Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/2165 |
21.8.2024 |
CINNEADH CUR CHUN FEIDHME (AE) 2024/2165 ÓN gCOIMISIÚN
an 1 Iúil 2024
maidir le liosta a fhoilsiú lena léirítear luachanna astaíochtaí CO2 áirithe in aghaidh an mhonaróra chomh maith le meánastaíochtaí sonracha CO2 gach feithicle nua tromshaothair a cláraíodh san Aontas de bhun Rialachán (AE) 2019/1242 ó Pharlaimint na hEorpa agus ón gComhairle le haghaidh tréimhse tuairiscithe 2021
(tugadh fógra faoi leis an doiciméad C(2024) 4474)
(Is iad na téacsanna Béarla, Fraincise, Gearmáinise, Iodáilise, Ollainnise agus Sualainnise amháin atá barántúil)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/1242 ó Pharlaimint na hEorpa agus ón gComhairle an 20 Meitheamh 2019 lena socraítear na caighdeáin feidhmíochta maidir le hastaíochtaí CO2 d’fheithiclí nua tromshaothair agus lena leasaítear Rialacháin (CE) Uimh. 595/2009 agus (AE) 2018/956 ó Pharlaimint na hEorpa agus ón gComhairle agus Treoir 96/53/CE ón gComhairle (1), agus go háirithe Airteagal 11(1), an chéad fhomhír, pointí (a), (b), (d) agus (f) de,
De bharr an mhéid seo a leanas:
|
(1) |
Ba cheart meánastaíochtaí sonracha CO2 monaróra a chinneadh ar bhonn sonraí arna dtuairisciú ag na Ballstáit agus ag monaróirí de bhun Rialachán (AE) 2018/956 ó Pharlaimint na hEorpa agus ón gComhairle (2) maidir le feithiclí an mhonaróra sin. |
|
(2) |
Ba cheart meánastaíochtaí sonracha CO2 na bhfeithiclí nua tromshaothair uile a cláraíodh san Aontas a bhunú ar na sonraí arna dtuairisciú maidir le feithiclí ó gach monaróir. |
|
(3) |
Ba cheart an fachtóir astaíochtaí nialasacha agus an fachtóir astaíochtaí ísle le haghaidh gach monaróra a chinneadh agus na feithiclí tromshaothair astaíochtaí nialasacha agus feithiclí tuairiscithe tromshaothair astaíochtaí ísle á gcur san áireamh. |
|
(4) |
Ba cheart an chonair laghdaithe astaíochtaí CO2 agus na creidmheasanna astaíochta in aghaidh an mhonaróra a chinneadh ar bhonn líon na bhfeithiclí nua tromshaothair seachas feithiclí seirbhíse arna dtuairisciú amhlaidh. Na feithiclí sin, a deimhníodh mar fheithiclí seirbhíse, ach nár cláraíodh amhlaidh, sainaithníodh iad agus cuireadh na ceartúcháin ba ghá ar mheánastaíochtaí sonracha bliantúla CO2 monaróra i gcomhréir le Rialachán Cur Chun Feidhme (AE) 2021/941 (3) ón gCoimisiún i bhfeidhm maidir leo. |
|
(5) |
Tá na sonraí a chuirtear i láthair san Iarscríbhinn a ghabhann leis an gCinneadh seo bunaithe ar na sonraí a bhí ar fáil don Choimisiún an 20 Márta 2024. |
|
(6) |
D’fhéadfadh sé go mbeadh ar an gCoimisiún na sonraí a fhoilsítear anseo a thabhairt cothrom le dáta, má fhaigheann sé sonraí breise a dhéanfadh difear do na ríomhanna sin, |
TAR ÉIS AN CINNEADH SEO A GHLACADH:
Airteagal 1
Meánastaíochtaí sonracha CO2 in aghaidh an mhonaróra
Maidir le meánastaíochtaí sonracha CO2 in aghaidh an mhonaróra, dá dtagraítear in Airteagal 4 de Rialachán (AE) 2019/1242, i dtréimhse tuairiscithe na bliana 2021, léirítear iad sa dara colún den tábla san Iarscríbhinn a ghabhann leis an gCinneadh seo.
Airteagal 2
An fachtóir astaíochtaí nialasacha agus an fachtóir astaíochtaí ísle in aghaidh an mhonaróra
An fachtóir astaíochtaí nialasacha agus an fachtóir astaíochtaí ísle in aghaidh an mhonaróra, dá dtagraítear in Airteagal 5(1) de Rialachán (AE) 2019/1242, i dtréimhse tuairiscithe na bliana 2021, léirítear é sa tríú colún den tábla san Iarscríbhinn a ghabhann leis an gCinneadh seo.
Airteagal 3
Conair laghdaithe astaíochtaí CO2 agus creidmheasanna astaíochta in aghaidh an mhonaróra
An chonair laghdaithe astaíochtaí CO2 agus na creidmheasanna astaíochta in aghaidh an mhonaróra, dá dtagraítear in Airteagal 7 de Rialachán (AE) 2019/1242, i dtréimhse tuairiscithe na bliana 2021, léirítear iad sa cheathrú colún agus sa chúigiú colún, faoi seach, den tábla san Iarscríbhinn a ghabhann leis an gCinneadh seo.
Airteagal 4
Meánastaíochtaí sonracha CO2 gach feithicle nua tromshaothair
Is é seo a leanas meánastaíochtaí sonracha CO2 feithiclí nua tromshaothair a cláraíodh san Aontas i dtréimhse tuairiscithe na bliana 2021, a ríomhadh tríd an bhfoirmle in Iarscríbhinn I, pointe 2.7 a ghabhann le Rialachán (AE) 2019/1242 agus na feithiclí nua tromshaothair atá ag gach monaróir á gcur san áireamh: 52,3 g/tkm.
Airteagal 5
Is chuig na monaróirí seo a leanas a dhírítear an Cinneadh seo:
|
(1) |
|
||||
|
(2) |
|
||||
|
(3) |
|
||||
|
(4) |
|
||||
|
(5) |
|
||||
|
(6) |
|
||||
|
(7) |
|
||||
|
(8) |
|
||||
|
(9) |
|
Arna dhéanamh sa Bhruiséil, 1 Iúil 2024.
Thar ceann an Choimisiúin
Wopke HOEKSTRA
Comhalta den Choimisiún
(1) IO L 198, 25.7.2019, lch. 202, ELI: http://data.europa.eu/eli/reg/2019/1242/oj.
(2) Rialachán (AE) 2018/956 ó Pharlaimint na hEorpa agus ón gComhairle an 28 Meitheamh 2018 maidir le faireachán agus tuairisciú a dhéanamh ar astaíochtaí CO2 ó fheithiclí nua tromshaothair agus ar ídiú breosla na bhfeithiclí sin (IO L 173, 9.7.2018, lch. 1, ELI: http://data.europa.eu/eli/reg/2018/956/oj).
(3) Rialachán Cur Chun Feidhme (AE) 2021/941 ón gCoimisiún an 10 Meitheamh 2021 lena leagtar síos nós imeachta sonrach um shainaithint feithiclí tromshaothair atá deimhnithe mar fheithiclí seirbhíse ach nach bhfuil cláraithe amhlaidh agus lena gcuirtear i bhfeidhm ceartúcháin maidir le meánastaíochtaí sonracha bliantúla CO2 an mhonaróra chun na feithiclí sin a chur san áireamh (IO L 205, 11.6.2021, lch. 77, ELI: http://data.europa.eu/eli/reg_impl/2021/941/oj).
IARSCRÍBHINN
Le gach iontráil, tagraítear do thréimhse tuairiscithe 2021 mar a shainmhínítear in Airteagal 3(3) de Rialachán 2019/1242.
|
Monaróir |
Meánastaíochtaí sonracha CO2, dá dtagraítear in Airteagal 4 de Rialachán (AE) 2019/1242, in g/tkm) |
Fachtóir astaíochtaí nialasacha agus fachtóir astaíochtaí ísle, dá dtagraítear in Airteagal 5(1) de Rialachán (AE) 2019/1242 |
Conair laghdaithe astaíochtaí CO2, dá dtagraítear in Airteagal 7 de Rialachán (AE) 2019/1242, in g/tkm |
Creidmheasanna astaíochtaí dá dtagraítear in Airteagal 7 de Rialachán (AE) 2019/1242, in g/tkm |
|
DAIMLER TRUCK AG |
53,23 |
0,999 |
50,75 |
- |
|
DAF NV |
54,26 |
1,000 |
52,57 |
- |
|
IVECO MAGIRUS AG |
54,42 |
1,000 |
50,34 |
- |
|
IVECO S.p.A |
32,00 |
0,985 |
28,93 |
- |
|
FORD OTOMOTIV SANAYI AS |
56,32 |
1,000 |
51,58 |
- |
|
MAN TRUCK AND BUS SE |
49,74 |
0,999 |
49,45 |
- |
|
RENAULT TRUCKS SA |
50,85 |
0,995 |
48,49 |
- |
|
SCANIA CV AB |
49,23 |
0,997 |
50,36 |
27 392 |
|
VOLVO TRUCK CORPORATION |
52,94 |
0,998 |
51,71 |
- |
ELI: http://data.europa.eu/eli/dec_impl/2024/2165/oj
ISSN 1977-0839 (electronic edition)