(1)

Ir-Regolament ta’ Implimentazzjoni tal-Kummissjoni (UE) 2021/127 (2) jistabbilixxi r-rekwiżiti għall-introduzzjoni fit-territorju tal-Unjoni ta’ materjal tal-injam għall-imballaġġ li jintuża għall-ġarr, għall-protezzjoni jew għall-appoġġ ta’ ċerti komoditajiet minn ċerti pajjiżi terzi, u għall-kontrolli tas-saħħa tal-pjanti fuq dak il-materjal, biex tiġi żgurata l-konformità tagħhom mar-Regolament (UE) 2016/2031 tal-Parlament Ewropew u tal-Kunsill (3). Ir-Regolament ta’ Implimentazzjoni (UE) 2021/127 jipprevedi rata ta’ frekwenza minima ta’ 15 % għall-kontrolli tas-saħħa tal-pjanti fuq il-kunsinni tal-komoditajiet ikkonċernati. Dak ir-Regolament ta’ Implimentazzjoni ma jibqax japplika mill-31 ta’ Diċembru 2023.

(2)

Barra minn hekk, ir-Regolament Delegat tal-Kummissjoni (UE) 2019/2125 (4) jistabbilixxi r-regoli dwar it-twettiq ta’ kontrolli uffiċjali speċifiċi fuq il-materjal għall-ippakkjar mill-injam, in-notifika ta’ ċerti kunsinni u miżuri li jeħtieġ jittieħdu f’każ ta’ nonkonformità.

(3)

Il-kontrolli tas-saħħa tal-pjanti mwettqa mill-Istati Membri abbażi tar-Regolament ta’ Implimentazzjoni (UE) 2021/127 urew li fil-materjal tal-injam għall-imballaġġ li jintuża għat-trasport ta’ ċerti komoditajiet li joriġinaw mill-Belarussja, miċ-Ċina u mill-Indja kien hemm ċerti pesti tal-kwarantina fl-Unjoni, jew li dak il-materjal ma kienx immarkat f’konformità mal-Istandards Internazzjonali.

(4)

Peress li l-kontrolli tas-saħħa tal-pjanti mwettqa fl-Istati Membri juru li r-riskju tal-introduzzjoni fl-Unjoni ta’ pesti ħajjin ma naqasx, huwa meħtieġ li l-kontrolli tas-saħħa tal-pjanti fuq il-materjal importat tal-injam għall-imballaġġ li jintuża għall-ġarr, għall-protezzjoni jew għall-appoġġ tal-komoditajiet ikkonċernati li joriġinaw mill-Belarussja, miċ-Ċina u mill-Indja jkomplu jitwettqu bl-istess rata bħal dik prevista fir-Regolament ta’ Implimentazzjoni (UE) 2021/127.

(5)

Dan ir-Regolament jenħtieġ li japplika sal-31 ta’ Diċembru 2026 biex jingħata żmien sabiex tiġi mmonitorjata s-sitwazzjoni u biex jiġi ddeterminat jekk il-konformità tal-materjal tal-injam għall-imballaġġ li jintuża għall-ġarr, għall-protezzjoni jew għall-appoġġ tal-komoditajiet ikkonċernati li joriġinaw mill-Belarussja, miċ-Ċina u mill-Indja ma’ dan ir-Regolament u mar-Regolament (UE) 2016/2031 tjibitx.

(6)

Sabiex jiġi evitat kwalunkwe vojt ġuridiku u biex jiġi żgurat li l-kontrolli tas-saħħa tal-pjanti jkomplu jitwettqu bl-istess rata bħal dik prevista fir-Regolament ta’ Implimentazzjoni (UE) 2021/127, jenħtieġ li dan ir-Regolament jidħol fis-seħħ malajr kemm jista’ jkun.

(7)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(a)

huma appoġġati jew protetti b’materjal tal-injam għall-imballaġġ, jew jinġarru fih;

(b)

joriġinaw f’wieħed mill-pajjiżi terzi elenkati fl-Anness;

(c)

jaqgħu taħt wieħed mill-kodiċijiet tan-Nomenklatura Magħquda (kodiċi NM) stabbiliti fl-Anness I tar-Regolament tal-Kunsill (KEE) Nru 2658/87 (6), kif elenkati fl-Anness.