<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.12-->
  <head>
    <title>2024-11-202411C121202303700-00-TRA-DOC-MT-ARRET-C-0370-23-202410411-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="25/11/2024 16:18:21" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="8/mLHplU7og4XrFxeiBXM+ZE9gHkBzprtEl2AzMPTaM9tYocgYITkICIVPDatWVhsqIgxONy4MBfyXLTjg0e0omVum/0x6Urtg5fcWJKM3grSZ9nGTBMmeyFEPOGTg98vHsXrIYw45i2zhvbaeWzYKGpPbR06W9aWI7Cf5rNeXg=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="74c41006-cc11-479b-8951-644e7313bee2" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0370" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 12-11-24 09:58:40" name="Created"/>
    <meta content="" name="Canevas3_Vademecum"/>
    <meta content="2024-11-22T16:59:13Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="39fdfc8f9e144444ad9de6ecfa1f8fb3" name="DocumentIdentifier"/>
    <meta content="0370" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tal‑21.11.2024 – Kawża C‑370/23</div>
      <div id="rId21" style="default">Mesto Rimavská Sobota</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Il-Ħames Awla)
    </p>
    <p class="C19Centre" id="para-2" title="page-1">
      21 ta’ Novembru 2024  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Ambjent – Regolament (UE) Nru 995/2010 – Obbligi tal-operaturi li jqiegħdu fis-suq injam u prodotti tal-injam – Artikolu 2(a) sa (c) – Kunċetti ta’ ‘injam u ta’ prodotti tal-injam’, ta’ ‘tqegħid fis-suq’ u ta’ ‘operatur’”
    </p>
    <p class="C02AlineaAltA" id="para-4" title="page-1">
      Fil-Kawża C‑370/23,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa min-Najvyšší správny súd Slovenskej republiky (il-Qorti Amministrattiva Suprema tar-Repubblika tas-Slovakkja), permezz ta’ deċiżjoni tas‑26 ta’ April 2023, li waslet fil-Qorti tal-Ġustizzja fit‑13 ta’ Ġunju 2023, fil-proċedura
    </p>
    <p class="C02AlineaAltA" id="para-6" title="page-1">
      Mesto Rimavská Sobota
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Ministerstvo pôdohospodárstva a rozvoja vidieka Slovenskej republiky,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (Il-Ħames Awla),
    </p>
    <p class="C02AlineaAltA" id="para-10" title="page-1">
      komposta minn I. Jarukaitis, President tar-Raba’ Awla, li qiegħed jaġixxi bħala President tal-Ħames Awla, D. Gratsias (Relatur) u E. Regan, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: T. Ćapeta,
    </p>
    <p class="C02AlineaAltA" id="para-12" title="page-1">
      Reġistratur: S. Spyropoulos, amministratriċi,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub u wara s-seduta tal‑15 ta’ Mejju 2024,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Slovakk, minn E. V. Larišová, bħala aġent,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Ungeriż, minn M. Z. Fehér u R. Kissné Berta, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn A. Tokár u C. Valero, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li semgħet il-konklużjonijiet tal-Avukata Ġenerali fis-seduta tal‑4 ta’ Lulju 2024,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 2(b) tar-Regolament (UE) Nru 995/2010 tal-Parlament Ewropew u tal-Kunsill tal‑20 ta’ Ottubru 2010 li jistabbilixxi l-obbligi tal-operaturi li jqiegħdu fis-suq injam u prodotti tal-injam (ĠU 2010, L 295, p. 23).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn il-Mesto Rimavská Sobota (il-Belt ta’ Rimavská Sobota, is-Slovakkja) u l-Ministerstvo pôdohospodárstva a rozvoja vidieka (il-Ministeru għall-Agrikoltura u għall-Iżvilupp Rurali, is-Slovakkja, iktar ’il quddiem il-“Ministeru għall-Agrikoltura”) dwar il-legalità ta’ multa imposta fuq l-ewwel waħda minħabba li ma stabbilixxietx sistema ta’ diliġenza dovuta, fis-sens tal-Artikolu 4(2) u tal-Artikolu 6 tar-Regolament Nru 995/2010.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessa 31 tar-Regolament Nru 995/2010 tistipula:</p>
</td>
</tr>
</table>
    <p class="C02AlineaAltA" id="para-26" title="page-1">
      “Ladarba l-għan ta’ dan ir-Regolament, jiġifieri l-ġlieda kontra l-qtugħ illegali tas-siġar u kontra l-kummerċ relatat miegħu, ma jistax jinkiseb mill-Istati Membri individwalment u jista’ għalhekk, minħabba d-daqs tiegħu, jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 [TUE]. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 1 ta’ dan ir-regolament, intitolat “Suġġett”, jipprevedi li:</p>
</td>
</tr>
</table>
    <p class="C02AlineaAltA" id="para-28" title="page-1">
      “Dan ir-Regolament jistabbilixxi l-obbligi tal-operaturi li jqiegħdu injam u prodotti tal-injam għall-ewwel darba fis-suq intern, kif ukoll l-obbligi tal-kummerċjanti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 2 ta’ dan ir-regolament, intitolat “Definizzjonijiet”, jipprovdi:</p>
</td>
</tr>
</table>
    <p class="C02AlineaAltA" id="para-30" title="page-1">
      “Għall-għanjiet ta’ dan ir-Regolament, għandhom japplikaw id-definizjonijiet li ġejjin:
    </p>
    <p class="C09Marge0avecretrait" id="para-31" title="page-2">
      (a) ‘injam u prodotti tal-injam’ tfisser l-injam u l-prodotti tal-injam stabbiliti fl-Anness, ħlief prodotti tal-injam jew komponenti ta’ dawk il-prodotti manifatturati minn injam jew prodotti tal-injam li temmew iċ-ċiklu tagħhom tal-użu u li kieku jintremew bħala skart, kif definiti fl-Artikolu 3(1) tad-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart [(ĠU 2008, L 312, p. 3)];
    </p>
    <p class="C09Marge0avecretrait" id="para-32" title="page-2">
      (b) ‘tqegħid fis-suq’ tfisser provvista bi kwalunkwe mezz, irrispettivament mit-teknika ta’ bejgħ użata, ta’ injam jew prodotti tal-injam għall-ewwel darba fis-suq intern għad-distribuzzjoni jew l-użu waqt attività kummerċjali, kemm jekk bi ħlas kif ukoll mingħajr ħlas. Għandha tinkludi wkoll provvista permezz ta’ komunikazzjoni minn distanza kif definita fid-Direttiva 97/7/KE tal-Parlament Ewropew u tal-Kunsill tal-20 ta’ Mejju 1997 dwar il-protezzjoni tal-konsumaturi in rigward ta’ kuntratti li jsiru mill-bogħod [(ĠU 1997, L 144, p. 19)]. Il-provvista fis-suq intern ta’ prodotti tal-injam derivati minn injam jew minn prodotti tal-injam li diġà tqiegħdu fis-suq intern m’għandhiex titqies bħala ‘tqegħid fuq is-suq’;
    </p>
    <p class="C09Marge0avecretrait" id="para-33" title="page-2">
      (c) ‘operatur’ tfisser kull persuna fiżika jew ġuridika li tqiegħed fis-suq injam jew prodotti tal-injam;
    </p>
    <p class="C10Marge1" id="para-34" title="page-2">
      […]
    </p>
    <p class="C09Marge0avecretrait" id="para-35" title="page-2">
      (f) ‘maħsud b’mod legali’ tfisser li ġie maħsud f’konformità mal-leġiżlazzjoni applikabbli fil-pajjiż tal-ħsad;
    </p>
    <p class="C09Marge0avecretrait" id="para-36" title="page-2">
      (g) ‘maħsud b’mod illegali’ tfisser li ġie maħsud b’kontravenzjoni tal-leġiżlazzjoni applikabbli fil-pajjiż tal-ħsad;
    </p>
    <p class="C09Marge0avecretrait" id="para-37" title="page-2">
      (h) ‘leġiżlazzjoni applikabbli’ tfisser il-leġiżlazzjoni fis-seħħ fil-pajjiż tal-ħsad, li tkopri l-oqsma tal-liġi li ġejjin:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">id-drittijiet għall-ħsad ta’ injam fi ħdan il-fruntieri ppubblikati legalment,</p>
</td>
</tr>
</table>
    <p class="C13Marge2" id="para-39" title="page-2">
      […]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">id-drittijiet legali ta’ partijiet terzi dwar l-użu u l-pussess li jiġu affettwati mill-ħsad tal-injam, […]</p>
</td>
</tr>
</table>
    <p class="C14Marge2avecretrait" id="para-41" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 4 tal-istess regolament, intitolat “Obbligi tal-operaturi”, jipprevedi:</p>
</td>
</tr>
</table>
    <p class="C02AlineaAltA" id="para-43" title="page-2">
      “1. Għandu jkun ipprojbit it-tqegħid fis-suq ta’ injam maħsud b’mod illegali jew prodotti tal-injam ġejjin minn tali injam.
    </p>
    <p class="C02AlineaAltA" id="para-44" title="page-3">
      2. L-operaturi għandhom jeżerċitaw id-diliġenza dovuta meta jqiegħdu fis-suq injam jew prodotti tal-injam. Għal dak il-għan, huma għandhom jużaw qafas ta’ proċeduri u miżuri, minn issa ’l quddiem imsejħa ‘sistema ta’ diliġenza dovuta’ kif dispost fl-Artikolu 6.
    </p>
    <p class="C02AlineaAltA" id="para-45" title="page-3">
      3. Kull operatur għandu jżomm u jevalwa regolarment is-sistema ta’ diliġenza dovuta li juża […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 6 tar-Regolament Nru 995/2010, bit-titolu “Sistemi ta’ diliġenza dovuta”, jipprovdi, fil-paragrafu (1) tiegħu:</p>
</td>
</tr>
</table>
    <p class="C02AlineaAltA" id="para-47" title="page-3">
      “Is-sistema ta’ diliġenza dovuta msemmija fl-Artikolu 4(2) għandha tinkludi l-elementi li ġejjin:
    </p>
    <p class="C09Marge0avecretrait" id="para-48" title="page-3">
      (a) miżuri u proċeduri li jipprovdu aċċess għall-informazzjoni li ġejja dwar il-forniment ta’ injam jew prodotti tal-injam tal-operatur imqiegħda fis-suq:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">deskrizzjoni, inkluż l-isem kummerċjali u t-tip ta’ prodott, kif ukoll l-isem komuni tal-ispeċi tas-siġar u, fejn ikun applikabbli, l-isem xjentifiku sħiħ,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-pajjiż tal-ħsad, u fejn ikun applikabbli:</p>
</td>
</tr>
</table>
    <p class="C14Marge2avecretrait" id="para-51" title="page-3">
      (i) ir-reġjun sub-nazzjonali fejn l-injam ġie maħsud; u
    </p>
    <p class="C14Marge2avecretrait" id="para-52" title="page-3">
      (ii) il-konċessjoni tal-ħsad,
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-kwantità (espressa f’volum, piż jew numru ta’ unitajiet),</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">l-isem u l-indirizz tal-fornitur għall-operatur,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">l-isem u l-indirizz tal-kummerċjant intern li jkunu ġew ipprovduti lilu l-injam jew il-prodotti tal-injam,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">dokumenti jew informazzjoni oħra li tindika l-konformità ta’ dak l-injam u tal-prodotti tal-injam mal-leġiżlazzjoni applikabbli;</p>
</td>
</tr>
</table>
    <p class="C09Marge0avecretrait" id="para-57" title="page-3">
      (b) proċeduri ta’ stima tar-riskju li jippermettu lill-operatur janalizza, u jagħmel stima tar-riskju li jitqiegħdu fis-suq injam maħsud b’mod illegali jew prodotti tal-injam li ġejjin minn dan l-injam.
    </p>
    <p class="C10Marge1" id="para-58" title="page-3">
      Dawk il-proċeduri għandhom jieħdu kont tal-informazzjoni msemmija fil-punt (a) kif ukoll ta’ kriterji rilevanti ta’ stima tar-riskju, li jinkludu:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">garanzija ta’ konformità mal-leġiżlazzjoni applikabbli, li tista’ tinkludi ċertifikazzjoni jew skemi oħra verifikati minn parti terza li jkopru l-konformità mal-leġiżlazzjoni applikabbli,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">prevalenza ta’ ħsad illegali ta’ speċi ta’ siġar speċifiċi,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">prevalenza ta’ ħsad jew prattika illegali fil-pajjiż tal-ħsad u/jew fir-reġjun sub-nazzjonali fejn ġie maħsud l-injam, inkluża l-kunsiderazzjoni tal-prevalenza ta’ kunflitt armat,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">sanzjonijiet imposti mill-Kunsill tas-Sigurtà tan-Nazzjonijiet Uniti jew mill-Kunsill tal-Unjoni Ewropea fuq importazzjonijiet u esportazzjonijiet tal-injam,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">kumplessità tal-katina ta’ forniment tal-injam u prodotti tal-injam;</p>
</td>
</tr>
</table>
    <p class="C09Marge0avecretrait" id="para-64" title="page-4">
      (c) ħlief fejn ikun negliġibbli r-riskju identifikat matul il-proċeduri ta’ stima tar-riskju imsemmija fil-punt (b), il-proċeduri ta’ mitigazzjoni tar-riskju li huma magħmulin minn sett ta’ miżuri u proċeduri li huma adegwati u proporzjonati biex jimminimizzaw b’mod effettiv dak ir-riskju u li jistgħu jinkludu l-ħtieġa ta’ informazzjoni jew dokumenti addizzjonali u/jew il-ħtieġa ta’ verifika minn parti terza.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 19 ta’ dan ir-regolament, intitolat “Pieni”, jipprovdi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-66" title="page-4">
      “L-Istati Membri għandhom jistabbilixxu r-regoli dwar il-pieni applikabbli għall-ksur tad-dispożizzjonijiet ta’ dan ir-Regolament u għandhom jieħdu l-miżuri kollha meħtieġa biex jiżguraw li jiġu implimentati.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Anness tal-imsemmi regolament, intitolat “Injam u prodotti tal-injam kif ikklassifikati fin-Nomenklatura Magħquda stabbilita fl-Anness I tar-Regolament tal-Kunsill (KEE) Nru 2658/87 [tat‑23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU Edizzjoni Speċjali bil-Malti, Kapitolu 2, Vol. 2, p. 382)], li għalihom japplika dan ir-Regolament” jinkludi l-informazzjoni li ġejja:</p>
</td>
</tr>
</table>
    <p class="C02AlineaAltA" id="para-68" title="page-4">
      “ 4401 Ħatab, fi zkuk, fi zkuk ħoxnin, fi friegħi, f’qatet ta’ għesieleġ jew forom simili; injam f’laqx jew fi frak; serratura u rimi tal-injam u skart, kemm jekk ikunu miġbura fi zkuk, trab tal-faħam ippressat, pritkuna jew forom bħal dawn
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">4403 Injam mhux irfinat, anki jekk bil-qoxra, l-ilbieba jew skwerrat b’mod mhux preċiż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">[…]”</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Slovakk</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Kif jirriżulta mill-Artikolu 1(1)(a) tagħha, iż-zákon č. 113/2018 Z. z. o uvádzaní dreva a výrobkov z dreva na vnútorný trh a o zmene a doplnení zákona č. 280/2017 Z. z. o poskytovaní podpory a dotácie v pôdohospodárstve a rozvoji vidieka a o zmene zákona č. 292/2014 Z. z. o príspevku poskytovanom z európskych štrukturálnych a investičných fondov a o zmene a doplnení niektorých zákonov v znení neskorších predpisov (il-Liġi Nru 113/2018 dwar it-Tqegħid ta’ Injam u Prodotti tal-Injam fis-Suq Intern u li Temenda l-Liġi Nru 280/2017 dwar l-Għoti ta’ Appoġġ u Sussidji għall-Agrikoltura u l-Iżvilupp Rurali u li Temenda l-Liġi Nru 292/2014 dwar is-Sussidji Pprovduti minn Fondi Strutturali u ta’ Investiment Ewropej u li Temenda Ċerti Liġijiet Kif Emendata), tal‑14 ta’ Marzu 2018 (Nru 113/2018 Z. z.), fil-verżjoni tagħha applikabbli għat-tilwima fil-kawża prinċipali (iktar ’il quddiem il-“Liġi dwar l-Injam”), tirregola d-drittijiet u l-obbligi tal-operatur li jqiegħed injam u prodotti tal-injam fis-suq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Artikolu 4 tal-Liġi dwar l-Injam jipprovdi:</p>
</td>
</tr>
</table>
    <p class="C02AlineaAltA" id="para-74" title="page-5">
      “(1) L-operatur li jqiegħed l-injam u l-prodotti tal-injam fis-suq intern għandu japplika sistema ta’ diliġenza dovuta […]. Is-sistema ta’ diliġenza dovuta għandha tiġi stabbilita fuq karta jew f’forma elettronika qabel it-tqegħid fis-suq intern tal-injam u tal-prodotti tal-injam.
    </p>
    <p class="C02AlineaAltA" id="para-75" title="page-5">
      (2) L-operatur għandu jkun obbligat li jiġġestixxi u jevalwa regolarment is-sistema ta’ diliġenza dovuta […]
    </p>
    <p class="C02AlineaAltA" id="para-76" title="page-5">
      (3) Operatur li jqiegħed fis-suq intern injam u prodotti tal-injam li joriġinaw minn siġar jew arbuxelli maħduma fit-territorju tar-Repubblika Slovakka u li huwa l-proprjetarju, l-amministratur jew l-amministratur forestali ta’ art forestali […] għandu wkoll jinkludi fis-sistema ta’ diliġenza dovuta l-informazzjoni, id-dokumenti u r-reġistri previsti mil-leġiżlazzjoni speċifika, kif ukoll informazzjoni dwar il-proċess ta’ estrazzjoni tal-injam, il-manutenzjoni tal-injam u tal-prodotti tal-injam, it-trasport u t-tqegħid fis-suq intern tal-injam u tal-prodotti tal-injam, kif ukoll id-dokumenti relatati.
    </p>
    <p class="C02AlineaAltA" id="para-77" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Skont l-Artikolu 17(1)(c) tal-Liġi dwar l-Injam, operatur iwettaq ksur amministrattiv jekk “ma jamministrax sistema ta’ diliġenza dovuta jew ma jżommx regolarment u ma jevalwax is-sistema ta’ diliġenza dovuta msemmija fl-Artikolu 4(1), (2), (3) jew (5) [ta’ din il-liġi] […]”. L-Artikolu 17(5)(b) tal-imsemmija liġi jipprevedi li “[l]-awtorità inkarigata mill-kontroll għandha timponi, għal […] ksur amministrattiv imsemmi fil-paragrafu 1 […] (c) […], multa bejn [EUR] 2 000 u [EUR] 10 000 […]”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kawża prinċipali u d‑domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Permezz ta’ deċiżjoni tal‑10 ta’ April 2019, is-Slovská lesnícko – drevárská inšpekcia (l-Ispettorat Slovakk tal-Foresti u tal-Industrija Forestali, is-Slovakkja) imponiet fuq il-Belt ta’ Rimavská Sobota multa fl-ammont ta’ EUR 2 000, abbażi tal-Artikolu 17(5) tal-Liġi dwar l-Injam, minħabba li, bħala operatur, fis-sens tal-Artikolu 2(c) tar-Regolament Nru 995/2010, hija kienet naqset milli timplimenta sistema ta’ diliġenza dovuta, fis-sens tal-Artikolu 4(1) sa (3) tal-Liġi dwar l-Injam. Din id-deċiżjoni ġiet ikkonfermata permezz ta’ deċiżjoni tal-Ministeru għall-Agrikoltura tal‑25 ta’ Ġunju 2019.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Il-Belt ta’ Rimavská Sobota ppreżentat azzjoni kontra din id-deċiżjoni tal-aħħar, li ġiet miċħuda permezz ta’ sentenza tal-Krajský súd v Banskej Bystrici (il-Qorti Reġjonali ta’ Banská Bystrica, is-Slovakkja). Il-Belt ta’ Rimavská Sobota adixxiet lin-Najvyšší správny súd Slovenskej republiky (il-Qorti Amministrattiva Suprema tar-Repubblika tas-Slovakkja), il-qorti tar-rinviju, b’appell ta’ kassazzjoni minn din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Skont il-qorti tar-rinviju, il-Belt ta’ Rimavská Sobota kienet tbigħ l-injam billi sempliċement tindika lix-xerrejja s-siġar li kellhom jinħasdu, jew l-artijiet użati għal dan il-ħsad, li kien isir mix-xerrejja stess, taħt is-superviżjoni tal-impjegati muniċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Il-partijiet fil-kawża prinċipali ma jaqblux fuq il-kwistjoni dwar jekk il-Belt ta’ Rimavská Sobota hijiex “operatur” fis-sens tal-Artikolu 2(c) tar-Regolament Nru 995/2010. Din tal-aħħar tqis li din il-kwalifika ma tapplikax għaliha, peress li hija ma kinitx tbigħ injam diġà maħsud, iżda d-dritt li jittieħed l-injam mis-siġar weqfin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Min-naħa tiegħu, il-Ministeru għall-Agrikoltura jsostni li peress li l-Belt ta’ Rimavská Sobota “qiegħdet fis-suq”, fis-sens tal-Artikolu 2(b) tar-Regolament Nru 995/2010, injam, hija “operatur”, fis-sens tal-Artikolu 2(c) ta’ dan ir-regolament, u hija, għaldaqstant, marbuta li tosserva l-obbligi previsti fl-Artikolu 4(2) tiegħu. Skont l-informazzjoni pprovdut mill-qorti tar-rinviju, il-Ministeru għall-Agrikoltura jibbaża ruħu fuq il-fatt li l-Belt ta’ Rimavská Sobota kienet tbigħ direttament injam li x-xerrejja kellhom huma stess jiġbru u jittrasportaw, mingħajr madankollu ma jittrasferixxu lil dawn tal-aħħar id-dritt li jiġbru u jiġġestixxu parti mill-foresta kkonċernata. Fil-fehma tal-Ministeru għall-Agrikoltura, huwa biss f’din l-ipoteżi tal-aħħar li x-xerrejja jistgħu jitqiesu bħala “amministraturi forestali”, fis-sens tad-dispożizzjonijiet rilevanti tad-dritt Slovakk u għalhekk ikollhom l-informazzjoni neċessarja sabiex ikunu jistgħu jistabbilixxu sistema ta’ diliġenza dovuta, kif jeżiġi l-Artikolu 4(2) tal-imsemmi regolament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Il-qorti tar-rinviju tqis li l-kawża li għandha quddiemha tqajjem kwistjoni ta’ interpretazzjoni tal-kunċetti ta’ “tqegħid fis-suq” u ta’ “operatur”, fis-sens tal-Artikolu 2(b) u (c) tar-Regolament Nru 995/2010.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">F’dawn iċ-ċirkustanzi, in-Najvyšší správny súd Slovenskej republiky (il-Qorti Amministrattiva Suprema tar-Repubblika Slovakka) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domanda preliminari li ġejja:</p>
</td>
</tr>
</table>
    <p class="C02AlineaAltA" id="para-87" title="page-7">
      “L-Artikolu 2(b) tar-Regolament [Nru 995/2010] għandu jiġi interpretat fis-sens li t-tqegħid fis-suq ta’ injam jinkludi wkoll il-bejgħ bi ħlas ta’ injam mhux irfinat jew ta’ ħatab fis-sens tal-anness tal-imsemmi regolament, jekk il-ħsad tal-injam li jsir permezz ta’ kuntratt isir mix-xerrej abbażi tal-istruzzjonijiet tal-bejjiegħ u taħt is-superviżjoni ta’ dan tal-aħħar?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ammissibbiltà</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Il-Gvern Slovakk iqis li t-talba għal deċiżjoni preliminari ma hijiex ammissibbli, minħabba li, kif ġiet ifformulata, id-domanda magħmula tistieden lill-Qorti tal-Ġustizzja tapplika r-Regolament Nru 995/2010 għall-fatti tal-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">F’dan ir-rigward, għandu jitfakkar li, fil-kuntest tal-proċedura prevista fl-Artikolu 267 TFUE, ibbażata fuq separazzjoni ċara tal-funzjonijiet bejn il-qrati nazzjonali u l-Qorti tal-Ġustizzja, hija biss il-qorti nazzjonali li għandha ġurisdizzjoni sabiex tikkonstata u tevalwa l-fatti tal-kawża prinċipali kif ukoll sabiex tinterpreta u tapplika d-dritt nazzjonali. Min-naħa l-oħra, hija l-Qorti tal-Ġustizzja li għandha tipprovdi lill-qorti nazzjonali li tkun adixxietha b’rinviju għal deċiżjoni preliminari l-elementi ta’ interpretazzjoni tad-dritt tal-Unjoni li jistgħu jirriżultaw neċessarji għas-soluzzjoni tat-tilwima fil-kawża prinċipali, filwaqt li tieħu inkunsiderazzjoni l-indikazzjonijiet li jinsabu fid-deċiżjoni tar-rinviju fir-rigward tad-dritt nazzjonali applikabbli għall-imsemmija tilwima u għall-fatti li jikkaratterizzawha (ara, f’dan is-sens, is-sentenza tal‑21 ta’ Diċembru 2021, Euro Box Promotion et (C‑357/19, C‑379/19, C‑547/19, C‑811/19 u C‑840/19, EU:C:2021:1034, punt 134 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Issa, f’dan il-każ, għandu jiġi kkonstatat li d-domanda magħmula, skont il-formulazzjoni tagħha stess, titlob lill-Qorti tal-Ġustizzja tinterpreta l-kunċett ta’ “tqegħid fis-suq”, fis-sens tal-Artikolu 2(b) tar-Regolament Nru 995/2010. Hija l-qorti tar-rinviju li għandha tapplika din id-dispożizzjoni, kif interpretata mill-Qorti tal-Ġustizzja, għall-fatti tal-kawża prinċipali, billi tieħu inkunsiderazzjoni l-indikazzjonijiet utli pprovduti għal dan l-għan minnha sabiex tkun tista’ tiddeċiedi l-kawża adita biha (ara, ukoll, is-sentenza tat‑12 ta’ Settembru 2024, Chaudfontaine Loisirs, C‑73/23, EU:C:2024:734, punt 38).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Għaldaqstant, it-talba għal deċiżjoni preliminari hija ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id‑domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Permezz tad-domanda tagħha, il-qorti tar-rinviju tistaqsi, essenzjalment, jekk l-Artikolu 2(a) sa (c) tar-Regolament Nru 995/2010 għandux jiġi interpretat fis-sens li persuna fiżika jew ġuridika li tikkonkludi kuntratt li permezz tiegħu hija tawtorizza lil parti kontraenti tagħha tiġbor, fuq l-istruzzjonijiet tagħha jew taħt il-kontroll tagħha, injam mhux maħdum jew ħatab, għandha titqies “operatur” li jwettaq “tqegħid fis-suq” ta’ “injam u prodotti tal-injam”, fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Skont ġurisprudenza stabbilita, għall-interpretazzjoni ta’ dispożizzjoni tad-dritt tal-Unjoni, għandhom jittieħdu inkunsiderazzjoni mhux biss il-kliem tagħha, iżda wkoll il-kuntest tagħha u l-għanijiet li l-leġiżlazzjoni li minnha hija tagħmel parti tfittex li tilħaq (sentenza tal‑5 ta’ Settembru 2024, W. GmbH, C‑67/23, EU:C:2024:680, punt 70).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Skont l-Artikolu 2(c) tar-Regolament Nru 995/2010, il-kunċett ta’ “operatur” jirreferi għal kull persuna fiżika jew ġuridika li tqiegħed fis-suq injam jew prodotti tal-injam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Skont l-Artikolu 2(b), il-kunċett ta’ “tqegħid fis-suq” ikopri “provvista bi kwalunkwe mezz, irrispettivament mit-teknika ta’ bejgħ użata, ta’ injam jew prodotti tal-injam għall-ewwel darba fis-suq intern għad-distribuzzjoni jew l-użu waqt attività kummerċjali, kemm jekk bi ħlas kif ukoll mingħajr ħlas”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">It-terminu “provvista”, li jinsab fl-imsemmi Artikolu 2(b) għandu, skont is-sens normali tiegħu, jinftiehem bħala li jindika t-trasferiment tal-proprjetà ta’ kwantità ta’ injam jew ta’ prodotti tal-injam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Il-kunċett ta’ “injam u prodotti tal-injam” ikopri, skont l-Artikolu 2(a) ta’ dan ir-regolament, “l-injam u l-prodotti tal-injam stabbiliti fl-Anness [ta’ dan ir-regolament], ħlief prodotti tal-injam jew komponenti ta’ dawk il-prodotti manifatturati minn injam jew prodotti tal-injam li temmew iċ-ċiklu tagħhom tal-użu u li kieku jintremew bħala skart, kif definiti fl-Artikolu 3(1) tad-Direttiva [2008/98]”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Mill-Anness tar-Regolament Nru 995/2010 jirriżulta li l-kunċett ta’ “injam u prodotti tal-injam”, fis-sens ta’ dan ir-regolament, jinkludi l-“injam mhux irfinat” u l-“ħatab” iżda mhux “siġar weqfin”, jiġifieri l-injam tas-siġar maħsuba sabiex jitwaqqgħu li jkunu għadhom ma ġewx imwaqqa’, peress li dan it-tip ta’ injam ma jinsabx f’dan l-anness.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Minn dawn l-elementi jirriżulta li persuna fiżika jew ġuridika għandha titqies bħala “operatur”, li twettaq “tqegħid fis-suq” ta’ “injam u prodotti tal-injam”, fis-sens tad-dispożizzjonijiet tal-Artikolu 2(a) sa (c) tar-Regolament Nru 995/2010, meta, tkun xi tkun it-teknika ta’ bejgħ użata, hija tittrasferixxi, għall-ewwel darba, għal finijiet ta’ distribuzzjoni jew ta’ użu fil-kuntest ta’ attività kummerċjali, id-dritt għall-proprjetà tal-injam mhux irfinat jew tal-ħatab lil persuna li twettaq operazzjonijiet fis-suq intern.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Konsegwentement, dan l-injam mhux irfinat u dan il-ħatab għandhom jitqiesu li tqiegħdu fis-suq minn operatur, fis-sens ta’ dan ir-regolament, meta, wara li jkunu ttieħdu, ikunu ġew suġġetti, għall-ewwel darba, irrispettivament mit-teknika ta’ bejgħ użata, għal trasferiment tal-proprjetà għal finijiet ta’ distribuzzjoni jew ta’ użu fil-kuntest ta’ attività kummerċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fir-rigward tal-kuntest li fih jaqa’ l-Artikolu 2(b) tar-Regolament Nru 995/2010, għandu jiġi rrilevat li, skont l-Artikolu 4(1) tiegħu, “[g]ħandu jkun ipprojbit it-tqegħid fis-suq ta’ injam maħsud b’mod illegali jew prodotti tal-injam ġejjin minn tali injam”. Issa, skont l-Artikolu 2(g) ta’ dan ir-regolament, il-kunċett ta’ injam “maħsud b’mod illegali” jirreferi għall-injam “li ġie maħsud b’kontravenzjoni tal-leġiżlazzjoni applikabbli fil-pajjiż tal-ħsad”. Il-kunċett ta’ “leġiżlazzjoni applikabbli” jindika, skont l-ewwel u r-raba’ inċiż tal-Artikolu 2(h) tal-imsemmi regolament, il-leġiżlazzjoni fis-seħħ fil-pajjiż tal-ħsad, li tkopri, b’mod partikolari, id-dritt li jinġabar injam f’perimetru legalment stabbilit li jkun ġie ppubblikat uffiċjalment kif ukoll id-drittijiet legali ta’ terzi relatati mal-użu u mal-proprjetà li huma affettwati mill-ħsad tal-injam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Minn dawn id-dispożizzjonijiet jirriżulta li r-Regolament Nru 995/2010 ma jirregolax il-kundizzjonijiet għall-kostituzzjoni tad-dritt għall-proprjetà fuq l-injam maħsud permezz tal-qtugħ ta’ siġar u lanqas il-modalitajiet ta’ akkwist jew ta’ trasferiment ta’ dan id-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Dawn il-kundizzjonijiet u dawn il-modalitajiet jaqgħu, għaldaqstant, taħt id-dritt nazzjonali applikabbli, jiġifieri, id-dritt tal-Istat li fit-territorju tiegħu tinsab l-art ikkonċernata. Huwa għalhekk skont il-konsegwenzi li jirriżultaw, skont dan id-dritt nazzjonali, mill-operazzjoni inkwistjoni li għandu jiġi ddeterminat jekk din l-operazzjoni tikkostitwixxix “tqegħid fis-suq”, fis-sens tal-Artikolu 2(b) tar-Regolament Nru 995/2010, ta’ injam jew ta’ prodotti tal-injam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Fir-rigward tal-għan imfittex mir-Regolament Nru 995/2010, dan huwa kkostitwit, skont kif jirriżulta mill-premessa 31 tiegħu, mill-ġlieda kontra l-qtugħ illegali tas-siġar u kontra l-kummerċ relatat miegħu. Għal dan l-għan, skont il-kliem tal-Artikolu 1 ta’ dan ir-regolament, dan tal-aħħar jistabbilixxi, b’mod partikolari, l-obbligi tal-“operaturi”, fis-sens tal-Artikolu 2(c) tal-imsemmi regolament, jiġifieri l-persuni li jqiegħdu għall-ewwel darba fis-suq injam u prodotti tal-injam.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Sabiex jiġi ffaċilitat li dan l-għan jintlaħaq, l-applikazzjoni tad-dritt nazzjonali għandha tippermetti li jiġi ddeterminat b’ċertezza jekk, f’każ partikolari, persuna fiżika jew ġuridika jkollhiex il-kwalità ta’ proprjetarja tal-injam maħsud fil-mument tal-ewwel bejgħ tiegħu lil terz, b’tali mod li hija għandha tiġi kklassifikata bħala “operatur”, li twettaq “tqegħid fis-suq” ta’ “injam jew ta’ prodotti tal-injam”, fis-sens tal-Artikolu 2(a) sa (c) ta’ dan ir-regolament, u għandha tassumi l-obbligi li jirriżultaw minn dawn il-kwalifiki legali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Minn dan isegwi li kuntratt, bħal dak li ssemmi l-qorti tar-rinviju, li bis-saħħa tiegħu l-amministratur tal-foresta kkonċernata jawtorizza lill-parti kontraenti tiegħu twaqqa’, fuq l-istruzzjonijiet tiegħu jew taħt il-kontroll tiegħu, ċerti siġar ta’ din il-foresta u li taħsad l-injam li jirriżulta mill-qtugħ ta’ dawn is-siġar, jista’ jikkostitwixxi “tqegħid fis-suq”, fis-sens tal-Artikolu 2(b) tar-Regolament Nru 995/2010, peress li dan il-kuntratt għandu l-effett, skont id-dritt nazzjonali applikabbli, li jwettaq it-trasferiment tal-proprjetà ta’ dan l-injam, wara l-ħsad tiegħu, bejn dan l-amministratur u din il-parti kontraenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Min-naħa l-oħra, meta, skont id-dritt nazzjonali applikabbli, l-imsemmi kuntratt ma jkunx iwassal għal tali trasferiment tal-proprjetà tal-injam maħsud, iżda l-parti kontraenti ssir direttament u awtomatikament proprjetarja ta’ dan l-injam minħabba s-sempliċi fatt tal-qtugħ tas-siġar ikkonċernati, il-kuntratt konkluż mal-amministratur tal-art ma jkunx jista’ jwettaq tali “tqegħid fis-suq”. Kemm-il darba jitqies li tali operazzjoni tista’ tiġi kklassifikata bħala provvista ta’ siġar weqfin, huwa biżżejjed li jitfakkar li kif ġie rrilevat fil-punt 30 ta’ din is-sentenza, is-siġar weqfin ma jaqgħux taħt il-kunċett ta’ “injam u ta’ prodotti tal-injam”, fis-sens tar-Regolament Nru 995/2010. F’dan il-każ, it-tqegħid fis-suq iseħħ meta l-persuna li tkun ħasdet l-injam ikkonċernat tkun ittrasferixxiet il-proprjetà tiegħu lil terz għal finijiet ta’ distribuzzjoni jew ta’ użu fil-kuntest ta’ attività kummerċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">F’dan il-każ, hija l-qorti tar-rinviju, li għandha l-ġurisdizzjoni esklużiva sabiex tikkonstata u tevalwa l-fatti tal-kawża adita biha kif ukoll sabiex tinterpreta u tapplika d-dritt Slovakk u, b’mod partikolari, ir-regoli li jirregolaw il-kostituzzjoni, l-akkwist u t-trasferiment tad-dritt għall-proprjetà ta’ kwantità ta’ injam maħsud, li għandha tevalwa jekk il-Belt ta’ Rimavská Sobota, fil-kwalità tagħha ta’ amministratur tal-foresta kkonċernata, saritx, wara l-ħsad tal-injam, proprjetarja tal-injam maħsud mill-parti kontraenti tagħha. Jekk dan huwa l-każ, it-trasferiment sussegwenti tal-proprjetà ta’ dan l-injam lil dawn tal-aħħar, skont il-kuntratti li l-Belt ta’ Rimavská Sobota kkonkludiet magħhom, jikkostitwixxi “tqegħid fis-suq”, fis-sens tal-Artikolu 2(b) tar-Regolament Nru 995/2010, sakemm dan it-trasferiment ikun sar għal finijiet ta’ distribuzzjoni jew ta’ użu fil-kuntest ta’ attività kummerċjali, fatt li għandu jiġi vverifikat ukoll mill-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Fid-dawl tal-kunsiderazzjonijiet kollha premessi, ir-risposta għad-domanda magħmula għandha tkun li l-Artikolu 2(a) sa (c) tar-Regolament Nru 995/2010 għandu jiġi interpretat fis-sens li persuna fiżika jew ġuridika li tikkonkludi kuntratt li permezz tiegħu hija tawtorizza lill-parti kontraenti tagħha tieħu, fuq l-istruzzjonijiet tagħha jew taħt il-kontroll tagħha, injam mhux irfinat jew ħatab, għandha titqies li hija “operatur” li jwettaq “tqegħid fis-suq” ta’ “injam u ta’ prodotti tal-injam”, fis-sens ta’ din id-dispożizzjoni, meta, skont id-dritt nazzjonali applikabbli, din il-parti kontraenti ma ssirx direttament u awtomatikament proprjetarja tal-injam maħsud biss minħabba l-qtugħ tas-siġar, iżda, fl-eżekuzzjoni ta’ dan il-kuntratt, din il-persuna, li tkun żammet it-titolu tad-dritt għall-proprjetà fuq dan l-injam, tittrasferixxi, wara l-ħsad tal-injam, dan id-dritt għall-proprjetà lill-imsemmija parti kontraenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-114" title="page-10">
      Għal dawn il-motivi, il-Qorti tal-Ġustizzja (Il-Ħames Awla) taqta’ u tiddeċiedi:
    </p>
    <p class="C30Dispositifalinea" id="para-115" title="page-11">
      L-Artikolu 2(a) sa (c) tar-Regolament Nru 995/2010 tal-Parlament Ewropew u tal-Kunsill tal-20 ta’ Ottubru 2010 li jistabbilixxi l-obbligi tal-operaturi li jqiegħdu fis-suq injam u prodotti tal-injam,
    </p>
    <p class="C30Dispositifalinea" id="para-116" title="page-11">
      għandu jiġi interpretat fis-sens li:
    </p>
    <p class="C30Dispositifalinea" id="para-117" title="page-11">
      persuna fiżika jew ġuridika li tikkonkludi kuntratt li permezz tiegħu hija tawtorizza lill-parti kontraenti tagħha taħsad, fuq l-istruzzjonijiet tagħha jew taħt il-kontroll tagħha, injam mhux maħdum jew ħatab, għandha titqies li hija “operatur” li jwettaq “tqegħid fis-suq” ta’ “injam u ta’ prodotti tal-injam”, fis-sens ta’ din id-dispożizzjoni, meta, skont id-dritt nazzjonali applikabbli, din il-parti kontraenti ma ssirx direttament u awtomatikament proprjetarja tal-injam maħsud biss minħabba l-qtugħ tas-siġar, iżda, fl-eżekuzzjoni ta’ dan il-kuntratt, din il-persuna, li tkun żammet it-titolu tad-dritt għall-proprjetà fuq dan l-injam, tittrasferixxi, wara l-ħsad tal-injam, dan id-dritt għall-proprjetà lill-imsemmija parti kontraenti.
    </p>
    <div class="signatures">
<p class="C77Signatures" id="para-118" title="page-11">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: is-Slovakk.</p>
</body>
</html>
