|
Il-Ġurnal Uffiċjali |
MT Is-serje L |
|
2025/855 |
5.5.2025 |
REGOLAMENT DELEGAT TAL-KUMMISSJONI (UE) 2025/855
tat-28 ta’ Jannar 2025
li jemenda l-istandards tekniċi regolatorji stabbiliti fir-Regolament Delegat (UE) 2021/931 fir-rigward tal-ispeċifikazzjoni tal-formula għall-kalkolu tad-delta superviżorja tal-opzjonijiet eżerċitabbli u put ikklassifikati fil-kategorija tar-riskju tal-komoditajiet
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 575/2013 tas-26 ta’ Ġunju 2013 tal-Parlament Ewropew u tal-Kunsill dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (1), u b’mod partikolari l-Artikolu 279a(3), it-tielet subparagrafu tiegħu,
Billi:
|
(1) |
Skont l-Artikolu 279a(3), il-punt (a), tar-Regolament (UE) Nru 575/2013, il-formula li l-istituzzjonijiet għandhom jużaw biex jikkalkulaw id-delta superviżorja tal-opzjonijiet eżerċitabbli u put ikklassifikati fil-kategorija tar-riskju tal-komoditajiet kompatibbli mal-kundizzjonijiet tas-suq li fihom il-prezzijiet tal-komoditajiet jistgħu jkunu negattivi jenħtieġ li tiġi speċifikata wkoll f’konformità mal-iżviluppi regolatorji internazzjonali, li jikkomplementaw il-formula simili għall-opzjonijiet eżerċitabbli u put ikklassifikati fil-kategorija tar-riskju taċ-ċaqliq fir-rata tal-imgħax. |
|
(2) |
Il-Kapitolu CRE52 tal-Qafas ta’ Basel, adottat mill-Kumitat ta’ Basel dwar is-Superviżjoni Bankarja (BCBS, Basel Committee on Banking Supervision) (2), jistabbilixxi l-approċċ standardizzat għar-riskju ta’ kreditu tal-kontroparti (SA-CCR, standardised approach for counterparty credit risk). F’dak il-Kapitolu, il-punt 52.40 jispeċifika l-formula li l-istituzzjonijiet għandhom jużaw biex jikkalkulaw id-delta superviżorja tal-opzjonijiet eżerċitabbli u put ikklassifikati f’kategorija ta’ riskju speċifika. Id-domanda 2 għal dak il-punt 52.40 tqajjem il-kwistjoni ta’ kif id-delta superviżorja għall-opzjonijiet jenħtieġ li tiġi kkalkolata meta t-terminu P/K ikun żero jew negattiv b’tali mod li ma jkunx jista’ jiġi kkalkolat it-terminu ln(P/K), pereżempju f’ambjent ta’ rata tal-imgħax negattiva. Il-BCBS wieġeb għal dik il-mistoqsija li, f’tali każijiet, l-istituzzjonijiet ta’ kreditu għandhom jużaw formula kemxejn differenti biex jikkalkulaw id-delta superviżorja tal-opzjonijiet eżerċitabbli u put, jiġifieri jenħtieġ li jinkorporaw f’dik il-formula bidla fil-valur tal-prezz u fil-valur tal-eżerċitar tal-opzjonijiet ikkonċernati billi jżidu lambda (“λ”), fejn jenħtieġ li λ tirrappreżenta l-inqas limitu possibbli preżunt li fih jistgħu jsiru negattivi r-rati tal-imgħax fil-munita rispettiva. Jenħtieġ li jiġi segwit approċċ simili fil-każ tad-delta superviżorja tal-opzjonijiet eżerċitabbli u put ikklassifikati fil-kategorija tar-riskju tal-komoditajiet, f’sitwazzjonijiet fejn jistgħu jkunu negattivi l-prezzijiet tal-komoditajiet. Jenħtieġ li l-bidla λ tkun kbira biżżejjed biex tippermetti lill-istituzzjonijiet ta’ kreditu jikkalkulaw id-delta superviżorja ta’ opzjoni kklassifikata fil-kategorija tar-riskju tal-komoditajiet f’konformità mal-formula stabbilita fl-Artikolu 279a(1) tar-Regolament (UE) Nru 575/2013, iżda fl-istess ħin żgħira biżżejjed biex ma tintroduċix preġudizzju bla bżonn fl-eżitu tal-kalkolu tad-delta superviżorja. |
|
(3) |
F’konformità mal-approċċ stabbilit fir-Regolament Delegat tal-Kummissjoni (UE) 2021/931 (3) għall-opzjonijiet ikklassifikati fil-kategorija tar-riskju taċ-ċaqliq fir-rata tal-imgħax, jenħtieġ li jintuża l-valur tal-volatilità superviżorja għall-opzjonijiet put u eżerċitabbli fil-kategorija tar-riskju tal-komoditajiet kif iddeterminat fl-istandards internazzjonali adottati mill-BCBS, peress li jitqies xieraq għall-użu tiegħu skont id-dritt tal-Unjoni. |
|
(4) |
Għalhekk, jenħtieġ li r-Regolament Delegat (UE) 2021/931 jiġi emendat skont dan. |
|
(5) |
Dan ir-Regolament huwa bbażat fuq l-abbozz ta’ standards tekniċi regolatorji ppreżentat lill-Kummissjoni mill-Awtorità Bankarja Ewropea. |
|
(6) |
L-Awtorità Bankarja Ewropea wettqet konsultazzjonijiet pubbliċi miftuħa dwar l-abbozz ta’ standards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji relatati potenzjali u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4), |
ADOTTAT DAN IR-REGOLAMENT:
Artikolu 1
Ir-Regolament Delegat (UE) 2021/931 huwa emendat kif ġej:
|
1. |
Fl-Artikolu 4(4), il-formulazzjoni introduttorja hija sostitwita b’dan li ġej: “4. L-istituzzjonijiet li jew jissodisfaw il-kundizzjonijiet stabbiliti fl-Artikolu 94(1) tar-Regolament (UE) Nru 575/2013, inkella li jissodisfaw il-kundizzjonijiet stabbiliti fl-Artikolu 325a(1) ta’ dak ir-Regolament, jistgħu jidentifikaw l-aktar motivatur tar-riskju materjali billi japplikaw il-passi li ġejjin fil-bidu tat-tranżazzjoni, u mbagħad mill-inqas fuq bażi trimestrali:”; |
|
2. |
L-Artikolu 5 huwa emendat kif ġej:
|
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Jannar 2025.
Għall-Kummissjoni
Il-President
Ursula VON DER LEYEN
(1) ĠU L 176, 27.6.2013, p. 1, ELI: http://data.europa.eu/eli/reg/2013/575/oj.
(2) https://www.bis.org/basel_framework/chapter/CRE/52.htm?inforce=20230101&published=20200605.
(3) Ir-Regolament Delegat tal-Kummissjoni (UE) 2021/931 tal-1 ta’ Marzu 2021 li jissupplimenta r-Regolament (UE) Nru 575/2013 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-metodu għall-identifikazzjoni ta’ tranżazzjonijiet derivattivi b’motivatur tar-riskju materjali wieħed jew aktar għall-finijiet tal-Artikolu 277(5), il-formula għall-kalkolu tad-delta superviżorja tal-opzjonijiet put u eżerċitabbli kklassifikati fil-kategorija tar-riskju taċ-ċaqliq fir-rata tal-imgħax u l-metodu biex jiġi ddeterminat jekk tranżazzjoni hijiex pożizzjoni twila jew qasira fil-motivatur tar-riskju primarju jew fl-aktar motivatur tar-riskju materjali fil-kategorija tar-riskju partikolari għall-finijiet tal-Artikolu 279a(3)(a) u (b) fl-approċċ standardizzat għar-riskju ta’ kreditu tal-kontroparti (ĠU L 204, 10.6.2021, p. 7, ELI: http://data.europa.eu/eli/reg_del/2021/931/oj).
(4) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea), li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12, ELI: http://data.europa.eu/eli/reg/2010/1093/oj).
ELI: http://data.europa.eu/eli/reg_del/2025/855/oj
ISSN 1977-074X (electronic edition)