(1)

Le Rialachán (AE) 2015/757 leagtar síos rialacha maidir le faireachán, tuairisciú agus fíorú cruinn a dhéanamh ar astaíochtaí gás ceaptha teasa agus ar fhaisnéis ábhartha eile ó longa a thagann isteach i gcalafoirt atá faoi dhlínse Ballstáit, atá laistigh díobh nó a imíonn uathu, chun laghdú na n-astaíochtaí gás ceaptha teasa ó mhuiriompar a chur chun cinn ar bhealach costéifeachtúil.

(2)

Leagtar síos in Iarscríbhinn I a ghabhann le Rialachán (AE) 2015/757 na modhanna chun faireachán a dhéanamh ar astaíochtaí gás ceaptha teasa ar bhonn an ídithe breosla. Leagtar síos in Iarscríbhinn II a ghabhann le Rialachán (AE) 2015/757 na rialacha maidir le faireachán a dhéanamh ar fhaisnéis ábhartha eile.

(3)

Le Rialachán (AE) 2023/957 ó Pharlaimint na hEorpa agus ón gComhairle (2), leasaíodh Rialachán (AE) 2015/757, go háirithe chun foráil a dhéanamh maidir le hastaíochtaí gás ceaptha teasa ó longa amach ón gcósta a áireamh faoi raon feidhme an Rialacháin sin ón 1 Eanáir 2025 ar aghaidh. Mar sin féin, is gá an téarma ‘longa amach ón gcósta’ a shoiléiriú chun cur i bhfeidhm aonfhoirmeach a áirithiú maidir le cinneadh na n-astaíochtaí gás ceaptha teasa a chumhdaítear leis an Rialachán thar na hastaíochtaí sin a chumhdaítear cheana féin nuair a bhaineann siad le gluaiseachtaí agus gníomhaíochtaí long a bhfuil sé de chuspóir acu lastas nó paisinéirí a iompar chun críoch tráchtála. Ba cheart rialacha a bhunú, dá bhrí sin, chun soiléireacht a thabhairt maidir leis na longa agus na hastaíochtaí gás ceaptha teasa ba cheart a chuimsiú leis an áireamh sin. Ba cheart deimhnithe reachtúla na loinge nó aon doiciméadacht ábhartha eile, lena n-áirítear nodaireachtaí aicmí, a chur san áireamh d’fhonn a chinneadh an bhfuil an long lena mbaineann deartha chun gníomhaíochtaí seirbhíse a dhéanamh amach ón gcósta nó ag suiteálacha amach ón gcósta nó an bhfuil sé deimhnithe chun an méid sin a dhéanamh.

(4)

Ón 1 Eanáir 2027 ar aghaidh, áireofar longa amach ón gcósta ag a bhfuil olltonnáiste 5 000 tona agus os a chionn i raon feidhme na ngníomhaíochtaí muiriompair a chumhdaítear le hIarscríbhinn I a ghabhann le Treoir 2003/87/CE ó Pharlaimint na hEorpa agus ón gComhairle (3). De réir Airteagal 3gg(5) den Treoir sin, tráth nach déanaí ná an 31 Nollaig 2026, ba cheart don Choimisiún tuarascáil a chur faoi bhráid Pharlaimint na hEorpa agus na Comhairle inar cheart dó scrúdú a dhéanamh ar a indéanta is atá sé astaíochtaí ó longa, lena n-áirítear longa amach ón gcósta, ag a bhfuil olltonnáiste faoi bhun 5 000 tona ach nach bhfuil olltonnáiste faoi bhun 400 tona acu, a áireamh sa Treoir sin mar aon le scrúdú a dhéanamh ar thionchair eacnamaíocha, chomhshaoil agus shóisialta an áirimh sin. Ba cheart sa tuarascáil sin freisin breithniú a dhéanamh ar na hidirnaisc idir Treoir 2003/87/CE agus Rialachán (AE) 2015/757 agus leas a bhaint as an taithí a fuarthas óna gcur i bhfeidhm. Féadfaidh tograí reachtacha a bheith ag gabháil leis an tuarascáil sin, más iomchuí, bunaithe ar an taithí a fuarthas sna chéad bhlianta inar áiríodh astaíochtaí gás ceaptha teasa ó longa amach ón gcósta faoi raon feidhme Rialachán (AE) 2015/757.

(5)

Ba cheart na rialacha in Iarscríbhinn II a ghabhann le Rialachán (AE) 2015/757 a thabhairt cothrom le dáta chun iad a ailíniú a thuilleadh leis na rialacha is infheidhme maidir le hearnálacha eile de chuid an Chórais Trádála Astaíochtaí (CTA) maidir le breoslaí atá incháilithe le haghaidh nialas-rátú faoi Threoir 2003/87/CE, go háirithe chun an fhéidearthacht breoslaí sintéiseacha ísealcharbóin nialas-rátaithe a chur san áireamh.

(6)

Dá bhrí sin, ba cheart Rialachán (AE) 2015/757 a leasú dá réir.

(7)

Ós rud é go n-áireofar na hastaíochtaí gás ceaptha teasa ó longa amach ón gcósta faoi Rialachán (AE) 2015/757 ón 1 Eanáir 2025 ar aghaidh, ba cheart feidhm a bheith ag na rialacha ábhartha sa Rialachán seo dá réir, ón 1 Eanáir 2025 ar aghaidh.

(8)

Áirítear astaíochtaí gás ceaptha teasa muiriompair in CTA AE ón tréimhse tuairiscithe dar thús an 1 Eanáir 2024. Na rialacha is infheidhme maidir le hearnálacha eile CTA a mhéid a bhaineann le breoslaí atá incháilithe le haghaidh nialas-rátú faoi Threoir 2003/87/CE de bhun Rialachán Cur Chun Feidhme (AE) 2018/2066 ón gCoimisiún (4) arna leasú le Rialachán Cur Chun Feidhme (AE) 2024/2493 ón gCoimisiún (5), tá feidhm acu ón 1 Eanáir 2024. Dá bhrí sin, chun comhsheasmhacht, soiléireacht agus coinníollacha comhionanna a áirithiú, ba cheart feidhm a bheith ag na rialacha a leagtar síos sa Rialachán seo freisin ón 1 Eanáir 2024 maidir le faireachán agus tuairisciú a dhéanamh ar astaíochtaí ó bhreoslaí in-athnuaite nialas-rátaithe de thionscnamh neamhbhitheolaíoch, breoslaí carbóin athchúrsáilte agus breoslaí sintéiseacha ísealcharbóin,

(1)

in Iarscríbhinn I, cuirtear an Chuid AA seo a leanas isteach i ndiaidh Chuid A:

(2)

i gCuid C, pointe 1.2, d’Iarscríbhinn II, cuirtear an méid seo a leanas in ionad an dara mír:

‘De mhaolú ar phointe 1.1, ní chuirfidh cuideachtaí na rialacha a leagtar síos i gCuid A d’Iarscríbhinn I a ghabhann leis an Rialachán seo i bhfeidhm a mhéid a bhaineann le fachtóirí astaíochta CO2 a chinneadh i gcás ina n-úsáideann an chuideachta Breoslaí In-Athnuaite de Thionscnamh Neamhbhitheolaíoch, Breosla Carbóin Athchúrsáilte nó breosla sintéiseach ísealcharbóin. Sna cásanna sin, cinnfear an fachtóir astaíochta CO2 i gcomhréir le Rialachán Cur Chun Feidhme (AE) 2018/2066.’.