|
Iris Oifigiúil |
GA Sraith L |
|
2026/690 |
23.3.2026 |
TREOIRLÍNE (AE) 2026/690 ÓN mBANC CEANNAIS EORPACH
an 22 Eanáir 2026
lena leasaítear Treoirlíne (AE) 2016/65 maidir leis na caolchorrlaigh luachála a chuirtear i bhfeidhm i gcur chun feidhme chreat bheartas airgeadaíochta an Eurochórais (BCE/2015/35) (BCE/2026/2)
TÁ COMHAIRLE RIALAITHE AN BHAINC CEANNAIS EORPAIGH
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 127(2), an chéad fhleasc, de,
Ag féachaint do Reacht an Chórais Eorpaigh Banc Ceannais agus an Bhainc Ceannais Eorpaigh, agus go háirithe Airteagal 3.1, an chéad fhleasc, Airteagail 9.2, 12.1, 14.3 agus 18.2 agus Airteagal 20, an chéad mhír, de,
De bharr an mhéid seo a leanas:
|
(1) |
I gcomhréir le hAirteagal 18.1 de Reacht an Chórais Eorpaigh Banc Ceannais agus an Bhainc Ceannais Eorpaigh, féadfaidh an Banc Ceannais Eorpach (BCE), mar aon le bainc cheannais náisiúnta na mBallstát a bhfuil an euro mar airgeadra acu (na ‘BCNanna’ anseo feasta) oibríochtaí creidmheasa a sheoladh le hinstitiúidí creidmheasa agus le rannpháirtithe eile sa mhargadh, agus na hiasachtaí á mbunú ar bhonn comhthaobhachta leordhóthanaí. Leagtar síos na coinníollacha ginearálta faoina mbeidh BCE agus na BCNanna réidh chun dul i mbun oibríochtaí creidmheasa, lena n-áirítear na critéir lena gcinntear incháilitheacht na comhthaobhachta chun críocha oibríochtaí creidmheasa an Eurochórais i dTreoirlíne (AE) 2015/510 ón mBanc Ceannais Eorpach (BCE/2014/60) (1). |
|
(2) |
Tá gach sócmhainn incháilithe le haghaidh oibríochtaí creidmheasa an Eurochórais faoi réir bearta rialaithe riosca sonracha chun an Eurochórais a chosaint ar chaillteanais airgeadais i gcúinsí ina gcaithfear an chomhthaobhacht a réadú mar gheall ar mhainneachtain contrapháirtí. Déantar athbhreithnithe rialta ar chreat rialaithe riosca an Eurochórais chun cosaint leordhóthanach a áirithiú, as a n-eascraíonn leasuithe de réir mar is gá ar na gníomhartha dlí ábhartha, chun torthaí na n-athbhreithnithe sin a léiriú. |
|
(3) |
Chinn an Chomhairle Rialaithe an 29 Samhain 2024 comhchuibhiú agus simpliú níos fearr a chothú le haghaidh chreat comhthaobhachta an Eurochórais, agus fairsinge an chreata á caomhnú ag an am céanna. Is éard atá i gceist leis an gcinneadh sin, inter alia, cineálacha áirithe sócmhainní sealadacha a bhfuil glacadh leo faoin gcreat sealadach a chomhtháthú sa chreat ginearálta comhthaobhachta, eadhon (a) sócmhainní indíolta arna n-ainmniú i ndollair SAM, i bpuint steirling agus i yen na Seapáine; agus (b) urrúis de bhun sócmhainní a bhfuil an dara rátáil is fearr acu ar chéim 3 den cháilíocht chreidmheasa ar scála rátála comhchuibhithe an Eurochórais agus a chomhlíonann na critéir incháilitheachta a shonraítear sa chreat sealadach comhthaobhachta. |
|
(4) |
Is gá soiléiriú a dhéanamh ar an gcaolchorrlach luachála a chuirtear i bhfeidhm ar éilimh chreidmheasa a n-áirítear iontu rogha chun an cineál íocaíochta úis a mhodhnú nó an fhéidearthacht go dtiocfadh athrú ar an gcineál íocaíochta úis má tharlaíonn teagmhas réamhshainithe, le linn thréimhse a mbailíochta. |
|
(5) |
Dá bhrí sin, ba cheart Treoirlíne (AE) 2016/65 ón mBanc Ceannais Eorpach (BCE/2015/35) (2) a leasú dá réir sin, |
TAR ÉIS AN TREOIRLÍNE SEO A GHLACADH:
Airteagal 1
Leasuithe
Leasaítear Treoirlíne (AE) 2016/65 (BCE/2015/35) mar a leanas:
|
(1) |
In Airteagal 4, cuirtear an pointe (aa) seo a leanas isteach:
|
|
(2) |
leasaítear Airteagal 5 mar a leanas:
|
|
(3) |
san Iarscríbhinn, cuirtear an méid seo a leanas in ionad Tábla 2a: ‘Tábla 2a Leibhéil chaolchorrlaigh luachála curtha i bhfeidhm ar shócmhainní indíolta incháilithe i gcatagóir chaolchorrlaigh V
|
||||||||||||||||||||||||||||||||||||||||
Airteagal 2
Teacht in éifeacht agus cur chun feidhme
1. Tiocfaidh an Treoirlíne seo in éifeacht lá an fhógra a fháil ag BCNanna.
2. Glacfaidh na BCNanna na bearta is gá chun an Treoirlíne seo a chomhlíonadh agus cuirfidh siad i bhfeidhm iad ón 30 Márta 2026. Tabharfaidh siad fógra faoi na téacsanna agus faoi na meáin a bhaineann leis na bearta sin do BCE faoin 4 Márta 2026 ar a dhéanaí.
Airteagal 3
Seolaithe
Dírítear an Treoirlíne seo ar gach banc ceannais Eurochórais.
Arna dhéanamh in Frankfurt am Main, an 22 Eanáir 2026.
Thar ceann Chomhairle Rialaithe BCE
Uachtarán BCE
Christine LAGARDE
(1) Treoirlíne (AE) 2015/510 ón mBanc Ceannais Eorpach an 19 Nollaig 2014 maidir le creat beartais airgeadaíochta an Eurochórais a chur chun feidhme (Treoirlíne maidir le Doiciméadacht Ghinearálta) (BCE/2014/60) (IO L 91, 2.4.2015, lch. 3, ELI: http://data.europa.eu/eli/guideline/2015/510/oj).
(2) Treoirlíne (AE) 2016/65 ón mBanc Ceannais Eorpach an 18 Samhain 2015 maidir leis na caolchorrlaigh luachála a chuirtear i bhfeidhm i gcur chun feidhme chreat bheartas airgeadaíochta an Eurochórais (BCE/2015/35) (IO L 14, 21.1.2016, lch. 30, ELI: http://data.europa.eu/eli/guideline/2016/65/oj).
(*1) i.e. [0,1) WAL níos lú ná bliain amháin, [1,3) WAL cothrom le nó níos mó ná bliain amháin agus níos lú ná trí bliana, srl.’
ELI: http://data.europa.eu/eli/guideline/2026/690/oj
ISSN 1977-0839 (electronic edition)