Tuairisc ar na hearraí

Aicmiú (Cód AC)

Cúiseanna

(1)

(2)

(3)

Mionbhrístín teann an-leaisteach le haghaidh fear agus ban, atá déanta as fabraic theicstíle thanaí atá cniotáilte go ciorclach, as snáithíní de dhéantús an duine (96 % de phoileistear agus 4 % de leaisteán). Tá an chuid is mó den mhionbhrístín cniotáilte mar fheadán gan uaim. Tá uaim ag bun an táirge lena ndúntar an oscailt feadh cos amháin tríd an ngabhal go dtí bun na coise eile.

Níl guiséad sa mhionbhrístín laistigh de ghabhal an táirge.

Tá banda coime easnach atá leathan, teann agus an-leaisteach ag an mionbhrístín. Tá fáithim ar bhunanna chosa gearra an mhionbhrístín. An chuid de ar a bhfuil fáithim, tá sí an-leaisteach agus tá na cosa teann.

Tá an mionbhrístín oiriúnach lena ní.

Tráth an allmhairithe, dearbhaítear go bhfuil an mionbhrístín ina chuid de ‘chóras bainistithe neamhchoinneálachta’ (mionbhrístín agus pillíní neamhchoinneálachta). Mar gheall ar leaisteachas an mhionbhrístín, tá sé oiriúnach chun earraí éagsúla a fheistiú le craiceann an té atá á chaitheamh, mar shampla pillíní éagsúla (de mhéideanna agus cruthanna éagsúla) nó cóirithe créachtaí. Ní léir ó dhearadh an mhionbhrístín an bhfuil sé déanta chun pillíní nó cóirithe créachtaí a choinneáil.

Ní dhéantar líneálacha naipcín ná pillíní súiteacha ná aon chineál cóirithe créachtaí a allmhairiú mar aon leis na mionbhrístíní feistithe.

(Féach na híomhánna) (*1)

6108 22 00

Is le rialacha ginearálta 1 agus 6 maidir le léirmhíniú na hAinmníochta Comhcheangailte, le Nótaí 1 agus 9 a ghabhann le Caibidil 61 agus le foclaíocht chóid AC 6108 agus 6108 22 00 a chinntear an t-aicmiú.

Eisiatar an t-earra a aicmiú faoi cheannteideal 9619 .

Mar sin, ní earra é an mionbhrístín atá cosúil le haon cheann de na hearraí a chumhdaítear le ceannteideal 9619 , toisc nach bhfuil ann ach mionbhrístín teann an-leaisteach le haghaidh fear agus ban, atá déanta as fabraicí teicstíle tanaí. Murab ionann agus gach earra eile a áirítear faoin gceannteideal sin, níl aon ghné shúiteach speisialta ag an mionbhrístín féin chun é a cháiliú mar naipcín (clúidín), mar shampla. Le hábhar an mhionbhrístín, ní chuirtear cosc le sceitheadh sreabhán coirp agus ní dhéantar leacht a ionsú ón gcorp (féach freisin Nótaí Míniúcháin an Chórais Chomhchuibhithe a ghabhann le ceannteideal 9619 , an chéad mhír, agus Nóta Breise 1 a ghabhann le Caibidil 96 den Ainmníocht Chomhcheangailte, áit ina gcuirtear béim ar shaintréithe súiteacha na n-earraí sin).

Thairis sin, eisiatar an t-earra a aicmiú faoi chód AC 9619 00 89 mar earraí le haghaidh chúram na neamhchoinneálachta. Ní féidir an t-earra a mheas mar earra neamhiomlán nó neamhchríochnaithe, neamhchóimeáilte (chuirfí an chuid shúiteach atá in easnamh leis i ndiaidh an allmhairithe) de réir bhrí RLG 2(a). Níl saintréith d’earra le haghaidh chúram na neamhchoinneálachta ag an mionbhrístín, ós rud é nach féidir a chinntiú ó dhearadh an mhionbhrístín cé acu atá nó nach bhfuil sé ceaptha a bheith mar chóiriú créachta nó le haghaidh neamhchoinneálachta, nó chun aon chríche eile lena n-éilítear táirgí a fheistiú le craiceann an té atá á chaitheamh.

Dá bhrí sin, an mionbhrístín teicstíle leaistí gan aon ghné súite sreabhán, ní hearra de cheannteideal 9619 é.

Tá an mionbhrístín cosúil, áfach, leis an mbrístín criotáilte le haghaidh fear nó ban a aicmítear faoi cheannteideal 6108 i bpointe 3 den Iarscríbhinn a ghabhann le Rialachán (CEE) Uimh. 350/93 ón gCoimisiún (1), ar táirge é ar féidir pillín, mar shampla, a chur isteach ann agus a bheadh, sa chás sin, oiriúnach don neamhchoinneálacht, mar gheall ar a dhéanamh agus a leaisteachas suntasach.

Ní eisiatar an mionbhrístín ó aicmiú faoi cheannteideal 6108 cé nach bhfuil guiséad ann.

Dá bhrí sin, tá an t-earra le haghaidh fear agus ban le haicmiú faoi chód AC 6108 22 00 mar mhionbhrístíní do mhná nó do chailíní.