–

għall-association interprofessionnelle des fruits et légumes frais (Interfel), minn A. Bron, A. Helfer u G. Léonard, avukati,

–

għall-Gvern Franċiż, minn P. Chansou u B. Travard, bħala aġenti,

–

għall-Kummissjoni Ewropea, minn I. Melo Sampaio u R. Tricot bħala aġenti,

1

It-talba għal deċiżjoni preliminari tirrigwarda l-interpretazzjoni tal-Artikolu 3 tad-Direttiva 94/62/KE tal-Parlament Ewropew u tal-Kunsill tal-20 ta’ Diċembru 1994 dwar l-imballaġġ u l-iskart mill-imballaġġ (ĠU Edizzjoni Speċjali bil-Malti, Kapitolu 13, Vol. 13, p. 349), kif emendata bid-Direttiva (UE) 2018/852 tal-Parlament Ewropew u tal-Kunsill tat‑30 ta’ Mejju 2018 (ĠU 2018, L 150, p. 141) (iktar ’il quddiem id-Direttiva 94/62”), moqri flimkien mal-Anness I ta’ din id-direttiva.

2

Din it-talba tressqet fil-kuntest ta’ tilwima bejn l-association interprofessionnel des fruits et légumes frais (Interfel) (l-Assoċjazjoni Interprofessjonali tal-Frott u tal-Ħaxix frisk), minn naħa, u l-Premier ministre (il-Prim Ministru, Franza), il-ministre de la Transition écologique, de l’Énergie, du Climat et de la Prévention des risques (il-Ministru għat-Tranżizzjoni Ekoloġika, għall-Enerġija, għall-Klima u għall-Prevenzjoni tar-Riskji, Franza), il-garde des sceaux, ministre de la Justice (il-Gwardasiġilli, il-Ministru għall-Ġustizzja, Franza), il-ministre de l’Économie, des Finances et de l’Industrie (il-Ministru għall-Ekonomija, għall-Finanzi u għall-Industrija, Franza) kif ukoll il-ministre de l’Agriculture, de la Souveraineté alimentaire et de la Forêt (il-Ministru għall-Agrikoltura, għas-Sovranità Alimentari u għall-Foresti, Franza), min-naħa l-oħra, dwar il-legalità ta’ deċiżjoni impliċita li tiċħad talba għat-tħassir ta’ leġiżlazzjoni nazzjonali li tipprevedi l-impożizzjoni ta’ multa fil-każ ta’ twaħħil ta’ tikketti direttament fuq il-frott jew il-ħxejjex, bl-eċċezzjoni ta’ dawk li huma kompostabbli fid-djar u magħmulin, kompletament jew parzjalment, minn materjali b’oriġini bijoloġika.

Il-kuntest ġuridiku

Id-dritt tal-Unjoni

3

Il-punt 1 tal-Artikolu 3 tad-Direttiva 94/62, intitolat “Definizzjonijiet”, jipprevedi:

4

L-Anness I ta’ din id-direttiva, intitolat “Eżempji illustrattivi għall-kriterji msemmija fl-Artikolu 3(1)”, jipprovdi:

Id-dritt Franċiż

5

L-Artikolu 80 tal-loi n° 2020-105, du 10 février 2020, relative à la lutte contre le gaspillage et à l’économie circulaire (il-Liġi Nru 2020-105 tal‑10 ta’ Frar 2020 dwar il-Ġlieda kontra l-Ħela u l-Ekonomija Ċirkolari (JORF tal‑11 ta’ Frar 2020, p. 6), jipprovdi:

6

Skont l-Artikolu R. 543–73 tal-code de l’environnement (il-Kodiċi tal-Ambjent), kif emendat bil-punt 2 tal-paragrafu III tal-Artikolu 1 tad-décret n° 2020 1724, du 28 décembre 2020, relatif à l’interdiction d’élimination des invendus non alimentaires et à diverses dispositions de lutte contre le gaspillage (id-Digriet Nru 2020–1724 tat‑28 ta’ Diċembru 2020 dwar il-Projbizzjoni ta’ Rimi ta’ Prodotti mhux tal-Ikel mhux Mibjugħa u dwar Diversi Dispożizzjonijiet ta’ Ġlieda kontra l-Ħela (JORF tat‑30 ta’ Diċembru 2020, p. 209):

Il-kawża prinċipali u d-domandi preliminari

7

Permezz ta’ ittra tal‑25 ta’ April 2022, Interfel ressqet quddiem il-Prim Ministru talba intiża għat-tħassir tad-dispożizzjonijiet tal-punt 2 tal-paragrafu III tal-Artikolu 1 tad-Digriet Digriet Nru 2020–1724 tat‑28 ta’ Diċembru 2020 dwar il-Projbizzjoni ta’ Rimi ta’ Prodotti mhux tal-Ikel mhux Mibjugħa u dwar Diversi Dispożizzjonijiet ta’ Ġlieda kontra l-Ħela. Is-silenzju tal-Prim Ministru dwar din it-talba ta lok għal deċiżjoni impliċita ta’ ċaħda. Fit‑23 ta’ Awwissu 2022, Interfel ressqet quddiem il-Conseil d’État (il-Kunsill tal-Istat, Franza), li hija l-qorti tar-rinviju, rikors intiż għall-annullament ta’ din id-deċiżjoni.

8

Il-qorti tar-rinviju tirrileva li dawn id-dispożizzjonijiet ġew adottati sabiex jiġi implimentat l-Artikolu 80 tal-Liġi Nru 2020-105 tal‑10 ta’ Frar 2020 dwar il-Ġlieda kontra l-Ħela u l-Ekonomija Ċirkolari, u li għandha l-għan li tipprojbixxi, fit-territorju Franċiż, it-twaħħil dirett fuq il-frott jew il-ħxejjex ta’ tikketti li ma humiex tikketti kompostabbli fid-djar u magħmulin, kompletament jew parzjalment, minn materjali b’oriġini bijoloġika. L-imsemmija dispożizzjonijiet jipprovdu li huwa punibbli b’multa l-fatt li ma jiġux osservati d-dispożizzjonijiet ta’ dan l-Artikolu 80. F’dan il-kuntest u fid-dawl tal-kliem tal-Artikolu 3 tad-Direttiva 94/62, din il-qorti tqis li jista’ jitqies li tikketti, imwaħħla direttament fuq il-frott u l-ħxejjex, ma jikkostitwixxux “imballaġġ”, fis-sens ta’ din id-direttiva, peress li ma jissodisfawx perfettament id-definizzjoni u lanqas it-tliet kriterji li jikkompletawha stabbiliti minn dan l-Artikolu 3. Madankollu, l-imsemmija qorti tirrileva li l-Anness I tal-imsemmija direttiva jikklassifika espliċitament bħala imballaġġ, bħala eżempju tal-kriterju stabbilit fil-punt (iii) tat-tielet paragrafu tal-punt 1 tal-Artikolu 3 tad-Direttiva 94/62, it-tikketti mwaħħla direttament jew imqabbda ma’ prodott.

9

Konsegwentement, il-qorti tar-rinviju tistaqsi dwar jekk mill-Anness I tad-Direttiva 94/62 jirriżultax li kull tikketta mwaħħla direttament jew imqabbda ma’ prodott tikkostitwixxix neċessarjament imballaġġ fis-sens ta’ din id-direttiva, jew jekk din il-klassifikazzjoni għandhiex tiġi evalwata fid-dawl tad-definizzjoni u tat-tliet kriterji stabbiliti mill-Artikolu 3 tagħha. F’din l-aħħar ipoteżi, tali tikketti jikkostitwixxu imballaġġ biss jekk ikunu intiżi sabiex iżommu fihom u jipproteġu merkanzija partikolari, sabiex jippermettu l-immaniġġar u t-trasport tagħha mill-produttur lill-konsumatur jew lill-utent, u sabiex jiżguraw il-preżentazzjoni tagħhom, sakemm ma jkunux jagħmlu parti integrali minn prodott u sakemm l-elementi kollha ma jkunux intiżi li jiġu kkonsumati jew mormija flimkien.

10

F’dawn iċ-ċirkustanzi, il-Conseil d’État (il-Kunsill tal-Istat, Franza) iddeċieda li jissospendi l-proċeduri u li jagħmel lill-Qorti tal-Ġustizzja d-domanda preliminari li ġejja:

Fuq id-domanda preliminari

11

Permezz tad-domanda tagħha, il-qorti tar-rinviju tistaqsi, essenzjalment, jekk il-punt (iii) tat-tielet paragrafu tal-punt 1 tal-Artikolu 3 tad-Direttiva 94/62 u l-Anness I ta’ din tal-aħħar għandhomx jiġu interpretati fis-sens li t-tikketti mwaħħla direttament fuq il-frott u l-ħxejjex jikkostitwixxu, fi kwalunkwe każ, “imballaġġ” fis-sens tal-imsemmija direttiva.

12

Għandu l-ewwel nett jiġi rrilevat li, skont l-Artikolu 1 tagħha, id-Direttiva 94/62 b’mod partikolari għandha bħala għan li tipprevjeni jew li tnaqqas l-effett tal-imballaġġ u tal-iskart mill-imballaġġ fl-ambjent tal-Istati Membri u ta’ pajjiżi terzi u għalhekk sabiex jiġi żgurat livell għoli ta’ protezzjoni tal-ambjent, billi imponiet b’mod partikolari fuq l-Istati Membri li jistabbilixxu sistema ta’ ġbir u ta’ rkupru tal-imballaġġ kif ukoll tal-iskart mill-imballaġġ. Għal dan il-għan, hekk kif jirriżulta mill-ħames premessa tagħha u skont l-Artikolu 2(1) tagħha, id-Direttiva 94/62 tkopri l-imballaġġ kollu mqiegħed fis-suq tal-Unjoni Ewropea u l-iskart mill-imballaġġ kollu (sentenza tal‑10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 23).

13

Isegwi li, hekk kif il-Qorti tal-Ġustizzja diġà ddeċidiet, il-kunċett ta’ “imballaġġ” għandu jiġi interpretat b’mod wiesa’ (sentenza tal‑10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 24 kif ukoll il-ġurisprudenza ċċitata).

14

Għandu jitfakkar ukoll li, sabiex jikkostitwixxi imballaġġ fis-sens tal-punt 1 tal-Artikolu 3 tad-Direttiva 94/62, artikolu għandu, minn naħa, jissodisfa ż-żewġ kundizzjonijiet imsemmija fl-ewwel u fit-tieni paragrafu tal-punt 1 tal-Artikolu 3 tad-Direttiva 94/62 u, min-naħa l-oħra, jikkorrispondi għall-kriterji elenkati fit-tielet paragrafu tal-punt 1 tal-Artikolu 3 tal-imsemmija direttiva (sentenza tal-10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 25).

15

Għalhekk, fl-ewwel lok, sabiex jikkostitwixxi “imballaġġ” fis-sens tad-Direttiva 94/62, prodott għandu, minn naħa, ikun intiż, skont l-ewwel paragrafu tal-Artikolu 3(1) ta’ din id-direttiva, sabiex iżomm fih u jipproteġi merkanzija speċifika, għall-immaniġjar u għat-trasport tagħha mill-produttur għall-konsumatur jew għall-utent, u sabiex tiġi żgurata l-preżentazzjoni tagħha. It-tieni sentenza ta’ din id-dispożizzjoni tindika, minbarra dan, li l-artikoli kollha “li ma humiex maħsubin sabiex jerġgħu jinġabru” użati għall-istess skopijiet għandhom jitqiesu bħala imballaġġ (sentenza tal‑10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 26).

16

Hekk kif il-Qorti tal-Ġustizzja diġà ddeċidiet, il-funzjonijiet possibbli tal-imballaġġ ma humiex elenkati fl-ewwel paragrafu tal-punt 1 tal-Artikolu 3 tad-Direttiva 94/62, b’mod kumulattiv (sentenza tal‑10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 27).

17

Tali prodott għandu, min-naħa l-oħra, jaqa’ taħt waħda mit-tliet kategoriji ta’ imballaġġ elenkati u ddefiniti fil-punti (a) sa (ċ) tat-tieni paragrafu tal-punt 1 tal-Artikolu 3 tad-Direttiva 94/62, jiġifieri l-imballaġġ għall-bejgħ, l-imballaġġ ta’ prodotti fi gruppi jew imballaġġ għat-trasport (sentenza tal‑10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 28)

18

Fit-tieni lok, skont il-punt (i) tat-tielet paragrafu tal-punt 1 tal-Artikolu 3 tad-Direttiva 94/62, artiklu li jikkorrispondi għad-definizzjoni pożittiva tal-kunċett ta’ “imballaġġ” imsemmi fl-ewwel u fit-tieni paragrafu tal-punt 1 tal-Artikolu 3 għandu jitqies bħala imballaġġ, sakemm ma jkunx jagħmel parti integrali minn prodott, sakemm ma jkunx neċessarju sabiex dak il-prodott jinżamm fih, jiġi sostnut jew ippreżervat fiċ-ċiklu ta’ ħajja kollu tiegħu u sakemm l-elementi kollha ma jkunux intiżi sabiex jintużaw, jiġu kkonsumati jew mormija flimkien (sentenza tal-10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 29).

19

Mill-kliem stess tal-punt (i) tat-tielet paragrafu tal-punt 1 tal-Artikolu 3 jirriżulta li t-tliet kriterji negattivi li huwa jelenka huma kumulattivi. Konsegwentement, huma biss l-artikli li, filwaqt li jikkorrispondu għad-definizzjoni pożittiva tal-imballaġġ, jissodisfaw dawn it-tliet kriterji simultanjament, li ma humiex meqjusa bħala imballaġġ, fis-sens tad-Direttiva 94/62 (sentenza tal‑10 ta’ Novembru 2016, Eco-Emballages et, C‑313/15 u C‑530/15, EU:C:2016:859, punt 30).

20

Fit-tielet lok, skont il-punt (iii) tat-tielet paragrafu tal-punt 1 tal-Artikolu 3 tad-Direttiva 94/62, il-komponenti tal-imballaġġ u l-elementi anċillari integrati fl-imballaġġ huma meqjusa bħala partijiet mill-imballaġġ li fih huma integrati. L-elementi anċillari mwaħħla direttament, jew imqabbda ma’ prodott u li jwettqu funzjoni ta’ imballaġġ għandhom jitqiesu bħala imballaġġ sakemm ma jkunux jagħmlu parti integrali minn prodott u sakemm l-elementi kollha ma jkunux intiżi sabiex jiġu kkonsumati u mormija flimkien.

21

F’dan ir-rigward, l-Anness I ta’ din id-direttiva li jsemmi “[e]żempji illustrattivi għall-kriterji msemmija fl-Artikolu 3(1)” tagħha, jindika espressament, taħt it-titolu “Eżempji illustrattivi għall-kriterju (iii)”, li t-tikketti mdendla direttament jew imwaħħla ma’ prodott jikkostitwixxu imballaġġ.

22

Fil-każ ineżami, il-qorti tar-rinviju tistaqsi dwar jekk minn dan l-Anness I jirriżultax li kull tikketta mwaħħla direttament jew imqabbda ma’ prodott tikkostitwixxix neċessarjament imballaġġ fis-sens tad-Direttiva 94/62, jew jekk din il-klassifikazzjoni għandhiex tiġi evalwata fid-dawl tad-definizzjoni u tat-tliet kriterji stabbiliti mill-Artikolu 3 tagħha. F’din l-aħħar ipoteżi, tali tikketti jikkostitwixxu imballaġġ biss jekk ikunu intiżi sabiex iżommu fihom u jipproteġu merkanzija speċifika, sabiex jippermettu l-immaniġġar u t-trasport tagħha mill-produttur lill-konsumatur jew lill-utent, u sabiex jiżguraw il-preżentazzjoni tagħha, sakemm ma jkunux jagħmlu parti integrali minn prodott u sakemm l-elementi kollha ma jkunux intiżi sabiex jiġu kkonsumati jew mormija flimkien.

23

Jekk mill-kliem tal-Anness I tad-Direttiva 94/62 jirriżulta li t-tikketti mwaħħla direttament jew imqabbda ma’ prodott jikkostitwixxu imballaġġ, għandu jiġi kkonstatat li l-eżempju pprovdut f’dan l-Anness I jikkonċerna l-kriterju stabbilit mill-punt (iii) tat-tielet paragrafu tal-punt 1 tal-Artikolu 3 ta’ din id-direttiva. Skont it-tieni sentenza ta’ din id-dispożizzjoni, l-elementi anċillari mwaħħla direttament ma’ prodott jew imqabbda ma’ prodott u li għandhom rwol ta’ imballaġġ jitqiesu bħala imballaġġ, sakemm ma jkunux jagħmlu parti integrali minn prodott u sakemm l-elementi kollha ma jkunux intiżi sabiex jiġu kkonsumati jew mormija flimkien.

24

Għaldaqstant, mill-punt (iii) tat-tielet paragrafu tal-punt 1 tal-Artikolu 3 tad-Direttiva 94/62, jirriżulta li t-tikketti msemmija, bħala eżempju, fl-Anness I ta’ din id-direttiva, jistgħu jiġu kklassifikati bħala “imballaġġ” jekk dawn jikkostitwixxu elementi anċillari li għandhom rwol ta’ imballaġġ, sakemm ma jkunux jagħmlu parti integrali mill-prodott ikkonċernat u sakemm l-elementi kollha ma jkunux intiżi li jiġu kkonsumati jew mormija flimkien. Din l-interpretazzjoni hija kkorroborata mill-kliem tat-tielet paragrafu tal-punt 1 tal-Artikolu 3 tal-imsemmija direttiva, li jipprovdi li sabiex jiġi kklassifikat bħala “imballaġġ”, oġġett għandu “barra minn hekk” jissodisfa l-kriterji esposti f’dan l-aħħar paragrafu.

25

Għaldaqstant, għandu jiġi kkonstatat li ma jistax jitqies li l-kriterji ta’ definizzjoni tal-kunċett ta’ “imballaġġ” stabbiliti fl-ewwel paragrafu tal-punt 1 tal-Artikolu 3 tad-Direttiva 94/62 ma għandhomx jiġu ssodisfatti minħabba s-sempliċi raġuni li tikketta tkun mwaħħla direttament jew imqabbda ma’ frott jew ħaxix.

26

Fir-rigward tal-funzjonijiet possibbli tal-imballaġġ imsemmija fl-ewwel paragrafu tal-punt 1 tal-Artikolu 3 tad-Direttiva 94/62, jekk dawn ma humiex elenkati b’mod kumulattiv, dawn huma elenkati, mill-banda l-oħra, b’mod eżawrjenti, b’tali mod li, sabiex tikkostitwixxi imballaġġ, tikketta direttament imwaħħla fuq frott jew ħaxix għandha tissodisfa mill-inqas waħda minn dawn it-tliet funzjonijiet.

27

Il-Gvern Franċiż sostna, f’dan ir-rigward, li t-tikketti mwaħħla direttament fuq frott u ħaxix jidhru li għandhom karatteristiċi differenti u jissodisfaw għanijiet differenti ħafna. Dawn huma ta’ spiss tikketti ta’ daqs żgħir, li jkopru biss parti marġinali tas-superfiċje tal-frott jew tal-ħaxix ikkonċernati. Madankollu, uħud minn dawn it-tikketti jistgħu iħaddnu jew jinkorporaw b’mod iktar sinjifikanttiv lill-frott jew il-ħaxix ikkonċernat. Barra minn hekk, filwaqt li ċerti tikketti jidhru li juru l-logo jew l-isem ta’ trade mark kummerċjali, oħrajn jistgħu jinkludu ċerta informazzjoni dwar il-karatteristiċi tal-frott u tal-ħxejjex ikkonċernati jew inkella barcode jew kodiċi ta’ identifikazzjoni numeriku.

28

Għaldaqstant, bla ħsara għall-verifiki li għandha twettaq il-qorti tar-rinviju, jidher, qabelxejn, li t-tikketti mwaħħla direttament fuq il-frott u l-ħxejjex huma, ta’ spiss, ta’ daqs iżgħar minn dawn tal-aħħar u, għaldaqstant, ma humiex intiżi, bħala prinċipju, sabiex iżommuhom fihom u jipproteġuhom.

29

Sussegwentement, għall-istess raġunijiet, dawn it-tikketti ma jidhrux intiżi, fi kwalunkwe każ, sabiex jippermettu l-immaniġġar u t-trasport tal-frott u tal-ħaxix ikkonċernat lejn il-post tal-konsum.

30

Fl-aħħar nett, għalkemm ma huwiex eskluż li ċerti tikketti mwaħħla direttament fuq il-frott u l-ħxejjex jippermettu li tiġi żgurata l-preżentazzjoni tagħhom, mill-proċess għad-dispożizzjoni tal-Qorti tal-Ġustizzja lanqas ma jirriżulta li dawn huma intiżi, fi kwalunkwe każ, għal dan l-għan.

31

Għaldaqstant, għandu jitqies li r-riferiment, fl-Anness I tad-Direttiva 94/62, għat-“[t]ikketti mdendla direttament ma’ prodott jew imwaħħla miegħu”, bħala eżempju tal-kriterji msemmi fil-punt (iii) tat-tielet paragrafu tal-punt 1 tal-Artikolu 3 ta’ din id-direttiva, ma jistax jiġi interpretat bħala li jfisser li t-tikketti kollha mwaħħla direttament fuq il-frott u l-ħxejjex għandhom jiġu sistematikament meqjusa bħala imballaġġ fis-sens tal-imsemmija direttiva.

32

Barra minn hekk, għandu jiġi osservat f’dan ir-rigward li mill-proċess li għandha l-Qorti tal-Ġustizzja jirriżulta li, fil-konklużjonijiet tiegħu dwar il-kawża prinċipali, ir-relatur pubbliku qies li “tikketta mwaħħla direttament fuq frotta jew ħaxix ma twettaq l-ebda waħda mill-funzjonijiet” elenkati fl-ewwel paragrafu tal-punt 1 tal-Artikolu 3 tad-Direttiva 94/62.

33

Barra minn hekk, l-interpretazzjoni wiesgħa tal-kunċett ta’ “imballaġġ” ma timplikax li għandha tingħata interpretazzjoni tal-Anness I tad-Direttiva 94/62 li tmur kontra l-kliem tal-punt (iii) tat-tielet paragrafu tal-punt 1 tal-Artikolu 3 ta’ din id-direttiva.

34

Hija l-qorti tar-rinviju li għandha, fl-aħħar mill-aħħar, tevalwa, fid-dawl b’mod partikolari tal-kunsiderazzjonijiet li jinsabu fil-punti 23 sa 30 ta’ din is-sentenza u abbażi tal-elementi rilevanti kollha disponibbli, jekk it-tikketti mwaħħla direttament fuq il-frott jew il-ħaxix jissodisfawx mill-inqas waħda mit-tliet funzjonijiet ta’ imballaġġ iddefiniti fl-ewwel paragrafu tal-punt 1 tal-Artikolu 3 tad-Direttiva 94/62 u jaqgħux taħt waħda mit-tliet kategoriji ta’ imballaġġ elenkati u ddefiniti fil-punti (a) sa (ċ) tat-tieni paragrafu tal-punt 1 tal-Artikolu 3 ta’ din id-direttiva.

35

Fid-dawl ta’ dak kollu li ntqal, ir-risposta għad-domanda magħmula għandha tkun li l-punt (iii) tat-tielet paragrafu tal-punt 1 tal-Artikolu 3 tad-Direttiva 94/62 u l-Anness I ta’ din tal-aħħar għandhom jiġu interpretati fis-sens li t-tikketti mwaħħla direttament fuq il-frott u l-ħxejjex ma jikkostitwixxux, fi kwalunkwe każ, imballaġġ fis-sens tal-imsemmija direttiva. Tali tikketti jistgħu jitqiesu bħala imballaġġ biss sakemm jissodisfaw waħda mit-tliet funzjonijiet ta’ imballaġġ iddefiniti fl-ewwel paragrafu tal-punt 1 tal-Artikolu 3 tad-Direttiva 94/62 u jaqgħu taħt waħda mit-tliet kategoriji ta’ imballaġġ elenkati u ddefiniti fil-punti (a) sa (ċ) tat-tieni paragrafu tal-punt 1 tal-Artikolu 3 ta’ din id-direttiva.

Fuq l-ispejjeż

36

Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.