|
7.10.2022 |
GA |
Iris Oifigiúil an Aontais Eorpaigh |
C 386/1 |
Fógra le haghaidh na ndaoine aonair atá faoi réir na mbeart sriantach dá bhforáiltear i gCinneadh 2014/932/CBES ón gComhairle, arna chur chun feidhme le Cinneadh Cur Chun Feidhme (CBES) 2022/1902 ón gComhairle, agus i Rialachán (AE) Uimh. 1352/2014 ón gComhairle, arna chur chun feidhme le Rialachán Cur Chun Feidhme (AE) 2022/1901 ón gComhairle, a bhaineann le bearta sriantacha i bhfianaise na staide in Éimin
(2022/C 386/01)
Cuirtear an fhaisnéis seo a leanas ar aird na ndaoine aonair a luaitear san Iarscríbhinn a ghabhann le Cinneadh 2014/932/CBES ón gComhairle (1), arna chur chun feidhme le Cinneadh Cur Chun Feidhme (CBES) 2022/1902 ón gComhairle (2), agus in Iarscríbhinn I a ghabhann le Rialachán (AE) Uimh. 1352/2014 ón gComhairle (3), arna chur chun feidhme le Rialachán Cur Chun Feidhme (AE) 2022/1901 ón gComhairle (4), a bhaineann le bearta sriantacha i bhfianaise na staide in Éimin.
An 26 Meán Fómhair 2022, chuir Coiste Chomhairle Slándála na Náisiún Aontaithe, arna bhunú de bhun rúin 2140 (2014) ó Chomhairle Slándála na Náisiún Aontaithe beirt le liosta na ndaoine agus na n-eintiteas atá faoi réir bearta sriantacha.
Féadfaidh na daoine aonair lena mbaineann, aon tráth, iarraidh ar athbhreithniú ar an gcinneadh iad a áireamh ar liosta na Náisiún Aontaithe, mar aon le haon doiciméadacht tacaíochta, a chur faoi bhráid Choiste na Náisiún Aontaithe arna bhunú de bhun Rún 2140 (2014) ó Chomhairle Slándála na Náisiún Aontaithe. Ba cheart an iarraidh sin a chur chuig an seoladh seo a leanas:
|
Focal Point for De-listing |
|
Security Council Subsidiary Organs Branch |
|
Room DC2 2034 |
|
United Nations |
|
New York, N.Y. 10017 |
|
United States of America |
Teil.: +1 917 367 9448
Facs: +1 917 367 0460
R-phost: delisting@un.org
Chun tuilleadh faisnéise a fháil, féach: https://www.un.org/securitycouncil/fr/sanctions/2140/materials/procedures-for-delisting.
Ag eascairt as cinneadh na Náisiún Aontaithe, chinn Comhairle an Aontais Eorpaigh gur cheart na daoine aonair atá ainmnithe ag na Náisiúin Aontaithe a chur ar liostaí na ndaoine agus na n-eintiteas atá faoi réir na mbeart sriantach dá bhforáiltear i gCinneadh 2014/932/CBES ón gComhairle, arna chur chun feidhme le Cinneadh Cur Chun Feidhme (CBES) 2022/1902 ón gComhairle, agus i Rialachán (AE) Uimh. 1352/2014 ón gComhairle arna chur chun feidhme le Rialachán Cur Chun Feidhme (AE) 2022/1901 ón gComhairle. Na forais faoinar liostaíodh na daoine aonair lena mbaineann, leagtar amach iad san iontráil ábhartha san Iarscríbhinn a ghabhann leis an gCinneadh agus in Iarscríbhinn I a ghabhann leis an Rialachán.
Cuirtear in iúl do na daoine aonair lena mbaineann gur féidir iarratas a dhéanamh chuig údaráis inniúla an Bhallstáit ábhartha nó na mBallstát ábhartha mar a léirítear ar na suímh ghréasáin a liostaítear in Iarscríbhinn II a ghabhann le Rialachán (AE) Uimh. 1352/2014, chun údarú a fháil le cistí reoite a úsáid chun freastal ar riachtanais bhunúsacha nó chun íocaíochtaí sonracha a dhéanamh (cf. Airteagal 4 den Rialachán).
Féadfaidh na daoine aonair lena mbaineann iarraidh a chur faoi bhráid na Comhairle, in éineacht le doiciméadacht tacaíochta, gur cheart breathnú arís ar an gcinneadh iad a chur ar an liosta thuasluaite, chuig an seoladh seo a leanas:
|
Comhairle an Aontais Eorpaigh |
|
An Ardrúnaíocht |
|
DG RELEX 1 |
|
Rue de la Loi/Wetstraat 175 |
|
1048 Bruxelles/Brussel |
|
BELGIQUE/BELGIË |
R-phost: sanctions@consilium.europa.eu
Cuirtear in iúl do na daoine aonair lena mbaineann freisin gur féidir an cinneadh ón gComhairle a chonspóid os comhair Chúirt Ghinearálta an Aontais Eorpaigh, i gcomhréir leis na coinníollacha a leagtar síos sa dara mír d’Airteagal 275, agus sa cheathrú agus sa séú mír d’Airteagal 263, den Chonradh ar Fheidhmiú an Aontais Eorpaigh.
(1) IO L 365, 19.12.2014, lch. 147.
(2) IO L 260, 6.10.2022, lch. 6.