14.12.2022   

GA

Iris Oifigiúil an Aontais Eorpaigh

C 474/53


Réamhfhógra faoi chomhchruinniú

(Cás M.10903 – CIRCLE K / SCHIBSTED / ELTON MOBILITY)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 474/14)

1.   

An 6 Nollaig 2022, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

AS Schibsted Norge (“Schibsted”), arna rialú ag ASA Schibsted (an Iorua, an dá cheann díobh),

—

AS Circle K (“Circle K”, an Iorua), arna rialú ag Alimentation Couche Tard (“ACT”, Ceanada),

—

AS Elton Mobility (“Elton”, an Iorua).

De réir bhrí Airteagal 3(1)(b) agus Airteagal 3(4) den Rialachán um Chumaisc, gheobhaidh Schibsted agus Circle K rialú comhpháirteach ar Elton atá faoi rialú aonair Schibsted faoi láthair.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—

Tá Schibsted agus ASA Schibsted gníomhach i seirbhísí meán nuachta, margaí, gnólachtaí nuathionscanta agus fiontair infheistíochta eile agus seirbhísí airgeadais, go príomha sna tíortha Nordacha agus i dtíortha eile LEE.

—

Tá Circle K gníomhach mar oibreoir siopaí áise agus miondíoltóir breosla agus mar oibreoir stáisiún luchtaithe le haghaidh feithiclí leictreacha, agus tá a phríomhoibríochtaí sna tíortha Nordacha agus sa Pholainn. Tá ACT gníomhach ar fud an domhain, agus tá sé lonnaithe in Laval, Ceanada.

—

Tá Elton gníomhach i soláthar seirbhísí luchtaithe le haghaidh feithiclí leictreacha, go príomha san Iorua, sa tSualainn agus sa Danmhairg. Tá a chuid seirbhísí ar fáil san Fhionlainn freisin.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10903 – CIRCLE K / SCHIBSTED / ELTON MOBILITY

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála thíos:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

an Coimisiún Eorpach

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.