus i ndoiciméid a ghabhann leis na táirgí sin ina bhfuil nó arb é atá iontu an t-árbhar Indiach ghéinmhodhnaithe atá sonraithe i bpointe (e), cé is moite de na táirgí dá dtagraítear i bpointe (b)(1). |
(d) An modh braite:
|
(1) |
Is éard sna modhanna teagmhas-shonracha cainníochtúla braite PCR na modhanna arna mbailíochtú ina n-aonar le haghaidh theagmhais árbhar Indiach géinmhodhnaithe DP-ØØ4114-3, MON-ØØ81Ø-6, SYN-IR6Ø4-5 agus atá fíoraithe tuilleadh ar árbhar Indiach DP-ØØ4114-3 × MON-ØØ81Ø-6 × SYN-IR6Ø4-5 × MON-ØØ6Ø3-6. |
|
(2) |
Arna mbailíochtú ag Saotharlann Tagartha an Aontais arna bunú faoi Rialachán (CE) Uimh. 1829/2003, arna bhfoilsiú ag http://gmo-crl.jrc.ec.europa.eu/statusofdossiers.aspx; |
|
(3) |
Ábhar Tagartha: Tá AOCS 0607 (for SYN-IR6Ø4-5) ar fáil tríd an American Oil Chemists Society ag https://www.aocs.org/crm#maize, tá ERM®-BF439 (le haghaidh DP-ØØ4114-3), ERM®-BF413 (le haghaidh MON-ØØ81Ø-6) agus ERM®-BF415 (le haghaidh MON-ØØ6Ø3-6)ar fáil tríd Airmheán Comhpháirteach Taighde (JRC) an Choimisiúin Eorpaigh ag https://crm.jrc.ec.europa.eu/. |
(e) Aitheantóirí uathúla:
DP-ØØ4114-3× MON-ØØ81Ø-6 × SYN-IR6Ø4-5 × MON-ØØ6Ø3-6;
SYN-IR6Ø4-5 × MON-ØØ6Ø3-6 × DP-ØØ4114-3;
MON-ØØ81Ø-6× MON-ØØ6Ø3-6 × DP-ØØ4114-3;
MON-ØØ81Ø-6 × SYN-IR6Ø4-5 × DP-ØØ4114-3;
MON-ØØ81Ø-6 × SYN-IR6Ø4-5 × MON-ØØ6Ø3-6;
MON-ØØ6Ø3-6 × DP-ØØ4114-3;
SYN-IR6Ø4-5 × DP-ØØ4114-3;
SYN-IR6Ø4-5 × MON-ØØ6Ø3-6;
MON-ØØ81Ø-6 × DP-ØØ4114-3;
MON-ØØ81Ø-6 × SYN-IR6Ø4-5.
(f) An fhaisnéis a cheanglaítear de bhun Iarscríbhinn II a ghabhann le Prótacal Cartagena ar an mBithshábháilteacht a ghabhann leis an gCoinbhinsiún maidir leis an Éagsúlacht Bhitheolaíoch:
[Teach Imréitigh na Bithshábháilteachta, Uimhir aitheantais an chomhaid: arna fhoilsiú i gclár an Chomhphobail de bhia géinmhodhnaithe agus beatha ghéinmhodhnaithe nuair a fhógraítear é].
(g) Coinníollacha nó srianta maidir leis na táirgí a chur ar an margadh, a úsáid nó a láimhseáil:
Ní gá.
(h) Plean faireacháin le haghaidh éifeachtaí comhshaoil:
Plean faireacháin maidir le héifeachtaí comhshaoil i gcomhréir le hIarscríbhinn VII a ghabhann le Treoir 2001/18/CE. [Tá sé luaite cheana in aithris 3.]
[Nasc: plean a foilsíodh sa chlár Comhphobail de bhia géinmhodhnaithe agus beatha ghéinmhodhnaithe]
(i) Ceanglais faireacháin iarmhargaidh maidir le húsáid an bhia lena chaitheamh ag an duine
Ní gá.
|
Nóta: |
d’fhéadfadh sé gur ghá na naisc chuig na doiciméid ábhartha a athrú thar thréimhse ama. Cuirfear na modhnuithe sin ar fáil don phobal tríd an gclár Comhphobail de bhia géinmhodhnaithe agus beatha ghéinmhodhnaithe a thabhairt cothrom le dáta. |