<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-09-202509C111202402150-00-TRA-DOC-MT-ARRET-C-0215-24-202507672-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="20/10/2025 16:18:35" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="MrlLVRANIgIFdRak3s2M+eHeGYRYjf30zk71sUeu0hHw/YZ41KN4dyqqi0T0GFyWhaEb5IvV9i+GLWC5RGJKnj+6oUb7T3EksMDY1PQDSwLpfwz7f3T5DwVOdq0kB+H77EzaR3QUFXRGiF1GCZeUNoJe6tgO7Dy8dlanmHTJ9lM=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="mmic" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="6d7c4095-e556-4dec-9799-6fe5761aaaf2" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0215" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="mmic" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 20-08-25 14:31:11" name="Created"/>
    <meta content="" name="Canevas3_Vademecum"/>
    <meta content="2025-09-17T14:38:25Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="990251da854a4cc68c5ddc7fb66a5bf6" name="DocumentIdentifier"/>
    <meta content="0215" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Sentenza tal‑11.9.2025 – Kawża C‑215/24</div>
      <div id="rId22" style="default">Fira</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Ir‑Raba’ Awla)
    </p>
    <p class="C19Centre" id="para-2" title="page-1">
      11 ta’ Settembru 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Spazju ta’ libertà, sigurtà u ġustizzja – Kooperazzjoni ġudizzjarja f’materji kriminali – Deċiżjoni Qafas 2002/584/ĠAI – Mandat ta’ arrest Ewropew maħruġ għall-finijiet tal-eżekuzzjoni ta’ piena li ċċaħħad il-libertà – Il-punt 6 tal-Artikolu 4 – Raġuni għal nuqqas ta’ eżekuzzjoni fakultattiva tal-mandat ta’ arrest Ewropew – Għan ta’ integrazzjoni soċjali mill‑ġdid – Residenza tal-persuna kkundannata – Teħid ta’ responsabbiltà għall‑eżekuzzjoni tal-piena mill-Istat ta’ eżekuzzjoni konformement mad-dritt intern tiegħu – Deċiżjoni Qafas 2008/909/ĠAI – Rikonoxximent reċiproku ta’ sentenzi f’materji kriminali għall-finijiet tal-eżekuzzjoni tagħhom fi Stat Membru ieħor – Sospensjoni tal-eżekuzzjoni ta’ piena li ċċaħħad il-libertà deċiża minn qorti tal‑Istat Membru ta’ eżekuzzjoni – Artikolu 8 – Obbligu, għall-Istat ta’ eżekuzzjoni, li jirrikonoxxi s-sentenza u li jeżegwixxi l-kundanna – Artikolu 17 – Possibbiltà, għall-Istat ta’ eżekuzzjoni, li jiddetermina l-modalitajiet ta’ eżekuzzjoni”
    </p>
    <p class="C02AlineaAltA" id="para-4" title="page-1">
      Fil-Kawża C‑215/24 [Fira]  (<span class="note footnote notemarker">
<a id="c-2" href="#t-2">i</a>
</span>),
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mit-Tribunal Judicial da Comarca do Porto – Juízo Local Criminal de Vila Nova de Gaia (il-Qorti Distrettwali ta’ Porto – il-Qorti Kriminali Lokali ta’ Vila Nova de Gaia, il-Portugall), permezz ta’ deċiżjoni tad‑19 ta’ Marzu 2024, li waslet fil-Qorti tal-Ġustizzja fl‑20 ta’ Marzu 2024, fil-proċedura dwar l-eżekuzzjoni tal-mandat ta’ arrest Ewropew maħruġ kontra
    </p>
    <p class="C02AlineaAltA" id="para-6" title="page-1">
      YX,
    </p>
    <p class="C02AlineaAltA" id="para-7" title="page-1">
      fil-preżenza ta’:
    </p>
    <p class="C02AlineaAltA" id="para-8" title="page-1">
      Ministério Público,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (Ir‑Raba’ Awla),
    </p>
    <p class="C02AlineaAltA" id="para-10" title="page-1">
      komposta minn I. Jarukaitis, President tal-Awla, N. Jääskinen, A. Arabadjiev (Relatur), M. Condinanzi u R. Frendo, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: T. Ćapeta,
    </p>
    <p class="C02AlineaAltA" id="para-12" title="page-1">
      Reġistratur: L. Carrasco Marco, amministratriċi,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub u wara s-seduta tad‑19 ta’ Marzu 2025,
    </p>
    <p class="C02AlineaAltA" id="para-14" title="page-1">
      wara li rat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Portugiż, minn P. Barros da Costa, L. Ferro da Costa u J. Ramos, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Spanjol, minn A. Gavela Llopis u A. Torró Molés, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn H. Leupold, B. Rechena u J. Vondung, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li semgħet il-konklużjonijiet tal-Avukata Ġenerali, ippreżentati fis-seduta tal‑5 ta’ Ġunju 2025,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikoli 8, 12, 13 u 17 tad-Deċiżjoni Qafas tal-Kunsill 2008/909/ĠAI tas‑27 ta’ Novembru 2008 dwar l-applikazzjoni tal-prinċipju ta’ rikonoxximent reċiproku ta’ sentenzi f’materji kriminali li jimponu pieni ta’ kustodja jew miżuri li jinvolvu ċ-ċaħda tal-libertà bil-għan li jiġu infurzati fl-Unjoni Ewropea (ĠU 2008, L 327, p. 27), kif emendata bid-Deċiżjoni Qafas tal-Kunsill 2009/299/ĠAI tas‑26 ta’ Frar 2009 (ĠU 2009, L 81, p. 24) (iktar ’il quddiem id-“Deċizjoni Qafas 2008/909”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ proċedura dwar l-eżekuzzjoni, fi Spanja, ta’ mandat ta’ arrest Ewropew maħruġ mill-awtoritajiet Portugiżi kontra YX għall-finijiet tal-eżekuzzjoni ta’ piena li ċċaħħad il-libertà.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Deċiżjoni Qafas 2002/584/ĠAI</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">L‑Artikolu 4 tad-Deċiżjoni Qafas tal-Kunsill 2002/584/ĠAI tat‑13 ta’ Ġunju 2002 dwar il-mandat ta’ arrest Ewropew u l-proċeduri ta’ konsenja bejn l-Istati Membri (ĠU Edizzjoni Speċjali bil-Malti, Kapitolu 19, Vol. 6, p. 34, rettifika fil-ĠU 2009, L 17, p. 45) intitolat “Raġunijiet għan-nuqqas ta’ esekuzzjoni tal-mandat ta’ arrest Ewropew”, jiddisponi fil-punt 6 tiegħu:</p>
</td>
</tr>
</table>
    <p class="C02AlineaAltA" id="para-27" title="page-2">
      “L-awtorità ġudizzjarja ta’ esekuzzjoni tista’ tirrifjuta li tesegwixxi l-mandat ta’ arrest Ewropew:
    </p>
    <p class="C02AlineaAltA" id="para-28" title="page-2">
      […]
    </p>
    <p class="C09Marge0avecretrait" id="para-29" title="page-2">
      6. jekk il-mandat ta’ arrest Ewropew ġie maħruġ għall-finijiet ta’ esekuzzjoni ta’ piena ta’ kustodja jew ordni ta’ detenzjoni, fejn il-persuna rikjesta qed toqgħod fi, jew hi ċittadina jew residenta ta’ l-Istat Membru ta’ esekuzzjoni u dak l-Istat jintrabat li jesegwixxi l-piena jew l-ordni ta’ detenzjoni skond il-liġi domestika tiegħu”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Deċiżjoni Qafas 2008/909</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Il-premessi 5, 9 u 12 tad-Deċiżjoni Qafas 2008/909 jistipulaw:</p>
</td>
</tr>
</table>
    <p class="C09Marge0avecretrait" id="para-32" title="page-2">
      “(5) Drittijiet proċedurali fi proċedimenti kriminali huma element kruċjali biex tiġi żgurata kunfidenza reċiproka fost l-Istati Membri f’kooperazzjoni ġudizzjarja. Ir-relazzjonijiet bejn l-Istati Membri, li huma karatterizzati minn fiduċja reċiproka speċjali fis-sistemi legali ta’ Stati Membri oħrajn, jippermettu r-rikonoxximent mill-Istat ta’ esekuzzjoni ta’ deċiżjonijiet meħuda mill-awtoritajiet ta’ l-Istat emittenti. Għalhekk, għandu jiġi kkunsidrat żvilupp ulterjuri tal-kooperazzjoni previst fl-istrumenti tal-Kunsill ta’ l-Ewropa li jikkonċernaw l-infurzar ta’ sentenzi kriminali, b’mod partikolari fejn ċittadini ta’ l-Unjoni kienu s-suġġett ta’ sentenza kriminali u kienu sentenzjati għal piena ta’ kustodja jew miżura li tinvolvi ċ-ċaħda tal-libertà fi Stat Membru ieħor. Minkejja l-ħtieġa li l-persuna sentenzjata tkun provduta b’salvagwardji xierqa, l-involviment tagħha fil-proċedimenti m’għandhux jibqa’ dominanti billi jkun jeħtieġ fil-każijiet kollha l-kunsens tagħha biex sentenza tiġi trasmessa lil Stat Membru ieħor bil-għan tar-rikonoxximent tagħha u l-infurzar tal-piena imposta.
    </p>
    <p class="C09Marge0avecretrait" id="para-33" title="page-2">
      […]
    </p>
    <p class="C09Marge0avecretrait" id="para-34" title="page-3">
      (9) L-infurzar tal-piena fl-Istat ta’ esekuzzjoni għandu jsaħħaħ il-possibbiltà ta’ riabilitazzjoni soċjali tal-persuna sentenzjata. Fil-kuntest li jkun sodisfatt li l-infurzar tal-piena mill-Istat ta’ esekuzzjoni jaqdi l-iskop li tiffaċilita r-riabilitazjzoni soċjali tal-persuna sentenzjata, l-awtorità kompetenti ta’ l-Istat emittenti għandha tieħu kont ta’ elementi bħal, per eżempju, r-rabta tal-persuna ma’ l-Istat ta’ esekuzzjoni, jekk hi tikkonsidrahx bħala l-post b’rabtiet familjari, lingwistiċi, kulturali, soċjali jew ekonomiċi u rabtiet oħrajn ma’ l-Istat ta’ esekuzzjoni.
    </p>
    <p class="C09Marge0avecretrait" id="para-35" title="page-3">
      […]
    </p>
    <p class="C09Marge0avecretrait" id="para-36" title="page-3">
      (12) Din id-Deċiżjoni Qafas għandha tapplika wkoll, mutatis mutandis, għall-infurzar ta’ pieni fil-każijiet taħt l-Artikol[u] 4(6) […] tad-Deċiżjoni Qafas [2002/584]. Dan ifisser inter alia illi, mingħajr preġudizzju għal dik id-Deċiżjoni Qafas tal-Kunsill, l-Istat Membru ta’ esekuzzjoni jista’ jivverifika l-eżistenza ta’ raġunijiet ghal non-rikonoxximent jew non-infurzar kif previst fl-Artikolu 9 ta’ din id-Deċiżjoni Qafas, inkluż l-iċċekkjar ta’ kriminalità doppja sal-punt li l-Istat ta’ esekuzzjoni jagħmel dikjarazzjoni taħt l-Artikolu 7(4) ta’ din id-Deċiżjoni Qafas, bħala kondizzjoni biex jirrikonoxxi u jinforza s-sentenza bil-ħsieb li jikkonsidra jekk jikkonsenjax il-persuna jew jinfurzax il-piena f’każijiet skond l-Artikolu 4(6) tad-Deċiżjoni Qafas [2002/584].”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 3 tad-Deċiżjoni Qafas 2008/909, intitolat “Għan u Ambitu”, jiddisponi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-38" title="page-3">
      “L-għan ta’ din id-Deċiżjoni Qafas hija li tistabbilixxi r-regoli li taħthom Stat Membru, bil-ħsieb li jiffaċilita r-riabilitazzjoni soċjali tal-persuna sentenzjata, għandu jirrikonoxxi sentenza u jinforza l-piena.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Konformement mal-Artikolu 4 ta’ din id-deċiżjoni qafas, intitolat “Kriterji għat-trasmissjoni ta’ sentenzau ċertifikat lil Stat Membru ieħor”:</p>
</td>
</tr>
</table>
    <p class="C02AlineaAltA" id="para-40" title="page-3">
      “1. Dment li l-persuna sentenzjata fl-Istat emittenti jew fl-Istat ta’ esekuzzjoni, u dment li l-persuna tat il-kunsens tagħha fejn meħtieġ taħt l-Artikolu 6, sentenza, flimkien ma’ ċertifikat li tieghu tingħata l-formula standard fl-Anness I, jista’ jintbagħat lil wieħed mill-Istati Membri li ġejjin:
    </p>
    <p class="C09Marge0avecretrait" id="para-41" title="page-3">
      (a) l-Istat Membru taċ-ċittadinanza tal-persuna sentenzjata fejn hija j/tgħix; jew
    </p>
    <p class="C09Marge0avecretrait" id="para-42" title="page-3">
      (b) l-Istat Membru taċ-ċittadinanza, li għalih, filwaqt li m’huwiex l-Istat Membru fejn hi tgħix, il-persuna sentenzjata ser tkun deportata, ladarba hija tkun rilaxxata mill-infurzar tal-piena abbażi ta’ ordni ta’ espulsjoni jew deportazzjoni inkluża fis-sentenza jew f’deċiżjoni ġudizzjarja jew amministrattiva jew kwalunkwe miżura oħra li tirriżulta mis-sentenza; jew
    </p>
    <p class="C09Marge0avecretrait" id="para-43" title="page-3">
      (c) kwalunkwe Stat Membru li m’huwiex l-Istat Membru imsemmi f’ a) jew b), li l-awtorità kompetenti tiegħu tagħti kunsens biex is-sentenza u ċ-ċertifikat jiġu trasmessi lil dak l-Istat Membru.
    </p>
    <p class="C02AlineaAltA" id="para-44" title="page-4">
      2. It-trasmissjoni tas-sentenza u taċ-ċertifikat tista’ ssir meta l-awtorità kompetenti ta’ l-Istat emittenti, fejn xieraq, wara konsultazzjonijiet bejn l-awtoritajiet kompetenti ta’ l-Istat emittenti u ta’ dak ta’ esekuzzjoni, ikunu sodisfatti li l-infurzar tal-piena mill-Istat ta’ esekuzzjoni jkun jaqdi l-għan li jiffaċilita r-riabilitazzjoni soċjali tal-persuna sentenzjata.
    </p>
    <p class="C02AlineaAltA" id="para-45" title="page-4">
      3. Qabel it-trasmissjoni tas-sentenza u ċ-ċertifikat, l-awtorità kompetenti ta’ l-Istat emittenti tista’ tikkonsulta, bi kwalunkwe mezz xieraq, ma’ l-awtorità kompetenti ta’ l-Istat ta’ esekuzzjoni. Il-konsultazzjoni għandha tkun obbligatorja fil-każijiet imsemmijin fil-paragrafu 1(c). F’tali każijiet l-awtorità kompetenti ta’ l-Istat ta’ esekuzzjoni għandha tinforma minnufih lill-Istat emittenti bid-deċiżjoni tagħha jekk tagħtix kunsens jew le għat-trasmissjoni tas-sentenza.
    </p>
    <p class="C02AlineaAltA" id="para-46" title="page-4">
      4. Waqt tali konsultazzjoni l-awtorità kompetenti ta’ l-Istat ta’ esekuzzjoni tista’ tippreżenta lill-awtorità kompetenti ta’ l-Istat emittenti opinjoni raġunata li l-infurzar tal-piena fl-Istat ta’ esekuzzjoni ma jaqdix l-għan li jiffaċilita r-riabilitazzjoni soċjali u r-reintegrazzjoni fis-soċjetà b’suċċess tal-persuna sentenzjata.
    </p>
    <p class="C02AlineaAltA" id="para-47" title="page-4">
      Fejn ma kienx hemm konsultazzjoni, tali opinjoni tista’ tiġi ppreżentata mingħajr dewmien wara t-trasmissjoni tas-sentenza u taċ-ċertifikat. L-awtorità kompetenti ta’ l-Istat emittenti għandha tikkonsidra tali opinjoni u tiddeċiedi jekk tirtirax iċ-ċertifikat jew le.
    </p>
    <p class="C02AlineaAltA" id="para-48" title="page-4">
      5. L-Istat ta’ esekuzzjoni jista’, fuq l-inizjattiva tiegħu stess, jitlob lill-Istat emittenti biex jittrasmetti s-sentenza flimkien maċ-ċertifikat. Il-persuna sentenzjata tista’ wkoll titlob lill-awtoritajiet kompetenti ta’ l-Istat emittenti jew ta’ l-Istat ta’ esekuzzjoni sabiex tinbeda proċedura għat-trasmissjoni tas-sentenza u taċ-ċertifikat taħt din id-Deċiżjoni Qafas. Talbiet magħmula taħt dan il-paragrafu m’għandhomx joħolqu obbligu ta’ l-Istat emittenti biex jittrasmetti s-sentenza flimkien maċ-ċertifikat.
    </p>
    <p class="C02AlineaAltA" id="para-49" title="page-4">
      6. Fl-implimentazzjoni ta’ din id-Deċiżjoni Qafas, l-Istati Membri għandhom jadottaw miżuri li b’mod partikolari jieħdu kont ta’ l-għan li tiġi ffaċilitata r-riabilitazzjoni soċjali tal-persuna sentenzjata u li għandhom jikkostitwixxu l-bażi għall-awtoritajiet kompetenti tagħhom biex jiddeċiedu jekk jagħtux kunsens jew le għat-trasmissjoni tas-sentenza u taċ-ċertifikat f’każijiet skond il-paragrafu(1)(c).
    </p>
    <p class="C02AlineaAltA" id="para-50" title="page-4">
      7. Kwalunkwe Stat Membru jista’, jew fl-addozzjoni ta’ din id-Deċiżjoni Qafas jew aktar tard, jinnotifika lis-Segretarjat Ġenerali tal-Kunsill [tal-Unjoni Ewropea] li, fir-relazzjonijet tiegħu ma’ l-Istati Membri l-oħra li jkunu taw l-istess ġustifikazzjoni, il-kunsens tiegħu minn qabel taħt il-paragrafu 1 (c) mhuwiex meħtieġ għat-trasmissjoni tas-sentenza u taċ-ċertifikat:
    </p>
    <p class="C09Marge0avecretrait" id="para-51" title="page-4">
      (a) jekk il-persuna sentenzjata tgħix u kienet kontinwament tirresjedi legalment għal mill-inqas ħames snin fl-Istat ta’ esekuzzjoni u ser iżżomm dritt permanenti ta’ residenza f’dak l-Istat, u/jew
    </p>
    <p class="C09Marge0avecretrait" id="para-52" title="page-5">
      (b) jekk il-persuna sentenzjata hija ċittadin ta’ l-Istat ta’ esekuzzjoni f’każijiet barra dawk previsti mill-paragrafu 1 a) u b).
    </p>
    <p class="C02AlineaAltA" id="para-53" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 5 tal-imsemmija deċiżjoni qafas, intitolat “Trasmissjoni tas-sentenza u ċ-ċertifikat”, jipprevedi:</p>
</td>
</tr>
</table>
    <p class="C02AlineaAltA" id="para-55" title="page-5">
      “1. Is-sentenza jew kopja ċċertifikata tiegħu, flimkien maċ-ċertifikat, għandhom jintbagħtu, mill-awtorità kompetenti ta’ l-Istat emittenti direttament lill-awtorità kompetenti ta’ l-Istat ta’ esekuzzjoni permezz ta’ kwalunkwe mezz li jħalli rekord bil-miktub taħt kondizzjonijiet li jippermettu lill-Istat ta’ esekuzzjoni jistabbilixxi l-awtentiċità tiegħu. L-oriġinal tas-sentenza, jew kopja ċċertifikata tiegħu, u l-oriġinal taċ-ċertifikat, għandhom jintbagħtu lill-Istat ta’ esekuzzjoni jekk dan jitlob hekk. Il-komunikazzjonijiet uffiċjali kollha għandhom isiru wkoll direttament bejn l-awtoritajiet kompetenti msemmija.
    </p>
    <p class="C02AlineaAltA" id="para-56" title="page-5">
      2. Iċ-ċertifikat għandu jiġi ffirmat, u l-kontenut tiegħu ċċertifikat bħala preċiż, mill-awtorità kompetenti ta’ l-Istat emittenti.
    </p>
    <p class="C02AlineaAltA" id="para-57" title="page-5">
      3. L-Istat emittenti għandu jibgħat is-sentenza flimkien maċ-ċertifikat lil Stat ta’ esekuzzjoni wieħed biss fi kwalunkwe mument determinat.
    </p>
    <p class="C02AlineaAltA" id="para-58" title="page-5">
      4. Jekk l-awtorità kompetenti ta’ l-Istat ta’ esekuzzjoni m’hijiex magħrufa lill-awtorità kompetenti ta’ l-Istat emittenti, din ta’ l-aħħar għandha tagħmel l-aċċertamenti kollha meħtieġa, inkluż permezz tal-punti ta’ Kuntatt tan-Network Ġudizzjarju Ewropew stabbilit mill-Azzjoni Konġunta tal-Kunsill 98/428/ĠAI [tad‑29 ta’ Ġunju 1998 (ĠU Edizzjoni Speċjali bil-Malti, Kapitolu 19, Vol. 1, p. 91)].
    </p>
    <p class="C02AlineaAltA" id="para-59" title="page-5">
      5. Meta awtorità ta’ l-Istat ta’ esekuzzjoni li tirċievi sentenza flimkien ma’ ċertifikat ma jkollhiex il-kompetenza li tirrikonoxxieha u tieħu l-miżuri meħtieġa għall-infurzar tiegħu, hija għandha, ex officio, tibgħat is-sentenza flimkien maċ-ċertifikat lill-awtorità kompetenti ta’ l-Istat ta’ esekuzzjoni u tinforma lill-awtorità kompetenti fl-Istat emittenti kif meħtieġ.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 8 tal-istess deċiżjoni qafas, intitolat “Rikonoxximent tas-sentenza u infurzar tal-piena” jipprevedi:</p>
</td>
</tr>
</table>
    <p class="C02AlineaAltA" id="para-61" title="page-5">
      “1. L-awtorità kompetenti ta’ l-Istat ta’ esekuzzjoni għandha tirrikonoxxi s-sentenza li tkun ġiet trasmessa skond l-Artikolu 3a u waqt li tiġi segwita l-proċedura taħt l-Artikolu 5, u għandha minnufih tieħu l-miżuri kollha meħtieġa għall-infurzar tal-piena, sakemm ma tiddeċidix li tinvoka waħda mir-raġunijiet għal non-rikonoxximent jew non-infurzar previsti fl-Artikolu 9.
    </p>
    <p class="C02AlineaAltA" id="para-62" title="page-6">
      2. Fejn il-piena tkun inkompatibbli mal-liġi ta’ l-Istat ta’ esekuzzjoni fir-rigward tat-tul tagħha, l-awtorità kompetenti ta’ l-Istat ta’ esekuzzjoni tista’ tiddeċiedi li tadatta l-piena biss fejn dik il-piena taqbeż il-piena massima prevista għal reati simili taħt il-liġi nazzjonali tiegħu. Il-piena adattata m’għandhiex tkun anqas mill-piena massima prevista għal reati simili taħt il-liġi ta’ l-Istat ta’ esekuzzjoni.
    </p>
    <p class="C02AlineaAltA" id="para-63" title="page-6">
      3. Fejn il-piena tkun inkompatibbli mal-liġi ta’ l-Istat ta’ esekuzzjoni f’termini tan-natura tagħha, l-awtorità kompetenti ta’ dak l-Istat ta’ esekuzzjoni tista’ tadattaha għall-piena jew għall-miżura prevista taħt il-liġi tagħha stess għal reati simili. Tali piena jew miżura għandha tikkorrispondi kemm jista’ jkun possibbli mal-piena imposta fl-Istat emittenti u għalhekk l-piena m’għandhiex tiġi konvertita f’piena pekunjarja.
    </p>
    <p class="C02AlineaAltA" id="para-64" title="page-6">
      4. Il-piena adattata m’għandhiex taggrava l-piena li ngħatat fl-Istat emittenti fin-natura jew id-dewmien tagħha.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 12 tad-Deċiżjoni Qafas 2008/909, intitolat “Deċiżjoni dwar l-infurzar tal-piena u l-limiti ta’ żmien”, jiddisponi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-66" title="page-6">
      “L-awtorità kompetenti fl-Istat ta’ esekuzzjoni għandha tiddeċiedi malajr kemm jista’ jkun jekk tirrikonoxxix is-sentenza u tinforzax il-piena u għandha tinforma lill-Istat emittenti għaldaqstant, inkluż dwar kwalunkwe deċiżjoni li tadatta l-piena skond l-Artikolu 8(2) u (3).”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 13 ta’ din id-deċiżjoni qafas, intitolat “Irtirar taċ-ċertifikat”, jipprevedi:</p>
</td>
</tr>
</table>
    <p class="C02AlineaAltA" id="para-68" title="page-6">
      “Sakemm l-infurzar tal-piena fl-Istat ta’ esekuzzjoni ma jkunx beda, l-Istat emittenti jista’ jirtira ċ-ċertifikat minn dak l-Istat, billi jagħti r-raġunijiet għal dan. Malli ċ-ċertifikat jiġi rtirat, l-Istat ta’ esekuzzjoni m’għandux jibqa’ jinforza l-piena.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Artikolu 17(1) tal-imsemmija deċiżjoni, intitolat “Liġi li tirregola l-infurzar”, jiddisponi, fil-paragrafi 1, 3 u 4 tiegħu:</p>
</td>
</tr>
</table>
    <p class="C02AlineaAltA" id="para-70" title="page-6">
      “1. L-infurzar ta’ piena għandu jkun irregolat bil-liġi ta’ l-Istat ta’ esekuzzjoni. L-awtoritajiet ta’ l-Istat ta’ esekuzzjoni waħedhom għandhom, soġġett għall-paragrafi 2, u 3, jkunu kompetenti biex jiddeċiedu dwar il-proċeduri għall-infurzar u biex jiddeterminaw il-miżuri kollha relatati miegħu, inklużi r-raġunijiet għal liberazzjoni bikrija jew kondizzjonata.
    </p>
    <p class="C02AlineaAltA" id="para-71" title="page-6">
      […]
    </p>
    <p class="C02AlineaAltA" id="para-72" title="page-6">
      3. L-awtorità kompetenti ta’ l-Istat ta’ esekuzzjoni għandha, fuq talba, tinforma lill-awtorità kompetenti ta’ l-Istat emittenti dwar id-dispożizzjonijiet applikabbli għal liberazzjoni bikrija jew kondizzjonata. L-Istat emittenti jista’ jaqbel ma’ l-applikazzjoni ta’ tali dispożizzjonijiet jew jista’ jirtira ċ-ċertifikat.
    </p>
    <p class="C02AlineaAltA" id="para-73" title="page-7">
      4. L-Istati Membri jistgħu jipprovdu li kwalunkwe deċiżjoni dwar liberazzjoni bikrija jew kondizzjonata tista’ tieħu kont ta’ dawk id-dispożizzjonijiet tal-liġi nazzjonali indikati mill-Istat emittenti, li taħthom il-persuna għandha d-dritt għal liberazzjoni bikrija jew kondizzjonata f’mument speċifiku.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Skont l-Artikolu 21(c) sa (i) tal-istess deċiżjoni qafas:</p>
</td>
</tr>
</table>
    <p class="C02AlineaAltA" id="para-75" title="page-7">
      “L-awtorità kompetenti ta’ l-Istat ta’ esekuzzjoni għandha tinforma mingħajr dewmien lill-awtorità kompetenti ta’ l-Istat emittenti permezz ta’ kwalunkwe mezz li jħalli rekord bil-miktub:
    </p>
    <p class="C02AlineaAltA" id="para-76" title="page-7">
      […]
    </p>
    <p class="C09Marge0avecretrait" id="para-77" title="page-7">
      (c) dwar id-deċiżjoni finali biex tiġi rikonoxxuta s-sentenza u tiġi infurzata l-piena inkluża flimkien mad-data tad-deċiżjoni;
    </p>
    <p class="C09Marge0avecretrait" id="para-78" title="page-7">
      (d) dwar kwalunkwe deċiżjoni li ma tiġix rikonoxxuta s-sentenza u ma tkunx infurzata l-piena skond l-Artikolu 9, flimkien mar-raġunijiet għad-deċiżjoni;
    </p>
    <p class="C09Marge0avecretrait" id="para-79" title="page-7">
      (e) dwar kwalunkwe deċiżjoni għall-adattament tal-piena skond l-Artikolu 8(2) jew (3), flimkien mar-raġunijiet għad-deċiżjoni;
    </p>
    <p class="C09Marge0avecretrait" id="para-80" title="page-7">
      (f) dwar kwalunkwe deċiżjoni biex ma tiġix infurzata s-sentenza għar-raġunijiet imsemmija fl-Artikolu 19(1) flimkien mar-raġunijiet għad-deċiżjoni;
    </p>
    <p class="C09Marge0avecretrait" id="para-81" title="page-7">
      (g) dwar il-bidu u t-tmiem tal-perijodu ta’ liberazzjoni kondizzjonata, meta dan hu indikat fiċ-ċertifikat mill-Istat emittenti;
    </p>
    <p class="C09Marge0avecretrait" id="para-82" title="page-7">
      (h) dwar il-ħarba tal-persuna sentenzjata mill-kustodja;
    </p>
    <p class="C09Marge0avecretrait" id="para-83" title="page-7">
      (i) dwar l-infurzar tal-piena hekk kif tiġi kompletata.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Deċiżjoni Qafas 2008/947/ĠAI</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">L-Artikolu 1 tad-Deċiżjoni Qafas tal-Kunsill 2008/947/ĠAI tas‑27 ta’ Novembru 2008 dwar l-applikazzjoni tal-prinċipju ta’ rikonoxximent reċiproku ta’ sentenzi u deċiżjonijiet li jinvolvu probation bil-ħsieb ta’ sorveljanza ta’ miżuri ta’ probation u ta’ sanzjonijiet alternattivi (ĠU 2008, L 337, p. 102), intitolat “Għanijiet u Ambitu ta’ applikazzjoni”, jiddisponi, fil-paragrafi 1 sa 3 tiegħu:</p>
</td>
</tr>
</table>
    <p class="C02AlineaAltA" id="para-86" title="page-8">
      “1. Din id-Deċiżjoni Qafas għandha l-għan li tiffaċilita r-re-abilitazzjoni soċjali ta’ persuni sentenzjati, li ttejjeb il-protezzjoni tal-vittmi u tal-pubbliku ġenerali, u li tiffaċilita l-applikazzjoni ta’ miżuri ta’ probation u sanzjonijiet alternattivi xierqa fil-każ ta’ ħatjin li ma jgħixux fl-Istat fejn tinstab il-ħtija. Bil-ħsieb li jinkisbu dawn l-għanijiet, din id-Deċiżjoni Qafas tistabbilixxi regoli li konformement magħhom Stat Membru, minbarra l-Istat Membru li fih il-persuna kkonċernata tkun ġiet issentenzjata, jirrikonoxxi sentenzi u, fejn applikabbli, deċiżjonijiet ta’ probation u jissorvelja miżuri ta’ probation imposti abbażi ta’ sentenza, jew sanzjonijiet alternattivi li jinsabu f’tali sentenza, u jieħu d-deċiżjonijiet l-oħrajn kollha relatati ma’ dik is-sentenza, sakemm ma jkunx pprovdut mod ieħor f’din id-Deċiżjoni Qafas.
    </p>
    <p class="C02AlineaAltA" id="para-87" title="page-8">
      2. Din id-Deċiżjoni Qafas għandha tapplika biss għal:
    </p>
    <p class="C09Marge0avecretrait" id="para-88" title="page-8">
      (a) ir-rikonoxximent ta’ sentenzi u, fejn applikabbli, deċiżjonijiet ta’ probation;
    </p>
    <p class="C09Marge0avecretrait" id="para-89" title="page-8">
      (b) it-trasferiment tar-responsabbiltà għas-sorveljanza tal-miżuri ta’ probation u sanzjonijiet alternattivi;
    </p>
    <p class="C09Marge0avecretrait" id="para-90" title="page-8">
      (ċ) id-deċiżjonijiet l-oħrajn kollha relatati ma’ dawk taħt a) u b),
    </p>
    <p class="C02AlineaAltA" id="para-91" title="page-8">
      kif deskritt fi u previst f’din id-Deċiżjoni Qafas.
    </p>
    <p class="C02AlineaAltA" id="para-92" title="page-8">
      3. Din id-Deċiżjoni Qafas ma għandhiex tapplika għal:
    </p>
    <p class="C09Marge0avecretrait" id="para-93" title="page-8">
      (a) esekuzzjoni ta’ sentenzi f’materji kriminali li jimponu pieni ta’ kustodja jew miżuri li jinvolvu ċ-ċaħda tal-libertà li jaqgħu fl-ambitu ta’ applikazzjoni tad-Deċiżjoni Qafas tal-Kunsill 2008/909/ĠAI;
    </p>
    <p class="C09Marge0avecretrait" id="para-94" title="page-8">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Il-punti 1, 2 u 5 tal-Artikolu 2 tad-Deċiżjoni Qafas 2008/947 jipprevedu:</p>
</td>
</tr>
</table>
    <p class="C02AlineaAltA" id="para-96" title="page-8">
      “Għall-finijiet ta’ din id-Deċiżjoni Qafas:
    </p>
    <p class="C09Marge0avecretrait" id="para-97" title="page-8">
      (1) ‘sentenza’ għandha tfisser deċiżjoni finali jew ordni tal-qorti ta’ l-Istat emittenti, li tistabbilixxi li persuna fiżika wettqet reat kriminali u li timponi:
    </p>
    <p class="C11Marge1avecretrait" id="para-98" title="page-8">
      (a) piena ta’ kustodja jew miżura li tinvolvi ċ-ċaħda tal-libertà, jekk ikun ingħata rilaxx kondizzjonali abbażi ta’ dik is-sentenza jew permezz ta’ deċiżjoni ta’ probation sussegwenti,
    </p>
    <p class="C11Marge1avecretrait" id="para-99" title="page-8">
      (b) sentenza sospiża,
    </p>
    <p class="C11Marge1avecretrait" id="para-100" title="page-8">
      (ċ) sentenza kondizzjonali,
    </p>
    <p class="C11Marge1avecretrait" id="para-101" title="page-8">
      (d) sanzjoni alternattiva;
    </p>
    <p class="C09Marge0avecretrait" id="para-102" title="page-8">
      (2) ‘sentenza sospiża’ għandha tfisser sentenza ta’ kustodja jew miżura li tinvolvi ċ-ċaħda tal-libertà, li l-esekuzzjoni tagħha hija sospiża kondizzjonalment, fl-intier tagħha jew parzjalment, meta s-sentenza tingħata permezz ta’ l-impożizzjoni ta’ miżura ta’ probation waħda jew aktar. Tali miżuri ta’ probation jistgħu jingħataw fis-sentenza nnifisha jew f’deċiżjoni ta’ probation separata meħuda minn awtorità kompetenti;
    </p>
    <p class="C09Marge0avecretrait" id="para-103" title="page-8">
      […]
    </p>
    <p class="C09Marge0avecretrait" id="para-104" title="page-9">
      (5) ‘deċiżjoni ta’ probation’ għandha tfisser deċiżjoni finali ta’ qorti jew deċiżjoni finali ta’ awtorità kompetenti ta’ l-Istat emittenti meħuda abbażi ta’ tali sentenza li
    </p>
    <p class="C11Marge1avecretrait" id="para-105" title="page-9">
      (a) tagħti rilaxx kondizzjonali, jew
    </p>
    <p class="C11Marge1avecretrait" id="para-106" title="page-9">
      (b) timponi miżuri ta’ probation”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Portugiż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">L-Artikolu 45 tal-Código Penal (il-Kodiċi Kriminali), intitolat “Sostituzzjoni ta’ piena li ċċaħħad il-libertà b’multa”, jipprevedi, fil-paragrafi 1 u 2 tiegħu:</p>
</td>
</tr>
</table>
    <p class="C02AlineaAltA" id="para-109" title="page-9">
      “1. Fil-każ ta’ kundanna għal piena li ċċaħħad il-libertà ta’ mhux iktar minn sena, din il-piena għandha tiġi ssostitwita b’piena ta’ multa jew b’piena oħra applikabbli li ma ċċaħħadx il-libertà, sakemm il-ħtieġa li jiġi evitat it-twettiq ta’ reati futuri ma tirrikjedix l-eżekuzzjoni ta’ din il-piena li ċċaħħad il-libertà.
    </p>
    <p class="C02AlineaAltA" id="para-110" title="page-9">
      2. Fin-nuqqas ta’ ħlas tal-multa, il-persuna kkundannata tiskonta l-piena li ċċaħħad il-libertà mogħtija fis-sentenza. Id-dispożizzjonijiet tal-Artikolu 49(3) ta’ dan il-kodiċi għandhom japplikaw b’analoġija.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">L-Artikolu 49 ta’ dan il-kodiċi, intitolat “Piena li ċċaħħad il-libertà li tissostitwixxi multa mhux imħallsa”, jiddisponi, fil-paragrafu 3 tiegħu:</p>
</td>
</tr>
</table>
    <p class="C02AlineaAltA" id="para-112" title="page-9">
      “L-eżekuzzjoni tal-piena sussidjarja li ċċaħħad il-libertà tista’ tiġi sospiża, għal perijodu ta’ bejn sena u tliet snin, jekk il-persuna kkundannata turi li l-multa ma tħallsitx għal raġunijiet li ma humiex imputabbli lilha, bil-kundizzjoni li din is-sospensjoni tkun suġġetta għall-osservanza ta’ obbligi jew ta’ regoli ta’ kondotta mingħajr kontenut ekonomiku jew finanzjarju. Il-piena sussidjarja li ċċaħħad il-libertà għandha tiġi eżegwita jekk l-obbligi jew ir-regoli ta’ kondotta ma jiġux osservati u għandha tiġi ddikjarata estinta jekk ikunu ġew osservati.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Spanjol</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">L-Artikolu 80 tal-Código Penal (il-Kodiċi Kriminali, iktar ’il quddiem il-“Kodiċi Kriminali Spanjol”) jiddisponi:</p>
</td>
</tr>
</table>
    <p class="C02AlineaAltA" id="para-115" title="page-9">
      “1. L-imħallfin jew il-qrati jistgħu, permezz ta’ deċiżjoni motivata, jissospendu l-eżekuzzjoni tal-pieni li jċaħħdu l-libertà għal perijodu ta’ inqas minn sentejn meta jista’ jkun raġonevolment mistenni li l-eżekuzzjoni tal-piena prevista li ċċaħħad il-libertà ma tkunx meħtieġa sabiex jiġi evitat li l-persuna kkundannata twettaq reati ġodda fil-futur.
    </p>
    <p class="C02AlineaAltA" id="para-116" title="page-10">
      Sabiex tadotta din id-deċiżjoni, l-imħallef jew il-qorti għandhom jevalwaw iċ-ċirkustanzi li fihom twettaq ir-reat, is-sitwazzjoni personali tal-persuna kkundannata, il-passat tagħha, l-aġir tagħha sussegwenti għall-fatti u b’mod partikolari l-isforzi tagħha sabiex tikkumpensa d-dannu kkawżat, is-sitwazzjoni soċjali u familjari tagħha kif ukoll l-effetti li jistgħu jkunu mistennija mis-sospensjoni tal-eżekuzzjoni tal-kumplament tal-piena u tal-osservanza tal-miżuri eventwalment imposti.
    </p>
    <p class="C02AlineaAltA" id="para-117" title="page-10">
      2. Il-kundizzjonijiet għas-sospensjoni tal-eżekuzzjoni tal-piena huma dawn li ġejjin:
    </p>
    <p class="C09Marge0avecretrait" id="para-118" title="page-10">
      1) dan huwa l-ewwel reat tal-persuna kkundannata. Għal dan il-għan, ma għandhomx jitqiesu kundanni preċedenti għal reati mwettqa minn imprudenza jew għal reati minuri, jew preċedenti kriminali li tħassru jew li għandhom jitħassru bis-saħħa tal-Artikolu 136. Lanqas ma jittieħdu inkunsiderazzjoni l-preċedenti kriminali li jikkorrispondu għal reati li, minħabba n-natura tagħhom jew minħabba ċ-ċirkustanzi, huma irrilevanti għall-evalwazzjoni tal-probabbiltà li jitwettqu reati futuri;
    </p>
    <p class="C09Marge0avecretrait" id="para-119" title="page-10">
      2) il-piena jew is-somma tal-pieni imposti ma taqbiżx is-sentejn, mingħajr ma tinkludi l-piena li tirriżulta min-nuqqas ta’ ħlas tal-multa;
    </p>
    <p class="C09Marge0avecretrait" id="para-120" title="page-10">
      3) il-persuna kkundannata tkun issodisfat l-obbligi tagħha li jirriżultaw mir-responsabbiltà ċivili u l-konfiska ordnata permezz ta’ sentenza bis-saħħa tal-Artikolu 127 tkun twettqet.
    </p>
    <p class="C02AlineaAltA" id="para-121" title="page-10">
      Din il-kundizzjoni titqies issodisfatta meta l-persuna kkundannata timpenja ruħha li tissodisfa l-obbligi tagħha taħt ir-responsabbiltà ċivili konformement mal-kapaċità finanzjarja tagħha kif ukoll li tiffaċilita l-konfiska ordnata, u meta jkun raġonevoli li wieħed jittama li din ser titwettaq fit-terminu raġonevoli stabbilit mill-imħallef jew mill-qorti. L-Imħallef jew il-qorti, fid-dawl tal-portata tar-responsabbiltà ċivili u tar-riperkussjonijiet soċjali tar-reat, jistgħu jitolbu l-garanziji li huma jqisu xierqa sabiex jiżguraw l-osservanza ta’ din il-kundizzjoni.
    </p>
    <p class="C02AlineaAltA" id="para-122" title="page-10">
      3. Eċċezzjonalment, anki jekk il-kundizzjonijiet imsemmija fil-punti 1 u 2 tal-paragrafu preċedenti ma jkunux issodisfatti, u sakemm il-persuna ma tkunx f’sitwazzjoni ta’ reċidiva abitwali, is-sospensjoni tal-pieni li jċaħħdu l-libertà li ma jeċċedux sentejn tista’ tingħata meta s-sitwazzjoni personali tal-persuna kkundannata, in-natura tal-fatti, l-aġir tagħha u, b’mod partikolari, l-isforzi tagħha sabiex tirrimedja d-dannu kkawżat, jirrakkomandaw dan.
    </p>
    <p class="C02AlineaAltA" id="para-123" title="page-10">
      F’dawn il-każijiet, is-sospensjoni hija dejjem suġġetta għall-kumpens effettiv tad-dannu jew għall-kumpens tad-dannu kkawżat konformement mal-kapaċitajiet fiżiċi u finanzjarji tal-persuna kkundannata, jew għall-osservanza tal-ftehim li għalih tirreferi l-miżura msemmija fil-punt 1 tal-Artikolu 84(1). Barra minn hekk, waħda mill-miżuri msemmija fil-punt 2 jew 3 ta’ din id-dispożizzjoni hija dejjem imposta, b’portata li ma tistax tkun inqas minn dik li tirriżulta mill-applikazzjoni tal-kriterji ta’ konverżjoni stabbiliti fl-Artikolu 84(1) għal wieħed minn ħamsa tal-piena mġarrba.
    </p>
    <p class="C02AlineaAltA" id="para-124" title="page-11">
      4. L-imħallfin u l-qrati jistgħu jagħtu s-sospensjoni ta’ kull piena imposta, mingħajr ebda kundizzjoni, fil-każ fejn il-persuna kkundannata tbati minn marda gravi ħafna u inkurabbli, ħlief jekk, fil-mument meta wettqet ir-reat, hija kienet diġà tibbenefika mis-sospensjoni ta’ piena oħra għall-istess raġuni.
    </p>
    <p class="C02AlineaAltA" id="para-125" title="page-11">
      5. Anki jekk il-kundizzjonijiet previsti fil-punti 1 u 2 tal-paragrafu 2 ta’ dan l-artikolu ma humiex issodisfatti, l-imħallef jew il-qorti jistgħu jagħtu s-sospensjoni tal-eżekuzzjoni tal-pieni li jċaħħdu l-libertà għal perijodu ta’ mhux iktar minn ħames snin lill-persuni kkundannati li jkunu wettqu r-reat minħabba d-dipendenza tagħhom fuq is-sustanzi msemmija fil-punt 2 tal-Artikolu 20, bil-kundizzjoni li jiġi pprovat b’mod suffiċjenti, minn istitut jew minn dipartiment pubbliku jew privat debitament awtorizzat jew approvat, li l-persuna kkundannata waqfet jew qiegħda tiġi ttrattata bl-għan li tieqaf minn dipendenza fil-mument li tingħata deċiżjoni dwar is-sospensjoni.
    </p>
    <p class="C02AlineaAltA" id="para-126" title="page-11">
      L-Imħallef jew il-qorti jistgħu jordnaw li jsiru l-konstatazzjonijiet meħtieġa sabiex jiġi vverifikat jekk il-kundizzjonijiet iċċitati iktar ’il fuq humiex issodisfatti.
    </p>
    <p class="C02AlineaAltA" id="para-127" title="page-11">
      Fil-każ fejn il-persuna kkundannata hija suġġetta għal kura ta’ diżintossikazzjoni, is-sospensjoni tal-eżekuzzjoni tal-piena hija wkoll suġġetta għat-tkomplija tat-trattament sat-terminu tagħha. Il-fatt li tirkadi matul it-trattament ma jitqiesx bħal abbandun sakemm ma jirriżultax f’abbandun permanenti tal-kura għad-diżintossikazzjoni.
    </p>
    <p class="C02AlineaAltA" id="para-128" title="page-11">
      6. Għar-reati li jistgħu jiġu pproċessati biss fuq ilment tal-vittma, l-imħallfin u l-qrati għandhom jisimgħu lil din tal-aħħar u, jekk ikun il-każ, lir-rappreżentant tagħha, qabel ma jagħtu s-sospensjoni tal-eżekuzzjoni tal-piena”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">L-Artikolu 90(1) tal-Kodiċi Kriminali Spanjol jipprevedi:</p>
</td>
</tr>
</table>
    <p class="C02AlineaAltA" id="para-130" title="page-11">
      “Il-qorti tal-eżekuzzjoni tal-pieni għandha tagħti s-sospensjoni tal-eżekuzzjoni tal-kumplament tal-piena u l-libertà kkundizzjonata lill-persuna kkundannata:
    </p>
    <p class="C09Marge0avecretrait" id="para-131" title="page-11">
      a) li taqa’ taħt it-tielet grad ta’ trattament penitenzjarju [(sistema ta’ semilibertà)];
    </p>
    <p class="C09Marge0avecretrait" id="para-132" title="page-11">
      b) li temmet tliet kwarti tal-piena imposta;
    </p>
    <p class="C09Marge0avecretrait" id="para-133" title="page-11">
      c) li wriet mġiba tajba.
    </p>
    <p class="C02AlineaAltA" id="para-134" title="page-11">
      Sabiex tiddeċiedi dwar is-sospensjoni tal-eżekuzzjoni tal-kumplament tal-piena u l-għoti tal-libertà kkundizzjonata, il-qorti tal-eżekuzzjoni tal-pieni għandha tieħu inkunsiderazzjoni l-personalità tal-persuna kkundannata, il-passat tagħha, iċ-ċirkustanzi tar-reat imwettaq, l-importanza tal-interessi legali li jistgħu jiġu affettwati fil-każ ta’ repetizzjoni tar-reat, l-aġir tal-persuna kkundannata matul l-eżekuzzjoni tal-piena, is-sitwazzjoni soċjali u familjari tagħha kif ukoll l-effetti li jistgħu jkunu mistennija mis-sospensjoni tal-eżekuzzjoni tal-kumplament tal-piena u mill-osservanza tal-miżuri eventwalment imposti.
    </p>
    <p class="C02AlineaAltA" id="para-135" title="page-12">
      Is-sospensjoni ma tingħatax jekk il-persuna kkundannata ma tkunx issodisfat l-obbligu ta’ kumpens abbażi tar-responsabbiltà ċivili li tirriżulta mir-reat fil-każijiet previsti u konformement mal-kriterji stabbiliti fl-Artikolu 72(5) u (6) tal-Ley Orgánica 1/1979, General Penitenciaria [(il-Liġi Organika Nru 1/1979, dwar il-Liġi Ġenerali Penitenzjarja), tas‑26 ta’ Settembru 1979 (BOE Nru 239, tal‑5 ta’ Ottubru 1979, p. 23180)]”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-proċedura fil-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fl‑2018, it-Tribunal Judicial da Comarca do Porto – Juízo Local Criminal de Vila Nova de Gaia (il-Qorti Distrettwali ta’ Porto – il-Qorti Kriminali Lokali ta’ Vila Nova de Gaia, il-Portugall), li hija l-qorti tar-rinviju, ikkundannat lil YX għal piena li ċċaħħad il-libertà ta’ sitt xhur talli wettaq frodi fiskali. Bis-saħħa tal-Artikolu 49 tal-Kodiċi Kriminali, din il-piena li ċċaħħad il-libertà ġiet sussegwentement issostitwita b’sanzjoni pekunjarja ta’ multa ta’ 180 jum. Peress li l-multa korrispondenti ma tħallsitx u YX ma weriex li l-assenza ta’ ħlas tagħha ma kinitx imputabbli lilu, dik il-qorti ordnat l-eżekuzzjoni tal-imsemmija piena li ċċaħħad il-libertà.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Sa fejn YX kien, fil-frattemp, ittrasferixxa r-residenza tiegħu fi Spanja, il-qorti tar-rinviju ħarġet, fit‑2 ta’ Frar 2022, mandat ta’ arrest Ewropew intiż għall-konsenja tiegħu għall-finijiet tal-eżekuzzjoni tal-istess piena li ċċaħħad il-libertà.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">L-awtorità ġudizzjarja Spanjola kompetenti rrifjutat, bis-saħħa tal-punt 6 tal-Artikolu 4 tad-Deċiżjoni Qafas 2002/584, il-konsenja ta’ YX lill-qorti tar-rinviju, fid-dawl tat-trasferiment tar-residenza tiegħu fi Spanja u tax-xewqa li huwa kien esprima li jiskonta l-piena tiegħu f’dan l-Istat Membru. Din l-awtorità ddikjarat li tirrikonoxxi s-sentenza mogħtija mill-qorti tar-rinviju u talbet lill-awtoritajiet ġudizzjarji Spanjoli kompetenti sabiex jeżegwixxuha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Fil‑11 ta’ Ottubru 2023, skont l-Artikolu 80 tal-Kodiċi Kriminali Spanjol, il-Juzgado Central de lo Penal no 1de Madrid (il-Qorti Kriminali Nazzjonali Nru 1 ta’ Madrid, Spanja) issospendiet l-eżekuzzjoni tal-piena li ċċaħħad il-libertà inkwistjoni fil-kawża prinċipali għal perijodu ta’ sentejn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Wara din id-deċiżjoni ta’ sospensjoni, l-Uffiċċju tal-Prosekutur Portugiż adixxa lill-qorti tar-rinviju b’talba intiża sabiex din tressaq talba għal deċiżjoni preliminari quddiem il-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Il-qorti tar-rinviju tirrileva li l-awtorità kompetenti tal-Istat ta’ eżekuzzjoni hija obbligata, bħala prinċipju, li tirrikonoxxi s-sentenza ta’ kundanna tal-Istat emittenti u li teżegwixxi l-piena imposta, li t-tul u n-natura tagħha għandhom jikkorrispondu għal dawk previsti f’dik is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Il-kundizzjonijiet li fihom l-awtorità kompetenti tal-Istat ta’ eżekuzzjoni tista’ tbiddel il-kundanna mogħtija fl-Istat emittenti huma previsti, b’mod eżawrjenti, fl-Artikolu 8 tad-Deċiżjoni Qafas 2008/909 u, fi kwalunkwe każ, l-awtorità kompetenti tal-Istat ta’ eżekuzzjoni ma tistax tbiddel is-sustanza tal-kundanna mogħtija mill-awtorità kompetenti tal-Istat emittenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Konsegwentement, meta l-awtorità kompetenti tal-Istat emittenti ma ssospendietx piena bis-saħħa tad-dritt nazzjonali tagħha, l-awtorità kompetenti tal-Istat ta’ eżekuzzjoni ma tistax tissospendi l-eżekuzzjoni tal-piena li għaliha ġiet ikkundannata l-persuna inkwistjoni fl-Istat emittenti, anki jekk id-dritt nazzjonali ta’ din l-awtorità jippermetti dan għall-pieni imposti fl-Istat ta’ eżekuzzjoni. Tali sospensjoni tqiegħed inkwistjoni l-għanijiet imfittxija mid-Deċiżjoni Qafas 2008/909 u l-prinċipju ta’ rikonoxximent reċiproku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Barra minn hekk, fil-punt 65 tas-sentenza tal‑11 ta’ Marzu 2020, SF (Mandat ta’ arrest Ewropew – Garanzija ta’ ritorn fl-Istat ta’ eżekuzzjoni), C‑314/18, EU:C:2020:191), il-Qorti tal-Ġustizzja ddeċidiet li l-Artikolu 8 tad-Deċiżjoni Qafas 2008/909 għandu jiġi interpretat b’mod strett.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Barra minn hekk, skont il-qorti tar-rinviju, l-Artikolu 17 tad-Deċiżjoni Qafas 2008/909, li jipprovdi li l-eżekuzzjoni ta’ kundanna hija rregolata mid-dritt tal-Istat ta’ eżekuzzjoni, jirreferi biss għall-miżuri intiżi li jiżguraw l-eżekuzzjoni materjali tal-piena li ċċaħħad il-libertà u xejn ma jippermetti li d-dispożizzjonijiet ta’ dan l-artikolu jiġu interpretati fis-sens li l-kamp ta’ applikazzjoni tiegħu jinkludi deċiżjoni ta’ sospensjoni tal-eżekuzzjoni tal-piena li ċċaħħad il-libertà li għaliha l-persuna rikjesta tkun ġiet ikkundannata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Barra minn hekk, bis-saħħa tal-Artikoli 12 u 13 ta’ din id-deċiżjoni qafas, l-awtorità ġudizzjarja ta’ eżekuzzjoni kellha tinforma lill-awtorità ġudizzjarja emittenti bil-possibbiltà li tissospendi l-eżekuzzjoni tal-piena, sabiex din l-aħħar awtorità tkun tista’ tirreaġixxi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Skont il-qorti tar-rinviju, dan il-kuntest jikkomplika t-teħid ta’ deċiżjoni tagħha dwar it-tkomplija jew l-għeluq tal-proċedura fil-kawża prinċipali. Hija tqis li jeżisti dubju raġonevoli dwar l-interpretazzjoni u dwar l-applikazzjoni tad-dritt tal-Unjoni, li ma huwiex eliminat mill-ġurisprudenza tal-Qorti tal-Ġustizzja u għandu konsegwenzi kruċjali fuq is-soluzzjoni finali ta’ din il-proċedura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">F’dawn iċ-ċirkustanzi, it-Tribunal Judicial da Comarca do Porto – Juízo Local Criminal de Vila Nova de Gaia (il-Qorti Distrettwali ta’ Porto – il-Qorti Kriminali Lokali ta’ Vila Nova de Gaia) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-150" title="page-13">
      “1) L-Istat ta’ eżekuzzjoni jista’, wara li jkun irrifjuta li jeżegwixxi l-mandat ta’ arrest Ewropew skont [il-punt 6 tal-Artikolu 4] tad-Deċiżjoni Qafas [2002/584], billi jinvoka r-residenza tal-persuna kkundannata, u wara li jkun irrikonoxxa s-sentenza ta’ kundanna u diġà matul il-proċedura ta’ eżekuzzjoni tas-sentenza, jissospendi l-piena li ċċaħħad il-libertà effettiva imposta mill-Istat emittenti fid-deċiżjoni ta’ kundanna tiegħu, abbażi tal-kompetenza tiegħu bħala Stat ta’ eżekuzzjoni u tal-applikazzjoni tad-dritt nazzjonali tiegħu?
    </p>
    <p class="C09Marge0avecretrait" id="para-151" title="page-14">
      2) Id-deċiżjoni tal-korp ġudizzjarja tal-Istat emittenti, li debitament tkun saret res judicata, tista’ tiġi emendata mill-korp ġudizzjarju tal-Istat ta’ eżekuzzjoni lil hinn mill-każijiet previsti fl-Artikolu 8 u fl-Artikolu 17(1) u (2) tad-Deċiżjoni Qafas [2008/909]?
    </p>
    <p class="C09Marge0avecretrait" id="para-152" title="page-14">
      3) L-Artikolu 17(1) tad-Deċiżjoni Qafas 2008/909 għandu jiġi interpretat fis-sens li jippermetti lill-Istat ta’ eżekuzzjoni jagħti sospensjoni tal-piena li ċċaħħad il-libertà effettiva, billi japplika l-kundizzjonijiet tad-dritt nazzjonali tiegħu, meta l-awtoritajiet kompetenti tal-Istat emittenti, konformement mad-dritt nazzjonali tagħhom, ma jkunux għamlu dan?
    </p>
    <p class="C02AlineaAltA" id="para-153" title="page-14">
      Fil-każ ta’ risposta affermattiva għad-domandi preċedenti:
    </p>
    <p class="C09Marge0avecretrait" id="para-154" title="page-14">
      4) Fid-dawl tad-dispożizzjonijiet tal-Artikoli 12, 13 u [tal-Artikolu] 17(3) tad-Deċiżjoni Qafas 2008/909, l-entitajiet ġudizzjarji Spanjoli (Stat ta’ eżekuzzjoni) ma kinux meħtieġa jinformaw minn qabel lill-Istat emittenti dwar il-fehma tagħhom fir-rigward tal-possibbiltà li tiġi sospiża l-piena li ċċaħħad il-libertà li għaliha tkun ġiet ikkundannata l-persuna akkużata?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ammissibbiltà tad-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Il-Gvern Spanjol jikkunsidra li l-elementi pprovduti fid-digriet tar-rinviju ma jippermettux li tiġi identifikata l-proċedura li wasslet għat-talba għal deċiżjoni preliminari u lanqas li jinftiehem għaliex ir-risposti tal-Qorti tal-Ġustizzja għad-domandi preliminari huma meħtieġa sabiex il-qorti tar-rinviju tagħti deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Ċertament, id-digriet tar-rinviju jindika li l-għan tat-talba għal deċiżjoni preliminari huwa li l-qorti tar-rinviju tkun tista’ tiddeċiedi jekk tkomplix jew tagħlaqx din il-proċedura. Madankollu, jidher li l-qorti tar-rinviju aċċettat li l-qorti Spanjola inkarigata mill-eżekuzzjoni tal-piena li hija tat tipproċedi għall-eżekuzzjoni ta’ din tal-aħħar, b’tali mod li, bis-saħħa tal-prinċipju ta’ rikonoxximent reċiproku, hija għandha tillimita ruħha sabiex dik il-qorti Spanjola tiddeċiedi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Anki jekk id-dritt tal-Unjoni kellu jipprekludi lill-imsemmija qorti Spanjola milli tissospendi, konformement mad-dritt nazzjonali tagħha, il-piena li ċċaħħad il-libertà mogħtija mill-qorti tar-rinviju, quod non, dan ma jaffettwax id-deċiżjoni li għandha tiġi adottata minn din tal-aħħar. Fil-fatt, din id-deċiżjoni tiddependi esklużivament fuq il-fatt li l-istess qorti Spanjola tikkomunikalha dwar l-eżekuzzjoni tal-piena abbażi tad-dritt intern tagħha, skont l-Artikolu 21 tad-Deċiżjoni Qafas 2008/909.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Barra minn hekk, l-Artikolu 13 ta’ din id-deċiżjoni qafas jipprevedi li t-talba għar-rikonoxximent u għall-eżekuzzjoni ta’ piena imposta tista’ tiġi rtirata biss qabel il-bidu tal-eżekuzzjoni ta’ din il-piena. Issa, f’dan il-każ, is-sospensjoni mogħtija abbażi tal-Artikoli 80 et seq. tal-Kodiċi Kriminali Spanjol tista’ titqies biss bħala modalità tal-eżekuzzjoni tal-imsemmija piena, li sseħħ matul din l-eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Skont ġurisprudenza stabbilita, id-domandi dwar l-interpretazzjoni tad-dritt tal-Unjoni magħmula mill-qorti nazzjonali fil-kuntest leġiżlattiv u fattwali li hija għandha r-responsabbiltà li tiddefinixxi, u li ma huwiex il-kompitu tal-Qorti tal-Ġustizzja li tivverifika l-eżattezza tagħhom, jibbenefikaw minn preżunzjoni ta’ rilevanza. Ir-rifjut tal-Qorti tal-Ġustizzja li tiddeċiedi dwar talba mressqa minn qorti nazzjonali huwa biss possibbli meta jkun jidher b’mod manifest li l-interpretazzjoni mitluba tad-dritt tal-Unjoni ma għandha ebda relazzjoni mar-realtà jew mas-suġġett tat-tilwima fil-kawża prinċipali, meta l-problema tkun ta’ natura ipotetika jew inkella meta l-Qorti tal-Ġustizzja ma jkollhiex il-punti ta’ fatt u ta’ liġi meħtieġa sabiex tirrispondi b’mod utli għad-domandi li jkunu sarulha (sentenza tat‑8 ta’ April 2025, L-Uffiċċju tal-Prosekutur Pubbliku Ewropew (Stħarriġ ġudizzjarju tal-atti proċedurali), C‑292/23, EU:C:2025:255, punt 36 u l-ġurisprudenza ċċitata)).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">F’dan il-każ, kif jirriżulta mill-punt 30 ta’ din is-sentenza u kif jammetti l-Gvern Spanjol, il-qorti tar-rinviju tafferma li r-risposti tal-Qorti tal-Ġustizzja għad-domandi magħmula huma indispensabbli għaliha sabiex tiddeċiedi dwar is-segwitu tal-proċedura li tippreżenta ruħha bħala li tirrigwarda l-istħarriġ tal-eżekuzzjoni tal-piena mogħtija fir-rigward ta’ YX. Fil-fatt, fil-fehma tagħha, skont ir-risposti tal-Qorti tal-Ġustizzja, hija għandha tagħlaq jew tkompli din il-proċedura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">F’dan ir-rigward, jidher li, jekk l-evalwazzjoni tal-qorti tar-rinviju, kif miġbura fil-qosor fil-punti 24 sa 29 ta’ din is-sentenza u li tgħid li, essenzjalment, l-Artikolu 8 tad-Deċiżjoni Qafas 2008/909 jipprekludi sospensjoni, mill-awtorità kompetenti tal-Istat ta’ eżekuzzjoni, tal-eżekuzzjoni tal-piena li ċċaħħad il-libertà mogħtija mill-awtorità kompetenti tal-Istat emittenti jew teħtieġ, tal-inqas, informazzjoni minn qabel dwar il-possibbiltà li tingħata tali sospensjoni, kienet fondata, dik il-qorti tista’ titwassal sabiex tkompli l-proċedura fil-kawża prinċipali. Għall-kuntrarju, jekk sospensjoni bħal dik deċiża fil-kawża prinċipali kellha taqa’, kif jallega, essenzjalment, il-Gvern Spanjol permezz tal-argumenti miġbura fil-qosor fil-punti 33 sa 35 ta’ din is-sentenza, fil-kamp ta’ applikazzjoni tal-Artikolu 17 ta’ din id-deċiżjoni qafas, hija jista’ jkollha tipproċedi għall-għeluq ta’ din il-proċedura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Konsegwentement, ma jidhirx li d-domandi preliminari magħmula ma għandhom ebda rabta mar-realtà jew mas-suġġett tal-kawża prinċipali jew li jqajmu problema ta’ natura ipotetika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Min dan jirriżulta li d-domandi preliminari huwa ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Osservazzjonijiet preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Mid-deċiżjoni tar-rinviju jirriżulta, qabelxejn, li l-awtoritajiet ġudizzjarji Spanjoli rrifjutaw, bis-saħħa tal-punt 6 tal-Artikolu 4 tad-Deċiżjoni Qafas 2002/584, li jeżegwixxu l-mandat ta’ arrest Ewropew maħruġ mill-qorti tar-rinviju għall-finijiet tal-eżekuzzjoni ta’ piena li ċċaħħad il-libertà kontra YX, minħabba li dan tal-aħħar jirrisjedi fi Spanja u esprima x-xewqa tiegħu li jiskonta f’dan l-Istat Membru l-piena mogħtija fir-rigward tiegħu. Minn din id-deċiżjoni jirriżulta, sussegwentement, li dawn l-awtoritajiet ġudizzjarji ddikjaraw li jirrikonoxxu s-sentenza li permezz tagħha ngħatat din il-piena u talbu lill-awtorità ġudizzjarja Spanjola kompetenti sabiex teżegwixxiha. Fl-aħħar nett, mill-imsemmija deċiżjoni jirriżulta li l-Juzgado Central de lo Penal no 1 de Madrid (il-Qorti Kriminali Nazzjonali Nru 1 ta’ Madrid) sussegwentement issospendiet l-eżekuzzjoni tal-imsemmija piena.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">B’kuntrast ma’ dan, la mid-deċiżjoni tar-rinviju u lanqas mill-proċess għad-dispożizzjoni tal-Qorti tal-Ġustizzja ma jirriżulta li r-Repubblika Portugiża, bħala Stat emittenti tal-mandat ta’ arrest Ewropew maħruġ kontra YX, tat il-kunsens tagħha għall-eżekuzzjoni fi Spanja tal-piena mogħtija fir-rigward tiegħu. B’mod partikolari, waqt is-seduta quddiem il-Qorti tal-Ġustizzja, ma setax jiġi ddeterminat b’ċertezza jekk iċ-ċertifikat imsemmi fl-Artikolu 4 tad-Deċiżjoni Qafas 2008/909, li l-mudell tiegħu jinsab fl-Anness I tagħha (iktar ’il quddiem iċ-“ċertifikat”), kienx ġie trażmess jew le, konformement mal-modalitajiet previsti mid-Deċiżjoni Qafas 2008/909, mill-awtoritajiet kompetenti Portugiżi lill-awtoritajiet kompetenti Spanjoli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Issa, għandu jiġi enfasizzat li t-trażmissjoni ta’ dan iċ-ċertifikat tikkostitwixxi waħda mill-modalitajiet li għandhom jiġu osservati meta l-Istat ta’ eżekuzzjoni jieħu r-responsabbiltà għall-eżekuzzjoni ta’ piena li ċċaħħad il-libertà mogħtija fl-Istat emittenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Għaldaqstant, l-applikazzjoni tar-raġuni għal nuqqas ta’ eżekuzzjoni fakultattiva ta’ mandat ta’ arrest Ewropew previst fil-punt 6 tal-Artikolu 4 tad-Deċiżjoni Qafas 2002/584 hija suġġetta għas-sodisfazzjoni ta’ żewġ kundizzjonijiet, jiġifieri, minn naħa, li l-persuna rikjesta toqgħod fl-Istat Membru ta’ eżekuzzjoni, hija ċittadina tiegħu jew tirrisjedi fih, u, min-naħa l-oħra, li dan l-Istat jimpenja ruħu li jeżegwixxi, konformement mad-dritt intern tiegħu, il-piena jew il-miżura preventiva li għaliha nħareġ il-mandat ta’ arrest Ewropew (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 43).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Fir-rigward tal-effett tad-Deċiżjoni Qafas 2008/909 fuq l-implimentazzjoni tar-raġuni għal nuqqas ta’ eżekuzzjoni fakultattiva prevista fil-punt 6 tal-Artikolu 4 tad-Deċiżjoni Qafas 2002/584, għandu jitfakkar li, bħad-Deċiżjoni Qafas 2002/584, id-Deċiżjoni Qafas 2008/909 tikkonkretizza, fil-qasam kriminali, il-prinċipji ta’ fiduċja reċiproka u ta’ rikonoxximent reċiproku u ssaħħaħ għalhekk il-kooperazzjoni ġudizzjarja f’dak li jirrigwarda r-rikonoxximent u l-eżekuzzjoni tas-sentenzi f’materji kriminali, meta persuni jkunu ġew ikkundannati għal pieni jew għal miżuri li jċaħħdu l-libertà fi Stat Membru ieħor, sabiex tiġi ffaċilitata l-integrazzjoni soċjali mill-ġdid tagħhom (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 45).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Għalhekk, fid-dawl tal-identità tal-għan imfittex, minn naħa, mir-raġuni għal nuqqas ta’ eżekuzzjoni fakultattiva prevista fil-punt 6 tal-Artikolu 4 tad-Deċiżjoni Qafas 2002/584 u, min-naħa l-oħra, mir-regoli previsti mid-Deċiżjoni Qafas 2008/909, jiġifieri dak li jikkonsisti f’li tiġi ffaċilitata l-integrazzjoni soċjali mill-ġdid tal-persuni kkundannati fi Stat Membru ieħor, meta awtorità ġudizzjarja tal-Istat ta’ eżekuzzjoni tkun tixtieq tapplika din ir-raġuni, hija għandha tieħu inkunsiderazzjoni dawn ir-regoli (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Għaldaqstant, meta awtorità ġudizzjarja ta’ eżekuzzjoni jkollha l-intenzjoni li tirrifjuta, abbażi tar-raġuni għal nuqqas ta’ eżekuzzjoni fakultattiva prevista fil-punt 6 tal-Artikolu 4 tad-Deċiżjoni Qafas 2002/584, l-eżekuzzjoni ta’ mandat ta’ arrest Ewropew maħruġ għall-finijiet tal-eżekuzzjoni ta’ piena li ċċaħħad il-libertà, ir-rikonoxximent tas-sentenza ta’ kundanna għal din il-piena u tat-teħid ta’ responsabbiltà għall-eżekuzzjoni tal-imsemmija piena huma rregolati mid-Deċiżjoni Qafas 2008/909 (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 51).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">F’dan ir-rigward, għandu jiġi rrilevat li, fil-kuntest tal-implimentazzjoni tar-raġuni għal nuqqas ta’ eżekuzzjoni fakultattiva prevista fil-punt 6 tal-Artikolu 4 tad-Deċiżjoni Qafas 2002/584, it-teħid ta’ responsabbiltà, mill-Istat ta’ eżekuzzjoni, għall-eżekuzzjoni tal-piena imposta mis-sentenza ta’ kundanna mogħtija fl-Istat emittenti u li ġġustifikat il-ħruġ tal-mandat ta’ arrest Ewropew huwa suġġett għall-kunsens ta’ dan l-Istat emittenti, konformement mar-regoli previsti mid-Deċiżjoni Qafas 2008/909 (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 67).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Dan il-kunsens huwa rifless fit-trażmissjoni, skont il-modalitajiet stabbiliti fl-Artikolu 4 tad-Deċiżjoni Qafas 2008/909, lill-Istat ta’ eżekuzzjoni tas-sentenza ta’ kundanna mogħtija minn qorti tal-Istat emittenti, flimkien maċ-ċertifikat (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 57).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Għaldaqstant, meta awtorità ġudizzjarja ta’ eżekuzzjoni jkollha l-intenzjoni li tirrifjuta, abbażi tar-raġuni għal nuqqas ta’ eżekuzzjoni fakultattiva prevista fil-punt 6 tal-Artikolu 4 tad-Deċiżjoni Qafas 2002/584, l-eżekuzzjoni ta’ mandat ta’ arrest Ewropew, l-awtorità kompetenti tal-Istat emittenti tista’ tirrifjuta tali trasferiment jekk hija tqis, abbażi ta’ ċirkustanzi oġġettivi, li l-piena ma hijiex ser tiġi effettivament eżegwita fl-Istat ta’ eżekuzzjoni jew li eżekuzzjoni ta’ din il-piena f’dan l-Istat ma tikkontribwixxix għall-għan ta’ integrazzjoni soċjali mill-ġdid tal-persuna rikjesta mal-iskadenza tal-piena li ċċaħħad il-libertà li għaliha din tkun ġiet ikkundannata. L-awtorità ġudizzjarja emittenti tista’ wkoll tirrifjuta din it-trażmissjoni abbażi tal-kunsiderazzjonijiet marbuta mal-politika kriminali proprja tal-Istat emittenti (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 72).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Madankollu, għalkemm it-trażmissjoni mill-Istat emittenti tas-sentenza ta’ kundanna u taċ-ċertifikat li għandu jakkumpanjaha hija għalhekk maħsuba bħala sempliċi possibbiltà, għandu jitfakkar li, sabiex b’mod partikolari jiġi żgurat li l-funzjonament tal-mandat ta’ arrest Ewropew ma jiġix ipparalizzat, l-obbligu ta’ kooperazzjoni leali, stabbilit fl-ewwel subparagrafu tal-Artikolu 4(3) TUE, jimplika djalogu bejn l-awtoritajiet ġudizzjarji ta’ eżekuzzjoni u dawk emittenti. Minn dan il-prinċipju jirriżulta b’mod partikolari li l-Istati Membri għandhom jirrispettaw lil xulxin u jassistu lil xulxin fit-twettiq tal-kompiti li jirriżultaw mit-Trattati (ara, f’dan is-sens, is-sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 68).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Għaldaqstant, l-awtoritajiet ġudizzjarji emittenti u ta’ eżekuzzjoni għandhom, sabiex jiżguraw kooperazzjoni effettiva f’materji kriminali, jagħmlu użu sħiħ mill-istrumenti previsti mid-Deċiżjonijiet Qafas 2002/584 u 2008/909, bħall-konsultazzjonijiet li jippreċedu t-trażmissjoni tas-sentenza ta’ kundanna mogħtija minn qorti tal-Istat emittenti kif ukoll iċ-ċertifikat, b’mod li jiffavorixxu l-fiduċja reċiproka li fuqha hija bbażata din il-kooperazzjoni. Għandu jitfakkar, f’dan ir-rigward, li, konformement mal-Artikolu 4(3) ta’ din id-deċiżjoni qafas tal-aħħar, tali konsultazzjonijiet huma obbligatorji meta, bħal f’dan il-każ, l-eżekuzzjoni tal-kundanna tkun prevista fi Stat Membru differenti minn dak tan-nazzjonalità tal-persuna kkonċernata, jiġifieri fl-ipoteżi msemmija fl-Artikolu 4(1)(c) ta’ din l-aħħar deċiżjoni qafas (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 69).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Fir-rigward tal-obbligi tal-Istat emittenti, għandu jiġi enfasizzat li huwa dan l-Istat li għandu jiżgura li l-prerogattiva, mogħtija lilu mid-Deċiżjoni Qafas 2008/909 li ma tittrażmettix lill-Istat ta’ eżekuzzjoni s-sentenza ta’ kundanna mogħtija minn waħda mill-qrati tiegħu kif ukoll iċ-ċertifikat, tiġi eżerċitata b’mod li jippermetti kooperazzjoni effettiva f’materji kriminali u li jiżgura li l-funzjonament tal-mandat ta’ arrest Ewropew u r-rikonoxximent reċiproku tas-sentenzi f’materji kriminali għall-finijiet tal-eżekuzzjoni tagħhom fi Stat Membru ieħor ma jiġux ipparalizzati (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 71).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Għaldaqstant, hija l-qorti tar-rinviju li għandha tiżgura li l-kunsens mitlub, f’dan il-każ, ingħata mill-awtorità kompetenti Portugiża konformement mal-modalitajiet previsti mid-Deċiżjoni Qafas 2008/909 u, jekk dan ma jkunx il-każ, tivverifika jekk kooperazzjoni effikaċi mal-awtoritajiet ġudizzjarji ta’ eżekuzzjoni Spanjoli tobbligaha tagħti dan il-kunsens.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Jekk teħid ta’ responsabbiltà reali għall-eżekuzzjoni tal-piena mill-Istat ta’ eżekuzzjoni ma huwiex possibbli, għal kwalunkwe raġuni, inkluż minħabba n-nuqqas ta’ osservanza tal-kundizzjonijiet u tal-proċedura prevista mid-Deċiżjoni Qafas 2008/909, mill-prinċipju ta’ rikonoxximent reċiproku jirriżulta li, sabiex tiġi evitata l-impunità tal-persuna rikjesta, mandat ta’ arrest Ewropew għandu jiġi eżegwit (sentenza tal‑4 ta’ Settembru 2025, C.J. (Eżekuzzjoni ta’ kundanna b’konsegwenza ta’ MAE), C‑305/22, EU:C:2025:665, punt 70).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">B’kuntrast ma’ dan, fil-każ li ċ-ċertifikat ikun ġie trażmess mill-awtoritajiet kompetenti Portugiżi lill-awtoritajiet kompetenti Spanjoli, konformement mal-modalitajiet previsti mid-Deċiżjoni Qafas 2008/909, u b’hekk jirrifletti l-kunsens tal-Istat emittenti li l-piena mogħtija kontra YX tiġi eżegwita fl-Istat ta’ eżekuzzjoni, fatt li fl-aħħar mill-aħħar għandu jiġi vverifikat mill-qorti tar-rinviju, għandha tingħata risposta għad-domandi magħmula.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ewwel sat‑tielet domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Permezz tal-ewwel sat-tielet domanda preliminari tagħha, li għandhom jiġu eżaminati flimkien, il-qorti tar-rinviju tistaqsi, essenzjalment, jekk l-Artikolu 8(1) u l-Artikolu 17(1) tad-Deċiżjoni Qafas 2008/909 għandhomx jiġu interpretati fis-sens li jipprekludu li, meta l-awtorità ġudizzjarja kompetenti tal-Istat ta’ eżekuzzjoni tkun irrifjutat, bis-saħħa tal-punt 6 tal-Artikolu 4 tad-Deċiżjoni Qafas 2002/584, li teżegwixxi mandat ta’ arrest Ewropew maħruġ mill-awtorità ġudizzjarja kompetenti tal-Istat emittenti għall-finijiet tal-eżekuzzjoni ta’ piena li ċċaħħad il-libertà u meta l-awtorità ġudizzjarja kompetenti tal-Istat ta’ eżekuzzjoni tkun impenjat ruħha li teżegwixxi din il-piena, awtorità ġudizzjarja kompetenti oħra tal-Istat ta’ eżekuzzjoni tissospendi sussegwentement, bis-saħħa tad-dritt nazzjonali tagħha, l-eżekuzzjoni tal-imsemmija piena.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Skont l-Artikolu 8(1) tad-Deċiżjoni Qafas 2008/909, meta, bħal f’dan il-każ, l-awtorità kompetenti tal-Istat ta’ eżekuzzjoni tiddeċiedi li ma tinvokax waħda mir-raġunijiet għal nuqqas ta’ rikonoxximent u għal nuqqas ta’ eżekuzzjoni previsti fl-Artikolu 9 ta’ din id-deċiżjoni qafas, hija għandha tirrikonoxxi s-sentenza li ġiet trażmessa lilha konformement mal-Artikolu 4 u mal-proċedura deskritta fl-Artikolu 5 tal-imsemmija deċiżjoni qafas, u għandha tieħu mingħajr dewmien il-miżuri kollha meħtieġa għall-eżekuzzjoni tal-kundanna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Konformement mal-Artikolu 8(2) u (3) tad-Deċiżjoni Qafas 2008/909, adattamenti tal-kundanna huma possibbli biss meta t-tul jew in-natura tal-kundanna tkun inkompatibbli mad-dritt tal-Istat ta’ eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Dan l-artikolu jipprevedi għalhekk kundizzjonijiet stretti għall-adattament, mill-awtorità kompetenti tal-Istat ta’ eżekuzzjoni, tal-kundanna mogħtija fl-Istat emittenti, li jikkostitwixxu l-uniċi eċċezzjonijiet għall-obbligu ta’ prinċipju, impost fuq din l-awtorità bis-saħħa tal-Artikolu 8(1) ta’ din id-deċiżjoni qafas, li tirrikonoxxi s-sentenza li ġiet trażmessa lilha u li teżegwixxi l-kundanna li t-tul u n-natura tagħha jikkorrispondu għal dawk previsti fis-sentenza mogħtija fl-Istat emittenti (sentenzi tat‑8 ta’ Novembru 2016, Ognyanov, C‑554/14, EU:C:2016:835, punt 36, u tal‑11 ta’ Marzu 2020, SF (Mandat ta’ arrest Ewropew – Garanzija ta’ ritorn fl-Istat ta’ eżekuzzjoni), C‑314/18, EU:C:2020:191, punt 65).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">F’dan il-każ, huwa stabbilit li l-miżura ta’ sospensjoni tal-eżekuzzjoni tal-piena li ċċaħħad il-libertà mogħtija mill-qorti tar-rinviju ma ġietx deċiża mill-awtorità ġudizzjarja kompetenti tal-Istat ta’ eżekuzzjoni minħabba inkompatibbiltà bejn in-natura jew it-tul tal-kundanna u l-leġiżlazzjoni ta’ dan l-Istat Membru, b’tali mod li din il-miżura fl-ebda każ ma tista’ titqies bħala adattament tal-kundanna magħmula possibbli bis-saħħa tal-Artikolu 8(2) u (3) tad-Deċiżjoni Qafas 2008/909.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Il-qorti tar-rinviju, il-Gvern Portugiż u l-Kummissjoni Ewropea huma tal-fehma li s-sospensjoni tal-eżekuzzjoni tal-piena li ċċaħħad il-libertà inkwistjoni fil-kawża prinċipali taqa’ fil-kamp ta’ applikazzjoni tal-Artikolu 8(1) tad-Deċiżjoni Qafas 2008/909 u setgħet, konsegwentement, tingħata biss mill-qorti tar-rinviju li hija l-awtorità kompetenti tal-Istat emittenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Il-Gvern Spanjol isostni, b’kuntrast ma’ dan, li mill-Kodiċi Kriminali Spanjol jirriżulta li sospensjoni bħal dik deċiża fil-kawża prinċipali taqa’ taħt il-qasam tal-eżekuzzjoni tal-pieni u, għaldaqstant, taħt il-kamp ta’ applikazzjoni tal-Artikolu 17(1) ta’ din id-deċiżjoni qafas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Minn din id-dispożizzjoni jirriżulta li l-eżekuzzjoni ta’ kundanna, bis-saħħa ta’ din id-deċiżjoni qafas, hija rregolata mid-dritt tal-Istat ta’ eżekuzzjoni ladarba l-persuna kkundannata tkun ġiet ittrasferita lill-awtoritajiet kompetenti ta’ dan l-Istat u li dawn tal-aħħar huma, bħala prinċipju, l-uniċi kompetenti sabiex jiddeċiedu l-modalitajiet ta’ eżekuzzjoni u jiddeterminaw il-miżuri relatati magħha, inkluż fir-rigward tar-raġunijiet għal-libertà bikrija jew ikkundizzjonata. Għalhekk, din id-dispożizzjoni tkopri miżuri intiżi li jiggarantixxu l-eżekuzzjoni materjali ta’ piena li ċċaħħad il-libertà u li jiżguraw l-integrazzjoni soċjali mill-ġdid tal-persuna kkundannata (sentenza tal‑15 ta’ April 2021, AV (Sentenza globali), C‑221/19, EU:C:2021:278, punt 39).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Hekk kif irrilevat l-Avukata Ġenerali fil-punti 26 u 27 tal-konklużjonijiet tagħha, għandu għalhekk jiġi ddeterminat jekk sospensjoni tal-eżekuzzjoni ta’ piena li ċċaħħad il-libertà, bħal dik inkwistjoni fil-kawża prinċipali, għandhiex titqies li temenda s-sentenza ta’ kundanna, f’liema każ l-Artikolu 8(1) tad-Deċiżjoni Qafas 2008/909 jipprekludi li l-awtorità kompetenti tal-Istat ta’ eżekuzzjoni tagħti tali sospensjoni, jew bħala li taqa’ taħt l-eżekuzzjoni ta’ dik is-sentenza, f’liema każ l-Artikolu 17(1) ta’ din id-deċiżjoni qafas jippermetti lil din l-awtorità tagħti tali sospensjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">F’dan ir-rigward, għandu jitfakkar li, għall-interpretazzjoni ta’ dispożizzjoni tad-dritt tal-Unjoni, għandhom jittieħdu inkunsiderazzjoni kemm il-formulazzjoni u l-għan tagħha kif ukoll il-kuntest ta’ din id-dispożizzjoni u l-għanijiet imfittxija mil-leġiżlazzjoni li minnha tagħmel parti (sentenza tal‑1 ta’ Ottubru 2014, E., C‑436/13, EU:C:2014:2246, punt 37).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Fir-rigward, fl-ewwel lok, tal-formulazzjoni tal-Artikolu 8(1) u tal-Artikolu 17(1) tad-Deċiżjoni Qafas 2008/909, l-ebda waħda minn dawn id-dispożizzjonijiet ma ssemmi espressament l-ipoteżi tas-sospensjoni, mill-awtorità kompetenti tal-Istat ta’ eżekuzzjoni, tal-eżekuzzjoni ta’ piena li ċċaħħad il-libertà mogħtija mill-awtorità kompetenti tal-Istat emittenti. Barra minn hekk, din il-formulazzjoni ma tippermettix li jiġi ddeterminat jekk tali miżura ta’ sospensjoni tmurx kontra l-obbligu, għall-Istat Membru ta’ eżekuzzjoni, li jirrikonoxxi s-sentenza u li jeżegwixxi l-kundanna, previst fl-ewwel waħda minn dawn id-dispożizzjonijiet, jew taqax taħt il-kunċett ta’ “modalitajiet ta’ eżekuzzjoni” tal-kundanna, fis-sens tat-tieni waħda minn dawn id-dispożizzjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Fit-tieni lok, fir-rigward tal-interpretazzjoni kuntestwali, għandu, l-ewwel nett, jiġi interpretat il-kunċett ta’ “modalitajiet ta’ eżekuzzjoni”, li jinsab fl-Artikolu 17(1) tad-Deċiżjoni Qafas 2008/909, billi jittieħdu inkunsiderazzjoni l-paragrafi 3 u 4 ta’ dan l-artikolu kif ukoll l-Artikolu 13 ta’ din id-deċiżjoni qafas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Skont l-Artikolu 17(3) tad-Deċiżjoni Qafas 2008/909, l-awtorità kompetenti tal-Istat ta’ eżekuzzjoni hija obbligata tinforma lill-awtorità kompetenti tal-Istat emittenti, fuq talba ta’ din tal-aħħar, bid-dispożizzjonijiet applikabbli fil-qasam tal-libertà bikrija jew ikkundizzjonata u l-Istat emittenti jista’ jaċċetta l-applikazzjoni ta’ dawn id-dispożizzjonijiet jew jirtira ċ-ċertifikat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Konformement mal-Artikolu 13 ta’ din id-deċiżjoni qafas, l-irtirar taċ-ċertifikat fl-Istat ta’ eżekuzzjoni għandu jseħħ qabel ma tkun bdiet l-eżekuzzjoni tal-kundanna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Barra minn hekk, l-Artikolu 17(4) tal-imsemmija deċiżjoni qafas jiddisponi li l-Istati Membri jistgħu jipprevedu li kull deċiżjoni dwar il-libertà bikrija jew ikkundizzjonata tista’ tieħu inkunsiderazzjoni dispożizzjonijiet tad-dritt nazzjonali, ikkomunikati mill-Istat emittenti, li bis-saħħa tagħhom il-persuna hija intitolata għal libertà bikrija jew ikkundizzjonata minn data speċifika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Għaldaqstant, filwaqt li l-Artikolu 17(1) tad-Deċiżjoni Qafas 2008/909 jipprevedi li l-awtoritajiet kompetenti tal-Istat ta’ eżekuzzjoni għandhom jeżerċitaw kompetenza esklużiva fir-rigward tal-modalitajiet kollha ta’ eżekuzzjoni ta’ kundanna u tal-miżuri kollha relatati magħha, li jinkludu l-libertà bikrija jew ikkundizzjonata, il-paragrafi 3 u 4 ta’ dan l-artikolu jipprevedu, għall-benefiċċju tal-awtorità kompetenti tal-Istat emittenti, id-dritt li tiġi informata, fuq talba tagħha, bid-dispożizzjonijiet tal-Istat ta’ eżekuzzjoni applikabbli fil-qasam tal-libertà bikrija jew ikkundizzjonata u li tirtira ċ-ċertifikat kif ukoll il-possibbiltà li tikkomunika l-kundizzjonijiet ta’ libertà bikrija jew ikkundizzjonata tal-Istat emittenti bil-għan li jittieħdu inkunsiderazzjoni mill-awtorità kompetenti tal-Istat ta’ eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">F’dan ir-rigward, għandu jiġi rrilevat li, b’differenza minn libertà bikrija jew ikkundizzjonata, li sseħħ biss wara l-eżekuzzjoni ta’ parti mill-piena li ċċaħħad il-libertà u, għaldaqstant, tissospendi biss parzjalment l-eżekuzzjoni tagħha, is-sospensjoni, minn awtorità ġudizzjarja tal-Istat ta’ eżekuzzjoni, tal-eżekuzzjoni ta’ piena li ċċaħħad il-libertà mogħtija mill-awtorità ġudizzjarja kompetenti tal-Istat emittenti, qabel kwalunkwe eżekuzzjoni effettiva ta’ din il-piena, timplika sospensjoni tat-totalità tal-imsemmija piena.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Il-prerogattivi rrikonoxxuti mill-Artikolu 17(3) u (4) tad-Deċiżjoni Qafas 2008/909 lill-awtorità kompetenti tal-Istat Membru emittenti għandhom għalhekk, a fortiori, japplikaw għal tali miżura. Issa, kif jirriżulta mill-punti preċedenti, dawn ġew previsti mil-leġiżlatur tal-Unjoni biss għal dak li jirrigwarda l-kundizzjonijiet ta’ libertà bikrija jew ikkundizzjonata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Bħalma għamlet l-Avukata Ġenerali fil-punt 55 tal-konklużjonijiet tagħha, għandu għalhekk jitqies li l-paragrafi 3 u 4 tal-Artikolu 17 tad-Deċiżjoni Qafas 2008/909 jindikaw li s-sospensjoni, minn awtorità ġudizzjarja ta’ eżekuzzjoni, tal-eżekuzzjoni ta’ piena li ċċaħħad il-libertà mogħtija mill-awtorità ġudizzjarja emittenti ma taqax fil-kamp ta’ applikazzjoni tal-paragrafu 1 ta’ dan l-artikolu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">It-tieni nett, kif issostni l-Kummissjoni, din l-interpretazzjoni hija kkorroborata mid-Deċiżjoni Qafas 2008/947 li tirrigwarda r-rikonoxximent, b’mod partikolari, tas-sentenzi u tad-deċiżjonijiet ta’ probation, peress li, qabelxejn, skont l-Artikolu 1(3)(a) tagħha, il-kamp ta’ applikazzjoni ta’ din id-deċiżjoni qafas u dak tad-Deċiżjoni Qafas 2008/909 jeskludu lil xulxin reċiprokament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Sussegwentement, kif jirriżulta mill-punt 2 tal-Artikolu 2 tad-Deċiżjoni Qafas 2008/947, “sentenza sospiża” tfisser “sentenza ta’ kustodja jew miżura li tinvolvi ċ-ċaħda tal-libertà, li l-esekuzzjoni tagħha hija sospiża kondizzjonalment, fl-intier tagħha jew parzjalment, meta s-sentenza tingħata permezz ta’ l-impożizzjoni ta’ miżura ta’ probation” u “[t]ali miżura ta’ probation tista’ tiġi tingħata fis-sentenza nnifisha jew f’deċiżjoni ta’ probation separata meħuda minn awtorità kompetenti”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Fl-aħħar nett, il-punti 1 u 5 tal-Artikolu 2 ta’ din id-deċiżjoni qafas jippreċiżaw li s-sentenza u, jekk ikun il-każ, id-deċiżjoni ta’ probation separata għandhom jingħataw minn awtorità kompetenti tal-Istat emittenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Għaldaqstant, il-fatt li deċiżjoni qafas distinta mid-Deċiżjoni Qafas 2008/909 tapplika għas-sentenzi li jkollhom sospensjoni tal-eżekuzzjoni ta’ piena li ċċaħħad il-libertà, jew ikunu akkumpanjati minn deċiżjonijiet ta’ probation separati, jikkonferma li l-kwistjoni dwar jekk is-sospensjoni tal-eżekuzzjoni ta’ piena li ċċaħħad il-libertà għandhiex tingħata taqa’, fl-istruttura ta’ dawn iż-żewġ deċiżjonijiet qafas, taħt il-kompetenza tal-awtorità kompetenti tal-Istat emittenti u, konsegwentement, taħt is-sentenza li għandha tiġi rrikonoxxuta, u mhux taħt l-eżekuzzjoni ta’ dan tal-aħħar u taħt il-kompetenza tal-awtorità kompetenti tal-Istat ta’ eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Fit-tielet lok, fir-rigward tal-għanijiet tad-Deċiżjoni Qafas 2008/909 b’mod ġenerali u tal-Artikoli 8 u 17 tagħha b’mod partikolari, mill-Artikolu 3(1) ta’ din id-deċiżjoni qafas jirriżulta li din hija intiża li tistabbilixxi r-regoli li jippermettu lil Stat Membru, sabiex jiffaċilita l-integrazzjoni soċjali mill-ġdid tal-persuna kkundannata, jirrikonoxxi sentenza u jeżegwixxi l-kundanna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">F’dan ir-rigward, il-premessa 5 tal-imsemmija deċiżjoni qafas tippreċiża li r-relazzjonijiet bejn l-Istati Membri huma kkaratterizzati minn fiduċja reċiproka partikolari fir-rigward tas-sistemi ġudizzjarji rispettivi tagħhom u li dawn ir-relazzjonijiet jiġġustifikaw li l-Istat ta’ eżekuzzjoni jkun awtorizzat jirrikonoxxi d-deċiżjonijiet mogħtija mill-awtoritajiet tal-Istat emittenti. L-istess deċiżjoni qafas hija intiża għalhekk għat-tisħiħ tal-kooperazzjoni bejn l-Istati Membri għal dak li jirrigwarda l-eżekuzzjoni ta’ sentenzi f’materji kriminali, b’mod partikolari fejn ċittadini tal-Unjoni kienu s-suġġett ta’ sentenza f’materji kriminali u kienu kkundannati għal piena jew miżura li tinvolvi ċ-ċaħda tal-libertà fi Stat Membru ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Barra minn hekk, bis-saħħa tal-premessa 9 tad-Deċiżjoni Qafas 2008/909, l-eżekuzzjoni tal-kundanna fl-Istat ta’ eżekuzzjoni hija intiża sabiex iżżid il-possibbiltajiet ta’ integrazzjoni soċjali mill-ġdid tal-persuna kkundannata u, sabiex tikseb iċ-ċertezza li l-eżekuzzjoni tal-kundanna mill-Istat ta’ eżekuzzjoni ser tikkontribwixxi għat-twettiq ta’ dan l-għan, l-awtorità kompetenti tal-Istat emittenti hija mitluba tieħu inkunsiderazzjoni elementi bħal, pereżempju, ir-rabta tal-persuna mal-Istat ta’ eżekuzzjoni, jekk hija tikkunsidrahx jew le bħala post fejn għandha rabtiet familjari, lingwistiċi, kulturali, soċjali jew ekonomiċi u oħrajn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Minn dan jirriżulta li hija prinċipalment l-awtorità kompetenti tal-Istat emittenti li għandha twettaq l-evalwazzjonijiet meħtieġa għall-finijiet tal-evalwazzjoni tal-possibbiltajiet ta’ integrazzjoni soċjali mill-ġdid tal-persuna kkundannata fl-Istati Membri kkonċernati u li r-relazzjonijiet bejn l-Istati Membri kkaratterizzati minn fiduċja reċiproka partikolari lejn is-sistemi ġudizzjarji rispettivi tagħhom jiġġustifikaw li, bil-kunsens tal-Istat emittenti, l-Istat ta’ eżekuzzjoni jkun awtorizzat jirrikonoxxi d-deċiżjonijiet mogħtija mill-awtoritajiet tal-Istat emittenti għall-finijiet tal-eżekuzzjoni tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Issa, kif irrilevat l-Avukata Ġenerali, essenzjalment, fil-punti 65 sa 67 tal-konklużjonijiet tagħha, il-possibbiltà għall-Istat ta’ eżekuzzjoni li jadatta, lil hinn mill-każijiet espressament previsti fl-Artikoli 8 u 17 tad-Deċiżjoni Qafas 2008/909, il-piena mogħtija fl-Istat emittenti jew il-modalitajiet ta’ eżekuzzjoni tagħha tista’ tippreġudika din il-fiduċja reċiproka partikolari u tmur, għaldaqstant, kontra l-għan li tissaħħaħ il-kooperazzjoni bejn l-Istati Membri fir-rigward tal-eżekuzzjoni tas-sentenzi f’materji kriminali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Dawn l-Artikoli 8 u 17 għandhom għalhekk rwol ċentrali fit-tfittxija ta’ dan l-għan meta jispeċifikaw, għar-rikonoxximent u għall-eżekuzzjoni tas-sentenzi f’materji kriminali, il-portata u l-limiti tal-kompetenzi rrikonoxxuti lill-awtoritajiet kompetenti tal-Istat ta’ eżekuzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, għandu jiġi konkluż li s-sospensjoni tal-eżekuzzjoni ta’ piena li ċċaħħad il-libertà taqa’ fil-kamp ta’ applikazzjoni tal-Artikolu 8 tad-Deċiżjoni Qafas 2008/909 u ma tistax, konsegwentement, tingħata mill-awtorità kompetenti tal-Istat ta’ eżekuzzjoni skont l-Artikolu 17 ta’ din id-deċiżjoni qafas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">Kif issostni l-Kummissjoni, minn dan jirriżulta li, fil-kawża prinċipali, għandu jitqies li, għall-finijiet tal-applikazzjoni tad-Deċiżjoni Qafas 2008/909, l-eżekuzzjoni tal-piena mogħtija mill-qorti tar-rinviju fir-rigward ta’ YX għadha ma bdietx, b’tali mod li, konformement mal-Artikolu 13 ta’ din id-deċiżjoni qafas, l-awtorità kompetenti tal-Istat emittenti għadha tista’ tirtira ċ-ċertifikat eventwalment trażmess u titlob il-konsenja ta’ YX għall-finijiet tal-eżekuzzjoni ta’ din il-piena.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Din il-konklużjoni ma hijiex invalidata mill-fatt li l-Qorti tal-Ġustizzja ddeċidiet, essenzjalment, li deċiżjoni li tirrevoka s-sospensjoni tal-eżekuzzjoni ta’ piena li ċċaħħad il-libertà, minħabba l-ksur mill-persuna kkonċernata ta’ kundizzjoni oġġettiva li għaliha kienet suġġetta din is-sospensjoni, ma tikkostitwixxix “deċiżjoni”, fis-sens tal-Artikolu 4a tad-Deċiżjoni Qafas 2002/584, peress li din ma tbiddilx il-piena mogħtija f’tali deċiżjoni, f’dak li jirrigwarda kemm in-natura tagħha kif ukoll il-quantum tagħha, u li l-awtorità inkarigata li tiddeċiedi dwar tali revoka ma hijiex mitluba teżamina mill-ġdid il-mertu tal-kawża li tat lok għal din il-kundanna kriminali (ara, f’dan is-sens, is-sentenzi tat‑22 ta’ Diċembru 2017, Ardic, C‑571/17 PPU, EU:C:2017:1026, punti 77 u 78, kif ukoll tat‑23 ta’ Marzu 2023, Minister for Justice and Equality (Tneħħija tas-sospensjoni), C‑514/21 u C‑515/21, EU:C:2023:235, punti 53 u 54).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">Fil-fatt, qabelxejn, il-ġurisprudenza li tirriżulta mis-sentenzi ċċitati fil-punt preċedenti ta’ din is-sentenza tirrigwarda l-interpretazzjoni tad-Deċiżjoni Qafas 2002/584 u mhux dik tad-Deċiżjoni Qafas 2008/909.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Sussegwentement, fil-kawżi li taw lok għal dawn is-sentenzi, is-sospensjoni differenti tal-eżekuzzjoni ta’ pieni li jċaħħdu l-libertà kienet ingħatat mill-awtorità kompetenti tal-Istat emittenti fil-kuntest tas-sentenzi ta’ kundanna. Issa, kif ġie rrilevat fil-punti 76 sa 79 ta’ din is-sentenza, ir-rikonoxximent u l-eżekuzzjoni ta’ tali sentenzi ma jaqgħux fil-kamp ta’ applikazzjoni tad-Deċiżjoni Qafas 2008/909, iżda taħt dak tad-Deċiżjoni Qafas 2008/947.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Fl-aħħar nett, kif qieset, essenzjalment, l-Avukata Ġenerali fil-punt 72 tal-konklużjonijiet tagħha, il-fatt li r-revoka tas-sospensjoni tal-eżekuzzjoni ta’ piena li ċċaħħad il-libertà, minħabba l-ksur mill-persuna kkonċernata ta’ kundizzjoni oġġettiva li għaliha kienet suġġetta din is-sospensjoni, tista’ taqa’ taħt l-eżekuzzjoni tal-piena mogħtija ma jimplikax neċessarjament li d-deċiżjoni dwar jekk, f’każ partikolari, għandhiex tingħata jew le s-sospensjoni ta’ piena li ċċaħħad il-libertà tkun tal-istess natura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, ir-risposta għall-ewwel sat-tielet domanda preliminari għandha tkun li l-Artikolu 8(1) u l-Artikolu 17(1) tad-Deċiżjoni Qafas 2008/909 għandhom jiġu interpretati fis-sens li jipprekludu li, meta l-awtorità ġudizzjarja kompetenti tal-Istat ta’ eżekuzzjoni tkun irrifjutat, bis-saħħa tal-punt 6 tal-Artikolu 4 tad-Deċiżjoni Qafas 2002/584, li teżegwixxi mandat ta’ arrest Ewropew maħruġ mill-awtorità ġudizzjarja kompetenti tal-Istat emittenti għall-finijiet tal-eżekuzzjoni ta’ piena li ċċaħħad il-libertà u meta l-awtorità ġudizzjarja kompetenti tal-Istat ta’ eżekuzzjoni tkun impenjat ruħha li teżegwixxi din il-piena, awtorità ġudizzjarja kompetenti oħra tal-Istat ta’ eżekuzzjoni tissospendi sussegwentement, bis-saħħa tad-dritt nazzjonali tagħha, l-eżekuzzjoni tal-imsemmija piena.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq ir-raba’ domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Fid-dawl tar-risposti mogħtija lill-ewwel sat-tielet domandi preliminari, ma hemmx lok li tingħata risposta għar-raba’ domanda preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-224" title="page-25">
      Għal dawn il-motivi, Il-Qorti tal-Ġustizzja (Ir‑Raba’ Awla) taqta’ u tiddeċiedi:
    </p>
    <p class="C30Dispositifalinea" id="para-225" title="page-25">
      L-Artikolu 8(1) u l-Artikolu 17(1) tad-Deċiżjoni Qafas tal-Kunsill 2008/909/ĠAI tas‑27 ta’ Novembru 2008 dwar l-applikazzjoni tal-prinċipju ta’ rikonoxximent reċiproku ta’ sentenzi f’materji kriminali li jimponu pieni ta’ kustodja jew miżuri li jinvolvu ċ-ċaħda tal-libertà bil-għan li jiġu infurzati fl-Unjoni Ewropea, kif emendata bid-Deċiżjoni Qafas tal-Kunsill 2009/299/ĠAI tas‑26 ta’ Frar 2009,
    </p>
    <p class="C30Dispositifalinea" id="para-226" title="page-25">
      għandhom jiġu interpretati fis-sens li:
    </p>
    <p class="C30Dispositifalinea" id="para-227" title="page-25">
      jipprekludu li, meta l-awtorità ġudizzjarja kompetenti tal-Istat ta’ eżekuzzjoni tkun irrifjutat, bis-saħħa tal-punt 6 tal-Artikolu 4 tad-Deċiżjoni Qafas tal-Kunsill 2002/584/ĠAI, tat-13 ta’ Ġunju 2002, dwar il-mandat ta’ arrest Ewropew u l-proċeduri ta’ konsenja bejn l-Istati Membri, li teżegwixxi mandat ta’ arrest Ewropew maħruġ mill-awtorità ġudizzjarja kompetenti tal-Istat emittenti għall-finijiet tal-eżekuzzjoni ta’ piena li ċċaħħad il-libertà u meta l-awtorità ġudizzjarja kompetenti tal-Istat ta’ eżekuzzjoni tkun impenjat ruħha li teżegwixxi din il-piena, awtorità ġudizzjarja kompetenti oħra tal-Istat ta’ eżekuzzjoni tissospendi sussegwentement, bis-saħħa tad-dritt nazzjonali tagħha, l-eżekuzzjoni tal-imsemmija piena.
    </p>
    <div class="signatures">
<p class="C77Signatures" id="para-228" title="page-25">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Portugiż.</p>
<p class="note footnote">(<span class="note footnote notemarker">
<a id="t-2" href="#c-2">i</a>
</span>) L-isem ta’ din il-kawża huwa fittizju. Dan l-isem ma jikkorrispondi għall-isem reali ta’ ebda waħda mill-partijiet fil-proċedura.</p>
</body>
</html>
