|
24.4.2023 |
GA |
Iris Oifigiúil an Aontais Eorpaigh |
C 141/11 |
Réamhfhógra faoi chomhchruinniú
(Cás M.11070 – CHEMOURS INTERNATIONAL / FUMATECH / JV)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2023/C 141/08)
1.
An 13 Aibreán 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
The Chemours Company Inc. (“Chemours”, Stáit Aontaithe Mheiriceá), |
|
— |
BWT FUMATECH Mobility GmbH (“Fumatech”, an Ostair), |
|
— |
JV (an Ghearmáin). |
Gheobhaidh Chemours agus Fumatech rialú comhpháirteach ar an JV de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna i gcuideachta nuachruthaithe ar comhfhiontar í.
2.
Is iad seo a leanas gníomhaíochtaí gnó na ngnóthas lena mbaineann:|
— |
Déanann Chemours ceimiceáin feidhmíochta a tháirgeadh agus a sholáthar ar ionchuir iad ar tháirgí deiridh agus ar phróisis i réimse tionscal, lena n-áirítear bratuithe, cuisniúchán agus aerchóiriú, iompar, ríomhtháirgí leathsheoltóra agus tomhaltais, táirgí tionsclaíocha ginearálta, agus ola agus gás. |
|
— |
Tá Fumatech gníomhach i monaraíocht scannán agus i dtógáil gléasraí i réimse na teicneolaíochta breosla-chille agus scannán le haghaidh cóireála uisce agus tuaslagán próisis. |
3.
Beidh an Comhfhiontar gníomhach i bhforbairt, táirgeadh agus díolachán scannán breosla-chille hidrigine agus scannán taisire le haghaidh córas breosla-chille san earnáil iompair.
4.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
5.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11070 – CHEMOURS INTERNATIONAL / FUMATECH / JV
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).