(1)

Déantar foráil i Rialachán (AE) 2015/2283 nach féidir ach bianna núíosacha atá údaraithe agus atá curtha ar liosta an Aontais a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, glacadh Rialachán Cur Chun Feidhme (AE) 2017/2470 ón gCoimisiún (2) lena mbunaítear liosta an Aontais de bhianna núíosacha údaraithe.

(3)

An 10 Márta 2020, chuir an chuideachta Eat Just, Inc. (‘an t-iarratasóir’) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun próitéin pónairí mung a chur ar mhargadh an Aontais mar bhia núíosach. D’iarr an t-iarratasóir go n-úsáidfear próitéin pónairí mung, ar próitéin í a bhaintear as síolta an phlanda Vigna radiata, i dtáirgí próitéine atá beartaithe don phobal ginearálta, seachas analóga déiríochta agus gealáin deochanna. An chatagóir táirgí próitéine, tagraíonn sí d’analóga próitéine nó d’ionadaigh do tháirgí caighdeánacha, amhail feoil, iasc nó uibheacha.

(4)

An 10 Márta 2020, d’iarr an t-iarratasóir ar an gCoimisiún freisin sonraí dílseánaigh le haghaidh roinnt sonraí a cuireadh isteach mar thaca lena iarratas a chosaint, eadhon sonraí anailíseacha maidir le haigéad fíteach, leictiní, coscairí tripsine, gliocóisídí cianigineacha agus tainniní (3).

(5)

I gcomhréir le hAirteagal 10(3) de Rialachán (AE) 2015/2283, chuaigh an Coimisiún i gcomhairle leis an Údarás Eorpach um Shábháilteacht Bia (“an tÚdarás”) an 5 Lúnasa 2020, agus d’iarr an Coimisiún ar an Údarás tuairim eolaíoch a thabhairt trí mheasúnú a dhéanamh ar oiriúnacht próitéine pónairí mung mar bhia núíosach.

(6)

An 14 Meán Fómhair 2021, ghlac an tÚdarás a thuairim eolaíoch Safety of mung bean protein as a novel food pursuant to Regulation (EU) 2015/2283 [Sábháilteacht próitéine pónairí mung mar bhia núíosach de bhun Rialachán (AE) 2015/2283] (4), i gcomhréir le hAirteagal 11 de Rialachán (AE) 2015/2283.

(7)

Sa tuairim a thug an tÚdarás, chinn sé go bhfuil próitéin pónairí mung sábháilte faoina bhfuil beartaithe i gcoinníollacha úsaide an iarratais. Dá bhrí sin, le tuairim an Údaráis tugtar forais leordhóthanacha chun a shuí go gcomhlíonann próitéin pónairí mung na ceanglais a leagtar amach in Airteagal 12(1) de Rialachán (AE) 2015/2283, nuair a úsáidtear í mar chomhábhar bia a chuirtear le táirgí próitéine atá beartaithe don phobal ginearálta, seachas analóga déiríochta agus gealáin deochanna.

(8)

Sa tuairim a thug an tÚdarás, ar bhonn na fianaise teoranta atá foilsithe maidir le hailléirgí bia a bhaineann le caitheamh próitéiní pónairí mung agus ar bhonn na fianaise a léiríonn go bhfuil roinnt próitéiní a d’fhéadfadh a bheith ailléirgineach i bpróitéiní pónaire mung, chinn sé go bhféadfadh caitheamh an bhia núíosaigh seo íogrú a spreagadh. Ós rud é, go dtí seo, gur éideimhin í an fhianaise a nascann caitheamh próitéine pónairí mung go díreach le cásanna d’íogrú príomha, measann an Coimisiún nár cheart a áireamh i liosta an Aontais de bhianna núíosacha údaraithe aon cheanglas sonrach maidir le lipéadú a bhaineann leis an acmhainn atá i bpróitéiní pónairí mung íogrú príomha a spreagadh.

(9)

Trí úsáid a bhaint as cur chuige bunaithe ar thromachar na fianaise ar bhonn staidéir theoranta agus aon anailís homalógach amháin ar sheichimh próitéine a rinne an t-iarratasóir idir próitéin pónairí mung agus na próitéiní sin ó phónairí soighe, ó phiseanna talún agus ó lúipíní, ina thuairim mheas an tÚdarás go bhféadfadh caitheamh próitéine pónairí mung frithghníomhuithe ailléirgeacha a spreagadh i ndaoine atá ailléirgeach le pónairí soighe, piseanna talún, lúipíní agus pailin beithe. Mar sin féin, an fhianaise bhreise thurgnamhach nó eipidéimeolaíoch in vivo a mbeadh gá léi de ghnáth chun an dóchúlacht go dtarlódh an tras-imoibríocht fhéideartha shainaitheanta san fhíorshaol a dheimhniú nó a eisiamh, tá easpa fianaise den sórt sin ann. Ós rud é go bhfuil an easpa fianaise sin i gceist, an acmhainn atá i bpróitéiní pónairí mung tras-imoibríocht a spreagadh i bpónairí soighe, piseanna talún, lúipíní agus pailin beithe, measann an Coimisiún faoi láthair nach dócha go mbeidh toradh ar an acmhainn sin i gceist san fhíorshaol agus, dá bhrí sin, nár cheart aon cheanglas sonrach maidir le lipéadú i ndáil leis sin a áireamh i liosta an Aontais maidir le bianna núíosacha údaraithe.

(10)

Ina thuairim, mheas an tÚdarás nach mbeadh sé in ann teacht ar a chuid conclúidí maidir le sábháilteacht próitéine pónairí mung murach na sonraí anailíseacha dílseánaigh maidir le haigéad fíteach, leictiní, coscairí tripsine, gliocóisídí cianigineacha agus tainniní a chuir an t-iarratasóir isteach.

(11)

Dhearbhaigh an t-iarratasóir go raibh na cearta dílseánaigh agus eisiacha tagartha ar an bhfianaise eolaíoch a soláthraíodh an tráth a chuir sé an t-iarratas isteach ina sheilbh aige tráth déanta an iarratais. Dá bhrí sin, ní féidir le tríú páirtithe rochtain dhlíthiúil a fháil ar na sonraí sin ná iad a úsáid ná tagairt a dhéanamh dóibh ach oiread.

(12)

Rinne an Coimisiún measúnú ar an bhfaisnéis uile a chuir an t-iarratasóir ar fáil agus mheas sé go raibh bunús leordhóthanach tugtha ag an iarratasóir gur comhlíonadh na ceanglais a leagtar síos in Airteagal 26(2) de Rialachán (AE) 2015/2283. Dá bhrí sin, maidir leis na sonraí atá i gcomhad an iarratasóra, sonraí arb ar a mbonn a rinne an tÚdarás sábháilteacht an bhia núíosaigh a shuí agus a tháinig sé ar a chuid conclúidí maidir le sábháilteacht próitéine pónairí mung, agus nárbh fhéidir leis an Údarás measúnú a dhéanamh ar an mbia núíosach dá n-uireasa, níor cheart don Údarás na sonraí sin a úsáid chun tairbhe aon iarratasóra ina dhiaidh sin go ceann tréimhse 5 bliana ó dháta theacht i bhfeidhm an Rialacháin seo. Dá réir sin, ba cheart cur ar an margadh próitéine pónairí mung laistigh den Aontas a bheith srianta don iarratasóir ar feadh na tréimhse sin.

(13)

Mar sin féin, i dtaca le srianadh údarú próitéine pónairí mung agus na tagartha do na sonraí atá i gcomhad an iarratasóra agus atá le húsáid ag an iarratasóir amháin, ní chuirfear cosc leis sin ar iarratasóirí eile cur isteach ar údarú chun an bia núíosach céanna a chur ar an margadh, ar choinníoll go bhfuil a n-iarratas bunaithe ar fhaisnéis a fuarthas go dlíthiúil agus atá ina taca leis an údarú sin faoi Rialachán (AE) 2015/2283.

(14)

Dá bhrí sin, ba cheart an Iarscríbhinn a ghabhann le Rialachán (AE) 2017/2470 a leasú dá réir.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,