(1)

I gcomhréir le hAirteagal 13 de Rialachán (AE) 2016/426 ó Pharlaimint na hEorpa agus ón gComhairle (2), maidir le fearais agus feistis atá i gcomhréir leis na caighdeáin chomhchuibhithe, nó codanna díobh, ar foilsíodh na tagairtí dóibh in Iris Oifigiúil an Aontais Eorpaigh, measfar go bhfuil siad i gcomhréir leis na ceanglais riachtanacha dá gcumhdaítear leis na caighdeáin sin nó le codanna díobh a leagtar amach sa Rialachán sin.

(2)

Le Cinneadh Cur Chun Feidhme C(2023)4789 ón gCoimisiún (3), d’iarr an Coimisiún ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) athbhreithniú a dhéanamh ar na caighdeáin chomhchuibhithe reatha a dréachtaíodh ar bhonn shainordú um chaighdeánú M/BC/CEN/06-89 an 29 Aibreán 1990 chun a áirithiú go leanfaidís de bheith ag teacht leis an úrscothacht a nglactar léi i gcoitinne chun na ceanglais riachtanacha sláinte agus sábháilteachta a leagtar amach in Iarscríbhinn I a ghabhann le Rialachán (AE) 2016/426 a chomhlíonadh.

(3)

Ar bhonn na hiarrata a leagtar amach i gCinneadh Cur Chun Feidhme C(2023)4789, rinne CEN athbhreithniú ar na caighdeáin chomhchuibhithe seo a leanas, ar foilsíodh na tagairtí dóibh in Iris Oifigiúil an Aontais Eorpaigh le Cinneadh Cur Chun Feidhme (AE) 2024/224 ón gCoimisiún (4): EN 30-1-1:2021, EN 30-1-2:2023, EN 88-1:2022, EN 203-1:2021, EN 203-2-1:2021, EN 203-2-2:2021, EN 203-2-4:2021, EN 257:2022, EN 549:2019+A1:2023, EN 751-3:2022, EN 1106:2022, EN 1854:2022, EN 15502-1:2021, EN 15502-2-1:2022 agus EN 16898:2022. Mar thoradh air sin, ghlac CEN na caighdeáin chomhchuibhithe athbhreithnithe seo a leanas, faoi seach: EN 30-1-1:2021+A1:2023, EN 30-1-2:2023+A1:2024, EN 88-1:2022+A1:2023, EN 203-1:2021+A1:2023, EN 203-2-1:2021+A1:2023, EN 203-2-2:2021+A1:2023, EN 203-2-4:2021+A1:2023, EN 257:2022+A1:2023, EN 549:2019+A2:2024, EN 751-3:2022+A1:2023, EN 1106:2022+A1:2023, EN 1854:2022+A1:2023, EN 15502-1:2021+A1:2023, EN 15502-2-1:2022+A1:2023 agus EN 16898:2022+A1:2023.

(4)

I gcomhar le CEN, rinne an Coimisiún measúnú ar na caighdeáin chomhchuibhithe a ndearna CEN athbhreithniú orthu féachaint ar caighdeáin iad a chomhlíonann an iarraidh a leagtar amach i gCinneadh Cur Chun Feidhme C(2023)4789.

(5)

An tagairt do chaighdeán comhchuibhithe EN 30-1-1:2021 maidir le sábháilteacht ghinearálta le haghaidh fearais chócaireachta tí a dhónn gás, foilsíodh an tagairt sin le Cinneadh Cur Chun Feidhme (AE) 2024/224 maille le srianta. Ní thugtar aghaidh ar na srianta sin le caighdeán comhchuibhithe EN 30-1-1:2021+A1:2023.

(6)

Na caighdeáin chomhchuibhithe a ndearna CEN athbhreithniú orthu ar bhonn na hiarrata a leagtar amach i gCinneadh Cur Chun Feidhme C(2023)4789, cé is moite de chaighdeán comhchuibhithe EN 30-1-1:2021+A1:2023, comhlíonann siad na ceanglais is aidhm dóibh a chumhdach agus a leagtar amach in Iarscríbhinn I a ghabhann le Rialachán (AE) 2016/426. Dá bhrí sin, is iomchuí na tagairtí do na caighdeáin sin a fhoilsiú in Iris Oifigiúil an Aontais Eorpaigh.

(7)

Comhlíonann caighdeán comhchuibhithe EN 30-1-1:2021+A1:2023 na ceanglais is aidhm dó a chumhdach agus a leagtar amach in Iarscríbhinn I a ghabhann le Rialachán (AE) 2016/426, cé is moite de na ceanglais a leagtar amach i bpointí 3.2.4 agus 3.4.4 d’Iarscríbhinn I a ghabhann le Rialachán (AE) 2016/426. Is iomchuí dá bhrí sin an tagairt don chaighdeán sin a fhoilsiú in Iris Oifigiúil an Aontais Eorpaigh maille le srianta.

(8)

Ar mhaithe le soiléireacht, réasúnaíocht agus simpliú, na tagairtí do chaighdeáin chomhchuibhithe a dréachtaíodh chun tacú le Rialachán (AE) 2016/426 agus a chomhlíonann na ceanglais is aidhm dóibh a chumhdach, ba cheart liosta iomlán de na tagairtí sin a fhoilsiú in aon ghníomh amháin. Na tagairtí do na caighdeáin chomhchuibhithe a dréachtaíodh chun tacú le Rialachán (AE) 2016/426, is le Cinneadh Cur Chun Feidhme (AE) 2024/224 atá siad foilsithe faoi láthair. Dá bhrí sin, is gá cinneadh nua a chur in ionad Chinneadh Cur Chun Feidhme (AE) 2024/224.

(9)

Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréir ann leis na ceanglais riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear an tagairt don chaighdeán sin in Iris Oifigiúil an Aontais Eorpaigh. Dá bhrí sin, ba cheart an Cinneadh seo a theacht i bhfeidhm ar dháta a fhoilsithe,