Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/3165 |
19.12.2024 |
RIALACHÁN CUR CHUN FEIDHME (AE) 2024/3165 ÓN gCOIMISIÚN
an 18 Nollaig 2024
lena leasaítear Rialachán (CE) Uimh. 499/96 ón gComhairle a mhéid a bhaineann le taraif-chuótaí an Aontais le haghaidh táirgí áirithe éisc agus iascaigh de thionscnamh na hÍoslainne
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 499/96 ón gComhairle an 19 Márta 1996, lena n-osclaítear taraif-chuótaí le haghaidh táirgí áirithe éisc agus iascaigh de thionscnamh na hÍoslainne (1) agus lena ndéantar foráil maidir lena riar, agus go háirithe Airteagal 5(1), pointí (a) agus (d), de,
De bharr an mhéid seo a leanas:
|
(1) |
Le Cinneadh an 21 Aibreán 2016 (2), thug an Chomhairle údarú do shíniú, thar ceann an Aontais Eorpaigh, agus do chur i bhfeidhm sealadach an Chomhaontaithe idir an tAontas Eorpach, an Íoslainn, Prionsacht Lichtinstéin agus Ríocht na hIorua maidir le Sásra Airgeadais LEE 2014–2021, an Chomhaontaithe idir Ríocht na hIorua agus an tAontas Eorpach maidir le Sásra Airgeadais na hIorua le haghaidh na tréimhse 2014–2021, an Phrótacail Breise a ghabhann leis an gComhaontú idir Comhphobal Eacnamaíochta na hEorpa agus Ríocht na hIorua agus an Phrótacail Breise a ghabhann leis an gComhaontú idir Comhphobal Eacnamaíochta na hEorpa agus an Íoslainn (‘Prótacal Breise 2016–2021’). |
|
(2) |
Le Prótacal Breise 2016–2021, déantar foráil maidir le trí tharaif-chuóta saor ó dhleacht ar tháinig deireadh leo an 30 Aibreán 2014 agus maidir le taraif-chuóta nua saor ó dhleacht amháin a athnuachan chun táirgí áirithe éisc agus iascaigh áirithe de thionscnamh na hÍoslainne a scaoileadh i saorchúrsaíocht san Aontas Eorpach, go dtí an 30 Aibreán 2021. |
|
(3) |
Ina theannta sin, foráiltear le Prótacal Breise 2016–2021, i gcás mhéideanna na dtaraif-chuótaí lena gcumhdaítear an tréimhse ón 1 Bealtaine 2014 go dtí an dáta a bheidh éifeacht lena chur i bhfeidhm sealadach, go ndéanfar iad a leithdháileadh go comhréireach agus a chur ar fáil le haghaidh na tréimhse ón dáta a bheidh feidhm shealadach aige go dtí an 30 Aibreán 2021. Ní fhoráiltear leis maidir le haon tabhairt ar aghaidh méideanna atá fágtha i dtaraif-chuóta chuig tréimhse cur i bhfeidhm ina dhiaidh sin. |
|
(4) |
In 2024, tugadh Prótacal Breise nua a ghabhann leis an gComhaontú idir Comhphobal Eacnamaíochta na hEorpa agus Poblacht na hÍoslainne i gcrích (‘Prótacal Breise 2025–2028’) a bhaineann le forálacha speisialta is infheidhme maidir le hallmhairiú táirgí áirithe éisc agus iascaigh de thionscnamh na hÍoslainne isteach san Aontas (3). Déantar foráil san Iarscríbhinn a ghabhann leis maidir le taraif-chuótaí bliantúla saor ó dhleacht le haghaidh scaoileadh i saorchúrsaíocht san Aontas. |
|
(5) |
Beidh feidhm ag na taraif-chuótaí bliantúla saor ó dhleacht a leagtar amach i bPrótacal Breise 2025–2028 ón lá a bheidh éifeacht le cur i bhfeidhm sealadach Phrótacal Breise 2025–2028, go dtí an 30 Aibreán 2028. Ina theannta sin, foráiltear leis, i gcás mhéideanna na dtaraif-chuótaí lena gcumhdaítear an tréimhse ón 1 Bealtaine 2021 go dtí an lá a bheidh feidhm shealadach ag Prótacal Breise 2025–2028, go ndéanfar iad a leithdháileadh go comhréireach ar bhonn bliantúil ón 1 Bealtaine go dtí an 30 Aibreán gach bliain go dtí an 30 Aibreán 2028. |
|
(6) |
Déantar foráil le Prótacal Breise 2025–2028 freisin maidir le haistriú mhéideanna cuótaí carntha na dtaraif-chuótaí sin nár úsáideadh ar feadh tréimhse suas le 2 bhliain tar éis deireadh a theacht lena chur i bhfeidhm, ach nach faide ná cur i bhfeidhm sealadach prótacail ina dhiaidh sin lena mbunaítear cuótaí saor ó dhleacht le haghaidh na dtáirgí céanna. |
|
(7) |
Tiocfaidh Prótacal Breise 2025–2028 i bhfeidhm go sealadach an 1 Eanáir 2025. |
|
(8) |
Chun a áirithiú go mbeidh na taraif-chuótaí ar fáil ón dáta a thiocfaidh Prótacal Breise 2025-2028 i bhfeidhm go sealadach ar aghaidh, ba cheart feidhm a bheith ag na taraif-chuótaí dá bhforáiltear sa Rialachán seo ón 1 Eanáir 2025. |
|
(9) |
Is gá leasú a dhéanamh ar Rialachán (CE) Uimh. 499/96 chun na taraif-chuótaí a leagtar síos i bPrótacal Breise 2025–2028 a chur chun feidhme. |
|
(10) |
Dá bhrí sin, ba cheart Rialachán (CE) Uimh. 499/96 a leasú dá réir sin. |
|
(11) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (CE) Uimh. 499/96 mar a leanas:
|
(1) |
In Airteagal 1, cuirtear an mhír seo a leanas isteach: ‘5. Leis na taraif-chuótaí a bhfuil na sraithuimhreacha 09.0834 go 09.0841 orthu, cumhdófar an tréimhse ón 1 Bealtaine 2021 go dtí an 30 Aibreán 2028. I gcás nach n-ídeofar na taraif-chuótaí le linn na tréimhse sin, agus i gcás nach gcuirfear i bhfeidhm go sealadach aon phrótacal ina dhiaidh sin lena mbunófar taraif-chuótaí saor ó dhleacht le haghaidh na dtáirgí céanna, féadfar allmhairí ón Íoslainn a dhéanamh i leith an mhéid cuótaí comhiomlánaithe a bheidh fágtha de na taraif-chuótaí sin go ceann tréimhse suas le 2 bhliain tar éis dheireadh thréimhse an chur i bhfeidhm seo, ach ní féidir é a dhéanamh ar feadh tréimhse níos faide ná cur i bhfeidhm sealadach prótacail ina dhiaidh sin lena mbunaítear taraif-chuótaí saor ó dhleacht le haghaidh na dtáirgí céanna.’ |
|
(2) |
San Iarscríbhinn tar éis shraithuimhir 09.0700, cuirtear isteach an téacs atá san Iarscríbhinn a ghabhann leis an Rialachán seo. |
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2025 ar aghaidh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 18 Nollaig 2024.
Thar ceann an Choimisiúin
An tUachtarán
Ursula VON DER LEYEN
(1) IO L 75, 23.3.1996, lch. 8, ELI: http://data.europa.eu/eli/reg/1996/499/2016-08-01.
(2) Cinneadh (AE) 2016/837 ón gComhairle an 21 Aibreán 2016 maidir le síniú, thar ceann an Aontais Eorpaigh, agus cur i bhfeidhm sealadach an Chomhaontaithe idir an tAontas Eorpach, an Íoslainn, Prionsacht Lichtinstéin agus Ríocht na hIorua maidir le Sásra Airgeadais LEE 2014-2021, an Chomhaontaithe idir Ríocht na hIorua agus an tAontas Eorpach maidir le Sásra Airgeadais na hIorua le haghaidh na tréimhse 2014–2021, an Phrótacail Breise a ghabhann leis an gComhaontú idir Comhphobal Eacnamaíochta na hEorpa agus Ríocht na hIorua agus an Phrótacail Breise a ghabhann leis an gComhaontú idir Comhphobal Eacnamaíochta na hEorpa agus an Íoslainn (IO L 141, 28.5.2016, lch. 1 ELI: http://data.europa.eu/eli/dec/2016/837/oj).
(3) Prótacal Breise a ghabhann leis an gComhaontú idir Comhphobal Eacnamaíochta na hEorpa agus Poblacht na hÍoslainne (IO L, 2024/2601, 8.10.2024, ELI: http://data.europa.eu/eli/prot/2024/2601/oj).
IARSCRÍBHINN
|
Sraithuimhir |
|
Cód AC |
Foroinn TARIC |
Tuairisc ar tháirgí |
Tréimhse an chuóta |
Méid an chuóta (ina thonaí glanmheáchain mura sonraítear a mhalairt) |
Dleacht an chuóta (%) |
|
09.0839 |
|
0303 51 00 |
|
Scadáin (Clupea harengus, Clupea pallasii), reoite2 |
Ón 1.1.2025 go dtí an 30.4.2025 |
280 |
0 |
|
Ón 1.5.2025 go dtí an 30.4.2026 |
840 |
||||||
|
Ón 1.5.2026 go dtí an 30.4.2027 |
840 |
||||||
|
Ón 1.5.2027 go dtí an 30.4.2028 |
840 |
||||||
|
09.0840 |
|
0304 49 50 |
|
Filléid peirsí mara (Sebastes spp.), iad úr nó fuaraithe |
Ón 1.1.2025 go dtí an 30.4.2025 |
1 750 |
0 |
|
Ón 1.5.2025 go dtí an 30.4.2026 |
5 250 |
||||||
|
Ón 1.5.2026 go dtí an 30.4.2027 |
5 250 |
||||||
|
Ón 1.5.2027 go dtí an 30.4.2028 |
5 250 |
||||||
|
09.0841 |
|
0306 15 00 |
|
Gliomaigh reoite na hIorua (Nephrops norvegicus) |
Ón 1.1.2025 go dtí an 30.4.2025 |
70 |
0 |
|
Ón 1.5.2025 go dtí an 30.4.2026 |
210 |
||||||
|
Ón 1.5.2026 go dtí an 30.4.2027 |
210 |
||||||
|
Ón 1.5.2027 go dtí an 30.4.2028 |
210 |
||||||
|
09.0834 |
|
1604 19 92 1604 20 90 |
|
Ullmhóidí de throisc agus éisc eile |
Ón 1.1.2025 go dtí an 30.4.2025 |
1 400 |
0 |
|
Ón 1.5.2025 go dtí an 30.4.2026 |
4 200 |
||||||
|
Ón 1.5.2026 go dtí an 30.4.2027 |
4 200 |
||||||
|
Ón 1.5.2027 go dtí an 30.4.2028 |
4 200 |
||||||
|
09.0835 |
|
|
|
Úr nó fuaraithe: |
Ón 1.1.2025 go dtí an 30.4.2025 Ón 1.5.2025 go dtí an 30.4.2026 Ón 1.5.2026 go dtí an 30.4.2027 Ón 1.5.2027 go dtí an 30.4.2028 |
3 850 11 550 11 550 11 550 |
0 |
|
|
0302 23 00 |
|
Sóil (Solea spp.) |
||||
|
|
0302 24 00 0302 29 |
|
Turbard (Psetta maxima) Scoilteáin (Lepidorhombus spp.) agus leathóga eile |
||||
|
|
0302 59 90 |
|
Éisc de na finte Bregmacerotidae, Euclichthyidae, Gadidae, Macrouridae, Melanonidae, Merlucciidae, Moridae agus Muraenolepididae |
||||
|
|
0302 82 00 |
|
Roic agus sciataí (Rajidae) |
||||
|
|
0302 89 50 |
|
Láimhínigh (Lophius spp.) |
||||
|
|
0302 89 90 |
|
Éisc úra nó fhuaraithe eile |
||||
|
|
|
|
Reoite: |
||||
|
|
0303 32 00 |
|
Leathóga ballacha (Pleuronectes platessa) |
||||
|
|
0303 39 85 |
|
Éisc leathógacha |
||||
|
ex |
0303 59 90 |
10 |
Ronnaigh Indiacha (Rastrelliger spp.) |
||||
|
|
0303 69 90 |
|
Éisc de na finte Bregmacerotidae, Euclichthyidae, Gadidae, Macrouridae, Melanonidae, Merlucciidae, Moridae agus Muraenolepididae |
||||
|
|
0303 82 00 |
|
Roic agus sciataí (Rajidae) |
||||
|
|
0303 89 90 |
|
Éisc eile |
||||
|
|
0303 99 00 |
|
Eití, cinn, eireabaill, lamhnáin snámha agus scairteach éisc inite eile |
||||
|
|
|
|
Filléid úra nó fhuaraithe: |
||||
|
|
0304 43 00 |
|
Leathóga (Pleuronectidae, Bothidae, Cynoglossidae, Soleidae, Scophthalmidae agus Citharidae) |
||||
|
ex |
0304 44 90 |
90 |
Éisc de na finte Bregmacerotidae, Euclichthyidae, Gadidae, Macrouridae, Melanonidae, Merlucciidae, Moridae agus Muraenolepididae |
||||
|
|
0304 46 00 |
|
Déadiasc |
||||
|
|
0304 49 10 |
|
Éisc fionnuisce |
||||
|
|
0304 49 90 |
|
Éisc eile, nach sonraítear in aon áit eile |
||||
|
|
|
|
|
||||
|
|
0304 95 10 |
|
Suiréime reoite |
||||
|
|
|
|
|
||||
|
09.0836 |
|
0305 39 10 0305 42 00 0305 69 50 0305 41 00 |
|
Filléid bhradáin, iad saillte nó faoi sháile, ach gan a bheith deataithe Scadáin dheataithe Bradáin atá saillte nó faoi sháile amháin Bradáin dheataithe, lena n-áirítear filléid |
Ón 1.1.2025 go dtí an 30.4.2025 Ón 1.5.2025 go dtí an 30.4.2026 Ón 1.5.2026 go dtí an 30.4.2027 Ón 1.5.2027 go dtí an 30.4.2028 |
35 105 105 105 |
0 |
|
09.0837 |
|
0305 72 00 0305 79 00 0305 43 00 0305 49 80 1604 11 00 1604 20 10 1605 61 00 1605 62 00 |
|
Cinn éisc, eireabaill éisc agus lamhnáin snámha éisc, iad deataithe, triomaithe, saillte nó faoi sháile Eití éisc agus scairteach éisc inite eile, iad deataithe, triomaithe, saillte nó faoi sháile Bric dheataithe (Salmo trutta, Oncorhynchus mykiss, Oncorhynchus clarki, Oncorhynchus aguabonita, Oncorhynchus gilae, Oncorhynchus apache agus Oncorhynchus chrysogaster) Éisc eile atá deataithe Bradán ullmhaithe nó leasaithe, é ina iomlán nó ina phíosaí, ach gan bheith mionaithe Bradán ullmhaithe nó leasaithe eile Súmaire cladaigh ullmhaithe nó leasaithe Cuáin mhara ullmhaithe nó leasaithe |
Ón 1.1.2025 go dtí an 30.4.2025 Ón 1.5.2025 go dtí an 30.4.2026 Ón 1.5.2026 go dtí an 30.4.2027 Ón 1.5.2027 go dtí an 30.4.2028 |
1 365 4 095 4 095 4 095 |
|
|
09.0838 |
|
0302 22 00 0302 59 20 0304 49 10 0304 52 00 0304 89 10 0305 69 80 0304 82 10 0304 82 90 0302 59 40 0305 53 90 0303 14 20 0303 14 90 0302 14 00 0303 13 00 0304 41 00 0304 81 00 |
|
Leathóga úra nó fuaraithe (Pleuronectes platessa) Faoitíní úra nó fuaraithe (Merlangius merlangus) Filléid d’éisc fionnuisce, iad úr nó fuaraithe, nach sonraítear in aon áit eile Feoil úr nó fhuaraithe Salmainidí, bíodh sí mionaithe nó ná bíodh Filléid d’éisc fionnuisce, iad reoite, nach sonraítear in aon áit eile Éisc eile, atá saillte nó faoi sháile amháin Filléid reoite ó bhric (Salmo trutta, Oncorhynchus mykiss, Oncorhynchus clarki, Oncorhynchus aguabonita, Oncorhynchus gilae) Langaí (Molva spp.) úra nó fuaraithe Éisc thriomaithe de na finte Bregmacerotidae, Euclichthyidae, Gadidae, Macrouridae, Melanonidae, Merlucciidae, Moridae agus Muraenolepididae, seachas troisc Bric ‘oncorhynchus mykiss’ atá reoite, a bhfuil na cinn agus na geolbhaigh orthu, iad glanta Bradáin úra nó fhuaraithe an Atlantaigh ‘Salmo salar’ agus bradáin úra nó fhuaraithe na Danóibe ‘Hucho hucho’ Bradáin an Atlantaigh ‘Salmo salar’ agus bradáin na Danóibe ‘Hucho hucho’, iad reoite Filléid úra nó fhuaraithe ó bhradáin an Aigéin Chiúin (Oncorhynchus nerka, Oncorhynchus gorbuscha, Oncorhynchus keta, Oncorhynchus tschawytscha, Oncorhynchus kisutch, Oncorhynchus masou agus Oncorhynchus rhodurus), bradáin an Atlantaigh (Salmo salar) agus bradáin na Danóibe (Hucho hucho) Filléid reoite de bhradáin an Aigéin Chiúin (Oncorhynchus nerka, Oncorhynchus gorbuscha, Oncorhynchus keta, Oncorhynchus tschawytscha, Oncorhynchus kisutch, Oncorhynchus masou agus Oncorhynchus rhodurus), bradáin an Atlantaigh (Salmo salar) agus bradáin na Danóibe (Hucho hucho) |
Ón 1.1.2025 go dtí an 30.4.2025 Ón 1.5.2025 go dtí an 30.4.2026 Ón 1.5.2026 go dtí an 30.4.2027 Ón 1.5.2027 go dtí an 30.4.2028 |
1 750 5 250 5 250 5 250 |
0 |
ELI: http://data.europa.eu/eli/reg_impl/2024/3165/oj
ISSN 1977-0839 (electronic edition)