|
Iris Oifigiúil |
GA Sraith L |
|
2024/2210 |
6.9.2024 |
CINNEADH CUR CHUN FEIDHME (AE) 2024/2210 ÓN gCOIMISIÚN
an 5 Meán Fómhair 2024
lena leasaítear Cinneadh Cur Chun Feidhme (AE) 2020/1550 tríd an gclár ilbhliantúil rialuithe le haghaidh na tréimhse 2021-2025 a thabhairt cothrom le dáta agus trí chlár rialuithe an Choimisiúin le haghaidh 2025 sna Ballstáit a bhunú chun cur i bhfeidhm reachtaíocht an Aontais maidir leis an slabhra agraibhia a fhíorú
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (1), agus go háirithe Airteagal 118(1), pointe (b), de,
De bharr an mhéid seo a leanas:
|
(1) |
Is ar na Ballstáit atá an fhreagracht reachtaíocht an Aontais maidir leis an slabhra agraibhia a fhorfheidhmiú, agus déanann a n-údaráis inniúla, trí na rialuithe oifigiúla a eagrú, faireachán go gcomhlíontar agus go bhforfheidhmítear ceanglais ábhartha an Aontais go héifeachtach agus déanann siad an méid sin a fhíorú. I gcomhthráth leis an bhfaireachán agus leis an bhfíorú sin, ceanglaítear le hAirteagal 116 de Rialachán (AE) 2017/625 ar shaineolaithe ón gCoimisiún rialuithe a dhéanamh, lena n-áirítear iniúchtaí, sna Ballstáit chun cur i bhfeidhm reachtaíocht an Aontais a fhíorú. Ba cheart rialuithe sin an Choimisiúin a dhéanamh i réimsí na sábháilteachta bia agus beatha ainmhithe, sláinte agus leas ainmhithe, sláinte plandaí, táirgí cosanta plandaí, agus feidhmiú na gcóras rialaithe náisiúnta agus na n-údarás inniúil a oibríonn iad, agus sineirgí le socruithe rialaithe faoin gcomhbheartas talmhaíochta á gcur san áireamh. |
|
(2) |
Le Caibidlí 1 go 10 den Iarscríbhinn a ghabhann le Cinneadh Cur Chun Feidhme (AE) 2020/1550 ón gCoimisiún (2), bunaíodh clár ilbhliantúil rialuithe atá le cur i gcrích ag saineolaithe an Choimisiúin sna Ballstáit chun cur i bhfeidhm reachtaíocht an Aontais maidir leis an slabhra agraibhia a fhíorú le haghaidh na tréimhse 2021-2025, ailínithe le téarma oifige an Choimisiúin agus i gcomhréir lena thosaíochtaí. |
|
(3) |
I gcomhréir le hAirteagal 38(4) de Rialachán (AE) 2024/1143 ó Pharlaimint na hEorpa agus ón gComhairle (3), rialachán a bhfuil feidhm aige ón 13 Bealtaine 2024, níl feidhm le bheith ag Airteagal 118 de Rialachán (AE) 2017/625 maidir le rialuithe ar thásca geografacha, lena n-áirítear iniúchtaí. Dá réir sin, an tagairt do thásca geografacha i gCaibidil 7 den Iarscríbhinn a ghabhann le Cinneadh Cur Chun Feidhme (AE) 2020/1550, ba cheart í a bhaint. |
|
(4) |
I gcomhréir le hAirteagal 118(1), pointe (b), de Rialachán (AE) 2017/625, tá Caibidil 11 den Iarscríbhinn a ghabhann le Cinneadh Cur Chun Feidhme (AE) 2020/1550 lena leagtar amach clár rialuithe an Choimisiúin le haghaidh na bliana dár gcionn le cur in iúl do na Ballstáit faoi dheireadh gach bliana. Ba cheart Caibidil 11 a thabhairt cothrom le dáta chun clár rialuithe an Choimisiúin atá beartaithe le haghaidh 2025 a léiriú. |
|
(5) |
Dá bhrí sin, ba cheart Cinneadh Cur Chun Feidhme (AE) 2020/1550 a leasú dá réir. |
|
(6) |
Ós rud é go mbaineann cuid den leasú seo leis an gclár bliantúil rialuithe le haghaidh 2025, clár a mbeidh feidhm aige ón 1 Eanáir 2025, ba cheart dáta chur i bhfeidhm na coda sin den leasú a chur siar chun go mbeidh sé i gcomhthráth leis an dáta sin, |
TAR ÉIS AN CINNEADH SEO A GHLACADH:
Airteagal 1
Leasaítear an Iarscríbhinn a ghabhann le Cinneadh Cur Chun Feidhme (AE) 2020/1550 i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm ag pointí (1) agus (3) den Iarscríbhinn ón 1 Eanáir 2025.
Arna dhéanamh sa Bhruiséil, an 5 Meán Fómhair 2024.
Thar ceann an Choimisiúin
An tUachtarán
Ursula VON DER LEYEN
(1) IO L 95, 7.4.2017, lch. 1, ELI: http://data.europa.eu/eli/reg/2017/625/oj.
(2) Cinneadh Cur Chun Feidhme (AE) 2020/1550 ón gCoimisiún an 23 Deireadh Fómhair 2020 lena mbunaítear an clár ilbhliantúil rialuithe le haghaidh na tréimhse 2021-2025 atá le cur i gcrích ag saineolaithe an Choimisiúin sna Ballstáit chun cur i bhfeidhm reachtaíocht an Aontais maidir leis an slabhra agraibhia a fhíorú (IO L 354, 26.10.2020, lch. 9, ELI: http://data.europa.eu/eli/dec_impl/2020/1550/oj).
(3) Rialachán (AE) 2024/1143 ó Pharlaimint na hEorpa agus ón gComhairle an 11 Aibreán 2024 maidir le tásca geografacha le haghaidh fíona, deochanna biotáilleacha agus táirgí talmhaíochta, chomh maith le sainearraí traidisiúnta faoi ráthaíocht agus téarmaí roghnacha cáilíochta le haghaidh táirgí talmhaíochta, lena leasaítear Rialacháin (AE) Uimh. 1308/2013, (AE) 2019/787 agus (AE) 2019/1753 agus lena n-aisghairtear Rialachán (AE) Uimh. 1151/2012 (IO L, 2024/1143, 23.4.2024, ELI: http://data.europa.eu/eli/reg/2024/1143/oj).
IARSCRÍBHINN
Leasaítear an Iarscríbhinn a ghabhann le Cinneadh Cur Chun Feidhme (AE) 2020/1550 mar a leanas:
|
(1) |
sa séú mír, cuirtear an méid seo a leanas in ionad an dara habairt: ‘Leagtar amach i gCaibidil 11 an clár rialuithe le haghaidh 2025.’; |
|
(2) |
i gCaibidil 7, scriostar ‘Cáilíocht bhia’, sa tábla, sa dara ró, a chomhfhreagraíonn don iontráil a bhaineann le ‘Tásca geografacha’; |
|
(3) |
Cuirtear an méid seo a leanas in ionad Chaibidil 11:
|
ELI: http://data.europa.eu/eli/dec_impl/2024/2210/oj
ISSN 1977-0839 (electronic edition)