Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/2796 |
28.10.2024 |
CINNEADH (CBES) 2024/2796 ÓN gCOISTE POLAITIÚIL AGUS SLÁNDÁLA
an 22 Deireadh Fómhair 2024
lena gcuirtear síneadh le sainordú Cheann Misin Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) (EUAM RCA/2/2024)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38, an tríú mír, de,
Ag féachaint do Chinneadh (CBES) 2019/2110 ón gComhairle an 9 Nollaig 2019 maidir le Misean Comhairleach CBSC an Aontais Eorpaigh i bPoblacht na hAfraice Láir (EUAM RCA) (1), agus go háirithe Airteagal 8(1) de,
De bharr an mhéid seo a leanas:
|
(1) |
De bhun Airteagal 8(1) de Chinneadh (CBES) 2019/2110, údaraítear an Coiste Polaitiúil agus Slándála, i gcomhréir le hAirteagal 38, an tríú mír, den Chonradh, na cinntí ábhartha a dhéanamh chun rialú polaitiúil agus treoir straitéiseach Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) a fheidhmiú, lena n-áirítear an cinneadh Ceann Misin a cheapadh, ar thogra ó Ardionadaí an Aontais do Ghnóthaí Eachtracha agus don Bheartas Slándála. (‘an tArdionadaí’) |
|
(2) |
An 25 Lúnasa 2022, ghlac an Coiste Polaitiúil agus Slándála Cinneadh (CBES) 2022/1436 (2), lena gceaptar José Manuel MARQUES DIAS ina Cheann Misin ar Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) ón 1 Meán Fómhair 2022 go dtí an 31 Lúnasa 2023. |
|
(3) |
An 28 Iúil 2022, ghlac an Chomhairle Cinneadh (CBES) 2022/1333 (3), lena leasaítear Cinneadh (CBES) 2019/2110 agus lena gcuirtear síneadh le sainordú EUAM RCA go dtí an 9 Lúnasa 2024. |
|
(4) |
An 19 Iúil 2023, ghlac an Coiste Polaitiúil agus Slándála Cinneadh (CBES) 2023/1512 (4), lena gcuirtear síneadh le sainordú José Manuel MARQUES DIAS mar Cheann Misin EUAM RCA ón 1 Meán Fómhair 2023 go dtí an 9 Lúnasa 2024. |
|
(5) |
An 17 Iúil 2024, ghlac an Coiste Polaitiúil agus Slándála Cinneadh (CBES) 2024/2021 (5), lena gcuirtear síneadh le sainordú José Manuel MARQUES DIAS mar Cheann Misin EUAM RCA ón 10 Lúnasa 2024 go dtí an 31 Deireadh Fómhair 2024, faoi réir cinneadh a bheith glactha ag an gComhairle lena gcuirtear síneadh le sainordú EUAM RCA tar éis an 9 Lúnasa 2024. |
|
(6) |
An 22 Iúil 2024, ghlac an Chomhairle Cinneadh (CBES) 2024/2003 (6)), lena leasaítear Cinneadh (CBES) 2019/2110 agus lena gcuirtear síneadh le sainordú EUAM RCA go dtí an 31 Deireadh Fómhair 2024. |
|
(7) |
An 21 Deireadh Fómhair 2024, ghlac an Chomhairle Cinneadh (CBES) 2024/2723 (7)) lena leasaítear Cinneadh (CBES) 2019/2110 agus lena gcuirtear síneadh le sainordú EUAM RCA go dtí an 7 Lúnasa 2026. |
|
(8) |
An 20 Meitheamh 2024, mhol an tArdionadaí go gcuirfí síneadh le sainordú José Manuel MARQUES DIAS mar Cheann Misin ar EUAM RCA go dtí an 9 Lúnasa 2025, |
TAR ÉIS AN CINNEADH SEO A GHLACADH:
Airteagal 1
Leis seo, cuirtear síneadh le sainordú José Manuel MARQUES DIAS mar Cheann Misin Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) ón 1 Samhain 2024 go dtí an 9 Lúnasa 2025.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 22 Deireadh Fómhair 2024.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO L 318, 10.12.2019, lch. 141.
(2) Cinneadh (CBES) 2022/1436 ón gCoiste Polaitiúil agus Slándála an 25 Lúnasa 2022 maidir le Ceann Misin a cheapadh ar Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) (EUAM RCA/1/2022) ( IO L 225, 31.8.2022, lch. 1).
(3) Cinneadh ón gComhairle (CBES) 2022/1333 an 28 Iúil 2022, lena leasaítear Cinneadh (CBES) 2019/2110 maidir le Misean Comhairleach CBSC an Aontais Eorpaigh i bPoblacht na hAfraice Láir (EUAM RCA) (IO L 201, 1.8.2022, lch. 25).
(4) Cinneadh (CBES) 2023/1512 ón gCoiste Polaitiúil agus Slándála an 19 Iúil 2023 lena gcuirtear síneadh le sainordú Cheann Misin Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) (EUAM RCA/1/2023) (IO L 184, 21.7.2023, lch. 30).
(5) Cinneadh (CBES) 2024/2021 ón gCoiste Polaitiúil agus Slándála an 17 Iúil 2024 lena gcuirtear síneadh le sainordú Cheann Misin Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) (EUAM RCA/1/2024) (IO L, 2024/2021, 23.7.2024, ELI https://eur-lex.europa.eu/eli/dec/2024/2021/oj).
(6) Cinneadh (CBES) 2024/2003 ón gComhairle an 22 Iúil 2024 lena leasaítear Cinneadh (CBES) 2019/2110 maidir le Misean Comhairleach CBSC an Aontais Eorpaigh i bPoblacht na hAfraice Láir (EUAM RCA) (IOL, 2024/2003, 23.7.2024, ELI: http://data.europa.eu/eli/dec/2024/2003/oj).
(7) Cinneadh (CBES) 2024/2723 ón gComhairle an 21 Deireadh Fómhair 2024 lena leasaítear Cinneadh (CBES) 2019/2110 maidir le Misean Comhairleach CBSC an Aontais Eorpaigh i bPoblacht na hAfraice Láir (EUAM RCA) (IO L, 2024/2723, ELI: http://data.europa.eu/eli/dec/2024/2723/oj).
ELI: http://data.europa.eu/eli/dec/2024/2796/oj
ISSN 1977-0839 (electronic edition)