REGOLAMENT (KEE) Nru 1691/73 tal-Kunsill

tal-25 ta' Ġunju 1973

li jtemm Ftehim bejn il-Komunità Ekonomika Ewropea u r-Renju tan-Norveġja u jadotta dispożizzjonijiet għal implementazjoni tiegħu

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jwaqqaf il-Komunità Ekonomika Ewropea, u partikolarment Artikolu 113 tiegħu;

Wara li kkunsidra l-proposta mill-Kummissjoni;

Billi l-Ftehim bejn il-Komunità Ekonomika Ewropea u r-Renju tan-Norveġja ffirmat fi Brussel nhar l-14 ta' Mejju 1973 għandu jkun konkluż u li d-Dikjarazjoni annessa mal-Att Finali, l-istess iffirmata fi Brussel nhar l-14 ta' Mejju 1973, ukoll għandha tkun addottata;

Billi, ladarba l-Ftehim iwaqqaf Kumitat Konġunt, repreżentanti tal-Komunità għandhom jinħatru;

ADOTTA DAN IR-REGOLAMENT:

Artikolu 1

Il-Ftehim bejn il-Komunità Ekonomika Ewropea u r-Renju tan-Norveġja, l-Annessi u l-Protokolli tiegħu, u d-Dikjarazzjonijiet annessi mal-Att Finali huma b'hekk konklużi u kkonfermati f'isem il-Komunità. It-testi tal-Ftehim u l-Att Finali huma annessi ma dan ir-Regolament.

Artikolu 2

Bis-saħħa ta' Artikolu 36 tal-Ftehim, il-President tal-Kunsill tal-Komunitajiet Ewropej għandu jagħti notifika li l-proċeduri meħtieġa għad-dħul fis-seħħ tal-Ftehim kienu ntemmu minn-naħa tal-Komunita.

Artikolu 3

Fil-Kumitat Konġunt kif hemm provdut f'Artikolu 29 tal-Ftehim, il-Komunità għandha tkun rapreżentata mill-Kummissjoni, mgħejuna mir-repreżentanti ta' l-Istati Membri..

Artikolu 4

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, fil-25 ta' Ġunju 1973.

Għall-Kunsill

Il-President

R. VAN ELSLANDE

Revised by Franco Bondin

Proofread by Stephen Zammit