<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-11-202511C127202407460-00-TRA-DOC-GA-ARRET-C-0746-24-202511505-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="ga-IE" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="25/02/2026 15:00:42" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="ga" name="Gendoc_LangCode"/>
    <meta content="ARR" name="TypeDoc"/>
    <meta content="keT9SJJ1wYjNaQxK1YPGpJGV/wNNCI4hAlKZNv0+SJpgCvgsNnT3Y/igbjyy8Vh8YO7Q+uBu1xGMvLYGFudcKUQjmVAne28VcytW3gK8V4suusu1Fka9knOGOFrxbAbfTHuRxYc5XmTSwXyNxI/Im/ZydwQQGQopuugBS2vtLL8=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="8efbdfd0-e604-402f-a85a-f0e554d2cbc5" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0746" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 19-11-25 11:22:01" name="Created"/>
    <meta content="" name="Canevas3_Vademecum"/>
    <meta content="2025-12-01T09:25:04Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="093c2f19f06d4d35aabe54ae21797d5f" name="DocumentIdentifier"/>
    <meta content="0746" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Breithiúnas an 27.11.2025 – Cás C‑746/24</div>
      <div id="rId22" style="default">Gryczara</div>
    </div>
    <p class="C19Centre" id="para-1" title="page-1">
      BREITHIÚNAS NA CÚIRTE (an Naoú Dlísheomra)
    </p>
    <p class="C19Centre" id="para-2" title="page-1">
      27 Samhain 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      (Tarchur chun réamhrialú – Cosaint tomhaltóirí – Treoir 93/13/CEE – Téarmaí éagóracha i gconarthaí tomhaltóra – Airteagal 6(1) agus Airteagal 7(1) – Éifeachtaí cinnidh go bhfuil téarma éagórach – Neamhbhailíocht an chonartha – Caingean arna tabhairt ag díoltóir nó ag soláthróir chun an caipiteal iasachta a íocadh faoi chomhaontú a dearbhaíodh a bheith neamhbhailí a aisíoc – Rialacha maidir le costais a dhámhachtain – Modhanna éagsúla chun costais chúirte a ríomh de réir stádas an iarratasóra – Prionsabal na héifeachtachta – Oibleagáid an dlí náisiúnta a léiriú i gcomhréir le dlí an Aontais)
    </p>
    <p class="C02AlineaAltA" id="para-4" title="page-1">
      I gCás C‑746/24 [Gryczara]  (<span class="note footnote notemarker">
<a id="c-2" href="#t-2">i</a>
</span>),
    </p>
    <p class="C02AlineaAltA" id="para-5" title="page-1">
      IARRAIDH ar réamhrialú de bhun Airteagal 267 CFAE, ó Sąd Okręgowy w Warszawie (an Chúirt Réigiúnach, Vársá, an Pholainn), trí bhreith an 25 Deireadh Fómhair 2024, a fuarthas ag an gCúirt an 25 Deireadh Fómhair 2024, sna himeachtaí
    </p>
    <p class="C02AlineaAltA" id="para-6" title="page-1">
      Bank Millennium SA
    </p>
    <p class="C02AlineaAltA" id="para-7" title="page-1">
      v
    </p>
    <p class="C02AlineaAltA" id="para-8" title="page-1">
      PR,
    </p>
    <p class="C19Centre" id="para-9" title="page-1">
      tugann AN CHÚIRT (an Naoú Dlísheomra),
    </p>
    <p class="C02AlineaAltA" id="para-10" title="page-1">
      agus í comhdhéanta mar seo a leanas: M. Condinanzi, Uachtarán an Dlísheomra, N. Jääskinen agus R. Frendo (Rapóirtéir), Breithiúna,
    </p>
    <p class="C02AlineaAltA" id="para-11" title="page-1">
      Abhcóide Ginearálta: R. Norkus,
    </p>
    <p class="C02AlineaAltA" id="para-12" title="page-1">
      Cláraitheoir: A. Calot Escobar,
    </p>
    <p class="C02AlineaAltA" id="para-13" title="page-1">
      ag féachaint don nós imeachta i scríbhinn agus,
    </p>
    <p class="C02AlineaAltA" id="para-14" title="page-1">
      tar éis breithniú a dhéanamh ar na barúlacha arna dtíolacadh thar ceann na bpáirtithe seo a leanas:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Bank Millennium SA, ag M. Hudyma, adwokat, agus S. Dudzik agus T. Spyra, radcowie prawni,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">PR, ag W. Budzewski, adwokat,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na Polainne, ag B. Majczyna, i gcáil Gníomhaire,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na hIodáile, ag S. Fiorentino, i gcáil Gníomhaire, le cúnamh ó C. De Nicola, procuratore dello Stato, agus M. Cherubini agus A. De Curtis, avvocati dello Stato,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an Coimisiún Eorpach, ag P. Kienapfel agus A. Stobiecka-Kuik, i gcáil Gníomhairí,</p>
</td>
</tr>
</table>
    <p class="C02AlineaAltA" id="para-20" title="page-1">
      tar éis cinneadh a dhéanamh, i ndiaidh an tAbhcóide Ginearálta a éisteacht, breith a thabhairt ar an gcás gan Tuairim,
    </p>
    <p class="C02AlineaAltA" id="para-21" title="page-1">
      an Breithiúnas seo a leanas:
    </p>
    <p class="C75Debutdesmotifs" id="para-22" title="page-1">
      Breithiúnas
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Baineann an iarraidh ar réamhrialú le léiriú ar Airteagal 6(1) agus Airteagal 7(1) de Threoir 93/13/CEE ón gComhairle an 5 Aibreán 1993 maidir le téarmaí éagóracha i gconarthaí tomhaltóra (IO 1993 L 95, lch. 29) agus ar phrionsabal na héifeachtachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Rinneadh an iarraidh in imeachtaí idir Bank Millennium SA, institiúid baincéireachta, agus PR, tomhaltóir, maidir le caingean chun méid na hiasachta a íocadh faoi chonradh a cuireadh ar neamhní mar gheall ar théarmaí éagóracha atá ann a aisíoc.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dlí lena mbaineann</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí an Aontais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Luaitear sa cheathrú haithris is fiche de Threoir 93/13 ‘nach mór modhanna leordhóthanacha agus éifeachtacha a bheith ar fáil do chúirteanna nó d’údaráis riaracháin na mBallstát chun cosc a chur ar chur i bhfeidhm leanúnach téarmaí éagóracha i gconarthaí tomhaltóra’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Foráiltear le hAirteagal 6(1) den Treoir sin:</p>
</td>
</tr>
</table>
    <p class="C02AlineaAltA" id="para-29" title="page-2">
      ‘Déanfaidh na Ballstáit foráil nach mbeidh téarmaí éagóracha a úsáidtear i gconradh arna chur i gcrích le tomhaltóir ag díoltóir nó ag soláthróir ina gceangal ar an tomhaltóir, amhail dá bhforáiltear faoina ndlí náisiúnta, agus go leanfaidh an conradh de bheith ina cheangal ar na páirtithe de réir na dtéarmaí sin más féidir leis leanúint de bheith ann gan na téarmaí éagóracha.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Foráiltear le hAirteagal 7(1) den Treoir sin mar seo a leanas:</p>
</td>
</tr>
</table>
    <p class="C02AlineaAltA" id="para-31" title="page-2">
      ‘Áiritheoidh na Ballstáit, ar mhaithe le leas na dtomhaltóirí agus na n‑iomaitheoirí, gurb ann do mhodhanna leordhóthanacha agus éifeachtacha chun cosc a chur ar úsáid leanúnach a bhaint as téarmaí éagóracha i gconarthaí arna dtabhairt i gcrích ag díoltóirí nó ag soláthraithe le tomhaltóirí.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí na Polainne</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An Cód Sibhialta</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Foráiltear le hAirteagal 58(1) den ustawa – Kodeks cywilny (an Dlí lena mbunaítear an Cód Sibhialta) an 23 Aibreán 1964 (Dz. U. Uimh. 16, mír 93), sa leagan is infheidhme maidir leis an díospóid sna príomhimeachtaí (‘an Cód Sibhialta’) mar seo a leanas:</p>
</td>
</tr>
</table>
    <p class="C02AlineaAltA" id="para-35" title="page-2">
      ‘Beidh idirbheart dlíthiúil atá contrártha leis an dlí nó atá beartaithe dul timpeall ar an dlí neamhbhailí, mura bhforáiltear a mhalairt leis an bhforáil ábhartha, go háirithe i gcás ina bhforáiltear léi go gcuirfear forálacha ábhartha dlí in ionad théarmaí neamhbhailí an idirbhirt dhlíthiúil.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">De réir Airteagal 3851(1) agus (2) den Chód Sibhialta:</p>
</td>
</tr>
</table>
    <p class="C02AlineaAltA" id="para-37" title="page-2">
      ‘1. Ní bheidh téarmaí conartha arna thabhairt i gcrích le tomhaltóir nár caibidlíodh ar leithligh ina gceangal ar an tomhaltóir má leagtar amach a chearta nó a cearta agus a oibleagáidí nó a hoibleagáidí ar bhealach atá contra bonos níos mó agus a sháraíonn a leasanna go mór (téarmaí conarthacha neamhdhleathacha). Ní bheidh feidhm aige sin maidir le téarmaí lena leagtar amach príomhoibleagáidí na bpáirtithe, lena n‑áirítear praghas nó luach saothair, fad atá siad i bhfoclaíocht shoiléir.
    </p>
    <p class="C02AlineaAltA" id="para-38" title="page-2">
      ‘2. Mura bhfuil téarma conarthach ceangailteach ar an tomhaltóir de bhun mhír 1, leanfaidh an conradh de bheith ina cheangal ar na páirtithe ar shlí eile.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Foráiltear le hAirteagal 405 den Chód sin:</p>
</td>
</tr>
</table>
    <p class="C02AlineaAltA" id="para-40" title="page-2">
      ‘Aon duine a fhaigheann, gan forais dhlíthiúla, buntáiste eacnamaíoch ar chostas duine eile, ceanglófar air an buntáiste comhchineáil sin a thabhairt ar ais agus, i gcás nach féidir é sin a dhéanamh, luach an bhuntáiste sin a thabhairt ar ais.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Foráiltear le hAirteagal 410 den Chód sin mar seo a leanas:</p>
</td>
</tr>
</table>
    <p class="C02AlineaAltA" id="para-42" title="page-3">
      ‘1. Beidh feidhm ag forálacha na n‑airteagal roimhe seo go háirithe maidir le hoibleagáid mhíchuí.
    </p>
    <p class="C02AlineaAltA" id="para-43" title="page-3">
      ‘2. Beidh oibleagáid míchuí i gcás nach raibh an duine a chomhlíon í faoi oibleagáid ar bhealach ar bith nó nach raibh sé faoi oibleagáid don duine dár comhlíonadh í, nó i gcás inar scoir bunús na hoibleagáide de bheith ann nó nár baineadh amach cuspóir beartaithe na hoibleagáide, nó i gcás ina raibh an t‑idirbheart dlíthiúil lena gceanglaítear an oibleagáid a chomhlíonadh neamhbhailí agus nár tháinig sé chun bheith bailí tar éis an oibleagáid a chomhlíonadh.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">De réir Airteagal 498 den Chód céanna:</p>
</td>
</tr>
</table>
    <p class="C02AlineaAltA" id="para-45" title="page-3">
      ‘1. Má tá beirt ina bhféichiúnaithe agus ina gcreidiúnaithe go comhuaineach agus go frithpháirteach i leith a chéile, féadfaidh gach duine acu a n‑éileamh i gcoinne éileamh an pháirtí eile a fhritháireamh, más airgead nó earraí cineálacha den cháilíocht chéanna cuspóir an dá éileamh, agus má tá an dá éileamh dlite agus más féidir iad a fhorfheidhmiú os comhair cúirte nó comhlacht Stáit eile.
    </p>
    <p class="C02AlineaAltA" id="para-46" title="page-3">
      2. Mar thoradh ar fhritháireamh, déantar an dá éileamh a fhritháireamh in aghaidh a chéile go feadh mhéid an éilimh níos ísle.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Cód an Nós Imeachta Shibhialta</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Foráiltear le hAirteagal 98(1) agus (3) den ustawa – Kodeks postępowania cywilnego (an Dlí lena mbunaítear Cód an Nós Imeachta Shibhialta) an 17 Samhain 1964 (Dz. U. de 1964, Uimh. 43, mír 296), sa leagan is infheidhme maidir leis an díospóid sna príomhimeachtaí (‘Cód an Nós Imeachta Shibhialta’):</p>
</td>
</tr>
</table>
    <p class="C02AlineaAltA" id="para-49" title="page-3">
      ‘(1) Beidh sé d’oibleagáid ar an bpáirtí nár éirigh leis aisíocaíocht a dhéanamh leis an bpáirtí freasúrach, arna iarraidh sin don pháirtí freasúrach, as aon chostais is gá chun cearta (costais na n‑imeachtaí) an pháirtí fhreasúraigh a fhorfheidhmiú nó a chosaint go cuí.
    </p>
    <p class="C02AlineaAltA" id="para-50" title="page-3">
      [...]
    </p>
    <p class="C02AlineaAltA" id="para-51" title="page-3">
      (3) Áireoidh páirtithe a ndéanann dlíodóir ionadaíocht orthu táillí an dlíodóra sin i gcostais fhíor-riachtanacha na n‑imeachtaí; ní rachaidh na táillí sin, áfach, thar na rátaí a leagtar amach i bhforálacha ar leithligh agus speansais dlíodóra amháin, costais chúirte amháin agus an costas a bhaineann le páirtí a bheith i láthair go pearsanta, arna dtoghadh ag an gcúirt.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Faoi Airteagal 100 den Chód an Nós Imeachta Shibhialta:</p>
</td>
</tr>
</table>
    <p class="C02AlineaAltA" id="para-53" title="page-4">
      ‘I gcás nach ndeonaítear na héilimh ach i bpáirt, déanfar na costais a tharscaoileadh go frithpháirteach nó a dheighilt dá réir sin. Féadfaidh an chúirt, áfach, iallach a chur ar cheann de na páirtithe na costais go léir a aisíoc más rud é gur dámhadh formhór mór a éileamh ar an bpáirtí freasúrach, nó más rud é gur cinneadh an méid atá dlite don pháirtí sin ar bhonn socraíocht fhrithpháirteach nó mheasúnú na cúirte.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Foráiltear le hAirteagal 101 den Chód sin:</p>
</td>
</tr>
</table>
    <p class="C02AlineaAltA" id="para-55" title="page-4">
      ‘Déanfar aon chostais arna dtabhú a aisíoc leis an gcosantóir fiú má chailleann sé nó sí ar choinníoll nach raibh sé nó sí ina chúis leis na himeachtaí a thionscnamh agus gur admhaigh sé nó sí an t‑éileamh ag an gcéad chéim den nós imeachta.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Is mar seo a leanas atá an fhoclaíocht in Airteagal 102 den Chód:</p>
</td>
</tr>
</table>
    <p class="C02AlineaAltA" id="para-57" title="page-4">
      ‘I gcás ina dtugann imthosca áirithe an cháis údar le cinneadh den sórt sin, féadfaidh an chúirt a ordú don pháirtí caillteach gan ach cuid de na costais a aisíoc, nó féadfaidh sí é a dhíolmhú go hiomlán ón oibleagáid na costais sin a aisíoc.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Foráiltear le hAirteagal 103(1) den Chód céanna mar seo a leanas:</p>
</td>
</tr>
</table>
    <p class="C02AlineaAltA" id="para-59" title="page-4">
      ‘Gan beann ar thoradh an cháis, féadfaidh an chúirt iallach a chur ar pháirtí nó ar idiragraí aon chostais a chúiteamh arb é iompar faillíoch nó míchuí follasach an pháirtí nó an idiragraí sin ba chúis leo.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An Dlí maidir le costais chúirte in ábhair shibhialta</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Foráiltear le hAirteagal 13(2) den ustawa o kosztach sądowych wrawach cywilnych (an Dlí maidir le costais chúirte in ábhair shibhialta) an 28 Iúil 2005 (Dz. U. Uimh. 167, mír 1398), ina leagan comhdhlúite (Dz. U. de 2022, mír 1125, ‘an Dlí maidir le Costais Chúirte’) mar seo a leanas:</p>
</td>
</tr>
</table>
    <p class="C02AlineaAltA" id="para-62" title="page-4">
      ‘I gcásanna a bhaineann le leasanna dílseánaigh, baileofar táille chomhréireach; is ionann é agus 5 % (ach méid nach mó ná PLN 200 000 [zloty na Polainne (PLN) (thart ar EUR 47 136)]) den mhéid atá faoi dhíospóid nó is ábhar d’achomharc i gcás ina sáraíonn PLN 20 000 [thart ar EUR 4 713].’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">De réir Airteagal 13a den Dlí maidir le Costais Chúirte:</p>
</td>
</tr>
</table>
    <p class="C02AlineaAltA" id="para-64" title="page-4">
      ‘I gcásanna a bhaineann le héilimh a eascraíonn as gníomhaíochtaí baincéireachta arna gcomhdú ag páirtí is tomhaltóir nó duine nádúrtha a bhfuil feirm theaghlaigh ar bun aige, gearrfar táille sheasta PLN 1 000 [thart ar EUR 236] i gcás inar mó an méid atá faoi dhíospóid nó is ábhar d’achomharc ná PLN 20 000 [thart ar EUR 4 713].’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An díospóid sna príomhimeachtaí agus na ceisteanna a tharchuirtear le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">An 27 Meitheamh 2008, thug PR agus Bank Millennium comhaontú iasachta i gcrích le haghaidh PLN 640 000 (thart ar EUR 150 000), ainmnithe i bhfrancanna na hEilvéise (CHF).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">D’íoc PR tráthchodanna den iasacht sin ar mhéid iomlán PLN 126 421.23 (thart ar EUR 29 800) agus CHF 66 600.96 (thart ar EUR 71 480).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">An 26 Meitheamh 2020, thionscain PR caingean i gcoinne Bank Millennium ag iarraidh dearbhú neamhbhailíochta an chomhaontaithe sin agus ordú chun na híocaíochtaí a rinneadh go mícheart i gcomhlíonadh an chomhaontaithe sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Le breithiúnas an 11 Bealtaine 2022, chinn Sąd Okręgowy w Warszawie (an Chúirt Réigiúnach, Vársá, an Pholainn), an chúirt a rinne an tarchur, go raibh an comhaontú iasachta neamhbhailí toisc go raibh téarmaí éagóracha san áireamh ann. Dá bhrí sin, d’ordaigh an chúirt sin do Bank Millennium PLN 65 907.32 (thart ar EUR 15 530) agus CHF 66 600.96 (thart ar EUR 71 480) a íoc le PR, mar aon le hús mainneachtana ar an ráta reachtúil ón 19 Feabhra 2022 go dtí dáta na híocaíochta, agus na costais arna dtabhú ag PR a aisíoc. Sheas Sąd Apelacyjny w Warszawie (Cúirt Achomhairc Vársá, an Pholainn) leis an mbreithiúnas sin ar achomharc.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">An 23 Samhain 2022, thug Bank Millennium caingean os comhair na cúirte a rinne an tarchur i gcoinne PR chun ordú a lorg go n‑aisíocfadh PR an caipiteal iasachta, eadhon PLN 640 000 (thart ar EUR 150 000), móide ús mainneachtana ag an ráta reachtúil ón dáta a tionscnaíodh an chaingean go dtí dáta na híocaíochta. Iarrann sí freisin go n‑ordófaí do PR na costais a íoc, lena n‑áirítear, ar thaobh amháin, costais na cúirte arb ionann iad agus 5 % de luach ábhar na caingne, eadhon PLN 32 000 (thart ar EUR 7 544) agus, ar an taobh eile, costais ionadaíochta dlíodóra, atá socraithe ag ráta comhréidh PLN 10 800 (thart ar EUR 2 546).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Tá amhras ar an gcúirt a rinne an tarchur an bhfuil na rialacha maidir le dámhachtain costas a leagtar síos i ndlí na Polainne ag luí le Treoir 93/13.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Tugann sí faoi deara, ar dtús, faoi Chód an Nós Imeachta Shibhialta, gurb é an bunphrionsabal lena rialaítear dámhachtain costas in imeachtaí sibhialta ná an fhreagracht as toradh an cháis. De réir an phrionsabail sin, ba cheart don pháirtí nár éirigh leis costais na n‑imeachtaí a aisíoc leis an bpáirtí ar éirigh leis, i gcomhréir le hAirteagal 98(1) de Chód an Nós Imeachta Shibhialta; i gcás ina ndeonaítear na héilimh i bpáirt, ba cheart na costais a tharscaoileadh nó a roinnt go frithpháirteach dá réir sin, faoi Airteagal 100 de Chód an Nós Imeachta Shibhialta. Maolaítear an prionsabal sin le roinnt eisceachtaí dá bhforáiltear in Airteagail 101, 102 agus 103(1) de Chód an Nós Imeachta Shibhialta, eadhon, faoi seach, an fhéidearthacht go n‑íocfaidh an t‑iarratasóir na costais i gcás inar admhaigh an cosantóir an t‑éileamh ag an gcéad chéim den nós imeachta, ag brath ar phrionsabal an chothromais agus ar chur i bhfeidhm phrionsabal an lochta. De réir na cúirte sin, áfach, níl feidhm ag aon cheann de na heisceachtaí sin sna príomhimeachtaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Ina dhiaidh sin, ag tagairt do chásdlí na Cúirte (breithiúnais an 22 Meán Fómhair 2022, Servicios prescriptor y medios de pagos EFC, C‑215/21, EU:C:2022:723, mír 41, agus an 21 Márta 2024, Profi Credit Bulgaria (Seirbhísí atá coimhdeach le comhaontú creidmheasa), C‑714/22, EU:C:2024:263, mír 83), sonraíonn an chúirt a rinne an tarchur nár cheart go mbeadh sé d’éifeacht ag na rialacha maidir le costais a dhámhachtain is infheidhme maidir le himeachtaí le haghaidh dearbhú go bhfuil téarma conarthach éagórach an tomhaltóir a dhíspreagadh ó na cearta a thugtar dó le Treoir 93/13 a fheidhmiú.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">I ndáil leis sin, tugann an chúirt sin faoi deara, sna príomhimeachtaí, go bhféadfaí a ordú do PR méid iomlán PLN 42 800 (thart ar EUR 10 090) i gcostais a íoc le Bank Millennium, chomh maith le caipiteal iasachta PLN 640 000 (thart ar EUR 150 000), mar aon le hús mainneachtana ar an ráta reachtúil. D’fhéadfadh ualach airgeadais den sórt sin, arb ionann é agus meántuarastal tuairim is sé mhí sa Pholainn, an bonn a bhaint de chuspóirí Threoir 93/13 agus de phrionsabal éifeachtacht dhlí an Aontais.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Ina theannta sin, maidir le struchtúr na gcostas sa dá shraith imeachtaí dlí lena mbaineann, sonraíonn an chúirt sin, cé gurb ionann méid tháillí na ndlíodóirí, eadhon PLN 10 800 (thart ar EUR 2 546), gan beann ar cé acu a thionscnaíonn nó nach dtionscnaíonn an díoltóir nó an soláthróir nó an tomhaltóir na himeachtaí, nach amhlaidh atá i gcás costais dlí. Sna himeachtaí ag lorg dearbhú neamhbhailíochta an chonartha iasachta, bhí ar PR PLN 1 000 (thart ar EUR 236) a íoc, de bhun Airteagal 13a den Dlí maidir le Costais Chúirte, nuair a thionscain sé a chaingean i gcoinne an bhainc, cé go n‑éilíonn an banc sin PLN 32 000 (thart ar EUR 7 544) i leith na gcostas cúirte sna príomhimeachtaí nach mór dó a íoc i gcomhréir le hAirteagal 13(2) den Dlí sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">É sin ráite, tugann an chúirt a rinne an tarchur dá haire, ar thaobh amháin, gur chuir a abhcóide agus an chúirt a rinne an tarchur araon PR ar an eolas go cuí, i gcomhthéacs na n‑imeachtaí tosaigh a thionscain PR, faoi na hiarmhairtí a bhaineann le neamhbhailíocht an chomhaontaithe iasachta, go háirithe an oibleagáid caipiteal iasachta a aisíoc, aon ús mainneachtana ar an ráta reachtúil, agus na costais. Dá bhrí sin, ní féidir a mhaíomh go bailí nach féidir leis an tomhaltóir an t‑ordú costas a thuar.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Ar an taobh eile, tugann an chúirt sin dá haire go bhféadfadh PR éileamh an bhainc a aithint a luaithe a fuarthas an t‑iarratas. Mar thoradh ar chéim den sórt sin, chuirfí Airteagal 101 de Chód an Nós Imeachta Shibhialta i bhfeidhm agus bheadh ar Bank Millennium na costais go léir a íoc ansin. Thairis sin, d’fhéadfadh PR a bheith ag brath ar fhritháireamh éileamh, i gcomhréir le hAirteagal 498(1) den Chód sin. Dá mbeadh dearbhú déanta aige ag iarraidh go ndéanfaí éilimh a fhritháireamh tar éis dó an t‑iarratas a fháil, dhéanfaí éilimh chómhalartacha na bpáirtithe a fhritháireamh go feadh mhéid níos ísle an éilimh, de bhun Airteagal 498(2). Dá bhrí sin, laghdófaí go mór éileamh an bhainc. Roghnaigh PR straitéis nós imeachta eile arb é a bhí i gceist léi agóid a dhéanamh i gcoinne éileamh an bhainc trí phléadáil maidir le cosc ama a chur isteach, a mheasann an chúirt sin a bheith gan bhunús.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Ar deireadh, fiafraíonn an chúirt a rinne an tarchur an gceanglaítear uirthi le hAirteagal 6(1) agus le hAirteagal 7(1) de Threoir 93/13 a ordú do dhíoltóir nó do sholáthróir na hiarmhairtí diúltacha go léir a bhaineann le téarmaí conarthacha neamhdhleathacha a áireamh i gconradh a sheasamh. Mura mbeadh na téarmaí éagóracha san áireamh sa chomhaontú iasachta, ní bheadh na príomhimeachtaí tagtha chun cinn. Dá bhrí sin, ní mór a chinneadh, i gcás den sórt sin, ar cheart don díoltóir nó don soláthróir costais uile na n‑imeachtaí seo a íoc, gan beann ar a dtoradh agus fiú má éiríonn le héileamh an díoltóra nó an tsoláthróra ina iomláine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Sna himthosca sin, chinn Sąd Okręgowy w Warszawie (an Chúirt Réigiúnach, Vársá) bac a chur ar na himeachtaí agus an cheist seo a leanas a tharchur chuig an gCúirt Bhreithiúnais le haghaidh réamhrialú:</p>
</td>
</tr>
</table>
    <p class="C02AlineaAltA" id="para-80" title="page-7">
      ‘Ar cheart Airteagal 6(1) agus Airteagal 7(1) de [Threoir 93/13], chomh maith le prionsabal na héifeachtachta, a léiriú sa chaoi go gcuirtear cosc leo ar reachtaíocht náisiúnta ar dá réir arb inordaithe go n‑íocfadh an tomhaltóir costais na n‑imeachtaí inar sheas an chúirt náisiúnta le caingean arna tabhairt ag trádálaí go n‑ordófaí go n‑aisíocfadh tomhaltóir na suimeanna arna n‑íoc de réir conradh ar cuireadh ar neamhní toisc téarmaí éagóracha a bheith ann?’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Breithniú ar na ceisteanna a tharchuirtear le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Inghlacthacht</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Áitíonn Bank Millennium go bhfuil an cheist a tharchuirtear le haghaidh réamhrialú do-ghlactha ar an bhforas nach mbaineann sí le léiriú dhlí an Aontais, ós rud é nach bhfuil forálacha Threoir 93/13 infheidhme maidir leis na héifeachtaí a bhaineann le téarmaí éagóracha a bhaint. Baineann an cheist sin, a bhaineann le haisíocaíocht costas i gcomhthéacs caingean le haghaidh aisíocaíocht arna tionscnamh ag an mbanc, le léiriú ar an dlí náisiúnta amháin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">I ndáil leis sin, ba cheart a mheabhrú go bhfuil an córas comhair a bhunaítear le hAirteagal 267 CFAE bunaithe ar roinnt shoiléir na bhfreagrachtaí idir na cúirteanna náisiúnta agus an Chúirt Bhreithiúnais. In imeachtaí arna dtionscnamh ar bhonn an Airteagail sin, is faoi chúirteanna na mBallstát atá sé forálacha an dlí náisiúnta a léiriú, ní faoin gCúirt Bhreithiúnais, agus níl aon dlínse ag an gCúirt rialú a thabhairt ar chomhoiriúnacht rialacha an dlí náisiúnta le dlí an Aontais. Mar sin féin, tá dlínse ag an gCúirt an treoir uile is gá a thabhairt don chúirt náisiúnta maidir le léiriú dhlí an Aontais chun a chur ar chumas na cúirte sin a chinneadh an bhfuil na rialacha náisiúnta sin ag luí le dlí an Aontais (féach breithiúnais an 16 Márta 1978, Oehlschläger, 104/77, EU:C:1978:69, mír 4, agus an 17 Márta 2021, Consulmarketing, C‑652/19, EU:C:2021:208, mír 32 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Thairis sin, i gcomhréir le cásdlí socair, i gcomhthéacs an chomhair idir an Chúirt Bhreithiúnais agus na cúirteanna náisiúnta dá bhforáiltear in Airteagal 267 CFAE, is faoin gcúirt náisiúnta ar tugadh an díospóid os a comhair agus nach mór freagracht a ghlacadh as an gcinneadh breithiúnach ina dhiaidh sin, i bhfianaise imthosca sonracha an cháis, atá sé a chinneadh an gá atá le réamhrialú ionas go mbeidh sí in ann a breithiúnas a thabhairt agus ábharthacht na gceisteanna a chuirfidh sí faoi bhráid na Cúirte araon. Dá bhrí sin, nuair a bhaineann na ceisteanna a cuireadh le léiriú dhlí an Aontais, tá an Chúirt faoi cheangal, i bprionsabal, rialú a thabhairt (féach breithiúnais an 29 Samhain 1978, Redmond, 83/78, EU:C:1978:214, mír 25, agus an 2 Feabhra 2023, Towarzystwo Ubezpieczeń Ż (Conarthaí árachais caighdeánacha míthreoracha), C‑208/21, EU:C:2023:64, mír 42 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Dá bhrí sin, tá toimhde ábhartha ag ceisteanna a bhaineann le dlí an Aontais. Ní féidir leis an gCúirt diúltú rialú a thabhairt ar cheist arna tarchur ag cúirt náisiúnta ach amháin má dhealraíonn sé go follasach nach bhfuil baint ar bith ag an léiriú arna iarraidh ar dhlí an Aontais le fíricí iarbhír nó le cuspóir na díospóide sna príomhimeachtaí, gur fadhb de chineál hipitéiseach í nó nach bhfuil an fhaisnéis fhíorasach agus dhlíthiúil is gá ag an gCúirt chun freagra úsáideach a thabhairt ar na ceisteanna a cuireadh uirthi (féach breithiúnais an 7 Meán Fómhair 1999, Beck agus Bergdorf, C‑355/97, EU:C:1999:391, mír 22, agus an 2 Feabhra 2023, Towarzystwo Ubezpieczeń Ż (Conarthaí árachais caighdeánacha míthreoracha), C‑208/21, EU:C:2023:64, mír 43 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Ní hamhlaidh atá, áfach, sa chás seo.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Is léir ón ordú tarchuir go mbaineann an díospóid sna príomhimeachtaí le caingean chun an caipiteal iasachta a aisíoc, arna tionscnamh ag Bank Millennium i gcoinne PR, tar éis an chéad sraith imeachtaí as ar eascair neamhniú comhaontaithe iasachta ar an bhforas go raibh téarmaí éagóracha ann. Lena ceist, iarrann an chúirt a rinne an tarchur go sainráite ar an gCúirt treoir a thabhairt maidir le léiriú dhlí an Aontais agus, go sonrach, maidir leis an léiriú atá le tabhairt ar Airteagal 6(1) agus Airteagal 7(1) de Threoir 93/13, arna léamh i bhfianaise phrionsabal na héifeachtachta. Féachann an chúirt sin lena fháil amach an gcaithfear na forálacha sin a léiriú sa chaoi go gcuirtear cosc leo ar reachtaíocht náisiúnta lena n‑ordaítear, i gcaingean aisíocaíochta den sórt sin, do thomhaltóir nár éirigh leis costais dlí a íoc, a áirítear sna costais, atá i bhfad níos mó ná na costais a bheadh ar an tomhaltóir a íoc dá mba rud é nár éirigh leis nó léi i gcaingean arna tionscnamh ag an tomhaltóir lena n‑iarrtar dearbhú go bhfuil na téarmaí sin éagórach agus, i gcás inarb iomchuí, dearbhú go bhfuil na téarmaí sin agus an conradh iasachta sin neamhbhailí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Sna himthosca sin, ní léir nach bhfuil baint ar bith ag an léiriú arna iarraidh ar Threoir 93/13 le fíricí iarbhír nó le cuspóir na díospóide sna príomhimeachtaí nó gur fadhb hipitéiseach í an fhadhb a ardaíodh. Dá bhrí sin, sa chás seo, ní bhaineann an phléadáil bunaithe ar neamhfheidhmeacht an ghnímh sin maidir leis na príomhimeachtaí le hinghlacthacht na hiarrata ar réamhrialú, ach le substaint na gceisteanna (féach, chuige sin, breithiúnas an 24 Feabhra 2022, TGSS (Dífhostú oibrithe tí), C‑389/20, EU:C:2022:120, mír 31 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Dá bhrí sin, tá an cheist a tharchuirtear inghlactha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Substaint an cháis</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Ba cheart a thabhairt faoi deara mar réamhphointe, de réir cásdlí socair, i gcomhthéacs an chomhair idir na cúirteanna náisiúnta agus an Chúirt Bhreithiúnais a leagtar síos in Airteagal 267 CFAE, gur faoin gCúirt Bhreithiúnais atá sé freagra a thabhairt don chúirt náisiúnta a bheidh úsáideach di agus lena gcuirfear ar a cumas cinneadh a dhéanamh sa díospóid atá roimpi. Chuige sin, d’fhéadfadh sé go mbeadh ar an gCúirt na ceisteanna a tarchuireadh chuici a athfhoirmliú. I ndáil leis sin, is faoin gCúirt atá sé, i bhfianaise ábhar na díospóide, na heilimintí de dhlí an Aontais is gá a léiriú a bhaint as an bhfaisnéis go léir a chuir an chúirt náisiúnta ar fáil, go háirithe as forais an ordaithe tarchuir (féach breithiúnais an 29 Samhain 1978, Redmond, 83/78, EU:C:1978:214, mír 26; an 28 Samhain 2000, Roquette Frères, C‑88/99, EU:C:2000:652, mír 18, agus an 16 Iúil 2020, Caixabank agus Banco Bilbao Vizcaya Argentaria, C‑224/19 agus C‑259/19, EU:C:2020:578, mír 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Sa chás seo, mar is léir ón iarraidh ar réamhrialú, tá amhras ar an gcúirt a rinne an tarchur maidir le comhoiriúnacht na reachtaíochta náisiúnta le hAirteagal 6(1) agus Airteagal 7(1) de Threoir 93/13, arna léamh i bhfianaise phrionsabal na héifeachtachta, lena bhforáiltear do thomhaltóir nár éirigh leis i gcaingean chun an caipiteal iasachta a aisíoc a thionscain díoltóir nó soláthróir tar éis conradh iasachta a neamhniú ar an bhforas go raibh téarmaí éagóracha ann. Tugann an chúirt sin dá haire go bhféadfadh na costais dlí, a áirítear sna costais, a fhorchuirtear ar an tomhaltóir sin a bheith i bhfad níos mó ná na costais a bheadh ar an tomhaltóir sin a íoc dá mba rud é nár éirigh leis i gcaingean a thionscain sé chun a dhearbhú go bhfuil na téarmaí sin éagórach agus, i gcás inarb iomchuí, chun a dhearbhú go bhfuil na téarmaí sin agus an conradh iasachta sin neamhbhailí. Eascraíonn an cás sin as an idirdhealú a dhéantar le reachtaíocht na Polainne, maidir le costais chúirte, maidir leis an modh chun na costais sin a ríomh ag brath ar cé acu díoltóir, soláthróir nó tomhaltóir a thionscain an chaingean.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Sna himthosca sin, ní mór a thuiscint, lena ceist, go bhfiafraíonn an chúirt a rinne an tarchur, go bunúsach, an gá Airteagal 6(1) agus Airteagal 7(1) de Threoir 93/13, arna léamh i bhfianaise phrionsabal na héifeachtachta, a léiriú sa chaoi go gcuirtear cosc leo ar reachtaíocht náisiúnta lena gceadaítear do thomhaltóir, mar chosantóir nár éirigh leis i gcaingean a thionscain díoltóir nó soláthróir chun an caipiteal iasachta a aisíoc tar éis conradh iasachta a neamhniú mar gheall ar chineál éagórach na dtéarmaí atá ann, a ordú dó na costais a íoc, lena n‑áirítear costais chúirte, ar costais iad, mar thoradh ar an idirdhealú a dhéantar leis an reachtaíocht sin agus méid na gcostas sin á ríomh ag brath ar cé acu an tomhaltóir é an t‑iarratasóir, atá i bhfad níos mó ná na costais a bheadh ar an tomhaltóir sin a íoc dá mba rud é nár éirigh leis i gcaingean a thionscain sé ag lorg dearbhú go bhfuil na téarmaí sin éagórach agus, i gcás inarb iomchuí, dearbhú go bhfuil na téarmaí sin agus an comhaontú iasachta neamhbhailí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Sa chéad áit, ba cheart a mheabhrú, faoi Airteagal 6(1) de Threoir 93/13, nach mór do na Ballstáit a leagan síos nach mbeidh téarmaí éagóracha a úsáidtear i gconradh arna thabhairt i gcrích le tomhaltóir ag díoltóir nó ag soláthróir ina gceangal ar an tomhaltóir, mar a fhoráiltear faoina ndlí náisiúnta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">I bhfianaise chineál agus thábhacht leas an phobail a bhaineann le cosaint tomhaltóirí, atá i staid laige i leith díoltóirí nó soláthraithe, ceanglaítear le Treoir 93/13, mar is léir ó Airteagal 7(1) di, arna léamh i gcomhar lena ceathrú haithris is fiche, ar na Ballstáit foráil a dhéanamh maidir le modhanna leordhóthanacha agus éifeachtacha ‘chun cosc a chur ar úsáid leanúnach téarmaí éagóracha i gconarthaí arna dtabhairt i gcrích le tomhaltóirí ag díoltóirí nó ag soláthróirí’ (breithiúnas an 21 Nollaig 2016, Gutiérrez Naranjo agus páirtithe eile, C‑154/15, C 307/15-agus C‑308/15, EU:C:2016:980, mír 56 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Chinn an Chúirt nach mór go bhféadfaí dhá chuspóir a bhaint amach leis na hiarmhairtí ba cheart a bheith ann mar thoradh ar an gcinneadh go bhfuil téarma i gconradh arna thabhairt i gcrích idir díoltóir nó soláthróir agus tomhaltóir éagórach. Ar thaobh amháin, ní mór don chúirt a áirithiú go n‑athbhunófar an comhionannas idir na páirtithe, a mbainfí an bonn de dá gcuirfí téarma conartha a bhí éagórach maidir leis an tomhaltóir i bhfeidhm. Ar an taobh eile, is gá a áirithiú go ndíspreagtar an díoltóir nó an soláthróir ó théarmaí den sórt sin a áireamh i gconarthaí le tomhaltóirí (breithiúnas an 25 Samhain 2020, Banca B., C‑269/19, EU:C:2020:954, mír 38). Dá bhrí sin, tá éifeacht aisíoca chomhfhreagrach i leith na méideanna céanna sin i gceist, i bprionsabal, leis an oibleagáid atá ar an gcúirt náisiúnta téarma éagórach conartha lena bhforchuirtear íocaíocht suimeanna nach bhfuil dlite a eisiamh (breithiúnas an 21 Nollaig 2016, Gutiérrez Naranjo agus páirtithe eile, C‑154/15, C‑307/15 agus C‑308/15, EU:C:2016:980, mír 62).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Sa dara háit, tugann an Chúirt faoi deara go dtagann dámhachtain chostais na n‑imeachtaí breithiúnacha os comhair na gcúirteanna náisiúnta faoi neamhspleáchas nós imeachta na mBallstát, faoi réir chomhlíonadh phrionsabail na coibhéise agus na héifeachtachta (breithiúnas an 22 Meán Fómhair 2022, Servicios prescriptor y medios de pagos EFC, C‑215/21, EU:C:2022:723, mír 34 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Maidir le prionsabal na héifeachtachta, arb é amháin is ábhar do cheisteanna na cúirte a rinne an tarchur, ba cheart a mheabhrú nach mór anailís a dhéanamh ar gach cás ina n‑eascraíonn an cheist i dtaobh an bhfágann foráil nós imeachta náisiúnta go bhfuil cur i bhfeidhm dhlí an Aontais dodhéanta nó ródheacair, trí thagairt a dhéanamh do ról na forála sin sa nós imeachta, dá dul chun cinn agus dá gnéithe speisialta, arna meas ina n‑iomláine, os comhair na gcomhlachtaí náisiúnta éagsúla. Sa chomhthéacs sin, ní mór a chur san áireamh, i gcás inarb ábhartha, na prionsabail atá mar bhunús leis an gcóras dlí náisiúnta, amhail cearta na cosanta a chosaint, prionsabal na deimhneachta dlíthiúla agus seoladh cuí na n‑imeachtaí (breithiúnas an 22 Meán Fómhair 2022, Servicios prescriptor y medios de pagos EFC, C‑215/21, EU:C:2022:723, mír 35 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Cé nach gcuirtear cosc le prionsabal na héifeachtachta, go ginearálta, ar thomhaltóir costais dlí áirithe a thabhú nuair a thionscnaíonn sé imeachtaí le haghaidh dearbhú go bhfuil téarma conarthach éagórach (breithiúnas an 7 Aibreán 2022, Caixabank, C‑385/20, EU:C:2022:278, mír 51), ba cheart a thabhairt faoi deara freisin go dtugtar le Treoir 93/13 an ceart do thomhaltóirí iarratas a dhéanamh ar chúirt go ndearbhófaí go bhfuil téarma conarthach éagórach agus go gcuirfí as feidhm é, agus ní mór a éifeachtacht a chaomhnú. Dá bhrí sin, níor cheart do na rialacha maidir le costais a dhámhachtain in imeachtaí den sórt sin tomhaltóirí a dhíspreagadh ón gceart sin a fheidhmiú (féach, chuige sin, breithiúnas an 22 Meán Fómhair 2022, Servicios prescriptor y medios de pagos EFC, C‑215/21, EU:C:2022:723, mír 37 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Chinn an Chúirt freisin, dá mbeadh an cinneadh maidir le costais a dhámhachtain in imeachtaí den sórt sin ag brath go heisiach ar an méid a íocadh go míchuí agus nach mór é a aisíoc, gur dócha go gcuirfí tomhaltóirí ó fheidhmiú an chirt sin, i bhfianaise na gcostas a bheadh i gceist le caingean dlí. Dá bhrí sin, cuirtear cosc le hAirteagail 6(1) agus 7(1) de Threoir 93/13 agus le prionsabal na héifeachtachta ar chóras inar féidir iallach a chur ar an tomhaltóir cuid de chostais na n‑imeachtaí a íoc ag brath ar leibhéal na suimeanna a íocadh go míchuí a aisíoctar leis tar éis dó a chinneadh go bhfuil téarma conarthach ar neamhní toisc go bhfuil sé éagórach, ós rud é go gcruthaíonn córas den sórt sin bac substaintiúil ar dócha go ndíspreagfar tomhaltóirí ó fheidhmiú an chirt chun athbhreithniú breithiúnach éifeachtach a fháil ar nádúr éagórach féideartha téarmaí conarthacha amhail an ceart a thugtar le Treoir 93/13 (breithiúnas an 16 Iúil 2020, Caixabank agus Banco Bilbao Vizcaya Argentaria, C‑224/19 agus C‑259/19, EU:C:2020:578, míreanna 98 agus 99).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">I ndáil leis sin, ba cheart a thabhairt faoi deara go dtionscnaíonn tomhaltóir, ag gníomhú dó mar iarratasóir, imeachtaí arna dtionscnamh de bhun Airteagal 6(1) agus Airteagal 7(1) de Threoir 93/13 i gcoinne díoltóra nó soláthróra, an cosantóir. Chun éifeachtacht na Treorach sin a chaomhnú agus chun cosaint éifeachtach a áirithiú don tomhaltóir ar na hiarmhairtí thar a bheith neamhfhabhrach a d’fhéadfadh a bheith ann mar thoradh ar neamhniú an chonartha iasachta atá i gceist, ní mór a mheas go bhfuil feidhm freisin ag an measúnú a rinne an Chúirt maidir le costais a dhámhachtain in imeachtaí lena n‑iarrtar dearbhú go bhfuil téarma conarthach éagórach, dá dtagraítear i míreanna 48 agus 49 den bhreithiúnas seo, agus de réir analaí, i gcás amhail an cás sna príomhimeachtaí, ina bhfuil an tomhaltóir ina chosantóir i gcaingean arna tionscnamh ag díoltóir nó soláthróir chun caipiteal na hiasachta a aisíoc tar éis conradh iasachta a neamhniú ar an bhforas go raibh téarmaí éagóracha ann.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Ba cheart a thabhairt faoi deara, i ndáil leis sin, gur chinn an Chúirt go bhféadfadh socruithe nós imeachta as a n‑eascraíonn costais ró-arda don tomhaltóir an tomhaltóir sin a dhíspreagadh óna chearta a chosaint go cuí os comhair na cúirte ar thug an díoltóir nó an soláthróir na himeachtaí os a comhair (féach, chuige sin, breithiúnas an 7 Aibreán 2022, Caixabank, C‑385/20, EU:C:2022:278, mír 54 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Sa chás seo, is léir ón ordú tarchuir, faoi dhlí na Polainne, gurb é an toradh atá ar chinneadh cúirte go bhfuil comhaontú iasachta neamhbhailí mar gheall ar théarma éagórach a bheith ann sa chomhaontú sin gurb ionann íocaíochtaí a dhéantar i gcomhlíonadh an chomhaontaithe sin, cibé acu ag na hiasachtaithe nó ag an institiúid baincéireachta, agus íocaíochtaí míchuí de réir bhrí Airteagal 410(2) den Chód Sibhialta, nach mór a aisíoc de bhun Airteagal 410(1) i gcomhar le hAirteagal 405 den Chód Sibhialta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Dá bhrí sin, foráiltear le hAirteagal 98(1) de Chód an Nós Imeachta Shibhialta gur cheart don pháirtí nár éirigh leis na costais a aisíoc leis an bpáirtí ar éirigh leis. Thairis sin, déantar idirdhealú i ndlí na Polainne, maidir le costais chúirte, ag brath ar cé acu díoltóir nó soláthróir nó tomhaltóir a thionscnaíonn an chaingean. I gcomhréir le hAirteagal 13(2) den Dlí maidir le Costais Chúirte, eascraíonn táille chomhréireach as caingne a bhaineann le leasanna dílseánaigh, atá coibhéiseach le 5 % de luach na díospóide, suas le huasteorainn reachtúil. Os a choinne sin, i gcásanna a bhaineann le héilimh maidir le hidirbhearta bainc, bunaítear le hAirteagal 13 den Dlí sin, i gcás caingne arna dtionscnamh ag tomhaltóir, costais sheasta PLN 1 000 (thart ar EUR 236) i gcás inar mó an méid atá faoi dhíospóid nó an t‑ábhar achomhairc ná PLN 20 000 (thart ar EUR 4 713).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">De réir na faisnéise a chuir an chúirt a rinne an tarchur ar fáil, d’fhéadfadh an difríocht sin i modh ríofa na gcostas cúirte a bheith ina cúis le cásanna ina n‑ordaítear don tomhaltóir, i gcás ina bhfuil an tomhaltóir ina chosantóir i gcaingean arna tionscnamh ag díoltóir nó soláthróir chun an caipiteal iasachta a aisíoc tar éis conradh iasachta ina bhfuil téarmaí éagóracha a neamhniú agus i gcás nach n‑éiríonn leis nó léi, na costais a íoc, lena n‑áirítear costais chúirte atá i bhfad níos airde ná na costais a bheadh ar an tomhaltóir a íoc dá mba rud é nár éirigh leis nó léi i gcaingean arna tionscnamh aige nó aici chun a dhearbhú go bhfuil na téarmaí sin éagórach agus, i gcás inarb iomchuí, chun a dhearbhú go bhfuil na téarmaí sin agus an conradh iasachta sin neamhbhailí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Ba cheart a thabhairt faoi deara go bhfuil reachtaíocht amhail an reachtaíocht atá i gceist sna príomhimeachtaí, lena bhforáiltear do laghdú ar chostais sheasta chúirte i gcás ina dtionscnaíonn an tomhaltóir caingean a bhaineann le héilimh a bhaineann le hidirbhearta baincéireachta, fabhrach, i bprionsabal, don tomhaltóir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Mar sin féin, i bhfianaise leibhéal i bhfad níos airde na gcostas cúirte is infheidhme maidir le caingne arna dtionscnamh ag díoltóir nó soláthróir maidir le leasanna dílseánaigh agus ós rud é go mbraitheann méid na gcostas sin a d’fhéadfaí a cheangal ar an tomhaltóir a aisíoc go díreach ar mhéid an éilimh arna shaothrú ag an díoltóir nó ag an soláthróir, is dócha go mbeidh ualach airgeadais díréireach ar an tomhaltóir, i gcás nach n‑éiríonn leis i gcaingean den sórt sin, mar thoradh ar chur i bhfeidhm uathoibríoch an phrionsabail go gceanglaítear ar an bpáirtí nár éirigh leis na costais uile a íoc, lena n‑áirítear na costais sin. Is léir ón gcomhad atá os comhair na Cúirte, ar thaobh amháin, go raibh ar PR PLN 1 000 (thart ar EUR 236) a íoc as costais chúirte i gcomhthéacs na caingne a tionscnaíodh i gcoinne Bank Millennium as ar eascair ordú don bhanc sin suim de thart ar EUR 101 280 a íoc leis. Ar an taobh eile, cheanglófaí ar PR, mar an cosantóir sna himeachtaí a thionscain Bank Millennium ina dhiaidh sin maidir le haisíoc chaipiteal na hiasachta, is é sin le rá, éileamh PLN 640 000 (thart ar EUR 150 000), agus nach n‑éiríonn leis ag a dheireadh, costais dlí arb ionann iad agus 5 % de luach na díospóide a aisíoc leis an mbanc, sa chás seo PLN 32 000 (thart ar EUR 7 544).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Tá na costais sin a d’fhéadfaí a ghearradh ar an tomhaltóir, de bhua chur i bhfeidhm comhcheangailte na rialacha náisiúnta maidir le costais chúirte a ríomh agus chineál uathoibríoch an phrionsabail go gceanglaítear ar an bpáirtí nár éirigh leis na costais uile a íoc, lena n‑áirítear na costais sin, de chineál a chuirfeadh cosc nó bac ar an tomhaltóir na cearta a thugtar dó le Treoir 93/13 a fheidhmiú go héifeachtach os comhair na cúirte a éisteann an cás ag an díoltóir nó ag an soláthróir, contrártha leis an gcásdlí dá dtagraítear i míreanna 48 agus 51 den bhreithiúnas seo.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Go deimhin, d’fhéadfadh rialacha nós imeachta den sórt sin bac a chur ar thomhaltóir, nuair is é nó í an cosantóir i gcaingean arna tionscnamh ag an díoltóir nó ag an soláthróir chun an caipiteal iasachta a aisíoc tar éis an comhaontú iasachta ina bhfuil téarmaí éagóracha a neamhniú, a éilimh nó a héilimh a choinneáil ar bun, gan beann ar fhiúntas na n‑éileamh sin, a mhéid is dócha go mbeidh ordú costas mar thoradh ar leanúint den sórt sin, lena n‑áirítear costais chúirte atá díréireach ard, i gcás toradh neamhfhabhrach ar na himeachtaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Dealraíonn sé freisin go bhféadfadh na rialacha nós imeachta sin an bonn a bhaint den éifeacht dhíspreagthach a eascraíonn as comhaontú a neamhniú mar gheall ar na téarmaí éagóracha atá ann, ós rud é, d’ainneoin an neamhnithe sin, go gceanglaítear ar an tomhaltóir costais chúirte an‑ard a íoc i gcomhthéacs na caingne aisíocaíochta arna tionscnamh ag an díoltóir nó ag an soláthróir, mura rud é, inter alia, go n‑admhaíonn an tomhaltóir éileamh an díoltóra nó an tsoláthróra. Dá bhrí sin, is ionann na rialacha sin ar deireadh agus sárú ar phrionsabal na héifeachtachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">É sin ráite, ba cheart a mheabhrú go gceanglaítear leis an bprionsabal gur cheart an dlí náisiúnta a léiriú i gcomhréir le dlí an Aontais ar chúirteanna náisiúnta, agus aird á tabhairt, inter alia, ar an toirmeasc ar léiriú contra legem ar an dlí náisiúnta, cibé rud a thagann faoina ndlínse a dhéanamh, agus corpas iomlán an dlí náisiúnta á chur san áireamh agus na modhanna léiritheacha a aithnítear leis an dlí náisiúnta á gcur i bhfeidhm, d’fhonn a áirithiú go mbeidh an Treoir atá i gceist go hiomlán éifeachtach agus go mbainfear amach toradh atá comhsheasmhach leis an gcuspóir atá á shaothrú léi (féach, chuige sin, breithiúnais an 5 Deireadh Fómhair 2004, Pfeiffer agus páirtithe eile, C‑397/01 go C‑403/01, EU:C:2004:584, míreanna 118 agus 119, agus an 15 Deireadh Fómhair 2024, KUBERA, C‑144/23, EU:C:2024:881, mír 51 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Sa chás seo, ina mbarúlacha i scríbhinn os comhair na Cúirte, áitíonn Rialtas na Polainne agus an Coimisiún Eorpach go bhféadfar Airteagal 98(1) de Chód an Nós Imeachta Shibhialta a léiriú ar bhealach atá comhsheasmhach le hAirteagail 6(1) agus 7(1) de Threoir 93/13, arna léamh i bhfianaise phrionsabal na héifeachtachta. Áitíonn siad gur faoin gcúirt náisiúnta atá sé na heisceachtaí dá bhforáiltear, go háirithe, in Airteagail 102 agus 103 den Chód sin a chur san áireamh, i gcás inarb iomchuí, lena gceadaítear costais a athrú de réir phrionsabal an chothromais nó aon iompar éagórach is inchurtha i leith ceann de na páirtithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Ar deireadh, is faoin gcúirt a rinne an tarchur atá sé scrúdú a dhéanamh an féidir an reachtaíocht náisiúnta atá i gceist sna príomhimeachtaí a léiriú i gcomhréir le Treoir 93/13 agus, más féidir, teacht ar na conclúidí dlíthiúla iomchuí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">I bhfianaise an mhéid sin roimhe seo, is é an freagra ar an gceist a tharchuirtear ná nach mór Airteagal 6(1) agus Airteagal 7(1) de Threoir 93/13, arna léamh i bhfianaise phrionsabal na héifeachtachta, a léiriú sa chaoi go gcuirtear cosc leo ar reachtaíocht náisiúnta lena gceadaítear do thomhaltóir, mar chosantóir nár éirigh leis i gcaingean arna tionscnamh ag díoltóir nó ag soláthróir chun an caipiteal iasachta a aisíoc tar éis neamhniú comhaontaithe iasachta mar gheall ar nádúr éagórach na dtéarmaí atá ann, a ordú na costais a íoc, lena n‑áirítear costais chúirte, atá, mar thoradh ar an idirdhealú a dhéantar leis an reachtaíocht sin agus méid na gcostas sin á ríomh ag brath ar cé acu an tomhaltóir é an t‑iarratasóir, i bhfad níos mó ná na costais a bheadh ar an tomhaltóir sin a íoc dá mba rud é nár éirigh leis i gcaingean arna tionscnamh aige lena n‑iarrtar dearbhú go bhfuil na téarmaí sin éagórach agus, i gcás inarb iomchuí, dearbhú go bhfuil na téarmaí sin agus an comhaontú iasachta sin neamhbhailí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Costais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte náisiúnta, baineann ceist na gcostas leis an gcúirt sin. Níl na costais a tabhaíodh trí bharúlacha a chur faoi bhráid na Cúirte, seachas costais na bpáirtithe sin, inghnóthaithe.</p>
</td>
</tr>
</table>
    <p class="C41DispositifIntroduction" id="para-118" title="page-14">
      Ar na forais sin, rialaíonn an Chúirt (an Naoú Dlísheomra) mar seo a leanas:
    </p>
    <p class="C30Dispositifalinea" id="para-119" title="page-15">
      Maidir le hAirteagal 6(1) agus Airteagal 7(1) de Threoir 93/13/CEE ón gComhairle an 5 Aibreán 1993 maidir le téarmaí éagóracha i gconarthaí tomhaltóra, arna léamh i bhfianaise phrionsabal na héifeachtachta,
    </p>
    <p class="C30Dispositifalinea" id="para-120" title="page-15">
      ní mór léiriú a dhéanamh mar seo a leanas:
    </p>
    <p class="C30Dispositifalinea" id="para-121" title="page-15">
      cuirtear cosc leo ar reachtaíocht náisiúnta lena gceadaítear do thomhaltóir, mar chosantóir nár éirigh leis i gcaingean arna tionscnamh ag díoltóir nó soláthróir chun an caipiteal iasachta a aisíoc tar éis conradh iasachta a neamhniú mar gheall ar a éagóraí atá na téarmaí atá ann, a ordú na costais a íoc, lena n‑áirítear costais chúirte, ar costais iad, mar thoradh ar an idirdhealú a dhéantar leis an reachtaíocht sin agus méid na gcostas sin á ríomh ag brath ar cé acu an tomhaltóir é an t‑iarratasóir, atá i bhfad níos mó ná na costais a bheadh ar an tomhaltóir sin a íoc dá mba rud é nár éirigh leis i gcaingean arna tionscnamh aige lena n‑iarrtar dearbhú go bhfuil na téarmaí sin éagórach agus, i gcás inarb iomchuí, dearbhú go bhfuil na téarmaí sin agus an conradh iasachta sin neamhbhailí.
    </p>
    <div class="signatures">
<p class="C77Signatures" id="para-122" title="page-15">
<span class="signatory">Sínithe</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Teanga an cháis: an Pholainnis.</p>
<p class="note footnote">(<span class="note footnote notemarker">
<a id="t-2" href="#c-2">i</a>
</span>) Is ainm bréige é ainm an cháis seo. Ní fhreagraíonn sé d’fhíorainm aon pháirtí sna himeachtaí..</p>
</body>
</html>
