C_202501327MT.000101.fmx.xml

P9_TA(2024)0219

L-ipprezzar ta' trasferimenti

Riżoluzzjoni leġiżlattiva tal-Parlament Ewropew tal-10 ta' April 2024 dwar il-proposta għal direttiva tal-Kunsill dwar l-ipprezzar ta’ trasferiment (COM(2023)0529 – C9-0339/2023 – 2023/0322(CNS))

(Proċedura leġiżlattiva speċjali – konsultazzjoni)

(C/2025/1327)

Il-Parlament Ewropew,

—	wara li kkunsidra l-proposta tal-Kummissjoni lill-Kunsill (COM(2023)0529),

—	wara li kkunsidra l-Artikolu 115 tat-Trattat dwar il-Funzjonament tal-Unjoni Ewropea, li skontu l-Kunsill ikkonsulta lill-Parlament (C9-0339/2023),

—	wara li kkunsidra l-Artikolu 82 tar-Regoli ta’ Proċedura tiegħu,

—	wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0066/2024),

1.	Japprova l-proposta tal-Kummissjoni kif emendata;

2.	Jappella lill-Kummissjoni biex temenda l-proposta skont dan, f’konformità mal-Artikolu 293(2) tat-Trattat dwar il-Funzjonament tal-Unjoni Ewropea;

3.	Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.	Jitlob lill-Kunsill biex jerġa’ jikkonsultah jekk ikollu l-ħsieb li jemenda l-proposta tal-Kummissjoni b’mod sostanzjali;

5.	Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda 1

Proposta għal direttiva

Premessa 2a (ġdida)

Test propost mill-Kummissjoni

Emenda

(2a)

L-erożjoni tal-bażi tat-taxxa u t-trasferiment tal-profitti (BEPS) tirreferi għal strateġiji ta’ ppjanar tat-taxxa użati minn intrapriżi multinazzjonali li jisfruttaw in-nuqqasijiet u d-diskrepanzi fir-regoli tat-taxxa sabiex jevitaw milli jħallsu t-taxxa. L-ipprezzar ta’ trasferiment, filwaqt li attwalment huwa meħtieġ biex jiġi ddeterminat fejn jiġu rrapportati l-profitti, intuża wkoll ħażin biex jitnaqqsu l-obbligazzjonijiet ta’ taxxa tad-ditti f’pajjiżi b’rati ogħla tat-taxxa, li jwassal għal trasferiment tal-profitti. Jenħtieġ li l-prinċipju ta’ distakkament jiġi applikat fl-Istati Membri, u mill-kontribwenti, b’mod li jiggarantixxi aktar ċertezza tat-taxxa għall-kontribwenti u jimminimizza l-opportunitajiet ta’ trasferiment tal-profitti.

Emenda 2

Proposta għal direttiva

Premessa 2b (ġdida)

Test propost mill-Kummissjoni

Emenda

(2b)	Is-soluzzjoni fit-tul biex jiġi indirizzat l-evitar tat-taxxa u biex jiġi ggarantit livell minimu ta’ tassazzjoni effettiva għall-gruppi MNE jenħtieġ li tkun sistema bi tqassim skont formula speċifika għall-benefiċċju tal-Istati Membri kollha.

Emenda 3

Proposta għal direttiva

Premessa 3

Test propost mill-Kummissjoni

Emenda

(3)

Meta l-Istati Membri japplikaw jew jinterpretaw il-prinċipju ta’ distakkament b’mod differenti, dawn joħolqu sitwazzjonijiet li jistgħu jagħmlu ħsara lis-suq intern. L-inkonsistenza fir-regoli applikabbli dwar l-ipprezzar ta’ trasferiment mhux biss tista’ twassal għal tassazzjoni doppja iżda tippermetti wkoll trasferiment tal-profitti u evitar tat-taxxa. Tali inkonsistenza hija ostaklu serju għat-taxxa fil-każ tan-negozji li joperaw bejn il-fruntieri , x’aktarx li tikkawża distorsjonijiet u ineffiċjenzi ekonomiċi u għandha impatt negattiv fuq l-investiment u t-tkabbir transfruntier.

(3)

Meta l-Istati Membri japplikaw jew jinterpretaw il-prinċipju ta’ distakkament b’mod li jkun differenti b’mod sinifikanti , dawn joħolqu sitwazzjonijiet li jistgħu jagħmlu ħsara lis-suq intern u jwasslu għal kosti bla bżonn għan-negozji f’każ ta’ tilwim, kif ukoll jinstigaw kompetizzjoni fit-taxxa li tkun ta’ dannu, jattiraw strutturi ta’ evitar aggressiv tat-taxxa, jiffurmaw għajnuna mill-Istat illegali u jnaqqsu d-dħul mill-Istati Membri . L-inkonsistenza fir-regoli applikabbli dwar l-ipprezzar ta’ trasferiment mhux biss tista’ twassal għal tassazzjoni doppja iżda tippermetti wkoll trasferiment tal-profitti u evitar tat-taxxa u n-nontassazzjoni doppja . Tali inkonsistenzi sinifikanti jistgħu jippreżentaw theddida serja għad-dħul mit-taxxa, għall-moral tat-taxxa u għall-kapaċitajiet limitati tal-amministrazzjonijiet tat-taxxa. Barra minn hekk tali inkonsistenzi jwasslu għal ostakli fil-każ tan-negozji , speċjalment l-SMEs, li joperaw bejn il-fruntieri u x’aktarx li jikkawżaw distorsjonijiet u ineffiċjenzi ekonomiċi u jkollhom impatt negattiv fuq l-investiment transfruntier. Barra minn hekk, jenħtieġ li l-Kummissjoni tiżgura li din id-Direttiva ma toħloq l-ebda inkonsistenza mal-aktar linji gwida reċenti tal-OECD, inkluż l-Ammont A u l-Ammont B tal-Pilastru Wieħed li għandhom l-għan li jissimplifikaw ir-regoli eżistenti dwar -ipprezzar ta’ trasferiment.

Emenda 4

Proposta għal direttiva

Premessa 3a (ġdida)

Test propost mill-Kummissjoni

Emenda

(3a)	Madankollu, l-amministrazzjonijiet tat-taxxa jenħtieġ li jikkunsidraw li l-intrapriżi assoċjati jistgħu jkunu ġenwini fid-determinazzjoni preċiża ta’ prezz tas-suq fin-nuqqas ta’ forzi tas-suq jew meta tiġi adottata strateġija kummerċjali partikolari.

Emenda 5

Proposta għal direttiva

Premessa 3b (ġdida)

Test propost mill-Kummissjoni

Emenda

(3b)

Fil-bidu tal-proġett tal-BEPS fl-2013, l-OECD kienet stmat, filwaqt li rrikonoxxiet il-limitazzjonijiet metodoloġiċi u tad-data, li l-iskala tat-telf globali tad-dħul mit-taxxa korporattiva fuq l-introjtu minħabba l-prattiki tal-BEPS, inkluża l-manipulazzjoni tal-ipprezzar ta’ trasferiment, tista’ tkun bejn USD 100 u 240 biljun fis-sena (1a) .

Emenda 6

Proposta għal direttiva

Premessa 4

Test propost mill-Kummissjoni

Emenda

(4)	Din id-Direttiva tistabbilixxi regoli biex tiġi żgurata applikazzjoni komuni tal-prinċipju ta’ distakkament madwar l-Unjoni bil-għan li tiżdied iċ-ċertezza tat-taxxa u jitnaqqsu l-okkorrenzi tat-tassazzjoni doppja kif ukoll tan-nontassazzjoni doppja.

(4)

Din id-Direttiva tistabbilixxi regoli biex tiġi żgurata applikazzjoni komuni tal-prinċipju ta’ distakkament madwar l-Unjoni bil-għan li tiżdied iċ-ċertezza tat-taxxa , jitnaqqsu l-okkorrenzi tat-tassazzjoni doppja kif ukoll tan-nontassazzjoni doppja , jitnaqqsu l-kostijiet ta’ konformità mar-regoli tat-taxxa u l-litigazzjoni, speċjalment għall-kontribwenti li joperaw b’mod transfruntier ġewwa l-Unjoni, u li jiġi evitat l-abbuż tat-taxxa .

Emenda 7

Proposta għal direttiva

Premessa 6

Test propost mill-Kummissjoni

Emenda

(6)

Sabiex tiġi żgurata l-mitigazzjoni tat-tassazzjoni doppja, l-Istati Membri jenħtieġ li jkollhom stabbiliti mekkaniżmi adegwati biex ikunu jistgħu, meta jsir aġġustament primarju fi Stat Membru ieħor jew f’ġuriżdizzjoni ta’ pajjiż terz, jagħmlu aġġustament korrelattiv. B’mod partikolari, l-Istati Membri jenħtieġ li jkollhom il-possibbiltà li jwettqu aġġustamenti korrelattivi u jenħtieġ li ma jillimitawx l-għoti ta’ tali aġġustament fil-kuntest ta’ proċeduri ta’ ftehim reċiproku (MAPs) iżda wkoll bħala riżultat ta’: (i) proċedura “rapida” li għandha tiġi konkluża fi żmien 180 jum mingħajr il-ħtieġa li tinfetaħ MAP meta ma jkun hemm l-ebda dubju li l-aġġustament primarju jkun fondat sew; jew (ii) awditi konġunti jew forom oħra ta’ kooperazzjoni internazzjonali bħal programmi multilaterali ta’ valutazzjoni tar-riskju bħall-Approċċ Ewropew ta’ Fiduċja u Kooperazzjoni (ETACA) u l-Programm Internazzjonali ta’ Assigurazzjoni tal-Konformità (ICAP). Għal dan l-għan, jenħtieġ li l-Istati Membri jużaw il-proċeduri u l-arranġamenti kollha pprovduti mid-Direttiva dwar il-kooperazzjoni amministrattiva (DAC), speċjalment it-tielet u s-sitt reviżjoni li jkopru l-iskambju ta’ informazzjoni relatata ma’ Arranġamenti Preliminari ta’ Prezzijiet ta’ Trasferiment u l-iskambju ta’ informazzjoni dwar arranġamenti transfruntieri rapportabbli li ġew rrapportati minn intermedjarji jew mill-kontribwent rilevanti.

Emenda 8

Proposta għal direttiva

Premessa 6a (ġdida)

Test propost mill-Kummissjoni

Emenda

(6a)

Minħabba ż-żieda possibbli fil-litigazzjoni, din id-Direttiva tirrikjedi l-introduzzjoni ta’ mekkaniżmi rapidi li jkunu jiffunzjonaw b’tali mod li jwieġbu għat-talbiet kollha. Is-sistema ta’ arbitraġġ jeħtieġ li tkun rapida biex ikunu jistgħu jintlaħqu ftehimiet u b’hekk jiġu evitati l-problemi u l-kunflitti li jistgħu jinqalgħu.

Emenda 9

Proposta għal direttiva

Premessa 6b (ġdida)

Test propost mill-Kummissjoni

Emenda

(6b)

Il-presenza ta’ mekkaniżmi aċċessibbli għas-soluzzjoni tat-tilwim hija ta’ importanza kruċjali għall-kummerċ transfruntier, u tiżgura ċ-ċertezza fiskali u l-eliminazzjoni tat-taxxa doppja għall-kontribwenti. It-tisħiħ tal-użu ta’ proċeduri ta’ ftehim reċiproku (MAPs) kif indikat fil-Konvenzjoni dwar l-Arbitraġġ tal-UE tista’ tħaffef is-soluzzjoni tal-każijiet fi żmien iqsar. Għal dan il-għan, l-Istati huma mistiedna jassenjaw riżorsi adegwati biex jiġu rispettati l-iskadenzi u l-MAPs ikunu jistgħu jissarrfu f’għodda effikaċi li telimina t-taxxa doppja.

Emenda 10

Proposta għal direttiva

Premessa 7

Test propost mill-Kummissjoni

Emenda

(7)

Jista’ jkun hemm raġunijiet leġittimi għaliex aġġustament korrelattiv ma jingħatax jew ikun inqas mill-aġġustament primarju. B’mod partikolari, l-Istati Membri jenħtieġ li ma jagħtux aġġustamenti korrelattivi jekk: (i) l-aġġustament primarju ma jitqiesx li huwa konsistenti mal-prinċipju ta’ distakkament; (ii) l-aġġustament primarju ma jirriżultax fit-tassazzjoni ta’ ammont ta’ profitti f’ġuriżdizzjoni oħra li fuqhom l-intrapriża assoċjata fl-Istat Membru rilevanti tkun diġà ġiet soġġetta għat-taxxa; u (iii) meta tkun involuta ġuriżdizzjoni ta’ pajjiż terz, ma jkun hemm l-ebda trattat dwar it-taxxa stabbilit. Fin-nuqqas ta’ aġġustament primarju, l-Istati Membri jistgħu jwettqu aġġustament ’l isfel biss jekk: (i) l-aġġustament ’l isfel huwa konsistenti mal-prinċipju ta’ distakkament: (ii) ammont ugwali għall-aġġustament ’l isfel huwa inkluż fil-profitt tal-intrapriża assoċjata fil-ġuriżdizzjoni l-oħra u hemmhekk ikun soġġett għat-taxxa: u (iii) intbagħtet komunikazzjoni dwar l-intenzjoni li jitwettaq aġġustament ’l isfel lill-ġuriżdizzjoni rilevanti. L-għan tad-dispożizzjonijiet preċedenti huwa li jiġi żgurat li: (i) l-Istati Membri jkunu jistgħu jippreżervaw id-dritt li jivvalutaw jekk l-aġġustament primarju huwiex fuq bażi distakkata; u (ii) la hemm tassazzjoni doppja u lanqas nuqqas ta’ tassazzjoni doppju . L-Istati Membri jenħtieġ li ma joħolqux sitwazzjonijiet ta’ nuqqas ta’ tassazzjoni doppju .

(7)

Jista’ jkun hemm raġunijiet leġittimi għaliex aġġustament korrelattiv ma jingħatax jew ikun inqas mill-aġġustament primarju. B’mod partikolari, l-Istati Membri jenħtieġ li ma jagħtux aġġustamenti korrelattivi jekk: (i) l-aġġustament primarju ma jitqiesx li huwa konsistenti mal-prinċipju ta’ distakkament; (ii) l-aġġustament primarju ma jirriżultax fit-tassazzjoni ta’ ammont ta’ profitti f’ġuriżdizzjoni oħra li fuqhom l-intrapriża assoċjata fl-Istat Membru rilevanti tkun diġà ġiet soġġetta għat-taxxa; u (iii) meta tkun involuta ġuriżdizzjoni ta’ pajjiż terz, ma jkun hemm l-ebda trattat dwar it-taxxa stabbilit. Fin-nuqqas ta’ aġġustament primarju, l-Istati Membri jistgħu jwettqu aġġustament ’l isfel biss jekk: (i) l-aġġustament ’l isfel huwa konsistenti mal-prinċipju ta’ distakkament u ma jwassalx għal nontassazzjoni doppja ; (ii) ammont ugwali għall-aġġustament ’l isfel huwa inkluż fil-profitt tal-intrapriża assoċjata fil-ġuriżdizzjoni l-oħra u hemmhekk ikun soġġett għat-taxxa; u (iii) intbagħtet komunikazzjoni dwar l-intenzjoni li jitwettaq aġġustament ’l isfel lill-ġuriżdizzjoni rilevanti. L-għan tad-dispożizzjonijiet preċedenti huwa li jiġi żgurat li: (i) l-Istati Membri jkunu jistgħu jippreżervaw id-dritt li jivvalutaw jekk l-aġġustament primarju huwiex fuq bażi distakkata; u (ii) la hemm tassazzjoni doppja u lanqas nontassazzjoni doppja . L-Istati Membri jenħtieġ li ma joħolqux sitwazzjonijiet ta’ nontassazzjoni doppja .

Emenda 11

Proposta għal direttiva

Premessa 13

Test propost mill-Kummissjoni

Emenda

(13)

Sabiex jiġi mminimizzat it-tilwim u jiġi żgurat approċċ komuni madwar l-Unjoni, din id-Direttiva tipprevedi wkoll li l-kontribwent ma għandux ikun soġġett għal aġġustament meta r-riżultati tiegħu jaqgħu fil-medda interkwartali sakemm l-amministrazzjoni tat-taxxa jew il-kontribwent ma jġibux provi li jkun ġustifikat pożizzjonament differenti speċifiku fil-medda mill-fatti u ċ-ċirkostanzi tal-każ speċifiku. Meta r-riżultati ta’ tranżazzjoni kkontrollata jaqgħu barra mill-medda tad-distakkament, l-amministrazzjonijiet tat-taxxa jenħtieġ li jkunu meħtieġa jagħmlu aġġustament għall-medjan tar-riżultati kollha sakemm il-kontribwent jew l-amministrazzjoni tat-taxxa ma tagħtix prova li kwalunkwe punt ieħor tal-medda jiddetermina prezz ta’ distakkament aktar affidabbli f’każ partikolari.

(13)

Sabiex jiġi mminimizzat it-tilwim , jitnaqqsu l-kostijiet relatati għan-negozji u jiġi żgurat approċċ komuni madwar l-Unjoni, din id-Direttiva tipprevedi wkoll li l-kontribwent jenħtieġ li ma jkunx soġġett għal aġġustament meta r-riżultati tiegħu jaqgħu fil-medda interkwartali sakemm l-amministrazzjoni tat-taxxa jew il-kontribwent ma jġibux provi li jkun ġustifikat pożizzjonament differenti speċifiku fil-medda mill-fatti u ċ-ċirkostanzi tal-każ speċifiku. Meta r-riżultati ta’ tranżazzjoni kkontrollata jaqgħu barra mill-medda tad-distakkament, l-amministrazzjonijiet tat-taxxa jenħtieġ li jkunu meħtieġa jagħmlu aġġustament għall-medjan tar-riżultati kollha sakemm il-kontribwent jew l-amministrazzjoni tat-taxxa ma tagħtix prova li kwalunkwe punt ieħor tal-medda jiddetermina prezz ta’ distakkament aktar affidabbli f’każ partikolari.

Emenda 12

Proposta għal direttiva

Premessa 14

Test propost mill-Kummissjoni

Emenda

(14)

Sabiex jitnaqqas il-piż tal-konformità għall-kontribwenti li joperaw b’mod transfruntier fl-Unjoni, jenħtieġ li jiġi introdott ukoll approċċ komuni lejn id-dokumentazzjoni dwar l-ipprezzar ta’ trasferiment. L-istabbiliment ta’ mudell standard partikolari, ta’ regoli dwar il-kontenut u l-arranġamenti lingwistiċi, dwar il-perjodi ta’ żmien u liema kontribwenti jenħtieġ li jkunu fl-ambitu jwasslu għas-sempliċità u l-iffrankar potenzjali tal-kostijiet filwaqt li jitqies il-Kapitolu V “Dokumentazzjoni” tal-Linji Gwida tal-OECD dwar l-Ipprezzar tat-Trasferimenti u l-Kodiċi ta’ Kondotta dwar id-dokumentazzjoni tal-ipprezzar ta’ trasferiment għal intrapriżi assoċjati fl-Unjoni Ewropea (33).

(14)

Sabiex jitnaqqas il-piż tal-konformità għall-kontribwenti li joperaw b’mod transfruntier fl-Unjoni , kif ukoll biex jiġi indirizzat ir-riskju tal-evitar tat-taxxa , jenħtieġ li jiġi introdott ukoll approċċ komuni lejn id-dokumentazzjoni dwar l-ipprezzar ta’ trasferiment. L-istabbiliment ta’ mudell standard partikolari, ta’ regoli dwar il-kontenut u l-arranġamenti lingwistiċi, dwar il-perjodi ta’ żmien u liema kontribwenti jenħtieġ li jkunu fl-ambitu jwasslu għas-sempliċità u l-iffrankar potenzjali tal-kostijiet filwaqt li jitqies il-Kapitolu V “Dokumentazzjoni” tal-Linji Gwida tal-OECD dwar l-Ipprezzar tat-Trasferimenti u l-Kodiċi ta’ Kondotta dwar id-dokumentazzjoni tal-ipprezzar ta’ trasferiment għal intrapriżi assoċjati fl-Unjoni Ewropea (33). L-interpretazzjoni armonizzata ta’ dawk it-termini fil-livell tal-Unjoni hija meħtieġa wkoll biex tiffaċilita l-applikazzjoni ta’ din id-Direttiva mill-amministrazzjonijiet tat-taxxa u min-negozji. Għalhekk, l-Istati Membri jenħtieġ li jagħtu s-setgħa lill-amministrazzjonijiet tat-taxxa tagħhom biex jittrattaw b’mod effiċjenti l-isforzi komuni ta’ dokumentazzjoni dwar l-ipprezzar ta’ trasferiment.

Emenda 13

Proposta għal direttiva

Premessa 16

Test propost mill-Kummissjoni

Emenda

(16)

Sabiex tinħoloq aktar ċertezza għall-kontribwenti u jiġi mmitigat ir-riskju ta’ tassazzjoni doppja , il-possibbiltà li jiġu stabbiliti aktar regoli komuni vinkolanti dwar l-ipprezzar ta’ trasferiment permezz ta’ atti ta’ implimentazzjoni hija prevista f’din id-Direttiva. Dawk l-atti ta’ implimentazzjoni jenħtieġ li jipprovdu lill-kontribwenti perspettiva ċara ta’ dak li l-awtoritajiet tat-taxxa fl-Unjoni jikkunsidraw aċċettabbli biex jintuża għal tranżazzjonijiet speċifikati u jipprovdu l-hekk imsejħa “portijiet sikuri” li jnaqqsu l-piż tal-konformità u l-għadd ta’ każijiet ta’ tilwim. Fid-dawl tal-impatt potenzjali ta’ tali miżuri fuq is-setgħa nazzjonali eżekuttiva u ta’ infurzar fir-rigward tat-tassazzjoni diretta, l-eżerċitar tad-drittijiet ta’ tassazzjoni allokati skont konvenzjonijiet tat-taxxa bilaterali jew multilaterali li jipprevjenu t-tassazzjoni doppja jew in-nuqqas ta’ tassazzjoni doppja u fid-dawl tal-impatt potenzjali fuq il-bażijiet tat-taxxa tal-Istati Membri, il-Kunsill jenħtieġ li jingħata setgħat ta’ implimentazzjoni għall-adozzjoni ta’ deċiżjonijiet skont din id-Direttiva, filwaqt li jaġixxi fuq proposta mill-Kummissjoni.

(16)

Sabiex tinħoloq aktar ċertezza għall-kontribwenti u jiġi mmitigat ir-riskju tan-nontassazzjoni doppja u tat-tassazzjoni doppja u b’kont meħud tal-impatt potenzjali tal-miżuri rilevanti fuq is-setgħa nazzjonali eżekuttiva u ta’ infurzar fir-rigward tat-tassazzjoni diretta, l-eżerċitar tad-drittijiet ta’ tassazzjoni allokati skont konvenzjonijiet bilaterali jew multilaterali dwar it-taxxa li jipprevjenu t-tassazzjoni doppja jew in-nontassazzjoni doppja u fid-dawl tal-impatt potenzjali fuq il-bażijiet tat-taxxa tal-Istati Membri, is-setgħa li jiġu adottati atti f’konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni sabiex jiġu stabbiliti aktar regoli komuni vinkolanti dwar l-ipprezzar ta’ trasferiment. Dawk l-atti delegati jenħtieġ li jipprovdu lill-kontribwenti perspettiva ċara ta’ dak li l-awtoritajiet tat-taxxa fl-Unjoni jikkunsidraw aċċettabbli biex jintuża għal tranżazzjonijiet speċifikati u jipprovdu l-hekk imsejħa “portijiet sikuri” li jnaqqsu l-piż tal-konformità u l-għadd ta’ każijiet ta’ tilwim.

Emenda 14

Proposta għal direttiva

Premessa 16a (ġdida)

Test propost mill-Kummissjoni

Emenda

(16a)

Peress li l-ipprezzar ta’ trasferiment huwa suġġett li jevolvi matul iż-żmien, se jkun essenzjali li tiġi mmonitorjata b’mod kontinwu l-ħtieġa ta’ aġġustamenti ta’ din id-Direttiva bil-għan li tiġi ggarantita l-uniformità tal-metodoloġiji tal-ipprezzar ta’ trasferiment fl-Unjoni u fuq livell globali.

Emenda 15

Proposta għal direttiva

Premessa 16b (ġdida)

Test propost mill-Kummissjoni

Emenda

(16b)

Il-Forum Konġunt tal-UE dwar l-Ipprezzar ta’ Trasferiment offra soluzzjonijiet prattiċi għall-isfidi ppreżentati mill-prattiki tal-ipprezzar ta’ trasferiment fl-Istati Membri kollha. L-istabbiliment mill-ġdid ta’ dak il-forum b’mandat usa’ jippermetti lill-esperti nazzjonali mill-Istati Membri, flimkien mar-rappreżentanti tal-komunità tan-negozju, l-akkademiċi u s-soċjetà ċivili, jappoġġaw lill-Kummissjoni, li jista’ jirriżulta f’leġiżlazzjoni li kapaċi tilħaq l-objettiv iddikjarat li tiżdied is-sigurtà għan-negozju fl-Unjoni. Perspettiva konġunta tal-kontribwenti u tal-awtoritajiet tat-taxxa tipprovdi perspettiva aktar komprensiva f’dak li għandu x’jaqsam mas-sejbien ta’ soluzzjonijiet prattiċi.

Emenda 16

Proposta għal direttiva

Premessa 17

Test propost mill-Kummissjoni

Emenda

(17)	Sabiex tiġi evalwata l-effettività tar-regoli l-ġodda stabbiliti f’din id-Direttiva, jenħtieġ li l-Kummissjoni tħejji evalwazzjoni abbażi tal-informazzjoni pprovduta mill-Istati Membri u data oħra disponibbli.

(17)	Sabiex jiġu evalwati l-effettività u l-impatt tar-regoli l-ġodda stabbiliti f’din id-Direttiva, jenħtieġ li l-Kummissjoni tħejji evalwazzjoni abbażi tal-informazzjoni pprovduta mill-Istati Membri u data oħra disponibbli , akkumpanjata bi proposta leġiżlattiva, jekk ikun il-każ .

Emenda 17

Proposta għal direttiva

Premessa 17a (ġdida)

Test propost mill-Kummissjoni

Emenda

(17a)

Il-Kummissjoni jenħtieġ li tirrieżamina l-applikazzjoni ta’ din id-Direttiva għall-gruppi MNE li jaqgħu taħt il-kamp ta’ applikazzjoni tal-proposta għal Direttiva tal-Kunsill dwar in-Negozju fl-Ewropa: Qafas għat-Tassazzjoni tal-Introjtu (BEFIT).

Emenda 18

Proposta għal direttiva

Premessa 18

Test propost mill-Kummissjoni

Emenda

(18)

Sabiex in-negozji jkunu jistgħu jgawdu direttament mill-benefiċċji tas-suq intern mingħajr ma jġarrbu piż amministrattiv addizzjonali bla bżonn, l-informazzjoni dwar id-dispożizzjonijiet tat-taxxa stabbiliti f’din id-Direttiva jenħtieġ li ssir aċċessibbli permezz tal-Gateway Diġitali Unika (“SDG”) f’konformità mar-Regolament (UE) 2018/1724 (34). L-SDG tipprovdi punt uniku ta’ servizz għall-utenti transfruntieri għall-forniment online ta’ informazzjoni, proċeduri u servizzi ta’ assistenza rilevanti għall-funzjonament tas-suq intern. Dan il-punt uniku ta’ servizz jenħtieġ li jkun intuwittiv, faċilment aċċessibbli u mgħammar bl-għodda kollha meħtieġa sabiex ma jkunx hemm ostakli burokratiċi ġodda għall-intrapriżi. L-esperjenza tajba tal-punt uniku ta’ servizz tat-Taxxa fuq il-Valur Miżjud (VAT) hija eżempju tajjeb ta’ kif tali punt uniku jenħtieġ li jitfassal biex jiffunzjona tajjeb.

Emenda 19

Proposta għal direttiva

Premessa 21

Test propost mill-Kummissjoni

Emenda

(21)

Sabiex jitnaqqas il-piż amministrattiv għall-kontribwenti, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tad-dokumentazzjoni tal-ipprezzar ta’ trasferiment, billi jiġu stabbiliti mudelli komuni u rekwiżiti lingwistiċi, jiġi ddefinit it-tip ta’ kontribwent li għandu jirrispetta dawn il-mudelli u l-perjodi ta’ żmien li għandhom jiġu koperti. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, anke fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(21)

Sabiex jitnaqqas il-piż amministrattiv għall-kontribwenti u r-riskju tal-evitar tat-taxxa , is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tad-dokumentazzjoni tal-ipprezzar ta’ trasferiment, billi jiġu stabbiliti mudelli komuni u rekwiżiti lingwistiċi, jiġi ddefinit it-tip ta’ kontribwent li għandu jirrispetta dawn il-mudelli u l-perjodi ta’ żmien li għandhom jiġu koperti. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, anke fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

Emenda 20

Proposta għal direttiva

Artikolu 1 – paragrafu 1

Test propost mill-Kummissjoni	Emenda
Din id-Direttiva tistabbilixxi regoli għall-armonizzazzjoni tar-regoli dwar l-ipprezzar ta’ trasferiment tal-Istati Membri u biex tiġi żgurata applikazzjoni komuni tal-prinċipju ta’ distakkament fl-Unjoni.	Din id-Direttiva tistabbilixxi regoli għall-armonizzazzjoni tar-regoli dwar l-ipprezzar ta’ trasferiment tal-Istati Membri u biex tiġi żgurata applikazzjoni komuni tal-prinċipju ta’ distakkament fl-Unjoni bil-għan li tiġi ssimplifikata l-konformità għall-kumpaniji filwaqt li jiġu infurzati r-regoli tat-taxxa fl-Unjoni .

Emenda 21

Proposta għal direttiva

Artikolu 3 – paragrafu 1 – punt 1

Test propost mill-Kummissjoni

Emenda

(1)

“prinċipju ta’ distakkament” tfisser l-istandard internazzjonali li jippreskrivi li l-intrapriżi assoċjati jeħtiġilhom jinnegozjaw ma’ xulxin daqslikieku kienu partijiet terzi indipendenti. Fi kliem ieħor, it-tranżazzjonijiet bejn żewġ intrapriżi assoċjati jenħtieġ li jirriflettu l-eżitu li kien jinkiseb kieku l-partijiet ma kinux relatati, jiġifieri li kieku l-partijiet kienu indipendenti minn xulxin u l-eżitu (prezz jew marġini) kien iddeterminat minn forzi tas-suq (miftuħa).

(1)

“prinċipju ta’ distakkament” tfisser l-istandard internazzjonali skont l-Artikolu 9 tal-Mudell ta’ Konvenzjoni dwar it-Taxxa tal-OECD li jippreskrivi li l-intrapriżi assoċjati jeħtiġilhom jinnegozjaw ma’ xulxin daqslikieku kienu partijiet terzi indipendenti. Fi kliem ieħor, it-tranżazzjonijiet bejn żewġ intrapriżi assoċjati jenħtieġ li jirriflettu l-eżitu li kien jinkiseb kieku l-partijiet ma kinux relatati, jiġifieri li kieku l-partijiet kienu indipendenti minn xulxin u l-eżitu (prezz jew marġini) kien iddeterminat minn forzi tas-suq (miftuħa).

Emenda 22

Proposta għal direttiva

Artikolu 3 – paragrafu 1 – punt 18

Test propost mill-Kummissjoni

Emenda

(18)

“Linji Gwida tal-OECD dwar l-Ipprezzar tat-Trasferimenti” tfisser l-OECD Transfer Pricing Guidelines for Multinational Enterprises and Tax Administrations 2022, approvati mill-Kunsill tal-OECD skont ir- Recommendation of the Council on the Determination of Transfer Pricing between Associated Enterprises [C(95)126/Final], u kif emendata fl-20 ta’ Jannar 2022 u inkluża fl-Anness I, u kwalunkwe emenda oħra għal dawn il-Linji Gwida tal-OECD dwar l-Ipprezzar tat-Trasferimenti li l-Unjoni approvat fil-kuntest tal-Kumitat tal-OECD dwar l-Affarijiet Fiskali permezz tal-adozzjoni ta’ pożizzjoni tal-Unjoni skont l-Artikolu 218(9) tat-TFUE;

(18)

“Linji Gwida tal-OECD dwar l-Ipprezzar tat-Trasferimenti” tfisser l-OECD Transfer Pricing Guidelines for Multinational Enterprises and Tax Administrations 2022, approvati mill-Kunsill tal-OECD skont ir- Recommendation of the Council on the Determination of Transfer Pricing between Associated Enterprises [C(95)126/Final], u kif emendata fl-20 ta’ Jannar 2022 u inkluża fl-Anness I, u kwalunkwe emenda oħra għal dawn il-Linji Gwida tal-OECD dwar l-Ipprezzar tat-Trasferimenti li l-Istati Membri approvaw fil-kuntest tal-Kumitat tal-OECD dwar l-Affarijiet Fiskali jew li l-Unjoni approvat permezz tal-adozzjoni ta’ pożizzjoni tal-Unjoni skont l-Artikolu 218 tat-TFUE;

Emenda 23

Proposta għal direttiva

Artikolu 3 – paragrafu 1a (ġdid)

Test propost mill-Kummissjoni

Emenda

Il-Kummissjoni għandha tingħata s-setgħa li tadotta atti delegati f’konformità mal-Artikolu 18 sabiex tinkorpora kwalunkwe emenda ulterjuri fil-Linji Gwida tal-OECD dwar l-Ipprezzar tat-Trasferimenti, kif definit fil-punt (18) ta’ dan l-Artikolu, li l-Istati Membri approvaw fil-kuntest tal-Kumitat tal-OECD għall-Affarijiet Fiskali jew li l-Unjoni approvat permezz tal-adozzjoni ta’ pożizzjoni tal-Unjoni skont l-Artikolu 218 tat-TFUE.

Emenda 24

Proposta għal direttiva

Artikolu 5 – paragrafu 1 – punt a

Test propost mill-Kummissjoni

Emenda

(a)	persuna tipparteċipa fil-ġestjoni ta’ persuna oħra billi tkun f’pożizzjoni li teżerċita influwenza sinifikanti fuq il-persuna l-oħra;

(a)	Ma taffettwax il-verżjoni Maltija.

Emenda 25

Proposta għal direttiva

Artikolu 6 – paragrafu 3 – punt a – punt i

Test propost mill-Kummissjoni

Emenda

(i)	tindika ċ-ċirkostanzi fattwali u legali kollha meħtieġa biex jiġi evalwat l-aġġustament primarju mwettaq fil-ġuriżdizzjoni l-oħra skont il-prinċipju ta’ distakkament;

(i)	tindika ċ-ċirkostanzi fattwali u legali kollha meħtieġa biex jiġi evalwat l-aġġustament primarju mwettaq fil-ġuriżdizzjoni l-oħra skont il-prinċipju ta’ distakkament , inkluża dokumentazzjoni rilevanti ta’ pprezzar ta’ trasferiment ikkomunikata lill-Istati Membri ;

Emenda 26

Proposta għal direttiva

Artikolu 6 – paragrafu 3 – punt a – punt iia (ġdid)

Test propost mill-Kummissjoni

Emenda

(iia)

tikkomunika, għal kull Stat Membru kkonċernat bl-aġġustament, ir-rata tat-taxxa effettiva kkalkulata fis-sens tad-Direttiva tal-Kunsill (UE) 2022/2523 (1a) ;

Emenda 27

Proposta għal direttiva

Artikolu 6 – paragrafu 3 – punt b

Test propost mill-Kummissjoni

Emenda

(b)

L-Istati Membri għandhom jiddikjaraw it-talba ammissibbli fi żmien 30 jum permezz ta’ notifika lill-kontribwent jekk tkun ġiet ippreżentata l-informazzjoni kollha prevista fil-paragrafu 3(a). Fl-istess perjodu ta’ żmien, l-Istati Membri għandhom jinnotifikaw lill-kontribwent dwar in-nuqqas ta’ kwalunkwe informazzjoni meħtieġa u jagħtu mill-inqas 30 jum biex din tingħata. Jekk il-kontribwent ma jipprovdix l-informazzjoni mitluba sal-iskadenza assenjata, it-talba tista’ tiġi rifjutata bħala inammissibbli.

(b)

L-Istati Membri għandhom jiddikjaraw it-talba ammissibbli fi żmien 40 jum permezz ta’ notifika lill-kontribwent jekk tkun ġiet ippreżentata l-informazzjoni kollha prevista fil-paragrafu 3(a). Fl-istess perjodu ta’ żmien, l-Istati Membri għandhom jinnotifikaw lill-kontribwent dwar in-nuqqas ta’ kwalunkwe informazzjoni meħtieġa u jagħtu mill-inqas 40 jum biex din tingħata. Jekk il-kontribwent ma jipprovdix l-informazzjoni mitluba sal-iskadenza assenjata, it-talba għandha tiġi rifjutata bħala inammissibbli.

Emenda 28

Proposta għal direttiva

Artikolu 6 – paragrafu 3 – punt c

Test propost mill-Kummissjoni

Emenda

(c)	L-Istati Membri għandhom jiżguraw li meta t-tassazzjoni doppja tirriżulta minn aġġustament primarju li jsir fi Stat Membru ieħor, il-proċedura tiġi konkluża fi żmien 180 jum minn meta tasal it-talba tal-kontribwent b’att motivat ta’ aċċettazzjoni jew rifjut.

(c)

L-Istati Membri għandhom jiżguraw li meta t-tassazzjoni doppja tirriżulta minn aġġustament primarju li jsir fi Stat Membru ieħor, il-proċedura tiġi konkluża fi żmien 200 jum minn meta tasal it-talba tal-kontribwent b’att motivat ta’ aċċettazzjoni jew rifjut. Il-proċedura tista’ tiġi estiża darba b’perjodu ta’ 100 jum jekk il-kontribwent u l-Istati Membri kkonċernati kollha jaqblu dwar tali estensjoni.

Emenda 29

Proposta għal direttiva

Artikolu 6 – paragrafu 3 – punt d

Test propost mill-Kummissjoni

Emenda

(d)	Fil-każ ta’ aċċettazzjoni, l-Istati Membri għandhom jikkomunikaw lill-awtorità tat-taxxa tal-ġuriżdizzjoni rilevanti l-oħra r-rikonoxximent tal-aġġustament korrelattiv.

(d)	Fil-każ ta’ aċċettazzjoni, l-Istati Membri għandhom jikkomunikaw minnufih lill-awtorità tat-taxxa tal-ġuriżdizzjoni rilevanti l-oħra r-rikonoxximent tal-aġġustament korrelattiv.

Emenda 30

Proposta għal direttiva

Artikolu 6 – paragrafu 3a (ġdid)

Test propost mill-Kummissjoni	Emenda
	3a. Għall-fini tal-paragrafi 1, 2 u 3, l-Istati Membri għandhom jużaw il-proċeduri u l-arranġamenti kollha pprovduti mid-Direttiva dwar il-Kooperazzjoni Amministrattiva (DAC).

Emenda 31

Proposta għal direttiva

Artikolu 5 – paragrafu 5 – punt aa (ġdid)

Test propost mill-Kummissjoni

Emenda

(aa)	l-aġġustament ’l isfel ma jwassalx għan-nontassazzjoni doppja, li jfisser li l-aġġustament ’l isfel ikun inkluż fil-profitti taxxabbli tal-intrapriża assoċjata fil-ġuriżdizzjoni l-oħra;

Emenda 32

Proposta għal direttiva

Artikolu 11 – paragrafu 3 – punt a

Test propost mill-Kummissjoni

Emenda

(a)	l-ebda waħda mid-differenzi (jekk ikun hemm) bejn it-tranżazzjonijiet li jkunu qed jitqabblu jew bejn l-intrapriżi li jkunu qed iwettqu dawk it-tranżazzjonijiet ma tista’ taffettwa materjalment il-prezz fis-suq miftuħ;

(a)	l-ebda waħda mid-differenzi (jekk ikun hemm) bejn it-tranżazzjonijiet li jkunu qed jitqabblu jew bejn l-intrapriżi li jkunu qed iwettqu dawk it-tranżazzjonijiet ma tista’ taffettwa materjalment il-prezz jew il-marġni fis-suq miftuħ;

Emenda 33

Proposta għal direttiva

Artikolu 14 – paragrafu 2

Test propost mill-Kummissjoni

Emenda

2. Il-Kunsill jista’ jistabbilixxi regoli ulterjuri, konsistenti mal-Linji Gwida tal-OECD dwar l-Ipprezzar tat-Trasferimenti, dwar kif il-prinċipju ta’ distakkament u d-dispożizzjonijiet l-oħra stabbiliti fil-Kapitolu II ta’ din id-Direttiva għandhom jiġu applikati fi tranżazzjonijiet speċifiċi biex tiġi żgurata aktar ċertezza tat-taxxa u jiġi mmitigat ir-riskju ta’ tassazzjoni doppja. Dawk it-tranżazzjonijiet jew negozjati speċifiċi huma dawn li ġejjin:

2. Il-Kummissjoni għandha tingħata s-setgħa li tadotta atti delegati skont l-Artikolu 18 biex tistabbilixxi regoli ulterjuri, konsistenti mal-aħħar Linji Gwida dwar l-Ipprezzar tat-Trasferimenti rrakkomandati fil-livell internazzjonali maħruġa mill-OECD jew min-Nazzjonijiet Uniti , dwar kif il-prinċipju ta’ distakkament u d-dispożizzjonijiet l-oħra stabbiliti fil-Kapitolu II ta’ din id-Direttiva għandhom jiġu applikati fi tranżazzjonijiet speċifiċi biex tiġi żgurata aktar ċertezza tat-taxxa u jiġi mmitigat ir-riskju tan-nontassazzjoni doppja u tat-tassazzjoni doppja u jitnaqqsu t-tilwim dwar it-taxxa u l-abbuż tat-taxxa .

(a)	it-trasferiment ta’ assi intanġibbli jew ta’ drittijiet f’assi intanġibbli bejn intrapriżi assoċjati, inklużi assi intanġibbli li diffiċli jiġu vvalutati;

(b)	il-forniment ta’ servizzi bejn intrapriżi assoċjati, inkluż il-forniment ta’ servizzi ta’ kummerċjalizzazzjoni u ta’ distribuzzjoni;

(c)	l-arranġamenti ta’ kontribuzzjoni għall-kostijiet bejn l-intrapriżi assoċjati;

(d)	it-tranżazzjonijiet bejn intrapriżi assoċjati fil-kuntest tar-ristrutturar tan-negozju;

(e)	it-tranżazzjonijiet finanzjarji;

(f)	in-negozjati bejn l-uffiċċju prinċipali u l-istabbilimenti permanenti tiegħu.

Emenda 34

Proposta għal direttiva

Artikolu 14 – paragrafu 2a (ġdid)

Test propost mill-Kummissjoni

Emenda

2a. Il-Kummissjoni tista’ tadotta atti delegati skont l-Artikolu 18 biex tistabbilixxi regoli ulterjuri, bħall-introduzzjoni ta’ portijiet sikuri, biex tissimplifika l-applikazzjoni tal-prinċipju ta’ distakkament fl-Unjoni, biex tiżgura aktar ċertezza tat-taxxa u timmitiga r-riskju tan-nontassazzjoni doppja u tat-tassazzjoni doppja, u biex tnaqqas it-tilwim dwar it-taxxa u l-abbuż tat-taxxa.

Emenda 35

Proposta għal direttiva

Artikolu 14 – paragrafu 2b (ġdid)

Test propost mill-Kummissjoni	Emenda
	2b. Il-Kummissjoni tista’ tadotta att delegat skont l-Artikolu 18, li jistabbilixxi regoli għall-integrazzjoni f’din id-Direttiva tal-approċċ simplifikat propost għall-konformità tal-ipprezzar ta’ trasferiment għall-attivitajiet ta’ distribuzzjoni u manifattura kif imsemmi fid-Direttiva tal-Kunsill XX/XX/UE dwar in-Negozju fl-Ewropa: Qafas għat-Tassazzjoni tal-Introjtu (BEFIT).

Emenda 36

Proposta għal direttiva

Artikolu 14b – paragrafu 3

Test propost mill-Kummissjoni	Emenda
3. Ir-regoli msemmija fil-paragrafu 2 għandhom jittieħdu permezz ta’ atti ta’ implimentazzjoni tal-Kunsill ibbażati fuq proposta mill-Kummissjoni.	imħassar

Emenda 37

Proposta għal direttiva

Artikolu 14a (ġdid)

Test propost mill-Kummissjoni	Emenda
	Artikolu 14a
	Twaqqif mill-Ġdid tal-Forum Konġunt tal-UE dwar l-Ipprezzar ta’ Trasferiment
	1. Il-Kummissjoni għandha tistabbilixxi u tippresjedi l-Forum Ewropew dwar il-Prezzijiet ta’ Trasferiment (EFTP). L-EFTP għandu jipprovdi pariri u assistenza lill-kumitat fis-sens tal-Artikolu 17, b’mod partikolari biex jivvaluta l-ħtieġa ta’ kwalunkwe aġġustament għal din id-Direttiva bil-għan li jiggarantixxi l-uniformità kontinwa tal-metodoloġiji tal-ipprezzar ta’ trasferiment fl-Unjoni u fix-xena globali u, l-aktar importanti, filwaqt li jitqiesu l-iżviluppi fil-livell tal-OECD jew tan-NU.
	2. L-EFTP għandu jkun magħmul minn rappreżentanti tal-Istati Membri u rappreżentanza bbilanċjata tal-kontribwenti, tal-akkademiċi u tas-soċjetà ċivili. Il-Parlament Ewropew għandu jkun membru tal-EFTP bħala osservatur. Il-kundizzjonijiet għas-sħubija għandhom jiġu deċiżi mill-kumitat kif imsemmi fl-Artikolu 17.

Emenda 38

Proposta għal direttiva

Artikolu 14b (ġdid)

Test propost mill-Kummissjoni	Emenda
	Artikolu 14b
	Twessigħ tal-inizjattiva tal-Approċċ Ewropew ta’ Fiduċja u Kooperazzjoni (ETACA)
	1. Il-kamp ta’ applikazzjoni tal-Approċċ Ewropew ta’ Fiduċja u Kooperazzjoni (ETACA) għandu jinkludi r-rieżamijiet tal-ipprezzar ta’ trasferiment ta’ flussi intra-Unjoni speċifiċi mill-Istati Membri li jipparteċipaw, u mhux biss it-tranżazzjonijiet ta’ valur miżjud baxx, kif inhu l-każ bħalissa.
	2. L-Istati Membri huma mistiedna jistabbilixxu rabta bejn l-ETACA u l-APAs sabiex jiġi żgurat li l-ETACA jservi bħala mezz rapidu biex jinstabu soluzzjonijiet stabbli meta jfeġġu problemi matul il-proċess ta’ rieżami.

Emenda 39

Proposta għal direttiva

Artikolu 15 – paragrafu 1

Test propost mill-Kummissjoni

Emenda

1. Il-Kummissjoni għandha teżamina u tevalwa l-applikazzjoni ta’ din id-Direttiva kull 5 snin u tippreżenta rapport dwar l-evalwazzjoni tagħha lill-Parlament Ewropew u lill-Kunsill. L-ewwel rapport għandu jiġi preżentat sal-31 ta’ Diċembru 2031 .

1. Kull tliet snin, il-Kummissjoni għandha teżamina u tevalwa l-applikazzjoni , l-impatt u l-interazzjoni ta’ din id-Direttiva mal-aktar linji gwida reċenti tal-OECD jew tan-NU u tippreżenta rapport dwar l-evalwazzjoni tagħha lill-Parlament Ewropew u lill-Kunsill , li jkun akkumpanjat, jekk ikun xieraq, bi proposta leġiżlattiva . L-ewwel rapport għandu jiġi preżentat sal-31 ta’ Diċembru 2029 . Il-Kummissjoni tista’ tiddevja minn dawk il-kalendarji meta jiġu miftiehma linji gwida ġodda dwar l-Ipprezzar ta’ Trasferiment fil-livell tal-OECD jew tan-NU.

Emenda 40

Proposta għal direttiva

Artikolu 15 – paragrafu 2

Test propost mill-Kummissjoni	Emenda
2. L-Istati Membri għandhom jikkomunikaw lill-Kummissjoni l-informazzjoni rilevanti għall-evalwazzjoni ta’ din id-Direttiva bil-għan li tittejjeb l-applikazzjoni tal-prinċipju ta’ distakkament, li titnaqqas it-tassazzjoni doppja kif ukoll li jiġi miġġieled l-abbuż tat-taxxa, f’konformità mal-paragrafu 3.	2. L-Istati Membri għandhom jikkomunikaw lill-Kummissjoni l-informazzjoni rilevanti għall-evalwazzjoni ta’ din id-Direttiva bil-għan li tittejjeb l-applikazzjoni tal-prinċipju ta’ distakkament, li jitnaqqsu n-nontassazzjoni doppja u t-tassazzjoni doppja kif ukoll li jiġu miġġielda l-abbuż tat-taxxa u t-tilwim dwar it-taxxa , f’konformità mal-paragrafu 3.

Emenda 41

Proposta għal direttiva

Artikolu 15 – paragrafu 5

Test propost mill-Kummissjoni

Emenda

5. L-informazzjoni kkomunikata lill-Kummissjoni minn Stat Membru skont l-Artikolu 2, kif ukoll kwalunkwe rapport jew dokument prodotti mill-Kummissjoni li jużaw tali informazzjoni, jistgħu jiġu trażmessi lil Stati Membri oħra. L-informazzjoni għandha tkun koperta mill-obbligu ta’ segretezza uffiċjali u għandha tgawdi l-protezzjoni estiża għal informazzjoni simili skont id-dritt nazzjonali tal-Istat Membru li jkun irċevieha.

5. L-informazzjoni kkomunikata lill-Kummissjoni minn Stat Membru skont l-Artikolu 2, kif ukoll kwalunkwe rapport jew dokument prodotti mill-Kummissjoni li jużaw tali informazzjoni, jistgħu jiġu trażmessi lil Stati Membri oħra u lill-Parlament Ewropew . L-informazzjoni għandha tkun koperta mill-obbligu ta’ segretezza uffiċjali u għandha tgawdi l-protezzjoni estiża għal informazzjoni simili skont id-dritt nazzjonali tal-Istat Membru li jkun irċevieha.

Emenda 42

Proposta għal direttiva

Artikolu 16 – paragrafu 2

Test propost mill-Kummissjoni

Emenda

2. L-informazzjoni, inkluża d-data personali, ipproċessata f’konformità ma’ din id-Direttiva, għandha tinżamm biss sakemm ikun meħtieġ biex jintlaħqu l-finijiet ta’ din id-Direttiva, f’konformità mad-dritt nazzjonali ta’ kull kontrollur tad-data dwar l-istatut ta’ limitazzjonijiet, iżda fi kwalunkwe każ għal mhux aktar minn 10 snin.

Emenda 43

Proposta għal direttiva

Artikolu 18 – paragrafu 1

Test propost mill-Kummissjoni	Emenda
1. Il-Kummissjoni għandha tingħata s-setgħa ta’ adozzjoni tal-att delegat imsemmi fl-Artikolu 13 soġġett għall-kundizzjonijiet stabbiliti f’dan l-Artikolu.	1. Is-setgħa ta’ adozzjoni tal-att delegat imsemmi fl-Artikolu 3, it-tieni paragrafu, fl-Artikolu 13 u fl-Artikolu 14(2), (2a) u (2b) għandha tingħata lill-Kummissjoni soġġett għall-kondizzjonijiet stabbiliti f’dan l-Artikolu.

Emenda 44

Proposta għal direttiva

Artikolu 18 – paragrafu 2

Test propost mill-Kummissjoni

Emenda

2. Id-delega tas-setgħa msemmija fl-Artikolu 13 tista’ tiġi rrevokata fi kwalunkwe ħin mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva l-għada tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità tal-att delegat jekk ikun diġà fis-seħħ.

2. Id-delegazzjoni ta’ setgħa msemmija fl-Artikolu 3, it-tieni paragrafu, fl-Artikolu 13 u fl-Artikolu 14(2), (2a) u (2b) tista’ tiġi revokata fi kwalunkwe mument mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.

Emenda 45

Proposta għal direttiva

Artikolu 18 – paragrafu 3

Test propost mill-Kummissjoni	Emenda
3. Qabel ma tadotta l-att delegat, il-Kummissjoni għandha tikkonsulta mal-esperti magħżula ta’ kull Stat Membru f’konformità mal-prinċipji stabbiliti fil-Ftehim Interistituzzjonali dwar it-tfassil aħjar tal-liġijiet tat-13 ta’ April 2016.	3. Qabel ma tadotta l-att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet . Il-Forum Ewropew dwar il-Prezzijiet ta’ Trasferiment imsemmi fl-Artikolu 14a għandu jservi bħala l-korp espert rilevanti.

Emenda 46

Proposta għal direttiva

Artikolu 19 – paragrafu 1a (ġdid)

Test propost mill-Kummissjoni	Emenda
	Il-Parlament Ewropew jista’ jattendi bħala osservatur fin-negozjati internazzjonali dwar il-Linji Gwida tal-Ipprezzar ta’ Trasferiment f’fora internazzjonali rilevanti.

Emenda 47

Proposta għal direttiva

Artikolu 19a (ġdid)

Test propost mill-Kummissjoni	Emenda
	Artikolu 19a
	Rieżami
	Il-Kummissjoni għandha tirrieżamina l-applikazzjoni ta’ din id-Direttiva għall-gruppi MNE li jaqgħu taħt il-kamp ta’ applikazzjoni tal-proposta għal Direttiva tal-Kunsill dwar in-Negozju fl-Ewropa: Qafas għat-Tassazzjoni fuq l-Introjtu (BEFIT), ladarba din id-Direttiva tidħol fis-seħħ.

Emenda 48

Proposta għal direttiva

Artikolu 19b (ġdid)

Test propost mill-Kummissjoni

Emenda

Artikolu 19b

Emendi għad-Direttiva 2011/16/UE

Fid-Direttiva 2011/16/UE, il-punt (i) tal-Artikolu 8a(6) huwa sostitwit b’dan li ġej:

“(i)

l-identifikazzjoni tal-metodu użat għad-determinazzjoni tal-ipprezzar ta’ trasferiment jew metodi u tekniki oħra ta’ valwazzjoni biex jistmaw il-prezz ta’ distakkament kif definit fl-Artikolu 9 taċd-Direttiva [2024/XX/XX dwar l-ipprezzar ta’ trasferiment], u r-raġunament għall-applikazzjoni ta’ tali metodu, jew il-prezz tat-trasferiment innifsu fil-każ ta’ arranġament preliminari ta’ prezzijiet ta’ trasferiment”;

Emenda 49

Proposta għal direttiva

Artikolu 20 – paragrafu 1 – subparagrafu 1

Test propost mill-Kummissjoni	Emenda
Sa mhux aktar tard minn [il-31 ta’ Diċembru 2025], l-Istati Membri għandhom jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva. Għandhom jikkomunikaw minnufih it-test ta’ dawk id-dispożizzjonijiet lill-Kummissjoni.	L-Istati Membri għandhom jadottaw u jippubblikaw , sa mhux aktar tard mill-31 ta’ Diċembru 2024 , il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva. Għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

Emenda 50

Proposta għal direttiva

Artikolu 20 – paragrafu 1 – subparagrafu 2

Test propost mill-Kummissjoni	Emenda
Huma għandhom japplikaw dawk id-dispożizzjonijiet mill-[1 ta’ Jannar 2026 ].	Huma għandhom japplikaw dawn id-dispożizzjonijiet mill-1 ta’ Jannar 2025 .

(1a) 1a https://www.oecd.org/tax/beps-project-explanatory-statement-9789264263437-en.htm

(33) Riżoluzzjoni tal-Kunsill u tar-rappreżentanti tal-gvernijiet tal-Istati Membri, imlaqqgħin fil-Kunsill, tas-27 ta’ Ġunju 2006 dwar kodiċi ta’ kondotta dwar id-dokumentazzjoni rigward l-ipprezzar tat-trasferimenti għall-intrapriżi assoċjati fl-Unjoni Ewropea (TPD UE), 2006/C 176/01, https://eur-lex.europa.eu/legal-content/EN/TXT/?uri=uriserv%3AOJ.C_.2006.176.01, https://eur-lex.europa.eu/legal-content/EN/TXT/?uri=uriserv%3AOJ.C_.2006.176.01.0001.01.ENG&toc=OJ%3AC%3A2006%3A176%3AFULL

(34) Ir-Regolament (UE) 2018/1724 tal-Parlament Ewropew u tal-Kunsill tat-2 ta’ Ottubru 2018 li jistabbilixxi gateway diġitali unika li tipprovdi aċċess għal informazzjoni, għal proċeduri u għas-servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012 (ĠU L 295, 21.11.2018, p. 1).

(1a) Id-Direttiva tal-Kunsill (UE) 2022/2523 tal-14 ta’ Diċembru 2022 dwar l-iżgurar ta’ livell minimu globali ta’ tassazzjoni għal gruppi ta’ intrapriżi multinazzjonali u gruppi domestiċi fuq skala kbira fl-Unjoni (ĠU L 328, 22.12.2022, p. 1).