|
6.8.2009 |
MT |
Il-Ġurnal Uffiċjali tal-Unjoni Ewropea |
L 204/43 |
DEĊIŻJONI TAL-KUMMISSJONI
tal-5 ta’ Awwissu 2009
li temenda l-Anness I tad-Deċiżjoni 2004/233/KE fir-rigward tal-entrati għall-Ġermanja fil-lista tal-laboratorji awtorizzati biex jiċċekkjaw l-effikaċja tat-tilqim kontra l-idrofobja f’ċerti karnivori domestiċi
(notifikata bid-dokument numru C(2009) 6105)
(Test b’relevanza għaż-ŻEE)
(2009/601/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 2000/258/KE tal-20 ta’ Marzu 2000 li taħtar istituzzjoni speċifika sabiex tkun responsabbli biex tistabbilixxi l-kriterji neċessarji għall-istandardizzazzjoni ta’ testijiet seroloġiċi biex issegwi l-effettività tat-tilqim kontra l-idrofobija (1), u b’mod partikolari l-Artikolu 3 tagħha,
Billi:
|
(1) |
Id-Deċiżjoni 2000/258/KE ħatret lil-laboratorju tal-Agence Française de Sécurité Sanitaire des Aliments de Nancy (il-laboratorju tal-AFSSA, Nancy), Franza, bħala l-istituzzjoni speċifika responsabbli sabiex tistabbilixxi l-kriterji meħtieġa għall-istandardizzazzjoni tat-testijiet seroloġiċi biex tissegwa l-effettività tal-vaċċini tal-idrofobija. |
|
(2) |
Dik id-Deċiżjoni tistipula wkoll li l-Laboratorju tal-AFSSA, Nancy, għandu jibgħat lill-Kummissjoni l-elenku ta' dawk il-laboratorji Komunitarji li għandhom jingħataw l-awtorizzazzjoni biex iwettqu dawn it-testijiet seroloġiċi. Għaldaqstant, il-Laboratorju tal-AFSSA, Nancy, iħaddem il-proċedura stabbilita tal-verifika tal-profiċjenza biex jevalwa l-laboratorji qabel toħroġ l-awtorizzazzjoni biex jitwettqu t-testijiet seroloġiċi. |
|
(3) |
Id-Deċiżjoni tal-Kummissjoni 2004/233/KE tal-4 ta' Marzu 2004 li tawtorizza l-laboratorji sabiex jiċċekkjaw l-effikaċja tal-vaċċinazzjoni kontra l-idrofobja fuq ċerti annimali domestiċi karnivori (2), tistabbilixxi lista ta’ laboratorji awtorizzati fl-Istati Membri li ġew approvati fuq il-bażi tar-riżultati tal-verifika tal-profiċjenza kkomunikati mil-Laboratorju tal-AFSSA, Nancy. |
|
(4) |
Il-Ġermanja talbet li laboratorju minnhom jitneħħa mil-lista ta’ laboratorji awtorizzati stipulati fl-Anness I tad-Deċiżjoni 2004/233/KE, fir-rigward tal-entrati għal dak l-Istat Membru. |
|
(5) |
Għalhekk, id-Deċiżjoni 2004/233/KE għandha tiġi emendata skont dan. |
|
(6) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Fl-Anness I tad-Deċiżjoni 2004/233/KE, l-entrata nru 3 għall-Ġermanja għandha titħassar.
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, il-5 ta’ Awwissu 2009.
Għall-Kummissjoni
Androulla VASSILIOU
Membru tal-Kummissjoni