<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-10-202510C102202403690-00-TRA-DOC-GA-ARRET-C-0369-24-202509803-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="ga-IE" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="24/11/2025 12:16:34" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="ga" name="Gendoc_LangCode"/>
    <meta content="ARR" name="TypeDoc"/>
    <meta content="9LVGC/icCovqa4TB345osqyzrFDmt8imR7rUk8prGzjsA5JZtvBSmPl6quzOJtDWWFCbXg/VjoUBU5EuOhjnM+xjPo60DW3cpHsGnrHysV8TgBmI+0gLwth13jGPdilR1Xqx6DeFLJZX66zmkX9JGqRA7NRpw/zVC7ZTsZKmLwE=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="brophdi" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="b4933752-4711-41fb-84de-e3c420b3defb" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0369" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="brophdi" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 30-10-25 14:48:25" name="Created"/>
    <meta content="" name="Canevas3_Vademecum"/>
    <meta content="2025-11-05T13:07:31Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="bc8eac511a564d6bada991ff0045fe3f" name="DocumentIdentifier"/>
    <meta content="0369" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Breithiúnas an 2. 10. 2025 – Cás C‑369/24</div>
      <div id="rId21" style="default">MET Magyarország agus Global NRG ROM</div>
    </div>
    <p class="C19Centre" id="para-1" title="page-1">
      BREITHIÚNAS NA CÚIRTE (an Seachtú Dlísheomra)
    </p>
    <p class="C19Centre" id="para-2" title="page-1">
      2 Deireadh Fómhair 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      (Tarchur chun réamhrialú – Margadh inmheánach sa ghás nádúrtha – Rialachán (AE) 2017/460 – Córas tarchurtha gáis nádúrtha – Modheolaíocht ríofa an phraghais tagartha – Airteagal 35(1) – Díolúine le haghaidh conarthaí, arna dtabhairt i gcrích roimh an 6 Aibreán 2017 nach ndéantar foráil iontu d’aon athrú ar leibhéal na dtaraifí tarchuir taobh amuigh den innéacsú – An coincheap ‘innéacsú’)
    </p>
    <p class="C02AlineaAltA" id="para-4" title="page-1">
      I gCás C‑369/24,
    </p>
    <p class="C02AlineaAltA" id="para-5" title="page-1">
      IARRAIDH ar réamhrialú de bhun Airteagal 267 CFAE, ó Fővárosi Törvényszék (Ard-Chúirt Bhúdaipeist, an Ungáir), trí bhreith an 13 Bealtaine 2024, a fuarthas ag an gCúirt an 24 Bealtaine 2024, sna himeachtaí
    </p>
    <p class="C02AlineaAltA" id="para-6" title="page-1">
      MET Magyarország Energiakereskedő Zrt.,
    </p>
    <p class="C02AlineaAltA" id="para-7" title="page-1">
      Global NRG ROM SRL
    </p>
    <p class="C02AlineaAltA" id="para-8" title="page-1">
      v
    </p>
    <p class="C02AlineaAltA" id="para-9" title="page-1">
      Magyar Energetikai és Közmű-szabályozási Hivatal,
    </p>
    <p class="C02AlineaAltA" id="para-10" title="page-1">
      páirtí leasmhar:
    </p>
    <p class="C02AlineaAltA" id="para-11" title="page-1">
      FGSZ Földgázszállító Zrt.,
    </p>
    <p class="C19Centre" id="para-12" title="page-1">
      tugann AN CHÚIRT (an Seachtú Dlísheomra),
    </p>
    <p class="C02AlineaAltA" id="para-13" title="page-1">
      agus í comhdhéanta mar seo a leanas: M. Gavalec, Uachtarán Dlísheomra, Z. Csehi agus F. Schalin (Rapóirtéir), Breithiúna,
    </p>
    <p class="C02AlineaAltA" id="para-14" title="page-1">
      Abhcóide Ginearálta: T. Ćapeta,
    </p>
    <p class="C02AlineaAltA" id="para-15" title="page-1">
      Cláraitheoir: A. Calot Escobar,
    </p>
    <p class="C02AlineaAltA" id="para-16" title="page-1">
      ag féachaint don nós imeachta ó bhéal,
    </p>
    <p class="C02AlineaAltA" id="para-17" title="page-1">
      tar éis breithniú a dhéanamh ar na barúlacha arna dtíolacadh thar ceann na bpáirtithe seo a leanas:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">MET Magyarország Energiakereskedő Zrt., ag M. Czesznak agus G. Stanka, ügyvédek,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Global NRG ROM SRL, ag B Világi, ügyvéd,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Magyar Energetikai és Közmű-szabályozási Hivatal, ag L. Hoschek, i gcáil Gníomhaire,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">FGSZ Földgázszállító Zrt., ag P. Németh, i gcáil Gníomhaire,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na hUngáire, D. Csoknyai agus Z. Fehér, i gcáil Gníomhairí,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na Bulgáire, T. Mitova agus R. Stoyanov, i gcáil Gníomhairí,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an Coimisiún Eorpach, ag O. Beynet, T. Scharf agus A. Tokár, i gcáil Gníomhairí,</p>
</td>
</tr>
</table>
    <p class="C02AlineaAltA" id="para-25" title="page-1">
      tar éis cinneadh a dhéanamh, i ndiaidh an tAbhcóide Ginearálta a éisteacht, breith a thabhairt ar an gcás gan Tuairim,
    </p>
    <p class="C02AlineaAltA" id="para-26" title="page-1">
      an Breithiúnas seo a leanas:
    </p>
    <p class="C75Debutdesmotifs" id="para-27" title="page-1">
      Breithiúnas
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Baineann an iarraidh ar réamhrialú le léiriú Airteagal 35(1) de Rialachán (AE) 2017/460 ón gCoimisiún an 16 Márta 2017 lena mbunaítear cód gréasáin maidir le struchtúir chomhchuibhithe do tharaifí tarchuir gáis (IO 2017 L 72, lch. 29).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Rinneadh an iarraidh seo i ndíospóid idir MET Magyarország Energiakereskedő Zrt. (‘MET’), cuideachta de chuid na hUngáire, agus Global NRG ROM SRL (‘Global NRG’), cuideachta de chuid na Rómáine, ar thaobh amháin, agus an Magyar Energetikai és Közmű-szabályozási Hivatal (Údarás rialála na hUngáire um an earnáil fuinnimh agus fóntais phoiblí) (‘MEKH’) maidir le dlíthiúlacht an chinnidh ón údarás sin lena leagtar síos modheolaíocht ríofa praghais tagartha le haghaidh tarchur gáis agus lena ndearbhaítear go bhfuil feidhm aige maidir le conarthaí arna dtabhairt i gcrích roimh an 6 Aibreán 2017 idir FGSZ Földgázszállító Zrt. (‘FGSZ’), oibreoir córais tarchuir na hUngáire, agus an dá chuideachta sin, a úsáideann an gréasán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dlí</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí an Aontais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Rialachán (CE) Uimh. 715/2009</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Foráladh le haithris 7 de Rialachán (CE) Uimh. 715/2009 ó Pharlaimint na hEorpa agus ón gComhairle an 13 Iúil 2009 maidir le coinníollacha le haghaidh rochtana ar na gréasáin gáis nádúrtha agus lena n‑aisghairtear Rialachán (CE) Uimh. 1775/2005 (IO 2009 L 211, lch. 36):</p>
</td>
</tr>
</table>
    <p class="C02AlineaAltA" id="para-34" title="page-2">
      ‘Is gá na critéir a shonrú a gcinnfear na taraifí maidir le rochtain ar an ngréasán dá réir, chun a áirithiú go gcomhlíonfaidh siad go hiomlán prionsabal an neamh-idirdhealaithe agus riachtanais an mhargaidh inmheánaigh atá ag feidhmiú go maith [...]’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Luaitear an méid seo a leanas in aithris 19 den Rialachán sin:</p>
</td>
</tr>
</table>
    <p class="C02AlineaAltA" id="para-36" title="page-2">
      ‘Chun iomaíocht a fheabhsú trí mhargaí mórdhíola leachtacha sa ghás, tá sé ríthábhachtach go bhféadfaí an gás a thrádáil go neamhspleách ón suíomh atá aige sa chóras. An t‑aon slí chun é seo a dhéanamh is ea trí shaoirse a thabhairt d’úsáideoirí an ghréasáin acmhainn iontrála sa chóras agus acmhainn scoir as an gcóras a chur in áirithe go neamhspleách ar a chéile, agus sa chaoi sin iompar gáis a chruthú trí chriosanna seachas trí chonairí conarthacha. [...] Níor cheart go mbeadh taraifí spleách ar an mbealach iompair. Dá bhrí sin, níor cheart go mbeadh baint ag an taraif arna socrú le haghaidh pointe iontrála amháin nó níos mó leis an taraif arna socrú le haghaidh pointe scoir amháin nó níos mó, agus vice versa.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Foráladh in Airteagal 13 den Rialachán sin, dar teideal, ‘Taraifí chun rochtain a fháil ar ghréasáin’, sa cheathrú fomhír de mhír 1:</p>
</td>
</tr>
</table>
    <p class="C02AlineaAltA" id="para-38" title="page-2">
      ‘Beidh na taraifí le haghaidh úsáideoirí gréasán neamh-idirdhealaitheach agus socrófar iad go leithleach le haghaidh gach pointe iontrála ar an gcóras tarchurtha agus gach pointe scoir as. Formheasfaidh na húdaráis naisiúnta rialála na sásraí chun costais a leithdháileadh agus an mhodheolaíocht chun rátaí a shocrú. Faoin 3 Meán Fómhair 2011, áiritheoidh na Ballstáit, tar éis idirthréimhse, nach ndéanfar muirir ghréasáin a ríomh ar bhonn conairí conartha.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Rialachán 2017/460</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Luaitear an méid seo a leanas in aithris 3 de Rialachán 2017/460:</p>
</td>
</tr>
</table>
    <p class="C02AlineaAltA" id="para-41" title="page-3">
      ‘I ndiaidh thabhairt isteach choincheap an chórais iontrála-scoir le Rialachán (CE) Uimh. 715/2009, ní bhíonn na costais iompair nasctha go díreach a thuilleadh le conair shonrach, ós rud é gur féidir an acmhainn iontrála agus scoir a cheannach ar leithligh, agus gur féidir le húsáideoirí an ghréasáin an gás a iompar chuig pointe iontrála agus pointe scoir ar bith. Faoin gcreat sin, cinneann an t‑oibreoir córais tarchuir cad é an bealach is éifeachtaí chun an gás a iompar tríd an gcóras [...]’
    </p>
    <p class="C02AlineaAltA" id="para-42" title="page-3">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">In Airteagal 3(1) de Rialachán 2017/460, tugtar sainmhíniú ar ‘praghas tagartha’ mar ‘praghas táirge acmhainne doichte le haghaidh tréimhse bliana, is infheidhme maidir le pointí iontrála agus scoir agus a úsáidtear chun taraifí tarchuir a shainiú bunaithe ar an acmhainn’.</p>
</td>
</tr>
</table>
    <p class="C02AlineaAltA" id="para-44" title="page-3">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Foráiltear le hAirteagal 6 den Rialachán sin, dar teideal ‘Cur i bhfeidhm mhodheolaíocht ríofa an phraghais tagartha’, i mír 3:</p>
</td>
</tr>
</table>
    <p class="C02AlineaAltA" id="para-46" title="page-3">
      ‘Cuirtear i bhfeidhm an mhodheolaíocht chéanna chun praghas tagartha a ríomh i leith gach pointe iontrála agus scoir i gcóras iontrála-scoir faoi leith, faoi réir na n‑eisceachtaí dá dtagraítear in Airteagail 10 agus 11.’
    </p>
    <p class="C02AlineaAltA" id="para-47" title="page-3">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Foráiltear le hAirteagal 35 den Rialachán sin, dar teideal ‘Conarthaí atá ann cheana’, i míreanna 1 agus 2:</p>
</td>
</tr>
</table>
    <p class="C02AlineaAltA" id="para-49" title="page-3">
      ‘1. Ní dhéanfaidh an Rialachán seo difear do leibhéal na dtaraifí tarchuir de bhun conarthaí nó áirithintí acmhainne arna dtabhairt i gcrích roimh an 6 Aibreán 2017, i gcás nach bhforáiltear sna conarthaí nó áirithintí acmhainne sin d’aon athrú ar leibhéil na dtaraifí tarchuir bunaithe ar an acmhainn agus/nó ar an méid gáis a tharchuirtear lasmuigh den innéacsú, i gcás inarb iomchuí.
    </p>
    <p class="C02AlineaAltA" id="para-50" title="page-3">
      2. Ní féidir na forálacha conarthacha a bhaineann le taraifí tarchuir agus áirithintí acmhainne dá dtagraítear i mír 1 a athnuachan, a fhadú nó a atosú i ndiaidh a ndáta éagtha.’
    </p>
    <p class="C02AlineaAltA" id="para-51" title="page-3">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí na hUngáire</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Foráiltear le hAirteagal 104(7) den földgázellátásról szóló 2008. évi XL. törvény (Dlí Uimh. XL de 2008 maidir le soláthar gáis nádúrtha), sa leagan is infheidhme sna príomhimeachtaí:</p>
</td>
</tr>
</table>
    <p class="C02AlineaAltA" id="para-54" title="page-3">
      ‘Féadfar praghas níos airde ná an taraif oifigiúil a leagan síos sa chonradh go bailí. Mura aontaíodh an praghas idir na páirtithe agus má tá taraif oifigiúil i bhfeidhm maidir leis an bpraghas nó an tseirbhís, beidh feidhm ag an taraif oifigiúil sin. Beidh feidhm ag an taraif oifigiúil freisin i gcás inar aontaigh na páirtithe praghas eile de shárú ar dhlí nó ar chinneadh lena socraítear an taraif oifigiúil.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An díospóid sna príomhimeachtaí agus an cheist a tharchuirtear le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">An 20 Deireadh Fómhair 2008, thug MET agus Global NRG conradh fadtéarmach i gcrích le FGSZ le haghaidh áirithint acmhainne, tarchur gáis nádúrtha agus oibriú an ghréasáin (‘conradh fadtéarmach’) i dtaca leis an bpíblíne lena nasctar an Ungáir agus an Rómáin le haghaidh na tréimhse 2010-2030. Rinneadh leasuithe bliantúla ar na conarthaí sin, go dtí 2018, maidir leis na taraifí is infheidhme trí chlásail bhreise idir na páirtithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Maidir leis an taraif tharchuir don phointe trasnaithe teorann idir an Ungáir agus an Rómáin, foráiltear leis an bhfoirmle i gClásal Uimh. 3 de na conarthaí fadtéarmacha d’innéacsú bliantúil atá bunaithe ar an bpraghasinnéacs tomhaltóirí, arna bhunú ag an bPríomhoifig Staidrimh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Agus an taraif bhliantúil tharchuir á cinneadh, chuir na páirtithe conarthacha san áireamh freisin na taraifí rialálaithe le haghaidh úsáid an ghréasáin arna socrú ag MEKH in orduithe taraife arna gcur chun dáta go rialta. Ba iad na taraifí sin, atá infheidhme go riachtanach de bhun Airteagal 104(7) den Dlí maidir le soláthar gáis nádúrtha, an uasteorainn ar an bpraghas a bhí le híoc ag na hiarratasóirí sna príomhimeachtaí. Ceanglaíodh orthu mar sin táillí úsáide an ghréasáin a íoc gach bliain ó theacht i bhfeidhm na gconarthaí fadtéarmacha agus go dtí an 30 Meán Fómhair 2019, ar bhonn na taraife is ísle as an dá tharaif le haghaidh na tréimhse lena mbaineann, an taraif innéacsaithe dá bhforáiltear sa chonradh fadtéarmach agus an taraif rialálaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Go dtí an 30 Meán Fómhair 2019, shocraíodh MEKH na taraifí rialálaithe le haghaidh úsáid an ghréasáin don phointe scoir ag an teorainn idir an Ungáir agus an Rómáin trí mhodheolaíocht dhifriúil ná an mhodheolaíocht a cuireadh i bhfeidhm ar phointí eile ghréasán tarchuir gáis nádúrtha na hUngáire, eadhon an sásra sreafa airgid ar lascaine, a bhí beartaithe chun toradh a fháil ar an infheistíocht a bhí i gceist leis an bpíblíne a thógáil. Chuir an t‑údarás sin san áireamh, de bhreis ar an innéacsú, faisnéis eile amhail áirithintí nua acmhainne agus an t‑ioncam a gineadh leis, mar aon leis an ráta toraidh inmheánach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">An 6 Aibreán 2017, tháinig Rialachán 2017/460 i bhfeidhm. Foráiltear in Airteagal 6(3) go gcuirtear i bhfeidhm an mhodheolaíocht chéanna chun praghsanna a ríomh ag gach pointe iontrála agus scoir i gcóras iontrála-scoir faoi leith. Bhí sé de thoradh ar theacht i bhfeidhm an Rialacháin sin an mhodheolaíocht sin a chur i bhfeidhm go héigeantach le haghaidh gréasán iomlán píblínte na hUngáire, a measadh mar chóras aonair iontrála-scoir as sin amach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Chuir MEKH rialacha nua i bhfeidhm den chéad uair le héifeacht ón 1 Deireadh Fómhair 2019 agus cinneadh mar sin taraif an phointe scoir ag an teorainn idir an Ungáir agus an Rómáin a bhí le híoc ag na hiarratasóirí sna príomhimeachtaí de bhun na gconarthaí fadtéarmacha ar an mbealach céanna le taraifí gach pointe eile scoir ó ghréasán na hUngáire ina iomláine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Níor shínigh na hiarratasóirí sna príomhimeachtaí, nár aontaigh leis an leasú sin, na clásail nua sna conarthaí sin, a chuaigh an ceann deireanach siar go dtí an 1 Deireadh Fómhair 2018. Ón 1 Deireadh Fómhair 2019, tá siad ag íoc an oibreora córais FGSZ, ach a gcearta á bhforchoimeád acu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">I gcinneadh an 25 Deireadh Fómhair 2022, bhunaigh MEKH modheolaíocht ríofa an phraghais tagartha don timthriall rialálaithe taraife ón 1 Deireadh Fómhair 2021 go dtí an 30 Meán Fómhair 2025. Luaigh sé ansin nach bhfuil feidhm ag an eisceacht dá bhforáiltear in Airteagal 35(1) de Rialachán 2017/460, ar dá réir nach ndéanann an Rialachán sin difear do leibhéal taraifí tarchuir a eascraíonn ó chonarthaí nó áirithintí acmhainne arna dtabhairt i gcrích roimh an 6 Aibreán 2017, maidir leis na conarthaí fadtéarmacha. Go deimhin, tá feidhm ag an bhforáil sin maidir le conarthaí ar dá mbun a bhfuil an nuashonrú taraife bliantúil bunaithe ar chur i bhfeidhm clásail innéacsaithe amháin. Dar le MEKH, ní hamháin go n‑athraíonn na taraifí arna socrú sna conarthaí fadtéarmacha ag brath ar an innéacsú, ach cuireadh san áireamh leibhéal na taraife rialálaithe freisin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Thug MET agus Global NRG caingean le haghaidh neamhniú i gcoinne chinneadh an 25 Meán Fómhair 2022 os comhair an Fővárosi Törvényszék (Ard-Chúirt Bhúdaipeist, an Ungáir), arb í an chúirt a rinne an tarchur, ag maíomh go dtagann na conarthaí fadtéarmacha faoi raon feidhme Airteagal 35(1) de Rialachán 2017/460. Leis an bhforáil sin, cuirtear chun feidhme an prionsabal go gcosnófar ionchais dhlisteanacha, agus is é is cuspóir di a áirithiú nach sáróidh an Rialachán sin cearta na bpáirtithe conarthacha i gconarthaí fadtéarmacha arna dtabhairt i gcrích roimhe sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Luann an chúirt a rinne an tarchur, de réir an leagain Ungáirise d’Airteagal 35(1) de Rialachán 2017/460, go bhfuil feidhm ag an díolúine dá bhforáiltear ann maidir le conarthaí nach ndéantar foráil iontu maidir le hathrú taraife níos mó ná innéacsú féideartha leibhéal taraifí tarchuir bunaithe ar acmhainn agus/nó ar mhéid an gháis tharchurtha. Luann sí go bhféadfadh sé go gcomhlíontar an coinníoll sin leis na conarthaí atá i gceist sna príomhimeachtaí. Mar sin féin, is léir ó na leaganacha Gearmáinise, Béarla agus Fraincise d’Airteagal 35(1) de Rialachán 2017/460 nach mbaineann an critéar díolmhaithe le leibhéal an athraithe taraife, ach leis an nasc cúisíoch eisiach leis an sásra innéacsaithe aonair. De réir na cúirte a rinne an tarchur, níl sé soiléir, maidir leis na conarthaí sin, gur féidir a mheas gur trí innéacsú amháin a athraítear na taraifí. Ar an gcéad dul síos, cuirtear an taraif rialálaithe san áireamh, a bhfuil feidhm aici i gcás ina bhfuil sí níos ísle ná an taraif chonarthach. Ar an dara dul síos, déantar an t‑innéacsú i ndiaidh chur i bhfeidhm na taraife rialálaithe ní ar bhonn na taraife conarthaí tosaigh, ach leibhéal taraife lena gcuimsítear an cur i bhfeidhm sin. Ar an tríú dul síos, is ionann an taraif rialálaithe a chur san áireamh agus oibleagáid dhlíthiúil na bpáirtithe conarthacha. Ar an gceathrú dul síos, agus an taraif rialálaithe á socrú, chuir MEKH san áireamh, sular tháinig Rialachán 2017/460 i bhfeidhm, critéir eile de bhreis ar an innéacsú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Sna himthosca sin, chinn an Fővárosi Törvényszék (Ard-Chúirt Bhúdaipeist) bac a chur ar na himeachtaí agus an cheist seo a leanas a chur faoi bhráid na Cúirte le haghaidh réamhrialú:</p>
</td>
</tr>
</table>
    <p class="C02AlineaAltA" id="para-67" title="page-6">
      ‘Ag féachaint do phrionsabail na deimhneachta dlíthiúla agus na n‑ionchas dlisteanach, an bhfuil Airteagal 35(1) de Rialachán 2017/460 le léiriú sa chaoi go dtugtar díolúine do chonarthaí acmhainneachta cúltaca fadtéarmacha arna dtabhairt i gcrích roimh 2017, nach bhforáiltear lena gcoinníollacha praghsála nach féidir aon athrú a dhéanamh ar tharaifí tarchuir bunaithe ar acmhainneacht agus/nó ar chainníocht an gháis, a shocraítear tráth thabhairt i gcrích an chonartha, seachas athrú atá le ríomh ar bhonn foirmle réamhshocraithe agus atá bunaithe ar an innéacs praghsanna do thomhaltóirí a bhunaítear [le hOifig Staidrimh na hUngáire], ach lena bhforáiltear leo, ar bhonn foráil éigeantach den dlí náisiúnta, gurb é an taraif oifigiúil ar úsáid líonra a chuirfear i bhfeidhm in ionad na taraife a ríomhtar, má tá sí sin níos ísle ná an taraif sin, agus go n‑innéacsóidh na páirtithe an taraif oifigiúil sin ina dhiaidh sin, agus go gcuirfidh an t‑údarás san áireamh freisin, agus an taraif oifigiúil á socrú, i dteannta an innéacsaithe, na conarthaí acmhainneachta cúltaca gearrthéarmacha nua arna dtabhairt i gcrích maidir le píblíne idirnaisc áirithe agus an t‑ioncam a eascróidh aisti, chomh maith leis an ráta toraidh inmheánach?’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Breithniú ar an gceist a tharchuirtear</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Leis an gceist a tharchuirtear, fiafraíonn an chúirt a rinne an tarchur, go bunúsach, an bhfuil Airteagal 35(1) de Rialachán 2017/460, arna léamh i bhfianaise phrionsabail na deimhneachta dlíthiúla agus chosaint na n‑ionchas dlisteanach, le léiriú sa chaoi go bhfuil feidhm ag an eisceacht a leagtar síos ann maidir le conarthaí fadtéarmacha áirithinte acmhainne le haghaidh tarchur gáis arna dtabhairt i gcrích roimh an 6 Aibreán 2017, lena bhforáiltear d’athrú ar leibhéil na dtaraifí tarchuir, arna gcinneadh de réir na hacmhainne agus/nó mhéid an gháis tharchurtha, ní hamháin ar bhonn innéacsú, bunaithe ar an bpraghasinnéacs tomhaltóirí sa chás seo, ach freisin agus taraif rialálaithe á cur san áireamh ina n‑áirítear innéacsú mar aon le fachtóirí eile, a d’fhéadfaí a chur i bhfeidhm in ionad na taraife conarthaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Maidir le comhthéacs na forála a bhfuil léiriú le déanamh uirthi, ní mór a thabhairt faoi deara go bhfuil Rialachán Uimh. 715/2009 mar chuid den ‘tríú pacáiste fuinnimh’ arna ghlacadh an 13 Iúil 2009, atá beartaithe inter alia chun na margaí gáis a léirscaoileadh tuilleadh agus a dhéanamh níos trédhearcaí. Le Rialachán Uimh. 715/2009, tugtar isteach an coincheap ‘córas iontrála/scoir’ arb éard atá ann, mar is léir ó aithris 19 agus Airteagal 13 den Rialachán sin, ná a chur ar chumas úsáideoirí an chórais tarchuir gáis a thrádáil go neamhspleách óna imsruthú fisiciúil nithiúil a fhágann, dá bhrí sin, go mbeidh taraifí úsáide an chórais tarchuir neamhspleách ón mbealach sonrach tarchuir gáis.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Tá sé mar chuspóir ag Rialachán 2017/460, arb é an bunús dlí atá leis ná Rialachán Uimh. 715/2009, cód gréasáin maidir le comhchuibhiú struchtúr taraife le haghaidh tarchur gáis a bhunú i gcomhréir leis an gcóras iontrála/scoir arna thabhairt isteach le Rialachán Uimh. 715/2009. Dá réir sin, foráiltear in Airteagal 6(3) de Rialachán 2017/460 go gcuirtear i bhfeidhm an mhodheolaíocht chéanna chun praghsanna a ríomh ar gach pointe iontrála agus scoir i gcóras iontrála-scoir faoi leith.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Ní chuirtear ina choinne go socraítear leis na conarthaí atá i gceist sa chás sna príomhimeachtaí na taraifí tarchuir le haghaidh bealach sonrach don ghás agus dá bhrí sin nach gcomhlíonann siad Airteagal 6(3) de Rialachán 2017/460.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Ar mhaithe le comhlíonadh phrionsabail na deimhneachta dlíthiúla agus na n‑ionchas dlisteanach a ráthú, áfach, foráiltear le hAirteagal 35 de Rialachán 2017/460 d’eisceacht, maidir le hinfheidhmeacht an Airteagail sin i ndáil le conarthaí atá ann cheana. Dá réir sin, i gcomhréir le mír 1 den Airteagal sin, ‘ní dhéanann an Rialachán sin difear do leibhéal na dtaraifí tarchuir de bhun conarthaí nó áirithintí acmhainne arna dtabhairt i gcrích roimh an 6 Aibreán 2017, i gcás nach bhforáiltear sna conarthaí nó áirithintí acmhainne sin d’aon athrú ar leibhéil na dtaraifí tarchuir bunaithe ar an acmhainn agus/nó ar an méid gáis a tharchuirtear lasmuigh den innéacsú, i gcás inarb iomchuí’. [Aistriúchán neamhoifigiúil]</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Sa chéad áit, maidir le foclaíocht na forála sin, is gá dhá choinníoll charnacha a chomhlíonadh chun go mbeidh feidhm ag an eisceacht sin. I gcomhréir leis an gcéad choinníoll, is gá gur conradh arna thabhairt i gcrích an 6 Aibreán 2017 a bheadh i gceist, dáta theacht i bhfeidhm Rialachán 2017/460. Baineann an dara coinníoll leis an bhfíoras nach bhforáiltear leis an gconradh sin d’athrú ar leibhéil na dtaraifí tarchuir bunaithe ar an acmhainn nó ar an gcainníocht gáis arna tarchur lasmuigh d’innéacsú féideartha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Maidir leis an gcéad choinníoll, is léir ón gcomhad atá ag an gCúirt gur tugadh na conarthaí fadtéarmacha i gcrích an 20 Deireadh Fómhair 2008, ionas go gcomhlíontar an coinníoll sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Maidir leis an dara coinníoll, is léir ó na leaganacha éagsúla teanga d’Airteagal 35 de Rialachán 2017/460, cé is moite den leagan Ungáirise, nach bhfuil feidhm ag an eisceacht ach maidir le conarthaí fadtéarmacha áirithinte acmhainne le haghaidh tarchur gáis arna dtabhairt i gcrích roimh an 6 Aibreán 2017, ar dá réir nach féidir le leibhéil na dtaraifí tarchuir athrú ach trí innéacsú. Fad a luaitear sna leaganacha Béarla, Fraincise agus Gearmáinise den fhoráil sin, chomh maith leis na leaganacha teanga eile arna scrúdú ag an gCúirt, nach bhforáiltear ‘d’aon athrú [...] lasmuigh den innéacsú’, luaitear sa leagan Ungáirise nach bhforáiltear ‘d’aon athrú [...] de bhreis ar an innéacsú’. D’fhéadfaí an nath sin a léiriú sa chaoi go bhféadfadh leibhéal na dtaraifí athrú freisin bunaithe ar ghnéithe eile seachas an t‑innéacsú, ar choinníoll nach bhfuil sé de thoradh ar an nuashonrú taraife sin go mbeidh taraif níos airde ann ná mar a bheadh i ndiaidh innéacsú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Is léir ó chásdlí socair nach féidir leis an bhfoclaíocht a úsáidtear i gceann de na leaganacha teanga d’fhoráil de dhlí an Aontais a bheith ar an aon bhunús le léiriú na forála sin agus ní féidir tosaíocht a thabhairt di ar na leaganacha teanga eile. Bheadh cur chuige den sórt sin neamhréireach leis an gceanglas de chur i bhfeidhm aonfhoirmeach dhlí an Aontais. I gcás éagsúlacht idir na leaganacha teanga éagsúla, ní mór an fhoráil atá i gceist a léiriú i bhfianaise scéim ghinearálta agus chuspóir na reachtaíochta ar cuid di í (féach breithiúnais an 27 Deireadh Fómhair 1977, Bouchereau, 30/77, EU:C:1977:172, mír 14, agus an 9 Iúil 2020, Naturschutzbund Deutschland Landesverband Schleswig-Holstein, C‑297/19, EU:C:2020:533, mír 43 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Ní shainmhínítear i Rialachán 2017/460 an coincheap ‘innéacsú’ atá in Airteagal 35(1). Dá réir sin, ní mór brí agus raon feidhme an choincheapa sin a chinneadh i gcomhréir, inter alia, lena ghnáthbhrí sa ghnáthchaint (féach, chuige sin, breithiúnas an 1 Deireadh Fómhair 2020, Entoma, C‑526/19, EU:C:2020:769, mír 29 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">I ndáil leis sin, tuigtear an t‑innéacsú, go ginearálta, mar shásra conarthach nó dlíthiúil a athraíonn ar bhealach uathoibríoch, thar tréimhse ama, méid luacha airgeadais arna shocrú ar dtús de réir na héabhlóide ar thagarmharc faoi leith.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Sa chás seo, tá sásra innéacsaithe sna conarthaí atá i gceist sna príomhimeachtaí ar dá réir a ríomhtar an taraif tharchuir is infheidhme le haghaidh tréimhse faoi leith ar bhonn foirmle arna cinneadh roimh ré agus bunaithe ar éabhlóid ar an bpraghasinnéacs tomhaltóirí arna bhunú ag an bPríomhoifig Staidrimh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Mar sin féin, is léir ón ordú tarchuir go bhforáiltear sna conarthaí freisin, de bhun foráil éigeantach den dlí náisiúnta, go gcuirfear i bhfeidhm taraif rialálaithe le haghaidh úsáid an ghréasáin in ionad na taraife innéacsaithe arna haontú, i gcás ina bhfuil an chéad cheann níos ísle ná an dara ceann. Cuireadh an taraif rialálaithe i bhfeidhm roinnt uaireanta agus bhí an taraif sin mar bhunús don innéacsú conarthach ar feadh tréimhse faoi leith. Is léir freisin ón gcinneadh sin gur chuir MEKH san áireamh, agus an taraif rialálaithe sin á socrú, de bhreis ar an innéacsú, gnéithe eile amhail na conarthaí nua áirithinte acmhainne gearrthéarmacha arna dtabhairt i gcrích le haghaidh na píblíne atá i gceist, an t‑ioncam a ghintear uathu agus an ráta toraidh inmheánach. Mar sin, is léir gur athraigh leibhéal na taraife tarchuir conarthaí le himeacht ama de réir gnéithe eile seachas an t‑innéacsú dá bhforáiltear sa chonradh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Sa dara háit, maidir leis an gcomhthéacs lena mbaineann Airteagal 35(1) de Rialachán 2017/460, ní mór a thabhairt faoi deara, mar is léir ó mhíreanna 23 agus 24 den bhreithiúnas seo, gur foráil a mhaolaíonn ón bprionsabal go n‑úsáidfear an mhodheolaíocht ríofa céanna le haghaidh an phraghais tagartha arna chur i bhfeidhm i leith gach pointe iontrála agus scoir i gcóras iontrála-scoir faoi leith, dá bhforáiltear in Airteagal 6(3) den Rialachán seo agus, dá bhrí sin, go bhfuil léiriú docht le déanamh air. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Tá an méid sin i gcomhréir le hAirteagal 35(2), ar dá réir nach féidir na forálacha conarthacha a bhaineann le taraifí iompair agus áirithinte acmhainne dá dtagraítear in Airteagal 35(1) a athnuachan, a fhadú nó a atosú i ndiaidh a ndáta éagtha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Sa tríú háit, maidir leis na cuspóirí arna saothrú ag Rialachán Uimh. 715/2009 agus Rialachán 2017/460, tá na cuspóirí sin beartaithe, i gcomhréir le haithrisí 7 agus 19 de Rialachán Uimh. 715/2009 chun a ráthú go gcomhlíonfaidh na taraifí rochtana ar an ngréasán prionsabal an neamh-idirdhealaithe agus na ceanglais maidir le dea-fheidhmiú an mhargaidh inmheánaigh go hiomlán, agus an iomaíocht a mhéadú trí mhargaí mórdhíola leachtacha sa ghás. Sonraítear in aithris 19 den Rialachán sin agus in aithris 3 de Rialachán 2017/460, chuige sin, go bhfuil sé ríthábhachtach go bhféadfaí an gás a thrádáil go neamhspleách ón suíomh atá aige sa chóras agus gurb é an t‑aon slí chun é sin a dhéanamh ná trí shaoirse a thabhairt d’úsáideoirí an ghréasáin acmhainn iontrála sa chóras agus acmhainn scoir as an gcóras a chur in áirithe go neamhspleách ar a chéile, agus sa chaoi sin tarchur gáis a eagrú trí chriosanna seachas trí chonairí conarthacha, ós rud é nár cheart do na taraifí a bheith ag brath ar an mbealach iompair. Cuirtear béim ar chineál neamh-idirdhealaitheach na dtaraifí agus a modheolaíochtaí ríofa freisin in Airteagal 13(1) de Rialachán Uimh. 715/2009.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Dá bhrí sin, de réir léiriú docht ar an eisceacht atá in Airteagal 35(1) de Rialachán 2017/460, i bhfianaise chomhthéacs agus chuspóir an Rialacháin sin, faoi mar a leagtar amach i míreanna 23 agus 35 go 37 den bhreithiúnas seo, ní féidir feidhm a bheith aige más amhlaidh, le linn thréimhse an chonartha, go ndearnadh coigeartuithe ar an taraif dá bhforáiltear ann agus fachtóirí eile seachas an t‑innéacsú atá bunaithe ar an bpraghasinnéacs tomhaltóirí. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Maidir le prionsabail na deimhneachta dlíthiúla agus na n‑ionchas dlisteanach, de réir cásdlí socair, is féidir le haon oibreoir eacnamaíoch brath ar an bprionsabal go gcosnófar ionchais dhlisteanacha i gcás inar thug institiúid ionchais dó a bhfuil údar leo. Mar sin féin, más i measc bhunphrionsabail an Aontais atá an prionsabal go gcosnófar ionchais dhlisteanacha, níl údar ag na hoibreoirí eacnamaíocha ionchas dlisteanach a bheith acu go gcoimeádfar ar bun staid atá ann a fhéadfar a athrú faoi chumhacht bhreithmheasa institiúidí an Aontais Eorpaigh (breithiúnas an 26 Meitheamh 2012, an Pholainn v an Coimisiún, C‑335/09 P, EU:C:2012:385, mír 180 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">I bhfianaise an mhéid sin thuas, is é an freagra ar an gceist a tharchuirtear ná go bhfuil Airteagal 35(1) de Rialachán 2017/460, arna léamh i bhfianaise phrionsabail na deimhneachta dlíthiúla agus cosaint na n‑ionchas dlisteanach le léiriú sa chaoi go bhfuil feidhm ag an eisceacht a leagtar síos ann maidir le conarthaí fadtéarmacha áirithinte acmhainne le haghaidh tarchur gáis arna dtabhairt i gcrích roimh an 6 Aibreán 2017 amháin, nach bhforáiltear iontu d’aon athrú ar leibhéil na taraifí tarchuir, arna gcinneadh ar bhonn na hacmhainne agus/nó mhéid an gháis arna tharchur seachas ar bhonn innéacsú, go háirithe ar bhonn an phraghasinnéacs tomhaltóra. Ní bheidh feidhm ag an eisceacht sin maidir le conarthaí ina n‑eascraíonn na hathruithe ar leibhéil taraife ó fhachtóirí eile, lena n‑áirítear i gcás ina gcomhaontaíonn na páirtithe conarthacha amhlaidh nó ina bhfuil feidhm ag taraif rialálaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Costais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a cuireadh faoi bhráid na Cúirte, seachas costais na bpáirtithe sin, inghnóthaithe.</p>
</td>
</tr>
</table>
    <p class="C41DispositifIntroduction" id="para-90" title="page-10">
      Ar na forais sin, rialaíonn an Chúirt (an Seachtú Dlísheomra) mar seo a leanas:
    </p>
    <p class="C30Dispositifalinea" id="para-91" title="page-10">
      Maidir le hAirteagal 35(1) de Rialachán (AE) 2017/460 ón gCoimisiún an 16 Márta 2017 lena mbunaítear cód gréasáin maidir le sásraí leithdháilte acmhainne i gcórais tarchuir gáis, arna léamh i bhfianaise phrionsabail na deimhneachta dlíthiúla agus chosaint na n‑ionchas dlisteanach,
    </p>
    <p class="C30Dispositifalinea" id="para-92" title="page-10">
      ní mór léiriú a dhéanamh mar seo a leanas:
    </p>
    <p class="C30Dispositifalinea" id="para-93" title="page-10">
      tá feidhm ag an eisceacht a leagtar síos ann maidir le conarthaí fadtéarmacha áirithinte acmhainne le haghaidh tarchur gáis arna dtabhairt i gcrích roimh an 6 Aibreán 2017 amháin, nach bhforáiltear iontu d’aon athrú ar leibhéil na dtaraifí tarchuir, arna gcinneadh ar bhonn na hacmhainne agus/nó mhéid an gháis arna tharchur seachas ar bhonn innéacsú, go háirithe ar bhonn an phraghasinnéacs tomhaltóra. Ní bheidh feidhm ag an eisceacht sin maidir le conarthaí ina n‑eascraíonn na hathruithe ar leibhéil taraife ó fhachtóirí eile, lena n‑áirítear i gcás ina gcomhaontaíonn na páirtithe conarthacha amhlaidh nó ina bhfuil feidhm ag taraif rialálaithe.
    </p>
    <div class="signatures">
<p class="C77Signatures" id="para-94" title="page-10">
<span class="signatory">Sínithe</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Teanga an cháis: an Ungáiris.</p>
</body>
</html>
