(1)

Le Cinneadh Cur Chun Feidhme (AE) 2018/593 (2) ón gComhairle, údaraíodh an Iodáil, go dtí an 31 Nollaig 2021, beart speisialta a thabhairt isteach de mhaolú ar Airteagal 218 agus Airteagal 232 de Threoir 2006/112/CE (‘an beart speisialta’) chun ríomhshonrascadh sainordaitheach a chur i bhfeidhm le haghaidh na ndaoine inchánacha uile atá bunaithe i gcríoch na hIodáile, cé is moite de na daoine inchánacha a bhaineann tairbhe as an díolúine le haghaidh fiontair bheaga dá dtagraítear in Airteagal 282 den Treoir sin.

(2)

Le Cinneadh Cur Chun Feidhme (AE) 2021/2251 (3) ón gComhairle, údaraíodh an Iodáil leanúint den beart speisialta sin a chur i bhfeidhm go dtí an 31 Nollaig 2024, agus leathnaíodh raon feidhme an bheirt speisialta chun go n-áireofaí daoine inchánacha a bhaineann tairbhe as an díolúine le haghaidh fiontair bheaga dá dtagraítear in Airteagal 282 de Threoir 2006/112/CE.

(3)

Le litir a cláraíodh leis an gCoimisiún an 11 Aibreán 2024, d’iarr an Iodáil, i gcomhréir le hAirteagal 395(2), an chéad fhomhír, de Threoir 2006/112/CE, údarú chun leanúint den bheart speisialta a chur i bhfeidhm (‘an iarraidh’).

(4)

I gcomhréir le hAirteagal 395(2), an dara fomhír, de Threoir 2006/112/CE, tharchuir an Coimisiún an iarraidh chuig na Ballstáit eile le litir dar dáta an 12 Meán Fómhair 2024. Le litir dar dáta an 13 Meán Fómhair 2024, thug an Coimisiún fógra don Iodáil go raibh an fhaisnéis uile is gá aige chun breithmheas a dhéanamh ar an iarraidh.

(5)

Dar leis an Iodáil, maidir leis an gcóras ríomhshonrasctha shainordaithigh a cuireadh chun feidhme, ar córas é lena seoltar gach sonrasc eisithe tríd an gcóras ‘Sistema di Interscambio’ arna bhainistiú ag Údarás Fioscach na hIodáile, tá cuspóirí an choóais bainte amach go hiomlán, eadhon an chalaois chánach agus imghabháil cánach a chomhrac, comhlíonadh cánach a shimpliú agus bailiú cánach a dhéanamh níos éifeachtúla, agus ar an gcaoi sin costais riaracháin a laghdú le haghaidh gnólachtaí.

(6)

Ba cheart dá bhrí sin an Iodáil a údarú leanúint de chur i bhfeidhm an bhirt speisialta go dtí an 31 Nollaig 2027. I gcás ina measann an Iodáil gur gá síneadh a cur leis an mbeart speisialta tar éis 2027, ba cheart di iarraidh ar shíneadh a chur faoi bhráid an Choimisiúin. Ba cheart tuarascáil maidir le cur i bhfeidhm an bhirt speisialta a bheith an gabháil leis an iarraidh sin, lena n-áirítear measúnú ar a a éifeachtaí a bhí an beart specialta chun calaois agus imghabháil CBL a chomhrac agus chun bailiú cánach a shimpliú. Ina theannta sin, ba cheart a áireamh sa tuarascáil sin meastóireacht ar thionchar an bhirt ar dhaoine inchánacha, go háirithe orthu siúd a bhaineann tairbhe as an díolúine d’fhiontair bheaga dá dtagraítear in Airteagal 282 de Threoir 2006/112/CE.

(7)

Mar sin féin, ba cheart don bheart speisialta sin scor d’fheidhm a bheith aige ó dháta chur i bhfeidhm córas ginearálta maidir le ríomhshonrascadh arna nglacadh ag an gComhairle ar bhonn Airteagal 113 den Chonradh ar Fheidhmiú an Aontais Eorpaigh nó ar bhonn aon fhoráil ábhartha eile den Chonradh sin, má thagann córas ginearálta den sórt sin chun bheith infheidhme roimh an 31 Nollaig 2027.

(8)

Leis an mbeart speisialta, níor cheart go ndéanfaí difear do cheart na gcustaiméirí sonraisc pháipéir a fháil i gcás idirbhearta laistigh den Chomhphobal.

(9)

De réir na faisnéise a chuir an Iodáil ar fáil, ní bheidh ach éifeacht dhiomaibhseach ag an mbeart speisialta ar mhéid foriomlán an ioncaim cánach a bhailíonn an Iodáil ag céim an tomhaltais críochnaithigh, agus ní bheidh aon drochthionchar aige ar acmhainní dílse an Aontais a fhabhraíonn ó CBL.

(10)

Ba cheart, dá bhrí sin, Cinneadh Cur Chun Feidhme (AE) 2018/593 a leasú dá réir sin,