|
21.4.2021 |
MT |
Il-Ġurnal Uffiċjali tal-Unjoni Ewropea |
C 140/10 |
Avviż minn qabel ta’ konċentrazzjoni
(Il-Każ M.10200 — Blackstone/GIP/Cascade/Signature)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 140/05)
1.
Fl-14 ta’ April 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
The Blackstone Group Inc. (“Blackstone”, l-Istati Uniti tal-Amerka), |
|
— |
Global Infrastructure Partners (“GIP”, l-Istati Uniti tal-Amerka), |
|
— |
Cascade Investment, L.L.C. (“Cascade”, l-Istati Uniti tal-Amerka), |
|
— |
Signature Aviation plc (“Signature”, ir-Renju Unit). |
Blackstone, GIP u Cascade jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab ta’ Signature.
Il-konċentrazzjoni hija mwettqa permezz ta’ offerta pubblika mħabbra fil-5 ta’ Frar 2021.
2.
L-attivitajiet kummerċjali tal-impriżi kkonċernati huma:|
— |
Blackstone: ġestjoni tal-assi globali, li tinvesti tul firxa wiesgħa ta’ kategoriji tal-assi bħalma hija l-ekwità privata, il-proprjetà immobbli, id-dejn pubbliku u l-ekwità, l-ekwità tat-tkabbir u fondi sekondarji. |
|
— |
GIP: investitura tal-infrastruttura indipendenti ffokat fuq is-setturi tat-trasport, l-enerġija, l-iskart u l-ilma. Il-klijenti ta’ GIP jinkludu fondi tal-pensjonijiet globali, fondi ta’ investimenti sovrani u investituri oħra. |
|
— |
Cascade: entità ta’ investiment privat li tiġġestixxi l-assi ta’ William H. Gates III. Cascade hija primarjament attiva fl-Amerka ta’ Fuq. |
|
— |
Signature: tħaddem network ta’ operazzjonijiet globali fissi għal vjaġġaturi li jużaw l-avjazzjoni tan-negozju u dik ġenerali, tipprovdi servizzi primjum ta’ appoġġ għat-titjiriet, inklużi servizzi ta’ karburant u mhux tal-karburant, xogħol fuq ir-rampa u appoġġ relatat mat-titjiriet għall-passiġġieri, l-ekwipaġġ u l-ajruplani. Signature tipprovdi wkoll servizzi ta’ tiswija u reviżjoni ta’ magni u komponenti minn postijiet fl-Istati Uniti tal-Amerka, ir-Renju Unit, l-Amerka t’Isfel u l-Asja, li hija qablet li tbiegħ lil terza persuna. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10200 — Blackstone/GIP/Cascade/Signature
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles / Brussel |
|
Belgique / België |
(1) ĠU L 24, 29.1.2004, p. 1 (ir-“Regolament dwar l-Għaqdiet”).