|
Iris Oifigiúil |
GA Sraith L |
|
2026/742 |
31.3.2026 |
RIALACHÁN (AE) 2026/742 ÓN gCOIMISIÚN
an 30 Márta 2026
lena leasaítear Iarscríbhinní II agus III a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh ciofluifeanaimíde, feanasacuine agus nicitín i dtáirgí áirithe nó ar tháirgí áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil iarmhar lotnaidicídí i mbia agus i mbeatha de bhunadh plandaí nó ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (1), agus go háirithe Airteagal 14(1), pointe (a), de,
De bharr an mhéid seo a leanas:
|
(1) |
I gcás na substaintí gníomhacha ciofluifeanaimíd agus feanasacuin, socraíodh uasleibhéil iarmhar (‘MRLanna’) in Iarscríbhinn II a ghabhann le Rialachán (CE) Uimh. 396/2005. I gcás na substainte gníomhaí nicitín, socraíodh MRLanna sealadacha i gCuid A d’Iarscríbhinn III a ghabhann leis an Rialachán sin. |
|
(2) |
A mhéid a bhaineann le ciofluifeanaimíd, cuireadh isteach iarratas ina n-iarrtar na MRLanna atá ann cheana a mhodhnú le haghaidh peirsile, sméara dubha, sútha craobh (iad dearg agus buí) agus ‘torthaí beaga eile agus caora eile’ de bhun Airteagal 6(1) de Rialachán (CE) Uimh. 396/2005. A mhéid a bhaineann le feanasacuin, cuireadh isteach iarratas den sórt sin le haghaidh piobar, trátaí agus ubhthorthaí. |
|
(3) |
I gcomhréir le hAirteagail 8 agus 9 de Rialachán (CE) Uimh. 396/2005, rinne na Ballstáit lena mbaineann meastóireacht ar na hiarratais sin uile agus cuireadh na tuarascálacha meastóireachta ar aghaidh chuig an gCoimisiún. Chuir an Coimisiún na hiarratais, na tuarascálacha meastóireachta, agus na sainchomhaid tacaíochta ar aghaidh chuig an Údarás Eorpach um Shábháilteacht Bia (‘an tÚdarás’). |
|
(4) |
Rinne an tÚdarás measúnú ar na hiarratais agus ar na tuarascálacha meastóireachta, agus rinne sé scrúdú faoi leith ar na rioscaí atá ann do thomhaltóirí agus, i gcás inarb ábhartha, d’ainmhithe, agus thug sé tuairimí réasúnaithe uaidh faoi na MRLanna atá beartaithe (2). Chuir sé na tuairimí sin ar aghaidh chuig na hiarratasóirí, chuig an gCoimisiún agus chuig na Ballstáit agus chuir sé ar fáil don phobal iad. |
|
(5) |
A mhéid a bhaineann leis na hiarratais sin uile, tháinig an tÚdarás ar an gconclúid go raibh na sonraí iomchuí chun na moltaí MRL le haghaidh na dtráchtearraí faoi mheasúnú a dhíorthú nó a dheimhniú. Dá bhrí sin, is iomchuí na MRLanna a iarradh le haghaidh ciofluifeanaimíde i bpeirsil, sméara dubha, sútha craobh (iad dearg agus buí) agus ‘torthaí agus caora beaga eile’ a shocrú; agus i gcás feanasacuine i bpiobair, trátaí agus ubhthorthaí ar na leibhéil a mholann an tÚdarás. Ar mhaithe le soiléireacht, ba cheart an fonóta ina léirítear go bhfuil easpa faisnéise ann maidir le trialacha iarmhar le haghaidh feanasacuine ar thrátaí a scriosadh ó Iarscríbhinn II a ghabhann le Rialachán (CE) Uimh. 396/2005. |
|
(6) |
A mhéid a bhaineann le nicitín i dtae, socraíodh MRL sealadach 0,5 mg/kg le Rialachán (AE) 2025/115 ón gCoimisiún (3) agus ba é Feabhra 2026 an sprioc-am chun athbhreithniú a dhéanamh. Tar éis an dáta sin, dhéanfaí an MRL a ísliú go huathoibríoch go 0,4 mg/kg mura modhnófaí é roimhe sin, i bhfianaise sonraí nua arna soláthar faoin 30 Meitheamh 2025. Léiríonn sonraí faireacháin a chuir oibreoirí gnólachtaí bia isteach laistigh den sprioc-am a leagadh síos nach féidir leibhéal 0,4 mg/kg a bhaint amach go forleathan. Is minic a bhíonn iarmhair nicitín i mbia mar gheall ar thosca amhail éilliú comhshaoil agus/nó monaraíochta nó táirgeadh inginiúil seachas mar gheall ar a úsáid mar lotnaidicíd. Ós rud é gur tháinig an tÚdarás ar an gconclúid go bhfuil leibhéal 0,5 mg/kg nicitín i dtae sábháilte do thomhaltóirí (4), is iomchuí an MRL sealadach 0,5 mg/kg atá ann faoi láthair le haghaidh nicitín i dtae a choinneáil ar bun chun iarmhair a eascraíonn as foinsí a d’fhéadfadh a bheith ann seachas úsáid lotnaidicídí a chur san áireamh agus chun síneadh a chur le bailíocht an MRL shealadaigh sin go dtí an 22 Feabhra 2030. |
|
(7) |
Dá bhrí sin, ba cheart Rialachán (CE) Uimh. 396/2005 a leasú dá réir. |
|
(8) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní II agus III a ghabhann le Rialachán (CE) Uimh. 396/2005 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 30 Márta 2026.
Thar ceann an Choimisiúin
An tUachtarán
Ursula VON DER LEYEN
(1) IO L 70, 16.3.2005, lch. 1, ELI: http://data.europa.eu/eli/reg/2005/396/oj.
(2) Modhnú a dhéanamh ar na huasleibhéil iarmhar atá ann cheana le haghaidh ciofluifeanaimíde i mbarra éagsúla. EFSA Journal [Iris EFSA] 2025;23(8): e9611, https://doi.org/10.2903/j.efsa.2025.9611.
Modhnú a dhéanamh ar na huasleibhéil iarmhar atá ann cheana le haghaidh feanasacuine i sútha talún, piobair, trátaí agus ubhthorthaí. EFSA Journal [Iris EFSA] 2025;23(7): e9604, https://doi.org/10.2903/j.efsa.2025.9604.
(3) Rialachán (AE) 2025/115 ón gCoimisiún an 21 Eanáir 2025 lena leasaítear Iarscríbhinní II agus III a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle maidir le huasleibhéil iarmhar le haghaidh flocsaipiorocsaid, lambda-ciahalaitrine, meatalacsaile agus nicitín i dtáirgí áirithe nó ar tháirgí áirithe (IO L, 2025/115, 22.1.2025, ELI: http://data.europa.eu/eli/reg/2025/115/oj).
(4) Statement on the short-term (acute) dietary risk assessment for the temporary maximum residue levels for nicotine in rose hips, teas and capers [Ráiteas maidir leis an measúnú ar riosca gearrthéarmach (géar) cothúcháin i ndáil leis na huasleibhéil shealadacha iarmhar le haghaidh nicitín i mogóirí róis, i dtaenna agus i gcaprais]. EFSA Journal [Iris EFSA] 2022;20(9): e07566, https://doi.org/10.2903/j.efsa.2022.7566.
IARSCRÍBHINN
Leasaítear Iarscríbhinní II agus III a ghabhann le Rialachán (CE) Uimh. 396/2005 mar a leanas:
|
(1) |
in Iarscríbhinn II, cuirtear an méid seo a leanas in ionad na gcolún le haghaidh ciofluifeanaimíde agus feanasacuine: ‘ Iarmhair lotnaidicídí agus uasleibhéil iarmhar (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
i gCuid A d’Iarscríbhinn III, cuirtear an méid seo a leanas in ionad an cholúin le haghaidh nicitín: ‘ Iarmhair lotnaidicídí agus uasleibhéil iarmhar (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(*1) Léiríonn an (*) íosteorainn an chinnidh anailísigh
(1) Chun liosta iomlán na dtáirgí de thionscnamh ainmhíoch agus plandaí a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I
(*2) Léiríonn an (*) íosteorainn an chinnidh anailísigh
(2) Chun liosta iomlán na dtáirgí de thionscnamh ainmhíoch agus plandaí a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I
ELI: http://data.europa.eu/eli/reg/2026/742/oj
ISSN 1977-0839 (electronic edition)