(1)

Ir-Regolament tal-Kunsill (UE) 2016/44 (2) jagħti effett lill-miżuri previsti fid-Deċiżjoni tal-Kunsill (PESK) 2015/1333 (3).

(2)

Il-Kunsill tas-Sigurtà tan-Nazzjonijiet Uniti (“KSNU”), fir-Riżoluzzjoni 2292 (2016) tiegħu, awtorizzat lill-Istati Membri tan-Nazzjonijiet Uniti, li jaġixxu nazzjonalment jew permezz ta’ organizzazzjonijiet reġjonali, biex jispezzjonaw fl-ibħra miftuħa ’l barra mill-kosta tal-Libja kwalunkwe bastiment li jkollhom raġunijiet raġonevoli biex jemmnu li qed iġorr armi jew materjal relatat lejn jew mil-Libja, direttament jew indirettament, bi ksur tal-embargo fuq l-armi tan-NU fuq il-Libja. Dik ir-Riżoluzzjoni pprevediet ukoll li, mal-iskoperta matul tali spezzjonijiet ta’ oġġetti pprojbiti mill-embargo fuq l-armi tan-NU fuq il-Libja, li l-Istati Membri tan-NU għandhom jikkonfiskaw u jiddisponu minn tali oġġetti.

(3)

Fil-25 ta’ Novembru 2025, ir-Riżoluzzjoni 2804 (2025) tal-KSNU estendiet ulterjorment b’sitt xhur l-awtorizzazzjoni oriġinarjament stabbilita fir-Riżoluzzjoni 2292 (2016) tal-KSNU. Dik l-awtorizzazzjoni kienet tapplika sal-25 ta’ Mejju 2026, peress li l-KSNU ma estendihiex ulterjorment. Konsegwentement ir-referenzi fid-Deċiżjoni (PESK) 2015/1333 u r-Regolament (UE) 2016/44 għall-operazzjoni militari tal-Unjoni Ewropea fil-Mediterran (EUNAVFOR MED IRINI) jeħtieġ li jitneħħew.

(4)

Fid-9 ta’ Ottubru 2026, il-Kunsill adotta d-Deċiżjoni (PESK) 2026/2242, li temenda d-Deċiżjoni (PESK) 2015/1333 skont dan.

(5)

Bl-għan li tiġi żgurata l-applikazzjoni uniformi tal-emenda fl-Istati Membri kollha, hija meħtieġa azzjoni regolatorja fil-livell tal-Unjoni.

(6)

Għalhekk, ir-Regolament (UE) 2016/44 jenħtieġ li jiġi emendat skont dan,