(1)

Is gnách comhaltas i líonraí príomhdhéileálaithe Eorpacha ceannasacha nó fornáisiúnta a oscailt d’institiúidí creidmheasa atá údaraithe faoi Threoir 2013/36/AE ó Pharlaimint na hEorpa agus ón gComhairle (2) agus do ghnólachtaí infheistíochta atá údaraithe faoi Threoir 2014/65/AE ó Pharlaimint na hEorpa agus ón gComhairle (3).

(2)

Leagtar síos le hAirteagal 4, pointe (c), de Chinneadh (AE, Euratom) 2021/625 ón gCoimisiún (4), mar cheann de na critéir incháilitheachta le haghaidh comhaltas i líonra príomhdhéileálaithe an Aontais, comhaltas institiúidí creidmheasa i líonra príomhdhéileálaithe Eorpach ceannasach nó fornáisiúnta. De bharr na taithí, tríd an gcomhaltas i líonraí príomhdhéileálaithe Eorpacha ceannasacha nó fornáisiúnta, atá faighte ag gnólachtaí infheistíochta atá údaraithe chun gníomhaíochtaí frithgheallta ionstraimí airgeadais a dhéanamh agus/nó ionstraimí airgeadais a láithriú ar bhonn ceangaltas daingean faoi Threoir 2014/65/AE, ba cheart na gnólachtaí infheistíochta sin a bheith incháilithe le haghaidh comhaltas i líonra príomhdhéileálaithe an Aontais. Is gníomhaíochtaí iad sin atá ábhartha maidir le cúraimí chomhaltaí líonra príomhdhéileálaithe an Aontais, comhaltaí ar féidir dóibh bheith páirteach i gceantanna ar bhonn ceangaltas daingean agus ar féidir dóibh gníomhú mar phríomhbhainisteoirí le haghaidh idirbhearta sindeacáite lena ngealltar urrúis fiachais a fhrithghealladh.

(3)

Ina theannta sin, i gcomhréir leis an gcreat rialála nua is infheidhme maidir le gnólachtaí infheistíochta, go háirithe Rialachán (AE) 2019/2033 (5), ba cheart gnólachtaí infheistíochta atá údaraithe chun gníomhaíochtaí frithgheallta ionstraimí airgeadais a dhéanamh agus/nó ionstraimí airgeadais a láithriú ar bhonn ceangaltas daingean faoi Threoir 2014/65/AE, ba cheart na gnólachtaí sin a bheith cáilithe mar institiúidí creidmheasa ón 26 Meitheamh 2021 amach. Mar sin féin, go dtí an dáta sin agus fad is go dtabharfar údarú dóibh mar institiúidí creidmheasa faoin gcreat rialála nua, bheadh na gnólachtaí sin cáilithe ar bhonn idirthréimhseach mar ghnólachtaí infheistíochta.

(4)

Ba cheart, dá bhrí sin, Cinneadh (AE, Euratom) 2021/625 a leasú dá réir.

(5)

Ag cur san áireamh gur gá céadliosta líonra príomhdhéileálaithe an Aontais a bhunú, rud a bhfuil glao ar iarratais seolta ina leith cheana agus a bhfuil an roghnúchán ar siúl ina leith faoi láthair, agus ag cur san áireamh go bhfuil idirthréimhse ann faoin gcreat rialála nua agus ar mhaithe le deimhneacht dhlíthiúil a chur ar fáil do na hiarratasóirí a bhfuil spéis acu comhaltas a bhaint amach i líonra príomhdhéileálaithe an Aontais, ba cheart an Cinneadh seo a theacht i bhfeidhm mar ábhar práinne agus ba cheart feidhm a bheith aige go cúlghabhálach ó dháta theacht i bhfeidhm Chinneadh (AE, Euratom) 2021/625,

(1)

Leasaítear Airteagal 2 mar a leanas:

(2)

In Airteagal 3, cuirtear an méid seo a leanas in ionad na coda réamhráití:

“Is éard a bheidh i líonra príomhdhéileálaithe an Aontais (‘líonra na bpríomhdhéileálaithe’) grúpa d’institiúidí creidmheasa agus de ghnólachtaí infheistíochta dá dtagraítear in Airteagal 4, pointe (b)(ii), atá incháilithe chun bheith rannpháirteach sna gníomhaíochtaí iasachtaíochta agus bainistíochta fiachais seo a leanas de chuid an Choimisiúin:”;

(3)

Leasaítear Airteagal 4 mar a leanas:

(4)

in Airteagal 5, cuirtear an méid seo a leanas in ionad phointe (e)(iii):

(5)

in Airteagal 12, cuirtear an méid seo a leanas in ionad mhír 1: