|
Il-Ġurnal Uffiċjali |
MT Is-serje L |
|
2026/2499 |
13.11.2026 |
It-testi oriġinali tan-NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, li jinsab fuq dan l-indirizz: https://unece.org/status-1958-agreement-and-annexed-regulations
Ir-Regolament tan-NU Nru 183 - Dispożizzjonijiet uniformi dwar l-approvazzjoni ta’ tip ta’ vettura fir-rigward ta’ sistema ta’ Twissija Avvanzata tad-Distrazzjoni tas-Sewwieq (ADDW) [2026/2499]
Data tad-dħul fis-seħħ: Settembru 2026 (għad trid tiġi kkonfermata)
Dan id-dokument huwa maħsub esklużivament bħala għodda ta’ dokumentazzjoni. It-test awtentiku u legalment vinkolanti huwa: ECE/TRANS/WP.29/2026/40
Werrej
Regolament
|
0. |
Introduzzjoni |
|
1. |
Kamp ta’ Applikazzjoni |
|
2. |
Definizzjonijiet |
|
3. |
Applikazzjoni għall-approvazzjoni |
|
4. |
Approvazzjoni |
|
5. |
Rekwiżiti tekniċi |
|
6. |
Modifika tat-tip ta’ vettura u estensjoni tal-approvazzjoni |
|
7. |
Konformità tal-produzzjoni |
|
8. |
Penali għan-nuqqas ta’ konformità tal-produzzjoni |
|
9. |
Produzzjoni mwaqqfa għalkollox |
|
10. |
Ismijiet u indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip |
Annessi
|
1 |
Komunikazzjoni |
|
2 |
Arranġamenti tal-marki tal-approvazzjoni |
|
3 |
Pakkett ta’ dokumentazzjoni dwar il-funzjonalità tas-sistema ta’ Twissija Avvanzata tad-Distrazzjoni tas-Sewwieq |
|
4 |
Pakkett ta’ dokumentazzjoni dwar l-effettività tas-sistema ta’ Twissija Avvanzata tad-Distrazzjoni tas-Sewwieq |
|
5 |
Proċedura għall-ittestjar tal-verifika fuq il-post |
0. Introduzzjoni
|
0.1. |
Dan ir-Regolament tan-NU fil-forma oriġinali tiegħu (serje ta’ emendi 00) huwa allinjat mill-qrib mar-Regolament Delegat tal-Kummissjoni tal-UE (UE) 2023/2590 għas-sistemi ta’ twissija avvanzata tad-distrazzjoni tas-sewwieq, b’differenzi żgħar, inklużi għaċ-ċarezza u/jew korrezzjonijiet editorjali fejn rilevanti. Xi materjal ta’ referenza ġie wkoll mid-dokument intitolat “ADDW Q&A: Answers to the questions raised by Stakeholders on the application of the rules on Advanced Driver Distraction Warning set out in the Delegated Regulation (EU) 2023/2590”. |
|
0.2. |
Id-distrazzjoni hija meqjusa bħala problema serja u li qed tikber tas-sikurezza fit-toroq madwar id-dinja. Meta sewwieq ikun distratt, l-attenzjoni tiegħu tiġi ddevjata minn attivitajiet kritiċi għas-sewqan sikur u lejn attività li tikkompeti, li tfixkel il-prestazzjoni. L-istat ta’ sewwieq matul event ta’ distrazzjoni tipikament ikun temporanju, u bħala tali d-distrazzjoni tista’ sseħħ bl-istess mod fil-bidu tas-sewqan u/jew fi kwalunkwe ħin ieħor matul il-vjaġġ tas-sewqan. |
|
0.3. |
Forma komuni ta’ distrazzjoni hija “distrazzjoni viżiva”, pereżempju meta sewwieq ikun qed jaqra messaġġ fuq mowbajl jew informazzjoni fuq menù jew kontroll tal-konsol tal-vettura. F’każijiet bħal dawn, id-distrazzjoni viżiva tista’ tkun akkumpanjata minn “distrazzjoni manwali”, fejn is-sewwieq ikun qed iżomm u/jew iħaddem apparat jew kontroll għajr dak meħtieġ għas-sewqan sikur. |
|
0.4. |
Dan ir-regolament għandu fil-mira d-detezzjoni ta’ eventi ta’ distrazzjoni viżiva relattivament twal (aktar milli intermittenti) f’żona speċifika tal-kabina tal-vettura. Ma jindirizzax distrazzjoni viżiva barra minn din iż-żona speċifika, distrazzjoni intermittenti (b’durata qasira), jew distrazzjoni konjittiva. Huwa antiċipat li fis-serje futura ta’ emendi ta’ dan ir-regolament, ir-rekwiżiti tekniċi se jiġu żviluppati ulterjorment biex jitqiesu l-iżviluppi li għaddejjin fit-teknoloġiji ta’ twissija tad-distrazzjoni tas-sewwieq, inkluż biex tittejjeb l-effettività ta’ dawn is-sistemi u jiżdiedu l-benefiċċji għas-sikurezza fit-toroq. |
|
0.5. |
L-effetti tal-indeboliment tas-sewwieq mid-distrazzjoni jistgħu jinkludu żieda fil-ħinijiet ta’ reazzjoni u diffikultà biex tinżamm veloċità kostanti u/jew pożizzjoni fil-korsija. Dan jippreżenta periklu konsiderevoli ta’ sikurezza waqt is-sewqan fi traffiku b’densità għolja u f’żoni urbani, kif ukoll matul kundizzjonijiet tat-tip ta’ awtostrada aktar miftuħa b’veloċitajiet akbar. Barra minn hekk, hemm riskju konsiderevoli li jseħħ event ta’ distrazzjoni f’dan l-ispettru ta’ kundizzjonijiet tas-sewqan. |
|
0.6. |
Is-severità tal-ħabtiet relatati mad-distrazzjoni tista’ tkun partikolarment għolja, peress li s-sewwieqa li jkunu distratti jkunu anqas probabbli li jirreaġixxu b’mod effettiv biex inaqqsu s-severità ta’ impatt imminenti (eż. jibbrejkjaw, idawru l-isteering biex jevitaw impatt serju, eċċ.). |
|
0.7. |
Sistema ta’ Twissija Avvanzata tad-Distrazzjoni tas-Sewwieq (ADDW) tista’ tintuża biex timmonitorja direttament l-attenzjoni viżiva tas-sewwieq (eż. bl-użu ta’ kameras biex tiddetermina d-direzzjoni tal-ħarsa tas-sewwieq fil-kabina tal-vettura). Is-sistema se tkun tista’ tipprovdi twissija jekk is-sewwieq jiġi vvalutat li jkun distratt. |
|
0.8. |
Hemm xi sottogruppi ta’ vetturi fejn il-benefiċċju ta’ sistema tal-ADDW jista’ jkun aktar limitat minħabba li jintużaw primarjament f’kundizzjonijiet oħra għajr it-traffiku b’densità għolja u l-awtostradi (eż. vetturi tal-kategorija G, vetturi tal-kostruzzjoni, eċċ.). F’xi każijiet (eż. vetturi tal-kategorija G, vetturi tal-kostruzzjoni li jintużaw l-aktar f’żoni off-road u f’mogħdijiet biż-żrar, vetturi militari), l-ambjent operattiv u/jew il-mod li bih jintużaw il-vetturi jista’ jwassal għal għadd kbir ta’ twissijiet tad-distrazzjoni f’sitwazzjonijiet fejn ir-riskju reali tas-sikurezza ma jkunx sinifikanti, jew għal diffikultà akbar fid-detezzjoni affidabbli ta’ eventi ta’ distrazzjoni. Irrispettivament mill-benefiċċju, jista’ jkun hemm ukoll xi tipi ta’ vetturi li għalihom l-installazzjoni ta’ sistema tal-ADDW tkun teknikament diffiċli jew mhux fattibbli (eż. vetturi bi skop speċjali). |
|
0.9. |
Il-paragrafu 1.2. jiddikjara li dan ir-Regolament huwa mingħajr preġudizzju għar-rekwiżiti tal-liġijiet nazzjonali jew reġjonali relatati mal-privatezza, mal-protezzjoni tad-data u mal-ipproċessar ta’ data personali. Dan ifisser li kwalunkwe Parti Kontraenti li tapplika dan ir-regolament tista’ tippreskrivi kwalunkwe rekwiżit addizzjonali bħal dan permezz tal-liġijiet tagħha. Is-Servizzi Tekniċi u l-Awtoritajiet tal-Approvazzjoni mhux se jivvalutaw il-konformità ma’ kwalunkwe liġi reġjonali jew nazzjonali bħal din bħala parti minn applikazzjoni għall-approvazzjoni tat-tip ta’ tip ta’ vettura fir-rigward tas-sistema tal-ADDW tagħha. Din hija kwistjoni għall-awtoritajiet reġjonali u/jew nazzjonali rilevanti, kif ukoll għall-manifatturi tal-vetturi.
Pereżempju, sistema tal-ADDW tista’ tuża d-data minn kameras li jimmonitorjaw l-okkupanti tal-vettura. Il-Partijiet Kontraenti jistgħu jagħżlu li jispeċifikaw ir-rekwiżiti fil-liġi reġjonali jew nazzjonali biex jipprevjenu li din id-data tintuża biex tiġi kkonfermata l-identifikazzjoni unika ta’ kwalunkwe persuna fiżika. Dan jista’ jinkiseb permezz ta’ liġijiet aktar ġenerali dwar il-privatezza, u/jew rekwiżiti tekniċi speċifiċi, inkluż pereżempju li kwalunkwe data tinżamm f’sistema ta’ ċirkwit magħluq għal mhux aktar milli jkun meħtieġ biex is-sistema twettaq il-funzjoni ta’ sikurezza tagħha, u biex jiġi pprevenut aċċess mhux awtorizzat. Jenħtieġ li l-Partijiet Kontraenti jikkunsidraw ukoll il-possibbiltà li data personali bijometrika, u/jew il-ħżin ta’ data storika ta’ sewwieq partikolari, tista’ tintuża biex tittejjeb il-prestazzjoni tas-sistema tal-ADDW. Sistemi bħal dawn jistgħu pereżempju jfittxu permess mingħand sewwieq u din it-talba tista’ tkun akkumpanjata minn informazzjoni ta’ spjegazzjoni tal-bidliet fis-sistema li se jiġu implimentati u r-raġunijiet għal dawk il-bidliet. |
|
0.10. |
[Riżervat]. |
1. Kamp ta’ Applikazzjoni
|
1.1. |
Dan ir-Regolament japplika għal vetturi tal-kategoriji M u N. (1) |
|
1.2. |
Dan ir-Regolament huwa mingħajr preġudizzju għar-rekwiżiti tal-liġijiet nazzjonali jew reġjonali relatati mal-privatezza, mal-protezzjoni tad-data u mal-ipproċessar ta’ data personali. |
|
1.3. |
Dan ir-Regolament ma japplikax għal vetturi tal-kategoriji X u Y. (1) |
2. Definizzjonijiet
Għall-finijiet ta’ dan ir-Regolament:
|
2.1. |
“Sistema ta’ Twissija Avvanzata tad-Distrazzjoni tas-Sewwieq (ADDW)” tfisser sistema li tivvaluta l-attenzjoni viżiva tas-sewwieq u twissi lis-sewwieq permezz tal-Interfaċċa Bniedem-Magna tal-vettura meta jiġi vvalutat li jkun distratt. |
|
2.2. |
“Approvazzjoni tat-tip ta’ vettura” tfisser il-proċedura kollha li permezz tagħha Parti Kontraenti għall-Ftehim tiċċertifika li tip ta’ vettura jissodisfa r-rekwiżiti tekniċi ta’ dan ir-Regolament. |
|
2.3. |
“Data bijometrika personali” tfisser data personali li tirriżulta minn ipproċessar tekniku speċifiku relatat mal-karatteristiċi fiżiċi, fiżjoloġiċi jew tal-imġiba ta’ persuna fiżika, li tippermetti jew tikkonferma l-identifikazzjoni unika ta’ dik il-persuna fiżika, bħall-immaġnijiet tal-wiċċ jew id-data tal-marki tas-swaba’. |
|
2.4. |
“Interfaċċa Bniedem-Magna (HMI)” tfisser l-interfaċċa tal-utent tal-vettura li tippermetti lill-bniedem jattiva u jinteraġixxi mal-komponenti tas-software tal-vettura, inkluż għall-osservazzjoni tal-istatus tiegħu. |
|
2.5. |
“Sitwazzjoni mhux nominali” tfisser sitwazzjoni fejn is-sistema tal-ADDW tkun affettwata minn elementi relatati mas-sewwieq, mal-vettura, mal-ambjent jew minn elementi oħra, u li tibqa’ fil-limiti tal-konfini tas-sistema ddikjarati fil-pakkett ta’ dokumentazzjoni tal-manifattur deskritt fl-Annessi 3 u 4. |
|
2.6. |
“Punt ta’ referenza okulari” tfisser ir-referenza unika għall-għajnejn użata fid-disinn tal-vettura. |
|
2.7. |
“Imġiba ta’ skattar” tfisser l-azzjoni tas-sewwieq li għaliha s-sistema tal-ADDW timmonitorja u tipprovdi twissija lis-sewwieq ladarba sseħħ din l-azzjoni. |
|
2.8. |
“Tip ta’ vettura fir-rigward tas-sistema tal-ADDW tagħha” tfisser kategorija ta’ vetturi li ma tvarjax f’aspetti essenzjali bħal:
|
3. Applikazzjoni għall-approvazzjoni
|
3.1. |
L-applikazzjoni għall-approvazzjoni ta’ tip ta’ vettura fir-rigward tas-sistema tal-ADDW tagħha għandha tiġi sottomessa mill-manifattur tal-vettura jew mir-rappreżentant awtorizzat tiegħu. |
|
3.2. |
L-applikazzjoni għall-approvazzjoni tat-tip ta’ vettura fir-rigward tas-sistema tal-ADDW tiegħu għandha tkun akkumpanjata minn dawn li ġejjin:
|
|
3.2.1. |
Il-pakketti ta’ dokumentazzjoni stabbiliti fl-Annessi 3 u 4 għandhom jiġu pprovduti lill-Awtorità tal-Approvazzjoni u lis-Servizz Tekniku qabel l-eżekuzzjoni tal-ittestjar tal-verifika fuq il-post stabbilit fl-Anness 5. |
|
3.3. |
Vettura li tirrappreżenta t-tip ta’ vettura li għandha tiġi approvata għandha tiġi sottomessa lis-Servizz Tekniku responsabbli għall-valutazzjoni tad-dokumentazzjoni teknika sottomessa mill-manifattur u għat-twettiq tat-testijiet tal-verifika. |
4. Approvazzjoni
|
4.1. |
Jekk it-tip ta’ vettura sottomess għall-approvazzjoni skont dan ir-Regolament jissodisfa r-rekwiżiti tekniċi tal-paragrafu 5. ta’ hawn taħt, għandha tingħata l-approvazzjoni għal dak it-tip ta’ vettura. |
|
4.1.1. |
Il-konformità tat-tip ta’ vettura mar-rekwiżiti tekniċi fil-paragrafu 5. ta’ hawn taħt, għandha tintwera mill-manifattur permezz tas-sottomissjoni ta’ pakketti ta’ dokumentazzjoni f’konformità mal-Anness 3 u l-Anness 4. |
|
4.1.2. |
Is-Servizz Tekniku għandu jivverifika li t-tip ta’ vettura sottomess għall-approvazzjoni skont dan ir-Regolament jissodisfa r-rekwiżiti tekniċi tal-paragrafu 5. ta’ hawn taħt u jgħaddi mill-ittestjar tal-verifika fuq il-post stabbilit fl-Anness 5. |
|
4.2. |
Għandu jiġi assenjat numru tal-approvazzjoni lil kull tip approvat f’konformità mal-Iskeda 4 tal-Ftehim (E/ECE/TRANS/505/Rev.3). L-istess Parti Kontraenti ma għandhiex tassenja l-istess numru lill-istess tip ta’ vettura mgħammar b’tip ieħor ta’ sistema tal-ADDW, jew lil tip ieħor ta’ vettura. |
|
4.3. |
Avviż dwar l-approvazzjoni, l-estensjoni, ir-rifjut jew l-irtirar tal-approvazzjoni, skont dan ir-Regolament għandu jiġi kkomunikat lill-Partijiet Kontraenti għall-Ftehim li japplikaw dan ir-Regolament permezz ta’ formola li tkun tikkonforma mal-mudell fl-Anness 1. |
|
4.4. |
Ma’ kull vettura li tikkonforma ma’ tip ta’ vettura approvat skont dan ir-Regolament, għandha titwaħħal, b’mod li jidher u f’post li huwa faċilment aċċessibbli li jiġi speċifikat fuq il-formola tal-approvazzjoni, marka ta’ approvazzjoni internazzjonali li tikkonforma mal-mudell deskritt fl-Anness 2 u li tikkonsisti minn:
|
|
4.4.1. |
Jekk il-vettura tkun konformi ma’ tip ta’ vettura approvat, skont Regolament ieħor jew Regolamenti oħra annessi mal-Ftehim fil-pajjiż li jkun ta l-approvazzjoni skont dan ir-Regolament, is-simbolu stabbilit fil-paragrafu 4.4. ma għandux għalfejn jiġi ripetut; f’dan il-każ, in-numri tar-Regolament u tal-approvazzjoni flimkien mas-simboli addizzjonali tar-Regolamenti kollha li skonthom ingħatat l-approvazzjoni fil-pajjiż li ta l-approvazzjoni skont dan ir-Regolament għandhom jitqiegħdu f’kolonni vertikali fuq il-lemin tas-simbolu stabbilit fil-paragrafu 4.4. |
|
4.5. |
Il-marka tal-approvazzjoni għandha tkun tinqara b’mod ċar u ma tkunx tista’ titħassar. |
|
4.6. |
Il-marka tal-approvazzjoni għandha titqiegħed qrib il-pjanċa tad-data tal-vettura jew fuqha. |
5. Rekwiżiti tekniċi
5.1. Applikabbiltà
|
5.1.1. |
Kwalunkwe vettura mgħammra b’sistema tal-ADDW li tissodisfa d-definizzjoni fil-paragrafu 2.1. ta’ hawn fuq, għandha tissodisfa r-rekwiżiti stabbiliti fil-paragrafi 5.2. sa 5.7. ta’ hawn taħt. |
|
5.2. |
Rekwiżiti tekniċi ġenerali |
|
5.2.1. |
Sistema tal-ADDW għandha tiddetermina meta l-attenzjoni viżiva tas-sewwieq ma tkunx diretta lejn il-kompiti tas-sewqan u twissi lis-sewwieq permezz tal-HMI tal-vettura. |
|
5.2.2. |
Is-sistema tal-ADDW għandha tkun disinjata biex timminimizza r-rata ta’ errur tas-sistema (pożittiv falz) f’kundizzjonijiet reali ta’ sewqan. |
|
5.2.3. |
Is-sistema tal-ADDW u kwalunkwe sistema oħra li twissi lis-sewwieq meta dan ikun imħeddel, għandhom ikunu disinjati biex jevitaw id-duplikazzjoni u ma jinnotifikawx lis-sewwieq separatament u fl-istess ħin, jew b’mod li joħloq konfużjoni, meta azzjoni waħda tiskatta ż-żewġ sistemi. |
|
5.2.4. |
L-effettività tas-sistema tal-ADDW ma għandhiex tiġi affettwata b’mod avvers minn kampijiet manjetiċi jew elettriċi. Dan għandu jintwera billi jiġu ssodisfati r-rekwiżiti tekniċi u billi jiġu rrispettati d-dispożizzjonijiet tranżizzjonali tas-serje ta’ emendi 06 jew aktar tard tar-Regolament tan-NU Nru 10. |
5.3. Kontroll tas-sistema tal-ADDW
|
5.3.1. |
Is-sistema tal-ADDW għandha tiġi attivata awtomatikament f’veloċità ta’ aktar minn 20 km/h, ħlief jekk ikun speċifikat mod ieħor mir-rekwiżiti stabbiliti fil-paragrafi 5.3.2. sa 5.3.6. ta’ hawn taħt. Il-manifattur tal-vettura jista’ jagħżel li jistabbilixxi l-attivazzjoni awtomatika tas-sistema tal-ADDW b’veloċità aktar baxxa. |
|
5.3.1.1. |
Huwa permess perjodu kumulattiv ta’ mhux aktar minn minuta (1) ta’ sewqan b’veloċitajiet ta’ ≥ 20 km/h sabiex is-sistema tibda tkejjel l-istat tas-sewwieq u tikkalibra ruħha. |
|
5.3.2. |
Għandu jkun possibbli għas-sewwieq li jiddiżattiva manwalment jew it-twissija tas-sistema tal-ADDW jew is-sistema tal-ADDW, skont liema miż-żewġ possibbiltajiet (jew it-tnejn) il-manifattur tal-vettura jkun għażel li jagħmel possibbli. |
|
5.3.3. |
Fejn definita minn qabel mill-manifattur, is-sistema tal-ADDW tista’ tiġi diżattivata awtomatikament fis-sitwazzjonijiet li ġejjin:
|
|
5.3.4. |
Is-sistema tal-ADDW għandha tiġi attivata mill-ġdid awtomatikament hekk kif il-kundizzjonijiet li wasslu għad-diżattivazzjoni awtomatika tagħha ma jibqgħux preżenti. |
|
5.3.4.1. |
Fil-kuntest tal-paragrafu 5.3.3. (a), il-kompitu tas-sewqan dinamiku għandu jinkludi l-funzjonijiet operazzjonali kollha f’ħin reali u l-funzjonijiet tattiċi meħtieġa biex titħaddem il-vettura, esklużi l-funzjonijiet strateġiċi bħall-iskedar tal-vjaġġ u l-għażla tad-destinazzjonijiet u tal-waypoints u inklużi s-sottokompiti li ġejjin:
|
|
5.3.5. |
Is-sistema tal-ADDW ma għandhiex tiġi ddiżattivata awtomatikament skont il-kundizzjonijiet stabbiliti fil-paragrafu 5.7., iżda t-twissijiet tad-distrazzjoni tas-sistema tal-ADDW jistgħu jiġu ddiżattivati awtomatikament. L-emissjoni tat-twissija tad-distrazzjoni għandha tiġi riattivata awtomatikament hekk kif il-kundizzjonijiet li wasslu għad-diżattivazzjoni tagħha ma jibqgħux preżenti. |
|
5.3.6. |
L-emissjoni tat-twissijiet tad-distrazzjoni mis-sistema tal-ADDW tista’ titrażżan awtomatikament f’kundizzjonijiet li fihom sistemi oħra ta’ assistenza għas-sewqan ikunu qed iwissu dwar periklu imminenti jew sitwazzjoni kritika, iżda ma hijiex kundizzjoni għad-diżattivazzjoni awtomatika tas-sistema tal-ADDW. |
|
5.3.6.1. |
Jenħtieġ li l-funzjoni tat-twissija tad-distrazzjoni tiġi attivata mill-ġdid awtomatikament malli l-kundizzjonijiet li wasslu għat-trażżin tagħha ma jibqgħux preżenti. |
|
5.3.7. |
Is-sistema tad-ADDW, inklużi t-twissijiet tal-HMI, għandha terġa’ tiġi attivata awtomatikament fil-modalità ta’ tħaddim normali ma’ kull bidu tas-sistema tal-motopropulsjoni. (3) , (4). Jistgħu jiġu introdotti kundizzjonijiet oħra ta’ ristabbiliment awtomatiku u miżjuda mill-manifattur tal-vettura. |
5.4. Kundizzjonijiet ambjentali
|
5.4.1. |
Is-sistema tal-ADDW għandha topera b’mod effettiv kemm binhar kif ukoll billejl. |
|
5.4.2. |
Is-sistema tal-ADDW għandha topera fin-nuqqas ta’ kundizzjonijiet tat-temp li jillimitaw it-tħaddim tas-sistema. Il-manifattur huwa meħtieġ jipprovdi dokumentazzjoni li tinkludi l-kundizzjonijiet tat-temp u tad-dawl li fihom is-sistema taħdem b’mod effettiv, f’konformità mal-paragrafu 1. (c) tal-Anness 4. |
5.5. Monitoraġġ tad-distrazzjoni tas-sewwieq
|
5.5.1. |
Il-preżenza tal-ħarsa tas-sewwieq għandha tiġi mmonitorjata mis-sistema tal-ADDW fiż-żoni ta’ interess imsemmija fil-paragrafi 5.5.1.4. sa 5.5.1.6. |
|
5.5.1.1. |
Il-ħarsa tas-sewwieq titqies li tibda mill-punt ta’ referenza okulari definit kif ġej: |
|
5.5.1.2. |
Għall-vetturi tal-kategoriji M u N, il-punt ta’ referenza okulari għandu jkun iċ-ċentru tal-punti okulari tas-sewwieq, kif definit fir-Regolament tan-NU 46 (dwar apparati għall-viżjoni indiretta) li jinkorpora s-serje ta’ emendi 04 jew aktar tard. Għalhekk, il-koordinati tal-punt tal-għajn huma 635 mm vertikalment ’il fuq mill-punt R tas-sit tas-sewwieq (billi l-punt “R” huwa diġà stabbilit fir-rigward tal-marki ta’ fiduċja definiti mill-manifattur tal-vettura). |
|
5.5.1.3. |
Inkella, għall-vetturi tal-kategoriji M2, M3, N2, u N3 li ma humiex ibbażati fuq pjattaforma M1, il-punt ta’ referenza okulari jista’ jkun il-punt tal-għajn E2 kif definit fir-Regolament tan-NU Nru 167 (dwar il-vetturi bil-mutur fir-rigward tal-viżjoni diretta tagħhom) li jinkorpora s-serje ta’ emendi 00 jew aktar tard. Il-punt tal-għajn E2 huwa punt li jirrappreżenta l-punt tan-nofs bejn iċ-ċentru tal-għajn tax-xellug u tal-lemin tas-sewwieq, E2 huwa definit minn spustar mill-punt tal-għarqub tal-aċċelleratur ta’ 1 163,25 mm fl-assi Z (vertikali), u 678 mm lura fl-assi X (lonġitudinali). Il-pożizzjoni ta’ E2 fl-assi Y (laterali) hija fuq pjan vertikali, parallel mal-pjan lonġitudinali medjan u li tgħaddi miċ-ċentru tas-sit tas-sewwieq. |
|
5.5.1.4. |
Iż-żona 1 hija ddeżinjata bħala sovrappożizzjoni taż-żoni li ġejjin (irreferi għall-Illustrazzjoni I):
|
Illustrazzjoni I
Deżinjazzjoni taż-Żona 1 (li turi s-sitwazzjoni tas-sewqan fuq ix-xellug)
|
5.5.1.5. |
Iż-Żona 2 hija ddeżinjata bħala l-unjoni taż-żoni elenkati hawn taħt (irreferi għall-Illustrazzjoni II):
|
Illustrazzjoni II
Deżinjazzjoni taż-Żona 2 (li turi s-sitwazzjoni tas-sewqan fuq ix-xellug)
|
5.5.1.6. |
Iż-Żona 3 hija ddeżinjata minn kwalunkwe żona taħt pjan, 30° ’l isfel mill-punt ta’ referenza okulari tas-sewwieq u mill-interazzjoni maż-Żona 1 u maż-Żona 2 deskritti hawn taħt (irreferi għall-Illustrazzjoni III):
|
Illustrazzjoni III
Deżinjazzjoni taż-Żona 3 (li turi s-sitwazzjoni tas-sewqan fuq ix-xellug)
|
Nota: |
l-immaġni fil-qiegħ tirrappreżenta l-każ meta l-aktar parti baxxa taż-Żona 2 (windskrin flimkien ma’ 10°) tkun taħt l-angolu ta’ viżjoni vertikali ta’ 30°. |
|
5.5.1.7. |
Iż-żieda jew l-esklużjoni ta’ żona minn oħra dejjem issir mill-perspettiva tal-punt ta’ referenza okulari tas-sewwieq. Dan ifisser li huwa l-koordinat angolari li jrid jintuża meta tiġi pprojettata żona għal fuq oħra, u mhux il-koordinat spazjali.
Wara li ssir il-projezzjoni, il-koordinat spazjali jista’ jintuża biex jiddeskrivi ż-żona li tirriżulta u jissimplifika d-deskrizzjoni tagħha. |
|
5.5.2. |
Skattaturi ta’ twissija u sitwazzjonijiet koperti mis-sistema tal-ADDW |
|
5.5.2.1. |
Għandha tiġi pprovduta twissija lis-sewwieq malli japplikaw iż-żewġ kundizzjonijiet li ġejjin:
Kull meta jiġu ttestjati l-kundizzjonijiet elenkati f’(b), dawn għandhom jimplimentaw ħin ta’ lqugħ addizzjonali biex jikkumpensaw għall-inċertezzi tekniċi tal-kejl – irreferi għall-Anness 5, il-paragrafu 9. |
|
5.5.2.2. |
Għandha tiġi pprovduta twissija lis-sewwieq malli japplikaw iż-żewġ kundizzjonijiet li ġejjin:
Kull meta jiġu ttestjati l-kundizzjonijiet elenkati f’(b), dawn għandhom jimplimentaw ħin ta’ lqugħ addizzjonali biex jikkumpensaw għall-inċertezzi tekniċi tal-kejl – irreferi għall-Anness 5, il-paragrafu 9. |
|
5.5.2.3. |
It-tul ta’ ħin li matulu l-ħarsa tas-sewwieq tkun diretta lejn iż-Żona 3 għandu jingħadd meta tiġi attivata s-sistema tal-ADDW. Dan it-tul ta’ żmien jitkejjel irrispettivament mill-veloċità tal-vettura, sakemm is-sistema tal-ADDW tkun attivata u tkun tista’ tkejlu. |
|
5.5.2.4. |
It-tul ta’ żmien li matulu l-ħarsa tas-sewwieq tkun fiż-Żona 3 ma għandux jiġi rrisettjat minħabba artefatt possibbli tal-ipproċessar tal-immaġni jew bidla qasira fid-direzzjoni tal-ħarsa “ġewwa, barra u lura ġewwa” taż-Żona 3. It-tolleranza tal-ħin permessa għall-eventi deskritti għandha tiġi definita mill-manifattur tal-vettura, b’tolleranza tal-ħin minima ta’ 50 millisekonda (movimenti tal-għajnejn). |
|
5.5.2.5. |
Il-manifattur tal-vettura jista’ jagħżel li jistabbilixxi rekwiżit ta’ veloċità minima aktar baxx fis-sitwazzjonijiet imsemmija fil-paragrafi 5.5.2.1. u 5.5.2.2. |
|
5.5.2.6. |
Il-manifattur tal-vettura jista’ jimplimenta strateġiji ta’ twissija addizzjonali, abbażi ta’ input addizzjonali li jgħin lis-sistema tifhem l-imġiba, id-distrazzjoni konjittiva jew l-ambjent immedjat tas-sewwieq fil-vettura. |
5.6. Rekwiżiti tal-Interfaċċa Bniedem-Magna
5.6.1. Natura tat-twissija
|
5.6.1.1. |
Għandha tintuża twissija viżiva mis-sistema tal-ADDW biex tinforma lis-sewwieq u għandha tintuża twissija akustika u/jew tattili mis-sistema tal-ADDW biex twissi lis-sewwieq mill-aktar fis possibbli wara l-okkorrenza tal-imġiba tal-iskattar, u li tista’ tiżdied u tintensifika sakemm il-kundizzjoni tal-iskattar stabbilita fil-paragrafi 5.5.2.1., 5.5.2.2. jew 5.5.2.6. ma tibqax tiġi vverifikata.
It-twissija titqies li tibda meta t-twissija awdjo jew tattili tiġi preżentata lis-sewwieq. |
|
5.6.1.2. |
It-twissija provduta lis-sewwieq tista’ tiġi adattata biex tippermetti strateġija ta’ twissija bbażata fuq eventi preċedenti, l-imġiba tas-sewwieq, il-kundizzjonijiet tat-triq, it-temp u informazzjoni kuntestwali rilevanti oħra. Kwalunkwe adattament għat-twissija jrid jissodisfa l-kriterji tekniċi stabbiliti mill-paragrafi 5.6.2. sa 5.6.4.1. |
5.6.2. Twissija Viżiva
|
5.6.2.1. |
It-twissija viżiva għandha tkun pożizzjonata b’mod li tkun viżibbli u rikonoxxibbli faċilment mis-sewwieq matul il-jum u billejl tkun tista’ tintuża għal kwalunkwe twissija ta’ attenzjoni, sakemm ma tikkawżax konfużjoni lis-sewwieq. |
|
5.6.2.2. |
It-twissija viżiva għandha tkun indikazzjoni stabbli jew li tteptep (eż. indikatur operatorju, messaġġ pop-up, eċċ.). |
5.6.3. Twissija akustika
|
5.6.3.1. |
It-twissija akustika għandha tkun tingħaraf faċilment mis-sewwieq. |
|
5.6.3.2. |
Il-maġġoranza tat-twissija akustika għandha tkun fil-medda tal-frekwenza ta’ 200–8 000 Hz u fil-medda tal-amplitudni ta’ 50–90 dB. Il-manifattur tal-vettura jista’ jaġġusta l-amplitudni skont il-livell ta’ storbju tal-madwar. |
|
5.6.3.3. |
Jekk jintużaw twissijiet verbali, il-vokabularju użat għandu jkun konsistenti ma’ kwalunkwe test użat bħala parti mit-twissija viżiva. |
|
5.6.3.4. |
Il-porzjon li jinstema’ tat-twissija għandu jdum mill-anqas għad-durata li tippermetti lis-sewwieq jifhimha. |
5.6.4. Twissija tattili
|
5.6.4.1. |
It-twissija tattili għandha tkun tista’ tiġi nnutata mis-sewwieq u għandha tiġi pprovduta direttament jew indirettament permezz ta’ kwalunkwe interfaċċa li mistennija tiġbed l-attenzjoni tas-sewwieq lura għall-kompitu tas-sewqan. |
5.7. Twissija ta’ falliment fis-sistema tal-ADDW
5.7.1. Fallimenti permanenti
|
5.7.1.1. |
Mad-detezzjoni ta’ falliment permanenti fis-sistema tal-ADDW, għandu jiġi pprovdut sinjal kostanti ta’ twissija ta’ falliment viżiv. |
|
5.7.1.2. |
Għandu jitlesta mill-inqas awtoverifika inizjali tas-sistema tal-ADDW wieħed qabel ma s-sistema tal-ADDW tkun operazzjonali. Sussegwentement, għandu jiġi indikat sinjal ta’ twissija ta’ falliment lis-sewwieq fil-każ ta’ falliment li jista’ jiġi identifikat elettrikament. |
|
5.7.1.3. |
Is-sistema għandha tirrikonoxxi event ta’ oskurazzjoni tas-sensur mhux temporanju u għandha tagħti s-sinjal ta’ twissija ta’ falliment kif stabbilit fil-paragrafu 5.7.1.1. li għandu jintwera. Event ta’ oskurazzjoni tas-sensur ikopri mill-inqas meta ma jitkejjel l-ebda dawl mis-sensur meta tiġi attivata s-sistema tal-ADDW. |
|
5.7.1.4. |
Fallimenti li jattivaw is-sinjal ta’ twissija, iżda li ma jiġux detetti meta s-sistema tal-ADDW tkun diżattivata, għandhom jinżammu mad-detezzjoni u għandhom ikomplu jintwerew minn kull bidu tas-sistema tal-motopropulsjoni (3) , (4) , sakemm il-falliment jew id-difett jippersisti. |
5.7.2. Fallimenti temporanji
|
5.7.2.1. |
Mad-detezzjoni ta’ kundizzjoni temporanja ta’ falliment mhux elettriku, jista’ jintwera s-sinjal ta’ twissija ta’ falliment kif stabbilit fil-paragrafu 5.7.1. |
|
5.7.2.2. |
Għandha tiġi pprovduta informazzjoni lis-sewwieq dwar il-limitazzjoni kurrenti tas-sistema tal-ADDW u/jew il-limitazzjonijiet tipiċi tas-sistema tal-ADDW. Il-limitazzjonijiet ikkonċernati huma dawk li jwasslu sabiex is-sistema tal-ADDW taħdem temporanjament b’mod inadegwat għaliex ma jkunux jistgħux jiġu identifikati karatteristiċi tal-wiċċ tas-sewwieq suffiċjenti minħabba elementi eċċessivi relatati mas-sewwieq, mal-vettura, mal-ambjent jew elementi oħra li jaffettwaw il-prestazzjoni tas-sistema tal-ADDW u li ma jistgħux jiġu trattati bħala sitwazzjoni mhux nominali. Il-manifattur tal-vettura jista’ juża approċċ attiv permezz ta’ twissija viżiva addizzjonali u/jew approċċ passiv permezz ta’ informazzjoni bil-miktub. |
6. Modifikazzjoni tat-tip ta’ vettura u estensjoni tal-approvazzjoni
|
6.1. |
Kull modifika ta’ tip ta’ vettura fir-rigward ta’ dan ir-Regolament għandha tiġi nnotifikata lill-Awtorità tal-Approvazzjoni tat-Tip li approvat it-tip ta’ vettura. L-Awtorità tal-Approvazzjoni tat-Tip imbagħad għandha jew:
|
6.1.1. Reviżjoni
Meta d-dettalji rreġistrati fid-dokumenti ta’ informazzjoni jkunu nbidlu u l-Awtorità tal-Approvazzjoni tat-Tip tqis li l-modifiki li saru x’aktarx ma jkollhomx effetti avversi apprezzabbli, il-modifika għandha tissejjaħ “reviżjoni”.
F’tali każ, l-Awtorità tal-Approvazzjoni tat-Tip għandha toħroġ il-paġni riveduti tad-dokumenti ta’ informazzjoni kif meħtieġ, u timmarka kull paġna riveduta biex turi b’mod ċar in-natura tal-modifika u d-data tal-ħruġ mill-ġdid.
Verżjoni konsolidata u aġġornata tad-dokumenti ta’ informazzjoni, flimkien ma’ deskrizzjoni dettaljata tal-modifika, għandha titqies li tissodisfa dan ir-rekwiżit.
|
6.1.2. |
Estensjoni.
Il-modifika għandha tiġi deżinjata bħala “estensjoni” jekk, minbarra l-bidla fid-dettalji reġistrati fid-dokumenti ta’ informazzjoni,
|
|
6.2. |
Il-konferma jew ir-rifjut tal-approvazzjoni, li tispeċifika l-alterazzjonijiet, għandha tiġi kkomunikata lill-Partijiet Kontraenti għall-Ftehim li japplikaw dan ir-Regolament tan-NU permezz tal-proċedura speċifikata fil-paragrafu 4.3. ta’ hawn fuq. Barra minn hekk, l-indiċi tad-dokumenti ta’ informazzjoni u tar-rapporti tat-test, mehmuż mad-dokument ta’ komunikazzjoni tal-Anness 1, għandu jiġi emendat kif xieraq biex jindika d-data tar-reviżjoni jew tal-estensjoni l-aktar reċenti. |
|
6.2.1. |
Fil-każ ta’ estensjoni, l-awtorità tal-approvazzjoni għandha tassenja numru tas-serje lil kull estensjoni, li għandu jkun magħruf bħala n-numru ta’ estensjoni. |
7. Konformità tal-produzzjoni
|
7.1. |
Il-proċeduri għall-konformità tal-produzzjoni għandhom ikunu konformi mad-dispożizzjonijiet ġenerali definiti fl-Artikolu 2 fl-Iskeda 1 tal-Ftehim (E/ECE/TRANS/505/Rev.3), u għandhom jissodisfaw ir-rekwiżiti li ġejjin: |
|
7.1.1. |
Kull vettura approvata skont dan ir-Regolament għandha tkun manifatturata b’mod li tikkonforma mat-tip approvat billi tissodisfa r-rekwiżiti stabbiliti fil-paragrafu 5. ta’ hawn fuq; u |
|
7.1.2. |
L-awtorità tal-approvazzjoni li tkun tat l-approvazzjoni tista’ fi kwalunkwe ħin tivverifika l-konformità tal-metodi tal-kontroll applikabbli għal kull unità tal-produzzjoni. Il-frekwenza normali ta’ tali spezzjonijiet hija ta’ darba kull sentejn, filwaqt li l-frekwenza minima għandha tkun ta’ darba kull 3 snin. |
8. Penali għan-nuqqas ta’ konformità tal-produzzjoni
|
8.1. |
L-approvazzjoni mogħtija għal tip ta’ vettura skont dan ir-Regolament tista’ tiġi rtirata jekk ma jkunx hemm konformità mar-rekwiżit stabbilit fil-paragrafu 7.1.1. ta’ hawn fuq jew jekk il-vettura jew il-vetturi magħżula ma jgħaddux mill-kontrolli preskritti fil-paragrafu 7.1.2. ta’ hawn fuq. |
|
8.2. |
Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, din għandha tgħarraf mill-ewwel b’dan lill-Partijiet Kontraenti l-oħra li japplikaw dan ir-Regolament permezz ta’ formola ta’ komunikazzjoni konformi mal-mudell fl-Anness 1 ta’ dan ir-Regolament. |
9. Produzzjoni mwaqqfa għalkollox
|
9.1. |
Jekk id-detentur tal-approvazzjoni jieqaf kompletament jimmanifattura tip ta’ vettura approvat f’konformità ma’ dan ir-Regolament, għandu jinforma b’dan lill-awtorità li tat l-approvazzjoni, li min-naħa tagħha għandha tinnotifika minnufih lill-Partijiet Kontraenti l-oħra għall-Ftehim li japplikaw dan ir-Regolament, permezz ta’ formola ta’ komunikazzjoni li tikkonforma mal-mudell stabbilit fl-Anness 1 ta’ dan ir-Regolament. |
10. Ismijiet u indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip
|
10.1. |
Il-Partijiet Kontraenti għall-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip li jagħtu l-approvazzjoni, u fejn iridu jintbagħtu l-formoli li jiċċertifikaw l-approvazzjoni jew l-estensjoni jew ir-rifjut jew l-irtirar tal-approvazzjoni. |
(1) Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3) (id-dokument TRANS/WP.29/78/Rev.8, il-paragrafu 2) - https://unece.org/transport/vehicle-regulations/wp29/resolutions.
(2) In-numri distintivi tal-Partijiet Kontraenti għall-Ftehim tal-1958 huma riprodotti fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.8 - https://unece.org/transport/vehicle-regulations/wp29/resolutions.
(3) Startjar tal-magna ġdid (jew ċiklu ta’ tħaddim ġdid) li jitwettaq awtomatikament, pereżempju bit-tħaddim ta’ sistema ta’ waqfien/startjar, ma jitqiesx bħala bidu tas-sistema tal-motopropulsjoni.
(4) Kif definit fir-Riżoluzzjoni Reċiproka Nru 2 (M.R.2) tal-Ftehimiet tal-1958 u tal-1998 - Li Fihom Definizzjonijiet tas-Sistema ta’ Propulsjoni tal-Vetturi, ara d-dokument ECE/TRANS/WP.29/1121.
ANNESS 1
Komunikazzjoni
(format massimu: A4 (210 x 297 mm))
|
|
maħruġa minn: |
Isem l-amministrazzjoni: … … … |
|
(1) Numru distintiv tal-pajjiż li ta, estenda, ċaħad jew irtira l-approvazzjoni (ara d-dispożizzjonijiet tal-approvazzjoni fir-Regolament). |
||
|
Dwar: (2) |
Approvazzjoni mogħtija Approvazzjoni estiża Approvazzjoni rrifjutata Approvazzjoni rtirata Produzzjoni mwaqqfa għalkollox |
|
(2) Ħassar dak li ma japplikax. |
|
ta’ tip ta’ vettura fir-rigward tal-prestazzjoni tas-sistema tal-ADDW skont ir-Regolament tan-NU Nru 183
Nru tal-approvazzjoni …
1.
L-isem kummerċjali jew il-marka tal-vettura: …
2.
Tip ta’ vettura: …
3.
Il-mezz ta’ identifikazzjoni tat-tip, jekk immarkat fuq il-vettura/il-komponent/l-unità teknika separata (2): …
4.
Pożizzjoni ta’ dik il-marka: …
5.
Kategorija tal-vettura: …
6.
Isem u indirizz tal-manifattur: …
7.
Jekk applikabbli, l-isem u l-indirizz tar-rappreżentant tal-manifattur: …
8.
Deskrizzjoni qasira tal-vettura: …
9.
Servizz Tekniku li jwettaq il-valutazzjonijiet u l-verifiki: …
10.
Data tar-rapport maħruġ minn dak is-Servizz Tekniku: …
11.
Numru tar-rapport maħruġ minn dak is-Servizz Tekniku: …
12.
Approvazzjoni mogħtija/rifjutata/estiża/irtirata: (2)…
13.
Pożizzjoni tal-marka tal-approvazzjoni fuq il-vettura: …
14.
Post: …
15.
Data: …
16.
Firma: …
17.
Rimarki: …
18.
Il-lista ta’ dokumenti depożitati mal-Awtorità tal-Approvazzjoni li tat l-approvazzjoni hija annessa ma’ din il-komunikazzjoni u tista’ tinkiseb fuq talba.
(1) Numru distintiv tal-pajjiż li ta, estenda, ċaħad jew irtira l-approvazzjoni (ara d-dispożizzjonijiet tal-approvazzjoni fir-Regolament).
(2) Ħassar dak li ma japplikax.
ANNESS 2
Arranġamenti tal-marki tal-approvazzjoni
Mudell A
(Ara l-paragrafu 4.4 ta’ dan ir-Regolament)
a = 8 mm min.
Il-marka tal-approvazzjoni ta’ hawn fuq, imwaħħla ma’ vettura, turi li t-tip ta’ vettura kkonċernat, fir-rigward tas-sistema tal-ADDW tiegħu, ġie approvat fin-Netherlands (E 4) skont ir-Regolament tan-NU Nru 183 bin-Nru ta’ approvazzjoni 000192. L-ewwel żewġ ċifri (00) tan-numru ta’ approvazzjoni jindikaw li l-approvazzjoni ngħatat f’konformità mar-rekwiżiti tar-Regolament tan-NU Nru 183 fil-forma oriġinali tiegħu.
Mudell B
(Ara l-paragrafu 4.4.1. ta’ dan ir-Regolament)
a = 8 mm min.
Il-marka tal-approvazzjoni ta’ hawn fuq imwaħħla ma’ vettura turi li t-tip ta’ vettura konċernat ġie approvat fin-Netherlands (E 4) skont ir-Regolamenti tan-NU Nri 183 u 135. (1) L-ewwel żewġ diġits tan-numri tal-approvazzjoni jindikaw li, fid-dati meta ngħataw l-approvazzjonijiet rispettivi, ir-Regolament tan-NU Nru. 183 kien jinkorpora s-serje ta’ emendi 00 u r-Regolament tan-NU Nru. 135 kien jinkorpora s-serje ta’ emendi 01.
(1) Dan in-numru tal-aħħar huwa mogħti biss bħala eżempju.
ANNESS 3
Pakkett ta’ dokumentazzjoni dwar il-funzjonalità tas-sistema ta’ Twissija Avvanzata tad-Distrazzjoni tas-Sewwieq
1.
Il-pakkett ta’ dokumentazzjoni pprovdut mill-manifattur kemm lill-Awtorità tal-Approvazzjoni kif ukoll lis-Servizz Tekniku li jispjega kif taħdem is-sistema tal-ADDW għandu jinkludi:|
(a) |
spjegazzjoni tal-funzjonijiet ta’ attivazzjoni, ta’ riattivazzjoni u ta’ diżattivazzjoni tas-sistema, inklużi l-firxiet tal-veloċità tal-vettura assoċjati; |
|
(b) |
lista tal-inputs kollha tas-sistema li jkun fihom il-metriċi kollha adottati għall-kejl tad-distrazzjoni tas-sewwieq; |
|
(c) |
deskrizzjoni ta’ kif taħdem il-metrika u kif jiġu mmonitorjati s-sewwieq u l-imġiba tas-sewqan, inkluża, jekk applikabbli, ir-relazzjoni bejn il-metrika primarja u sekondarja/ta’ riżerva; |
|
(d) |
deskrizzjoni tal-imġiba ta’ skattar li tkun qed tiġi mmonitorjata mis-sistema; |
|
(e) |
deskrizzjoni taż-żona madwar ir-referenza okulari possibbli għas-sistema u, jekk tintuża referenza għal standard, iż-żona fejn l-għajnejn tas-sewwieq tat-test ikunu mistennija li jkunu, kif stabbilit fil-paragrafu 4.1.1. (b) fl-Anness 5; |
|
(f) |
deskrizzjoni (deskrizzjoni testwali, illustrazzjoni, tpinġija teknika jew kwalunkwe mezz suffiċjenti ieħor) taż-żona fil-kabina tal-vettura li s-sistema tqis li tkun iż-Żoni 1, 2, u 3, f’konformità mal-paragrafu 5.5.1. f’dan ir-Regolament, għall-valutazzjoni tad-distrazzjoni tas-sewwieq; |
|
(g) |
iż-żona/i li tiddelimita/jiddelimitaw il-pożizzjonament ta’ kull wieħed mill-punti ta’ fissazzjoni tal-ħarsa għall-ittestjar tal-verifika fuq il-post fil-kabina tal-vettura, f’konformità mal-paragrafu 4.2. fl-Anness 5; |
|
(h) |
dokument li jagħti d-dettalji dwar il-komponenti tal-HMI tas-sistema kif ukoll il-funzjonalità maħsuba tagħhom, inklużi dawn li ġejjin:
|
|
(i) |
spjegazzjoni ta’ kif is-sistema tal-ADDW tista’ tiġi rfinata jekk il-vettura tiġi adattata għal sewwieq bi ħtiġijiet speċjali; u |
|
(j) |
il-perjodu ta’ tolleranza tal-ħin magħżul mill-manifattur biex jippermetti kejl kontinwu ta’ event ta’ ħarsa tas-sewwieq fiż-Żona 3 u li matulu jseħħ artifatt possibbli tal-ipproċessar tal-immaġni jew bidla qasira fid-direzzjoni tal-ħarsa (irreferi għall-paragrafu 5.5.2.4. ta’ dan ir-Regolament). |
1.1.
Il-pakkett ta’ dokumentazzjoni għandu jinkludi wkoll lista bid-deskrizzjoni tal-limitazzjonijiet tas-sistema, akkumpanjata minn evidenza dwar kif il-prestazzjoni tas-sistema tiġi affettwata f’dawk il-limitazzjonijiet.
1.1.1.
Il-limitazzjonijiet jistgħu jkunu elementi relatati mas-sewwieq, mal-vettura jew mal-ambjent, iżda ma humiex limitati għal dawn.
1.1.2.
Il-lista għandha tinkludi b’mod ċar l-identifikazzjoni tas-sitwazzjonijiet mhux nominali li jistgħu jikkawżaw id-degradazzjoni tal-prestazzjoni tas-sistema tal-ADDW fi ħdan il-konfini tas-sistema.
1.2.
Il-lista ta’ inputs tas-sistema għandha tiġi pprovduta biss lill-Awtorità tal-Approvazzjoni jew lis-Servizz Tekniku għall-fini ta’ verifika tas-sistema tal-ADDW għall-approvazzjoni tat-tip.
1.3.
Il-lista ta’ kwalunkwe metrika sekondarja ma għandhiex tingħadda mis-Servizz Tekniku għal għand l-Awtorità tal-Approvazzjoni.
2.
Id-dispożizzjonijiet għall-Ispezzjoni Teknika Perjodika tas-sistema
2.1.
Għal spezzjonijiet tekniċi perjodiċi, id-dokumentazzjoni għandha tiddeskrivi kif l-istatus operazzjonali korrett tas-sistema jista’ jiġi kkonfermat (eż. verifika tal-operazzjoni tal-bozoz).
ANNESS 4
Pakkett ta’ dokumentazzjoni dwar l-effettività tas-sistema ta’ Twissija Avvanzata tad-Distrazzjoni tas-Sewwieq
1.
Il-pakkett ta’ dokumentazzjoni li jagħti d-dettalji dwar kif is-sistema tal-ADDW ġiet ivvalidata fi ħdan il-medda tal-limitazzjonijiet stabbiliti fil-paragrafu 1.1. fl-Anness 3 għandu jinkludi dawn li ġejjin:|
(a) |
evidenza dwar il-prestazzjoni tas-sistema miġbura f’testijiet ripetuti mwettqa ma’ sewwieqa umani, inkluża l-informazzjoni dwar in-numru u d-demografija tal-parteċipanti tat-test ivvalutati, li tinkludi:
|
|
(b) |
deskrizzjoni tal-kundizzjonijiet tat-test ivvalutati, inkluża informazzjoni dwar ir-ripetibbiltà u r-riproduċibbiltà tat-test; u |
|
(c) |
evidenza li s-sistema taħdem b’mod effettiv f’kundizzjonijiet tat-temp u ta’ dawl li ma jillimitawx it-tħaddim tas-sistema. |
2.
Jekk il-validazzjoni twettqet fuq vettura oħra, id-dokumentazzjoni għandu jkollha informazzjoni li torbot il-proċess ta’ validazzjoni mar-rekwiżiti tal-approvazzjoni tat-tip għall-vettura.
3.
Jekk l-ittestjar ta’ validazzjoni sar f’simulatur tas-sewqan, il-manifattur tal-vettura għandu jiddokumenta l-limitazzjonijiet tiegħu fir-rigward tal-ittestjar fi triq fil-miftuħ f’kundizzjonijiet reali għall-fini tal-ittestjar tas-sistema tal-ADDW. Din id-dokumentazzjoni għandha tinkludi dan li ġej:|
(a) |
tqabbil tad-data primarja tal-input użata għas-sistema tal-ADDW mis-simulatur u d-data primarja tal-input mill-vettura f’kundizzjonijiet reali; u |
|
(b) |
analiżi tal-validità tar-riżultati tal-validazzjoni simulata. |
4.
Jekk il-validazzjoni tkun twettqet bħala parti mir-riċerka biex tiġi stabbilita l-konformità mar-rekwiżiti tekniċi jew biex tittejjeb il-prestazzjoni tas-sistema għall-approvazzjoni tat-tip, id-dokumentazzjoni għandu jkun fiha informazzjoni dwar il-parametri, inkluża l-medda ta’ aċċettazzjoni użata mill-manifatturi tal-vetturi biex jassiguraw lill-Awtoritajiet tal-Approvazzjoni tat-Tip li s-sistema tal-ADDW tissodisfa r-rekwiżiti stabbiliti f’dan ir-Regolament.
ANNESS 5
Proċedura għall-ittestjar tal-verifika fuq il-post
1. Skop
Ittestjar tal-verifika fuq il-post skont kundizzjonijiet ambjentali esterni reali jew simulati biex jiġi żgurat li s-sistema tal-ADDW tkun operazzjonali u tkun tista’ turi t-twissijiet kollha.
2. Apparat tal-ittestjar
|
2.1. |
Vettura meqjusa għall-approvazzjoni tat-tip stabbilita fil-konfigurazzjoni prestabbilita tagħha. |
|
2.1.1. |
F’dan il-kuntest, tapplika konfigurazzjoni prestabbilita għall-vettura b’partijiet li jiċċaqilqu (jiġifieri li s-sewwieq jista’ jibdel mingħajr il-ħtieġa ta’ għajnuna esterna) li tista’ tbiddel il-viżibbiltà tas-sewwieq jew l-aċċess għal aktar spazju fil-kompartiment ta’ quddiem (inkluż is-saqaf). |
|
2.1.2. |
Il-konfigurazzjoni prestabbilita għat-test għandha tippermetti lis-sewwieq jara u jinteraġixxi mal-aktar punti ta’ fissazzjoni fiż-Żona 3 kif stabbilit fil-paragrafu 4.2. ta’ dan l-Anness u timminimizza l-effett ambjentali bħad-dawl tax-xemx, ir-riħ u x-xita. |
|
2.2. |
Tagħmir biex tiġi ddeterminata l-veloċità murija tal-vettura tat-test (reali jew simulata) sa ± 1 km/h biex jirreġistra u jikkonferma r-rekwiżit tal-veloċitajiet stabbilit fil-paragrafu 5.1. ta’ dan l-Anness. |
|
2.3. |
Għadd suffiċjenti ta’ kameras supplimentari li jinsabu f’post b’mod li jipprovdu ħarsa ġenerali lejn il-kundizzjonijiet tat-test stabbiliti fil-paragrafu 8 ta’ dan l-Anness. |
3. Kampjun tat-testjar
|
3.1. |
It-testjar għandu jsir b’mill-anqas sewwieq wieħed tat-test fis-sit tas-sewwieq.
Is-sewwieq tat-test għandu jippreżenta l-attributi stabbiliti fil-paragrafi 3.1.1. sa 3.1.4. ta’ dan l-Anness. |
|
3.1.1. |
Is-sewwieq tat-test irid ikun f’pożizzjoni li tippermetti lil għajnejn is-sewwieq, bl-aġġustament normali tas-sit u tar-rota tal-isteering tiegħu għas-sewqan, ikunu fil-punt tal-għajn tar-referenza okulari b’varjabbiltà tal-pożizzjoni jew, skont l-għażla tal-manifattur tal-vettura:
|
|
3.1.2. |
L-ebda nuċċali jew aċċessorju tar-ras, inkluż kappell jew maskra. |
|
3.1.3. |
L-ebda xagħar tal-wiċċ apparti ħuġbejn. |
|
3.1.4. |
Il-manifattur tal-vettura jista’ jagħżel li jippermetti wieħed jew aktar mill-attributi stabbiliti fil-paragrafi 3.1.2. u 3.1.3. ta’ hawn fuq għas-sewwieqa tat-test. |
|
3.1.5. |
Il-manifattur tal-vettura jista’ jagħżel li jkabbar iż-żona tal-pożizzjoni possibbli ta’ għajnejn is-sewwieq stabbilita fil-paragrafu 3.1.1. ta’ hawn fuq. |
4. Punti ta’ fissazzjoni tal-ħarsa
|
4.1. |
Il-post xieraq tal-punti ta’ fissazzjoni li għandhom jiġu ttestjati għandu jiġi propost mill-manifattur tal-vettura skont ir-restrizzjonijiet ġeometriċi u tad-disinn tal-kabina tal-vettura meqjusa għall-approvazzjoni tat-tip. |
|
4.2. |
L-ittestjar tal-verifika fuq il-post għandu jinkludi mill-inqas punt ta’ fissazzjoni wieħed li jinsab fiż-żoni kollha li ġejjin, jekk preżenti fil-vettura, u, fejn possibbli, fiż-Żona 3 kif stabbilit fil-paragrafu 5.5.1.6. ta’ dan ir-Regolament:
|
|
4.3. |
Jekk il-pożizzjoni tas-sewwieq tkun fiċ-ċentru tal-kompartiment ta’ quddiem jew qrib tiegħu u n-“naħa l-oħra (min-naħa tas-sewwieq) tal-kompartiment ta’ quddiem tal-vettura” tikkorrispondi għal żewġ żoni possibbli lejn ix-xellug u lejn il-lemin tal-pożizzjoni tas-sewwieq, is-servizzi tekniċi għandhom jagħżlu wieħed minn dawn li ġejjin:
|
5. Veloċitajiet tat-testjar
|
5.1. |
Il-punti kollha ta’ fissazzjoni tal-ħarsa għandhom jiġu ttestjati mill-inqas darba bejn 20 km/h u 35 km/h u mill-inqas darba bejn 50 km/h u 65 km/h. |
6. Kundizzjonijiet ambjentali
|
6.1. |
It-testijiet iridu jitwettqu fuq il-vettura f’kundizzjoni ta’ tħaddim esterna reali jew simulata għal binhar u għal billejl.
Is-sistemi mhux affettwati mid-dawl tax-xemx jistgħu jiġu ttestjati jew f’kundizzjonijiet ta’ binhar jew ta’ billejl. |
|
6.1.1. |
Fejn it-testjar jitwettaq fuq ambjent tat-triq tal-korsa tat-test:
|
|
6.1.2. |
F’każ ta’ ttestjar imwettaq f’ambjent ta’ triq simulat:
|
7. Definizzjoni tas-sollijiet temporali għat-twissijiet
|
7.1. |
Soll primarju għall-emissjoni ta’ twissija ta’ distrazzjoni:
Għandha tiġi skattata twissija f’konformità mar-rekwiżiti stabbiliti fil-paragrafi 5.5.2.1. u 5.5.2.2. ta’ dan ir-Regolament, fejn il-punti ta’ fissazzjoni tal-ħarsa stabbiliti fil-paragrafu 4.2, ta’ dan l-Anness għandhom ikunu l-parametri ta’ monitoraġġ. |
8. Proċedura għat-testjar tal-verifika fuq il-post
|
8.1. |
Is-sewwieq tat-test għandu jingħata struzzjonijiet dwar il-funzjonalità tas-sistema. Il-proċess ta’ struzzjoni għandu jiġi ddokumentat b’mod ċar fid-dossier tal-evidenza pprovdut mill-manifattur tal-vettura lill-Awtoritajiet tal-Approvazzjoni tat-Tip u lis-Servizzi Tekniċi f’konformità mal-Anness 3. |
|
8.2. |
Jekk is-sistema tal-ADDW għandha tiġi kkalibrata għal perjodu ta’ żmien wara l-inizjalizzazzjoni tagħha, il-proċeduri ta’ kalibrazzjoni għandhom isiru matul sitwazzjoni ta’ sewqan fil-linja bażi, mingħajr attivitajiet ta’ distrazzjoni paralleli. |
|
8.2.1. |
Is-sitwazzjoni ta’ sewqan fil-linja bażi għandha tiġi deskritta mill-manifattur biex tkun tista’ titwettaq b’suċċess, b’informazzjoni li tinkludi l-profil tal-veloċità-ħin tal-vettura u l-passi jew l-azzjonijiet speċifiċi meħtieġa mis-sewwieq, iżda mhux limitata għal dawn. |
|
8.3. |
It-testjar tal-punti ta’ fissazzjoni tal-ħarsa |
|
8.3.1. |
Il-proċedura tal-ittestjar għandha tidentifika l-okkorrenzi ta’ ħarsiet uniċi, mhux interrotti fit-tul mis-sewwieq lil hinn mis-sitwazzjoni tas-sewqan. L-identifikazzjoni ta’ dawk l-okkorrenzi għandha tibda meta jiġu ssodisfati ż-żewġ kundizzjonijiet li ġejjin:
|
|
8.3.2. |
L-awtorità responsabbli għall-approvazzjoni tat-tip tista’ tiddeċiedi s-sekwenza li fiha jiġu ttestjati l-punti ta’ fissazzjoni. |
|
8.3.3. |
Matul it-test, l-azzjonijiet mis-sewwieq għandhom ikunu limitati għal dawk li huma mistennija b’mod naturali mill-punti ta’ fissazzjoni meqjusa. |
|
8.3.3.1. |
L-azzjonijiet mistennija b’mod naturali mis-sewwieq tipikament ikunu moviment kombinat kemm tar-ras kif ukoll tal-għajnejn. Madankollu, jista’ jkun hemm sitwazzjonijiet li fihom tiġi osservata mġiba simili għall-moviment tal-għajnejn biss (bħall-gremxula) jew moviment tar-ras biss (bħall-kokka). |
|
8.3.4. |
Għandhom jiġu ttestjati l-punti ta’ fissazzjoni kollha assenjati liż-żoni stabbiliti fil-paragrafu 4.2. ta’ hawn fuq, u li jinsabu fiż-Żona 3. |
|
8.3.5. |
Għall-kejl ta’ kull punt ta’ fissazzjoni tal-ħarsa individwali, il-bidu tal-kejl jiġi skattat hekk kif is-sewwieq tat-test jiġi vvalutat mis-sistema bħala li ma jkunx distratt għal mill-anqas 15-il sekonda. |
|
8.3.6. |
Il-manifattur tal-vettura jista’ jipprovdi informazzjoni permezz tad-dokumentazzjoni, imsemmija fl-Anness 3, biex jiddefinixxi l-imġiba/l-attivitajiet ewlenin li ma humiex se jiġu rikonoxxuti bħala azzjonijiet ta’ distrazzjoni għall-finijiet ta’ dak it-test. |
|
8.3.7. |
Is-sewwieq tat-test jingħata struzzjonijiet biex iċaqlaq il-ħarsa tiegħu lejn wieħed mill-punti ta’ fissazzjoni, billi jiġi applikat ir-rekwiżit mill-paragrafu 8.3.3. ta’ hawn fuq bl-aħjar mod possibbli. |
|
8.3.8. |
Is-sewwieq tat-test iżomm il-ħarsa tiegħu ffukata fuq il-punt ta’ fissazzjoni, sakemm tinħareġ twissija, jew mill-inqas 3 sekondi wara l-ħin li tkun mistennija sseħħ twissija. |
|
8.3.9. |
Wara l-kejl ta’ kull punt ta’ fissazzjoni individwali, is-sewwieq għandu jiġi vvalutat mis-sistema bħala li ma jkunx ġie distratt għal mill-anqas 15-il sekonda qabel ma jgħaddi għall-punt ta’ fissazzjoni li jmiss. |
9. Riżultati tat-test
|
9.1. |
Il-kejl għandu jiġi trattat bħala negattiv falz meta s-sewwieq iżomm il-ħarsa tiegħu ffukata fuq punt ta’ fissazzjoni li jinsab fiż-Żona 3 stabbilita fil-paragrafu 5.5.1.6. f’dan ir-Regolament u skont il-kundizzjoni stabbilita fil-paragrafu 5.5.2.1. f’dan ir-Regolament u l-ebda twissija ta’ distrazzjoni ma tiġi emessa f’temp ta’ 4 sekondi (li tinkludi riżerva ta’ inċertezza ta’ 0,5 sekonda). |
|
9.1.1. |
Kejl jista’ jinbidel minn negattiv falz għal “mhux applikabbli” jekk tkun ġiet skattata twissija akustika jew tattili minn sistema differenti tal-vettura, fil-ħin mistenni għal sistema tal-ADDW, jew ikun marbut mal-valutazzjoni tal-imġiba tas-sewwieq imsemmija fil-paragrafu 8.3.6. f’dan l-Anness. |
|
9.2. |
Il-kejl għandu jiġi trattat bħala negattiv falz meta s-sewwieq iżomm il-ħarsa tiegħu ffukata fuq punt ta’ fissazzjoni li jinsab fiż-Żona 3 stabbilita fil-paragrafu 5.5.1.6. f’dan ir-Regolament u skont il-kundizzjoni stabbilita fil-paragrafu 5.5.2.2. f’dan ir-Regolament u l-ebda twissija ta’ distrazzjoni ma tiġi emessa f’temp ta’ 6,5 sekondi (li tinkludi riżerva ta’ inċertezza ta’ 0,5 sekonda). |
|
9.2.1. |
Kejl jista’ jinbidel minn negattiv falz għal “mhux applikabbli” jekk tkun ġiet skattata twissija akustika jew tattili minn sistema differenti tal-vettura, fil-ħin mistenni għal sistema tal-ADDW, jew ikun marbut mal-valutazzjoni tal-imġiba tas-sewwieq imsemmija fil-paragrafu 8.3.6. f’dan l-Anness. |
10. Proċedura ta’ ttestjar mill-ġdid biex tiġi ffiltrata valutazzjoni imperfetta tal-imġiba umana
|
10.1. |
Il-proċedura ta’ ttestjar mill-ġdid trid issir għal massimu ta’ darbtejn għal kull punt ta’ fissazzjoni vvalutat bħala negattiv falz f’konformità mal-paragrafu 9.1. ta’ hawn fuq, li ġie ttestjat bejn 50 km/h u 65 km/h, u trid titwettaq għal massimu ta’ darbtejn għal punt ta’ fissazzjoni vvalutat bħala negattiv falz f’konformità mal-paragrafu 9.2. ta’ hawn fuq, li ġie ttestjat bejn 20 km/h u 35 km/h. |
|
10.2. |
Il-proċedura ta’ ttestjar mill-ġdid trid issegwi l-pass tal-proċedura ta’ ttestjar stabbilita fil-paragrafi 8.2 sa 8.3.9. ta’ hawn fuq, bl-adattament li ġej:
Is-servizzi tekniċi jistgħu jużaw l-istess sewwieq tat-test jew sewwieq differenti, dment li s-sewwieq tat-test jissodisfa r-rekwiżiti stabbiliti fil-paragrafi 3.1.1. sa 3.1.4. ta’ hawn fuq. |
11. Riżultati finali tat-test
|
11.1. |
Il-kejl matul il-proċedura ta’ ttestjar mill-ġdid għandu jiġi trattat bħala “falliment” jekk punt ta’ fissazzjoni jiġi ttestjat mill-ġdid u vvalutat darbtejn bħala negattiv falz f’konformità mal-paragrafu 9.1. ta’ hawn fuq, jekk jiġi ttestjat bejn 50 km/h u 65 km/h. Negattiv falz riassenjat bħala “mhux applikabbli” jew pożittiv veru ma għandux jibqa’ jitqies bħala negattiv falz u ma għandux jiġġenera “falliment”. Jekk ikun sar ittestjar mill-ġdid wieħed u dan ikun negattiv falz, għandu jsir it-tieni ttestjar mill-ġdid tal-punt ta’ fissazzjoni. |
|
11.2. |
Il-kejl matul il-proċedura ta’ ttestjar mill-ġdid għandu jiġi trattat bħala “falliment” jekk punt ta’ fissazzjoni jiġi ttestjat mill-ġdid u vvalutat darbtejn bħala negattiv falz f’konformità mal-paragrafu 9.2. ta’ hawn fuq, jekk jiġi ttestjat bejn 20 km/h u 35 km/h. Negattiv falz riassenjat bħala “mhux applikabbli” jew pożittiv veru ma għandux jibqa’ jitqies bħala negattiv falz u ma għandux jiġġenera “falliment”. Jekk ikun sar ittestjar mill-ġdid wieħed u dan ikun negattiv falz, għandu jsir it-tieni ttestjar mill-ġdid tal-punt ta’ fissazzjoni. |
12. Kriterji ta’ aċċettazzjoni
|
12.1. |
Il-verifika tal-issodisfar tar-rekwiżiti tekniċi kollha għas-sistemi tal-ADDW permezz ta’ ttestjar tal-verifika fuq il-post. |
|
12.1.1. |
Kriterju ta’ falliment
Is-sistema tal-ADDW għandha titqies li falliet mill-ittestjar tal-verifika fuq il-post meta fost il-punti ta’ fissazzjoni tal-ħarsa kollha stabbiliti fil-paragrafu 4.2. ta’ hawn fuq, ittestjati f’konformità mal-proċedura stabbilita fil-paragrafu 8. ta’ hawn fuq, u possibbilment ittestjati mill-ġdid f’konformità mal-paragrafu 10. ta’ hawn fuq, jinstab kejl wieħed jew aktar ta’ “falliment”, f’konformità mal-paragrafu 11. ta’ hawn fuq. |
|
12.1.2. |
Kriterju ta’ suċċess
Is-sistema tal-ADDW għandha titqies li tkun għaddiet mill-ittestjar tal-verifika fuq il-post meta ma jiġix issodisfat il-kriterju tal-falliment stabbilit fil-paragrafu 12.1.1. ta’ hawn fuq. |
ELI: http://data.europa.eu/eli/reg/2026/2499/oj
ISSN 1977-074X (electronic edition)