|
2.2.2023 |
GA |
Iris Oifigiúil an Aontais Eorpaigh |
L 30/16 |
CINNEADH (CBES) 2023/219 ÓN gCOISTE POLAITIÚIL AGUS SLÁNDÁLA
an 31 Eanáir 2023
maidir le ceapachán an Chinn Misin ar Mhisean Faireacháin an Aontais Eorpaigh sa tSeoirsia (EUMM Georgia) (EUMM GEORGIA/1/2023)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe an tríú mír d’Airteagal 38 de,
Ag féachaint do Chinneadh 2010/452/CBES ón gComhairle an 12 Lúnasa 2010 maidir le Misean Faireacháin an Aontais Eorpaigh sa tSeoirsia, EUMM Georgia (1), agus go háirithe Airteagal 10(1) de,
De bharr an mhéid seo a leanas:
|
(1) |
De bhun Airteagal 10(1) de Chinneadh 2010/452/CBES, údaraítear an Coiste Polaitiúil agus Slándála, i gcomhréir leis an tríú mír d’Airteagal 38 den Chonradh, na cinntí ábhartha a ghlacadh chun rialú polaitiúil agus treoir straitéiseach Mhisean Faireacháin an Aontais Eorpaigh sa tSeoirsia (EUMM Georgia) a fheidhmiú, lena n-áirítear an cinneadh Ceann Misin a cheapadh. |
|
(2) |
An 11 Feabhra 2020, ghlac an Coiste Polaitiúil agus Slándála Cinneadh (CBES) 2020/200 (2) lena gceaptar Marek SZCZYGIEŁ mar Cheann Misin ar Mhisean Faireacháin an Aontais Eorpaigh sa tSeoirsia (EUMM Georgia) ón 15 Márta 2020 go dtí an 14 Nollaig 2020. |
|
(3) |
An 25 Samhain 2021, ghlac an Coiste Polaitiúil agus Slándála Cinneadh (CBES) 2021/2163 (3), lenar cuireadh síneadh le sainordú Marek SZCZYGIEŁ mar Cheann Misin ar EUMM Georgia ón 15 Nollaig 2021 go dtí an 14 Nollaig 2022. |
|
(4) |
An 25 Samhain 2022, ghlac an Chomhairle Cinneadh (CBES) 2022/2318 (4) lena gcuirtear síneadh le sainordú EUMM Georgia go dtí an 14 Nollaig 2024. |
|
(5) |
An 25 Eanáir 2023, mhol Ardionadaí an Aontais do Ghnóthaí Eachtracha agus don Bheartas Slándála go gceapfaí Dimitrios KARABALIS mar Cheann Misin ar EUMM Georgia go dtí an 14 Nollaig 2023. |
|
(6) |
Ba cheart, dá bhrí sin, cinneadh a ghlacadh maidir le Dimitrios KARABALIS a cheapadh mar Cheann Misin ar EUMM Georgia ón 1 Feabhra 2023 go dtí 14 Nollaig 2023, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar Dimitrios KARABALIS mar Cheann Misin ar Mhisean ar EUMM Georgia ón 1 Feabhra 2023 go dtí an 14 Nollaig 2023.
Airteagal 2
Tiocfaidh an Cinneadh seo i bhfeidhm ar dháta a ghlactha.
Beidh feidhm aige ón 1 Feabhra 2023.
Arna dhéanamh sa Bhruiséil, an 31 Eanáir 2023.
Thar ceann an Choiste Pholaitiúil agus Slándála
D. PRONK
An Cathaoirleach
(1) IO L 213, 13.8.2010, lch. 43.
(2) Cinneadh (CBES) 2020/200 ón gCoiste Polaitiúil agus Slándála an 11 Feabhra 2020 maidir le ceapadh an Chinn Misin ar Mhisean Faireacháin an Aontais Eorpaigh sa tSeoirsia (EUMM Georgia) agus lena n-aisghairtear Cinneadh (CBES) 2018/2075 (EUMM Georgia/1/2020) (IO L 42, 14.2.2020, lch. 15).
(3) Cinneadh (CBES) 2021/2163 ón gCoiste Polaitiúil agus Slándála an 25 Samhain 2021 lena gcuirtear síneadh le sainordú an Chinn Misin ar Mhisean Faireacháin an Aontais Eorpaigh sa tSeoirsia (EUMM GEORGIA) (EUMM GEORGIA/1/2021) (IO L 437, 7.12.2021, lch. 3).
(4) Cinneadh (CBES) 2022/2318 ón gComhairle an 25 Samhain 2022 lena leasaítear Cinneadh 2010/452/CBES maidir le Misean Faireacháin an Aontais Eorpaigh sa tSeoirsia, EUMM Georgia (IO L 307, 28.11.2022, lch. 133).