|
21.4.2022 |
GA |
Iris Oifigiúil an Aontais Eorpaigh |
L 120/14 |
CINNEADH (CBES) 2022/661 ÓN gCOMHAIRLE
an 21 Aibreán 2022
lena leasaítear Cinneadh (CBES) 2016/849 a bhaineann le bearta sriantacha i gcoinne Dhaon-Phoblacht Dhaonlathach na Cóiré
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 29 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 27 Bealtaine 2016, ghlac an Chomhairle Cinneadh (CBES) 2016/849 (1). |
|
(2) |
Sna conclúidí uaithi an 17 Iúil 2017, chuir an Chomhairle in iúl go ndéanfadh an tAontas machnamh ar fhreagairtí iomchuí breise ar ghníomhaíochtaí Dhaon-Phoblacht Dhaonlathach na Cóiré (“DPDC”) lena mbaintear an bonn den chóras domhanda maidir le neamhleathadh agus dí-armáil, go háirithe trí bhearta sriantacha breise uathrialacha. |
|
(3) |
An 22 Nollaig 2017, ghlac Comhairle Slándála na Náisiún Aontaithe (“CSNA”) Rún 2397 (2017) ó Chomhairle Slándála na Náisiún Aontaithe (“UNSCR”) inar athdhearbhaigh sí an méid seo a leanas maidir le DPDC: nach bhfuil sí le haon lainseáil eile ina n-úsáidtear teicneolaíocht diúracán balaistíoch, tástálacha núicléacha, ná aon bhriogadh eile a dhéanamh; go bhfuil sí leis na gníomhaíochtaí uile a bhaineann lena clár diúracán balaistíoch a chur ar fionraí láithreach agus sa chomhthéacs sin na gealltanais a thug sí cheana féin maidir le moratorium ar gach lainseáil diúracán a athbhunú; go bhfuil sí le gach arm núicléach agus gach clár núicléach atá ann cheana a thréigean láithreach ar bhealach iomlán, infhíoraithe agus dochúlaithe, agus go bhfuil sí le scor láithreach de na gníomhaíochtaí gaolmhara go léir; agus go bhfuil sí le haon airm ollscriosta eile atá ann cheana agus aon chláir diúracán balaistíoch atá ann cheana a thréigean ar bhealach iomlán, infhíoraithe agus dochúlaithe. |
|
(4) |
An 24 Márta 2022, lainseáil DPDC diúracán balaistíoch idir-ilchríochach. Lainseáil DPDC diúracáin 12 uair ar a laghad idir an 5 Eanáir agus an 24 Márta 2022. |
|
(5) |
An 25 Márta 2022, d’eisigh Ardionadaí an Aontais do Ghnóthaí Eachtracha agus don Bheartas Slándála (“an tArdionadaí”) dearbhú thar ceann an Aontais inar cáineadh lainseáil diúracán balaistíoch idir-ilchríochach a rinne DPDC an 24 Márta 2022, ar sárú é ar iliomad Rún ó Chomhairle Slándála na Náisiún Aontaithe agus atá ina bhagairt thromchúiseach ar shíocháin agus ar shlándáil idirnáisiúnta agus réigiúnach. Leis an dearbhú sin, iarradh ar DPDC freisin staonadh ó aon ghníomhaíocht eile a d‘fhéadfadh teannas idirnáisiúnta nó réigiúnach a mhéadú agus iarradh ar DPDC na rúin ábhartha ó Chomhairle Slándála na Náisiún Aontaithe a chomhlíonadh trína airm núicléacha, airm eile ollscriosta, cláir diúracán balaistíoch agus cláir núicléacha atá ann cheana a thréigean, ar bhealach iomlán, infhíoraithe agus dochúlaithe, agus scor láithreach de na gníomhaíochtaí uile lena mbaineann. Dhearbhaigh an tArdionadaí freisin go bhfuil an tAontas réidh chun aon ghníomhaíocht a chur chun feidhme agus a chomhlánú, más gá, a d’fhéadfadh Comhairle Slándála na Náisiún Aontaithe a dhéanamh mar fhreagairt ar lainseáil diúracán balaistíoch idir-ilchríochach an 24 Márta 2022. |
|
(6) |
I bhfianaise na ngníomhaíochtaí leanúnacha a dhéanann DPDC a bhaineann le diúracán balaistíoch lena sáraítear agus lena dtugtar neamhaird neamhnáireach do UNSCRanna ábhartha, ba cheart ochtar daoine aonair agus ceithre eintiteas a chur ar liostaí na ndaoine nádúrtha agus dlítheanacha, na n-eintiteas agus na gcomhlachtaí atá faoi réir bearta sriantacha in Iarscríbhinn II agus Iarscríbhinn III a ghabhann le Cinneadh (CBES) 2016/849. |
|
(7) |
Ba cheart, dá bhrí sin, Iarscríbhinn II agus Iarscríbhinn III a ghabhann le Cinneadh (CBES) 2016/849 a leasú dá réir, |
TAR ÉIS AN CINNEADH SEO A GHLACADH:
Airteagal 1
Leasaítear leis seo, Iarscríbhinn II agus Iarscríbhinn III a ghabhann le Cinneadh (CBES) 2016/849 mar a leagtar amach iad san Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 21 Aibreán 2022.
Thar ceann na Comhairle
An tUachtarán
J.-Y. LE DRIAN
(1) Cinneadh (CBES) 2016/849 ón gComhairle an 27 Bealtaine 2016 a bhaineann le bearta sriantacha i gcoinne Dhaon-Phoblacht Dhaonlathach na Cóiré agus lena n-aisghairtear Cinneadh 2013/183/CBES (IO L 141, 28.5.2016, lch. 79).
IARSCRÍBHINN
Leasaítear Iarscríbhinn II agus Iarscríbhinn III a ghabhann le Cinneadh (CBES) 2016/849 mar a leanas:
|
(1) |
in Iarscríbhinn II, faoin gceannteideal “I. Daoine agus eintitis atá freagrach as cláir DPDC a bhaineann le hairm núicléacha, le diúracáin bhalaistíocha nó le hairm ollscriosta eile, nó daoine nó eintitis atá ag gníomhú thar a gceann nó faoina stiúir, nó eintitis atá faoi úinéireacht nó faoi rialú acu”, fo-cheannteideal “A. Daoine”, cuirtear isteach na hiontrálacha seo a leanas:
|
|
(2) |
in Iarscríbhinn III, faoin gceannteideal “Liosta na ndaoine dá dtagraítear i bpointe (c) d’Airteagal 23(1) agus pointe (c) d’Airteagal 27(1)”, fo-cheannteideal “A. Daoine”, cuirtear na hiontrálacha seo a leanas isteach:
|
|
(3) |
in Iarscríbhinn III, faoin gceannteideal “Liosta na ndaoine dá dtagraítear i bpointe (c) d’Airteagal 23(1) agus pointe (c) d’Airteagal 27(1)”, fo-cheannteideal “B. Eintitis”, cuirtear na hiontrálacha seo a leanas isteach:
|