1.   

Fit-2 ta’ Ġunju 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Czech Media Invest a.s. (iċ-Ċekja),

—	Rockaway Capital SE (iċ-Ċekja),

—	Brasinex Bohemia, a.s. (iċ-Ċekja).

Czech Media Invest a.s. u Rockaway Capital SE Brasinex Bohemia a.s. jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab ta’ Brasinex Bohemia a.s. kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—	Czech Media Invest a.s.: attivitajiet fis-settur tal-media fl-Ewropa ċentrali u tal-punent, b’mod partikulari l-pubblikazzjoni ta’ rivisti u xandir bir-radju,

—	Rockaway Capital SE: investiment f’kumpaniji eżistenti u start-ups fil-qasam tas-servizzi tal-internet, fosthom il-kummerċ elettroniku,

—	Brasinex Bohemia, a.s: attivitajiet, partikolarment fir-Repubblika Ċeka, fil-livelli kollha tas-suq tal-ktieb, mill-pubblikazzjoni sad-distribuzzjoni bl-ingrossa ta’ kotba għall-bejgħ ta’ kotba mill-ħwienet.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9601 — Czech Media Invest/Rockaway/Brasinex Bohemia

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

Commission européenne/Europese Commissie

Direction générale de la concurrence

Greffe des concentrations

1049 Bruxelles/Brussel

BELGIQUE/BELGIË