|
7.10.2022 |
MT |
Il-Ġurnal Uffiċjali tal-Unjoni Ewropea |
C 386/8 |
Avviż minn qabel ta’ konċentrazzjoni
(Il-Każ M.10646 – Microsoft / Activision Blizzard)
(Test b'rilevanza għaż-ŻEE)
(2022/C 386/06)
1.
Fit-30 ta’ Settembru 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Microsoft Corporation (“Microsoft”, l-Istati Uniti tal-Amerka), |
|
— |
Activision Blizzard, Inc. (“Activision Blizzard”, l-Istati Uniti tal-Amerka). |
Microsoft takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Activision Blizzard kollha kemm hi.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma li ġejjin:|
— |
Microsoft: kumpanija globali tat-teknoloġija li toffri firxa wiesgħa ta’ prodotti u servizzi lill-klijenti permezz tas-segmenti operattivi li ġejjin: Il-Produttività u l-Proċessi tan-Negozju; Cloud Intelliġenti; u Computing Aktar Personali. Permezz tal-Gaming Business tagħha, Microsoft hija attiva bħala żviluppatur u pubblikatur ta’ logħob għal kompjuters personali (personal computers, “PCs”), consoles tal-logħob u apparat mobbli u hija attiva bħala distributur ta’ logħob għal kompjuters personali u consoles. Barra minn hekk, Microsoft toffri l-Xbox gaming console u servizzi relatati; |
|
— |
Activision Blizzard: żviluppatur u pubblikatur tal-logħob għall-PCs, consoles tal-logħob u apparat mobbli u distributur tal-logħob għall-PCs. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.10646 – Microsoft / Activision Blizzard
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).