|
21.4.2023 |
GA |
Iris Oifigiúil an Aontais Eorpaigh |
C 138/7 |
Réamhfhógra faoi chomhchruinniú
(Cás M.11097 – ROCKY / CENTERBRIDGE / INDUS REIT)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2023/C 138/06)
1.
An 13 Aibreán 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Rocky Industrial LLC (“Rocky”, na Stáit Aontaithe), faoi rialú GIC (Realty) Private Limited (“GIC Realty”, Singeapór), |
|
— |
Centerbridge Partners, L.P. (“Centerbridge”, na Stáit Aontaithe), |
|
— |
INDUS Realty Trust, Inc. (“INDUS”, na Stáit Aontaithe). |
Gheobhaidh Rocky agus Centerbridge rialú comhpháirteach ar INDUS de réir bhrí Airteagail 3(1)(b) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Is fochuideachta indíreach ag GIC Realty é Rocky atá bunaithe i Singeapór agus a dhíríonn ar úinéireacht sócmhainní eastáit réadaigh thar ceann rialtas Shingeapór. Tá gníomhaíochtaí Rocky teoranta do na Stáit Aontaithe. |
|
— |
Is gnólacht bainistíochta infheistíochta é Centerbridge, a infheistíonn i gcuideachtaí ar fud an domhain. Baineann Centerbridge úsáid as cur chuige solúbtha ar fud disciplíní infheistíochta — ó chothromas príobháideach go creidmheas agus straitéisí gaolmhara, agus réadmhaoin — d’fhonn na deiseanna is tarraingtí a aimsiú dá infheisteoirí agus dá chomhpháirtithe gnó. |
|
— |
Is gnó réadmhaoine é INDUS atá ag gabháil do mhaoin thionsclaíoch agus lóistíochta ar ardchaighdeán a fhorbairt, a fháil, a bhainistiú agus a léasú sna Stáit Aontaithe. Is cuideachta atá liostaithe go poiblí agus atá liostaithe ar stocmhalartán NASDAQ é INDUS. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.11097 – ROCKY / CENTERBRIDGE / INDUS REIT
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).