7.10.2022   

GA

Iris Oifigiúil an Aontais Eorpaigh

C 386/8


Réamhfhógra faoi chomhchruinniú

(Cás M.10646 – Microsoft / Activision Blizzard)

(Téacs atá ábhartha maidir le LEE)

(2022/C 386/06)

1.   

An 30 Meán Fómhair 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

Microsoft Corporation (“Microsoft”, SAM),

—

Activision Blizzard, Inc. (“Activision Blizzard”, SAM).

Gheobhaidh Microsoft rialú aonair, de réir bhrí Airteagal 3(1)(b) den Rialachán um Chumaisc, ar Activision Blizzard ina iomláine.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—

i gcás Microsoft: cuideachta domhanda teicneolaíochta a sholáthraíonn réimse leathan táirgí agus seirbhísí do chustaiméirí trí na deighleoga oibriúcháin seo a leanas: Táirgiúlacht agus Próisis Ghnó; An Néal Cliste; agus Ríomhaireacht Níos Pearsanta. Trína Ghnó Cluichíochta, tá Microsoft gníomhach mar fhorbróir agus foilsitheoir cluichí le haghaidh ríomhairí pearsanta (“PCanna”), consóil cluichí agus gairis mhóibíleacha agus tá sé gníomhach mar dháileoir cluichí le haghaidh PCanna agus consól. Thairis sin, cuireann Microsoft consól cluichí Xbox agus seirbhísí gaolmhara ar fáil;

—

i gcás Activision Blizzard: forbróir agus foilsitheoir cluichí le haghaidh PCanna, consóil cluichí agus gairis mhóibíleacha agus dáileoir cluichí le haghaidh PCanna.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Forchoimeádtar an cinneadh críochnaitheach maidir leis sin, áfach.

4.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10646 – Microsoft / Activision Blizzard

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála thíos:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  IO L 24, 29.1.2004, lch. 1 (an “Rialachán um Chumaisc”).