<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-06-202506T125202300960-00-TRA-DOC-GA-ARRET-T-0096-23-202505156-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="ga-IE" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="1" name="EP_Mention"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="4/07/2025 16:41:43" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="Publication intégrale au Rec ou RecFP, mention Rec" name="Mention"/>
    <meta content="ga" name="Gendoc_LangCode"/>
    <meta content="ARR" name="TypeDoc"/>
    <meta content="True" name="Document_de_travail"/>
    <meta content="oCQ/mFSjXtqUCdbIiIpX/6QOV8hDAYThAcP+usSAhZXDGSeUonwmTTzIyB5Sdk1cIaUzderW73HMTg8dnBWkeA9LAAo2glPIbppJttEiUv68NOXubbPoVVwBPrqgFepSXFf18kOOvGo2GmFTdA9rIxWJVN5bxxxugyqnNmakTZg=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="" name="Gendoc_GendocTemplateSubType"/>
    <meta content="OK" name="ReadyToPublish"/>
    <meta content="brophdi" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="e8a98f60-470a-45f6-9a92-b74cd1512300" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0096" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="brophdi" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_green" name="Gendoc_LastVerificationStatus"/>
    <meta content="ARR_T" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 17-06-25 22:03:36" name="Created"/>
    <meta content="" name="Canevas3_Vademecum"/>
    <meta content="2025-06-30T13:55:34Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="Normal" name="Version"/>
    <meta content="T" name="Juridiction"/>
    <meta content="f07269c3a10f4930933f292f92266e23" name="DocumentIdentifier"/>
    <meta content="0096" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="true" name="TOC_Vademecum"/>
    <meta content="RD" name="NatureAff"/>
    <meta content="RD" name="Gendoc_CaseNature"/>
    <meta content="0001" name="NumSuite"/>
    <meta content="T" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Breithiúnas an 25. 6. 2025 – Cás T-96/23</div>
      <div id="rId21" style="default">Uniper Global Commodities v ACER</div>
    </div>
    <p class="C19Centre" id="para-1" title="page-1">
      BREITHIÚNAS NA CÚIRTE GINEARÁLTA (an Tríú Dlísheomra Méadaithe)
    </p>
    <p class="C19Centre" id="para-2" title="page-1">
      25 Meitheamh 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      (Fuinneamh – Margadh inmheánach leictreachais – Rialachán (AE) 2017/2195 – Cinneadh ó ACER lena leasaítear an mhodheolaíocht chun praghas an fhuinnimh don chothromú a shocrú – Teorainn shealadach ar phraghas a fhorchur – Caingean arna tabhairt i gcoinne Bhord Achomhairc ACER – Coinníollacha agus socruithe mionsonraithe chun caingean a thabhairt – Airteagal 28(1) agus Airteagal 29 de Rialachán (AE) 2019/942 – Do-ghlacthacht mar gheall ar easpa seasaimh os comhair Bhoird Achomhairc – Pléadáil neamhdhleathachta – Comhionannas faoin dlí agus cosaint bhreithiúnach éifeachtach – Easpa cúram díreach – Tréithe nó staideanna fíorasacha nár ardaíodh – Teorainn ama chun caingean a thabhairt – Easpa earráid inleithscéil)
    </p>
    <p class="C02AlineaAltA" id="para-4" title="page-1">
      I gCás T-96/23,
    </p>
    <p class="C02AlineaAltA" id="para-5" title="page-1">
      Uniper Global Commodities SE, a bunaíodh in Düsseldorf (an Ghearmáin), dá ndéanann T. Richter, M. Schellberg, C. Sieberg agus Schleifenbaum, dlíodóirí, ionadaíocht,
    </p>
    <p class="C72Alineadroite" id="para-6" title="page-1">
      iarratasóir,
    </p>
    <p class="C19Centre" id="para-7" title="page-1">
      v
    </p>
    <p class="C02AlineaAltA" id="para-8" title="page-1">
      Gníomhaireacht an Aontais Eorpaigh um Chomhar idir Rialálaithe Fuinnimh (ACER), dá ndéanann P. Martinet, E. Tremmel agus G. Bertrand ionadaíocht, i gcáil Gníomhairí, le cúnamh ó R. van der Hout, J. Wiemer agus C. Wagner, dlíodóirí,
    </p>
    <p class="C72Alineadroite" id="para-9" title="page-1">
      cosantóir,
    </p>
    <p class="C19Centre" id="para-10" title="page-1">
      tugann AN CHÚIRT GHINEARÁLTA (an Tríú Dlísheomra Méadaithe),
    </p>
    <p class="C02AlineaAltA" id="para-11" title="page-1">
      agus í comhdhéanta mar seo a leanas: M. van der Woude, Uachtarán, P. Škvařilová-Pelzl (Rapóirtéir), I. Nõmm, G. Steinfatt agus D. Kukovec, Breithiúna,
    </p>
    <p class="C02AlineaAltA" id="para-12" title="page-1">
      Cláraitheoir: P. Cullen, Riarthóir,
    </p>
    <p class="C02AlineaAltA" id="para-13" title="page-1">
      ag féachaint don chuid i scríbhinn den nós imeachta,
    </p>
    <p class="C02AlineaAltA" id="para-14" title="page-1">
      tar éis éisteacht an 9 Meán Fómhair 2024,
    </p>
    <p class="C02AlineaAltA" id="para-15" title="page-1">
      an Breithiúnas seo a leanas:
    </p>
    <p class="C75Debutdesmotifs" id="para-16" title="page-1">
      Breithiúnas
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Lena chaingean de bhun Airteagal 263 CFAE, iarrann an t-iarratasóir, Uniper Global Commodities SE, go príomha, go gcuirfear ar neamhní Cinneadh A-003-2022 ó Bhord Achomhairc Ghníomhaireacht an Aontais Eorpaigh um Chomhar idir Rialálaithe Fuinnimh (ACER) an 9 Nollaig 2022 (‘an cinneadh atá faoi chonspóid’) lena ndiúltaítear, mar a bheith do-ghlactha, an t-achomharc a thug sé i gcoinne Chinneadh Uimh. 03/2022 ó ACER an 25 Feabhra 2022, maidir leis an leasú ar shocrú praghais an fhuinnimh don chothromú agus an acmhainneacht idir criosanna a úsáidtear chun fuinneamh don chothromú a mhalartú nó le haghaidh chur i bhfeidhm an phróisis comhardaithe míchothromaíochtaí (‘an cinneadh tosaigh’), a mhéid a shocraigh ACER, ar feadh tréimhse 48 mí ón 1 Iúil 2022, teorainn leis an bpraghas ag a bhféadfadh soláthraithe an fhuinnimh don chothromú, amhail é féin, an fuinneamh sin a mhalartú ar na hardáin Eorpacha PICASSO agus MARI agus, mar mhalairt air sin, an cinneadh tosaigh a chur ar neamhní.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Cúlra na díospóide</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Lena chinneadh Uimh. 01/2020 an 24 Eanáir 2020, ghlac ACER, ar thogra ó na hoibreoirí córas tarchurtha (‘na OCTanna’) modheolaíocht chun praghas an fhuinnimh don chothromú agus an acmhainneacht a shocrú le haghaidh na gcriosanna a úsáideadh chun an fuinneamh don chothromú nó chun an próiseas comhardaithe míchothomraíochtaí a mhalartú (‘an mhodheolaíocht atá faoi chonspóid’), lenar foráladh inter alia nár cheart do phraghas soláthair an fhuinnimh don chothromú a bheith níos airde ná níos ísle ná praghas teicniúil de thart ar EUR 99 999 in aghaidh na meigeavatuaire (MWh).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">An 2 Meitheamh 2021, rinne an Líonra Eorpach d’Oibreoirí Córais Tarchurtha Leictreachais (‘ENTSO-E’), ar son na OCTanna ar fad, togra le haghaidh leasú ar an modheolaíocht atá faoi chonspóid chun teorainn ar phraghas de thart ar EUR 15 000 MWh a chur in ionad na teorann teicniúla ar phraghas a bhí ann (‘togra na OCTanna’). Bhí nóta míniúcháin an 28 Bealtaine 2021 ag gabháil leis an togra sin. I gcomhthéacs an chomhairliúcháin margaidh a sheol ENTSO-E, chuir an t-iarratasóir tuairim dhiúltach maidir leis an togra sin faoina bhráid an 20 Iúil 2021.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Ós rud é gur chuir ENTSO-E togra na OCTanna ar aghaidh chuige lena fhormheas, sheol ACER, an 13 Deireadh Fómhair 2021, comhairliúchán poiblí ar a shuíomh gréasáin agus d’iarr sé ar ghníomhairí an mhargaidh ar suim leo a mbarúlacha faoin togra sin a chur in iúl faoin 10 Samhain 2021. Sa chomhthéacs sin, d’ardaigh sé go háirithe an cheist ar cheart teorainn shealadach ar an bpraghas a fhormheas le linn na céime inar seoladh na hardáin Eorpacha um malartú fuinnimh don chothromú PICASSO agus MARI. Ghlac an t-iarratasóir páirt sa chomhairliúchán poiblí sin, trí bharúlacha a chur isteach, an 10 Samhain 2021, faoi na ceisteanna a d’ardaigh ACER.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Ón 22 Samhain go dtí an 6 Nollaig 2021, chuir ACER leagan, arna leasú aige féin, de thogra na OCTanna a bhí curtha ar aghaidh chucu aige, agus cúiseanna leis na leasuithe i gceangal leis, faoi bhráid na OCTanna, ENTSO-E agus údaráis rialála na mBallstát (‘ÚRNanna’) i gcomhair comhairliúcháin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Trí chinneadh tosaigh, a glacadh an 25 Feabhra 2022 a foilsíodh ar a shuíomh gréasáin an 28 Feabhra 2022, dhiúltaigh ACER do thogra na OCTanna, ar an bhforas nár chomhlíon sé coinníollacha Airteagal 30(2) de Rialachán (AE) 2017/2195 ón gCoimisiún an 23 Samhain 2017 lena mbunaítear treoirlíne maidir le cothromú leictreachais (IO 2017 L 312, lch. 6), agus d’ordaigh sé an teorainn theicniúil ar phraghas de mhéid thart ar EUR 99 999/MWh a choimeád. Mar sin féin, in Iarscríbhinn I leis an gcinneadh tosaigh, rinne ACER leasú ar an modheolaíocht atá faoi chonspóid trí theorainn shealadach ar phraghas de mhéid thart ar EUR 15 000/MWh a fhorchur a bhfuil feidhm aici go heisiach maidir le malartú fuinnimh don chothromú ar na hardáin Eorpacha PICASSO agus MARI, ar feadh thréimhse 48 mí ón 1 Iúil 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">An 28 Aibreán 2022, thionscain an t-iarratasóir achomharc i gcoinne an chinnidh tosaigh os comhair Bhord Achomhairc ACER (‘an Bord Achomhairc’).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Leis an gcinneadh atá faoi chonspóid, dhiúltaigh an Bord Achomhairc d’achomharc an iarratasóra i gcoinne an chinnidh tosaigh toisc é a bheith do-ghlactha, ar an bhforas nach raibh seasamh ag an iarratasóir chun achomharc den sórt sin a dhéanamh de bhun Airteagal 28(1) de Rialachán (AE) 2019/942 ó Pharlaimint na hEorpa agus ón gComhairle an 5 Meitheamh 2019 lena mbunaítear Gníomhaireacht an Aontais Eorpaigh um Chomhar idir Rialálaithe Fuinnimh (IO 2019 L 158, lch. 22) nár díríodh an cinneadh sin air agus nach raibh an cinneadh sin dá chúram go leithleach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An t-ordú atá á lorg ag na páirtithe</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Iarrann an t-iarratasóir ar an gCúirt Ghinearálta:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">go príomha, an cinneadh atá faoi chonspóid a chur ar neamhní;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">mar mhalairt air sin, an cinneadh tosaigh a chur ar neamhní;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">a ordú do ACER na costais a íoc.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Iarrann ACER, go bunúsach, ar an gCúirt Ghinearálta:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an chaingean a dhíbhe;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">a ordú don iarratasóir na costais a íoc.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dlí</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An príomhéileamh, an cinneadh atá faoi chonspóid a chur ar neamhní</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Mar thaca leis an bpríomhéileamh chun an cinneadh atá faoi chonspóid a chur ar neamhní, ardaíonn an t-iarratasóir dhá shaincheist dlí, lena n-éilítear, sa chéad cheann, sárú ar an gcoinníoll maidir le cur i bhfeidhm Airteagal 28(1) de Rialachán 2019/942 a bhaineann le cúram díreach an iarratasóra, sa dara ceann, go bunúsach, léiriú ar Airteagal 28(1) de Rialachán 2019/942 nach n-áirithíonn éifeachtacht an nós imeachta os comhair an Bhoird Achomhairc agus comhréireacht na forála sin le prionsabal na cosanta breithiúnaí éifeachtaí, a leagtar síos in Airteagal 47 den Chairt um Chearta Bunúsacha an Aontais Eorpaigh (‘an Chairt’) agus le prionsabal an chomhionannais faoin dlí, arna ráthú le hAirteagal 20 den Chairt, a mhéid a dhiúltaigh an Bord Achomhairc a chinneadh go raibh seasamh aige chun achomharc a dhéanamh i gcoinne gníomh rialála a bhí dá chúram go díreach agus nach raibh bearta cur chun feidhme ag gabháil leis.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Iarrann ACER go ndiúltófar don phríomhéileamh toisc é a bheith gan bhunús.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Is iomchuí tosú trí scrúdú a dhéanamh ar an dara saincheist dlí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dara saincheist dlí, lena n-éilítear go ndearnadh léiriú ar Airteagal 28(1) de Rialachán 2019/942 nach n-áirithítear leis éifeachtacht an nós imeachta os comhair an Bhoird Achomhairc agus comhréireacht na forála sin le prionsabal na cosanta breithiúnaí éifeachtaí, mar a leagtar amach in Airteagal 47 den Chairt agus le prionsabal an chomhionannais faoin dlí, arna ráthú le hAirteagal 20 den Chairt</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Measann an t-iarratasóir, gur sháraigh an Bord Achomhairc an ceathrú mír d’Airteagal 263 CFAE sa chinneadh atá faoi chonspóid trína mheas nach raibh an seasamh is gá aige chun achomharc a dhéanamh os a chomhair, cé go raibh an cinneadh tosaigh ina ghníomh rialála a bhí dá chúram go díreach agus nach raibh aon bhearta cur chun feidhme i gceist.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Áitíonn an t-iarratasóir gur chinn an Bord Achomhairc, sa chinneadh atá faoi chonspóid, agus an ceart aige, i bhfianaise an chásdlí, gurbh ionann an cinneadh tosaigh agus gníomh rialála atá dá chúram go díreach agus nach raibh aon bhearta cur chun feidhme i gceist leis agus, dá réir sin, gurbh fhéidir agóid a dhéanamh ina choinne os comhair chúirteanna an Aontais Eorpaigh, de réir bhrí an cheathrú mír d’Airteagal 263 CFAE. Áitíonn sé nár chuir ACER ina choinne ach an oiread i gcomhthéacs na n-imeachtaí seo.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Mar sin féin, dar leis an iarratasóir, mheas an Bord Achomhairc go mícheart, sa chinneadh atá faoi chonspóid, nach raibh an seasamh aige chun achomharc a dhéanamh os a chomhair i gcoinne an chinnidh tosaigh, i bhfianaise Airteagal 28(1) de Rialachán 2019/942. Dar leis go mbeadh sé indéanta agus gur gá an fhoráil sin a léiriú sa chaoi go mbronntar an seasamh i gcoinne an chinnidh sin, mar ghníomh rialála atá dá chúram go díreach agus nach bhfuil bearta cur chun feidhme ag gabháil leis agus, dá réir sin ar gníomh é ar féidir agóid a dhéanamh ina choinne os comhair chúirteanna an Aontais de réir bhrí an cheathrú mír d’Airteagal 263 CFAE. Dá ndéanfaí aon léiriú eile ar Airteagal 28(1) de Rialachán 2019/942, chuirfí isteach ar éifeachtacht an nós imeachta os comhair an Bhoird Achomhairc agus ní fhéadfaí a áirithiú go bhfuil an fhoráil sin i gcomhréir le prionsabal na cosanta breithiúnaí éifeachtaí arna leagan amach in Airteagal 47 den Chairt agus le prionsabal an chomhionannais faoin dlí, arna ráthú le hAirteagal 20 den Chairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Ar an gcéad dul síos, tá éifeachtacht an nós imeachta os comhair an Bhoird Achomhairc, a beartaíodh mar shásra simplithe féinmhonatóireachta riaracháin iomlán, ar mhaithe le dea-riarachán agus ualach a bhaint de chúirteanna an Aontais, ag brath ar é a bheith oscailte do roinnt páirtithe leasmhara agus a ndéanann na cinntí rialála margaidh arna nglacadh ag ACER fíordhochar dóibh, amhail an teorainn shealadach ar phraghas arna socrú leis an gcinneadh tosaigh. De réir an chásdlí, ba cheart forálacha dhlí an Aontais a léiriú ar bhealach lena gcaomhnaítear a n-éifeachtacht. Sa chás seo, bheadh sé d’iarmhairt ar léiriú docht ar an gceart chun achomharc a dhéanamh os comhair an Bhoird Achomhairc go ndéánfaí ACER a shaoradh ó aon fhéinmhonatóireacht i bhfeidhmiú a gcúraimí bunúsacha, agus atá ag éirí níos líonmhaire agus níos tábhachtachtaí de réir a chéile, maidir le rialáil a dhéanamh ar an margadh a chuirtear de chúram air. Dá bhféadfadh daoine nádúrtha nó dlítheanacha imeachtaí a thionscnamh i gcoinne chinntí ACER go díreach os comhair na Cúirte Ginearálta, i gcás inar gníomhartha rialála iad sin nach ngabhann bearta cur chun feidhme leo agus atá dá gcúram go díreach, chuirfeadh sé sin isteach ar éifeachtacht an tsásra shimplithe féinmhonatóireachta riaracháin iomláin dá bhforáiltear le hAirteagal 28(1) de Rialachán 2019/942, agus tá riosca an go mbeadh coinbhleachtaí idir imeachtaí comhuaineacha os comhair na n-údarás éagsúil (eadhon an Bord Achomhairc agus an Chúirt Ghinearálta), lena mbaineann leibhéil dhifriúla athbhreithnithe (eadhon athbhreithniú iomlán agus athbhreithniú srianta).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Ar an dara dul síos, dar leis nach bhféadfadh ach oscailt an athbhreithnithe os comhair an Bhoird Achomhairc easnamh sa chosaint bhreithiúnach éifeachtach a sheachaint, a bheadh contrártha do dhlí príomha an Aontais agus a raibh Conradh Liospóin ceaptha a leigheas. De réir an iarratasóra, más amhlaidh, i bhfianaise aithris 34 de Rialachán 2019/942 agus an chásdlí, gurb ionann ídiú an nós imeachta achomhairc dá dtagraítear in Airteagal 28(1) den Rialachán sin agus réamhchéim sár-riachtanach sula dtionscnaítear caingean os comhair chúirteanna an Aontais, leis an eapsa féidearthachta do dhaoine nádúrtha nó dlítheanacha san fhoráil sin, gníomhartha rialála ó ACER nach bhfuil bearta cur chun feidhme ag gabháil leo a chur faoi bhráid an Bhoird Achomhairc, ar gníomhartha iad atá de chúram go díreach, ach ní go leithleach, baintear a gceart chun caingean a thionscnamh os comhair na Cúirte Ginearálta de bhun an cheathrú mír d’Airteagal 263 CFAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">De réir na litríochta dlí agus an chásdlí, ní fhéadfadh socruithe mionsonraithe na n-achomharc inmheánach i gcomhlachtaí, oifigí nó gníomhaireachtaí an Aontais arna mbunú leis an gcúigiú mír d’Airteagal 263 CFAE dlínse bhreithiúnach na Cúirte Ginearálta a thabhairt faoi cheist. Le socruithe den sórt sin, shárofaí prionsabal na cosanta breithiúnaí éifeachtaí, arna leagan amach in Airteagal 47 den Chairt lena n-éilítear, de réir an chásdlí, cosaint bhreithiúnach éifeachtach i gcoinne gach gnímh d’institiúidí, comhlachtaí, oifigí agus gníomhaireachtaí an Aontais. Thairis sin, dá measfaí nach mór do na daoine nádúrtha nó dlítheanacha imeachtaí a thionscnamh i gcoinne chinntí ACER go díreach os comhair na Cúirte Ginearálta i gcás ina bhfuil sé i gceist acu agóid a dhéanamh i gcoinne gníomhartha rialála nach bhfuil bearta cur chun feidhme ag gabháil leo agus atá dá gcúram go díreach, de réir bhrí an cheathrú mír d’Airteagal 263 CFAE, ní bheadh sé sin i gcomhréir le toil reachtas an Aontais tús áite a thabhairt do shásra achomhairc chuig ‘comhlacht achomhairc’, laistigh de ghníomhaireachtaí an Aontais, ionas gur féidir athbhreithniú iomlán a dhéanamh ar an measúnú casta ó thaobh cúrsaí teicniúla nó eolaíochta de, ós rud é gur athbhreithniú srianta é an t-athbhreithniú arna dhéanamh ag cúirteanna an Aontais, ina dhiaidh sin, de réir an chásdlí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Ní bheadh sé sin i gcomhréir le prionsabal an chomhionannais faoin dlí ach an oiread, mar a ráthaítear in Airteagal 20 den Chairt agus mar a chuirtear i bhfeidhm sa chásdlí, a mhéid a chaitear leis na daoine nádúrtha nó dlítheanacha is mó a ndéanann cinntí ACER dochar dóibh, gan údar cuí, ar bhealach nach bhfuil chomh fabhrach le daoine eile i ndáil lena seasamh, mar is amhlaidh sa chás seo i ndáil le soláthraithe fuinnimh don chothromú i gcomparáid leis na OCTanna. I bhfianaise an lín theoranta cinntí aonair arna nglacadh ag ACER a bhfuil raon feidhme rialála acu agus na féidearthachta iad a láimhseáil le chéile nó imeachtaí comhuaineacha éagsúla a láimhseáil, níl an Bord Achomharc i mbaol ualach oibre iomarcach agus d’fhéadfadh sé an misean atá leagtha ag reachtas an Aontais air a chomhlíonadh, eadhon, ualach a bhaint de chúirteanna an Aontais agus athbhreithniú iomlán a dhéanamh ar chinntí ACER.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Dar leis an iarratasóir, níor cheart don Bhord Achomhairc, sa chinneadh atá faoi chonspóid, brath ar fhoclaíocht Airteagal 28(1) de Rialachán 2019/942 amháin. Is léir ón gcásdlí, go bhféadfadh téarmaí forála dlí tánaistí a léiriú, agus gur cheart iad a léiriú go leathan, ag dul níos faide fiú ná fuarlitir na forála sin, más rud é, mar is amhlaidh sa chás seo, gur gá sin ar mhaithe leis a bheith i gcomhréir leis an dlí príomha. Bheadh sé contrártha don dlí príomha léiriú ar sheasamh daoine nádúrtha nó dlítheanach i gcomhthéacs Airteagal 28(1) de Rialachán 2019/942 a ghlacadh a bheadh níos srianta ná an léiriú i gcomhthéacs an cheathrú mír d’Airteagal 263 CFAE, a eascraíonn ó Chonradh Liospóin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Déanann ACER argóintí na n-iarratasóirí a chonspóid agus áitíonn sé, go bunúsach gur cheart an dara saincheist dlí a dhiúltú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Mar réamhphointe, ní mór a thabhairt faoi deara gur admhaigh cúirteanna an Aontais cheana go bhféadfaí gur leor substaint na saincheisteanna a ardú, seachas a n-aicmiú dlíthiúil, ar choinníoll go bhfuil na saincheisteanna sin sách soiléir ón iarratas (féach breithiúnais an 23 Meán Fómhair 2004, an Iodáil v an Coimisiún, C-297/02, nár foilsíodh, EU:C:2004:550, mír 57 agus an cásdlí dá dtagraítear, agus an 24 Meán Fómhair 2015, an Iodáil agus an Spáinn v an Coimisiún, T-124/13 agus T-191/13, EU:T:2015:690, mír 33 agus an cásdlí dá dtagraítear; breithiúnas an 19 Eanáir 2017, an Coimisiún v Frieberger agus Vallin, T-232/16 P, nár foilsíodh, EU:T:2017:15, mír 33).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Thairis sin, i gcomhréir leis an gcásdlí, is féidir a mheas go n-ardaítear pléadáil neamhdhleathachta go hintuigthe, a mhéid atá sé sin sách soiléir ón iarratas go ndéanann an t-iarratasóir pléadáil den sórt sin (féach, chuige sin, breithiúnais an 6 Meitheamh 1996, Baiwir v an Coimisiún, T-262/94, EU:T:1996:75, mír 37; an 27 Samhain 2018, Mouvement pour une Europe des nations et des libertés v an Pharlaimint, T-829/16, EU:T:2018:840, mír 66, agus an 21 Nollaig 2022, Falke v an Coimisiún, T-306/21, EU:T:2022:834, mír 30).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Is léir ó ábhar an dara saincheist dlí, arna leagan amach i míreanna 138 go 151 agus 159 den iarratas agus i míreanna 56 go 60 den fhreagra, go n-áitíonn an t-iarratasóir, go bunúsach, chun bheith i gcomhréir le prionsabal na cosanta breithiúnaí éifeachtaí agus le hAirteagal 47 den Chairt, arna chur chun feidhme ag an gceathrú mír d’Airteagal 263 CFAE, lena mbronntar locus standi air chun cás a thabhairt os comhair chúirteanna an Aontais chun aon ghníomh a chur ar neamhní, amhail an cinneadh tosaigh, ar gníomh rialála é atá dá chúram go díreach agus nach bhfuil bearta cur chun feidhme ag gabháil leis, mar aon le prionsabal an chomhionannais faoin dlí a chumhdaítear le hAirteagal 20 den Chairt, gur cheart don Bhord Achomhairc Airteagal 28(1) de Rialachán 2019/942 a léiriú sa chaoi go bhféadfaí achomharc a thabhairt os a chomhair i gcoinne an chinnidh sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Ní mór an réasúnaíocht a luaitear i mír 25 thuas a thuiscint sa chaoi go gcuimsítear agóid dhúbailte, go bunúsach, go ndearna an Bord Achomhairc léiriú ar Airteagal 28(1) de Rialachán 2019/942, sa chinneadh atá faoi chonspóid, nach bhfuil i gcomhréir leis an bprionsabal maidir le cosaint bhreithiúnach éifeachtach agus le hAirteagal 47 den Chairt, arna chur i bhfeidhm leis an gceathrú mír d’Airteagal 263 CFAE, sa leagan a eascraíonn ó Chonradh Liospóin, agus le prionsabal an chomhionannais faoin dlí a leagtar síos le hAirteagal 20 den Chairt (an chéad agóid) nó pléadáil neamhdhleathachta intuigthe maidir le hAirteagal 28(1) de Rialachán 2019/942 as neamhchomhlíonadh na bprionsabal agus na n-Airteagal sin den Chairt (an dara hagóid).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Mar fhreagra ar bheart eagrúcháin nós imeachta arna ghlacadh ar bhonn Airteagail 89 agus 90 de Rialacha Nós Imeachta na Cúirte Ginearálta, deimhníonn an t-iarratasóir go bhfuil pléadáil neamhdhleathachta intuigthe in Airteagal 28(1) de Rialachán 2019/942.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">A mhéid a d’áitigh ACER gur ardaíodh an phléadáil neamhdhleathachta maidir le hAirteagal 28(1) de Rialachán 2019/942 go déanach, i bhfreagra an iarratasóra ar bheart eagrúcháin nós imeachta a chuir an Chúirt Ghinearálta chuige, agus gur cheart, bunaithe ar agus i gcomhréir leis an gcásdlí a eascraíonn ó mhír 23 de bhreithiúnas an 15 Bealtaine 2008, an Spáinn v an Chomhairle (C-442/04, EU:C:2008:276), míreanna 38 agus 39 de bhreithiúnas an 26 Meitheamh 2008, Alferink agus páirtithe eile v an Coimisiún (T-94/98, EU:T:2008:226), agus míreanna 64 go 66 de bhreithiúnas an 24 Meán Fómhair 2008, Reliance Industries v an Chomhairle agus an Coimisiún (T-45/06, EU:T:2008:398), a dhiúltú toisc iad a bheith do-ghlactha, ní mór a thabhairt faoi deara go bhfuil an dá agóid dá dtagraítear i mír 26 thuas sách soiléir ó mhíreanna 138 go 151 den iarratas. Dá réir sin, ní mór an agóid arna hardú ag ACER a chur ar leataobh agus substaint an dá agóid sin a scrúdú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Mar réamhphointe, ní mór a thabhairt faoi deara, mar a admhaíonn na páirtithe ina n-aighneachtaí i scríbhinn agus an Bord Achomhairc i míreanna 42 agus 52 den chinneadh atá faoi chonspóid, is gníomh rialála é an cinneadh tosaigh, cé gur glacadh é i bhfoirm cinneadh a díríodh ar bhonn aonair ar OCTanna an réigiúin lena n-áirítear an Bheilg, Poblacht na Seice, an Ghearmáin, an Fhrainc, an Chróit, Lucsamburg, an Ungáir, an Ísiltír, an Ostair, an Pholainn, an Rómáin, an tSlóivéin agus an tSlóvaic (‘réigiún CORE’), atá de chúram an iarratasóra go díreach agus nach bhfuil bearta cur chun feidhme ag gabháil leis, de réir bhrí an tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin ionas go dtagann an t-iarratasóir, i bhfianaise an chinnidh sin, faoin gcatagóir daoine nádúrtha nó dlítheanacha lena mbaineann an tríú cás dá bhforáiltear leis an gceathrú mír d’Airteagal 263 CFAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">É sin ráite, ní mór a fhíorú, mar a áitíonn an t-iarratasóir i gcomhthéacs na chéad agóide, ar cheart don Bhord Achomhairc Airteagal 28(1) de Rialachán 2019/942 a léiriú sa chaoi go mbronntar seasamh air chun achomharc a dhéanamh os a chomhair i gcoinne an chinnidh tosaigh, ar mhaithe lena áirithiú go gcomhlíonann an fhoráil sin prionsabal na cosanta breithiúnaí éifeachtaí agus Airteagal 47 den Chairt, arna cur chun feidhme ag an gceathrú mír d’Airteagal 263 CFAE, sa leagan a eascraíonn ó Chonradh Liospóin agus prionsabal an chomhionannais faoin dlí a chumhdaítear in Airteagal 20 den Chairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">De réir an chásdlí, ní fhéadfaidh sé a bheith de thoradh ar léiriú ar fhoráil de dhlí an Aontais go mbainfear gach éifeacht phraiticiúil d’fhoclaíocht shoiléir agus bheacht na forála sin. Dá réir sin, i gcás inar léir brí na forála sin gan débhrí ó fhoclaíocht na forála sin féin, ní fhéadfaidh cúirteanna an Aontais imeacht ón léiriú sin (féach breithiúnas an 23 Samhain 2023, Ministarstvo financija, C-682/22, EU:C:2023:920, mír 31 agus an cásdlí dá dtagraítear). De réir cásdlí socair, is gá, chun foráil de dhlí an Aontais a léiriú, mura leagtar amach go sainráite brí na forála sin ina foclaíocht, an comhthéacs agus na cuspóirí arna saothrú ag an reachtaíocht a bhfuil sí mar chuid di a chur san áireamh (féach breithiúnas an 21 Eanáir 2021, Whiteland Import Export (C-308/19, EU:C:2021:47, míreanna 34 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">De réir théarmaí Airteagal 28(1) de Rialachán 2019/942, maidir le ‘cinntí [ACER] atá faoi réir achomhairc’, ‘féadfaidh aon duine nádúrtha nó dlítheanach, lena n-áirítear [ÚRN], achomharc a dhéanamh in aghaidh chinneadh [ACER] dá dtagraítear i bpointe (d) d’Airteagal 2 [den Rialachán sin] agus atá dírithe chuig an duine sin, nó in aghaidh cinneadh a bhaineann go díreach agus go leithleach leis an duine sin’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Sa chás seo, aontaíonn na páirtithe gur cinneadh ACER dá dtagraítear in Airteagal 2(d) de Rialachán 2019/942 é an cinneadh tosaigh, inar thug ACER cinneadh maidir leis na leasuithe ar an modheolaíocht atá faoi chonspóid a mhol na OCTanna i réigiún CORE, i gcomhréir le hAirteagal 5(2)(b) den Rialachán sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Is léir ó fhoclaíocht shoiléir agus bheacht Airteagal 28(1) nach bhféadfaidh an t-iarratasóir, mar dhuine dlítheanach nach bhfuil ina sheolaí den chinneadh tosaigh, atá, i gcomhréir le hAirteagal 2, dírithe ar OCTanna réigiún CORE, achomharc a dhéanamh i gcoinne an chinnidh sin ach amháin má bhaineann an cinneadh leis ní hamháin go díreach, ach go leithleach freisin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Cé nach mór an coinníoll maidir le cúram leithleach a leagtar amach ar an gcaoi sin in Airteagal 28(1) de Rialachán 2019/942 a léiriú i bhfianaise phrionsabail ghinearálta dhlí an Aontais, arna ráthú leis an gCairt, ní féidir a bheith mar thoradh ar léiriú den sórt sin an coinníoll sin a chur ar leataobh, rud dá bhforáiltear go sainráite sa téacs, gan léiriú contra legem a dhéanamh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">I ndáil leis sin, ní mór a thabhairt faoi deara, de réir cásdlí socair, nach féidir léiriú leathan a dhéanamh ach a mhéid atá an léiriú sin i gcomhréir le téacs na forála atá i gceist agus nach féidir fiú an prionsabal go ndéanfar léiriú i gcomhréir le riail cheangailteach níos airde a bheith mar bhunús le léiriú contra legem (féach ordú an 15 Nollaig 2023, Stan v Oifig an Ionchúisitheora Phoiblí Eorpaigh, T-103/23, EU:T:2023:871, mír 30 agus an cásdlí dá dtagraítear; féach freisin, de réir analaí, breithiúnais an 19 Meán Fómhair 2019, Rayonna prokuratura Lom, C-467/18, EU:C:2019:765, mír 61, agus an 5 Deireadh Fómhair 2020, Brown v an Coimisiún, T-18/19, EU:T:2020:465, mír 111).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Dá réir sin, ní mór a thabhairt faoi deara, sa chinneadh atá faoi chonspóid, go raibh bunús cuí ag an mBord Achomhairc gan Airteagal 28(1) de Rialachán 2019/942 a léiriú sa chiall gur údaraigh sé don iarratasóir, mar dhuine dlítheanach de réir bhrí na forála sin, caingean a thionscnamh os a chomhair i gcoinne an chinnidh tosaigh gan a léiriú nach amháin gur bhain an cinneadh sin leis go díreach, ach freisin go leithleach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Dá bhrí sin, ní mór diúltú don chéad agóid toisc í a bheith gan bhunús.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Is gá leanúint leis an scrúdú ar shubstaint an dara hagóid, a fhreagraíonn don phléadáil neamhdhleathachta dá dtagraítear i mír 26 thuas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">I ndáil leis sin, ní mór a thabhairt faoi deara, i gcomhréir le prionsabal ginearálta léirithe, nach mór gníomh an Aontais, a oiread agus is féidir, a léiriú ar bhealach nach dtugann a bhailíocht faoi cheist (breithiúnais an 4 Deireadh Fómhair 2001, an Iodáil v an Coimisiún, C-403/99, EU:C:2001:507, mír 37, agus an 19 Samhain 2009, Sturgeon agus páirtithe eile, C-402/07 agus C-432/07, EU:C:2009:716, mír 47). Mar an gcéanna, i gcás inar féidir foráil de dhlí an Aontais a léiriú ar bhealaí éagsúla, ní mór an léiriú lena gcinntítear a héifeachtacht a roghnú (breithiúnas an 19 Samhain 2009, Sturgeon agus páirtithe eile, C-402/07 agus C-432/07, EU:C:2009:716, mír 47; féach freisin, chuige sin, breithiúnas an 22 Meán Fómhair 1988, Land de Sarre agus páirtithe eile, 187/87, EU:C:1988:439, mír 19 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Sa chás seo, ní mór a thabhairt faoi deara, ina bhfreagraí ar na bearta eagrúcháin nós imeachta a sheol an Chúirt Ghinearálta chucu, gur áitigh ACER, mar aon le Parlaimint na hEorpa, Comhairle an Aontais Eorpaigh agus an Coimisiún Eorpach, go bunúsach, nach raibh Airteagal 28(1) de Rialachán 2019/942 ar neamhréir le prionsabal na cosanta breithiúnaí éifeachtaí ná le hAirteagal 47 den Chairt, arna chur chun feidhme ag an gceathrú mír d’Airteagal 263 CFAE, mar aon le prionsabal an chomhionannais faoin dlí arna chumhdach le hAirteagal 20 den Chairt, toisc nach gcuirtear bac air, i gcásanna amhail an cás seo, go ndéanfaidh daoine nádúrtha nó dlítheanacha nár díríodh gníomh ACER a bhfuil feidhm ghinearálta leis nach ngabhann bearta cur chun feidhme agus ar bhain an gníomh sin leo go díreach, ach ní go leithleach, eadhon catagóir na ndaoine nádúrtha nó dlítheanacha a thagann faoin tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, caingean le haghaidh neamhniú a thionscnamh i gcoinne an ghnímh sin go díreach os comhair na Cúirte Ginearálta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Ós rud é gur gníomh rialála é an cinneadh tosaigh, atá dá chúram go díreach agus nach bhfuil bearta cur chun feidhme ag gabháil leis, de réir bhrí an cheathrú mír d’Airteagal 263 CFAE, sa leagan a eascraíonn as Conradh Liospóin (féach mír 29 thuas), tagann an t-iarratasóir faoi chatagóir na ndaoine nádúrtha nó dlítheanacha a mbaineann an tríú cás dá dtagraítear sa cheathrú mír d’Airteagal 263 CFAE leo a fhéadfaidh, dála an dá chatagóir eile de dhaoine nádúrtha nó dlítheanacha lena mbaineann an chéad agus an dara cás dá dtagraítear sa cheathrú mír d’Airteagal 263 CFAE, eadhon daoine nádúrtha nó dlítheanacha a díríodh an gníomh chucu nó a bhfuil an gníomh sin dá gcúram go díreach agus go leithleach, caingean a thionscnamh i gcoinne an ghnímh sin os comhair chúirteanna an Aontais, sna coinníollacha dá dtagraítear sa chéad mhír agus sa dara mír d’Airteagal 263 CFAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Mar sin féin, foráiltear leis an gcúigiú mír d’Airteagal 263 CFAE go bhféadfar a fhoráil sna gníomhartha lena mbunaítear comhlachtaí, oifigí agus gníomhaireachtaí an Aontais do choinníollacha nó nósanna imeachta sonracha maidir le caingne arna dtabhairt ag daoine nádúrtha nó dlítheanacha i gcoinne ghníomhartha na gcomhlachtaí nó na ngníomhaireachtaí nó na n-oifigí sin atá beartaithe chun éifeachtaí dlíthiúla a bheith acu ina leith.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Ar thogra ón gCoimisiún, rinne reachtas an Aontais foráil, in Airteagail 28 agus 29 de Rialachán 2019/942, arna léamh i bhfianaise aithris 34 den Rialachán sin nach mór do na daoine nádúrtha agus dlítheanacha ar a ndírítear gníomhartha ACER nó a bhfuil na gníomhartha sin dá gcúram go díreach agus go leithleach, ar chúiseanna shimpliú an nós imeachta, an ceart a bheith acu achomharc a dhéanamh os comhair an Bhoird Achomhairc.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Sa chomhthéacs sin agus mar is léir óna bhfreagraí ar na bearta eagrúcháin nós imeachta a sheol an Chúirt Ghinearálta chucu, measann an Pharlaimint, an Chomhairle agus an Coimisiún nach gá a áireamh, i measc na ndaoine nádúrtha nó dlítheanacha a fhéadfaidh, de bhun Airteagal 28(1) de Rialachán 2019/942, achomharc a dhéanamh i gcoinne cinneadh ó ACER dá dtagraítear in Airteagal 2(d) den Rialachán sin, daoine nádúrtha nó dlítheanacha a thagann faoin gcatagóir lena mbaineann an tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, a mhéid, go ginearálta, a ghlac ACER ‘cinntí aonair’ de bhun Airteagal 2(d) den Rialachán sin, arbh fhéidir achomharc a dhéanamh os comhair an Bhoird Achomhairc ina gcoinne. Más rud é gur ghlac ACER, mar is amhlaidh sa chás seo (féach mír 29 thuas), gníomh rialála, bheadh an leigheas dá bhforáiltear sa cheathrú mír d’Airteagal 263 CFAE ar fáil.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">A mhéid a áitíonn an t-iarratasóir, i ndáil leis sin, de bhun Airteagal 29 de Rialachán 2019/942, nach bhféadfadh sé caingean le haghaidh neamhniú i gcoinne an chinnidh tosaigh ar bhonn an tríú cás dá dtagraítear sa cheathrú mír d’Airteagal 263 CFAE, ní mór a thabhairt faoi deara, gur fíor go bhforáiltear le hAirteagal 29 de Rialachán 2019/942 ‘ní fhéadfar caingne maidir le cinneadh arna eisiúint ag ACER de bhun an Rialacháin [sin] a neamhniú [...] a thabhairt os chomhair [Chúirt Bhreithiúnais an Aontais Eorpaigh] ach amháin tar éis don nós imeachta achomhairc [roimh ré] dá dtagraítear in Airteagal 28 [den Rialachán seo] a bheith ídithe’ agus go gcuirtear de cheangal leis an bhforáil sin ar na hiarratasóirí nach bhfuil faoi phribhléid neamhniú na gcinntí arna nglacadh ag an mBord Achomhairc a lorg ón gCúirt Ghinearálta (féach, chuige sin, breithiúnas an 16 Márta 2022, MEKH agus FGSZ v ACER, T-684/19 agus T-704/19, EU:T:2022:138, míreanna 35 go 42).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Mar sin féin, ní mór a thabhairt faoi deara nach mór breithiúnas an 16 Márta 2022, MEKH agus FGSZ v ACER (T-684/19 agus T-704/19, EU:T:2022:138), a léiriú i bhfianaise a chomhthéacs agus, go háirithe, i bhfianaise an fhíorais gur léir go raibh seasamh ag na páirtithe os comhair an Bhoird Achomhairc, ach nach raibh a gcaingean os comhair na Cúirte Ginearálta maidir le dlíthiúlacht chinntí tosaigh ACER i bhfianaise Airteagail 28 agus 29 de Rialachán 2019/942 inghlactha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">I ndáil leis sin, a mhéid, ar na cúiseanna a leagtar amach i mír 45 thuas, nár chuir reachtas an Aontais an chatagóir daoine nádúrtha nó dlítheanacha faoina dtagann an t-iarratasóir faoin nós imeachta achomhairc roimh ré dá dtagraítear in Airteagal 28 de Rialachán 2019/042, ní féidir ídiú an nós imeachta sin a cheanglaítear le hAirteagal 29 den Rialachán sin a léiriú sa chaoi go bhfuil feidhm aige maidir leis an gcatagóir sin. Dá réir sin, ní thagann na daoine nádúrtha nó dlítheanacha a thagann faoin gcatagóir lena mbaineann an tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, faoi raon feidhme an nós imeachta achomhairc éigeantaigh roimh ré a bhunaítear le hAirteagail 28 agus 29 de Rialachán 2019/942 agus nach mór dóibh, murab ionann agus iad siúd a thagann faoin dá chatagóir eile dá dtagraítear in Airteagal 28(1) den Rialachán sin, a gcaingne i gcoinne ghníomhartha ACER lena mbaineann a thabhairt os comhair na Cúirte Ginearálta go díreach, i gcomhréir leis an tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Mar a áitíonn an Pharlaimint, an Chomhairle agus an Coimisiún ina bhfreagraí ar na bearta eagrúcháin nós imeachta, ní féidir Rialachán 2019/942 a léiriú sa chaoi go raibh sé i gceist ag reachtas an Aontais na gníomhartha go léir arna nglacadh ag ACER a chur faoi réir achomhairc ón mBord Achomhairc, ós rud é go bhfuil raon feidhme ábhartha Airteagal 28 den Rialachán sin teoranta do chinntí aonair dá dtagraítear in Airteagal 2(d) den Rialachán sin. Ina theannta sin, lean reachtas an Aontais an cur chuige ‘hibrideach’ sin, agus comhlachtaí achomhairc roinnt gníomhaireachtaí eile á mbunú, mar is léir ó na Rialacháin lena mbunaítear comhlachtaí achomhairc na Gníomhaireachta Eorpaí Ceimiceán (ECHA), an Údaráis Baincéireachta Eorpaigh (ÚBE), an Bhoird Réitigh Aonair (BRA), Ghníomhaireacht Sábháilteachta Eitlíochta an Aontais Eorpaigh (GSEE), an Údaráis Eorpaigh um Urrúis agus Margaí (ESMA) agus an Údaráis Eorpaigh um Árachas agus Pinsin Cheirde (ÚEÁPC). I ndáil leis sin, ní mór a thabhairt faoi deara, ina bhfreagraí ar na bearta eagrúcháin nós imeachta, gur leag an Pharlaimint, an Chomhairle agus an Coimisiún béim air nach raibh an easpa tagarta sonraí, i Rialachán 2019/942 don fhéidearthacht cás a thabhairt os comhair chúirteanna an Aontais i gcás nach gcomhlíontar na coinníollacha inghlacthachta in Airteagal 28 den Rialachán sin ábhartha, ós rud é go mbeadh tagairt den sórt sin dearbhaitheach amháin, ós rud é nach gá Airteagal 263 CFAE a thrasuí sa dlí tánaisteach chun go mbeidh feidhm aige.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Thairis sin, níl an léiriú a mholtar i mír 48 thuas ag teacht salach ar mhír 57 de bhreithiúnas an 9 Márta 2023, ACER v Aquind (C-46/21 P, EU:C:2023:182), inar chinn an Chúirt gur ‘m[h]odh iomchuí iad na Boird Achomhairc [de ghníomhaireachtaí an Aontais] chun cearta na bpáirtithe lena mbaineann a chosaint’, ós rud é nach bhfágann cinneadh den sórt sin gurb é an t-athbhreithniú a dhéanann Bord Achomhairc ACER an t-aon bhealach chun cearta daoine nádúrtha nó dlítheanacha nach féidir leo ábhar a chur faoi bhráid an Bhoird sin ar bhonn Airteagal 28 de Rialachán 2019/942 a chosaint, i ndáil le cinntí ACER.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Níl an léiriú sin ag teacht salach ar aithris 34 de Rialachán 2019/942 ina luaitear ‘i gcás ina bhfuil cumhachtaí ag ACER cinntí a dhéanamh, ba cheart, ar mhaithe le gontacht nós imeachta, ceart achomhairc chuig Bord Achomhairc a dheonú do pháirtithe leasmhara’. Ní mór an aithris sin a léamh i gcomhar le téacs Airteagail 28 agus 29 de Rialachán 2019/942 agus leis an gcásdlí dá dtagraítear i mír 50 thuas, ónar léir gurb ionann an Bord Achomhairc agus bealach iomchuí chun cearta na bpáirtithe a mbaineann gníomhartha ACER leo a chosaint ar choinníoll go gcomhlíonann siad na coinníollacha inghlacthachta dá dtagraítear sa Rialachán sin. Mar sin féin, ní féidir aithris 34 de Rialachán 2019/942 ná an cásdlí thuasluaite a léiriú sa chaoi nach mbeadh caingean dhíreach os comhair chúirteanna an Aontais ar bhonn Airteagal 263 CFAE arna tabhairt ag daoine nádúrtha nó dlítheanacha nach bhfuil seasamh acu chun an t-ábhar a chur faoi bhráid Bord Achomhairc ar bhonn Airteagal 28 den Rialachán sin ina bhealach iomchuí chun athbhreithniú a dhéanamh, ag an gcéad chéim, ar dhlíthiúlacht ghníomhartha ACER.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Fiú más amhlaidh, mar a áitíonn ACER, an Pharlaimint, an Chomhairle agus na Coimisiún ina bhfreagraí ar na ceisteanna ó bhéal ón gCúirt Ghinearálta le linn an héisteachta nó ar na bearta eagrúcháin nós imeachta a sheol an Chúirt Ghinearálta chucu, go mbronntar leis an gcúigiú mír d’Airteagal 263 CFAE lánrogha ar reachtas an Aontais chun na coinníollacha agus na nósanna imeachta sonracha atá le glacadh a chinneadh a mhéid a bhaineann leis na caingne arna dtionscnamh ag daoine nádúrtha nó dlítheanacha i gcoinne ghníomhartha chomhlacht, ghníomhaireacht nó oifig an Aontais atá beartaithe chun éifeachtaí dlíthiúla a bheith acu ina leith, ní féidir lánrogha den sórt sin a fheidhmiú riamh ach i gcomhréir leis an dlí príomha agus, go háirithe, prionsabail ghinearálta dhlí an Aontais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Dá bhrí sin, is gá an cheist a fhiosrú an amhlaidh, sa chéad áit, mar a áitíonn an t-iarratasóir, go bhfuil an difríocht sa chóir arna bunú le hAirteagal 28(1) de Rialachán 2019/942 idir catagóirí daoine nádúrtha nó dlítheanacha lena mbaineann an tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, agus na catagóirí eile de dhaoine nádúrtha nó dlítheanacha lena mbaineann an chéad agus an dara cás dá dtagraítear sa cheathrú mír d’Airteagal 263 CFAE maidir leis an bhféidearthacht ábhar a chur faoi bhráid an Bhoird Achomhairc ar neamhréir le prionsabal an chomhionannais faoin dlí a chumhdaítear le hAirteagal 20 den Chairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">I ndáil leis sin, ní mór a thabhairt chun cuimhne, de réir cásdlí socair, gur prionsabal ginearálta dhlí an Aontais é prionsabal an chomhionannais faoin dlí, mar a chumhdaítear in Airteagal 20 den Chairt, ar prionsabal é lena gceanglaítear cóir neamhionann gan bheith ar chásanna comhchosúla agus cóir chomhionann gan bheith ar chásanna éagsúla, ach amháin má tá údar lena leithéid de chóir (féach breithiúnas an 2 Meán Fómhair 2021, État belge (Ceart cónaithe i gcás foréigean teaghlaigh), C-930/19, EU:C:2021:657, mír 57 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Ní mór measúnú a dhéanamh ar an gceanglas maidir le cásanna a bheith inchomparáide, chun a chinneadh arb ann do shárú ar phrionsabal na córa comhionainne, i bhfianaise na n-eilimintí go léir a léiríonn a bhfuil i gceist leo agus, go háirithe, i bhfianaise ábhar agus chuspóir an ghnímh lena ndéantar an t-idirdhealú i gceist agus an cuspóir arna shaothrú aige, agus ní mór prionsabail agus cuspóirí an réimse lena mbaineann an gníomh a chur san áireamh freisin. Sa mhéid nach bhfuil na cásanna inchomparáide, ní sháraíonn difríocht sa chaoi a gcaitear leis na cásanna lena mbaineann comhionannas faoin dlí mar a chumhdaítear in Airteagal 20 den Chairt (féach breithiúnas an 2 Meán Fómhair 2021, État belge (Ceart cónaithe i gcás foréigean teaghlaigh), C-930/19, EU:C:2021:657, mír 58 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Sa chás seo, ní mór a mheasúnú an amhlaidh, i bhfianaise chuspóir agus aidhm chóras achomhairc inmheánaigh ACER arna bhunú le hAirteagail 28 agus 29 de Rialachán 2019/942, an bhfuil cás an duine nádúrtha nó dhlítheanaigh a thagann faoin gcatagóir lena mbaineann an tríú cás dá dtagraítear sa cheathrú mír d’Airteagal 263 CFAE, sa leagan a eascraíonn as Conradh Liospóin, ar mian leis caingean le haghaidh neamhniú a thabhairt i gcoinne chinneadh ACER de bhun an Rialacháin sin, inchomparáide le cás duine nádúrtha nó dlítheanach a thagann faoi na catagóirí eile lena mbaineann an chéad agus an dara cás dá dtagraítear sa cheathrú mír d’Airteagal 263 CFAE ar mian leo cás den sórt sin a thabhairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Mar réamhphointe, ní mór a thabhairt faoi deara, mar a dheimhnigh cúirteanna an Aontais cheana, a mhéid a bhí sé i gceist ag reachtas an Aontais go mbeadh an saineolas is gá ag an mBord Achomhairc chun go ndéanfaidh sé féin na measúnuithe a bhaineann leis na gnéithe fíorasacha teicniúla nó eacnamaíocha casta a bhaineann le fuinneamh, níl cead ag an mBord Achomhairc é féin a theorannú d’athbhreithniú srianta a dhéanamh ar chinntí ACER. Seachas sin, bunaithe ar shaineolas eolaíoch a chomhaltaí, ní mór dó scrúdú a dhéanamh an dócha go léireoidh na hargóintí a chuir an t-iarratasóir chun cinn go bhfuil na breithnithe ar a bhfuil cinneadh ACER bunaithe lochtach (féach, chuige sin, breithiúnais an 9 Márta 2023, ACER v Aquind, C-46/21 P, EU:C:2023:182, míreanna 53 go 72, agus an 18 Samhain 2020, Aquind v ACER, T-735/18, EU:T:2020:542, míreanna 45 go 71).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Sa chomhthéacs sin, shonraigh cúirteanna na Aontais go mbaineann bunú an Bhoird Achomhairc le cur chuige foriomlán, a roghnaigh reachtas an Aontais, chun comhlachtaí achomhairc a bhunú i ngníomhaireachtaí an Aontais i gcás inar bronnadh cumhacht cinnteoireachta orthu maidir le ceisteanna casta ó thaobh cúrsaí teicniúla nó eolaíochta de, a d’fhéadfadh difear a dhéanamh go díreach do staid dhlíthiúil na bpáirtithe lena mbaineann. Is bealach iomchuí iad na comhlachtaí achomhairc sin chun cearta na bpáirtithe lena mbaineann a chosaint i gcomhthéacs inarb amhlaidh, de réir cásdlí socair, ós rud é go bhfuil lánrogha leathan ag údaráis an Aontais go háirithe maidir le gnéithe fíorasacha eolaíochta agus teicniúla thar a bheith casta, chun cineál agus raon feidhme na mbeart a ghlacann siad a chinneadh, nach mór an t-athbhreithniú a dhéanann cúirteanna an Aontais a theorannú do scrúdú a dhéanamh nach ndearnadh earráid fhollasach nó mí-úsáid cumhachtaí agus an chumhacht sin á feidhmiú nó an amhlaidh nár sháraigh na húdaráis sin teorainneacha a lánrogha (breithiúnas an 9 Márta 2023, ACER v Aquind, C-46/21 P, EU:C:2023:182, míreanna 56 agus 57; féach, freisin, breithiúnas an 7 Márta 2013, Bilbaína de Alquitranes agus páirtithe eile v ECHA, T-93/10, EU:T:2013:106, mír 76 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Dá bhrí sin, ní mór a thabhairt faoi deara, ós rud é nach gceadaítear do dhaoine nádúrtha nó dlítheanacha, amhail an t-iarratasóir, a thagann faoin tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, cás a chur faoi bhráid an Bhoird Achomhairc, bunaítear difríocht sa chóir le hAirteagal 28(1) de Rialachán 2019/942, a mhéid nach bhféadfaidh na daoine sin ach athbhreithniú srianta a fháil ar chinntí ACER ón gCúirt Ghinearálta maidir le breithnithe eolaíochta, teicniúla nó eacnamaíocha casta a bhaineann le fuinneamh, fad is a fhéadfaidh daoine nádúrtha nó dlítheanacha a thagann faoin gcéad chás agus faoin dara cás dá dtagraítear sa cheathrú mír d’Airteagal 263 CFAE athbhreithniú iomlán a fháil ón mBord Achomhairc i ndáil leis na measúnuithe eolaíochta, teicniúla nó eacnamaíocha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Dála ACER, d’áitigh an Pharlaimint, an Chomhairle agus an Coimisiún, go bunúsach, ina bhfreagraí ar na bearta eagrúcháin nós imeachta a sheol an Chúirt Ghinearálta chucu, go bhfuil údar leis an difríocht sin sa chóir maidir le rochtain ar athbhreithniú iomlán arna dhéanamh ag an mBord Achomhairc, áfach, bunaithe ar dhlúite an cheangail atá na catagóirí éagsula daoine nádúrtha nó dlítheanacha lena mbaineann le cinntí ACER. Fad a bhaineann na cinntí sin go leithleach leis na daoine nádúrtha nó dlítheanacha a thagann faoi na catagóirí lena mbaineann an chéad agus an dara cás dá dtagraítear sa cheathrú mír d’Airteagal 263 CFAE, sa leagan a eascraíonn as Conradh Liospóin, a mhéid atá na cinntí sin dírithe orthu nó a dhéanann na cinntí sin difear dóibh ar bhealach cosúil ina ndéanfadh sé difear do dhuine ar ar díríodh an cinneadh, mar gheall ar thréithe áirithe a bhaineann leo nó mar gheall ar imthosca fíorasacha lena ndéantar iad a idirdhealú ó dhuine ar bith eile (breithiúnais an 15 Iúil 1963, Plaumann v an Coimisiún, 25/62, EU:C:1963:17, lch. 223, agus an 17 Meán Fómhair 2015, Mory agus páirtithe eile v an Coimisiún, C-33/14 P, EU:C:2015:609, mír 93), ní hamhlaidh an cás maidir le daoine nádúrtha nó dlítheanacha a thagann faoin tríú catagóir dá dtagraítear sa cheathrú mír d’Airteagal 263 CFAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Dá réir sin, tá údar leis an difríocht sin sa chóir, bunaithe ar na critéir oibiachtúla arna leagan síos in Airteagal 28 de Rialachán 2019/942, toisc go mbaineann sí le cuspóir inghlactha ó thaobh an dlí de arna shaothrú ag an reachtaíocht atá i gceist agus go bhfuil sí i gcomhréir leis an gcuspóir arna shaothrú ag an gcóir lena mbaineann (féach, chuige sin, breithiúnais an 5 Iúil 1977, Bela-Mühle Bergmann, 114/76, EU:C:1977:116, mír 7, agus an 16 Nollaig 2008, Arcelor Atlantique agus Lorraine agus páirtithe eile, C-127/07, EU:C:2008:728, mír 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Tá úsáid na gcritéar oibiachtúil arna socrú ag reachtas an Aontais in Airteagal 28 de Rialachán 2019/942 i gcomhréir leis an gcuspóir arna shaothrú ag an bhforáil sin, arb é córas leigheasanna riaracháin a bhunú maidir le catagóirí sonracha de ghníomhartha ACER agus daoine nádúrtha nó dlítheanacha a bhfuil dlúthcheangal acu leo sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">I bhfianaise go bhfuil ceangal nach bhfuil chomh dlúth céanna acu le ‘cinntí aonair’ ACER i gcomparáid le daoine nádúrtha nó dlítheanacha a thagann faoi na catagóirí lena mbaineann an chéad agus an dara cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, tá údar leis agus is iomchuí nach bhfuil ag na daoine nádúrtha nó dlítheanacha a thagann, dála an iarratasóra, faoin gcatagóir lena mbaineann an tríú cás dá dtagraítear sa cheathrú mír d’Airteagal 263 CFAE ach an fhéidearthacht athbhreithniú srianta a fháil ar na cinntí sin os comhair na Cúirte Ginearálta, agus é á thabhairt faoi deara, murab ionann agus iad siúd a thagann faoin dá chatagóir eile, nach bhfuil na daoine sin faoi réir na hoibleagáide, arna forchur le hAirteagal 29 den Rialachán sin, an nós imeachta achomhairc roimh ré dá dtagraítear in Airteagal 28 den Rialachán sin a ídiú (féach mír 47 thuas) ná faoi réir an nós imeachta um ligean d’achomhairc dul ar aghaidh dá bhforáiltear in Airteagal 58a de Reacht Chúirt Bhreithiúnais an Aontais Eorpaigh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Thairis sin, de réir an chásdlí, chun gur féidir an reachtas a cháineadh as sárú a dhéanamh ar phrionsabal na córa comhionainne, is gá gur chaith sé le cásanna inchomparáide ar bhealach éagsúil, agus go bhfuil míbhuntáiste i gceist do dhaoine áirithe i gcomparáid le daoine eile mar gheall air sin (breithiúnais an 13 Iúil 1962, Klöckner-Werke agus Hoesch v an tArd-Údarás, 17/61 agus 20/61, EU:C:1962:30, lch. 652, agus 16 Nollaig 2008, Arcelor Atlantique et Lorraine agus páirtithe eile, C-127/07, EU:C:2008:728, mír 39).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">I ndáil leis sin, ní féidir a mheas go bhfuil an t-athbhreithniú díreach arna dhéanamh ag an gCúirt Ghinearálta míbhuntáisteach do na daoine nádúrtha nó dlítheanacha nach bhfuil i gceann de na cásanna dá dtagraítear in Airteagal 28 de Rialachán 2019/942, i ndáil le gníomh ACER.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Ní féidir an fíoras gur measadh gur mhodh iomchuí é scrúdú ar ghníomh ACER ag an mBord Achomhairc chun cearta daoine nádúrtha nó dlítheanacha a chosaint a bhfuil dlúthcheangal acu leis an ngníomh sin i gcomhthéacs ina bhfuil lánrogha leathan ag údaráis an Aontais, go háirithe i ndáil le gnéithe fíorasacha eolaíocha nó teicniúla thar a bheith casta, chun cineál agus raon feidhme na mbeart a ghlacfaidh siad a chinneadh (féach, chuige sin, breithiúnas an 9 Márta 2023, ACER v Aquind, C-46/21 P, EU:C:2023:182, mír 57), a léiriú sa chaoi nach bhféadfaí caingean dhíreach os comhair na Cúirte Ginearálta ar bhonn an cheathrú mír d’Airteagal 263 CFAE, freisin, a mheas mar bhealach iomchuí chun cearta daoine nádúrtha nó dlítheanacha a bhfuil nasc acu nach bhfuil chomh dlúth céanna leis an ngníomh sin a chosaint.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Dá réir sin, bhunaigh reachtas an Aontais, in Airteagal 28(1) de Rialachán 2019/942, difríocht sa chóir a bhfuil údar léi idir daoine nádúrtha nó dlítheanacha nach bhfuil i staid chomhionann nó inchomparáide i bhfianaise chinntí ACER agus nach gá a chur faoi réir na gcoinníollacha céanna nó na nósanna imeachta céanna mar sin i ndáil leis na hachomhairc a dhéanann siad i gcoinne na gcinntí sin, ionas nach féidir a mheas go sáraíonn an difríocht sin prionsabal an chomhionannais faoin dlí a chumhdaítear in Airteagal 20 den Chairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Is gá a scrúdú, sa dara háit, an amhlaidh, mar a áitíonn an t-iarratasóir, ós rud é nach féidir le daoine nádúrtha nó dlítheanacha, cosúil léi, a thagann faoin tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, ábhar a thabhairt os comhair an Bhoird Achomhairc, go sáraítear prionsabal na cosanta breithiúnaí éifeachtaí agus Airteagal 47 den Chairt, arna chur chun feidhme leis an gceathrú mír d’Airteagal 263 CFAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">De réir Airteagal 47 den Chairt, tá ag gach duine a ndéantar a chearta nó a cearta agus a shaoirsí nó a saoirsí, arna ráthú le dlí an Aontais, a shárú, an ceart chun leigheas éifeachtach a fháil os comhair binse i gcomhréir leis na coinníollacha atá leagtha síos san Airteagal sin. Is léir ó chásdlí na Cúirte agus ó chásdlí na Cúirte Eorpaí um Chearta an Duine nach ceart absalóideach é an ceart chun rochtain a fháil ar chúirt agus, dá réir sin, gur féidir srianta comhréireacha a chur air lena saothraítear cuspóir dlisteanach agus nach sáraítear substaint féin an chirt sin (féach ordú an 6 Aibreán 2017, PITEE v an Coimisiún, C-464/16 P, nár foilsíodh, EU:C:2017:291, mír 31 agus an cásdlí dá dtagraítear). I gcomhréir le hAirteagal 52(1) den Chairt, níl údar le haon teorannú ar an gceart chun leighis éifeachtaigh ach má dhéantar foráil dó le dlí, má urramaítear inneachar sár-riachtanach an chirt sin agus má tá gá leis, i gcomhréir le prionsabal na comhréireachta agus má fhreagraíonn sé do chuspóirí leasa ghinearálta arna n-aithint ag an Aontas nó don riachtanas cearta agus saoirsí daoine eile a chosaint (breithiúnais an 4 Bealtaine 2016, Pillbox 38, C-477/14, EU:C:2016:324, mír 160, agus an 15 Meán Fómhair 2016, Star Storage agus páirtithe eile, C-439/14 agus C-488/14, EU:C:2016:688, mír 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Sa chás seo, mar a tugadh faoi deara (féach míreanna 47 agus 67 thuas), is léir ó léamh comhcheangailte ar an gceathrú mír d’Airteagal 263 CFAE agus Airteagail 28 agus 29 de Rialachán 2019/942, arna léiriú i bhfianaise an phrionsabail ghinearálta léirithe a mheabhraítear i mír 40 thuas, go bhféadfaidh na daoine nádúrtha nó dlítheanacha, amhail an t-iarratasóir, a thagann faoin gcatagóir lena mbaineann an tríú cás dá dtagraítear sa cheathrú mír d’Airteagal 263 CFAE, sa leagan a eascraíonn ó Chonradh Liospóin, caingean a thionscnamh go díreach i gcoinne chinntí ACER os comhair na Cúirte Ginearálta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">I ndáil leis sin, ní mór a thabhairt faoi deara, a mhéid is féidir caingean le haghaidh neamhniú a thionscnamh os comhair na Cúirte Ginearálta i gcónaí, ní féidir a mheas gur sháraigh reachtas an Aontais an ceart chun cosanta breithiúnaí éifeachtaí agus Airteagail 28 agus 29 de Rialachán 2019/942 á nglacadh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Is fíor, mar a thug an Bord Achomhairc faoi deara, i mír 57 den chinneadh atá faoi chonspóid, agus an t-iarratasóir, le linn na héisteachta, go bhfuil castachtaí nós imeachta nach bhfuil ró-shásúil ag gabháil leis na coinníollacha agus nósanna imeachta áirithe achomhairc os comhair an Bhoird Achomhairc arna mbunú ag reachtas an Aontais in Airteagail 28 agus 29 de Rialachán 2019/942. Ar an gcéad dul síos, d’fhéadfadh sé a bheith mar thoradh orthu go dtionscnófaí caingne comhuaineacha i gcoinne na gcinntí céanna ó ACER os comhair an Bhoird Achomhairc agus na Cúirte Ginearálta, ag na daoine nádúrtha nó dlítheanacha sin i gcás ina bhfuil amhras faoin gcatagóir dá dtagraítear sa cheathrú mír d’Airteagal 263 CFAE lena mbaineann siad, nó ag daoine nádúrtha nó dlítheanacha a thagann faoi chatagóirí éagsúla dá dtagraítear san fhoráil sin, le gach castacht a bhaineann le bainistiú achomharc den sórt sin (fionraí, cinneadh nach gá breith a thabhairt, etc.). Ar an dara dul síos, trí dhlínse an Bhoird Achomhairc agus na Cúirte Ginearálta, faoi seach, chun achomharc arna thabhairt ag duine nádúrtha nó dlítheanach nár díríodh gníomh ACER air, ach a bhfuil éifeachtaí dlíthiúla ag an ngníomh sin ina leith agus, dá réir sin, an nós imeachta atá le leanúint aige chun cur i gcoinne an ghnímh sin, a chur faoi réir na ceiste casta an bhfuil an gníomh sin ‘dá chúram go leithleach’, d’fhéadfadh cur i bhfeidhm na gcoinníollacha agus na nósanna imeachta sin a bheith ina chúis le go leor díospóidí os comhair an Bhoird Achomhairc, na Cúirte Ginearálta agus na Cúirte Breithiúnais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Mar sin féin, ar an gcéad dul síos, tá riosca go mbeidh caingne comhuaineacha i gcoinne ghníomh ACER gan beann ar Airteagail 28 agus 29 de Rialachán 2019/942 ós rud é, mar is léir ó mhír 31 de bhreithiúnas an 16 Márta 2022, MEKH agus FGSZ v ACER (T-684/19 agus T-704/19, EU:T:2022:138), go bhfuil sé de cheart ag na hiarratasóirí atá faoi phribhléid caingean le haghaidh neamhniú i gcoinne chinneadh ACER a thionscnamh go díreach os comhair na Cúirte Ginearálta. Ar an dara dul síos, ní eascraíonn castacht an choincheapa ‘dá chúram go leithleach’ go sonrach ó chóras na leigheasanna riaracháin arna gcur ar bun le hAirteagail 28 agus 29 de Rialachán 2019/942.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">In aon chás, fós ní fhéadfaidh sé gur leor castachtaí nós imeachta den sórt chun a chinneadh go bhfuil an córas leigheasanna atá curtha ar bun, ann féin, contrártha do phrionsabal na cosanta breithiúnaí éifeachtaí, arna ráthú le hAirteagal 47 den Chairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Dá bhrí sin, ní fhéadfaí a mheas ach an oiread go sáraítear le hAirteagal 28(1) de Rialachán 2019/942 prionsabal na cosanta breithiúnaí éifeachtaí agus Airteagal 47 den Chairt, arna cur chun feidhme leis an gceathrú mír d’Airteagal 263 CFAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Dá thoradh sin, ní mór a phléadáil neamhdhleathachta a chur ar leataobh, ionas go ndiúltaítear don dara saincheist dlí ina hiomláine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Dá réir sin, ní mór diúltú leanúint leis an scrúdú ar shubstaint na chéad saincheiste dlí, lena n-éilítear sárú ar Airteagal 28(1) de Rialachán 2019/942.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An chéad saincheist dlí, lena n-éilítear go sáraítear Airteagal 28(1) de Rialachán 2019/942</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Measann an t-iarratasóir gur sháraigh an Bord Achomhairc Airteagal 28(1) de Rialachán 2019/942 sa chinneadh atá faoi chonspóid, trína mheas nach raibh an seasamh is gá aige chun achomharc a thabhairt os a chomhair i gcoinne an chinnidh tosaigh, cé go raibh an cinneadh sin dá chúram go díreach agus go leithleach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Tugann an t-iarratasóir dá aire, i míreanna 41 et seq den chinneadh atá faoi chonspóid, gur chinn an Bord Achomhairc, agus an ceart aige i bhfianaise an chásdlí, go raibh an cinneadh tosaigh dá chúram go díreach, a raibh tionchar aige go díreach ar a staid dhlíthiúil trí bhac a chur air go sealadach praghsanna a thairiscintí a shocrú ar mhargadh an leictreachais don chothromú, ós rud é nach bhféadfadh OCTanna réigiún CORE glacadh leis na tairiscintí a sháraigh teorainn an phraghais shealadaigh arna shocrú leis an gcinneadh tosaigh trí na hardáin Eorpacha PICASSO agus MARI.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Os a choinne sin, bhí an Bord Achomhairc mícheart nuair a dhiúltaigh sé a chinneadh, sa chinneadh atá faoi chonspóid, go raibh an cinneadh tosaigh dá chúram go leithleach, i gcomhréir leis na prionsabail faoin gcásdlí i gcomhthéacs chur i bhfeidhm an cheathrú mír d’Airteagal 263 CFAE, arna gcur in oiriúint do chuspóir an nós imeachta os comhair an Bhoird Achomhairc atá beartaithe, i gcomhréir le haithris 34 de Rialachán 2019/942, mar shásra simplithe féinmhonatóireachta riaracháin iomlán, ar mhaithe le dea-riarachán, atá ar fáil do go leor páirtithe lena mbaineann cinntí rialála margaidh arna nglacadh ag ACER, amhail an teorainn shealadach ar phraghsanna arna socrú leis an gcinneadh tosaigh. Is freagra é an sásra sin ar ábhair imní arna gcur in iúl ag an gCúirt maidir le cinntí aonair a tharmligean do chomhlachtaí, oifigí agus gníomhaireachtaí i nglacadh cinntí aonair lena mbaineann lánrogha leathan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Sa chás seo, áfach, tá gníomhaithe áirithe sa mhargadh, eadhon na OCTanna, an-bhainteach leis an bpróiseas cinnteoireachta agus ceaptar iad mar na daoine ar a ndírítear gníomhartha go heisiach, arna nglacadh i bhfoirm cinntí aonair, de réir bhrí an dara habairt den cheathrú mír d’Airteagal 288 ach a bhfuil raon feidhme rialála acu, i gcleachtas, rud a chiallaíonn go dtairgtear athbhreithniú iomlán ar na gníomhartha sin do na gníomhaithe eile a ndéanann na gníomhartha sin difear dóibh, a d’fhéadfadh na OCTanna cur ina gcoinne.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Mar fhreagairt ar an staid sin, áitíonn an t-iarratasóir gur cheart Airteagal 28(1) de Rialachán 2019/942 a léiriú i gcomhréir le hAirteagal 5(8) de Rialachán 2017/2195, lena n-aithnítear do gach páirtí, lena n-áirítear gníomhaithe an mhargaidh, ceart gearáin os comhair na ÚRNanna i gcoinne chinntí na OCTanna. Ní hamháin go bhfuil an léiriú ar Airteagal 28 de Rialachán 2019/942 a mhol ACER ‘míshásúil’, mar a chinn an Bord Achomhairc i mír 57 den chinneadh atá faoi chonspóid, ach freisin, tá sé contrártha do phrionsabail na cosanta breithiúnaí éifeachtaí agus an neamhidirdhealaithe agus téann sé i gcoinne chuspóir an tsásra arna chur ar bun leis an Airteagal sin arb é ualach a bhaint de chúirteanna an Aontais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Ar an gcéad dul síos, luann an t-iarratasóir gur ghlac sé páirt go gníomhach sa nós imeachta inar glacadh an cinneadh tosaigh, ar gné ábhartha é sin, de réir an chásdlí, i measc gnéithe eile, ar mhaithe le cúram díreach an iarratasóra a léiriú, Sa chás seo, maítear gur ghlac sé páirt go gníomhach sa chomhairliúchán poiblí arna sheoladh ag ENTSO-E, de bhun Airteagal 10 de Rialachán 2017/2195, sular cuireadh togra ACER faoi bhráid na OCTanna, trí Thuairim an 30 Iúil 2021 a chur faoina bhráid. Thairis sin, ghlac sé páirt go gníomhach sa chomhairliúchán poiblí ar an togra sin arna sheoladh ag ACER, trína bharúlacha an 10 Samhain 2021 a chur faoina bhráid. De bhun Airteagal 10(6) de Rialachán 2017/2195, ba cheart do na OCTanna agus, ar deireadh, do ACER a thuairim an 30 Iúil 2021 a leanúint nó míniú a thabhairt, ina dtogra, ar na cúiseanna beachta ar imigh siad ón tuairim sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Ar an dara dul síos, luann an t-iarratasóir go bhfuil an cinneadh tosaigh dá chúram go leithleach ar bhealach cosúil, nó níos airde, ná na OCTanna ar ar díríodh an cinneadh, ós rud é, i gcomhréir leis an gcásdlí, go ndéanann an cinneadh sin difear suntasach agus diúltach dá sheasamh iomaíoch ar an margadh soláthair fuinnimh don chothromú, trí laghdú saorga ar an bpraghas ag a bhféadfaidh sé an leictreachas sin a dhíol leis na OCTanna a dhéanamh, arb iad sin na hiarratasóirí aonair, ionas go bhfuil bac orthu go sealadach praghas an mhargaidh ba cheart a bheith ar an gceann is airde a fháil (chun deischostas ard na dtairiscintí a chumhdach) nó iomaíocht bunaithe ar an bpraghas le haghaidh an leictreachais sin a dhéanamh. Measann an t-iarratasóir, cosúil le cúpla soláthraí eile fuinnimh don chothromú a rinne suiteálacha a réamhcháiliú ar chostais imeallacha athraitheacha arda, go bhfuil sé mar phríomhsprioc agus go ndéantar dochar dó go príomha leis an gcinneadh sin, fad a chaitear le OCTanna ar seolaithe an chinnidh sin iad go fabhrach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Maítear go raibh an t-iarratasóir, dá réir sin, ó thaobh an ábhair de, ar cheann de na príomhdhaoine ar ar díríodh an cinneadh tosaigh, lena gcuirtear isteach ar a shaoirse chun gnó a sheoladh, tri bhac a chur air an fuinneamh don chothromú a dhíol ar phraghas lena gcuimsítear ní hamháin costais athraitheacha na stáisiún cumhachta, ach freisin na dianinfheistíochtaí a rinneadh chun infhaighteacht a bhfeidhmiú ar mhargadh an fhuinnimh don chothromú a choinneáil ar bun, d’ainneoin na dóchúlachta ísle go ndéanfaí iad a ghníomhachtú, i bhfianaise a gcostas imeallach athraitheach ard agus, dá réir sin, a n-áit íseal ar liosta tosaíochta eacnamaíche.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Mar a fhoráiltear dó sa chásdlí, leanann an difear substainteach do staid an iarratasóra ar an margadh, sa chás seo, ó chaillteanas ioncaim a leanann, óna thaobhsa, ón gcinneadh tosaigh, gan a chur san áireamh go bhféadfadh sé go ndéantar difear d’iomaitheoirí eile ar bhealach cosúil leis. I ndáil leis sin, tagraíonn an t-iarratasóir, go sonrach, do chás dhá stáisiún cumhachta in Audort agus Itzehoe a oibríonn sé sa Ghearmáin agus a ndearna sé dianinfheistíochtaí iontu chun a n-acmhainn feidhmíochta agus a n-infhaighteacht oibriúcháin a choimeád ar bun ar an margadh fuinnimh don chothromú. Thairis sin, de réir an iarratasóra, déanann an cinneadh tosaigh difear dó go sonrach mar sholáthraí fuinnimh don chothromú atá ag feidhmiú sa Ghearmáin, is é sin i gceann de na corrlimistéir rialaithe atá nasctha leis na hardáin Eorpacha PICASSO agus MARI cheana agus ar éirigh leis, ag deireadh nós imeachta fada agus costasach, suiteálacha a réamhcháiliú chun fuinneamh don chothromú a sholáthar agus a gcuirtear bac air tairiscintí praghais a d’fhéadfadh a bheith i bhfad níos airde ná EUR 15 000 MWh a chur isteach, a bhfuil údar leo de bharr chostais imeallacha athraitheacha arda na suiteálacha atá i gceist.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">Cáineann an t-iarratasóir an Bord Achomhairc as brath ar an bprionsabal, sa chinneadh atá faoi chonspóid, gur cheart dó a léiriú go ndearnadh difear dó ar bhealach atá difriúil ó thaobh cáilíochta de ó na gníomhaithe eile sa mhargadh don chothromú. Ní leanann coinníoll den sórt sin ó na prionsabail ón gcásdlí a eascraíonn as cur i bhfeidhm an cheathrú mír d’Airteagal 263 CFAE agus níl údar leis ach an oiread bunaithe ar chuspóir an nós imeachta os comhair an Bhoird Achomhairc, a mheabhraítear i mír 80 thuas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Ar an tríú dul síos, áitíonn an t-iarratasóir go mbaineann an cinneadh tosaigh leis go leithleach ar an gcaoi chéanna leis na OCTanna ar ar díríodh an cinneadh sin, ós rud é gur sháraigh an cinneadh sin na ráthaíochtaí nós imeachta a dheonaigh dlí an Aontais di i gcomhthéacs a ghlactha, de réir bhrí an chásdlí. Go deimhin, ón tráth a ghlac sé ionad na OCTanna i réigiún CORE trína dtogra a leasú, ba cheart do ACER a gceart chun comhairliúcháin dá bhforáiltear in Airteagal 10 de Rialachán 2017/2195 a urramú freisin. Sa chás seo, trí pháirt a ghlacadh sa chomhairliúchán poiblí arna sheoladh ag ENTSO-E de bhun an Airteagail sin, sular cuireadh togra na OCTanna faoi bhráid ACER, agus ansin faoin nós imeachta comhairliúcháin arna thionscamh ag ACER, chuir sé in iúl a rún a chuid leasanna agus a chearta a chosaint i gcomhthéacs an leasuithe ar an modheolaíocht atá faoi chonspóid. Ag céim an fhreagra, cáineann an t-iarratasóir ACER freisin toisc nár urramaigh sé a cheart chun éisteacht a fháil roimh ré mar a ráthaítear le hAirteagal 14(6) de Rialachán 2019/942.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">Déanann ACER argóintí na n-iarratasóirí a chonspóid agus áitíonn sé gur cheart an chéad saincheist dlí a dhiúltú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Mar réamhphointe, ní mór a thabhairt chun cuimhne nach mór na ‘coinníollacha agus [na] socruithe mionsonraithe’ de réir bhrí an chúigiú mír d’Airteagal 263 CFAE a léiriú sa chaoi go mbaineann siad le coinníollacha agus socruithe inmheánacha amháin a bheith á gcur ar bun ag institiúid, comhlacht, oifig nó gníomhaireacht den Aontas, roimh an gcaingean os comhair cúirte lena rialaítear, inter alia, feidhmiú sásra féinmhonatóireachta agus seoladh nós imeachta um réiteach cairdiúil chun dlíthíocht os comhair chúirteanna an Aontais a sheachaint (féach, chuige sin, ordú an 12 Meán Fómhair 2013, European Dynamics Luxembourg agus páirtithe eile v OHIM, T-556/11, EU:T:2013:514, mír 60, agus breithiúnas an 25 Deireadh Fómhair 2018, KF v EUSC, T-286/15, EU:T:2018:718, mír 107). Ní mór na coinníollacha agus na socruithe mionsonraithe sin a bheith ag teacht go hiomlán leis na rialacha ginearálta dá bhforáiltear in Airteagal 263 CFAE a mhéid a bhaineann le dlínse chúirteanna an Aontais chun na caingne dá gcúram a éisteacht agus a chinneadh (féach, chuige sin, breithiúnais an 4 Feabhra 2016, Italian International Film v EACEA, T-676/13, EU:T:2016:62, mír 27; an 8 Meitheamh 2016, Monster Energy v EUIPO (Léiriú shiombail na síochána), T-583/15, EU:T:2016:338, mír 43, agus an 8 Meitheamh 2016, Monster Energy v EUIPO (GREEN BEANS), T-585/15, nár foilsíodh, EU:T:2016:339, mír 41).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Dá réir sin, i gcás inarb ann do na coinníollacha céanna inghlacthachta faoi na rialacha ginearálta dá bhforáiltear le hAirteagal 263 CFAE agus faoi na coinníollacha agus socruithe mionsonraithe arna nglacadh de bhun an chúigiú mír d’Airteagal 263 CFAE, ní mór iad sin a léiriú, i bprionsabal, go haonfhoirmeach. Is iomchuí freisin, chun a mheasúnú an bhfuil an gníomh atá faoi chonspóid de chúram an iarratasóra go leithleach, eadhon an cinneadh tosaigh, de bhun Airteagal 28(1) de Rialachán 2019/942, tagairt a dhéanamh don chásdlí arna thabhairt maidir leis an dara cás dá dtagraítear sa cheathrú mír d’Airteagal 263 CFAE, sa leagan a eascraíonn as Conradh Liospóin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Maidir leis an gcoinníoll a bhaineann le cúram leithleach de réir bhrí an cheathrú mír d’Airteagal 263 CFAE, ní mór a choinneáil i gcuimhne nach bhféadfaidh duine nádúrtha nó dlítheanach, nach é an té ar ar díríodh an gníomh a mhaíomh go bhfuil an gníomh sin dá chúram go leithleach, ach amháin má bhaineann an gníomh sin leis mar gheall ar thréithe áirithe a bhaineann leis go sonrach nó staid fhíorasach lena ndéantar é a idirdhealú ó dhuine ar bith eile agus, dá bhrí sin, a dhéantar é a dhealú ar bhealach cosúil le duine ar ar díríodh an cinneadh (breithiúnas an 15 Iúil 1963, Plaumann v an Coimisiún, 25/62, EU:C:1963:17, lch. 223).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Thairis sin, leanann an prionsabal ón gcásdlí arna thabhairt ar bhonn an cheathrú mír d’Airteagal 263 CFAE gur faoin iarratasóir is duine nádúrtha nó duine dlítheanach nár díríodh an gníomh a gcuireann sé ina choinne air, mar thaca lena chaingean, na tréithe a bhaineann leis go sonrach nó an staid fhíorasach lena ndéantar é a idirdhealú ó dhuine ar bith eile agus lena ndéantar é a dhealú ar bhealach cosúil leis an mbealach a bheadh i gceist i gcás duine ar a ndírítear an cinneadh a ardú agus a léiriú (féach, chuige sin, orduithe an 28 Meán Fómhair 2011, UCAPT v an Chomhairle, T-96/09, nár foilsíodh, EU:T:2011:542, mír 47, agus an 6 Bealtaine 2020, Sabo agus páirtithe eile v an Pharlaimint agus an Chomhairle, T-141/19, nár foilsíodh, EU:T:2020:179, mír 32). Chuige sin, tugtar chun cuimhne in Airteagal 15(1)(d) de Rialacha Nós Imeachta an Bhoird Achomhairc gur faoin iarratasóir atá sé a léiriú go bhfuil cinneadh ACER dá chúram go díreach agus go leithleach, i gcomhréir le hAirteagal 28(1) de Rialachán 2019/942.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">Sa chás seo, mar is léir ón gcur síos ar a argóintí i mír 45 den chinneadh atá faoi chonspóid, cur síos nár cuireadh ina choinne i gcomhthéacs na caingne seo, arna léamh i gcomhar le míreanna 99 go 110 dá phléadálacha lena leagtar amach na forais leis an achomharc os comhair an Bhoird Achomhairc an 28 Aibreán 2022, mhaígh an t-iarratasóir, os comhair an Bhoird Achomhairc, go raibh an cinneadh tosaigh dá chúram go leithleach de bhrí go ndearna sé difear substainteach dá staid iomaíoch ar mhargadh na Gearmáine le haghaidh leictreachas don chothromú ar a raibh sé ar cheann de na soláthraithe is mó atá gníomhach. Dar leis gur chosain sé a leasanna ar an margadh sin agus, inter alia, gur ghlac sé páirt sa nós imeachta comhairliúcháin ar thogra na OCTanna agus gur fhreagair sé ceisteanna ACER. Rinne an cinneadh tosaigh difear faoi leith dó ós rud é go raibh costais imeallacha athraitheacha arda ag baint le roinnt dá shuiteálacha réámhcháilithe. Rinne an cinneadh sin difear do ghrúpa réamhchinnte gníomhaithe eacnamaíocha, a bhfuil sé mar chuid de, comhdhéanta de sholáthraithe fuinnimh don chothromú ar éirigh leo na suiteálacha le haghaidh soláthar fuinnimh don chothromú a réamhcháiliú nó a raibh a suiteálacha á réamhcháiliú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">I míreanna 46 go 50 den chinneadh atá faoi chonspóid, scrúdaigh an Bord Achomhairc na ‘tréithe’ nó ‘staideanna fíorasacha’ arna n-ardú ag an iarratasóir agus chinn sé nár leor iad sin chun é a dhealú de réir bhrí an chásdlí a eascraíonn agus breithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">I gcomhthéacs na caingne seo, cáineann an t-iarratasóir go bunúsach an Bord Achomhairc toisc nár chinn sé, sa chinneadh atá faoi chonspóid, go raibh an cinneadh tosaigh dá chúram go leithleach mar gheall ar thréithe a bhain leis go sonrach agus a rinne é a dhealú ó dhuine ar bith eile.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">Ar an gcéad dul síos, ardaíonn an t-iarratasóir a rannpháirtíocht ghníomhach sa chomhairliúchán poiblí a sheol ENTSO-E, de bhun Airteagal 10 de Rialachán 2017/2195, sular cuireadh togra na OCTanna faoi bhráid ACER, trína thuairim an 30 Iúil 2021 a chur ar fáil, agus sa chomhairliúchán poiblí ar an togra sin arna sheoladh ag ACER, trína bharúlacha a chur in iúl an 10 Samhain 2021 agus gurbh amhlaidh, de bhun Airteagal 10(6) de Rialachán 2017/2195, gur cheart do na OCTanna agus, ar deireadh, ACER a thuairim an 30 Iúil 2021 a leanúint nó a mhíniú, ina dtogra, na cúiseanna beachta go raibh siad ag imeacht uathu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">Ar an dara dul síos, ardaíonn an t-iarratasóir an difear substainteach agus diúltach, a rinne an cinneadh tosaigh, dá staid iomaíoch ar mhargadh na Gearmáine do sholáthar an fhuinnimh don chothromú. B’ionann an cinneadh tosaigh agus cur isteach ar an margadh, trí bhac a chur ar shaorshocrú praghsanna, trí fhéidearthachtaí iomaíochta trí phraghsanna a laghdú agus trí bhac a chur ar an dornán soláthraithe fuinnimh don chothromú mar sin a bhí ag feidhmiú i gceann de na corrchriosanna rialaithe a bhí nasctha leis na hardáin Eorpacha PICASSO agus MARI cheana a rinne a suiteálacha a réamhcháiliú ar chostais imeallacha arda, ina raibh dianinfheistíocht déanta aige agus a bhí nochta do dheischostas ard mar gheall ar a n-áit ar bhun an liosta tosaíochta chun a gcostais a aisghabháil.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">Ar an tríú dul síos, áitíonn an t-iarratasóir gur sáraíodh na ráthaíochtaí nós imeachta a tugadh dó le dlí an Aontais i gcomhthéacs an cinneadh tosaigh a ghlacadh de réir bhrí an chásdlí, ós rud é nár urramaigh ACER a cheart chun comhairliúchán a fháil de bhun Airteagal 10(1) de Rialachán 2017/2195 ná a cheart chun éisteacht a fháil roimh ré a ráthaítear le hAirteagal 14(6) de Rialachán 2019/942.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">Ina phléadálacha i scríbhinn, tacaíonn ACER le seasamh an Bhoird Achomhairc nach leor na ‘tréithe’ nó ‘staideanna fíorasacha’ arna n-ardú ag an iarratasóir os comhair na Cúirte Ginearálta, chun é a dhealú de réir bhrí an chásdlí a eascraíonn agus breithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223) (féach mír 95 thuas).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">Maidir leis na ‘tréithe’ nó na ‘staideanna fíorasacha’ a d’ardaigh sé os comhair an Bhoird Achomhairc agus a scrúdaigh sé sa chinneadh atá faoi chonspóid, eadhon go raibh sé gníomhach ar mhargadh na Gearmáine an fhuinnimh don chothromú agus go raibh sé ar na soláthraithe ba mhó ar an margadh sin, agus a chuir sé chun cinn i gcomhthéacs na caingne seo, trína áitiú go ndearna an cinneadh tosaigh difear suntasach dá staid ar an margadh sin (féach míreanna 84 go 87, 94 agus 98 thuas), tagraíonn an t-iarratasóir do chásdlí chúirteanna an Aontais i réimse na státchabhrach agus na gcomhchruinnithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">I ndáil leis sin, is fíor gurb iomchuí a chinneadh, de réir an chásdlí gur aithníodh go bhfuil cinneadh an Choimisiúin lena gcuirtear clabhsúr ar nós imeachta scrúdaithe fhoirmiúil i réimse na Státchabhrach de chúram go leithleach, de bhreis ar an ngnóthas is tairbhí den bheart cabhrach is ábhar don chinneadh atá faoi chonspóid, na ngnóthas atá in iomaíocht leis a raibh ról gníomhach acu i gcomhthéacs an nós imeachta sin, ar choinníoll go ndearnadh difear suntasach dá staid ar an margadh leis an mbeart cabhrach sin (féach breithiúnas an 2 Meán Fómhair 2021, Ja zum Nürburgring v an Coimisiún, C-647/19 P, EU:C:2021:666, mír 33 agus an cásdlí dá dtagraítear). Sa chomhthéacs sin, is féidir le gnóthas brath ar a cháil mar iomaitheoir i ndáil leis an ngnóthas is tairbhí den bheart cabhrach, ach ní mór dó a léiriú, thairis sin, go bhfuil sé i staid fhíorasach lena ndealaítear é ar an mbealach céanna leis an duine ar a ndírítear an cinneadh (breithiúnas an 22 Nollaig 2008, British Aggregates v an Coimisiún, C-487/06 P, EU:C:2008:757, mír 48).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">Thairis sin, is léir ón gcásdlí maidir le comhchruinnithe, i gcás cinneadh maidir le comhoiriúnacht oibríochta comhchruinnithe leis an margadh inmheánach, agus maidir le gnóthas tríú páirtí leis an oibríocht seo gurb é, ar an gcéad dul síos, ar bhonn a rannpháirtíochta i nós imeachta riaracháin an ghnóthais sin agus, ar an dara dul síos, ar bhonn an difir a dhéantar dá staid ar an margadh sin is ceart a chinneadh an mbaineann an cinneadh sin leis go leithleach. Chun go nglacfar leis go ndéantar difear do staid iarratasóra ar an margadh, cuireann cúirteanna an Aontais san áireamh, go bhfuil sé ar phríomhiomaitheoirí na bpáirtithe sa chomhchruinniú, is tairbhithe den chinneadh lena n-údaraítear sin (féach, chuige sin, breithiúnas an 4 Iúil 2006, easyJet v an Coimisiún, T-177/04, EU:T:2006:187, mír 37; an 20 Nollaig 2023, Mainova v an Coimisiún, T-64/21, nár foilsíodh, gan achomharc, EU:T:2023:843, mír 85, agus an 20 Nollaig 2023, enercity v an Coimisiún, T-65/21, nár foilsíodh, gan achomharc, EU:T:2023:844, mír 83), nó go bhfuil sé ina ghnáthiomaitheoir ar na páirtithe sin, ach go bhféadfadh sé go bhfuil tionchar arna shainaithint go sonrach ag an gcomhchruinniú ar a staid eacnamaíoch, amhail díluacháil infheistíochtaí suntasacha arna ndéanamh agus arna ríomh san fhadtéarma, agus struchtúr an mhargaidh reatha á chur san áireamh (féach, chuige sin, breithiúnais an 17 Bealtaine 2023, EVH v an Coimisiún, T-312/20, gan achomharc, EU:T:2023:252, míreanna 42 agus 46; an 17 Bealtaine 2023, TEAG v an Coimisiún, T-315/20, nár foilsíodh, gan achomharc, EU:T:2023:259, míreanna 42 agus 46, agus an 17 Bealtaine 2023, GGEW v an Coimisiún, T-319/20, nár foilsíodh, gan achomharc, EU:T:2023:263, míreanna 42 agus 46), nó go bhfuil sé ina iomaitheoir féideartha ar na páirtithe sa chomhchruinniú i gcás margaí olagaplacha, nó in imthosca áirithe, go bhfuil láithreacht aige ar na margaí comharsanacha, go réamhtheachtach nó go hiartheachtach uathu siúd ar a bhfeidhmíonn gnóthas atá i staid mhonaplachta a ndéantar a staid a neartú leis an gcomhchruinnú (féach, chuige sin, breithiúnas an 30 Meán Fómhair 2003, ARD v an Coimisiún, T-158/00, EU:T:2003:246, mír 78).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Mar sin féin, tá an cásdlí dá dtagraítear i míreanna 102 agus 103 bunaithe, ar a laghad go páirteach, ar cheangal iomaíochta, iarbhír nó féideartha, idir tairbhithe an chinnidh atá faoi chonspóid, ar an margadh lena mbaineann, agus an t-iarratasóir, a ndéantar difear diúltach dá staid ar an margadh sin nó ar na margaí comharsanacha, go réamhtheachtach nó go hiartheachtach, ar bhealach arna shainaithint go sonach, agus, de réir mar a bheidh, go suntasach, leis an gcinneadh sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">Sa chás sin, ní mhaíonn an t-iarratasóir, agus ní léiríonn sé ach an oiread go bhfuil iomaitheoirí áirithe atá aige, ar mhargadh na Gearmáine le haghaidh an fhuinnimh don chothromú ar a bhfuil sé ag feidhmiú agus a mbaineann an cinneadh tosaigh sin leis, ina dtairbhithe den chinneadh sin ar an margadh sin. Seachas sin, is léir óna argóintí nach dtagraíonn sé ach do thionchar ginearálta an chinnidh tosaigh ar mhargadh na Gearmáine le haghaidh an fhuinnimh don chothromú, a bhfuil tionchar diúltach aige ar gach soláthraí fuinnimh don chothromú atá ag feidhmiú, cosúil leis, ar an margadh sin agus ar mhargadh na Seice agus na hOstaire.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">Fiú dá nglacfaí leis, mar cheann de na soláthraithe is mó ar mhargadh na Gearmáine le haghaidh an fhuinnimh don chothromú, go ndéantar difear níos diúltaí ó thaobh airgeadais de don iarratasóir ná mar a dhéantar dá iomaitheoirí ar an margadh sin, níor leor é sin chun é a dhealú de réir bhrí an chásdlí a eascraíonn ó bhreithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223). Is cásdlí socair é nach leor go ndéantar difear níos mó d’oibreoirí áirithe eacnamaíocha le gníomh ná dá n-iomaitheoirí chun go measfar, dá bhrí sin go bhfuil an gníomh sin dá gcúram go leithleach. Dá réir sin, fiú dá nglacfaí leis go ndéanann cinneadh difear sonrach do staid eacnamaíoch an iarratasóra, ní leor an imthoisc sin chun é a idirdhealú ó dhuine ar bith eile (orduithe an 2 Aibreán 2004, Gonnelli agus AIFO v an Coimisiún, T-231/02, EU:T:2004:105, mír 45; an 12 Márta 2007, Confcooperative, Unione regionale della Cooperazione Friuli-Venezia Giulia Federagricole agus páirtithe eile v an Coimisiún, T-418/04, nár foilsíodh, EU:T:2007:83, mír 57, agus an 13 Samhain 2008, Lemaître Sécurité v an Coimisiún, T-301/06, nár foilsíodh, EU:T:2008:495, mír 24).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107</p>
</td>
<td valign="top">
<p class="normal">Thairis sin, ní féidir gur leor an imthoisc gur bhain an cinneadh tosaigh le líon sách srianta agus cobhsaí de sholáthraithe fuinnimh don chothromú ar éirigh leo, dála an iarratasóra, a gcuid suiteálacha a réamhcháiliú le haghaidh soláthar fuinnimh don chothromú agus a bhí gníomhach ar mhargadh na Gearmáine d’fhuinneamh don chothromú, agus ar mhargadh na Seice agus na hOstaire, ach oiread chun an t-iarratasóir a dhealú de réir bhrí an chásdlí a eascraíonn as breithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223). Is léir freisin ó chásdlí socair nach bhfuil sé d’éifeacht ag an bhféidearthacht a dhéanamh amach, go cruinn nó go neasach, líon nó fiú céannacht na n-eintiteas dlíthiúil a bhfuil feidhm ag beart ina leith nach mór a mheas go bhfuil an beart sin dá gcúram go leithleach, ós rud é go bhfuil an cur i bhfeidhm sin le déanamh i bhfianaise staid oibiachtúil dlí nó fíorais arna sainiú leis an ngníomh atá i gceist (féach breithiúnas an 18 Deireadh Fómhair 2018, Internacional de Productos Metálicos v an Coimisiún, C-145/17 P, EU:C:2018:839, mír 35 agus an cásdlí dá dtagraítear; orduithe an 19 Meán Fómhair 2022, TDK Foil Italy v an Coimisiún, T-788/21, nár foilsíodh, EU:T:2022:581, mír 18, agus an 7 Nollaig 2022, Sunrise Medical agus Sunrise Medical Logistics v an Coimisiún, T-721/21, nár foilsíodh, EU:T:2022:791, mír 53). Sa chás seo, mar a thug an Bord Achomhairc dá aire go bunúsach i mír 50 den chinneadh atá faoi chonspóid, baineann an cinneadh tosaigh le gach soláthraí fuinnimh don chothromú ar an gcaoi chéanna, a mhéid a bhfuil feidhm aige maidir le gach gníomhaí sa mhargadh ar mhian leis fuinneamh don chothromú a mhalartú, sa Ghearmáin, ach freisin i bPoblacht na Seice agus san Ostair, ar na hardáin Eorpacha PICASSO agus MARI.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108</p>
</td>
<td valign="top">
<p class="normal">Thairis sin, ní mhaíonn an t-iarratasóir, agus ní léiríonn sé ach chomh beag, go bhfuil sé i gcaidreamh iomaíoch, iarbhír nó féideartha, leis na daoine ar ar díríodh an cinneadh agus, dar leis, fíorthairbhithe an chinnidh tosaigh ar mhargadh na Gearmáine d’fhuinneamh don chothromú, eadhon na OCTanna lena mbaineann an cinneadh sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">109</p>
</td>
<td valign="top">
<p class="normal">Ar deireadh, maidir leis na hinfheistíochtaí arna ndéanamh ag an iarratasóir in dhá stáisiún in Audorf agus Itzehoe a oibríonn sé sa Ghearmáin chun a n-acmhainn feidhmíochta agus a n-infhaighteacht oibriúcháin a choimeád ar bun ar mhargadh an fhuinnimh don chothromú (féach mír 86 thuas), is léir áfach ón gcásdlí gur cuireadh san áireamh cheana díluacháil infheistíochtaí suntasacha arna ndéanamh agus arna ríomh san fhadtéarma, i bhfianaise struchtúr an mhargaidh a bhí ann roimhe sin, chun a chinneadh an bhfuil cinneadh de chúram iarratasóra go leithleach (breithiúnais an 17 Bealtaine 2023, EVH v an Coimisiún, T‑312/20, gan achomharc, EU:T:2023:252, míreanna 42 agus 46, an 17 Bealtaine 2023, TEAG v an Coimisiún, T‑315/20, nár foilsíodh, gan achomharc, EU:T:2023:259, míreanna 42 agus 46, agus an 17 Bealtaine 2023, GGEW v an Coimisiún, T‑319/20, nár foilsíodh, gan achomharc, EU:T:2023:263, míreanna 42 agus 46). Mar sin féin, sa chás seo, fiú dá nglacfaí leis go ndearnadh na hinfheistíochtaí nithiúla a luaigh an t-iarratasóir a ‘dhíluacháil’ leis an gcinneadh tosaigh, a mhéid a rinne sé difear dá ndímheas, níor chuir sé sonraí leordhóthanacha ar fáil chun teacht ar an gconclúid go ndearnadh difear substainteach dá staid iomaíoch ar mhargadh an fhuinnimh don chothromú. Go sonrach, níor chuir an t-iarratasóir sonraí ar fáil lena bhféadfaí tábhacht choibhneasta an dá stáisiún atá i gceist dá tháirgeadh iomlán, ó thaobh luacha agus méid de, d’fhuinneamh don chothromú sa Ghearmáin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">110</p>
</td>
<td valign="top">
<p class="normal">Sa chás sin, ní féidir leis an iarratasóir, nár léirigh go raibh sé i gcaidreamh iomaíoch, iarbhír nó féideartha le tairbhithe an chinnidh tosaigh ar mhargadh na Gearmáine d’fhuinneamh don chothromú, ar a bhfuil sé ag feidhmiú agus a mbaineann an cinneadh tosaigh leo, leas a bhaint as an gcásdlí dá dtagraítear i míreanna 102 agus 103 thuas chun a mhaíomh, mar a rinne sé sa chás seo, go ndearnadh difear suntasach dá staid ar an margadh leis an gcinneadh sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">111</p>
</td>
<td valign="top">
<p class="normal">Maidir leis na ‘tréithe’ agus na ‘staideanna fíorasacha’ a d’ardaigh an t-iarratasóir os comhair an bhoird achomhairc, eadhon an fíoras go raibh sé gníomhach ar mhargadh na Gearmáine d’fhuinneamh don chothromú agus go raibh sé ar cheann de na soláthraithe is mó ar an margadh sin, agus a chuir sé chun cinn i gcomhthéacs na caingne sin, trína áitiú go ndearnadh difear suntasach dá staid ar an margadh leis an gcinneadh tosaigh, de réir bhrí an chásdlí dá dtagraítear i míreanna 102 agus 103 thuas, ní mór a chinneadh mar sin go raibh an ceart ag an mBord Achomhairc nuair a chinn sé, i míreanna 46 go 50 den chinneadh atá faoi chonspóid, nach raibh siad sin, iontu féin, den chineál go ndealaítear an t-iarratasóir de réir bhrí an chásdlí a eascraíonn ó bhreithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">112</p>
</td>
<td valign="top">
<p class="normal">Maidir leis na ‘tréithe’ nó na ‘staideanna fíorasacha’ nár luadh, sa chinneadh atá faoi chonspóid, mar nithe a d’ardaigh an t-iarratasóir os comhair an bhoird achomhairc, agus dá réir sin, nár scrúdaigh sé mar chuid den chinneadh sin, ach a d’ardaigh an t-iarratasóir i gcomhthéacs na caingne seo (féach míreanna 83, 88, 97 agus 99 thuas), d’iarr an Chúirt Ghinearálta ar na páirtithe, i gcomhthéacs beart eagrúcháin nós imeachta, seasamh a ghlacadh faoina n-inghlacthacht.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">113</p>
</td>
<td valign="top">
<p class="normal">I ndáil leis sin, áitíonn an t-iarratasóir gur thagair sé, i mír 134 de na haighneachtaí lena leagtar amach na forais leis an gcaingean agus i míreanna 31 et seq dá aigheachtaí mar fhreagra ar cheist a chuir an Bord Achomhairc an 22 Lúnasa 2022, gur thagair sé don fhíoras gur sáraíodh a cheart chun go rachfaí i gcomhairle leis de bhun Airteagal 10(6) de Rialachán 2017/2195 i gcomhthéacs an nós imeachta riaracháin inar glacadh an cinneadh tosaigh. Níl sa tagairt níos déanaí do shárú ar a cheart chun éisteacht a fháil arna ráthú le hAirteagal 14(6) de Rialachán 2019/942 agus forbairt ar argóintí a rinneadh os comhair an Bhoird Achomhairc cheana.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">114</p>
</td>
<td valign="top">
<p class="normal">Measann ACER, maidir leis an gcinneadh a bheith de chúram an iarratasóra go díreach, go raibh sé ag brath, go bunúsach, i míreanna 94 go 101 dá phléadálacha lena leagtar amach forais na caingne, maidir leis an gceist sin ar an bhfíoras go raibh sé ar na soláthraithe is mó atá gníomhach ar mhargadh na Gearmáine d’fhuinneamh don chothromú agus nach mbeadh sé inghlactha go n-ardódh sé níos déanaí agus, dá réir sin, go déanach, ‘tréithe’ nó ‘staideanna fíorasacha’ eile lena bhféadfaí é a dhealú de réir bhrí an chásdlí a eascraíonn as breithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">115</p>
</td>
<td valign="top">
<p class="normal">I ndáil leis sin, ní mór a thabhairt faoi deara nach féidir leis an gCúirt Ghinearálta na ‘tréithe’ nó na ‘staideanna fíorasacha’ nár ardaigh agus nár léirigh an t-iarratasóir os comhair an Bhoird Achomhairc a chur san áireamh chun dlíthiúlacht an chinnidh atá faoi chonspóid a mheasúnú. De bhun Airteagal 29 de Rialachán 2019/942, arna léamh i gcomhar le hAirteagal 263 CFAE, iarrtar ar an gCúirt Ghinearálta dlíthiúlacht chinneadh an Bhoird Achomhairc a fhíorú trí athbhreithniú a dhéanamh ar chur i bhfeidhm dhlí an Aontais arna dhéanamh i ndáil leis i bhfianaise, go háirithe, na bhfíoras a cuireadh faoina bráid, ach ní fhéadfaidh sí, os a choinne sin, athbhreithniú den sórt sin a dhéanamh agus fíorais arna n-agairt nó arna dtabhairt ar aird den chéad uair os a comhair á gcur san áireamh (féach, chuige sin agus de réir analaí, breithiúnais an 13 Márta 2007, OHIM v Kaul, C-29/05 P, EU:C:2007:162, mír 54, agus an 15 Aibreán 2010, Schräder v CPVO, C-38/09 P, EU:C:2010:196, mír 76).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">116</p>
</td>
<td valign="top">
<p class="normal">Thairis sin, is léir ó na rialacha lena rialaítear an nós imeachta os comhair chúirteanna an Aontais, go háirithe Airteagal 21 de Reacht Chúirt Bhreithiúnais an Aontais Eorpaigh agus ó Airteagal 76 agus Airteagal 84(1) de na Rialacha Nós Imeachta, gurb iad na páirtithe, i bprionsabal, a chinneann agus a theoranaíonn an díospóid agus nach bhféadfaidh cúirteanna an Aontais rialú a thabhairt ultra petita (féach breithiúnas an 17 Meán Fómhair 2020, Alfamicro v an Coimisiún, C-623/19 P, nár foilsíodh, EU:C:2020:734, mír 40 agus an cásdlí dá dtagraítear; breithiúnas an 22 Nollaig 2022, an Pharlaimint v Moi, C-246/21 P, nár foilsíodh, EU:C:2022:1026, mír 55). Thairis sin, i gcomhréir leis an gcéad mhír d’Airteagal 21 de Reacht Chúirt Bhreithiúnais an Aontais Eorpaigh agus le hAirteagal 120(c) agus (d) de Rialacha Nós Imeachta na Cúirte Breithiúnais agus leis an gcéad mhír d’Airteagal 76(d) agus (e) de na Rialacha Nós Imeachta, i gcomhthéacs caingean dhíreach os comhair chúirteanna an Aontais nach mór a bheith san iarratas lena dtioncscnaítear an chaingean, inter alia, ábhar na díospóide, achoimre ar na saincheisteanna arna n-ardú agus an t-ordú atá á lorg ag an iarratasóir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">117</p>
</td>
<td valign="top">
<p class="normal">Sa chás seo, i míreanna 94 go 101 dá phléadálacha ina leagtar amach na forais leis an gcaingean, bhí an t-iarratasóir ag brath, go bunúsach, chun a mhaíomh go bhfuil an cinneadh tosaigh dá chúram go leithleach, rud a d’fhág gur cuireadh bac go sealadach ar phraghas ar a díoladh an fuinneamh don chothromú do na OCTanna, ar an imthoisc shonrach go raibh sé ar na soláthraithe ba mhó atá gníomhach ar mhargadh na Gearmáine don fhuinneamh sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">118</p>
</td>
<td valign="top">
<p class="normal">I gcomhréir leis an gcásdlí agus le foclaíocht Airteagal 15(1)(d) de Rialacha Nós Imeachta an Bhoird Achomhairc dá dtagraítear i mír 93 thuas, bhí údar cuí ag an mBord sin nuair nár chuir sé san áireamh, sa chinneadh atá faoi chonspóid, ach an imthoisc shonrach a d’ardaigh an t-iarratasóir mar is cuí os a chomhairc mar imthoisc lena ndéantar é a dhealú de réir bhrí an chásdlí a eascraíonn as breithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223), gan ceanglas a bheith ann scrúdú a dhéanamh an bhféadfaí ‘tréithe’ eile nó ‘staideanna fíorasacha’ eile lena bhféadfaí é a dhealú a thuiscint ón bpléadáil lena leagtar amach na forais leis an achomharc, ó na hIarscríbhinní a ghabhann leis, na barúlacha breise nó, ar bhonn níos ginearálta, ón gcáschomhad.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">119</p>
</td>
<td valign="top">
<p class="normal">Fiú dá mba rud é gur mhainnigh an Bord Achomhairc a chur san áireamh, go neamhdhleathach, sa chinneadh atá faoi chonspóid, na ‘tréithe’ nó na ‘staideanna fíorasacha’ ar cheart don iarratasóir iad a ardú os a chomhair, ba cheart don iarratasóir agóid a dhéanamh ina choinne, trí fhoras chuige sin a bhaineann leis na coinníollacha soiléireachta agus cruinnis a leagtar amach in Airteagal 76(d) de na Rialacha Nós Imeachta (féach mír 116 thuas).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">120</p>
</td>
<td valign="top">
<p class="normal">Féadfaidh sé a bheith de thoradh ar mhainneachtain breith a thabhairt ar chuntar éilimh go gcuirfear ar neamhní, ar a laghad go páirteach, cinneadh arna ghlacadh ag Bord Achomhairc neamhspleách chomhlacht, ghníomhaireacht nó oifig an Aontais dá dtagraítear in Airteagal 58a de Reacht Chúirt Bhreithiúnais an Aontais Eorpaigh (féach, chuige sin agus de réir analaí, breithiúnas an 8 Meitheamh 2016, GREEN BEANS, T-585/15, nár foilsíodh, EU:T:2016:339, mír 27 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">121</p>
</td>
<td valign="top">
<p class="normal">Cé go dtagraíonn an t-iarratasóir i míreanna 92 agus 117 go 120 den iarratas, mar imthosca lena bhféadfar é a dhealú de réir bhrí an chásdlí a eascraíonn as breithiúnas an 15 Iúil 1963, Plaumann v an Coimisiún (25/62, EU:C:1963:17, lch. 223), dá rannpháirtíocht ghníomhach sa nós imeachta riaracháin sular glacadh an cinneadh tosaigh agus don sárú ar a cheart go rachfar i gcomhairle leis sular glacadh an cinneadh sin, de bhun Airteagal 10(1) de Rialachán 2017/2195, níor ardaigh sé go soiléir agus go cruinn, i ndáil leis sin, pléadáil chun an cinneadh atá faoi chonspóid a chur ar neamhní lena n-éilítear, sa chinneadh sin gur mhainnigh an Bord Achomhairc rialú a thabhairt ar na ‘tréithe’ nó na ‘staideanna fíorasacha’ sin arna n-ardú go cuí os a chomhair.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">122</p>
</td>
<td valign="top">
<p class="normal">Dá bhrí sin, níl féidir leis an iarratasóir a ardú go hinghlactha, i gcomhthéacs na caingne seo, na ‘tréithe’ nó na ‘staideanna fíorasacha’ nár tagraíodh dóibh, sa chinneadh atá faoi chonspóid, mar a bheith ardaithe aige os comhair an Bhoird Achomhairc agus, dá réir sin, nár scrúdaigh sé sa chinneadh sin (féach míreanna 83, 88, 97 agus 99 thuas).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">123</p>
</td>
<td valign="top">
<p class="normal">Dá bhrí sin, ní mór diúltú don chéad saincheist dlí toisc nach bhfuil bunús léi, ionas nach mór diúltú don phríomhéileamh atá gan bhunús, lena n-iarrtar an cinneadh atá faoi chonspóid a chur ar neamhní, mar a bheith gan bhunús. Is iomchuí leanúint ar aghaidh le scrúdú ar an éileamh malartach.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An t-éileamh malartach, lena n-iarrtar an cinneadh tosaigh a chur ar neamhní</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">124</p>
</td>
<td valign="top">
<p class="normal">Mar thaca leis an éileamh malartach, ardaíonn an t-iarratasóir 6 shaincheist dlí lena n-éilítear, go bunúsach, maidir leis an gcéad cheann, easpa inniúlachta ACER chun cinneadh tosaigh a thabhairt a imíonn ó thogra na OCTanna, maidir leis an dara ceann, gur sháraigh ACER an oibleagáid a leagtar amach in Airteagal 10 de Rialachán 2017/2195 dul i gcomhairle leis na páirtithe leasmhara ar an margadh sula nglactar modheolaíocht nua, an tríú ceann, easpa bunús dlí do ghlacadh an chinnidh tosaigh, maidir leis an gceathrú ceann, easpa cúiseanna, maidir leis an gcúigiú ceann, sárú ar na cuspóirí arna saothrú ag Rialachán 2017/2195 agus, maidir leis an séú ceann, sárú ar phrionsabal na comhréireachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">125</p>
</td>
<td valign="top">
<p class="normal">Áitíonn ACER go bhfuil an t-iarratas malartach a taisceadh an 17 Feabhra 2023 do-ghlactha go follasach de bharr neamhchomhlíonadh na teorann ama 2 mhí agus 10 lá chun imeachtaí a thionscnamh chun an cinneadh tosaigh a neamhniú, a leagtar amach sa séú mír d’Airteagal 263 CFAE, arna léamh i gcomhar le hAirteagal 60 de na Rialacha Nós Imeachta a thosaigh, ar a dhéanaí, ón dáta a chuir an t-iarratasóir an t-achomharc faoi bhráid an Bhoird Achomhairc, eadhon an 28 Aibreán 2022. Ní fhéadfadh an t-iarratasóir brath go bailí ar aon earráid inleithscéil, agus é á thabhairt faoi deara gur seoladh an fhaisnéis faoi na leigheasanna dlí atá sa chinneadh tosaigh dírithe go sainráite chuig na daoine ar ar díríodh an cinneadh sin agus go bhfágfadh léiriú comhréireach ar théacs Airteagal 29 de Rialachán 2019/942 gur gá a mheas nach gcuirtear bac leis ar cheart an iarratasóra caingean le haghaidh neamhniú a thionscnamh go díreach os comhair na Cúirte Ginearálta ar bhonn an cheathrú mír d’Airteagal 263 CFAE, sa leagan a eascraíonn as Conradh Liospóin. In aon chás, ba cheart diúltú don éileamh malartach mar a bheith gan bhunús.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">126</p>
</td>
<td valign="top">
<p class="normal">Measann an t-iarratasóir go gcomhlíonann an t-éileamh malartach na coinníollacha le haghaidh inghlacthacht caingne le haghaidh cinneadh arna ghlacadh ag comhlacht de chuid an Aontais, eadhon ACER, a chur ar neamhní, arna tabhairt ar bhonn an cheathrú mír d’Airteagal 263 CFAE. Dar leis, níl an leigheas sin faoi réir na leigheasanna dlí a bheith ídithe, i gcomhréir leis an gcúigiú mír d’Airteagal 263 CFAE agus le hAirteagal 29 de Rialachán 2019/942, ós rud é go bhfuil féidearthacht caingean dhíreach uaidh riachtanach faoin dlí príomha. Thairis sin, áitíonn an t-iarratasóir nár cheart do dhul in éag na teorann ama 2 mhí ó fhoilsiú an chinnidh tosaigh, an 28 Feabhra 2022, bac a chur ar inghlacthacht an éilimh mhalartaigh ach an oiread, ós rud é nach bhféadfadh sé a bheith ag súil leis, i bhfianaise aicmiú an chinnidh tosaigh mar chinneadh aonair de réir bhrí aithris 34, Airteagal 2(d) agus Airteagail 28 agus 29 de Rialachán 2019/942, an chásdlí, na dtreoracha maidir leis na leigheasanna a bhí sa chinneadh tosaigh agus na heaspa cosanta breithiúnaí agus na gcoinbhleachtaí a leanann uaidh sin, i gcás inar gá caingean dhíreach a thionscnamh i gcoinne an chinnidh deiridh sin, gan réamhchinneadh a bheith faighte ón mBord Achomhairc. De réir an chásdlí, ní chuirtear bac le neamhchomhlíonadh na teorann ama chun imeachtaí a thionscnamh ar inghlacthacht an iarratais i gcás ina bhfuil sé sin mar thoradh ar earráid dlí inleithscéil ar thaobh an iarratasóra, ar chuir údar an ghnímh é ar míthreoir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">127</p>
</td>
<td valign="top">
<p class="normal">Maidir leis an bpléadáil do-ghlacthachta san éileamh malartach a chuireann ACER ina coinne, ní mór a thabhairt faoi deara, ar dtús, mar is léir ó mhír 47 go bhféadfadh an t-iarratasóir, sa chás seo, caingean le haghaidh neamhniú a dhéanamh i gcoinne an chinnidh tosaigh go díreach os comhair chúirteanna an Aontais, ar bhonn an cheathrú mír d’Airteagal 263 CFAE, sa leagan a eascraíonn as Conradh Liospóin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">128</p>
</td>
<td valign="top">
<p class="normal">Thairis sin, is léir ón séú mír d’Airteagal 263 CFAE nach mór na caingne le haghaidh neamhniú a thionscnamh laistigh de 2 mhí ón uair a foilsíodh an beart, nó a cuireadh in iúl don iarratasóir é nó, murar cuireadh, ón lá a fuair sé fios air, de réir mar a bheidh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">129</p>
</td>
<td valign="top">
<p class="normal">Ní féidir maolú ó chur i bhfeidhm reachtaíocht an Aontais a bhaineann le teorainneacha ama ach sna cúinsí thar a bheith eisceachtúil, ina bhfuil imthosca nárbh fhéidir a thuar nó force majeure ann, i gcomhréir leis an dara mír d’Airteagal 45 de Reacht Chúirt Bhreithiúnais an Aontais Eorpaigh, ós rud é go bhfreagraíonn cur i bhfeidhm dian na rialacha sin do cheanglas na deimhneachta dlíthiúla agus don ghá le haon idirdhealú nó cóir threallach i riar an cheartais a sheachaint (féach breithiúnas an 14 Nollaig 2016, SV Capital v ABE, C-577/15 P, EU:C:2016:947, mír 56 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">130</p>
</td>
<td valign="top">
<p class="normal">Is léir freisin ón gcásdlí, i gcomhthéacs reachtaíocht an Aontais a bhaineann le tréimhsí teorann, nach mbaineann an coincheap ‘earráid inleithscéil’ lenar féidir maolú uaithi, ach le himthosca eisceachtúla, go háirithe, inar ghlac an institiúid lena mbaineann iompar atá de chineál, ann féin nó go pointe cinntitheach gur fhág sé go raibh mearbhall inghlactha ar dhlíthí atá de mheon macánta agus a léiríonn gach cúram cuí d’oibreoir atá feasach ar ghnáthleibhéal (féach breithiúnas an 14 Nollaig 2016, SV Capital v ABE, C-577/15 P, EU:C:2016:947, mír 59 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">131</p>
</td>
<td valign="top">
<p class="normal">Sa chás seo, foilsíodh an cinneadh tosaigh ar shuíomh gréasáin ACER an 28 Feabhra 2022 agus chuir an t-iarratasóir an t-ábhar faoi bhráid an Bhoird Achomhairc an 27 Aibreán 2022. Fiú dá mbeadh an t-iarratasóir ar an eolas faoin gcinneadh tosaigh an lá céanna a chuir sé an t-ábhar faoi bhráid an Bhoird Achomhairc, trí rialacha ríofa na dteorainneacha ama a chur i bhfeidhm, dá bhforáiltear in Airteagail 58 agus 60 de Rialacha Nós Imeachta na Cúirte, ní mór a thabhairt faoi deara, ar dháta tionscanta na caingne seo, eadhon an 17 Feabhra 2023, go raibh cosc ama ar an iarratasóir chun cur i gcoinne an chinnidh sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">132</p>
</td>
<td valign="top">
<p class="normal">Thairis sin, ní raibh bunús ag an iarratasóir, in imthosca an cháis seo, earráid inleithscéil a agairt, de réir bhrí an chásdlí dá dtagraítear i mír 130 thuas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">133</p>
</td>
<td valign="top">
<p class="normal">Ar an gcéad dul síos, níor thug ACER aon ghealltanas don iarratasóir maidir le dlínse an Bhoird Achomhairc chun caingean arna tabhairt aige i gcoinne an chinnidh tosaigh a éisteacht agus a chinneadh, ós rud é go raibh na treoracha maidir leis na leigheasanna ag deireadh an chinnidh tosaigh dírithe go sainráite ar ‘na daoine ar ar díríodh’ an cinneadh sin, eadhon OCTanna réigiún CORE, agus bhí an fhaisnéis sin cruinn i ndáil leo siúd (féach mír 47 thuas). Os a choinne sin, níor tugadh aon fhaisnéis sa chinneadh tosaigh maidir leis na leigheasanna ba cheart do dhaoine nádúrtha nó dlítheanacha nach iad na daoine ar ar díríodh an cinneadh sin a leanúint. Dá réir sin, ní féidir an fhaisnéis sin a aicmiú mar iompar ACER a d’fhéadfadh a bheith ina chúis le mearbhall inghlactha a bheith ar an iarratasóir maidir le dlínse an Bhoird Achomhairc chun caingean arna tabhairt i gcoinne an chinnidh tosaigh a éisteacht agus a chinneadh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">134</p>
</td>
<td valign="top">
<p class="normal">Ar an dara dul síos, d’fhágfadh léiriú ar fhoclaíocht Airteagal 29 de Rialachán 2019/942 atá i gcomhréir le dlí príomha an Aontais nach gcuirfeadh an dlí sin bac ar dhaoine nádúrtha agus dlítheanacha, dála an iarrtasóra, a raibh gníomh a bhfuil feidhm ghinearálta aige arna ghlacadh ag ACER dá gcúram go díreach, ach ní go leithleach, caingean le haghaidh neamhniú a thabhairt i gcoinne an ghnímh sin go díreach os comhair chúirteanna an Aontais, ar bhonn an cheathrú mír d’Airteagal 263 CFAE, sa leagan a eascraíonn ó Chonradh Liospóin. Thairis sin, i mír 165 den iarratas d’áitigh an t-iarratasóir féin i gcomhthéacs na caingne seo ‘gur cheart [...] an ceart chun caingean os comhair na gcúirteanna a thabhairt dó i gcoinne gníomh rialála de bhun [an tríú cuid] den cheathrú mír d’Airteagal 263 [...] CFAE’, ‘ós rud é go bhforáiltear go sainráite don leigheas sin leis an [tríú cuid den] cheathrú mír d’Airteagal 263 [...] CFAE’..</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">135</p>
</td>
<td valign="top">
<p class="normal">Dá réir sin, sa chás seo, ní fhéadfadh an t-iarratasóir brath go bailí ar an gcásdlí atá bunaithe ar fhoclaíocht ghinearálta téacsanna áirithe lena rialaítear na leigheasanna dlí nó ar nósanna atá ann chun a chinneadh go ndearnadh earráid inleithscéil maidir le caingean a thionscnamh go déanach os comhair chúirteanna an Aontais i ndiaidh leigheas dlí inmheánach a ídiú nach raibh infheidhme, sa chás sonrach sin agus i gcomhréir leis an gcásdlí (féach, chuige sin, breithiúnais an 14 Meitheamh 1972, Marcato v an Coimisiún, 44/71, EU:C:1972:53, míreanna 5 go 9, agus an 5 Aibreán 1979, Orlandi v an Coimisiún, 117/78, EU:C:1979:109, míreanna 9 go 11).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">136</p>
</td>
<td valign="top">
<p class="normal">Is léir ón méid sin nach bhféadfaidh an t-iarratasóir brath ar aon earráid inleithscéil lena bhféadfaí údarú a thabhairt dó maolú, sa chás seo, ón oibleagáid an teorainn ama arna forchur don chaingean a urramú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">137</p>
</td>
<td valign="top">
<p class="normal">Dá thoradh sin, ní mór diúltú don éileamh malartach, lena n-éilítear an cinneadh tosaigh a chur ar neamhní, toisc go bhfuil sé do-ghlactha, ionas go ndiúltaítear don chaingean ina hiomláine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Costais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">138</p>
</td>
<td valign="top">
<p class="normal">De bhun Airteagal 134(1) de Rialacha Nós Imeachta na Cúirte Ginearálta, ní mór a ordú don pháirtí caillteach na costais a íoc, má iarrtar iad i bpléadálacha an pháirtí a n-éireoidh leis.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">139</p>
</td>
<td valign="top">
<p class="normal">Ós rud é nár éirigh leis an t-iarratasóir, ní mór a ordú dó na costais a íoc, i gcomhréir leis an ordú arna lorg ag ACER.</p>
</td>
</tr>
</table>
    <p class="C41DispositifIntroduction" id="para-169" title="page-31">
      Ar na forais sin,
    </p>
    <p class="C19Centre" id="para-170" title="page-32">
      rialaíonn AN CHÚIRT GHINEARÁLTA (an Tríú Dlísheomra Méadaithe)
    </p>
    <p class="C02AlineaAltA" id="para-171" title="page-32">
      mar seo a leanas:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Díbhtear an chaingean.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Ordaítear do Uniper Global Commodities na costais a íoc.</p>
</td>
</tr>
</table>
    <div class="signatures">
<p class="C77SignaturesComposition" id="para-174" title="page-32">
<span class="signatory">van der Woude</span>
<span class="signatory_separator"> </span>
<span class="signatory">Škvařilová-Pelzl</span>
<span class="signatory_separator"> </span>
<span class="signatory">Nõmm</span>
</p>
<p class="C77SignaturesComposition" id="para-175" title="page-32">
<span class="signatory">Steinfatt</span>
<span class="signatory_separator"> </span>
<span class="signatory_separator"> </span>
<span class="signatory">Kukovec</span>
</p>
<p class="C77SignaturesAlinea" id="para-176" title="page-32">
<span class="signatory">Arna thabhairt i gcúirt oscailte i Lucsamburg, an </span>
<span class="signatory">25 Meitheamh 2025</span>
<span class="signatory">.</span>
</p>
<p class="C77Signatures" id="para-177" title="page-33">
<span class="signatory">Sínithe</span>
        <br/>
      </p>
</div>
    
    
    
    <p class="C02AlineaAltA" id="para-178" title="page-35">
      
        <br/>
      
    </p>
    <div class="toc">
<p class="C19Centre" id="para-179" title="page-35">
<span>Clár</span>
</p>
<p class="CTOC1" id="para-180" title="page-35">
<span>Cúlra na díospóide </span>
<span>2</span>
</p>
<p class="CTOC1" id="para-181" title="page-35">
<span>An t-ordú atá á lorg ag na páirtithe </span>
<span>3</span>
</p>
<p class="CTOC1" id="para-182" title="page-35">
<span>An dlí </span>
<span>4</span>
</p>
<p class="CTOC2" id="para-183" title="page-35">
<span>An príomhéileamh, an cinneadh atá faoi chonspóid a chur ar neamhní </span>
<span>4</span>
</p>
<p class="CTOC3" id="para-184" title="page-35">
<span>An dara saincheist dlí, lena n-éilítear go ndearnadh léiriú ar Airteagal 28(1) de Rialachán 2019/942 nach n-áirithítear leis éifeachtacht an nós imeachta os comhair an Bhoird Achomhairc agus comhréireacht na forála sin le prionsabal na cosanta breithiúnaí éifeachtaí, mar a leagtar amach in Airteagal 47 den Chairt agus le prionsabal an chomhionannais faoin dlí, arna ráthú le hAirteagal 20 den Chairt </span>
<span>4</span>
</p>
<p class="CTOC3" id="para-185" title="page-35">
<span>An chéad saincheist dlí, lena n-éilítear go sáraítear Airteagal 28(1) de Rialachán 2019/942 </span>
<span>19</span>
</p>
<p class="CTOC2" id="para-186" title="page-35">
<span>An t-éileamh malartach, lena n-iarrtar an cinneadh tosaigh a chur ar neamhní </span>
<span>29</span>
</p>
<p class="CTOC1" id="para-187" title="page-35">
<span>Costais </span>
<span>32</span>
</p>
<p class="C19Centre" id="para-188" title="page-1">
<span/>
</p>
</div>
    
    
    
    
    
    
    
    
    
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Teanga an cháis: an Ghearmáinis.</p>
</body>
</html>
