“16. Ignace MURWANASHYAKA

(ailias: Dr Ignace)

Teideal: Dr.

Ainmniú: Uachtarán ar Fhórsaí Daonlathacha na Saoirse i Ruanda (FDLR)

Seoladh: an Ghearmáin (i bpríosún)

Dáta breithe: 14 Bealtaine 1963

Áit bhreithe: a) Butera, Ruanda b) Ngoma, Butare, Ruanda

Náisiúntacht: Ruanda

Dáta ainmniúcháin na Náisiún Aontaithe: 1 Samhain 2005

Faisnéis eile: Fuair sé bás i bpríosún sa Ghearmáin an 16 Aibreán 2019. Ghabh údaráis na Gearmáine é an 17 Samhain 2009 agus fuair cúirt sa Ghearmáin ciontach é an 28 Meán Fómhair 2015 i gceannaireacht ar ghrúpa sceimhlitheoireachta iasachta agus i gcuidiú le coireanna cogaidh. Gearradh téarma príosúin 13 bliana air agus bhí sé i bpríosún sa Ghearmáin ó mhí an Mheithimh 2016 ar aghaidh. Atoghadh ina uachtarán ar FDLR é an 29 Samhain 2014 ar feadh téarma cúig bliana. Nasc gréasáin chuig Fógra Speisialta INTERPOL — Comhairle Slándála na Náisiún Aontaithe: https://www.interpol.int/en/How-we-work/Notices/View-UN-Notices-Individuals.

Faisnéis bhreise ó insint achomair na gcúiseanna lena liostú a chuir an Coiste Smachtbhannaí ar fáil:

Bhí Ignace Murwanashyaka ina uachtarán ar FDLR, agus d’imir sé tionchar ar bheartais FDLR, ceann de ghrúpaí agus mílístí armtha dá dtagraítear i mír 20 de Rún 1493 (2003), a bhí páirteach i ngáinneáil ar airm, de shárú ar an trádbhac arm. Bhíodh teagmháil teileafóin aige le ceannasaithe míleata FDLR (lena n‐áirítear le linn shléacht Busurungi i mí na Bealtaine 2009); thugadh sé orduithe míleata do na hardcheannairí; bhí sé páirteach i gcomhordú an aistrithe arm agus armlóin chuig aonaid FDLR agus treoracha sonracha maidir lena n‐úsáid a sheoladh ar aghaidh; agus bhainistigh sé suimeanna móra airgid a tiomsaíodh trí acmhainní nádúrtha a dhíol go haindleathach i limistéir a bhí faoi rialú FDLR. De réir Oifig Ionadaí Speisialta Ard-Rúnaí na Náisiún Aontaithe maidir le Leanaí agus Coinbhleacht Armtha, bhí sé freagrach, ina cháil mar uachtarán agus ceannasaí míleata ar FDLR, as leanaí a earcú agus a úsáid ag FDLR in Oirthear an Chongó. Ghabh údaráis na Gearmáine é an 17 Samhain 2009 agus fuair cúirt sa Ghearmáin ciontach é an 28 Meán Fómhair 2015 i gceannaireacht ar ghrúpa sceimhlitheoireachta iasachta agus i gcuidiú le coireanna cogaidh. Gearradh téarma príosúin 13 bliana air agus bhí sé i bpríosún sa Ghearmáin ó mhí an Mheithimh 2016 ar aghaidh. Atoghadh ina uachtarán ar FDLR é an 29 Samhain 2014 ar feadh téarma 5 bliana.”