|
18.9.2019 |
MT |
Il-Ġurnal Uffiċjali tal-Unjoni Ewropea |
C 314/13 |
Notifika minn qabel ta’ konċentrazzjoni
(Il-Każ M.9558 — Triton/All4Labels Group)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2019/C 314/09)
1.
Fid-9 ta’ Settembru 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Triton Managers V Limited (Jersey), Triton Fund V GP S.à r.l. (il-Lussemburgu) u TFF V Limited (Jersey) (flimkien imsejħa “Triton Fund V”), |
|
— |
All4Labels Group GmbH (il-Ġermanja) u s-subisidjarji tagħha (li flimkien jissejħu “All4Labels Group”). |
Triton Fund V takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ ta’ All4Labels Group.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
Triton Fund V hija parti minn grupp ta’ fondi ta’ ekwità privat indipendenti Ewropew ġestiti u rrakkomandati mill-grupp Triton (b’mod kollettiv “Triton”, iċ-Channel Islands). Il-fondi ta’ ekwità privati ġestiti mill-grupp Triton, inkluż Triton Fund V, huma ddedikati biex jinvestu primarjament f’negozji ta’ daqs medju bil-kwartieri ġenerali fl-Ewropa ta’ Fuq, b’enfasi partikolari fuq in-negozji fi tliet setturi ewlenin: Servizzi tan-Negozju, Industrijali u Konsumatur/Saħħa; |
|
— |
All4Labels Group jiżviluppa u jimmanifattura tikketti, jiġifieri, folji rqaq, films tal-plastik jew tal-karti li jistgħu jitwaħħlu fuq kontenitur jew prodott, kif ukoll prodotti speċifiċi speċjalizzati bħal tubi laminati u tubi bit-tikketta, kaxex tal-kartun li jintwew, u ċerti prodotti tal-imballaġġ flessibbli (eż., boroż weqfin u films bl-għatu użati għall-imballaġġ tal-ikel). |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja tiġi dejjem speċifikata:
M.9558 — Triton/All4Labels Group
Il-kummenti jistgħu jintbagħtu lill-Kummissjoni permezz tal-email, tal-faks jew bil-posta. Jekk jogħġbok uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks +32 22964301 |
|
Indirizz postali: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).