European flag

Iris Oifigiúil
an Aontais Eorpaigh

GA

Sraith L


2025/2142

22.10.2025

CINNEADH (AE) 2025/2142 ÓN gCOMHAIRLE

an 21 Deireadh Fómhair 2025

maidir leis na ranníocaíochtaí airgeadais atá le híoc ag na páirtithe sa Chiste Eorpach Forbraíochta mar thríú tráthchuid le haghaidh 2025

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint don Chomhaontú Inmheánach idir Ionadaithe Rialtais Bhallstáit an Aontais Eorpaigh, ag teacht le chéile dóibh i dtionól na Comhairle, maidir le maoiniú na cabhrach ón Aontas Eorpach faoin gcreat airgeadais ilbhliantúil le haghaidh na tréimhse 2014 go 2020, i gcomhréir leis an gComhaontú Comhpháirtíochta ACC-AE, agus maidir le leithdháileadh cúnaimh airgeadais do na Tíortha agus Críocha Thar Lear a bhfuil feidhm ag Cuid a Ceathair den Chonradh ar Fheidhmiú an Aontais Eorpaigh maidir leo (1) (‘an Comhaontú Inmheánach’), agus go háirithe Airteagal 7(2) i gcomhar le hAirteagal 14(3), de,

Ag féachaint do Rialachán (AE) 2018/1877 ón gComhairle an 26 Samhain 2018 maidir leis an rialachán airgeadais is infheidhme i dtaca leis an 11ú Ciste Eorpach Forbraíochta, agus lena n-aisghairtear Rialachán (AE) 2015/323 (2), agus go háirithe Airteagal 19(5) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)

Bunaítear an treoir ranníoca le haghaidh gach páirtí sa Chiste Eorpach Forbraíochta (CEF) le hAirteagal 1 den Chomhaontú Inmheánach.

(2)

I gcomhréir le hAirteagal 46 de Rialachán (AE) 2018/1877, tá an Banc Eorpach Infheistíochta (BEI) le meastacháin nuashonraithe ar ghealltanais agus íocaíochtaí faoi na hionstraimí a bhainistíonn sé a sheoladh chuig an gCoimisiún.

(3)

I gcomhréir le hAirteagal 19(5) de Rialachán (AE) 2018/1877, tá an Coimisiún le togra a chur i láthair faoin 10 Deireadh Fómhair 2025 lena leagfar amach méid an tríú tráthchuid den ranníocaíocht le haghaidh 2025.

(4)

De bhun Airteagal 20(1) de Rialachán (AE) 2018/1877, le glaonna ar ranníocaíochtaí, ídeofar ar dtús na méideanna a leagtar amach le haghaidh CEFanna a bhí ann roimhe seo. Dá bhrí sin, ba cheart glao ar ranníocaíochtaí de bhun Rialachán (AE) 2018/1877, le haghaidh an Choimisiúin agus le haghaidh BEI a dhéanamh.

(5)

Le Cinneadh (AE) 2024/2906 ón gComhairle (3), socraítear méid bliantúil na ranníocaíochta atá le híoc ag na páirtithe in CEF le haghaidh 2025 ag EUR 800 000 000 i gcás an Choimisiúin agus ag EUR 9 000 000 i gcás BEI. Ghlaoigh BEI a sciar uile den 11ú CEF leis an gcéad tráthchuid de 2025.

(6)

Chun go bhféadfar na bearta dá bhforáiltear sa Chinneadh seo a chur i bhfeidhm go pras, ba cheart dó a theacht i bhfeidhm ar dháta a fhoilsithe in Iris Oifigiúil an Aontais Eorpaigh,

TAR ÉIS AN CINNEADH SEO A GHLACADH:

Airteagal 1

Leis seo, socraítear méid na ranníocaíochtaí atá le híoc ag na páirtithe sa Chiste Eorpach Forbraíochta (CEF) mar thríú tráthchuid le haghaidh 2025 ag EUR 200 000 000 i gcás an Choimisiúin.

Airteagal 2

Déanfaidh na páirtithe sa Chiste Eorpach Forbraíochta ranníocaíochtaí aonair an Chiste Eorpaigh Forbraíochta a íoc leis an gCoimisiún mar an tríú tráthchuid le haghaidh 2025, i gcomhréir leis an Iarscríbhinn.

Airteagal 3

Tiocfaidh an Cinneadh seo i bhfeidhm dáta a fhoilsithe in Iris Oifigiúil an Aontais Eorpaigh.

Arna dhéanamh i Lucsamburg, an 21 Deireadh Fómhair 2025.

Thar ceann na Comhairle

An tUachtarán

M. BJERRE


(1)   IO L 210, 6.8.2013, lch. 1, ELI: http://data.europa.eu/eli/agree_eums/2013/806/oj.

(2)   IO L 307, 3.12.2018, lch. 1, ELI: http://data.europa.eu/eli/reg/2018/1877/oj.

(3)  Cinneadh (AE) 2024/2906 ón gComhairle an 14 Samhain 2024 maidir leis na ranníocaíochtaí airgeadais a bheidh le híoc ag na páirtithe sa Chiste Eorpach Forbraíochta chun an ciste sin a mhaoiniú, lena sonraítear an uasteorainn le haghaidh 2026, an méid bliantúil le haghaidh 2025, méid na chéad tráthchoda le haghaidh 2025 agus réamhaisnéis tháscach neamhcheangailteach i dtaca leis na méideanna bliantúla a mheastar a bheidh sna ranníocaíochtaí le haghaidh na mblianta 2027 agus 2028 (IO L, 2024/2906, 19.11.2024, ELI: http://data.europa.eu/eli/dec/2024/2906/oj).


IARSCRÍBHINN

An tríú tráthchuid de ranníocaíochtaí CEF le haghaidh 2025 (EUR) leis an gCoimisiún (*1)

NA BALLSTÁIT & RA

Treoir 11ú CEF %

Tríú tráthchuid 2025 (EUR)

AN BHEILG

3,24927

6 498 540

AN BHULGÁIR

0,21853

437 060

AN tSEICIA

0,79745

1 594 900

AN DANMHAIRG

1,98045

3 960 900

AN GHEARMÁIN

20,57980

41 159 600

AN EASTÓIN

0,08635

172 700

ÉIRE

0,94006

1 880 120

AN GHRÉIG

1,50735

3 014 700

AN SPÁINN

7,93248

15 864 960

AN FHRAINC

17,81269

35 625 380

AN CHRÓIT

0,22518

450 360

AN IODÁIL

12,53009

25 060 180

AN CHIPIR

0,11162

223 240

AN LAITVIA

0,11612

232 240

AN LIOTUÁIN

0,18077

361 540

LUCSAMBURG

0,25509

510 180

AN UNGÁIR

0,61456

1 229 120

MÁLTA

0,03801

76 020

AN ÍSILTÍR

4,77678

9 553 560

AN OSTAIR

2,39757

4 795 140

AN PHOLAINN

2,00734

4 014 680

AN PHORTAINGÉIL

1,19679

2 393 580

AN RÓMÁIN

0,71815

1 436 300

AN tSLÓIVÉIN

0,22452

449 040

AN tSLÓVAIC

0,37616

752 320

AN FHIONLAINN

1,50909

3 018 180

AN tSUALAINN

2,93911

5 878 220

AN RÍOCHT AONTAITHE

14,67862

29 357 240

IOMLÁN AE-27 & RA

100,00

200 000 000


(*1)  Ghlaoigh BEI a sciar uile den 11ú CEF leis an gcéad tráthchuid de 2025.


ELI: http://data.europa.eu/eli/dec/2025/2142/oj

ISSN 1977-0839 (electronic edition)