A. CÁILÍOCHT AN AEIR

1. 31994 L 0063: Treoir 94/63/CE ó Pharlaimint na hEorpa agus ón gComhairle an 20 Nollaig 1994 maidir le rialú astaíochtaí de chomhdhúile soghalaithe orgánacha (CSO) a thig ó stóráil peitril agus óna dáileadh ó theirminéil go stáisiúin seirbhíse (IO L 365, 31.12.1994, lch. 24), mar atá arna leasú le:

- 32003 R 1882: Rialachán (CE) Uimh. 1882/2003 ó Pharlaimint na hEorpa agus ón gComhairle an 29.9.2003 (IO L 284, 31.10.2003, lch. 1).

(a) De mhaolú ar Airteagal 3 agus Iarscríbhinn I de Threoir 94/63/CE, ní bheidh feidhm sa Bhulgáir ag na ceanglais d'fhearais stórála atá ann ag teirminéil:

- go dtí an 31 Nollaig 2007 maidir le fearais stórála ag 6 teirminéal a bhfuil acu tríchur arna luchtú is mó ná 25000 tona in aghaidh na bliana ach nach mó ná 50000 tona in aghaidh na bliana;

- go dtí an 31 Nollaig 2009 maidir le fearais stórála ag 19 teirminéal a bhfuil acu tríchur arna luchtú nach mó ná 25000 tona in aghaidh na bliana.

(b) De mhaolú ar Airteagal 4 agus Iarscríbhinn II de Threoir 94/63/CE, ní bheidh feidhm sa Bhulgáir ag na ceanglais do luchtú agus díluchtú coimeádán soghluaiste atá ann ag teirminéil:

- go dtí an 31 Nollaig 2007 maidir le 12 teirminéal a bhfuil acu tríchur is mó ná 25000 tona in aghaidh na bliana ach nach mó ná 150000 tona in aghaidh na bliana;

- go dtí an 31 Nollaig 2009 maidir le 29 teirminéal a bhfuil acu tríchur nach mó ná 25000 tona in aghaidh na bliana.

(c) De mhaolú ar Airteagal 5 de Threoir 94/63/CE, ní bheidh feidhm sa Bhulgáir ag na ceanglais do choimeádáin shoghluaiste atá ann ag teirminéil:

- go dtí an 31 Nollaig 2007 maidir le 50 tancaer bóthair;

- go dtí an 31 Nollaig 2009 maidir le 466 tancaer bóthair breise.

(d) De mhaolú ar Airteagal 6 agus Iarscríbhinn III de Threoir 94/63/CE, ní bheidh feidhm sa Bhulgáir ag na ceanglais do luchtú i bhfearais stórála atá ann ag stáisiúin seirbhíse:

- go dtí an 31 Nollaig 2007 maidir le 355 stáisiún seirbhíse a bhfuil acu tríchur is mó ná 500 m3 in aghaidh na bliana ach nach mó ná 1000 m3 in aghaidh na bliana;

- go dtí an 31 Nollaig 2009 maidir le 653 stáisiún seirbhíse a bhfuil acu tríchur nach mó ná 500 m3 in aghaidh na bliana.

2. 31999 L 0032: Treoir 1999/32/CE ón gComhairle an 26 Aibreán 1999 a bhaineann le laghdú ar an gcion sulfair i leachtbhreoslaí áirithe agus ag leasú Threoir 93/12/CEE (IO L 121, 11.5.1999, lch. 13), mar atá arna leasú le:

- 32003 R 1882: Rialachán (CE) Uimh. 1882/2003 ó Pharlaimint na hEorpa agus ón gComhairle an 29.9.2003 (IO L 284, 31.10.2003, lch. 1).

(a) De mhaolú ar Airteagal 3(1) de Threoir 1999/32/CE, ní bheidh feidhm sa Bhulgáir go dtí an 31 Nollaig 2011 i dtaca le húsáid áitiúil ag na ceanglais don chion sulfair de thromolaí breosla. I rith na hidirthréimhse sin ní rachaidh an cion sulfair thar 3,00 % de réir maise.

(b) De mhaolú ar Airteagal 4(1) de Threoir 1999/32/CE, ní bheidh feidhm sa Bhulgáir go dtí an 31 Nollaig 2009 i dtaca le húsáid áitiúil ag na ceanglais don chion sulfair d'olaí gáis. I rith na hidirthréimhse sin ní rachaidh an cion sulfair thar 0,20 % de réir maise.

--------------------------------------------------