|
5.6.2007 |
MT |
Il-Ġurnal Uffiċjali ta’ l-Unjoni Ewropea |
648 |
DEĊIŻJONI TAL-KUMMISSJONI
tat-30 ta' Novembru 2006
li tirrevoka d-Deċiżjoni tal-Kummissjoni 2005/613/KE li taċċetta impenji offruti b'konnessjoni mal-proċediment anti-dumping fir-rigward ta' l-importazzjonijiet ta' fibri prinċipali tal-poliester li joriġinaw, inter alia, fl-Għarabja Sawdita.
(innotifikata taħt document numru C(2006) 5776)
(2006/864/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 384/96 tat-22 ta' Diċembru 1995 dwar il-protezzjoni kontra importazzjonijiet li huma l-oġġett ta' dumping minn pajjiżi li mhumiex Membri tal-Komunità Ewropea (1), u partikolarment l-Artikoli 8 u 9 tiegħu,
Wara li kkonsultat il-Kumitat Konsultattiv,
Billi:
A. IL-PROĊEDURA TA' QABEL
|
(1) |
F'Marzu 2005, il-Kunsill, bir-Regolament (KE) Nru 428/2005 (2), impona dazju anti-dumping definittiv fuq l-importazzjonijiet ta' fibri prinċipali tal-poliester li joriġinaw fir-Repubblika tal-Poplu taċ-Ċina u fl-Għarabja Sawdita, emenda d-dazji anti-dumping definittivi fis-seħħ fuq l-importazzjonijiet ta' l-istess prodott li joriġina fir-Repubblika tal-Korea u għalaq il-proċediment ta' l-anti-dumping relatat ma' l-importazzjonijiet ta' l-istess prodott li joriġina fit-Tajwan. |
|
(2) |
Il-Kummissjoni, bid-Deċiżjoni 2005/613/KE tat-18 ta' Lulju 2005 (3), aċċettat impenn ta' prezz offrut mill-kumpanija fl-Għarabja Sawdita Saudi Basic Industries Corporation (Sabic) (il-“Kumpanija”) u l-kumpaniji tagħha kollha relatati, inklużi l-produttur relatat tal-prodott ikkonċernat, Arabian Industrial Fibres Company (Ibn Rushd). |
B. L-IRTIRAR VOLONTARJU TA' IMPENN
|
(3) |
Il-Kumpanija avżat lill-Kummissjoni f'Awissu 2006 li xtaqet tirtira l-impenn. |
C. REVOKA TAD-DEĊIŻJONI 2005/613/KE
|
(4) |
Fid-dawl ta' dan ta' hawn fuq, l-aċċettazzjoni ta' l-impenn għandha tiġi rtirata u d-Deċiżjoni tal-Kummissjoni 2005/613/KE għandha tiġi rrevokata, |
IDDEĊIDIET:
Artikolu 1
Id-Deċiżjoni tal-Kummissjoni 2005/613/KE hija hawnhekk revokata.
Artikolu 2
Din id-Deċiżjoni għandha tidħol fis-seħħ l-għada tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Magħmul fi Brussel, 30 ta' Novembru 2006.
Għall-Kummissjoni
Peter MANDELSON
Membru tal-Kummissjoni
(1) ĠU L 56, 6.3.1996, p. 1. Ir-Regolament kif emendat l-aħħar mir-Regolament (KE) Nru 2117/2005, ĠU L 340, 23.12.2005, p. 17.
(2) ĠU L 71, 17.3.2005, p. 1. Ir-Regolament kif emendat l-aħħar bir-Regolament (KE) Nru 1333/2005, ĠU L 211, 13.8.2005, p. 1.