<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.10-->
  <head>
    <title>2022-12-202212C108202204920-00-TRA-DOC-MT-CONCL-C-0492-22-202209750-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="22/06/2023 10:01:12" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="9u+ilRNfCI8Up4KNq0iUuQ5iSjquc+zf1SBCm4yx4OMSqCjQKswQKx36wNwGFnVjM4JGLaftKIwSncoWsm4s4iEyoJOGGaLnZtjsUWKkMNHzfBIyHeuWhh4XRE+E4LsDEck1pIewvcLgwkuPystneZWAl5cZLZsLmnryqMr82dQ=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="vellaka" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="21e6a19f-482e-4d1e-abac-7ca97801ef53" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0492" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="vellaka" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 07/11/2022 09:29:08" name="Created"/>
    <meta content="" name="Canevas3_Vademecum"/>
    <meta content="2022-11-30T09:09:10Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="3fc68078ff644b7799a9fbc82634c243" name="DocumentIdentifier"/>
    <meta content="0492" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Konklużjonijiet Kokott – Kawża C-492/22 (PPU)</div>
      <div id="rId22" style="default">Openbaar Ministerie</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      KOKOTT
    </p>
    <p class="C36Centre" id="para-3" title="page-1">
      ippreżentati fis‑27 ta’ Ottubru 2022  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑492/22 (PPU)
    </p>
    <p class="C37Centregras" id="para-5" title="page-1">
      CJ
    </p>
    <p class="C37Centregras" id="para-6" title="page-1">
      fil-preżenza ta’:
    </p>
    <p class="C37Centregras" id="para-7" title="page-1">
      Openbaar Ministerie
    </p>
    <p class="C39Centreespacement" id="para-8" title="page-1">
      (talba għal deċiżjoni preliminari mressqa mir-Rechtbank Amsterdam (il-Qorti Distrettwali ta’ Amsterdam, il-Pajjiżi l-Baxxi))
    </p>
    <p class="C71Indicateur" id="para-9" title="page-1">
      “Rinviju għal deċiżjoni preliminari – Proċedura b’urġenza għal deċiżjoni preliminari – Kooperazzjoni ġudizzjarja f’materji kriminali – Mandat ta’ arrest Ewropew – Deċiżjoni Qafas 2002/584/ĠAI – Artikolu 6(2) – Artikolu 12 – Artikolu 24(1) – Posponiment tal-konsenja tal-persuna rikjesta – Żamma taħt detenzjoni – Rekwiżit ta’ intervent tal-awtorità ġudizzjarja ta’ eżekuzzjoni – Prosekutur pubbliku – Proċedura fl-Istat Membru ta’ eżekuzzjoni – Assenza ta’ rinunzja għad-dritt ta’ preżenza fil-proċess – Dritt għal smigħ xieraq”
    </p>
    <p class="C02AlineaAltA" id="para-10" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Din it-talba għal deċiżjoni preliminari, imressqa mir-Rechtbank Amsterdam (il-Qorti Distrettwali ta’ Amsterdam, il-Pajjiżi l-Baxxi), tirrigwarda l-interpretazzjoni tal-Artikolu 6(2), tal-Artikolu 12 u tal-Artikolu 24(1) tad-Deċiżjoni Qafas tal-Kunsill 2002/584/ĠAI tat‑13 ta’ Ġunju 2002 dwar il-mandat ta’ arrest Ewropew u l-proċeduri ta’ konsenja bejn l-Istati Membri (ĠU Edizzjoni Speċjali bil-Malti, Kapitolu 19, Vol. 6, p. 34, rettifika fil-ĠU 2009, L 17, p. 45), kif emendata bid-Deċiżjoni Qafas tal-Kunsill 2009/299/ĠAI tas-26 ta’ Frar 2009 (ĠU 2009, L 81, p. 24) (iktar ’il quddiem “Deċiżjoni Qafas 2002/584”), kif ukoll tal-Artikoli 6, 47 u 48 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Din it-talba tressqet fil-kuntest tal-eżekuzzjoni, fil-Pajjiżi l-Baxxi, ta’ mandat ta’ arrest Ewropew maħruġ, fil‑31 ta’ Awwissu 2021, mis-Sąd Okręgowy w Krakowie Wydział III karny (il-Qorti tad-Distrett ta’ Krakow, it-Tielet Diviżjoni Kriminali, il-Polonja) għall-finijiet tal-eżekuzzjoni ta’ piena ta’ priġunerija imposta fuq CJ, ċittadin Pollakk.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Id-domandi preliminari jirrigwardaw, essenzjalment, il-kundizzjonijiet li fihom il-konsenja ta’ persuna tista’ tiġi posposta, bis-saħħa tal-Artikolu 24(1) tad-Deċiżjoni Qafas 2002/584, sabiex ikun hemm proċeduri kriminali paralleli fl-Istat Membru ta’ eżekuzzjoni filwaqt li din il-persuna tinżamm taħt detenzjoni. F’dan il-kuntest, għandha tiġi ċċarata, b’mod partikolari, il-portata tal-kunċett ta’ “awtorità ġudizzjarja ta’ eżekuzzjoni” u l-konsegwenzi ta’ atti li jirriżultaw minn awtorità mhux ġudizzjarja, inkluż il-kundizzjonijiet li fihom stħarriġ ġudizzjarju effettiv minn qorti indipendenti jista’ jirregolarizza tali att.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Skont il-premessa 8 tad-Deċiżjoni Qafas 2002/584:</p>
</td>
</tr>
</table>
    <p class="C02AlineaAltA" id="para-18" title="page-3">
      “Id-deċiżjonijiet dwar l-esekuzzjoni tal-mandat ta’ arrest Ewropew għandhom ikunu soġġetti għal kontrolli suffiċjenti, li jfisser li awtorità ġudizzjarja ta’ l-Istat Membru fejn il-persuna rikjesta ġiet arrestata jkollha tieħu d-deċiżjoni dwar il-konsenja tagħha.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Skont l-Artikolu 5 ta’ din id-deċiżjoni qafas, l-eżekuzzjoni tal-mandat ta’ arrest Ewropew mill-awtorità ġudizzjarja ta’ eżekuzzjoni tista’, mil-liġi ta’ l-Istat Membru ta’ eżekuzzjoni, tiġi suġġetta għall-kundizzjonijiet li ġejjin:</p>
</td>
</tr>
</table>
    <p class="C02AlineaAltA" id="para-20" title="page-3">
      “[…]
    </p>
    <p class="C02AlineaAltA" id="para-21" title="page-4">
      3. fejn persuna li hi s-suġġett ta’ mandat ta’ arrest Ewropew għall-finijiet ta’ azzjoni kriminali hi ċittadina jew residenta ta’ l-Istat Membru ta’ esekuzzjoni, il-konsenja tista’ tkun soġġetta għall-kondizzjoni li l-persuna, wara li tkun instemat, tiġi ritornata lill-Istat Membru ta’ esekuzzjoni sabiex tiskonta hemmhekk il-piena ta’ kustodja jew ordni ta’ detenzjoni mogħtija lilha fl-Istat Membru emittenti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 6(2) tal-imsemmija deċiżjoni qafas jipprevedi:</p>
</td>
</tr>
</table>
    <p class="C02AlineaAltA" id="para-23" title="page-4">
      “L-awtorità ġudizzjarja ta’ esekuzzjoni għandha tkun l-awtorità ġudizzjarja ta’ l-Istat Membru ta’ esekuzzjoni li hi kompetenti biex tesegwixxi l-mandat ta’ arrest Ewropew permezz tal-liġi ta’ dak l-Istat.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">L-Artikolu 12 tal-istess deċiżjoni qafas, intitolat “Iż-żamma tal-persuna f’detenzjoni”, jistipula:</p>
</td>
</tr>
</table>
    <p class="C02AlineaAltA" id="para-25" title="page-4">
      “Meta persuna tiġi arrestata abbażi ta’ mandat ta’ arrest Ewropew, l-awtorità ġudizzjarja ta’ esekuzzjoni għandha tieħu deċiżjoni dwar jekk il-persuna rikjesta għandhiex tibqa’ f’detenzjoni, skond il-liġi ta’ l-Istat Membru ta’ esekuzzjoni. Il-persuna tista’ tiġi meħlusa proviżorjament fi kwalunkwe ħin f’konformità mal-liġi domestika ta’ l-Istat Membru ta’ esekuzzjoni, bil-kondizzjoni li l-awtorità kompetenti ta’ dak l-Istat Membru tieħu l-miżuri kollha li tikkunsidra meħtieġa biex tippreveni li l-persuna taħrab.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Skont l-Artikolu 23 tad-Deċiżjoni Qafas 2002/584, intitolat “Limiti ta’ żmien għall-konsenja tal-persuna”:</p>
</td>
</tr>
</table>
    <p class="C02AlineaAltA" id="para-27" title="page-4">
      “1. Il-persuna rikjesta għandha tiġi konsenjata malajr kemm jista’ jkun f’data miftehma bejn l-awtoritajiet ikkonċernati.
    </p>
    <p class="C02AlineaAltA" id="para-28" title="page-4">
      2. Il-persuna għandha tiġi konsenjata mhux aktar tard minn 10 ijiem wara d-deċiżjoni finali dwar l-esekuzzjoni tal-mandat ta’ arrest Ewropew.
    </p>
    <p class="C02AlineaAltA" id="para-29" title="page-4">
      3. Jekk il-konsenja tal-persuna rikjesta fil-perjodu stabbilit fil-paragrafu 2 ma tħallietx minħabba ċirkostanzi li mhumiex fil-kontroll ta’ l-ebda mill-Istati Membri, l-awtoritajiet ġudizzjarji ta’ esekuzzjoni u dawk emittenti għandhom jagħmlu immedjatament kuntatt ma’ xulxin u jiftehmu dwar data ta’ konsenja ġdida. F’dak il-każ, il-konsenja għandha ssir fi żmien 10 ijiem mid-data l-ġdida hekk miftehma.
    </p>
    <p class="C02AlineaAltA" id="para-30" title="page-4">
      4. Il-konsenja tista’ eċċezzjonalment tiġi posposta temporanjament għal raġunijiet umanitarji serji, per eżempju jekk hemm raġunijiet sostanzjali biex jitwemmen li dan ipoġġi manifestament f’perikolu l-ħajja jew is-saħħa tal-persuna rikjesta. L-esekuzzjoni tal-mandat ta’ arrest Ewropew għandha sseħħ malli dawn ir-raġunijiet ma jibqgħux jezistu. L-awtorità ġudizzjarja ta’ esekuzzjoni għandha tinforma immedjatament lill-awtorità ġudizzjarja emittenti u tiftiehem fuq data ta’ konsenja ġdida. F’dak il-każ, il-konsenja għandha seħħ fi żmien 10 ijiem mid-data l-ġdida hekk miftiehma.
    </p>
    <p class="C02AlineaAltA" id="para-31" title="page-4">
      5. Ma’ l-iskadenza tal-limiti ta’ żmien imsemmija fil-paragrafi 2 sa 4, jekk il-persuna għadha qed tinżamm f’kustodja hija għandha tinħeles.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">L-Artikolu 24 ta’ din id-deċiżjoni qafas, intitolat “Konsenja posposta jew kondizzjonali”, jipprevedi:</p>
</td>
</tr>
</table>
    <p class="C02AlineaAltA" id="para-33" title="page-5">
      “1. L-awtorità ġudizzjarja ta’ esekuzzjoni tista’, wara li tiddeċiedi li tesegwixxi mandat ta’ arrest Ewropew, tipposponi l-konsenja tal-persuna rikjesta biex il-persuna tkun tista’ tiġi pproċessata fl-Istat Membru ta’ esekuzzjoni jew, jekk hi diġà ġiet mogħtija sentenza, sabiex tkun tista’ tiskonta, fit-territorju tagħha, sentenza mogħtija għal att minbarra dak imsemmi fil-mandat ta’ arrest Ewropew.
    </p>
    <p class="C02AlineaAltA" id="para-34" title="page-5">
      2. Minflok tipposponi l-konsenja, l-awtorità ġudizzjarja ta’ esekuzzjoni tista’ tikkonsenja temporanjament il-persuna rikjesta lill-Istat Membru emittenti skond kondizzjonijiet li għandhom jiġu stabbiliti bi ftehim reċiproku bejn l-awtoritajiet ġudizzjarji ta’ esekuzzjoni u dawk emittenti. Il-ftehim isir bil-miktub u l-kondizzjonijiet għandhom ikunu vinkolanti għall-awtoritajiet kollha fl-Istat Membru emittenti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">L-Artikolu 26(1) tal-imsemmija deċiżjoni qafas jipprevedi:</p>
</td>
</tr>
</table>
    <p class="C02AlineaAltA" id="para-36" title="page-5">
      “L-Istat Membru emittenti għandu jnaqqas il-perjodi kollha ta’ detenzjoni li jirriżultaw mill-esekuzzjoni ta’ mandat ta’ arrest Ewropew mill-perjodu totali ta’ detenzjoni li għandu jiġi skontat fl-Istat Membru li joħroġ il-mandat bħala riżultat ta’ piena ta’ kustodja jew ordni ta’ detenzjoni li qed tingħata.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id‑dritt Olandiż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Il-Wet tot implementatie van het kaderbesluit van de Raad van de Europese Unie betreffende het Europees aanhoudingsbevel en de procedures van overlevering tussen de lidstaten van de Europese Unie (il-Liġi li Timplimenta d-Deċiżjoni Qafas tal-Kunsill tal-Unjoni Ewropea dwar il-Mandat ta’ Arrest Ewropew u l-Proċeduri ta’ Konsenja bejn l-Istati Membri), tad‑29 ta’ April 2004 (Stb. 2004, no 195), kif emendata ulterjorment (iktar ’il quddiem il-“Liġi dwar il-Konsenja”), timplimenta d-Deċiżjoni Qafas 2002/584.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Skont l-Artikolu 1(e) tal-Liġi dwar il-Konsenja, il-kunċett ta’ “officier van justitie (prosekutur)” jinkludi “kull officier van justitie (prosekutur) u, fl-assenza ta’ dan, l-officier van justitie bij het arrondissementsparket Amsterdam (il-Prosekutur tad-Distrett Ġudizzjarju ta’ Amsterdam, il-Pajjiżi l-Baxxi)”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Skont l-Artikolu 27(2) tal-Liġi dwar il-Konsenja:</p>
</td>
</tr>
</table>
    <p class="C02AlineaAltA" id="para-41" title="page-5">
      “Qabel l-għeluq tal-istruttorja tas-seduta, il-qorti għandha tiddeċiedi ex officio dwar iż-żamma taħt detenzjoni tal-persuna rikjesta, jekk din tkun tqiegħdet taħt detenzjoni jew taħt arrest preventiv.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">L-Artikoli 33 sa 36 tal-Liġi dwar il-Konsenja jipprevedu:</p>
</td>
</tr>
</table>
    <p class="C02AlineaAltA" id="para-43" title="page-5">
      “Artikolu 33
    </p>
    <p class="C02AlineaAltA" id="para-44" title="page-6">
      Il-perijodu ta’ priġunerija ordnat bis-saħħa tal-Artikolu 27 jintemm – ħlief fil-każ ta’ priġunerija għal raġunijiet oħra – ladarba:
    </p>
    <p class="C09Marge0avecretrait" id="para-45" title="page-6">
      a. dan jiġi ordnat mill-qorti jew mill-officier van justitie (prosekutur), ex officio jew fuq talba tal-persuna rikjesta jew tal-avukat tagħha;
    </p>
    <p class="C09Marge0avecretrait" id="para-46" title="page-6">
      b. jgħaddu għaxart ijiem mill-jum tad-deċiżjoni, sakemm il-qorti, meta tiddeċiedi fuq l-att tal-akkuża tal-officier van justitie (prosekutur), ma tkunx fil-frattemp estendiet id-detenzjoni.
    </p>
    <p class="C02AlineaAltA" id="para-47" title="page-6">
      Artikolu 34
    </p>
    <p class="C02AlineaAltA" id="para-48" title="page-6">
      1. Il-perijodu ta’ priġunerija msemmi fl-Artikolu 33(b) jista’ jiġi estiż għal perijodu ta’ mhux iktar minn għaxart ijiem.
    </p>
    <p class="C02AlineaAltA" id="para-49" title="page-6">
      2. B’deroga mill-paragrafu 1, il-perijodu ta’ priġunerija jista’ jiġi estiż għal perijodu li ma jeċċedix 30 jum meta:
    </p>
    <p class="C02AlineaAltA" id="para-50" title="page-6">
      […]
    </p>
    <p class="C09Marge0avecretrait" id="para-51" title="page-6">
      b. il-konsenja hija awtorizzata iżda l-konsenja effettiva ma setgħetx isseħħ fit-terminu mogħti.
    </p>
    <p class="C02AlineaAltA" id="para-52" title="page-6">
      […]
    </p>
    <p class="C02AlineaAltA" id="para-53" title="page-6">
      Artikolu 35
    </p>
    <p class="C02AlineaAltA" id="para-54" title="page-6">
      1. Il-konsenja effettiva tal-persuna rikjesta għandha sseħħ fl-iqsar żmien possibbli wara d-deċiżjoni li tawtorizza l-konsenja totalment jew parzjalment, u mhux iktar tard minn għaxart ijiem wara din id-deċiżjoni. L-officier van justitie (prosekutur) jistabbilixxi l-post u l-ħin [tal-konsenja effettiva], wara li jkun ikkonsulta lill-awtorità ġudizzjarja emittenti.
    </p>
    <p class="C02AlineaAltA" id="para-55" title="page-6">
      2. Meta, minħabba ċirkustanzi partikolari, il-konsenja effettiva ma tkunx tista’ sseħħ fit-terminu stabbilit fil-paragrafu 1, tiġi stabbilita data ġdida bi qbil. F’dan il-każ, il-konsenja effettiva għandha sseħħ fi żmien għaxart ijiem mid-data miftiehma.
    </p>
    <p class="C02AlineaAltA" id="para-56" title="page-6">
      3. B’mod eċċezzjonali, il-konsenja effettiva tista’ tiġi posposta sakemm ikun hemm raġunijiet umanitarji serji kontriha, b’mod partikolari sakemm l-istat ta’ saħħa tal-persuna rikjesta ma jippermettilux li jivvjaġġa. L-awtorità ġudizzjarja emittenti għandha tiġi informata mingħajr dewmien. L-officier van justitie (prosekutur) għandu jistabbilixxi l-post u l-ħin fejn il-konsenja effettiva tista’ sseħħ, wara li jikkonsulta lill-awtorità ġudizzjarja emittenti. F’dan il-każ, il-konsenja effettiva għandha sseħħ fi żmien għaxart ijiem mid-data miftiehma.
    </p>
    <p class="C02AlineaAltA" id="para-57" title="page-6">
      4. Il-persuna rikjesta għandha tinħeles wara l-iskadenza tat-termini msemmija fil-paragrafi 1 sa 3.
    </p>
    <p class="C02AlineaAltA" id="para-58" title="page-7">
      Artikolu 36
    </p>
    <p class="C02AlineaAltA" id="para-59" title="page-7">
      1. Id-deċiżjoni dwar id-data u l-post tal-konsenja effettiva tista’ tiġi rriżervata meta, u sakemm, il-persuna rikjesta hija suġġetta għal proċeduri kriminali fil-Pajjiżi l-Baxxi jew jekk sentenza kriminali mogħtija fil-konfront tagħha minn qorti Olandiża għadha tista’ tiġi eżegwita totalment jew parzjalment.
    </p>
    <p class="C02AlineaAltA" id="para-60" title="page-7">
      2. Fil-każijiet imsemmija fil-paragrafu 1, il-Ministru jista’, wara li jikkonsulta lill-Uffiċċju tal-Prosekutur Pubbliku, jiddeċiedi li l-persuna rikjesta tista’ diġà titqiegħed temporanjament għad-dispożizzjoni tal-awtorità ġudizzjarja emittenti għall-proċess tagħha jew għall-eżekuzzjoni tal-piena ta’ priġunerija mogħtija fil-konfront tagħha permezz ta’ deċiżjoni ġudizzjarja definittiva, u jistipula l-kundizzjonijiet ta’ din id-disponibbiltà temporanja.
    </p>
    <p class="C02AlineaAltA" id="para-61" title="page-7">
      3. Il-kundizzjonijiet previsti mill-Ministru jinkludu, fil-każ ta’:
    </p>
    <p class="C09Marge0avecretrait" id="para-62" title="page-7">
      a. proċeduri kriminali pendenti bħal dawk imsemmija fil-paragrafu 1: fi kwalunkwe każ, li d-dritt tal-persuna rikjesta li tkun preżenti għall-proċedura kriminali fil-Pajjiżi l-Baxxi jiġi rrispettat u li hija tiskonta fil-Pajjiżi l-Baxxi l-piena li hija imposta fuqha fil-Pajjiżi l-Baxxi.
    </p>
    <p class="C02AlineaAltA" id="para-63" title="page-7">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">It‑tilwima fil‑kawża prinċipali, id‑domandi preliminari u l‑proċedura quddiem il‑Qorti tal‑Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Fil‑31 ta’ Awwissu 2021, is-Sąd Okręgowy w Krakowie Wydział III karny (il-Qorti tad-Distrett ta’ Krakow, it-Tielet Diviżjoni Kriminali) ħarġet mandat ta’ arrest Ewropew kontra CJ, ċittadin Pollakk, għall-arrest u l-konsenja tiegħu għall-finijiet tal-eżekuzzjoni ta’ piena ta’ priġunerija ta’ sentejn, imposta fuqu fil-Polonja għal tlettax-il reat li jaqgħu fil-kategorija ta’ “serq organizzat jew b’armi”, fis-sens l-Artikolu 2(2) tad-Deċiżjoni Qafas 2002/584. Skont id-deċiżjoni tar-rinviju, CJ għadu jrid jiskonta kważi l-piena kollha imposta għal dawn ir-reati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Għall-finijiet tal-eżekuzzjoni tal-mandat ta’ arrest Ewropew, permezz ta’ deċiżjoni tat‑2 ta’ Ġunju 2022, il-qorti tar-rinviju qiegħdet lill-persuna kkonċernata taħt detenzjoni. Permezz ta’ deċiżjoni tas‑16 ta’ Ġunju 2022, li saret finali, dik il-qorti awtorizzat il-konsenja tiegħu lill-awtoritajiet Pollakki għar-reati indikati f’dan il-mandat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Mid-deċiżjoni tar-rinviju jirriżulta li CJ huwa suġġett għal proċeduri kriminali pendenti fil-Pajjiżi l-Baxxi li jirrigwardaw fatt differenti minn dawk li taw lok għall-mandat ta’ arrest Ewropew. B’hekk, fil‑15 ta’ Diċembru 2021, il-Kantonrechter in de rechtbank Den Haag (il-Qorti Distrettwali ta’ Den Haag, il-Pajjiżi l-Baxxi) kienet ikkundannat lill-persuna kkonċernata għal multa ta’ EUR 360 u, sussidjarjament, għal sebat’ijiem ta’ detenzjoni, talli saq vettura bil-mutur mingħajr liċenzja valida tas-sewqan. CJ appella minn dik is-sentenza, li l-eżami tagħha huwa previst għall-4 ta’ Ottubru 2022, mingħajr ma rrinunzja għad-dritt tiegħu li jkun preżenti għall-proċedura kriminali. Is-sentenza li ser tingħata fl-appell tista’ tkun is-suġġett ta’ appell ta’ kassazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">F’dawn iċ-ċirkustanzi, fis‑17 ta’ Ġunju 2022, il-Prosekutur tad-Distrett Ġudizzjarju ta’ Amsterdam (iktar ’il quddiem il-“Prosekutur”) iddeċieda, skont l-Artikolu 36(1) tal-Liġi dwar il-Konsenja, li jipposponi l-konsenja tal-persuna kkonċernata u talab, abbażi tal-Artikolu 34(2)(b), moqri flimkien mal-Artikolu 35(2) ta’ din il-liġi, li l-qorti tar-rinviju testendi d-detenzjoni tiegħu għal perijodu ta’ 30 jum, minħabba “ċirkustanzi partikolari”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Fit‑22 ta’ Ġunju 2022, il-qorti tar-rinviju laqgħet it-talba tal-Prosekutur u estendiet id-detenzjoni tiegħu għal perijodu ta’ 30 jum.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Fis‑6 ta’ Lulju 2022, il-Prosekutur talab mill-ġdid l-estensjoni tad-detenzjoni tal-persuna kkonċernata għal perijodu ġdid ta’ 30 jum, għar-raġuni li, “minħabba ċirkustanzi partikolari, il-konsenja effettiva ma tistax issir fit-terminu ta’ 10 ijiem”. Essenzjalment, huwa ġġustifika din it-talba bil-fatt li CJ ma xtaqx jirrinunzja għad-dritt tiegħu li jipparteċipa fis-seduta tal-proċedura kriminali pendenti. Barra minn hekk, huwa spjega li xtaq jitlob il-posponiment tal-konsenja u jitlob perijodikament l-estensjoni tad-detenzjoni, sakemm din il-proċedura kriminali tkun għadha għaddejja. Fl-istess jum, il-qorti tar-rinviju laqgħet it-talba tal-Prosekutur u estendiet id-detenzjoni għal perijodu ġdid ta’ 30 jum, filwaqt li rriżervat id-deċiżjoni tagħha dwar il-kwistjoni jekk għandhiex tiddeċiedi ex officio fuq it-tneħħija jew is-sospensjoni tad-detenzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">F’dawn iċ-ċirkustanzi, ir-rechtbank Amsterdam (il-Qorti Distrettwali ta’ Amsterdam) iddeċidiet, permezz ta’ deċiżjoni tat‑22 ta’ Lulju 2022, li waslet fil-Qorti tal-Ġustizzja fl-istess jum, li tissospendi l-proċeduri u tagħmel lill-Qorti tal-Ġustizzja s-segwenti domandi preliminari:</p>
</td>
</tr>
</table>
    <p class="C02AlineaAltA" id="para-72" title="page-8">
      “1. L-Artikoli 12 u 24(1) tad-[Deċiżjoni Qafas 2002/584] […], moqrija flimkien mal-Artikolu 6 tal-Karta […], jipprekludu li persuna rikjesta, li l-konsenja tagħha għall-finijiet tal-eżekuzzjoni ta’ sentenza ta’ priġunerija ġiet awtorizzata b’mod definittiv iżda ġiet posposta ‘sabiex tkun tista’ tinbeda proċedura kontra l-persuna kkonċernata fl-Istat Membru ta’ eżekuzzjoni […] għal fatt ieħor differenti minn dak imsemmi fil-mandat ta’ arrest Ewropew’, tinżamm taħt detenzjoni b’eżekuzzjoni tal-mandat ta’ arrest Ewropew matul din il-proċedura kriminali?
    </p>
    <p class="C29Marge0doubleretrait" id="para-73" title="page-8">
      2. a) Id-deċiżjoni li tiġi eżerċitata s-setgħa li tiġi posposta l-konsenja prevista fl-Artikolu 24(1) tad-Deċiżjoni Qafas […] hija deċiżjoni dwar l-eżekuzzjoni tal-mandat ta’ arrest Ewropew li, taħt l-Artikolu 6(2) tad-Deċiżjoni Qafas […], moqri flimkien mal-premessa 8 ta’ din id-deċiżjoni qafas, għandha tittieħed mill-awtorità ġudizzjarja ta’ eżekuzzjoni?
    </p>
    <p class="C11Marge1avecretrait" id="para-74" title="page-9">
      b) Jekk dan huwa l-każ, il-fatt li d-deċiżjoni tkun ittieħdet mingħajr l-intervent tal-awtorità ġudizzjarja ta’ eżekuzzjoni fis-sens tal-Artikolu 6(2) tad-Deċiżjoni Qafas […] ifisser li l-persuna rikjesta ma tistax tibqa’ tinżamm taħt detenzjoni għall-finijiet tal-eżekuzzjoni tal-mandat ta’ arrest Ewropew maħruġ kontriha?
    </p>
    <p class="C29Marge0doubleretrait" id="para-75" title="page-9">
      3. a) L-Artikolu 24(1) tad-Deċiżjoni Qafas 2002/584, moqri flimkien mal-Artikoli 47 u 48 tal-Karta, jipprekludi li l-konsenja ta’ persuna rikjesta tiġi posposta għall-finijiet ta’ proċeduri kriminali fl-Istat Membru ta’ eżekuzzjoni għas-sempliċi raġuni li l-persuna rikjesta ma tixtieqx, meta ssirilha t-talba, tirrinunzja għad-dritt tagħha li tkun preżenti matul din il-proċedura kriminali?
    </p>
    <p class="C11Marge1avecretrait" id="para-76" title="page-9">
      b) Jekk dan huwa l-każ, liema fatturi għandhom jittieħdu inkunsiderazzjoni mill-awtorità ġudizzjarja ta’ eżekuzzjoni meta tiddeċiedi jekk tipposponix il-konsenja effettiva?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Il-qorti tar-rinviju talbet l-applikazzjoni tal-proċedura b’urġenza għal deċiżjoni preliminari skont l-Artikolu 107 tar-Regoli tal-Proċedura. Din it-talba ntlaqgħet fit‑3 ta’ Awwissu 2022. Il-Gvern tal-Pajjiżi l-Baxxi, l-Openbaar Ministerie (l-Uffiċċju tal-Prosekutur, il-Pajjiżi l-Baxxi), CJ u l-Kummissjoni Ewropea ppreżentaw nota matul il-proċedura bil-miktub quddiem il-Qorti tal-Ġustizzja. Inżammet seduta fil‑21 ta’ Settembru 2022 li fiha pparteċipaw CJ, l-Uffiċċju tal-Prosekutur, il-Gvern Olandiż, dak Franċiż u dak Pollakk kif ukoll il-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Evalwazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Osservazzjonijiet preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Id-deċiżjoni tar-rinviju tkopri, essenzjalment, żewġ kwistjonijiet ta’ dritt, l-ewwel waħda ta’ natura organizzazzjonali u proċedurali, filwaqt li t-tieni waħda tikkonċerna kundizzjonijiet sostantivi għall-applikazzjoni tal-Artikolu 24(1) tad-Deċiżjoni Qafas 2002/584.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Minn naħa waħda, il-qorti tar-rinviju tistaqsi dwar il-kwistjoni jekk id-deċiżjoni, skont tal-Artikolu 24(1) moqri flimkien mal-Artikolu 6(2) tad-Deċiżjoni Qafas 2002/584, li tiġi posposta l-konsenja ta’ persuna rikjesta għandhiex tittieħed mill-“awtorità ġudizzjarja ta’ eżekuzzjoni”, jiġifieri minn organu ġudizzjarju indipendenti, kif ukoll dwar il-konsegwenzi tal-eventwali nuqqas ta’ osservanza ta’ dan ir-rekwiżit, b’mod partikolari jekk jirrikjedi li l-persuna kkonċernata tiġi meħlusa (it-tieni domanda preliminari). Din il-kwistjoni toriġina mill-fatt li, f’dan il-każ, id-deċiżjoni ta’ posponiment tal-konsenja tal-persuna kkonċernata ttieħdet biss mill-Prosekutur, u dik il-qorti għandha dubju jekk huwa jikkostitwixxix tali organu ġudizzjarju indipendenti. Huwa abbażi ta’ din id-deċiżjoni li l-Prosekutur talab lill-imsemmija qorti l-estensjoni tad-detenzjoni tal-persuna kkonċernata sakemm jibqa’ fis-seħħ il-posponiment tal-konsenja tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Min-naħa l-oħra, il-qorti tar-rinviju tixtieq essenzjalment tiċċara kemm il-kundizzjonijiet (it-tielet domanda preliminari) kif ukoll il-konsegwenzi ta’ deċiżjoni ta’ posponiment tal-konsenja tal-persuna kkonċernata skont l-Artikolu 24(1) tad-Deċiżjoni Qafas 2002/584, b’mod partikolari l-eventwali neċessità li tingħata l-libertà (l-ewwel domanda preliminari). F’dan ir-rigward, dik il-qorti tassumi li din id-deċiżjoni ta’ posponiment tal-konsenja hija legali, li ma huwiex neċessarjament il-każ hawnhekk, skont ir-risposta li għandha tingħata għat-tieni domanda preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Għalhekk jidher opportun, għal finijiet ta’ ekonomija tal-proċedura, u kif tipproponi l-Kummissjoni, li fl-ewwel lok, tingħata risposta għat-tieni domanda preliminari, u, fit-tieni lok, tingħata risposta, b’mod konġunt, għall-ewwel u għat-tielet domanda preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq it‑tieni domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Permezz tal-ewwel parti tat-tieni domanda preliminari tagħha, il-qorti tar-rinviju tistaqsi, essenzjalment, jekk l-Artikolu 24(1), moqri flimkien mal-Artikolu 6(2) tad-Deċiżjoni Qafas 2002/584, jipprekludix prattika bbażata fuq ir-regoli tal-Liġi dwar il-Konsenja li tagħti lill-Prosekutur il-kompetenza sabiex jiddeċiedi dwar il-posponiment tal-konsenja ta’ persuna rikjesta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Fuq il‑kompetenza tal‑awtorità ġudizzjarja ta’ eżekuzzjoni fis‑sens tal‑Artikolu 24(1) tad‑Deċiżjoni Qafas 2002/584 (ldewwel parti)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Skont il-kliem ċar tal-Artikolu 24(1) tad-Deċiżjoni Qafas 2002/584, id-deċiżjoni li tiġi posposta l-konsenja tal-persuna rikjesta għall-finijiet ta’ proċeduri kriminali paralleli kontra tagħha fl-Istat Membru ta’ eżekuzzjoni għandha tittieħed mill-“awtorità ġudizzjarja ta’ eżekuzzjoni”. Dan huwa kkonfermat mill-premessa 8 ta’ din id-Deċiżjoni Qafas u ma huwa kkontestat mill-ebda waħda mill-partijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Barra minn hekk, kuntrarjament għad-dubji espressi mill-qorti tar-rinviju, u kif tirrileva l-Kummissjoni, il-fatt li l-Artikolu 24(1) tad-Deċiżjoni Qafas 2002/584 isemmi l-“awtorità ġudizzjarja ta’ eżekuzzjoni” bħala organu kompetenti sabiex tiġi adottata deċiżjoni ta’ posponiment tal-konsenja juri li tali adozzjoni tagħmel parti integrali mill-“eżekuzzjoni” tal-mandat ta’ arrest Ewropew, fis-sens tal-Artikolu 6(2) kif interpretat, huwa minnu, flimkien mal-applikazzjoni tal-Artikolu 23(3) tal-imsemmija deċiżjoni qafas, fis-sentenza tat‑28 ta’ April 2022, C u CD (Ostakoli ġuridiċi għall-eżekuzzjoni ta’ deċiżjoni ta’ konsenja)  (<span class="note footnote notemarker">
<a id="c-2" href="#t-2">2</a>
</span>). F’din is-sentenza, il-Qorti tal-Ġustizzja ddeċidiet li l-evalwazzjoni tal-eżistenza ta’ każ ta’ forza maġġuri, fis-sens ta’ din l-aħħar dispożizzjoni, u, jekk ikun il-każ, l-iffissar ta’ data ġdida ta’ konsenja jikkostitwixxu deċiżjonijiet dwar l-eżekuzzjoni tal-mandat ta’ arrest Ewropew, li jaqgħu fuq l-awtorità ġudizzjarja ta’ eżekuzzjoni, li jmorru lil hinn mill-kuntest tas-sempliċi “assistenza prattika u amministrattiva” fis-sens tal-Artikolu 7 tal-imsemmija deċiżjoni qafas, moqri fid-dawl tal-premessa 9 tagħha  (<span class="note footnote notemarker">
<a id="c-3" href="#t-3">3</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Kif issostni l-Kummissjoni, peress li s-sitwazzjonijiet imsemmija fl-Artikolu 23(3) u fl-Artikolu 24(1) tad-Deċiżjoni Qafas 2002/584 jinvolvu, rispettivament, il-posponiment tal-konsenja tal-persuna rikjesta fil-qafas tal-eżekuzzjoni tal-mandat ta’ arrest Ewropew, l-ebda raġuni konvinċenti ma tiġġustifika li l-portata tal-kunċett awtonomu ta’ “awtorità ġudizzjarja ta’ eżekuzzjoni”  (<span class="note footnote notemarker">
<a id="c-4" href="#t-4">4</a>
</span>) tiġi interpretata b’mod differenti fl-applikazzjoni tal-Artikolu 24(1) moqri flimkien mal-Artikolu 6(2) ta’ din l-istess deċiżjoni qafas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Skont l-Artikolu 6(2) tad-Deċiżjoni Qafas 2002/584, huwa d-dritt tal-Istat Membru ta’ eżekuzzjoni li għandu jinnomina l-awtorità ġudizzjarja ta’ eżekuzzjoni inkarigata mill-adozzjoni ta’ deċiżjoni ta’ posponiment tal-konsenja, skont l-Artikolu 24(1) ta’ din id-deċiżjoni qafas, nomina li għandha tkun kompatibbli mal-prinċipji ġenerali tal-Unjoni, b’mod partikolari mal-prinċipju ta’ indipendenza ta’ din l-awtorità. Għal dan il-għan, l-Istati Membri huma, bħala regola, liberi li jinnominaw, minbarra mħallef jew qorti, kwalunkwe awtorità li tipparteċipa fl-amministrazzjoni tal-ġustizzja kriminali tagħhom, inklużi l-prosekuturi. Madankollu, din l-awtorità għandha taġixxi abbażi ta’ regoli statutorji u istituzzjonali li għandhom jiżguraw li hija ma tkun esposta għal ebda riskju li tkun suġġetta, b’mod partikolari, għal struzzjoni f’każ speċifiku min-naħa tal-eżekuttiv. Barra minn hekk, dawn l-Istati għandhom jiżguraw li d-deċiżjonijiet ta’ din l-awtorità jkunu suġġetti għal rimedju ġudizzjarju li jissodisfa r-rekwiżiti ta’ protezzjoni ġudizzjarja effettiva  (<span class="note footnote notemarker">
<a id="c-5" href="#t-5">5</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">F’dan il-każ, huwa stabbilit li d-deċiżjoni ta’ posponiment tal-konsenja ġiet adottata mill-Prosekutur, u dan b’mod awtonomu u mingħajr intervent ta’ qorti. F’dan ir-rigward, il-Qorti tal-Ġustizzja diġà ddeċidiet li, fid-dawl tar-regoli tal-organizzazzjoni u ta’ proċedura interni fis-seħħ fil-Pajjiżi l-Baxxi, Prosekutur tad-Distrett Ġudizzjarju ta’ Amsterdam ma jistax jiġi kklassifikat bħala “awtorità ġudizzjarja ta’ eżekuzzjoni”, fis-sens tar-rekwiżiti tal-Artikolu 6(2) tad-Deċiżjoni Qafas 2002/584, minħabba l-influwenza li l-poter eżekuttiv jista’ jeżerċita fuq dan l-organu, b’mod partikolari permezz ta’ istruzzjonijiet f’każijiet partikolari, u, għalhekk, minħabba l-assenza ta’ indipendenza tiegħu  (<span class="note footnote notemarker">
<a id="c-6" href="#t-6">6</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Barra minn hekk, huwa preċiżament sabiex tittieħed inkunsiderazzjoni din il-ġurisprudenza u l-ħtieġa li tingħata l-kompetenza sabiex tiġi adottata deċiżjoni ta’ posponiment tal-konsenja lil “awtorità ġudizzjarja ta’ eżekuzzjoni” li r-Renju tal-Pajjiżi l-Baxxi u l-Uffiċċju tal-Prosekutur iċċaraw, b’mod partikolari fis-seduta, li kienet qed tiġi ppreparata emenda tal-Liġi dwar il-Konsenja intiża sabiex tinnomina lill-qorti bħala organu kompetenti f’din il-materja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Għalhekk, ir-risposta għat-tieni domanda preliminari għandha tkun li d-deċiżjoni li tiġi posposta l-konsenja ta’ persuna rikjesta, skont l-Artikolu 24(1) tad-Deċiżjoni Qafas 2002/584 moqri flimkien mal-Artikolu 6(2) u mal-premessa 8 ta’ din id-Deċiżjoni Qafas, tikkostitwixxi miżura ta’ “eżekuzzjoni” tal-mandat ta’ arrest Ewropew u, għalhekk, għandha tittieħed mill-“awtorità ġudizzjarja ta’ eżekuzzjoni”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Fuq il‑konsegwenzi ta’ ksur tal‑Artikolu 24(1) tad‑Deċiżjoni Qafas 2002/584 (it‑tieni parti)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Fir-rigward tal-konsegwenzi ta’ ksur tal-Artikolu 24(1) tad-Deċiżjoni Qafas 2002/584, minħabba li d-deċiżjoni ta’ posponiment tal-konsenja ġiet adottata minn awtorità nonġudizzjarja, jiġifieri, f’dan il-każ, mill-Prosekutur, il-pożizzjonijiet meħuda mill-partijiet huma fundamentalment differenti. Kemm il-Kummissjoni kif ukoll CJ iqisu li l-ksur ta’ tali rekwiżit formali, bħal dawk previsti fl-Artikolu 23(2) sa (4) ta’ din id-deċiżjoni qafas, jirrikjedi li l-persuna kkonċernata tiġi meħlusa. Għall-kuntrarju, kemm il-Gvern Olandiż kif ukoll l-Uffiċċju tal-Prosekutur, filwaqt li jirrikonoxxu l-eżistenza ta’ tali ksur, jikkunsidraw li dan ma għandux effett fuq id-deċiżjoni, separata, tal-qorti, fis-sens tal-Artikolu 12 tal-imsemmija deċiżjoni qafas, li testendi d-detenzjoni ta’ din il-persuna kkonċernata. Fis-seduta, il-Gvern Franċiż u dak Pollakk speċifikaw, għalkemm biss bħala risposta għall-ewwel domanda preliminari, li, irrispettivament mill-kwistjoni dwar jekk ir-rekwiżiti previsti mill-Artikolu 24(1) humiex issodisfatti f’dan il-każ, l-Artikolu 12 tal-istess deċiżjoni qafas jikkostitwixxi bażi legali suffiċjenti sabiex il-persuna kkonċernata tinżamm taħt detenzjoni waqt il-posponiment tal-konsenja tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Kif jirrilevaw CJ u l-Kummissjoni, ir-rekwiżit li tingħata s-setgħa deċiżjonali, skont l-Artikolu 24(1) tad-Deċiżjoni Qafas 2002/684, lil “awtorità ġudizzjarja ta’ eżekuzzjoni” li hija indipendenti jew suġġetta għal stħarriġ ġudizzjarju effettiv  (<span class="note footnote notemarker">
<a id="c-7" href="#t-7">7</a>
</span>), jikkostitwixxi regola ta’ ġurisdizzjoni li bħala regola l-Istati Membri ma jistgħux jidderogaw minnha. Dan huwa enfasizzat mill-ġurisprudenza li insistiet dwar din l-indipendenza, kif ukoll dwar l-eżistenza ta’ rimedju ġudizzjarju li jissodisfa b’mod sħiħ ir-rekwiżiti inerenti f’protezzjoni ġudizzjarja effettiva, meta din l-awtorità ġudizzjarja ma tkunx hija stess qorti u l-posponiment tal-konsenja jwassal għall-arrest jew iż-żamma taħt detenzjoni tal-persuna rikjesta  (<span class="note footnote notemarker">
<a id="c-8" href="#t-8">8</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Madankollu, f’dan il-każ, għandu jiġi kkonstatat li, minn naħa waħda, il-Prosekutur inkwistjoni ma jikkostitwixxix awtorità ġudizzjarja indipendenti f’dan is-sens u, min-naħa l-oħra, fid-dawl b’mod partikolari, tal-pożizzjonijiet diverġenti u ambigwi tar-Renju tal-Pajjiżi l-Baxxi u tal-Prosekutur pubbliku waqt is-seduta, jidher li d-deċiżjoni tiegħu li jipposponi l-konsenja tal-persuna rikjesta ma hijiex suġġetta għal rimedju ġudizzjarju effettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Fil-fatt, kif tindika l-qorti tar-rinviju stess, skont prassi stabbilita, id-deċiżjoni ta’ posponiment tal-konsenja tal-Prosekutur bħala tali ma hijiex suġġetta għal stħarriġ mill-qorti, meta din tiddeċiedi dwar it-talba ta’ dan il-prosekutur sabiex id-detenzjoni tal-persuna rikjesta tiġi estiża, skont l-Artikolu 27(2) moqri flimkien mal-Artikolu 34(2)(b) tal-Liġi dwar il-Konsenja. Din l-evalwazzjoni hija kkorroborata mill-osservazzjonijiet bil-miktub tal-Gvern Olandiż u tal-Prosekutur Pubbliku li jinsistu dwar in-natura separata tad-deċiżjoni ta’ posponiment tal-konsenja, meħuda mill-Prosekutur, minn naħa waħda, u dik ta’ żamma taħt detenzjoni, meħuda mill-qorti fuq it-talba tal-istess prosekutur, min-naħa l-oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Minn dan jirriżulta li, skont din il-prassi, il-qorti hija awtorizzata biss sabiex tiddeċiedi dwar iż-żamma taħt detenzjoni tal-persuna rikjesta skont l-Artikolu 27(2), moqri flimkien mal-Artikolu 34(2)(b) tal-Liġi dwar il-Konsenja, għal perijodu massimu ta’ 30 jum. Min-naħa l-oħra, id-deċiżjoni ta’ posponiment tal-konsenja, adotatta mill-Prosekutur skont l-Artikolu 36(1) ta’ din il-liġi, li tikkostitwixxi l-bażi legali tat-talba tiegħu għall-estensjoni tad-detenzjoni ta’ din il-persuna, tidher li hija ipso facto eżekutorja, mingħajr ma hija suġġetta, bħala tali, għal stħarriġ ġudizzjarju effettiv, kemm qabel, kif ukoll wara, mill-qorti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Xorta jibqa’ l-fatt li la l-Artikolu 36(1) tal-Liġi dwar il-Konsenja, li fuqu hija bbażata d-deċiżjoni ta’ posponiment tal-konsenja tal-Prosekutur f’dan il-każ, u lanqas l-Artikolu 1(e) ta’ din il-Liġi ma jispeċifikaw b’mod espliċitu l-organu kompetenti sabiex jadotta deċiżjoni ta’ posponiment tal-konsenja tal-persuna rikjesta, fis-sens tal-Artikolu 24(1) tad-Deċiżjoni Qafas 2002/584, u inqas u inqas il-kundizzjonijiet li fihom jew il-mod li bih din id-deċiżjoni tista’ tkun is-suġġett ta’ stħarriġ ġudizzjarju effettiv. Dawn ir-regoli lanqas ma jindikaw jekk il-qorti adita minn talba għall-estensjoni tad-detenzjoni hijiex kompetenti jew le, u jekk iva sa fejn, sabiex tistħarreġ il-legalità ta’ deċiżjoni ta’ posponiment tal-konsenja tal-Prosekutur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">F’dan ir-rigward, il-Gvern Olandiż spjega, fis-seduta, li l-Artikolu 36(1) tal-Liġi dwar il-Konsenja seta’ jiġi interpretat b’mod konformi mal-Artikolu 24(1) tad-Deċiżjoni Qafas 2002/584, b’tali mod li l-qorti setgħet tissostitwixxi ruħha għall-Prosekutur u tirrimedja l-ksur imsemmi fil-punt 37 hawn fuq. Għalhekk, ma għandux jiġi eskluż li, tal-inqas f’din l-okkażjoni, skont l-Artikolu 27(2), moqri flimkien mal-Artikolu 33(a) tal-Liġi dwar il-Konsenja, din il-qorti tkun f’pożizzjoni li tistħarreġ il-legalità tad-deċiżjoni ta’ posponiment tal-konsenja tal-Prosekutur sabiex, jew tinvalidaha u sussegwentament tordna r-rilaxx tal-persuna rikjesta, jew tissostitwixxi ruħha flok dan il-prosekutur sabiex iżżomm il-posponiment tal-konsenja u d-detenzjoni ta’ din il-persuna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Ir-rekwiżit li d-deċiżjoni ta’ posponiment tal-konsenja tal-persuna rikjesta għandha tittieħed minn “awtorità ġudizzjarja ta’ eżekuzzjoni” indipendenti jew taħt stħarriġ ġudizzjarju effettiv, jippreżupponi, effettivament, li, mhux iktar tard minn meta tiġi eżaminata l-kwistjoni dwar jekk il-kundizzjonijiet li jawtorizzaw iż-żamma taħt detenzjoni ta’ din il-persuna humiex issodisfatti, il-qorti kompetenti tkun f’pożizzjoni li teżerċita tali stħarriġ fuq il-legalità ta’ din id-deċiżjoni  (<span class="note footnote notemarker">
<a id="c-9" href="#t-9">9</a>
</span>). B’dan il-mod, din il-qorti tkun tista’, jekk ikun il-każ, tasal sabiex tinvalida l-imsemmija deċiżjoni fil-każ ta’ nuqqas ta’ osservanza tal-kundizzjonijiet għall-applikazzjoni tal-Artikolu 24(1) tad-Deċiżjoni Qafas 2002/584 u tordna l-ħelsien tal-imsemmija persuna, mingħajr ħsara għal miżuri oħra li l-awtorità ġudizzjarja kompetenti hija awtorizzata tieħu sabiex tipprekludi lil din il-persuna milli taħrab, skont l-Artikolu 12 ta’ din id-Deċiżjoni Qafas 2002/584.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Hija l-qorti tar-rinviju li għandha tevalwa jekk, f’dan il-każ, tali approċċ konformi mar-rekwiżiti tal-Artikolu 24(1) tad-Deċiżjoni Qafas 2002/584 huwiex possibbli, kif sostnut mill-Gvern Olandiż u l-Uffiċċju tal-Prosekutur fis-seduta. Għal dan il-għan, madankollu, hija għandha tiżgura li eventwali stħarriġ ġudizzjarju a posteriori min-naħa tagħha, kif deskritt fil-punt 42 hawn fuq, ikun suffiċjentament effikaċi u tali li jista’ jirrimedja b’mod sħiħ il-ksur tar-regola ta’ ġurisdizzjoni li tikkonsisti fl-adozzjoni mill-Prosekutur waħdu tad-deċiżjoni ta’ posponiment tal-konsenja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">B’hekk, fid-dawl tal-fatt li, f’dan il-każ, id-deċiżjoni ta’ posponiment tal-konsenja tal-Prosekutur wasslet għaż-żamma taħt detenzjoni tal-persuna kkonċernata fil-Pajjiżi l-Baxxi, il-qorti tar-rinviju għandha tiżgura li din id-deċiżjoni ma tibqax provviżorjament fis-seħħ sakemm dik il-qorti tkun ħadet deċiżjoni ġdida, kif il-Gvern Olandiż u l-Uffiċċju tal-Prosekutur madankollu osservaw waqt is-seduta. Bl-istess mod, l-imsemmija qorti hija mistennija tivverifika jekk hijiex f’pożizzjoni li tissostitwixxi, b’mod retroattiv, lill-Prosekutur sabiex tadotta deċiżjoni ġdida ta’ posponiment tal-konsenja tal-persuna rikjesta u tawtorizza, jekk ikun il-każ, iż-żamma taħt detenzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Huwa fid-dawl ta’ dawn il-kriterji li l-qorti tar-rinviju għandha teżamina jekk interpretazzjoni tal-Artikolu 27(2), moqri flimkien mal-Artikoli 33 u 34 tal-Liġi dwar il-Konsenja, skont ir-rekwiżiti msemmija fl-Artikolu 24(1), moqri flimkien mal-Artikolu 6(2) tad-Deċiżjoni Qafas 2002/584, hijiex possibbli. Għall-kuntrarju, meta dan ma huwiex il-każ, fl-assenza ta’ bażi legali fid-dritt intern li tiġġustifika li l-persuna tinżamm taħt detenzjoni għal raġunijiet oħra, kif awtorizzat mill-Artikolu 12 ta’ din id-Deċiżjoni Qafas, il-persuna kkonċernata għandha tiġi meħlusa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Konsegwentement, nipproponi li r-risposta għat-tieni parti tat-tieni domanda preliminari għandha tkun li l-ksur tal-Artikolu 24(1) moqri flimkien mal-Artikolu 6(2) tad-Deċiżjoni Qafas 2002/584, li bis-saħħa tiegħu d-deċiżjoni ta’ posponiment tal-konsenja tal-persuna rikjesta għandha tittieħed minn awtorità ġudizzjarja ta’ eżekuzzjoni, jirrikjedi li din il-persuna tiġi meħlusa, bla ħsara għall-possibbiltà li tali awtorità tirrimedja dan il-ksur permezz, b’mod partikolari, ta’ interpretazzjoni konformi tar-regoli rilevanti ta’ dritt intern jew tal-eżistenza ta’ bażi legali fid-dritt intern li tiġġustifika ż-żamma taħt detenzjoni għal raġunijiet oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Fuq l‑ewwel u t‑tielet domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Osservazzjoni preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">L-ewwel u t-tielet domanda preliminari huma bbażati fuq l-ipoteżi, magħmula mill-qorti tar-rinviju, li d-deċiżjoni ta’ posponiment tal-konsenja tal-persuna kkonċernata ġiet adottata minn “awtorità ġudizzjarja ta’ eżekuzzjoni” u hija suġġetta għal stħarriġ ġudizzjarju effettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Fid-dawl tat-tielet domanda preliminari, il-kriterji għall-applikazzjoni tal-Artikolu 24(1) tad-Deċiżjoni Qafas 2002/584 għandhom jiġu interpretati fid-dawl tal-Artikoli 47 u 48 tal-Karta, jiġifieri tad-dritt għal smigħ xieraq u tad-drittijiet tad-difiża, li CJ jinvoka fil-kuntest tal-proċeduri kriminali pendenti fil-Pajjiżi l-Baxxi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Fuq il‑kriterji għall‑applikazzjoni tal‑Artikolu 24(1) tad‑Deċiżjoni Qafas 2002/584 moqrija fid‑dawl tal‑Artikoli 47 u 48 tal‑Karta (it‑tielet domanda preliminari)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">L-ewwel parti tat-tielet domanda preliminari hija intiża, essenzjalment, sabiex jiġi stabbilit jekk l-Artikolu 24(1) tad-Deċiżjoni Qafas 2002/584 jipprekludix deċiżjoni ta’ posponiment tal-konsenja tal-persuna rikjesta sempliċement għaliex din tinsisti fuq l-eżerċizzju tad-drittijiet fundamentali tagħha protetti bl-Artikoli 47 u 48 tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Kif tirrileva l-Kummissjoni, skont l-Artikolu 24(1) tad-Deċiżjoni Qafas 2002/584, wara li tkun iddeċidiet dwar l-eżekuzzjoni tal-mandat ta’ arrest Ewropew, l-awtorità ġudizzjarja ta’ eżekuzzjoni għandha setgħa diskrezzjonali (“tista’”) fir-rigward tal-adozzjoni ta’ deċiżjoni ta’ posponiment tal-konsenja tal-persuna rikjesta għall-finijiet ta’ prosekuzzjoni (“biex il-persuna tkun tista’ tiġi pproċessata”) fl-Istat Membru ta’ eżekuzzjoni. Issa, anki fl-assenza ta’ kriterji addizzjonali jew iktar preċiżi li jirregolaw l-eżerċizzju ta’ din is-setgħa diskrezzjonali, din għandha tiġi ggwidata, b’mod partikolari, mid-drittijiet fundamentali tal-Karta li l-awtoritajiet nazzjonali għandhom josservaw fil-kuntest tal-eżekuzzjoni tal-mandat ta’ arrest Ewropew (ara l-Artikolu 1(3) ta’ din id-Deċiżjoni Qafas)  (<span class="note footnote notemarker">
<a id="c-10" href="#t-10">10</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Fil-fatt, minn ġurisprudenza stabbilita jirriżulta li l-awtorità ġudizzjarja ta’ eżekuzzjoni għandha l-obbligu li tieħu inkunsiderazzjoni s-salvagwardji proċedurali fundamentali li minnhom tibbenefika l-persuna kkonċernata, bis-saħħa tal-Artikoli 47 u 48 tal-Karta, inkluż id-dritt għal smigħ xieraq u d-drittijiet tad-difiża, kif interpretati mill-Qorti tal-Ġustizzja  (<span class="note footnote notemarker">
<a id="c-11" href="#t-11">11</a>
</span>). Dan l-obbligu ma japplikax biss għall-proċedura ta’ eżekuzzjoni tal-mandat ta’ arrest Ewropew bħala tali, iżda wkoll, mutatis mutandis, għall-kwalunkwe proċedura kriminali parallela invokata bħala raġuni ta’ posponiment tal-konsenja, fis-sens tal-Artikolu 24(1) tad-Deċiżjoni Qafas 2002/584, u li minnha hija għalhekk inseparabbli. Dan huwa kkorroborat mill-Artikolu 8 tad-Direttiva (UE) 2016/343 tal-Parlament Ewropew u tal-Kunsill tad‑9 ta’ Marzu 2016 dwar it-tisħiħ ta’ ċerti aspetti tal-preżunzjoni tal-innoċenza u tad-dritt li wieħed ikun preżenti waqt il-proċess fil-proċeduri kriminali  (<span class="note footnote notemarker">
<a id="c-12" href="#t-12">12</a>
</span>), li jispeċifika d-dritt ta’ persuna ssuspettata jew akkużata li tkun preżenti fi proċeduri kriminali fil-livell nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Id-dritt tal-akkużat li jkun preżenti għall-proċess, li huwa inkwistjoni f’dan il-każ, jikkostitwixxi element essenzjali tad-dritt għal smigħ xieraq, fis-sens tal-Artikolu 47 tal-Karta, u tad-drittijiet tad-difiża protetti bl-Artikolu 48(2) tal-imsemmija Karta  (<span class="note footnote notemarker">
<a id="c-13" href="#t-13">13</a>
</span>). Bl-istess mod, skont l-Artikolu 8 tad-Direttiva 2016/343, l-Istati Membri għandhom jippermettu, b’mod partikolari, lill-persuni akkużati, li jkunu preżenti għall-proċess tagħhom  (<span class="note footnote notemarker">
<a id="c-14" href="#t-14">14</a>
</span>). Minkejja li l-Artikolu 8(2) ta’ din id-direttiva, moqri fid-dawl tal-premessa 35 tagħha, jawtorizza lill-Istati Membri jipprevedu, taħt ċerti kundizzjonijiet, li proċess jista’ jsir fl-assenza tal-persuna akkużata, b’mod partikolari meta din tkun irrunzjat għad-dritt tagħha li tkun preżenti  (<span class="note footnote notemarker">
<a id="c-15" href="#t-15">15</a>
</span>), ikun differenti meta, bħal f’dan il-każ, din il-persuna tinsisti fuq l-eżerċizzju ta’ dan id-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Fid-dawl tan-natura inaljenabbli tad-dritt fundamentali tal-akkużat li jkun preżenti fiżikament għall-proċess  (<span class="note footnote notemarker">
<a id="c-16" href="#t-16">16</a>
</span>), il-proċedura kriminali ta’ CJ fil-Pajjiżi l-Baxxi talli saq vettura mingħajr liċenzja tas-sewqan valida, punibbli b’multa ta’ EUR 360, huma biżżejjed, bħala regola, sabiex il-persuna kkonċernata tkun tista’ tinvoka d-dritt tagħha għal smigħ xieraq u għad-drittijiet tad-difiża tagħha, u dan minkejja n-natura iktar serja tal-ksur li għalih il-persuna kkonċernata kienet ġiet ikkundannata fil-Polonja li huwa s-suġġett ta’ dan il-mandat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Madankollu, is-setgħa diskrezzjonali tal-awtorità ġudizzjarja ta’ eżekuzzjoni, skont l-Artikolu 24(1) tad-Deċiżjoni Qafas 2002/584, sabiex tiddeċiedi dwar il-posponiment tal-konsenja tal-persuna rikjesta ma għandhiex tinbidel f’kompetenza limitata sempliċement minħabba l-fatt li din il-persuna tinvoka s-salvagwardji proċedurali fundamentali tagħha waqt proċedura kriminali mmexxija fl-Istat Membru tal-eżekuzzjoni. B’hekk, f’dan il-każ, kif jirrilevaw il-qorti tar-rinviju u l-Kummissjoni, deċiżjoni ta’ posponiment tal-konsenja ma għandhiex tkun imposta unilateralment mill-persuna kkonċernata li tinsisti fuq l-eżerċizzju u fuq ir-rispett immedjati tad-dritt tagħha għal smigħ xieraq u tad-drittijiet tad-difiża fil-kuntest tal-proċedura kriminali pendenti fil-Pajjiżi l-Baxxi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">F’dan ir-rigward, għandu jiġi vverifikat jekk l-għanijiet ta’ interess ġenerali li għandhom jintlaħqu mill-Artikolu 24 tad-Deċiżjoni Qafas 2002/584 jiġġustifikawx restrizzjoni, fis-sens tal-Artikolu 52(1) tal-Karta, tal-eżerċizzju mill-persuna kkonċernata tad-dritt tagħha għal smigħ xieraq u tad-drittijiet tad-difiża tagħha. Fil-fatt, kif ġie rrikonoxxut minn ġurisprudenza stabbilita, dawn id-drittijiet ma jikkostitwixxux prerogattivi assoluti, iżda jistgħu jinvolvu restrizzjonijiet, bil-kundizzjoni li dawn jissodisfaw effettivament għanijiet ta’ interess ġenerali li għandhom jintlaħqu mill-miżura inkwistjoni u ma jikkostitwixxux, fir-rigward tal-għan li għandu jintlaħaq, intervent sproporzjonat u intollerabbli li jippreġudika s-sustanza stess tad-drittijiet hekk iggarantiti  (<span class="note footnote notemarker">
<a id="c-17" href="#t-17">17</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Fl-eżerċizzju tas-setgħa diskrezzjonali tagħha li tirrigwarda l-implimentazzjoni tal-possibbiltajiet previsti mill-Artikolu 24 tad-Deċiżjoni Qafas 2002/584, l-awtorità ġudizzjarja ta’ eżekuzzjoni hija għalhekk mistennija tqis kemm l-interess tal-Istat Membru ta’ eżekuzzjoni li jagħlaq b’suċċess proċedura kriminali pendenti kontra l-persuna rikjesta kif ukoll dak tal-Istat Membru emittenti li jeżegwixxi l-konsenja ta’ din il-persuna kemm jista’ jkun malajr u li jibbilanċja dawn l-interessi sabiex jiġi stabbilit jekk u sa fejn restrizzjoni tal-eżerċizzju tad-dritt għal smigħ xieraq u tad-drittijiet ta’ difiża hija possibbli. Dan id-dmir jirriżulta wkoll mill-obbligu ta’ kooperazzjoni leali, skont l-ewwel subparagrafu tal-Artikolu 4(3) TUE, li jirregola d-djalogu bejn l-awtoritajiet ġudizzjarji ta’ eżekuzzjoni u dawk emittenti sabiex jiġi żgurat il-funzjonament effettiv tas-sistema ta’ kooperazzjoni ġudizzjarja bejn l-Istati Membri li tagħha l-mandat ta’ arrest Ewropew jikkostitwixxi wieħed mill-elementi essenzjali  (<span class="note footnote notemarker">
<a id="c-18" href="#t-18">18</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Fl-ewwel lok, l-awtorità ġudizzjarja ta’ eżekuzzjoni hija mitluba tieħu inkunsiderazzjoni l-interess leġittimu tal-Istat Membru ta’ eżekuzzjoni, protett bl-Artikolu 24(1) tad-Deċiżjoni Qafas 2002/584, li tagħlaq b’suċċess il-proċedura kriminali pendenti qabel ma tikkonsenja l-persuna rikjesta lill-Istat Membru emittenti. Dan l-interess huwa inqas sinjifikattiv meta l-gravità tar-reat li għalih tinħareġ l-akkuża u l-ammont tas-sanzjoni maħsuba huma, bħal f’dan il-każ, biċ-ċar inqas minn dawk li taw lok għall-adozzjoni tal-mandat ta’ arrest Ewropew. B’hekk, taħt l-obbligu tagħha ta’ kooperazzjoni leali, l-awtorità ġudizzjarja ta’ eżekuzzjoni jista’ jkollha tissospendi l-proċedura kriminali pendenti u tipproċedi b’konsenja temporanja “kundizzjonali” tal-persuna rikjesta, fis-sens tal-Artikolu 24(2) tad-Deċiżjoni Qafas 2002/584 filwaqt li tipprevedi, bi ftehim reċiproku mal-awtorità ġudizzjarja emittenti, ir-ritorn ta’ din il-persuna, wara li tiskonta l-piena tagħha fl-Istat Membru emittenti, sabiex titkompla l-proċedura kriminali fl-Istat Membru ta’ eżekuzzjoni. Minn dan jirriżulta restrizzjoni tad-dritt għal smigħ xieraq u tad-drittijiet tad-difiża tal-imsemmija persuna, li tikkonsisti fil-posponiment tal-eżerċizzju tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">F’dan il-każ, hija l-qorti tar-rinviju li għandha tevalwa, minn naħa waħda, jekk tali approċċ huwiex prattiku, li ġie kkontestat mill-partijiet fis-seduta, u, min-naħa l-oħra, jekk, wara li titkompla l-proċedura wara l-eventwali ritorn tal-persuna kkonċernata fil-Pajjiżi l-Baxxi, id-drittijiet proċedurali tagħha, inkluż dak ta’ proċess fi żmien raġonevoli  (<span class="note footnote notemarker">
<a id="c-19" href="#t-19">19</a>
</span>), jistgħux jiġu rrispettati kompletament. Fi kwalunkwe każ, il-posponiment bħala tali tal-eżerċizzju ta’ dawn id-drittijiet fil-każ ta’ tali konsenja temporanja ta’ din il-persuna kkonċernata ma jistax jiġi kklassifikat bħala miżura sproporzjonata u intollerabbli li tippreġudika s-sustanza nfisha tal-istess drittijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Fit-tieni lok, l-awtorità ġudizzjarja ta’ eżekuzzjoni għandha tieħu inkunsiderazzjoni l-interess leġittimu tal-Istat Membru emittenti li l-persuna rikjesta tiġi kkonsenjata lilu u arrestata kemm jista’ jkun malajr fit-territorju tiegħu. L-ekwivalenza ta’ din id-detenzjoni hija impliċitament irrikonoxxuta mill-Artikolu 26(1) ta’ din id-deċiżjoni qafas, li permezz tiegħu l-Istat Membru emittenti huwa obbligat inaqqas il-perijodi kollha ta’ detenzjoni mill-perijodu totali ta’ detenzjoni li għandha tiskonta l-persuna rikjesta fl-Istat Membru ta’ eżekuzzjoni. Bl-istess mod, f’każ simili għal dak f’dan il-każ, l-għan ta’ riintegrazzjoni soċjali wara li jkunu skontati l-pieni tista’ tkun raġuni kontra detenzjoni fl-Istat Membru emittenti, meta l-persuna rikjesta tkun ilha tirrisjedi fl-Istat Membru ta’ eżekuzzjoni għal xi żmien, jew tkun soċjalment integrata tajjeb fl-Istat Membru ta’ eżekuzzjoni  (<span class="note footnote notemarker">
<a id="c-20" href="#t-20">20</a>
</span>). Hija l-awtorità ġudizzjarja ta’ eżekuzzjoni li għandha tistabbilixxi liema minn dawn iż-żewġ possibbiltajiet, skont iċ-ċirkustanzi, tikkorrispondi l-aħjar ma’ dan il-għan u jekk l-interess leġittimu tal-Istat Membru emittenti, li jekk jiġi kkunsidrat jista’ jwassal għal restrizzjoni temporanja tas-salvagwardji proċedurali tal-persuna kkonċernata, jista’ jkun superjuri għal dak tal-Istat Membru ta’ eżekuzzjoni kif deskritt fil-punt 57 hawn fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">F’dawn iċ-ċirkustanzi, ir-risposta għall-ewwel parti tat-tielet domanda preliminari għandha tkun li l-Artikolu 24(1) tad-Deċiżjoni Qafas 2002/584, moqri flimkien mal-Artikoli 47 u 48 tal-Karta, ma jipprekludix, bħala regola, li l-konsenja tal-persuna rikjesta tiġi posposta għall-finijiet ta’ proċeduri kriminali fl-Istat Membru ta’ eżekuzzjoni minħabba l-fatt li din il-persuna ma tixtieqx tirrinunzja għad-dritt tagħha li tkun preżenti matul dawn il-proċeduri kriminali. Fil-kuntest tal-eżerċizzju tas-setgħa diskrezzjonali tagħha bis-saħħa tal-Artikolu 24 ta’ din id-deċiżjoni qafas, l-awtorità ġudizzjarja ta’ eżekuzzjoni hija madankollu obbligata teżamina jekk restrizzjoni tal-eżerċizzju mill-imsemmija persuna tas-salvagwardji proċedurali fundamentali tagħha tistax tkun iġġustifikata fid-dawl tal-interessi leġittimi potenzjalment diverġenti tal-Istati Membri emittenti u ta’ eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Fid-dawl ta’ din ir-risposta essenzjalment negattiva għall-ewwel parti tat-tielet domanda preliminari, ma hemmx lok li tingħata risposta għat-tieni parti ta’ din id-domanda li saret biss fil-każ ta’ risposta fl-affermattiv għall-ewwel parti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Fuq iż‑żamma taħt detenzjoni tal‑persuna rikjesta wara posponiment legali tal‑konsenja tagħha (l‑ewwel domanda preliminari)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Permezz tal-ewwel domanda preliminari, il-qorti tar-rinviju tistaqsi jekk, fis-sitwazzjoni fejn il-konsenja tal-persuna rikjesta tiġi posposta legalment, fis-sens tal-Artikolu 24(1) tad-Deċiżjoni Qafas 2002/584, din il-persuna tistax tinżamm taħt detenzjoni matul il-perijodu kollu ta’ dan il-posponiment u sakemm issir din il-konsenja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">L-Artikolu 24 ta’ din id-deċiżjoni qafas ma jirregolax din il-kwistjoni. Madankollu, skont ir-regola ġenerali prevista fl-Artikolu 12 tal-imsemmija deċiżjoni qafas, il-kwistjoni dwar jekk il-persuna rikjesta tistax titqiegħed jew tinżamm taħt detenzjoni għandha tiġi deċiża skont id-dritt nazzjonali. Skont l-Artikolu 34(2) tal-Liġi dwar il-Konsenja, estensjoni tad-detenzjoni għal perijodu li ma jeċċedix 30 jum hija possibbli u diġà ġiet deċiża darbtejn mill-qorti tar-rinviju f’dan il-każ  (<span class="note footnote notemarker">
<a id="c-21" href="#t-21">21</a>
</span>). B’hekk, bħala regola, la l-Artikolu 12 u lanqas l-Artikolu 24 tal-imsemmija deċiżjoni qafas ma jipprekludu bħala tali, estensjoni bħal din tad-detenzjoni għall-finijiet tal-eżekuzzjoni tal-mandat ta’ arrest Ewropew, peress li l-posponiment tal-konsenja huwa parti integrali minn din l-eżekuzzjoni  (<span class="note footnote notemarker">
<a id="c-22" href="#t-22">22</a>
</span>), anki jekk din l-estensjoni tista’ tkun itwal minn ċertu perijodu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Kuntrarjament għal dak li ssostni l-Kummissjoni, din l-evalwazzjoni ma hijiex ikkontestata mill-istruttura ġenerali tas-sistema ġudizzjarja li hija intiża għall-eżekuzzjoni tal-mandat ta’ arrest Ewropew, u lanqas mit-termini stretti għall-konsenja tal-persuna rikjesta li huma indikati fl-Artikolu 23(2) sa (4) tad-Deċiżjoni Qafas 2002/584, jew mir-rekwiżiti li jirriżultaw mill-Artikolu 6 tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">Huwa minnu li l-Qorti tal-Ġustizzja diġà ddeċidiet li l-possibbiltà li jiġu estiżi dawn it-termini minħabba każ ta’ forza maġġuri prevista fl-Artikolu 23(3) tad-Deċiżjoni Qafas 2002/584 għandha tiġi interpretata, inkwantu deroga mir-regola stabbilita fl-Artikolu 23(2) ta’ din id-deċiżjoni qafas, b’mod strett  (<span class="note footnote notemarker">
<a id="c-23" href="#t-23">23</a>
</span>). Hija spjegat, f’dan ir-rigward, li ostakoli ġuridiċi li jirriżultaw minn azzjonijiet legali ppreżentati mill-persuna rikjesta huma prevedibbli u ma għandhomx jikkostitwixxu każ ta’ forza maġġuri f’dan is-sens  (<span class="note footnote notemarker">
<a id="c-24" href="#t-24">24</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">Madankollu, l-Artikolu 24(1) tad-Deċiżjoni Qafas 2002/584 jikkostitwixxi regola speċjali meta mqabbla mar-regoli ġenerali relatati mat-termini ristretti ta’ konsenja, kif previsti fl-Artikolu 23(1) u (2) ta’ din id-deċiżjoni qafas, inkwantu huwa jkopri każ partikolari ta’ posponiment tal-konsenja tal-persuna rikjesta li huwa intiż, b’mod partikolari, sabiex jipproteġi l-interess leġittimu tal-Istat Membru ta’ eżekuzzjoni sabiex tingħalaq b’suċċess proċedura kriminali pendenti  (<span class="note footnote notemarker">
<a id="c-25" href="#t-25">25</a>
</span>). Dan il-każ speċifiku ta’ posponiment għandu għalhekk jiġi distint b’mod ċar minn dak ta’ posponiment eċċezzjonali tal-konsenja, skont l-Artikolu 23(3) jew (4) tal-imsemmija deċiżjoni qafas, meta mqabbla mar-regoli ġenerali stabbiliti fl-Artikolu 23(1) u (2) tal-istess deċiżjoni qafas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Din l-evalwazzjoni hija kkonfermata mill-fatt li l-leġiżlatur tal-Unjoni baqa’ lura milli jinkludi, fl-Artikolu 24(1) tad-Deċiżjoni Qafas 2002/584, termini preċiżi jew, tal-inqas, riferiment għat-termini previsti fl-Artikolu 23 ta’ din id-deċiżjoni qafas. Minn dan jirriżulta a contrario li, skont il-prinċipju stabbilit fl-ewwel sentenza tal-Artikolu 12 tal-imsemmija deċiżjoni qafas, din ħalliet lill-Istati Membri setgħa diskrezzjonali sabiex jirregolaw il-perijodu taż-żamma taħt detenzjoni tal-persuna rikjesta matul posponiment legali tal-konsenja tagħha skont l-Artikolu 24(1) tal-istess deċiżjoni qafas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Barra minn hekk, f’dan il-każ, il-persuna kkonċernata tinsisti fuq l-eżerċizzju immedjat tas-salvagwardji proċedurali fundamentali tagħha fil-kuntest tal-proċeduri kriminali fil-Pajjiżi l-Baxxi, li jikkostitwixxi r-raġuni essenzjali tal-posponiment tal-konsenja tagħha deċiż mill-Prosekutur, bis-saħħa tal-Artikolu 36(1) tal-Liġi dwar il-Konsenja. Madankollu, dan il-fatt ma huwiex simili għal “ostakolu ġuridiku” fis-sens tal-ġurisprudenza mfakkra fil-punt 65 hawn fuq, peress li din tirreferi biss għall-applikazzjoni tal-Artikolu 23 tad-Deċiżjoni Qafas 2002/584, u mhux għal dik tal-Artikolu 24(1) ta’ din id-deċiżjoni qafas, bħal f’dan il-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Finalment, huwa minnu li, id-deċiżjoni, ibbażata fuq l-Artikolu 24(1) tad-Deċiżjoni Qafas 2002/584, li l-persuna rikjesta tinżamm taħt detenzjoni fl-Istat Membru ta’ eżekuzzjoni minflok ma tiġi kkonsenjata lill-Istat Membru emittenti għall-finijiet tal-eżekuzzjoni tal-mandat ta’ arrest Ewropew, tikkostitwixxi, bħall-piena imposta mill-Istat Membru emittenti, miżura li taqa’ fil-kamp ta’ applikazzjoni tal-Artikolu 6 tal-Karta u għandha tiġi limitata rationae temporis  (<span class="note footnote notemarker">
<a id="c-26" href="#t-26">26</a>
</span>). Madankollu, l-eventwali restrizzjoni li tinvolvi l-libertà tal-persuna rikjesta hija kkumpensata b’mod sħiħ bl-obbligu tal-Istat Membru emittenti li jnaqqas kull perijodu ta’ detenzjoni fl-Istat Membru ta’ eżekuzzjoni mill-perijodu totali ta’ priġunerija li jkun ser jiġi skontat fl-Istat Membru emittenti. F’tali ċirkustanzi, iż-żamma taħt detenzjoni ta’ din il-persuna ma għandhiex tkun ikklassifikata bħala restrizzjoni addizzjonali tad-dritt għal-libertà li din il-persuna għandha tkun suġġetta għaliha fi kwalunkwe każ fl-Istat Membru emittenti, u lanqas bħala miżura sproporzjonata, fis-sens tat-tieni sentenza tal-Artikolu 52(1) tal-Karta, sakemm il-perijodu ta’ detenzjoni ma jaqbiżx dak li għandu jiġi skontat fl-Istat Membru emittenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Konsegwentement, nipproponi li r-risposta għall-ewwel domanda preliminari għandha tkun li l-Artikoli 12 u 24(1) tad-Deċiżjoni Qafas 2002/584, moqrija flimkien mal-Artikolu 6 tal-Karta, ma jipprekludux li persuna rikjesta, li l-konsenja tagħha għall-finijiet tal-eżekuzzjoni ta’ piena ta’ priġunerija ġiet awtorizzata bis-saħħa ta’ deċiżjoni finali, iżda ġiet posposta “sabiex tkun tista’ tinbeda proċedura kontra l-persuna kkonċernata fl-Istat Membru ta’ eżekuzzjoni […] għal fatt ieħor differenti minn dak imsemmi fil-mandat ta’ arrest Ewropew”, tinżamm taħt detenzjoni sabiex jiġi eżegwit il-mandat ta’ arrest Ewropew matul il-perijodu kollu ta’ dawn il-proċeduri kriminali, sakemm il-perijodu ta’ detenzjoni ma jaqbiżx dak li kellu jiġi skontat fl-Istat Membru emittenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Fid-dawl ta’ dak kollu li ntqal hawn fuq, nipproponi li l-Qorti tal-Ġustizzja tirrispondi għad-domandi preliminari tar-Rechtbank Amsterdam (il-Qorti Distrettwali ta’ Amsterdam, il-Pajjiżi l-Baxxi) bil-mod segwenti:</p>
</td>
</tr>
</table>
    <p class="C09Marge0avecretrait" id="para-137" title="page-22">
      1) L-Artikoli 12 u 24(1) tad-Deċiżjoni Qafas tal-Kunsill 2002/584/ĠAI tat‑13 ta’ Ġunju 2002 dwar il-mandat ta’ arrest Ewropew u l-proċeduri ta’ konsenja bejn l-Istati Membri, kif emendata bid-Deċiżjoni Qafas tal-Kunsill 2009/299/ĠAI tas‑26 ta’ Frar 2009, moqrija flimkien mal-Artikolu 6 tal-Karta tad-Drittijiet Fundamentali tal-Unjoni Ewropea, ma jipprekludux li persuna rikjesta, li l-konsenja tagħha għall-finijiet tal-eżekuzzjoni ta’ piena ta’ priġunerija ġiet awtorizzata bis-saħħa ta’ deċiżjoni finali, iżda ġiet posposta “sabiex tkun tista’ tinbeda proċedura kontra l-persuna kkonċernata fl-Istat Membru ta’ eżekuzzjoni […] għal fatt ieħor differenti minn dak imsemmi fil-mandat ta’ arrest Ewropew”, tinżamm taħt detenzjoni sabiex jiġi eżegwit il mandat ta’ arrest Ewropew matul il perijodu kollu ta’ dawn il-proċeduri kriminali, sakemm il-perijodu ta’ detenzjoni ma jaqbiżx dak li kellu jiġi skontat fl-Istat Membru emittenti.
    </p>
    <p class="C09Marge0avecretrait" id="para-138" title="page-22">
      2) Id-deċiżjoni li tiġi posposta l-konsenja ta’ persuna rikjesta, skont l Artikolu 24(1) tad-Deċiżjoni Qafas 2002/584, kif emendata bid-Deċiżjoni Qafas 2009/299, moqri flimkien mal-Artikolu 6(2) u mal-premessa 8 ta’ din id-deċiżjoni qafas, tikkostitwixxi miżura ta’ “eżekuzzjoni” tal-mandat ta’ arrest Ewropew u, għalhekk, għandha tittieħed mill-“awtorità ġudizzjarja ta’ eżekuzzjoni”.
    </p>
    <p class="C10Marge1" id="para-139" title="page-22">
      Il-ksur tal-Artikolu 24(1) tal-imsemmija deċiżjoni qafas, moqri flimkien mal-Artikolu 6(2) tal-istess Deċiżjoni Qafas, li bis-saħħa tiegħu d-deċiżjoni ta’ posponiment tal-konsenja tal-persuna rikjesta għandha tittieħed minn awtorità ġudizzjarja ta’ eżekuzzjoni, jirrikjedi li din il-persuna tiġi meħlusa, bla ħsara għall-possibbiltà li tali awtorità tirrimedja dan il-ksur permezz, b’mod partikolari, ta’ interpretazzjoni konformi tar-regoli rilevanti ta’ dritt intern jew tal eżistenza ta’ bażi legali fid-dritt intern li tiġġustifika ż-żamma taħt detenzjoni għal raġunijiet oħra.
    </p>
    <p class="C09Marge0avecretrait" id="para-140" title="page-23">
      3) L-Artikolu 24(1) tad-Deċiżjoni Qafas 2002/584, kif emendata bid-Deċiżjoni Qafas 2009/299, moqri flimkien mal-Artikoli 47 u 48 tal-Karta tad-Drittijiet Fundamentali tal-Unjoni Ewropea, ma jipprekludix, bħala regola, li l-konsenja tal-persuna rikjesta tiġi posposta għall-finijiet ta’ proċeduri kriminali fl-Istat Membru ta’ eżekuzzjoni minħabba l-fatt li din il-persuna ma tixtieqx tirrinunzja għad-dritt tagħha li tkun preżenti matul dawn il-proċeduri kriminali. Fil-kuntest tal-eżerċizzju tas-setgħa diskrezzjonali tagħha bis-saħħa tal-Artikolu 24 ta’ din id-deċiżjoni qafas, l-awtorità ġudizzjarja ta’ eżekuzzjoni hija madankollu obbligata teżamina jekk restrizzjoni tal-eżerċizzju mill-imsemmija persuna tas-salvagwardji proċedurali fundamentali tagħha tistax tkun iġġustifikata fid-dawl tal-interessi leġittimi potenzjalment diverġenti tal-Istati Membri emittenti u ta’ eżekuzzjoni.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: il-Franċiż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) C‑804/21 PPU, EU:C:2022:307, punt 66.</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Ara wkoll il-konklużjonijiet tiegħi fil-kawża C u CD (Ostakoli ġuridiċi għall-eżekuzzjoni ta’ deċiżjoni ta’ konsenja) (C-804/21 PPU, EU:C:2022:182, punti 73 sa 76).</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) Sentenza tal‑24 ta’ Novembru 2020, Openbaar Ministerie (Falsifikazzjoni ta’ dokumenti) (C‑510/19, EU:C:2020:953, punt 56).</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Ara, f’dan is-sens u b’analoġija, is-sentenza tal‑24 ta’ Novembru 2020, Openbaar Ministerie (Falsifikazzjoni ta’ dokumenti) (C‑510/19, EU:C:2020:953, punti 44 sa 49 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Ara, f’dan is-sens, is-sentenzi tal‑24 ta’ Novembru 2020, Openbaar Ministerie (Falsifikazzjoni ta’ dokumenti) (C‑510/19, EU:C:2020:953, punti 54, 67 u 72), u tat‑28 ta’ April 2022, C u CD (Ostakoli ġuridiċi għall-eżekuzzjoni ta’ deċiżjoni ta’ konsenja) (C‑804/21 PPU, EU:C:2022:307, punt 61). Ara wkoll, dwar id-dipartimenti tal-Pulizija, il-konklużjonijiet tiegħi fil-kawża C u CD (Ostakoli ġuridiċi għall-eżekuzzjoni ta’ deċiżjoni ta’ konsenja) (C‑804/21 PPU, EU:C:2022:182, punti 72 u 73).</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Ara, f’dan is-sens, is-sentenza tal‑24 ta’ Novembru 2020, Openbaar Ministerie (Falsifikazzjoni ta’ dokumenti) (C‑510/19, EU:C:2020:953, punti 44 sa 47 u 54, kif ukoll il-ġurisprudenza ċċitata).</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Ara, f’dan is-sens, is-sentenza tal‑24 ta’ Novembru 2020, Openbaar Ministerie (Falsifikazzjoni ta’ dokumenti) (C‑510/19, EU:C:2020:953, punti 49 sa 51 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Ara l-ġurisprudenza ċċitata fil-punti 31 u 32 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Sentenza tal‑24 ta’ Novembru 2020, Openbaar Ministerie (Falsifikazzjoni ta’ dokumenti) (C‑510/19, EU:C:2020:953, punti 52 u 53).</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Sentenzi tas‑26 ta’ Frar 2013, Melloni (C‑399/11, EU:C:2013:107, punti 49 sa 51); tal‑10 ta’ Awwissu 2017, Tupikas (C‑270/17 PPU, EU:C:2017:628, punti 58 sa 60), u tat‑22 ta’ Diċembru 2017, Ardic (C‑571/17 PPU, EU:C:2017:1026, punt 73).</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) ĠU 2016, L 65, p. 1.</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Ara, f’dan is-sens, is-sentenzi tas‑26 ta’ Frar 2013, Melloni (C‑399/11, EU:C:2013:107, punt 49 u l-ġurisprudenza ċċitata), u tal‑15 ta’ Settembru 2022, HN (Proċess ta’ persuna akkużata mneħħija mit-territorju) (C‑420/20, EU:C:2022:679, punt 54 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Sentenza tal‑15 ta’ Settembru 2022, HN (Proċess ta’ persuna akkużata mneħħija mit-territorju) (C‑420/20, EU:C:2022:679, punt 32).</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Sentenza tal‑15 ta’ Settembru 2022, HN (Proċess ta’ persuna akkużata mneħħija mit-territorju) (C‑420/20, EU:C:2022:679, punti 35 sa 37). Fir-rigward tal-kundizzjonijiet ta’ tali rinunzja, li għandha ssir b’mod volontarju u inekwivoka, ara s-sentenza tas‑26 ta’ Frar 2013, Melloni (C‑399/11, EU:C:2013:107, punt 49).</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Sentenza tas‑26 ta’ Frar 2013, Melloni (C‑399/11, EU:C:2013:107, punt 49), u tal‑15 ta’ Settembru 2022, HN (Proċess ta’ persuna akkużata mneħħija mit-territorju) (C‑420/20, EU:C:2022:679, punt 54).</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Ara, f’dan is-sens, is-sentenzi tal‑20 ta’ Diċembru 2017, Prequ’ Italia (C‑276/16, EU:C:2017:1010, punt 50); tat‑13 ta’ Settembru 2018, UBS Europe et (C‑358/16, EU:C:2018:715, punt 62), u tas‑16 ta’ Ottubru 2019, Glencore Agriculture Hungary (C‑189/18, EU:C:2019:861, punt 43).</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Ara, f’dan is-sens, is-sentenzi tas‑26 ta’ Ottubru 2021, Openbaar Ministerie (Dritt għal smigħ mill-awtorità ġudizzjarja ta’ eżekuzzjoni) (C‑428/21 PPU u C‑429/21 PPU, EU:C:2021:876, punti 43 u 44, kif ukoll il-ġurisprudenza ċċitata), u tat‑22 ta’ Frar 2022, Openbaar Ministerie (Qorti stabbilita bil-liġi fl-Istat Membru emittenti) (C‑562/21 PPU u C‑563/21 PPU, EU:C:2022:100, punti 48 u 49, kif ukoll il-ġurisprudenza ċċitata).</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Ara d-digriet tat‑12 ta’ Frar 2019, RH (C‑8/19 PPU, EU:C:2019:110, punti 31 et seq.), u s-sentenza tad‑29 ta’ Lulju 2019, Gambino u Hyka (C‑38/18, EU:C:2019:628, punti 38 et seq.).</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Ara, f’dan is-sens, is-sentenza tat‑13 ta’ Novembru 2018, Raugevicius (C‑247/17, EU:C:2018:898, punti 36 et seq.).</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Ara l-punti 19 u 20 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Ara l-punt 29 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) Ara s-sentenza tat‑28 ta’ April 2022, C u CD (Ostakoli ġuridiċi għall-eżekuzzjoni ta’ deċiżjoni ta’ konsenja) (C‑804/21 PPU, EU:C:2022:307, punt 45 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Ara s-sentenza tat‑28 ta’ April 2022, C u CD (Ostakoli ġuridiċi għall-eżekuzzjoni ta’ deċiżjoni ta’ konsenja) (C‑804/21 PPU, EU:C:2022:307, punt 48 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Ara l-punti 55 sa 57 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Ara, f’dan is-sens, is-sentenzi tas‑16 ta’ Lulju 2015, Lanigan (C‑237/15 PPU, EU:C:2015:474, punti 58 u 59), u tal‑25 ta’ Jannar 2017, Vilkas (C‑640/15, EU:C:2017:39, punt 43).</p>
</body>
</html>
