1.   Is é is cuspóir don Chomhaontú seo é a chur ar chumas aeriompróirí sonraí as an Taifead Ainmneacha Paisinéirí (PNR) a aistriú ón Aontas chuig an Eilvéis agus rialacha agus coinníollacha a leagan síos faoina bhféadfaidh an Eilvéis na sonraí PNR sin a phróiseáil.

2.   Is é is cuspóir don Chomhaontú seo freisin feabhas a chur ar an gcomhar póilíneachta agus breithiúnach in ábhair choiriúla idir an tAontas agus an Eilvéis i ndáil le sonraí PNR.

3.   Cumhdaítear le raon feidhme an Chomhaontaithe seo aeriompróirí a oibríonn eitiltí paisinéirí idir an tAontas agus an Eilvéis, chomh maith le haeriompróirí atá ionchorpraithe san Aontas nó a dhéanann sonraí a stóráil san Aontas agus eitiltí a oibriú chuig an Eilvéis nó uaithi.

1.   Áiritheoidh an Eilvéis go n-aistreoidh aeriompróirí sonraí PNR chuig AFP na hEilvéise go heisiach trí na sonraí PNR is gá a tharchur chuig bunachar sonraí an údaráis iarrthaigh (‘modh brú’), agus i gcomhréir leis na nósanna imeachta seo a leanas atá le comhlíonadh ag aeriompróirí:

2.   Ní cheanglóidh an Eilvéis ar aeriompróirí eilimintí de shonraí PNR a sholáthar nach bhfuil á gcoinneáil cheana féin ag aeriompróirí, nó nach bhfuil bailithe cheana féin ag aeriompróirí chun a gcríoch áirithinte nó i ngnáthchúrsa a ngnó.

3.   Áiritheoidh an Eilvéis go scriosfaidh AFP na hEilvéise aon eilimint sonraí a aistríonn aeriompróir chuige de bhun an Chomhaontaithe seo ar shonraí PNR a fháil, mura liostaítear an eilimint sonraí sin san Iarscríbhinn.

4.   Áiritheoidh an Eilvéis go gcuirfidh AFP na hEilvéise de cheangal ar aeriompróirí sonraí PNR a aistriú:

5.   Ceadóidh an Eilvéis d’aeriompróirí an t-aistriú dá dtagraítear i mír 4, pointe (b), a theorannú do nuashonruithe ar na sonraí PNR arna n-aistriú dá dtagraítear i mír 4, pointe (a).

6.   Áiritheoidh an Eilvéis go gcuirfidh Údarás Inniúil na hEilvéise aeriompróirí ar an eolas faoi na hamanna sonraithe le haghaidh na n-aistrithe.

7.   I gcásanna sonracha ina léireofar go bhfuil gá le rochtain bhreise chun freagairt do bhagairt shonrach a bhaineann leis na cuspóirí a leagtar amach in Airteagal 5, féadfaidh AFP na hEilvéise a cheangal ar aeriompróir sonraí PNR a chur ar fáil roimh na haistrithe sceidealta, idir na haistrithe sceidealta nó ina ndiaidh. Agus an discréid sin á feidhmiú aige, gníomhóidh an Eilvéis go breithiúnach agus go comhréireach agus ceanglóidh sí go n-úsáidfear an modh aistrithe dá dtagraítear i mír 1 den Airteagal seo.

1.   Féadfaidh na Páirtithe a chinneadh go bhféadfaidh an Eilvéis a cheangal ar aeriompróirí sonraí PNR a aistriú chuig AFP na hEilvéise trí bhíthin ródaire API-PNR a bunaíodh i gcomhréir le Rialachán (AE) 2025/13 ó Pharlaimint na hEorpa agus ón gComhairle (6). Sa chás sin, déanfaidh an Eilvéis na nithe seo a leanas:

2.   Tabharfaidh an Eilvéis fógra don Aontas faoina hiarraidh ródaire API PNR a úsáid . Glacfaidh an tAontas leis an iarraidh sin i scríbhinn trí chainéil taidhleoireachta.

3.   Tabharfaidh an tAontas fógra i scríbhinn don Eilvéis trí chainéil taidhleoireachta faoi aon leasú ar Rialachán (AE) 2025/13 a dhéanann difear do na rialacha maidir le feidhmiú agus na coinníollacha maidir le húsáid ródaire API-PNR. Laistigh de 120 lá ón bhfógra sin a fháil, féadfaidh an Eilvéis fógra a thabhairt don Aontas i scríbhinn trí chainéil taidhleoireachta go bhfuil sé ar intinn aici scor d’úsáid an ródaire sin. Sa chás sin, rachaidh na Páirtithe i mbun comhairliúchán mar a fhoráiltear in Airteagal 23(1) agus leanfaidh Airteagal 3(1), Airteagal (4) agus Airteagal (6) d’fheidhm a bheith acu arís.

1.   Agus measúnú dá dtagraítear in Airteagal 6, pointe (a), á dhéanamh aige, féadfaidh AFP na hEilvéise an méid seo a leanas a dhéanamh:

2.   Áiritheoidh an Eilvéis go mbeidh na bunachair sonraí dá dtagraítear i mír 1, pointe (a), den Airteagal seo neamh-idirdhealaitheach, iontaofa, cothrom le dáta agus teoranta dóibh siúd a úsáideann údaráis inniúla na hEilvéise i ndáil leis na cuspóirí a leagtar amach in Airteagal 5 agus atá ábhartha chun na gcríoch sin.

3.   Áiritheoidh an Eilvéis go mbeidh aon mheasúnú ar shonraí PNR dá dtagraítear i mír 1, pointe (b), bunaithe ar shamhlacha agus ar chritéir réamhbhunaithe atá neamh-idirdhealaitheach, sonrach agus iontaofa chun a chur ar chumas ADP na hEilvéise teacht ar thorthaí atá dírithe ar dhaoine aonair a d’fhéadfadh a bheith faoi amhras réasúnta go bhfuil siad rannpháirteach i gcionta sceimhlitheoireachta nó i gcoireacht thromchúiseach nó go bhfuil siad rannpháirteach iontu. Áiritheoidh an Eilvéis nach mbeidh imthosca ar bith i gceist ina mbeidh na tacair sonraí a úsáidfear i leith na rialacha sin bunaithe ar chine nó bunús eitneach duine, ar thuairimí polaitíochta, reiligiún nó creideamh fealsúnach, ballraíocht ceardchumainn, sláinte, cleachtadh gnéis ná claonadh gnéasach.

4.   Áiritheoidh an Eilvéis go ndéanfaidh AFP na hEilvéise athbhreithniú aonair ar aon mheaitseáil dhearfach a eascraíonn as próiseáil fíor-ama ar shonraí PNR trí mhodhanna neamh-uathoibrithe.

1.   Toirmiscfear próiseáil a dhéanamh ar shonraí PNR lena léireofar tionscnamh ciníoch nó eitneach, tuairimí polaitiúla, creideamh reiligiúnach nó fealsúnach, nó ballraíocht i gceardchumann, agus toirmiscfear próiseáil sonraí géiniteacha, sonraí bithmhéadracha chun duine nádúrtha a shainaithint go huathúil, sonraí a bhaineann leis an t sláinte nó sonraí a bhaineann le saol gnéis nó le gnéaschlaonadh duine nádúrtha.

2.   A mhéid a áireofar catagóirí sonraí pearsanta dá dtagraítear i mír 1 sna sonraí PNR a fuair AFP na hEilvéise faoin gComhaontú seo, scriosfaidh AFP na hEilvéise na sonraí sin láithreach.

1.   Áiritheoidh an Eilvéis go ndéanfar sonraí PNR a fuarthas faoin gComhaontú seo a phróiseáil ar bhealach lena n-áiritheofar ardleibhéal slándála sonraí is iomchuí do na rioscaí a bhaineann leis an bpróiseáil agus le cineál na sonraí PNR a fhaightear faoin gComhaontú seo. Go háirithe, déanfaidh AFP na hEilvéise na nithe seo a leanas:

2.   Áiritheoidh an Eilvéis go mbeidh aon sárú ar shlándáil sonraí, go háirithe aon sárú a mbeidh scriosadh de thaisme nó go neamhdhleathach nó cailleadh, athrú, nochtadh nó rochtain neamhúdaraithe nó de thaisme, nó próiseáil neamhdhleathach d’aon chineál mar thoradh air, faoi réir bearta ceartaitheacha éifeachtacha athchomhairleacha.

3.   Tuairisceoidh an Eilvéis aon sárú ar shlándáil sonraí don údarás maoirseachta náisiúnta arna bhunú de bhun Airteagal 41 de Threoir (AE) 2016/680.

1.   Déanfaidh AFP na hEilvéise gach próiseáil ar shonraí PNR a logáil agus a dhoiciméadú. Ní úsáidfidh an Eilvéis an loga nó an doiciméadacht sin ach amháin chun an méid seo a leanas a dhéanamh:

2.   Cuirfear logaí nó doiciméadacht a choimeádfar faoi mhír 1 in iúl, arna iarraidh sin, don údarás maoirseachta náisiúnta, agus ní úsáidfidh an t-údarás maoirseachta náisiúnta an fhaisnéis sin ach chun maoirseacht a dhéanamh ar chosaint sonraí agus chun próiseáil cheart sonraí chomh maith le sláine agus slándáil sonraí a áirithiú.

1.   Maidir le sonraí PNR a fuarthas faoin gComhaontú seo, áiritheoidh an Eilvéis na nithe seo a leanas agus na sonraí sin á stóráil:

2.   De bhun mhír 1 den Airteagal seo, ní fhéadfaidh AFP na hEilvéise sonraí PNR na n-aerphaisinéirí uile a stóráil ach ar feadh tréimhse thosaigh dá bhforáiltear ina dhlí náisiúnta. Ní rachaidh fad na tréimhse tosaigh sin thar a bhfuil fíor-riachtanach chun go bhféadfaidh AFP na cuardaigh dá dtagraítear in Airteagal 6, pointe (b), a dhéanamh chun daoine a shainaithint nach raibh amhras ann cheana go raibh baint acu le cionta sceimhlitheoireachta nó le coireacht thromchúiseach ar bhonn an mheasúnaithe fíor-ama de bhun Airteagal 6, pointe (a).

3.   Tar éis na tréimhse tosaigh dá dtagraítear i mír 2, ní fhéadfaidh AFP na hEilvéise sonraí PNR a stóráil ach amhail i ndáil le paisinéirí a bhfuil fianaise oibiachtúil ann ina leith a d’fhéadfadh riosca a chruthú a bhaineann le cionta sceimhlitheoireachta nó coireacht thromchúiseach.

4.   Áiritheoidh an Eilvéis go ndéanfaidh AFP na hEilvéise athbhreithniú ar bhonn rialta ar an ngá atá le stóráil leanúnach sonraí PNR de bhun mhír 2 agus mhír 3.

5.   Ar dhul in éag na tréimhse stórála iomchuí, áiritheoidh an Eilvéis go ndéanfar sonraí PNR a scriosadh go neamh-inchúlghairthe nó go ndéanfar sonraí anaithnide díobh ar bhealach nach féidir na hábhair sonraí lena mbaineann a shainaithint a thuilleadh.

6.   De mhaolú ar mhír 1, pointe (b), féadfaidh an Eilvéis stóráil sonraí PNR a cheadú, ar sonraí iad a mbeidh gá leo chun athbhreithniú, imscrúdú, gníomhaíocht forfheidhmiúcháin, imeachtaí breithiúnacha, ionchúiseamh, nó forfheidhmiú pionós a dhéanamh, go dtí go dtabharfar an próiseas ábhartha i gcrích.

1.   Déanfaidh AFP na hEilvéise sonraí PNR a dhíphearsantú 6 mhí ar a dhéanaí tar éis iad a fháil. Déanfaidh sé amhlaidh trí na heilimintí sonraí seo a leanas a cheilt lena bhféadfaí an paisinéir lena mbaineann na sonraí PNR a shainaithint go díreach:

2.   Ní fhéadfaidh AFP na hEilvéise na heilimintí sonraí dá dtagraítear i mír 1 den Airteagal seo a nochtadh ach chun críocha Airteagal 5 agus faoi choinníollacha a leagtar amach in Airteagal 13 nó Airteagal 14.

1.   Agus freagra á thabhairt aige ar iarraidh chuí-réasúnaithe arna seoladh ag údarás inniúil i gcomhréir le hAirteagal 6, pointe (b), ní nochtfaidh AFP na hEilvéise, ar bhonn cás ar chás, sonraí PNR nó torthaí a bpróiseála, ach amháin i gcás:

2.   De mhaolú ar mhír 1, pointe (d),féadfaidh AFP na hEilvéise sonraí PNR a nochtadh i gcásanna práinne a mbeidh údar cuí leo gan athbhreithniú ná formheas a dhéanamh roimh ré. I gcásanna den sórt sin, ní mór an t-athbhreithniú dá dtagraítear i mír 1, pointe (d), a dhéanamh laistigh de thréimhse ghearr.

3.   Áiritheoidh an Eilvéis nach nochtfaidh an t-údarás inniúil is faighteoir sonraí PNR d’údarás eile ach má údaraíonn AFP na hEilvéise an nochtadh go sainráite.

1.   Agus freagra á thabhairt aige ar iarraidh chuí-réasúnaithe arna seoladh ag údarás inniúil tíre seachas Ballstáit i gcomhréir le hAirteagal 6, pointe (b), ní nochtfaidh AFP na hEilvéise, ar bhonn cás ar chás, sonraí PNR ná torthaí a bpróiseála, ach amháin i gcás:

2.   De mhaolú ar mhír 1, pointe (c), féadfaidh AFP na hEilvéise sonraí PNR a nochtadh le tír eile má mheasann sí go bhfuil an nochtadh riachtanach chun garbhagairt thromchúiseach ar an tslándáil phoiblí a chosc nó a imscrúdú agus má thugann an tír sin dearbhú i scríbhinn, de bhun socrú, comhaontú nó eile, go gcosnófar an fhaisnéis i gcomhréir leis na coimircí a leagtar amach sa Chomhaontú seo.

3.   De mhaolú ar mhír 1, pointe (d), féadfaidh AFP na hEilvéise sonraí PNR a nochtadh i gcásanna práinne a mbeidh údar cuí leo gan athbhreithniú agus formheas a dhéanamh roimh ré. I gcásanna den sórt sin, ní mór an t-athbhreithniú dá dtagraítear i mír 1, pointe (d), a dhéanamh laistigh de thréimhse ghearr.

1.   Roinnfidh AFP na hEilvéise le Europol nó le Eurojust, laistigh de raon feidhme a sainorduithe féin, nó le AFPanna na mBallstát, na torthaí a eascraíonn as próiseáil na sonraí sin, nó gach faisnéis anailíseach ábhartha agus iomchuí ina mbeidh sonraí PNR chomh luath agus is féidir i gcásanna sonracha nuair is gá chun cionta sceimhlitheoireachta nó coireacht thromchúiseach a chosc, a bhrath, a imscrúdú nó a ionchúiseamh. Roinnfidh AFP na hEilvéise an fhaisnéis sin ar a thionscnamh féin nó arna iarraidh sin do Europol nó Eurojust, laistigh de raon feidhme a sainorduithe faoi seach nó do AFPanna na mBallstát.

2.   Déanfaidh AFPanna na mBallstát gach faisnéis anailíseach ábhartha agus iomchuí ina mbeidh sonraí PNR, nó na torthaí a eascraíonn as próiseáil na sonraí sin, a roinnt le AFP na hEilvéise a luaithe is féidir i gcásanna sonracha nuair is gá chun cionta sceimhlitheoireachta nó coireacht thromchúiseach a chosc, a bhrath, a imscrúdú nó a ionchúiseamh. Roinnfidh AFPanna na mBallstát an fhaisnéis sin ar a dtionscnamh féin nó arna iarraidh sin do AFP na hEilvéise.

3.   Áiritheoidh na Páirtithe go roinnfear an fhaisnéis dá dtagraítear i mír 1 agus mír 2 i gcomhréir leis na rialacha is infheidhme maidir le comhar i bhforfheidhmiú an dlí nó comhroinnt faisnéise idir an Eilvéis agus Europol, Eurojust, nó an Ballstát lena mbaineann. Go háirithe, déanfar faisnéis a mhalartú le Europol faoin Airteagal seo tríd an gcainéil slán cumarsáide arna bhunú chun faisnéis a mhalartú.

1.   Áiritheoidh an Eilvéis, i ndáil le próiseáil sonraí pearsanta ag údaráis inniúla chun críocha an Chomhaontaithe seo, go gcuirfidh sí i bhfeidhm na cearta agus na hoibleagáidí céanna dá bhforáiltear i dTreoir (AE) 2016/680, lena n-áirítear aon leasú ar an Treoir sin ar ghlac an Eilvéis leo agus a chuir sí chun feidhme i gcomhréir leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt.

2.   Déanfaidh údarás maoirseachta neamhspleách maoirseacht ar phróiseáil sonraí pearsanta ag AFP na hEilvéise, arna bhunú i gcomhréir le chun cur chun feidhme agus cur i bhfeidhm Treoir (AE) 2016/680, lena n-áirítear aon leasú ar an Treoir sin ar ghlac an Eilvéis leo agus a chuir chun feidhme iad i gcomhréir leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt.

3.   Tá an tAirteagal seo gan dochar do chur i bhfeidhm aon fhorálacha níos sonracha sa Chomhaontú seo a bhaineann le sonraí PNR a phróiseáil.

1.   Áiritheoidh an Eilvéis go gcuirfidh AFP na hEilvéise an fhaisnéis seo a leanas ar fáil ar a shuíomh gréasáin:

2.   Oibreoidh an Eilvéis le tríú páirtithe leasmhara, amhail an tionscal eitlíochta agus aerthaistil, chun trédhearcacht a chur chun cinn, tráth na háirithinte, maidir leis na cúiseanna atá le sonraí PNR agus bhailiú agus a phróiseáil, agus maidir leis an gcaoi le rochtain, ceartú agus sásamh a iarraidh.

3.   Más rud é gur nochtadh sonraí PNR arna gcoinneáil i gcomhréir le hAirteagal 11 den Chomhaontú seo i gcomhréir le hAirteagal 13 nó 14 den Chomhaontú seo, cuirfidh an Eilvéis na paisinéirí lena mbaineann ar an eolas, agus iarrachtaí réasúnta á gcur san áireamh, trí bhíthin na módúlachtaí a leagtar amach de bhun Airteagal 13(2), pointe (d), de Threoir (AE) 2016/680 agus laistigh de thréimhse réasúnta ama nuair nach dócha a thuilleadh go gcuirfidh an fógra sin imscrúduithe na n-údarás poiblí lena mbaineann i mbaol a mhéid atá faisnéis teagmhála ábhartha na bpaisinéirí ar fáil nó gur féidir iad a aisghabháil.

1.   Tabharfaidh an Eilvéis fógra don Aontas trí chainéil taidhleoireachta maidir le sonraí na n-údarás seo a leanas:

2.   Tabharfaidh an Eilvéis fógra gan mhoill faoi aon athrú ar fhaisnéis na n-údarás dá dtagraítear i mír 1.

3.   Cuirfidh an tAontas an fhaisnéis dá dtagraítear i mír 1 agus i mír 2ar fáil don phobal.

1.   Déanfaidh na Páirtithe an Comhaontú seo a fhormheas i gcomhréir lena nósanna imeachta féin.

2.   Tiocfaidh an Comhaontú seo i bhfeidhm an chéad lá den mhí ina dhiaidh sin ón dáta a gheofar an fógra i scríbhinn lena mbeidh fógra tugtha ag an Eilvéis faoi chéannacht na n-údarás dá dtagraítear in Airteagal 18(1) nó ón dáta a thabharfar na fógraí i scríbhinn lenar thug na Páirtithe fógra dá chéile trí bhealaí taidhleoireachta go bhfuil na nósanna imeachta dá dtagraítear i mír 1 den Airteagal seo curtha i gcrích, cibé acu is déanaí.

1.   Réiteoidh na Páirtithe aon díospóid a bhaineann le léirmhíniú, cur i bhfeidhm nó cur chun feidhme an Chomhaontaithe seo trí chomhairliúcháin d’fhonn teacht ar réiteach a bheidh inghlactha go frithpháirteach, lena n-áirítear deis a thabhairt do cheachtar den dá Pháirtí comhlíonadh laistigh de thréimhse réasúnach ama.

2.   Féadfaidh ceachtar den dá Pháirtí cur i bhfeidhm an Chomhaontaithe seo a chur ar fionraí go hiomlán nó go páirteach trí fhógra i scríbhinn a thabhairt don Pháirtí eile trí chainéil taidhleoireachta. Ní thabharfar fógra i scríbhinn den sórt sin go dtí go mbeidh tréimhse réasúnta comhairliúcháin déanta ag na Páirtithe. Tiocfaidh an cur ar fionraí i bhfeidhm 2 mhí ó dháta an fhógra sin, mura gcinnfidh na Páirtithe a mhalairt go comhpháirteach.

3.   An Páirtí a chuir an Comhaontú seo ar fionraí, cuirfidh sé an Páirtí eile ar an eolas láithreach maidir leis an dáta a mbeidh feidhm ag cur i bhfeidhm an Chomhaontaithe seo arís, a thúisce a bheidh deireadh feidhme le cúiseanna an chur ar fionraí. Tabharfaidh an Páirtí a chuir an Comhaontú ar fionraí fógra i scríbhinn don Pháirtí eile.

4.   Leanfaidh an Eilvéis de théarmaí an Chomhaontaithe a chur i bhfeidhm maidir leis na sonraí PNR uile a fuarthas roimh aon chur ar fionraí ar an gComhaontú seo.

1.   Féadfaidh ceachtar de na Páirtithe an Comhaontú seo a fhoirceannadh tráth ar bith trí fhógra i scríbhinn a thabhairt trí chainéil taidhleoireachta. Gabhfaidh éifeacht leis an bhfoirceannadh 3 mhí tar éis an dáta a gheofar an fógra sin i scríbhinn.

2.   Má thugann ceachtar den dá Pháirtí fógra foirceanta faoin Airteagal seo, cinnfidh na Páirtithe cé na bearta is gá chun a áirithiú go ndéanfar aon chomhar a thionscnófar faoin gComhaontú seo a thabhairt i gcrích ar bhealach iomchuí.

3.   Leanfaidh an Eilvéis de théarmaí an Chomhaontaithe seo a chur i bhfeidhm maidir leis na sonraí PNR uile a fuarthas roimh aon fhoirceannadh ar an gComhaontú seo.

1.   Féadfar an Comhaontú seo a leasú tráth ar bith trí chomhaontú frithpháirteach na bPáirtithe. Tiocfaidh na leasuithe ar an gComhaontú seo i bhfeidhm i gcomhréir le hAirteagal 19.

2.   Féadfar an Iarscríbhinn a ghabhann leis an gComhaontú seo a thabhairt cothrom le dáta, trí chomhaontú frithpháirteach na bPáirtithe, arna chur in iúl trí fhógra i scríbhinn a mhalartaítear trí chainéil taidhleoireachta. Tiocfaidh nuashonruithe den sórt sin i bhfeidhm ar an dáta dá dtagraítear in Airteagal 19(2).

1.   Rachaidh na Páirtithe i gcomhairle le chéile maidir le saincheisteanna a bhaineann le faireachán a dhéanamh ar chur chun feidhme an Chomhaontaithe seo. Cuirfidh siad in iúl dá chéile aon bheart a d’fhéadfadh difear a dhéanamh don Chomhaontú seo.

2.   Déanfaidh na Páirtithe meastóireacht chomhpháirteach ar chur chun feidhme an Chomhaontaithe seo má iarrann ceachtar den dá Pháirtí sin agus má chinntear go comhpháirteach é. Agus meastóireacht den sórt sin á ndéanamh acu, tabharfaidh na Páirtithe aird ar leith ar an ngá atá le sonraí PNR a phróiseáil le haghaidh gach ceann de na cuspóirí a leagtar amach in Airteagal 5 agus ar chomhréireacht na próiseála agus na coinneála sin. Déanfaidh na Páirtithe cinneadh roimh ré maidir le módúlachtaí na meastóireachtaí sin.

1.   Beidh feidhm ag an gComhaontú seo maidir le críoch an Aontais i gcomhréir leis an gConradh ar an Aontas Eorpach agus an Conradh ar Fheidhmiú an Aontais Eorpaigh, agus maidir le críoch na hEilvéise.

2.   Faoi dháta theacht i bhfeidhm an Chomhaontaithe seo, tabharfaidh an tAontas fógra don Eilvéis faoi na Ballstáit a bhfuil feidhm ag an gComhaontú seo maidir lena gcríocha. Féadfaidh sé ina dhiaidh sin, tráth ar bith, fógra a thabhairt faoi aon athruithe air sin.

Déanfar an Comhaontú seo a tharraingt suas i ndúblach sa Bhéarla, sa Bhulgáiris, sa Chróitis, sa Danmhairgis, san Eastóinis, san Fhionlainnis, sa Fhraincis, sa Ghaeilge, sa Ghearmáinis, sa Ghréigis, san Iodáilis, sa Laitvis, sa Liotuáinis, sa Mháltais, san Ollainnis, sa Pholainnis, sa Phortaingéilis, sa Rómáinis, sa tSeicis, sa tSlóivéinis, sa tSlóvaicis, sa Spáinnis, sa tSualainnis, san Ungáiris, agus comhúdarás ag an téacs i ngach ceann de na teangacha sin. I gcás ina mbeidh aon éagsúlacht idir téacsanna an Chomhaontaithe seo, is ag an téacs Béarla a bheidh an forlámhas.