L_2009079MT.01004701.xml

TRADUZZJONI

Skambju ta’ Ittri bejn l-Unjoni Ewropea u L-Gvern tal-Kenja dwar il-Kondizzjonijiet u l-modalitajiet tat-trasferiment ta’ persuni suspettati li kkommettew atti ta’ piraterija u li nżammu mill-Forzi Navali mmexxija mill-Unjoni Ewropea (EUNAVFOR), u proprjetà maqbuda fil-pussess tal-EUNAVFOR, mill-EUNAVFOR lill-Kenja u għat-trattament tagħhom wara tali trasferiment

A. Ittra mill-Unjoni Ewropea

Nairobi, 6 ta’ Marzu 2009, 10.15 am

Sinjur,

B'referenza għall-ittra tiegħi ddatata l-14 ta’ Novembru 2008 u l-ittra tiegħek iddatata l-5 ta’ Diċembru 2008, jiena għandi l-unur nikkonferma l-intenzjoni tal-Unjoni Ewropea li tikkonkludi Skambju ta’ Ittri mal-Gvern tal-Kenja bil-ħsieb li jiġu ddefiniti l-kondizzjonijiet u l-modalitajiet għat-trasferiment ta’ persuni suspettati li kkommettew atti ta’ piraterija fl-ibħra internazzjonali u miżmuma mill-Forzi Navali mmexxija mill-Unjoni Ewropea (EUNAVFOR), u proprjetà maqbuda fil-pussess tal-EUNAVFOR, mill-EUNAVFOR lill-Kenja, u t-trattament tagħhom wara tali trasferiment.

Dan l-Iskambju ta’ Ittri huwa konkluż fil-qafas tal-Azzjoni Konġunta tal-Kunsill tal-UE 2008/851/PESK tal-10 ta’ Novembru 2008 dwar l-operazzjoni militari tal-Unjoni Ewropea sabiex tikkontribwixxi għad-deterrenza, il-prevenzjoni u t-trażżin tal-atti ta’ piraterija u ta’ serq bl-użu tal-armi 'l barra mix-xtut tas-Somalja (operazzjoni “Atalanta”).

Barra minn hekk, dan l-Iskambju ta’ Ittri ma jaffettwax id-drittijiet u l-obbligi tal-parteċipanti taħt ftehimiet internazzjonali u strumenti oħra li jistabbilixxu qrati u tribunali internazzjonali, u liġijiet domestiċi rilevanti, u huwa konkluż b'rispett sħiħ ta’:

—	ir-Riżoluzzjonijiet 1814 (2008), 1838 (2008), 1846 (2008), 1851 (2008) tal-Kunsill tas-Sigurtà tan-Nazzjonijiet Uniti (UNSCR) u riżoluzzjonijiet suċċessivi tal-KSNU,

—	il-Konvenzjoni tal-1982 tan-Nazzjonijiet Uniti dwar il-Liġi tal-Baħar (UNCLOS), b'mod partikolari l-Artikoli 100 sa 107,

—	il-Liġi Internazzjonali dwar id-Drittijiet tal-Bniedem, inkluż il-Patt Internazzjonali tal-1966 dwar id-Drittijiet Ċivili u Politiċi, u l-Konvenzjoni tal-1984 kontra t-Tortura u Trattamenti jew Pieni Oħra Krudili, Inumani jew Degradanti.

Għalhekk, għandi l-unur nipproponi, kif stabbilit fl-Anness għal din l-ittra, tali dispożizzjonijiet li jiddefinixxu l-kondizzjonijiet u l-modalitajiet tat-trasferiment ta’ persuni suspettati li kkommettew atti ta’ piraterija u li nżammu mill-EUNAVFOR, u proprjetà maqbuda fil-pussess tal-EUNAVFOR, mill-EUNAVFOR lill-Kenja u għat-trattament tagħhom wara tali trasferiment.

Inkun grat jekk inti tkun tista’ tikkonferma li taċċetta dawk id-dispożizzjonijiet f'isem il-Gvern tal-Kenja.

Dan l-Istrument ser ikun applikat provviżorjament mid-data li fiha jkun iffirmat u ser jidħol fis-seħħ meta kull wieħed mill-Parteċipanti jkun temm il-proċeduri interni tiegħu stess. Dan l-Istrument ser ikompli jkollu effett sa sitt xhur wara li kwalunkwe wieħed mill-parteċipanti jkun ta lill-Firmatarju l-ieħor notifika bil-miktub dwar deċiżjoni sabiex jiġi terminat l-istrument. Dan l-Istrument jista’ jkun varjat permezz ta’ arranġamenti reċiproċi bejn il-Firmatarji. It-tmiem ta’ dan l-istrument mhux ser jaffettwa kwalunkwe benefiċċju jew obbligu li jirriżultaw mill-applikazzjoni ta’ dan l-istrument qabel tali tmiem, inkluż il-benefiċċji għal kwalunkwe persuna trasferita sakemm tkun fil-kustodja jew tkun imħarrka mill-Kenja.

Wara t-tmiem tal-Operazzjoni, kif definit fl-Anness ma’ din l-Ittra, il-benefiċji kollha tal-EUNAVFOR, kif definiti f'dak l-Anness, taħt dan l-Istrument jistgħu jkunu eżerċitati minn kwalunkwe persuna jew entità maħtura mill-Istat li jeżerċita l-Presidenza tal-Kunsill tal-UE. Kull persuna jew entità maħtura tista’, fost l-oħrajn, tkun aġent diplomatiku jew uffiċjal konsulari ta’ dak l-Istat akkreditat lill-Kenja. Wara t-tmiem tal-Operazzjoni, in-notifiki kollha li kienu ser isiru lill-EUNAVFOR taħt dan l-istrument ser isiru lill-Istat li jeżerċita l-Presidenza tal-Kunsill tal-UE.

Nassigurak, Sinjur, mill-ikbar stima li għandi lejk.

Għall-Unjoni Ewropea

ANNESS

DISPOŻIZZJONIJIET DWAR IL-KONDIZZJONIJIET TAT-TRASFERIMENT TA’ PIRATI SUSPETTATI U TA’ PROPRJETÀ MAQBUDA MILL-FORZI NAVALI MMEXXIJA MILL-UE LIR-REPUBBLIKA TAL-KENJA

1. Definizzjonijiet

Għall-finijiet ta’ dan l-Iskambju ta’ Ittri:

(a)	“Forza Navali mmexxija mill-Unjoni Ewropea (EUNAVFOR)” tfisser kwartieri ġenerali militari tal-UE u kontinġenti nazzjonali li jikkontribwixxu fl-operazzjoni “Atalanta” tal-EU, il-bastimenti, l-inġenji tal-ajru u l-assi tagħhom;

(b)	“Operazzjoni” tfisser it-tħejjija, l-istabbiliment, l-eżekuzzjoni u l-appoġġ tal-missjoni militari stabbilita mill-Azzjoni Konġunta tal-Kunsill tal-UE 2008/851/PESK u/jew is-suċċessuri tagħha;

(c)	“Kmandant tal-Operazzjoni tal-UE” tfisser il-Kmandant tal-Operazzjoni;

(d)	“Kmandant tal-Forzi tal-UE” tfisser il-Kmandant tal-UE fil-qasam tal-operazzjonijiet kif definit fl-Artikolu 1(2) tal-Azzjoni Konġunta 2008/851/PESK tal-Kunsill tal-UE;

(e)	“kontinġenti nazzjonali” tfisser l-unitajiet u l-bastimenti li jappartjenu lill-Istati Membri tal-Unjoni Ewropea u lill-Istati l-oħrajn li jipparteċipaw fl-operazzjoni;

(f)	“Stat Mittenti” tfisser Stat li jipprovdi kontinġent nazzjonali għall-EUNAVFOR;

(g)	“Piraterija” tfisser piraterija kif definita fl-Artikolu 101 tal-UNCLOS;

(h)	“Persuna trasferita” tfisser kwalunkwe persuna suspettata bl-intenzjoni li tikkommetti, li qed tikkommetti jew li kkommettiet, atti ta’ piraterija trasferita mill-EUNAVFOR lill-Kenja taħt dan l-Iskambju ta’ Ittri.

2. Prinċipji ġenerali

(a)

Il-Kenja ser taċċetta, fuq it-talba tal-EUNAVFOR, it-trasferiment ta’ persuni miżmuma mill-EUNAVFOR b'konnessjoni ma’ piraterija u proprjetà assoċjata maqbuda mill-EUNAVFOR u se tqiegħed lil dawn il-persuni u tali proprjetà f'idejn l-awtoritajiet kompetenti tagħha għall-finijiet ta’ investigazzjoni u prosekuzzjoni.

(b)

Meta jaġixxi taħt dan l-Iskambju ta’ Ittri, l-EUNAVFOR ser tittrasferixxi persuni jew proprjetà biss lill-awtoritajiet kompetenti tal-infurzar tal-liġi tal-Kenja.

(c)

Il-Firmatarji jikkonfermaw li huma ser jittrattaw lill-persuni trasferiti taħt dan l-Iskambju ta’ Ittri, kemm qabel kif ukoll wara t-trasferiment, b'mod uman u skont l-obbligi tad-drittijiet internazzjonali tal-bniedem, inkluż il-projbizzjoni kontra t-tortura u t-trattament jew il-pieni krudili, inumani u degradanti, il-projbizzjoni ta’ detenzjoni arbitrarja u konformement mar-rekwiżit għal proċess ġust.

3. Trattament, prosekuzzjoni u proċess ta’ persuni trasferiti

(a)

Kwalunkwe persuna trasferita ser tkun ittrattata b'mod uman u mhux ser tkun suġġetta għal tortura jew għal trattament jew piena krudili, inumani jew degradanti, ser tirċievi akkomodazzjoni u ikel adegwati, ikollha aċċess għal kura medika u ser tkun tista’ twettaq osservanza reliġjuża.

(b)

Kwalunkwe persuna trasferita ser titressaq fil-pront quddiem imħallef jew uffiċjal ieħor awtorizzat mil-liġi sabiex jeżerċita poter ġudizzjarju, li ser jiddeċiedi mingħajr dewmien dwar kemm hija legali d-detenzjoni tagħha u jordna ir-rilaxx tagħha jekk id-detenzjoni tkun illegali.

(c)

Kwalunkwe persuna trasferita ser tkun intitolata għal proċess fi żmien raġonevoli jew għal rilaxx.

(d)

Fid-determinazzjoni ta’ kwalunkwe akkuża kriminali kontriha, kwalunkwe persuna trasferita ser tkun intitolata għal smigħ ġust u pubbliku minn tribunal kompetenti, indipendenti u imparzjali stabbilit mil-liġi.

(e)

Kwalunkwe persuna trasferita akkużata b'reat kriminali għandha titqies innoċenti sakemm ma tiġix ippruvata ħatja taħt il-liġi.

(f)

Fl-determinazzjoni ta’ kwalunkwe akkuża kriminali kontriha, kull persuna trasferita ser tkun intitolata għall-garanziji minimi li ġejjin, f'ugwaljanza sħiħa:

(1)	Li tkun infurmata minnufih u fid-dettall f'lingwa li tifhem, bin-natura u l-kawża tal-akkuża kontriha;

(2)	Li jkollha żmien u faċilitajiet adegwati għat-tħejjija tad-difiża tagħha u li tikkomunika ma avukat tal-għażla tagħha;

(3)	Li l-kawża tinstema mingħajr dewmien bla bżonn;

(4)

Li l-kawża tinstema fil-preżenza tagħha, u li tiddefendi ruħha personalment jew permezz ta’ assistenza legali tal-għażla tagħha; li tkun infurmata, jekk ma għandhiex assistenza legali, b'dan id-dritt; u li jkollha assistenza legali assenjata lilha, f'kull każ fejn l-interessi tal-ġustizzja jeħtieġu hekk, u mingħajr ħlas minnha f'każ li ma jkollhiex mezzi suffiċjenti sabiex tħallas għaliha;

(5)	Li teżamina, jew tiġi eżaminata għaliha, l-evidenza kollha kontriha, inklużi affidavits ta’ xhieda li wettqu l-arrest, u li tikseb l-attendenza u l-eżami ta’ xhieda f'isimha taħt l-istess kondizzjonijiet bħal tax-xhieda kontriha;

(6)	Li jkollha assistenza b'xejn ta’ interpretu jekk ma tkunx tifhem jew titkellem il-lingwa wżata fil-qorti;

(7)	Li ma tkunx imġiegħla tixhed kontriha stess jew tammetti l-ħtija.

(g)

Kwalunkwe persuna trasferita li tiġi kkundannata b'delitt ser tkun permessa li jkollha d-dritt għal reviżjoni jew għal appell tal-kundanna u s-sentenza tagħha minn tribunal ogħla taħt il-liġi tal-Kenja.

(h)

Il-Kenja ma hijiex ser titrasferixxi xi persuna lejn Stat ieħor għall-finijiet ta’ investigazzjoni jew prosekuzzjoni mingħajr il-kunsens bil-miktub minn qabel mill-EUNAVFOR.

4. Piena tal-mewt

L-ebda persuna trasferita mhi ser tkun suġġetta għal sentenza tal-mewt. Il-Kenja sejra, konformement mal-liġijiet applikabbli, tieħu passi sabiex tiżgura li kull sentenza tal-mewt tinbidel f'sentenza ta’ ħabs.

5. Rekords u notifiki

(a)

Kwalunkwe trasferiment ser ikun suġġett għal dokument adatt iffirmat minn rappreżentant tal-EUNAVFOR u rappreżentant tal-awtoritajiet kompetenti tal-Kenja tal-infurzar tal-liġi.

(b)

L-EUNAVFOR ser tipprovdi rekords tad-detenzjoni lill-Kenja fir-rigward ta’ kwalunkwe persuna trasferita. Dawn ir-rekords ser jinkludu, sakemm huwa possibbli, il-kondizzjoni fiżika tal-persuna trasferita waqt id-detenzjoni, il-ħin tat-trasferiment lill-awtoritajiet Kenjani, ir-raġuni għad-detenzjoni tagħha, il-ħin u l-post tal-bidu tad-detenzjoni tagħha, u kwalunkwe deċiżjoni li ttieħdet fir-rigward tad-detenzjoni tagħha.

(c)

Il-Kenja ser tkun responsabbli għaż-żamma ta’ rekord akkurat tal-persuni trasferiti kollha, inkluż iżda mhux limitat għaż-żamma tar-rekords ta’ kwalunkwe proprjetà maqbuda, il-kondizzjoni fiżika tal-persuna, il-post ta’ fejn huma miżmuma f'detenzjoni, kwalunkwe akkuża kontriha u kwalunkwe deċiżjoni sinifikanti li ttieħdet matul il-prosekuzzjoni u l-proċess tagħha.

(d)

Dawn ir-rekords ser ikunu disponibbli għar-rappreżentanti tal-UE u tal-EUNAVFOR fuq talba bil-miktub lill-Ministru tal-Affarijiet Barranin tal-Kenja.

(e)

Barra dan, il-Kenja għandha tinnotifika lill-EUNAVFOR bil-post tad-detenzjoni ta’ kwalunkwe persuna trasferita taħt dan l-Iskambju ta’ Ittri, bi kwalunkwe deterjorament tal-kondizzjoni fiżika tagħha u bi kwalunkwe allegazzjoni ta’ trattament allegat mhux adatt. Ir-rappreżentanti tal-UE u tal-EUNAVFOR ser ikollhom aċċess għal kwalunkwe persuna trasferita taħt dan l-Iskambju ta’ Ittri sakemm tali persuni jkunu arrestati u jkunu intitolati li jinterrogawhom.

(f)

L-aġenziji umanitarji nazzjonali u internazzjonali, fuq talba tagħhom, ser jitħallew iżuru lill-persuni trasferiti taħt dan l-Iskambju ta’ Ittri.

(g)

Sabiex ikun żgurat li l-EUNAVFOR ikun jista’ jipprovdi assistenza f'waqtha lill-Kenja għall-attendenza tax-xhieda mill-EUNAVFOR u l-provvista ta’ evidenza rilevanti, il-Kenja ser tinnotifika lill-EUNAVFOR bl-intenzjoni tagħha li tibda proċedimenti ta’ proċess kriminali kontra kwalunkwe persuna trasferita u l-iskeda ta’ żmien għall-provvista ta’ evidenza, u s-smigħ tal-evidenza.

6. Assistenza tal-EUNAVFOR

(a)

L-EUNAVFOR, fil-mezzi u l-kapaċitajiet tagħhom, ser jipprovdu l-assistenza kollha lill-Kenja bil-ħsieb tal-investigazzjoni u l-prosekuzzjoni tal-persuni trasferiti.

(b)

B'mod partikolari, l-EUNAVFOR ser:

(1)	jippreżentaw ir-rekords tad-detenzjoni mfassla taħt il-Paragrafu 5(b) ta’ dan l-Iskambju ta’ Ittri;

(2)	jipproċessaw kull evidenza konformement mar-rekwiżiti tal-awtoritajiet kompetenti tal-Kenja kif miftiehem fl-arranġamenti tal-implimentazzjoni deskritti fil-Paragrafu 9;

(3)	ifittxu li jipproduċu dikjarazzjonijiet ta’ xhieda jew affidavits mill-persunal EUNAVFOR involuti f'xi inċident li b'relazzjoni miegħu persuni ġew trasferiti taħt dan l-Iskambju ta’ Ittri;

(4)	jippreżentaw il-proprjetà rilevanti maqbuda kollha fil-pussess tal-EUNAVFOR.

7. Relazzjoni ma’ drittijiet oħra ta’ persuni trasferiti.

Xejn f'dan l-Iskambju ta’ Ittri ma huwa maħsub li jidderoga jew jista’ jiġi interpretat li jidderoga minn kwalunkwe dritt li persuna trasferita jista’ jkollha taħt liġi domestika jew internazzjonali applikabbli.

8. Kollegament u disputi

(a)

Il-kwistjonijiet kollha li jistgħu jitqajmu f'konnessjoni mal-applikazzjoni ta’ dawn id-dispożizzjonijiet ser ikunu eżaminati b'mod konġunt mill-awtoritajiet kompetenti tal-Kenja u tal-UE.

(b)

Jekk ma tinstabx soluzzjoni minn qabel, id-disputi li jikkonċernaw l-interpretazzjoni jew l-applikazzjoni ta’ dawn id-dispożizzjonijet ser jiġu solvuti esklużivament b'mezzi diplomatiċi bejn ir-rappreżentanti tal-Kenja u tal-UE.

9. Arranġamenti implimentattivi

(a)

Għall-finijiet tal-applikazzjoni ta’ dawn id-dispożizzjonijiet, kwistjonijiet operazzjonali, amministrattivi u tekniċi jistgħu jkunu s-suġġett ta’ arranġamenti implimentattivi li għandhom ikunu approvati mill-awtoritajiet kompetenti tal-Kenja min-naħa waħda u l-awtoritajiet kompetenti tal-UE kif ukoll l-awtoritajiet kompetenti tal-Istati Mittenti min-naħa l-oħra.

(b)

L-arranġamenti tal-implimentazzjoni jistgħu, fost l-oħrajn, ikopru:

(1)	L-identifikazzjoni ta’ awtoritajiet kompetenti tal-infurzar tal-liġi tal-Kenja li l-EUNAVFOR jistgħu jittrasferulhom persuni.

(2)	Il-faċilitajiet ta’ detenzjoni fejn ser jinżammu l-persuni trasferiti.

(3)	L-immaniġġar ta’ dokumenti, inklużi dawk relatati mal-ġbir ta’ evidenza, li ser ikunu ppreżentati lill-awtoritajiet kompetenti tal-Kenja tal-infurzar tal-liġi meta jsir it-trasferiment ta’ persuna.

(4)	Punti ta’ kuntatt għan-notifiki.

(5)	Formoli li jintużaw għat-trasferimenti.

(6)	Il-provvista ta’ appoġġ tekniku, għajnuna esperta, taħriġ u assistenza oħra fuq talba tal-Kenja sabiex jinkisbu l-għanijiet ta’ dan l-Iskambju ta’ Ittri.

B. Ittra mir-Repubblika tal-Kenja

Nairobi, 6 ta’ Marzu 2009, 10.15 am

Sinjur,

Għandi l-unur ngħarrfek li rċevejt l-ittra tiegħek datata is-6 ta’ Marzu 2009 u l-Anness tagħha dwar il-kondizzjonijiet u l-modalitajiet tat-trasferiment ta’ persuni suspettati li kkommettew atti ta’ piraterija u li nżammu mill-Forzi Navali mmexxija mill-Unjoni Ewropea (EUNAVFOR), u proprjetà maqbuda fil-pussess tal-EUNAVFOR, mill-EUNAVFOR lill-Kenja u għat-trattament tagħhom wara tali trasferiment, li taqra kif ġej:

“B'referenza għall-ittra tiegħi ddatata l-14 ta’ Novembru 2008 u l-ittra tiegħek iddatata l-5 ta’ Diċembru 2008, jiena għandi l-unur nikkonferma l-intenzjoni tal-Unjoni Ewropea li tikkonkludi Skambju ta’ Ittri mal-Gvern tal-Kenja bil-ħsieb li jiġu ddefiniti l-kondizzjonijiet u l-modalitajiet għat-trasferiment ta’ persuni suspettati li kkommettew atti ta’ piraterija fl-ibħra internazzjonali u miżmuma mill-Forzi Navali mmexxija mill-Unjoni Ewropea (EUNAVFOR), u proprjetà maqbuda fil-pussess tal-EUNAVFOR, mill-EUNAVFOR lill-Kenja, u t-trattament tagħhom wara tali trasferiment.

—	ir-Riżoluzzjonijiet 1814 (2008), 1838 (2008), 1846 (2008), 1851 (2008) tal-Kunsill tas-Sigurtà tan-Nazzjonijiet Uniti (UNSCR) u riżoluzzjonijiet suċċessivi tal-KSNU,

—	il-Konvenzjoni tal-1982 tan-Nazzjonijiet Uniti dwar il-Liġi tal-Baħar (UNCLOS), b'mod partikolari l-Artikoli 100 sa 107,

—	il-Liġi Internazzjonali dwar id-Drittijiet tal-Bniedem, inkluż il-Patt Internazzjonali tal-1966 dwar id-Drittijiet Ċivili u Politiċi, u l-Konvenzjoni tal-1984 kontra t-Tortura u Trattamenti jew Pieni Oħra Krudili, Inumani jew Degradanti.

Inkun grat jekk inti tkun tista’ tikkonferma li taċċetta dawk id-dispożizzjonijiet f'isem il-Gvern tal-Kenja.

ANNESS

DISPOŻIZZJONIJIET DWAR IL-KONDIZZJONIJIET TAT-TRASFERIMENT TA’ PIRATI U ĦALLELIN ARMATI SUSPETTATI U TA’ PROPRJETÀ MAQBUDA MILL-FORZI NAVALI MMEXXIJA MILL-UE LIR-REPUBBLIKA TAL-KENJA

1. Definizzjonijiet

Għall-finijiet ta’ dan l-Iskambju ta’ Ittri:

(a)	‘Forza Navali mmexxija mill-Unjoni Ewropea (EUNAVFOR)’ tfisser kwartieri ġenerali militari tal-UE u kontinġenti nazzjonali li jikkontribwixxu fl-operazzjoni ‘Atalanta’ tal-EU, il-bastimenti, l-inġenji tal-ajru u l-assi tagħhom;

(b)	‘Operazzjoni’ tfisser it-tħejjija, l-istabbiliment, l-eżekuzzjoni u l-appoġġ tal-missjoni militari stabbilita mill-Azzjoni Konġunta tal-Kunsill tal-UE 2008/851/PESK u/jew is-suċċessuri tagħha;

(c)	‘Kmandant tal-Operazzjoni tal-UE’ tfisser il-Kmandant tal-Operazzjoni;

(d)	‘Kmandant tal-Forzi tal-UE’ tfisser il-Kmandant tal-UE fil-qasam tal-operazzjonijiet kif definit fl-Artikolu 1(2) tal-Azzjoni Konġunta 2008/851/PESK tal-Kunsill tal-UE;

(e)	‘kontinġenti nazzjonali’ tfisser l-unitajiet u l-bastimenti li jappartjenu lill-Istati Membri tal-Unjoni Ewropea u lill-Istati l-oħrajn li jipparteċipaw fl-operazzjoni;

(f)	‘Stat Mittenti’ tfisser Stat li jipprovdi kontinġent nazzjonali għall-EUNAVFOR;

(g)	‘Piraterija’ tfisser piraterija kif definita fl-Artikolu 101 tal-UNCLOS;

(h)	‘Serq bl-użu tal-armi’ tfisser atti kif definit fil-punt (g) meta kommessi fil-baħar territorjali ta’ Stat tal-kosta fiż-żona tal-Operazzjoni;

(i)	‘Persuna trasferita’ tfisser kwalunkwe persuna suspettata bl-intenzjoni li tikkommetti, li qed tikkommetti jew li kkommettiet, atti ta’ piraterija jew serq bl-użu tal-armi trasferita mill-EUNAVFOR lill-Kenja taħt dan l-Iskambju ta’ Ittri.

2. Prinċipji ġenerali

(a)

Il-Kenja ser taċċetta, fuq it-talba tal-EUNAVFOR, it-trasferiment ta’ persuni miżmuma mill-EUNAVFOR b'konnessjoni ma’ piraterija jew serq bl-użu tal-armi u proprjetà assoċjata maqbuda mill-EUNAVFOR u se tqiegħed lil dawn il-persuni u tali proprjetà f'idejn l-awtoritajiet kompetenti tagħha għall-finijiet ta’ investigazzjoni u prosekuzzjoni.

(b)

Meta jaġixxi taħt dan l-Iskambju ta’ Ittri, l-EUNAVFOR ser tittrasferixxi persuni jew proprjetà biss lill-awtoritajiet kompetenti tal-infurzar tal-liġi tal-Kenja.

(c)

3. Trattament, prosekuzzjoni u proċess ta’ persuni trasferiti

(a)

(b)

(c)

Kwalunkwe persuna trasferita ser tkun intitolata għal proċess fi żmien raġonevoli jew għal rilaxx.

(d)

(e)

Kwalunkwe persuna trasferita akkużata b'reat kriminali għandha titqies innoċenti sakemm ma tiġix ippruvata ħatja taħt il-liġi.

(f)

Fl-determinazzjoni ta’ kwalunkwe akkuża kriminali kontriha, kull persuna trasferita ser tkun intitolata għall-garanziji minimi li ġejjin, f'ugwaljanza sħiħa:

(1)	Li tkun infurmata minnufih u fid-dettall f'lingwa li tifhem, bin-natura u l-kawża tal-akkuża kontriha;

(2)	Li jkollha żmien u faċilitajiet adegwati għat-tħejjija tad-difiża tagħha u li tikkomunika ma avukat tal-għażla tagħha;

(3)	Li l-kawża tinstema mingħajr dewmien bla bżonn;

(4)

(5)	Li teżamina, jew tiġi eżaminata għaliha, l-evidenza kollha kontriha, inklużi affidavits ta’ xhieda li wettqu l-arrest, u li tikseb l-attendenza u l-eżami ta’ xhieda f'isimha taħt l-istess kondizzjonijiet bħal tax-xhieda kontriha;

(6)	Li jkollha assistenza b'xejn ta’ interpretu jekk ma tkunx tifhem jew titkellem il-lingwa użata fil-qorti;

(7)	Li ma tkunx imġiegħla tixhed kontriha stess jew tammetti l-ħtija.

(g)

(h)

Il-Kenja ma hijiex ser titrasferixxi xi persuna lejn Stat ieħor għall-finijiet ta’ investigazzjoni jew prosekuzzjoni mingħajr il-kunsens bil-miktub minn qabel mill-EUNAVFOR.

4. Piena tal-mewt

5. Rekords u notifiki

(a)

Kwalunkwe trasferiment ser ikun suġġett għal dokument adatt iffirmat minn rappreżentant tal-EUNAVFOR u rappreżentant tal-awtoritajiet kompetenti tal-Kenja tal-infurzar tal-liġi.

(b)

(c)

(d)

Dawn ir-rekords ser ikunu disponibbli għar-rappreżentanti tal-UE u tal-EUNAVFOR fuq talba bil-miktub lill-Ministru tal-Affarijiet Barranin tal-Kenja.

(e)

(f)

L-aġenziji umanitarji nazzjonali u internazzjonali, fuq talba tagħhom, ser jitħallew iżuru lill-persuni trasferiti taħt dan l-Iskambju ta’ Ittri.

(g)

6. Assistenza tal-EUNAVFOR

(a)

L-EUNAVFOR, fil-mezzi u l-kapaċitajiet tagħhom, ser jipprovdu l-assistenza kollha lill-Kenja bil-ħsieb tal-investigazzjoni u l-prosekuzzjoni tal-persuni trasferiti.

(b)

B'mod partikolari, l-EUNAVFOR ser:

(1)	jippreżentaw ir-rekords tad-detenzjoni mfassla taħt il-Paragrafu 5(b) ta’ dan l-Iskambju ta’ Ittri;

(2)	jipproċessaw kull evidenza konformement mar-rekwiżiti tal-awtoritajiet kompetenti tal-Kenja kif miftiehem fl-arranġamenti tal-implimentazzjoni deskritti fil-Paragrafu 9;

(3)	ifittxu li jipproduċu dikjarazzjonijiet ta’ xhieda jew affidavits mill-persunal EUNAVFOR involuti f'xi inċident li b'relazzjoni miegħu persuni ġew trasferiti taħt dan l-Iskambju ta’ Ittri;

(4)	jippreżentaw il-proprjetà rilevanti maqbuda kollha fil-pussess tal-EUNAVFOR.

7. Relazzjoni ma’ drittijiet oħra ta’ persuni trasferiti.

8. Kollegament u disputi

(a)

Il-kwistjonijiet kollha li jistgħu jitqajmu f'konnessjoni mal-applikazzjoni ta’ dawn id-dispożizzjonijiet ser ikunu eżaminati b'mod konġunt mill-awtoritajiet kompetenti tal-Kenja u tal-UE.

(b)

9. Arranġamenti implimentattivi

(a)

(b)

L-arranġamenti tal-implimentazzjoni jistgħu, fost l-oħrajn, ikopru:

(1)	L-identifikazzjoni ta’ awtoritajiet kompetenti tal-infurzar tal-liġi tal-Kenja li l-EUNAVFOR jistgħu jittrasferulhom persuni.

(2)	Il-faċilitajiet ta’ detenzjoni fejn ser jinżammu l-persuni trasferiti.

(3)	L-immaniġġar ta’ dokumenti, inklużi dawk relatati mal-ġbir ta’ evidenza, li ser ikunu ppreżentati lill-awtoritajiet kompetenti tal-Kenja tal-infurzar tal-liġi meta jsir it-trasferiment ta’ persuna.

(4)	Punti ta’ kuntatt għan-notifiki.

(5)	Formoli li jintużaw għat-trasferimenti.

(6)	Il-provvista ta’ appoġġ tekniku, għajnuna esperta, taħriġ u assistenza oħra fuq talba tal-Kenja sabiex jinkisbu l-għanijiet ta’ dan l-Iskambju ta’ Ittri.

”

Għandi l-unur nikkonferma, f'isem il-Gvern tar-Repubblika tal-Kenja, li l-kontenut tal-Ittra tiegħek u l-kontenut tal-Anness tagħha huma aċċettabbli għall-Gvern tar-Repubblika tal-Kenja. Kif espost fl-ittra tiegħek, dan l-istrument se jidħol fis-seħħ fuq bażi provviżorja mid-data tal-iffirmar ta’ din l-Ittra u se jidħol fis-seħħ meta kull wieħed mill-Firmatarji jkun lesta l-proċeduri interni tiegħu.

Nassigurak, Sinjur, mill-ikbar stima li għandi lejk.

Għall-Gvern tar-Repubblika tal-Kenja