|
Il-Ġurnal Uffiċjali |
MT Is-serje C |
|
C/2026/3115 |
10.6.2026 |
Notifika minn qabel ta’ konċentrazzjoni
(Każ M.12465 — SEARCHLIGHT / PROVIDENCE / CLOSERSTILL)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(C/2026/3115)
1.
Fl-1 ta’ Ġunju 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Searchlight Capital Partners, L.P. (“Searchlight”, l-Istati Uniti tal-Amerka), |
|
— |
Providence Equity Partners L.L.C. (“Providence”, l-Istati Uniti tal-Amerka). |
Searchlight u Providence se jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ CloserStill Group Limited (“CloserStill”, ir-Renju Unit).
Il-konċentrazzjoni titwettaq permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma li ġejjin:|
— |
Searchlight hija ditta globali tal-ekwità privata, iffukata fuq il-komunikazzjonijiet, il-media, is-servizzi tan-negozju, is-servizzi industrijali u s-servizzi finanzjarji, li topera fl-Amerka ta’ Fuq u fl-Ewropa, |
|
— |
Providence hija maniġer tal-assi globali u ditta speċjalizzata fl-investiment fl-ekwità privata ffukata fuq investimenti fil-media, fil-komunikazzjoni u fl-edukazzjoni, fl-Amerka ta’ Fuq u fl-Ewropa. |
3.
L-attivitajiet ta’ negozju ta’ CloserStill huma dawn li ġejjin: l-organizzazzjoni ta’ wirjiet u konferenzi fis-setturi (i) tal-Apprendiment u r-Riżorsi Umani, (ii) tat-Trasport u l-Infrastruttura, (iii) tat-Teknoloġija u (iv) tal-Kura tas-Saħħa fi 12-il pajjiż, inkluż fl-UE. Il-kontroll esklużiv ta’ CloserStill bħalissa huwa ta’ Providence.
4.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
5.
Il-Kummissjoni tistieden lill-partijiet terzi interessati biex jibagħtulha l-osservazzjonijiet li jista’ jkollhom dwar il-konċentrazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:
M.12465 — SEARCHLIGHT / PROVIDENCE / CLOSERSTILL
L-osservazzjonijiet jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Indirizz Postali:
|
Il-Kummissjoni Ewropea |
|
Id-Direttorat Ġenerali għall-Kompetizzjoni |
|
Ir-Reġistru tal-Fużjonijiet/Merger Registry |
|
1049 Bruxelles/Brussel |
|
IL-BELĠJU/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ELI: http://data.europa.eu/eli/C/2026/3115/oj
ISSN 1977-0987 (electronic edition)