|
24.8.2021 |
MT |
Il-Ġurnal Uffiċjali tal-Unjoni Ewropea |
L 299/1 |
REGOLAMENT DELEGAT TAL-KUMMISSJONI (UE) 2021/1398
tal-4 ta’ Ġunju 2021
li jemenda r-Regolament Delegat (UE) 2017/654 li jissupplimenta r-Regolament (UE) 2016/1628 tal-Parlament Ewropew u tal-Kunsill fir-rigward tal-aċċettazzjoni tal-approvazzjonijiet mogħtija f’konformità mar-Regolamenti Nri 49 u 96 tal-Kummissjoni Ekonomika għall-Ewropa tan-Nazzjonijiet Uniti (NU/KEE)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1628 tal-Parlament Ewropew u tal-Kunsill tal-14 ta’ Settembru 2016 dwar ir-rekwiżiti relatati mal-limiti tal-emissjonijiet ta’ gassijiet u partikolati inkwinanti u l-approvazzjoni tat-tip għall-magni b’kombustjoni interna għall-makkinarju mobbli mhux tat-triq, li jemenda r-Regolamenti (UE) Nru 1024/2012 u (UE) Nru 167/2013, u li jemenda u jħassar id-Direttiva 97/68/KE (1), u b’mod partikolari l-Artikolu 24(11), il-punti (b) u (c) tal-Artikolu 25(4), il-punt (c) tal-Artikolu 34(9), u l-punt (a) tal-Artikolu 42(4) tiegħu,
Billi:
|
(1) |
Is-servizzi tekniċi ġew fdati b’funzjonijiet ta’ teħid ta’ deċiżjonijiet fil-każ ta’ nuqqas ta’ aċċettazzjoni tar-rappreżentattività tal-magna referenzjarja proposta ta’ familja ta’ magni li jaħdmu bil-gass naturali/bijometan (NG) jew bil-gass likwifikat miż-żejt (LPG), inkluż magni li jużaw żewġ tipi ta’ fjuwil. Madankollu, meta jitqies l-impatt kumplessiv ta’ dawk id-deċiżjonijiet fuq il-proċess tal-approvazzjoni tat-tip, jenħtieġ li r-responsabbiltà għall-ħruġ ta’ dawk id-deċiżjonijiet tkun tal-awtoritajiet tal-approvazzjoni tat-tip. |
|
(2) |
Il-punt 11.4.2.1.4 tal-Appendiċi 1 tal-Anness IV tar-Regolament Delegat tal-Kummissjoni (UE) 2017/654 (2) jirrikjedi li l-counter, ladarba jkun wieqaf, ikun jista’ jiġi ssettjat mill-ġdid għal żero biss meta ma tkun ġiet identifikata l-ebda malfunzjoni fil-kontroll tal-NOx matul l-aħħar 40 siegħa ta’ tħaddim tal-magna. Il-verżjoni rilevanti tar-Regolament tan-NU/KEE Nru 49 teħtieġ, madankollu, li ma tiġi identifikata l-ebda malfunzjoni fil-kontroll tal-NOx matul l-aħħar 36 siegħa, minflok matul l-aħħar 40 siegħa, ta’ tħaddim tal-magna. Dan in-nuqqas ta’ allinjament jipprevjeni l-aċċettazzjoni tal-ekwivalenza tal-approvazzjonijiet tat-tip mogħtija skont il-verżjoni rilevanti tar-Regolament tan-NU/KEE Nru 49. Għalhekk, rekwiżit inqas strett ta’ minimu ta’ 36 siegħa jenħtieġ li jitqies suffiċjenti għall-finijiet tal-għoti ta’ approvazzjoni tat-tip tal-UE skont ir-Regolament (UE) 2016/1628. |
|
(3) |
Skont il-ħames paragrafu tal-punt 1 tal-Anness V tar-Regolament Delegat (UE) 2017/654, is-servizzi tekniċi jistgħu jeskludu l-punti operattivi minn kwalunkwe żona ta’ kontroll tal-magna għat-twettiq taċ-ċiklu tat-test f’qagħda statika mhux tat-triq. Madankollu, meta jitqies l-impatt ġenerali ta’ tali deċiżjonijiet fuq il-proċess tal-approvazzjoni tat-tip, huwa xieraq li jkun meħtieġ li l-awtoritajiet tal-approvazzjoni jaqblu ma’ tali esklużjonijiet. |
|
(4) |
Il-limiti tal-emissjonijiet, ir-rekwiżiti ġenerali u tekniċi u l-metodi tal-ittestjar stabbiliti fis-serje ta’ emendi 06 għar-Regolament tan-NU/KEE Nru 49 u fis-serje ta’ emendi 05 għar-Regolament tan-NU/KEE Nru 96 huma konsistenti ma’ dawk tar-Regolament (UE) 2016/1628, bl-eċċezzjoni tal-Artikolu 19 ta’ dak ir-Regolament. Għalhekk, l-approvazzjonijiet tat-tip mogħtija f’konformità mas-serje ta’ emendi 06 għar-Regolament tan-NU/KEE Nru 49 u s-serje ta’ emendi 05 għar-Regolament tan-NU/KEE Nru 96 jenħtieġ li jiġu rikonoxxuti bħala ekwivalenti għall-approvazzjonijiet tat-tip tal-UE mogħtija u għall-marka statutorja meħtieġa f’konformità mar-Regolament (UE) 2016/1628, sa fejn awtorità tal-approvazzjoni tiżgura li l-manifattur jikkonforma mar-rekwiżiti stabbiliti fl-Artikolu 19 tar-Regolament (UE) 2016/1628. |
|
(5) |
Sabiex tiġi żgurata l-konformità mal-Artikolu 19 tar-Regolament (UE) 2016/1628, jenħtieġ li l-manifattur tal-magni approvati f’konformità mas-serje ta’ emendi 06 għar-Regolament tan-NU/KEE Nru 49 jew mas-serje ta’ emendi 05 għar-Regolament tan-NU/KEE Nru 96 jitlob lil awtorità tal-approvazzjoni waħda jew aktar tissorvelja l-konformità tagħha mal-obbligi stabbiliti fl-Artikolu 19 tar-Regolament (UE) 2016/1628. |
|
(6) |
Il-limiti tal-emissjonijiet, ir-rekwiżiti ġenerali u tekniċi u l-metodi tal-ittestjar stabbiliti fis-serje ta’ emendi 00, 01, 02, 03 u 04 (3) għar-Regolament tan-NU/KEE Nru 96 huma konsistenti ma’ dawk għall-Istadji I, II, IIIA, IIIB u IV tal-limiti tal-emissjonijiet ta’ inkwinanti stabbiliti fid-Direttiva 97/68/KE tal-Parlament Ewropew u tal-Kunsill (4), u għall-magni bi skop speċjali (SPE) li jaqgħu fil-kamp ta’ applikazzjoni tal-paragrafi 5 u 6 tal-Artikolu 34 tar-Regolament (UE) 2016/1628. Għalhekk, l-approvazzjonijiet tat-tip mogħtija f’konformità mas-serje ta’ emendi 00, 01, 02, 03 u 04 għar-Regolament tan-NU/KEE Nru 96 jenħtieġ li jiġu rikonoxxuti bħala ekwivalenti għall-approvazzjonijiet tat-tip tal-KE mogħtija u għall-marka statutorja meħtieġa għall-Istadji I, II, IIIA, IIIB u IV f’konformità mad-Direttiva 97/68/KE u għall-approvazzjonijiet tat-tip tal-UE (SPE) għal magni bi skop speċjali mogħtija f’konformità mar-Regolament (UE) 2016/1628. |
|
(7) |
Sabiex tkun tista’ ssir identifikazzjoni ċara tal-magna u biex tiġi żgurata l-konformità mad-dispożizzjonijiet amministrattivi applikabbli, il-magni li jitqiegħdu fis-suq f’konformità mal-approvazzjonijiet tat-tip mogħtija f’konformità mas-serje ta’ emendi 00, 01, 02, 03 u 04 għar-Regolament tan-NU/KEE Nru 96 jenħtieġ li jkunu akkumpanjati mid-dikjarazzjoni tal-konformità u mill-marka supplimentari applikabbli, f’konformità mal-Artikoli 31 u 32 (2) tar-Regolament (UE) 2016/1628. |
|
(8) |
Minn perspettiva teknika, ir-rekwiżiti stabbiliti f’dan ir-Regolament huma irrilevanti fir-rigward tar-rendiment tal-emissjonijiet tal-magni. Għalhekk huwa xieraq li l-approvazzjonijiet tat-tip tal-UE ta’ tip ta’ magna jew familja ta’ magni approvati f’konformità mar-Regolament Delegat (UE) 2017/654, fil-verżjoni tiegħu applikabbli fit-23 ta’ Awwissu 2021, jibqgħu validi. |
|
(9) |
Għaldaqstant ir-Regolament Delegat (UE) 2017/654 jenħtieġ li jiġi emendat skont dan, |
ADOTTAT DAN IR-REGOLAMENT:
Artikolu 1
Emendi għar-Regolament Delegat (UE) 2017/654
Ir-Regolament Delegat (UE) 2017/654 huwa emendat kif ġej:
|
(1) |
fl-Artikolu 20a jiżdied il-paragrafu 3 li ġej: “3. L-approvazzjonijiet tat-tip tal-UE ta’ tip ta’ magna jew familja ta’ magni approvati f’konformità mar-Regolament Delegat (UE) 2017/654 qabel l-24 ta’ Awwissu 2021, għandhom jibqgħu validi.”; |
|
(2) |
l-Annessi I, IV, V u XIII tar-Regolament Delegat (UE) 2017/654 huma emendati f’konformità mal-Anness ta’ dan ir-Regolament. |
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Ġunju 2021.
Għall-Kummissjoni
Il-President
Ursula VON DER LEYEN
(1) ĠU L 252, 16.9.2016, p. 53.
(2) Ir-Regolament Delegat tal-Kummissjoni (UE) 2017/654 tad-19 ta’ Diċembru 2016 li jissupplimenta r-Regolament (UE) 2016/1628 tal-Parlament Ewropew u tal-Kunsill fir-rigward tar-rekwiżiti tekniċi u ġenerali relatati mal-limiti tal-emissjonijiet u l-approvazzjoni tat-tip għall-magni b'kombustjoni interna ta' makkinarju mobbli mhux tat-triq (ĠU L 102, 13.4.2017, p. 1).
(3) Ir-Regolament Nru 96 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta’ magni li jaqbdu bil-kompressjoni (C.I.) li għandhom jiġu installati fi tratturi agrikoli u forestali u f’makkinarju mobbli mhux tat-triq fir-rigward tal-emissjonijiet tas-sustanzi li jniġġsu li tarmi l-magna (ĠU L 88, 22.3.2014, p. 1).
(4) Id-Direttiva 97/68/KE tal-Parlament Ewropew u tal-Kunsill tas-16 ta’ Diċembru 1997 dwar l-approssimazzjoni tal-liġijiet tal-Istati Membri fir-rigward tal-miżuri kontra l-emissjoni ta’ inkwinanti ta’ gass u partikolati minn magni tal-kombustjoni interna li għandhom jiġu installati f’makkinarju mobbli mhux tat-triq (ĠU L 59, 27.2.1998, p. 1).
ANNESS
L-Annessi I, IV, V u XIII huma emendati kif ġej:
|
(1) |
fl-Anness I, il-punt 2.6.2 huwa sostitwit b’dan li ġej:
|
|
(2) |
fl-Anness IV, l-Appendiċi 1 huwa emendat kif ġej:
|
|
(3) |
fl-Anness V, il-punt 1., il-ħames paragrafu huwa sostitwit b’dan li ġej: “Il-manifattur jista’ jitlob li s-servizz tekniku jeskludi punti ta’ tħaddim minn kwalunkwe waħda miż-żoni ta’ kontroll stabbiliti fit-taqsima 2 waqt id-dimostrazzjoni stabbilita fit-taqsima 3. Is-servizz tekniku għandu jagħti din l-esklużjoni, bi qbil mal-awtorità tal-approvazzjoni, jekk il-manifattur juri li l-magna qatt ma tkun kapaċi taħdem f’tali punti meta tintuża fi kwalunkwe kombinament ta’ makkinarju mobbli mhux tat-triq.” |
|
(4) |
L-Anness XIII huwa emendat kif ġej:
|
(*) Ir-Regolament Nru 49 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispoizzjonijiet uniformi dwar il-miżuri li għandhom jittieħdu kontra l-emissjoni ta’ inkwinanti gassużi u partikoli minn magni li jaqbdu bil-kompressjoni u minn magni li jaqbdu bl-ispark plaggs għall-użu fil-vetturi (ĠU L 171, 24.6.2013 p. 1.).”;
(**) Ir-Regolament Nru 96 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta’ magni li għandhom jiġu installati fi tratturi agrikoli u forestali u f’makkinarju mobbli mhux tat-triq fir-rigward tal-emissjonijiet tas-sustanzi li jniġġsu li tarmi l-magna (ĠU L 107, 17.4.2019, p. 1).”;
(***) Is-serje ta’ emendi 02 mhijiex ippubblikata fil-ĠU.
(****) Is-serje ta’ emendi 03 mhijiex ippubblikata fil-ĠU.
(*****) Ir-Regolament Nru 96 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta’ magni li jaqbdu bil-kompressjoni (C.I.) li għandhom jiġu installati fi tratturi agrikoli u forestali u f’makkinarju mobbli mhux tat-triq fir-rigward tal-emissjonijiet tas-sustanzi li jniġġsu li tarmi l-magna (ĠU L 88, 22.3.2014, p. 1).
(******) Is-serje ta’ emendi 01 mhijiex ippubblikata fil-ĠU.
(*******) Is-serje ta’ emendi 00 mhijiex ippubblikata fil-ĠU.”.”