|
28.12.2021 |
GA |
Iris Oifigiúil an Aontais Eorpaigh |
L 462/12 |
RIALACHÁN (AE) 2021/2318 ÓN gCOIMISIÚN
an 21 Nollaig 2021
lena mbunaítear iamh iascach le haghaidh scadán in uiscí na hIorua lastuaidh de 62° T agus sa limistéar iascaigh timpeall Jan Mayen i gcás soithí a bhfuil bratach Bhallstáit den Aontas Eorpach ar foluain acu
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe de chuid an Aontais chun comhlíonadh rialacha an chomhbheartais iascaigh (1) a áirithiú, agus go háirithe Airteagal 36(2) de,
De bharr an mhéid seo a leanas:
|
(1) |
Leagtar síos le Rialachán (AE) 2021/92 ón gComhairle (2) cuótaí le haghaidh 2021. |
|
(2) |
De réir na faisnéise a fuair an Coimisiún, tá an cuóta le haghaidh 2021 ídithe ag gabhálacha an stoic scadán in uiscí na hIorua lastuaidh de 62° T agus sa limistéar iascaigh timpeall Jan Mayen a rinne soithí a bhfuil bratach Bhallstáit den Aontas Eorpach ar foluain acu nó soithí atá cláraithe i mBallstát den Aontas Eorpach. |
|
(3) |
Is gá, dá bhrí sin, toirmeasc a chur ar ghníomhaíochtaí áirithe iascaireachta a bhaineann leis an stoc sin, |
TAR ÉIS AN RIALACHÁN SEO A GHLACADH:
Airteagal 1
Ídiú cuótaí
Maidir leis an gcuóta iascaireachta le haghaidh 2021 a leithdháileadh ar Bhallstáit an Aontais Eorpaigh le haghaidh an stoic scadán in uiscí na hIorua lastuaidh de 62° T agus sa limistéar iascaigh timpeall Jan Mayen dá dtagraítear san Iarscríbhinn, measfar é a bheith ídithe ón dáta a leagtar amach san Iarscríbhinn sin.
Airteagal 2
Toirmisc
Cuirfear toirmeasc, ón dáta a leagtar amach san Iarscríbhinn, ar ghníomhaíochtaí iascaireachta a bhaineann leis an stoc dá dtagraítear in Airteagal 1, ar gníomhaíochtaí iad a dhéanann soithí a bhfuil bratach Bhallstáit den Aontas Eorpach ar foluain acu nó soithí atá cláraithe i mBallstát den Aontas Eorpach. Go sonrach, beidh toirmeasc ar éisc, ón stoc sin a ghabh na soithí sin, a choinneáil ar bord, a athlonnú, a thrasloingsiú, nó a thabhairt i dtír tar éis an dáta sin.
Airteagal 3
Teacht i bhfeidhm
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 21 Nollaig 2021.
Thar ceann an Choimisiúin,
Ar son an Uachtaráin,
Virginijus SINKEVIČIUS
Comhalta den Choimisiún
(1) IO L 343, 22.12.2009, lch. 1.
(2) Rialachán (AE) 2021/92 ón gComhairle an 28 Eanáir 2021 lena socraítear le haghaidh 2021 na deiseanna iascaireachta le haghaidh stoic éisc áirithe agus grúpaí stoc éisc, is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad (IO L 31, 29.1.2021, lch. 31).
IARSCRÍBHINN
|
Uimh. |
20/TQ92 |
|
Ballstát |
An tAontas Eorpach (Na Ballstáit uile) |
|
Stoc |
HER/*2AJMN |
|
Speiceas |
Scadán (Clupea harengus) |
|
Limistéar |
Uiscí na hIorua lastuaidh de 62° T agus an limistéar iascaigh timpeall Jan Mayen |
|
Dáta deiridh |
30 Samhain 2021 ar 00.00 UTC |